ZKIZ Archives


願與Miki廝守到老 郭永淳求婚?

1 : GS(14)@2015-03-07 09:00:13





■郭永淳前日在fb上載了這張跟Miki在海邊的合照。互聯網圖片


去年永安太子郭永淳(Edwin)為楊愛瑾(Miki)發聲明,澄清女友並非介入其第一段婚姻的第三者之後,二人低調的拍拖生活正式開綠燈,隨後Miki在多個公開場合被問到婚姻大事,她已毫無顧慮直認自己已年過三十歲,一直都準備就緒,相信只是等待男友Edwin開口求婚,Miki一顆恨嫁的心早已蠢蠢欲動。


■自從郭永淳公開與Miki的戀情後,兩人經常一齊出席派對。資料圖片

合照幸福滿瀉


郭永淳為Miki除小三惡名,可能是一個刻意的安排,最近郭永淳在facebook開戶,前日上載了一張跟Miki的合照,在疑似天空之鏡的地方,Miki倚傍着男友,兩人笑容一致,幸福甜蜜。郭永淳更寫下一段對Miki山盟海誓的表白:「Thank you for standing by me and believing in me. Let us spend the rest of our lives exploring this challenging and wonderful world together!Miki Yeung」似暗示要跟Miki長相廝守,郭永淳的朋友之後都紛紛留言祝賀兩人,有的更問Edwin是不是有好消息宣佈,問他是否已經訂婚。本報昨日致電Miki,她透過WhatsApp回覆:「多謝大家關心,下次見面再同大家分享。」撰文:非非





來源: http://hk.apple.nextmedia.com/entertainment/art/20150307/19066366
願與 Miki 廝守 到老 永淳 求婚
PermaLink: https://articles.zkiz.com/?id=288286

芬蘭答應求婚Miki甜認明年嫁郭永淳

1 : GS(14)@2015-04-30 09:04:27

■Miki與郭永淳屢被傳婚訊。資料圖片


楊愛瑾(Miki)與永安太子爺郭永淳拍拖8年,近期屢傳婚訊,有報道指兩人已於冰島註冊結婚,昨日Miki現身金鐘出席雜誌頒獎活動,她承認早前去了冰島和芬蘭慶祝生日,追問是否可以稱呼做郭太?Miki笑笑口說:「唔係,我都唔知點答你,仲係楊小姐。」不過她承認已獲男友求婚,Miki甜笑地說:「係喺芬蘭求嘅,喺冰天雪地,落緊雪嗰陣求婚。我都好surprise,一切來得太快,嚟唔切反應,但我好開心,因為想去嗰度好耐,想睇北極光。



■Miki昨日親口承認已獲男友郭永淳求婚,預計明年舉行婚禮。

■Miki(左)及郭永淳(右)經歷風雨,曾被拍到一起逼小巴。資料圖片



盼偏遠地方行禮

談到求婚過程,Miki說:「佢點樣做我都覺得浪漫,不過好得意,我冇喊。平時我係易感動易喊嘅人,今次反而冇。」她更坦承男友有跪低求婚:「其實佢唔做花巧嘢我都開心。」而婚禮的日子,Miki表示應是明年,希望在一個人少兼地方偏遠的地方舉行,她說:「我想簡簡單單,但因為結婚唔係兩個人嘅事,等雙方家長再傾,姊妹團走唔甩嗰幾個,定好晒啲嘢之後佢哋自己報名。」至於求婚戒的鑽石卡數?Miki說:「唔講呢啲,呢啲唔係最重要,佢送戒指糖一樣開心,最重要係兩人一齊,分享生活瑣事,兩人相處開心,平平淡淡已經好開心。」對於郭永淳的前妻伍智恆終於在微博謂祝福Miki,Miki聽聞後只說:「我有睇報紙,祝福所有人身體健康。」其後她被助手接走。


■JC着大U領口的連身裙現身,事業線非常搶鏡。

JC收心爆喊

此外,同場的Jessica C.透露在本月18日的27歲生日,與男友安志杰(Andy)親自下廚整早餐兼收到價值$24,700的Tiffany& Co.心形的頸鏈,她說:「收到嗰陣我感動到喊,今次有特別意義,佢知我喜歡心形飾物,就特登去揀,心意好重要。」至於會否期望收戒指?JC坦言:「冇期望,順期自然。」採訪:譚倩宜攝影:陳順禎





