ZKIZ Archives


【王大陸熱演】Encore少女時代 我們的90年代

1 : GS(14)@2015-10-20 08:19:31

90年代嘅你,最愛係…華仔、城城、Leon、小志?織手繩、儲YES!Card、點唱傳情?定抑或如陽光…你將癡心亮起…暗戀緊靚仔學長?動新聞隆重請嚟電影《我的少女時代》「徐太宇」王大陸,帶大家重返90年代,仲出齊時尚男女必備嘅Walkman、記念冊、Gameboy、YES! Card等等,同大家回味少男少女情懷。唔睇片唔知,徐太宇除咗暗戀過陶敏敏、喜歡林真心,原來仲有一段情…遇見你的註定、她會有多幸運…講起90年代,當時嘅女生們,點至可以散發濃烈玉女味?我哋有請90年代潮流愛好者利嘉兒,分享佢喺影相擺甫士、打扮、妝容各方面嘅心得,expired都要學嘢!





來源: http://hk.apple.nextmedia.com/entertainment/art/20151020/19340280
大陸 熱演 Encore 少女 時代 我們 90 年代
PermaLink: https://articles.zkiz.com/?id=293365

【初四咁樣過】姨媽姑姐問題多 encore演唱會避年

1 : GS(14)@2017-01-19 08:09:01

三人正在為音樂會綵排。



「哎喲哎喲,我盆花就快死囉,求你好心畀我帶佢睇醫生好麼?哎喲哎喲,八達通唔見咗喎,戶口得番兩蚊你話點算囉。」唱緊乜?是三位80後施偉忠(C Chung)、黃瀞儀(Toby)、邱穩基(Eric)大年初四舉辦第二屆《逃避親戚音樂會》的主題曲,十個逃避同姨媽姑姐拜年的藉口。不過話時話,做乜驚到要走難咁先?

知你們關心我但可否深入少少


主要搞手音樂人C Chung小時候其實很期待新年,「那時可以收到很多利是錢,當然開心喇!但出身後就不開心,因為親戚問的問題對我來說很煩厭。既然年年都問一樣的問題,我就選擇了逃避。」C Chung新年索性宅在家,已經幾年沒去拜年。Freelancer Eric未婚,新年最常聽到親戚的奚落,「已婚的親戚如表弟給利是我,但又會專程問多句為何要給利是你。」Toby則略為幸運,親戚比較疼錫她,參加音樂會純粹想沾些人氣,「父母新年經常離開香港剩下我一個,所以今年就來湊熱鬧。」那麼,最怕親戚問甚麼問題?C Chung一口氣說:「做乜工?搵幾錢?結婚未?有一次我的親戚用鄉下話討論我職業,以為我聽不懂,後來我忍不住搭話大家就靜了。之後很識趣不再說我。(壞話來的?)那當然!」Eric和Toby都忍不住笑。同樣的問題年年問,其實已顯示了這位親戚平時少交往,唔慌「親」。但最令人不快的,其實是他們知道你的職業、生活不符他們的想像後,就急轉話講第二樣。Eric:「其實他們是關心,但太流於表面而已。」


搞音樂會波折重重

新年,還是熱熱鬧鬧開心好,「一想到有甚麼方法可以聚到一班人,第一個念頭就是音樂會。」第一屆在初三的街頭舉辦,出乎意料召來很多街坊,特別是新年冇嘢做,落街閒hea的街坊或獨居老人。成班創作人除了唱自己的原創音樂,還會唱《喜氣洋洋》搞氣氛,「我試過唱完有個伯伯派利是給我。(C Chung:點解我冇?)因為我唱小鳳姐囉!」氣氛雖好,但卻遇到不少阻攔,如去年他們在行車較少的路邊演唱,都有街坊投訴,遭警察趕走。最後轉戰碧街的半開放式公共空間,才得以完成。C Chung慨嘆:「街坊都逗留了足足三四小時坐到最後,很開心。但很諷刺,為何以前新年那麼自由,到處小販,人們在街上玩,但現在限制越來越多?」現在新年,的確連吃串魚蛋都難。今年他們吸取教訓,早三個月借到地方,日期是年初四,C Chung:「果日仍係公眾假,好多人得閒。」何不挑戰大年初一?他們耍手擰頭:「咁又唔敢,想死咩,年初一當然同最親的人過。」拜年平見,趁這機會,他們有些話跟親戚們講,C Chung笑得奸險,「下年我會搞擁抱親戚音樂會,到時叫你們來看。」Eric:「憤怒起上來我自己都害怕,所以新年不要逼我。」Toby尷尬地笑:「其實我沒有跟家人說,麻煩替我打馬賽克。祝各位新年快樂!」接着,他們繼續陶醉練歌,「我返shift仲要OT~~~Sorry I cannot拜年~I cannot拜年~~~」逃避親戚問候新年音樂會日期:1月31日(年初四、周二)時間:12nn-6pm地點:深水埗大南街196-198 Book B記者:鍾藹寧攝影:周芝瑩2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily


音樂會今年終覓得場地,圖為海報詳情。(受訪者提供)

三人寫下2017願望,不是親戚不再煩,反而分別是「Runningman繼續播」、「軍糧充足」和「超級放題」。

三人嘗試於公園綵排,瞬間吸引到少數族裔和老人家觀看。



來源: http://hk.apple.nextmedia.com/su ... t/20170119/19901338
初四 咁樣 樣過 姨媽 姑姐 問題 encore 演唱會 演唱 避年
PermaLink: https://articles.zkiz.com/?id=323279

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019