來源: http://hk.apple.nextmedia.com/entertainment/art/20150430/19130151
芬蘭 答應 求婚 Miki 甜認 明年 嫁郭 永淳
PermaLink: https://articles.zkiz.com/?id=290075

待嫁Miki與餅碎遊泰國

1 : GS(14)@2016-03-08 00:08:33

■Miki與一班好姊妹到泰國旅行,實行吃喝玩樂一番。微博圖片


前女子組合Cookies餅碎楊愛瑾(Miki)早前宣佈將於年中結婚,嫁給拍拖7年的永安太子郭永淳。不過Miki好口密,就算鄧麗欣(Stephy)爆她在外地搞婚禮,Miki只肯透露婚禮以簡單為主,並表示有向人妻Kary(吳雨霏)取經。雖然Miki忙於籌備婚禮,但她仍相約一班好姊遊泰國。上周五,Miki、Stephy、區文詩、以及朱韻韻等齊齊出發,在當地又吃又喝,區文詩忍不住表示「泰。梳乎」,而Miki在微博上載一張逛泰國街市的相片,並留言:「今日做咗一日師奶。」撰文:黃曉妍





來源: http://hk.apple.nextmedia.com/entertainment/art/20160307/19519109
待嫁 Miki 與餅 餅碎 碎遊 泰國
PermaLink: https://articles.zkiz.com/?id=297151

Miki:我們沒有回應Connie盼前夫郭永淳資助醫療費

1 : GS(14)@2016-05-08 02:56:17

■Miki和郭永淳昨日未有回應是否資助醫藥費。資料圖片


現年31歲的Cookies餅女楊愛瑾(Miki)跟永安太子爺郭永淳經歷8年風雨,上周六終於修成正果,跟郭永淳在深水灣鄉村俱樂部簽紙結婚,正式成為夫妻。不過此路不平坦,Miki一度被指跟有婦之夫相戀,並背上小三之名。而郭永淳的前妻伍智恆(Connie)自從離婚後,一直大病纏身,先後切除了胃部、膽囊、割去五分之四的小腸,又患上厭食症,體重暴跌變成骷髏人,去年在微博暗罵前夫毀了她的一生。



「祝福他們」

一直與病魔對抗的Connie,在前夫再婚時解開心結,為一對新人寄語無限祝福,但曾透露每年診療費高昂的Connie,大前日在微博留言表示:「其實我已經放開了和他的感情,唯一希望的,是他能資助一下我的醫療費用,三萬元一個月只能維持我幾天的醫藥費。不過與其把寄望放在別人身上,倒不如堅定相信上帝會供應。也請大家不要說一些傷害他們的說話了。畢竟他們結婚了,應該祝福他們,我也希望一對新人能開開心心生活下去。」而Miki昨日回覆本報時,只說:「我們沒有回應,多謝關心!」



■被病魔纏繞多年的Connie,體重暴跌皮包骨。微博圖片

■Connie不停接受手術,加上藥物費用,致醫療使費不菲。微博圖片



郭永淳早前跟Miki在芬蘭等地旅遊時求婚成功,他們更專程到意大利拍攝一輯婚紗照片,當時Miki所穿的婚紗出自土耳其品牌。Miki在婚宴上透露已相約眾餅女姊妹,齊齊生B。採訪:李森





來源: http://hk.apple.nextmedia.com/entertainment/art/20160507/19601242
Miki 我們 沒有 回應 Connie 前夫 永淳 資助 醫療費 醫療
PermaLink: https://articles.zkiz.com/?id=299979

Miki後日峇里開結婚P

1 : GS(14)@2016-05-21 17:49:41

■Miki(中)與一班姊妹出發外遊,更在短片中派飛吻。


楊愛瑾(Miki)跟拍拖8年的永安太子郭永淳修成正果,上月30日兩人在深水灣鄉村俱樂部結婚,坐正做郭太的Miki慶祝一浪接一浪,據知她跟老公將於後日在峇里搞結婚派對,前組合Cookies的好姊妹鄧麗欣、吳雨霏、區文詩(Angela)都會現身祝賀,Miki將在陽光與海灘下接受大家祝福。昨日記者致電Miki求證但未獲回覆,但其友人在社交網貼Miki出發相洩密,之前因病缺席深水灣婚禮的Angela,這兩日貼出身處峇里的相片,問Angela是否出席Miki結婚派對?她說:「會呀。」但就不肯證實地點是否就在峇里,她只說:「我現在這一刻是在峇里度假。」採訪:皓騫





來源: http://hk.apple.nextmedia.com/entertainment/art/20160519/19617587
Miki 後日 結婚
PermaLink: https://articles.zkiz.com/?id=300730

Miki狂歡老公冇影

1 : GS(14)@2016-05-21 19:04:22

楊愛瑾(Miki)上月底下嫁永安太子爺郭永淳,日前她與一班好姊妹飛到印尼峇里狂歡,前日她更在Instagram上載坐泳池邊的「影後」照。有傳Miki此行除了是度蜜月,還會在當地再舉行一次結婚派對,事關之前在香港深水灣鄉村俱樂部舉行的結婚派對主要遷就香港親友,這次希望再與一班好友玩個痛快。
Miki昨日再貼相到Ig,見她只是穿上白色露肩裝,站在沙灘吹海風,Miki還留言說:「藍天白雲的520。」雖然Miki借機表達愛意,不過連續兩日都未見她與Miki與老公郭永淳的甜蜜照。撰文:李察





來源: http://hk.apple.nextmedia.com/entertainment/art/20160521/19621168
Miki 狂歡 老公 冇影
PermaLink: https://articles.zkiz.com/?id=300988

Miki愛的宣言:願意日日食咖哩

1 : GS(14)@2016-05-22 12:16:11

■楊愛瑾與郭永淳昨日在峇里舉行婚禮,露玉背的新娘展現幸福笑容。


Cookies餅女楊愛瑾(Miki)與永安太子爺郭永淳上月底在港簽紙註冊結婚,昨日在印尼峇里舉行陽光與海灘的婚禮,好姊妹鄧麗欣、區文詩、側田、富商曾文豪大女曾昭怡等出席,而吳雨霏因工作在身未有飛去。


■區文詩(左)與鄧麗欣(右)亦有出席Miki婚禮。


Miki身穿美國時裝品牌Vera Wang現身,郭永淳在愛的宣言中表示,感到找對了一個值得一世去分享的人,而Miki亦謂對方有一顆仁慈的心及令她有正能量,更笑言:「我應承你,無論乜嘢事我都會喺你身邊支持你,就算你每日都要食咖哩我都會陪你食,我會盡量將darts(飛鏢)變成我嘅興趣。最重要嘅係I will love you forever!」撰文:唐如





來源: http://hk.apple.nextmedia.com/entertainment/art/20160522/19622525
Miki 愛的 宣言 願意 日日 咖哩
PermaLink: https://articles.zkiz.com/?id=301087

Miki增肥趕生B

1 : GS(14)@2016-07-12 03:19:33

■Miki昨日對好姊妹吳雨霏有傳懷孕,表示不知情。


楊愛瑾(Miki)昨日於觀塘apm出席可口可樂收藏展,剛到過希臘旅行的Miki,經常大晒比堅尼照,她說:「夏天唔好着咁多衫,努力操腹肌,不過呢一個月懶咗。」為了養好身子,她表示要開始增肥,生B隨緣。提到好姊妹吳雨霏有傳懷孕,Miki表示不知情,會否鬥快生B?她笑說:「比賽?好難。」提到傅穎之前被指膠面,於網上拍片教化膠妝,Miki說:「咁正!我冇睇,好大膽,我自己都唔敢唔化妝,不嬲佢化妝係叻,我哋以前搵緊好嘅化妝師時,佢已經鑽研化妝,好叻。」問Miki會否覺對方好膠?她說:「唔覺,大個咗,成熟咗,靚咗。大咗點都有少少變啩,17、8歲到而家,我自己都唔同,細個有baby fat,脹啲,而家瘦啲,不過好恐怖㗎,一上鏡就大面。」採訪:羅慧敏攝影:仇志德





來源: http://hk.apple.nextmedia.com/entertainment/art/20160711/19689277
Miki 增肥 肥趕 趕生
PermaLink: https://articles.zkiz.com/?id=303282

Stephy突與小方爆分手Miki修成正果快做媽媽

1 : GS(14)@2016-11-06 15:49:11

今年30歲嘅吳雨霏(Kary),2002年同鄧麗欣、楊愛瑾及傅穎等8位女仔組成Cookies出道,3年後獨立發展,去年同有「網球王子」之稱的初戀情人洪立熙結婚,日前Kary公開承認不幸小產,目前經已走出陰霾,重新出發,然而昔日的隊友狀況各異。楊愛瑾( Miki)今年4月同相戀8年嘅永安太子郭永淳修成正果,剛剛仲宣佈已經成功懷孕,好快就會榮升做媽媽喇!鄧麗欣( Stephy)同方力申被公認為金童玉女,但今年3月,Stephy同小方突然發聲明宣佈分手,消息震驚全港。何綺玲(Elaine)離隊後便淡出娛圈返番澳門生活同完成學業,o依家係位白領麗人,14年3月結婚。傅穎(Theresa)11年開始轉戰大陸,今年7月曾返港宣傳新書,期間接受《蘋果》專訪,自爆有個蒙古男友,細佢三歲。區文詩(Angela)跟唱片公司解約轉型到港台做DJ,12年推出唱片。最近向電台請假一年,達成周遊列國的心願,先後到美國、意大利、韓國、紐西蘭等地享受人生。陳素瑩(Gloria)離開Cookies後,到英國修讀金融和會計課程,以及到曼徹斯特大學讀碩士,14年更考獲會計師牌。馬思恆(Helena)曾到美國修讀藝術治療課程,10年回港跟餅碎合體演出,當時話佢有意拍電影同從事Model工作。蒲茜兒(Serena)曾擔任DJ,現已退出娛圈。11年跟男友結婚,翌年因在加拿大安胎,而錯過擔任Shine演唱會嘅嘉賓。




來源: http://hk.apple.nextmedia.com/entertainment/art/20161106/19824495
Stephy 突與 小方 分手 Miki 修成 正果 快做 媽媽
PermaLink: https://articles.zkiz.com/?id=314258

Miki陀B想食大閘蟹

1 : GS(14)@2016-12-03 05:12:33

■Miki懷孕三個月但穿上鬆身衫,未明顯見肚。



楊愛瑾(Miki)懷孕三個月後,昨日首度與老公郭永淳一同在圓方出席《第一屆無國界醫生電影節》揭幕禮。對於BB性別,她賣關子說:「我哋知道,但想留住秘密遲啲講。聖誕節唔可以周圍去,而家最想食大閘蟹,但要出年先食得。」問到是否想小朋友將來做有意義的事?她說:「如果係醫生材料,都希望佢幫到人。」同場的鄭秀文(Sammi)希望可以跟無國界醫生出外探訪,但擔心自己礙手礙腳。對於蘇永康將做爸爸,她一早知道,問想不想有BB?她說:「冇好強烈做媽咪嘅慾望,交畀天父。」採訪:曹家誠攝影:仇志德




來源: http://hk.apple.nextmedia.com/entertainment/art/20161202/19851964
Miki 想食 大閘蟹 大閘
PermaLink: https://articles.zkiz.com/?id=318097

Miki胎教睇學友騷

1 : GS(14)@2017-01-05 08:01:12

歌神張學友昨晚在紅館舉行尾場演唱會,前日元旦,安胎中的楊愛瑾(Miki)出動朝聖,她去年4月嫁給永安太子爺郭永淳,同年11月宣佈有喜,估計Miki現懷胎約5個月。
Miki趁完騷,不忘入後台找學友集郵,她昨在Instagram貼相:「2017年第一天過得好開心。」記者昨問Miki是否讓腹中BB聽學友的歌胎教,Miki短訊回覆:「聽歌神唱歌。」相中的Miki仍然臉尖尖,穿上鬆身外套。Miki昨日懶床,卻被愛犬Toffee站在床邊投訴,她忍不住說:「我知我真係瞓太多,但係我肚裏面嗰位小朋友想我多休息嘛,你等等我,好快會同你玩㗎喇!」Toffee索性將行動升級跳上Miki床抗議。採訪:劉敏




來源: http://hk.apple.nextmedia.com/entertainment/art/20170103/19884454
Miki 胎教 學友
PermaLink: https://articles.zkiz.com/?id=321259

身體好轉急速步走Miki老公拖實 出街胎教

1 : GS(14)@2017-01-09 08:11:28

【一心二用】■郭永淳拖着Miki,邊行邊回頭跟朋友傾偈。
DV圖片





【銅鑼灣】現年31歲的前Cookies餅女楊愛瑾(Miki),與永安太子爺郭永淳上年4月在深水灣鄉村俱樂部舉行結婚派對,到11月就宣佈有喜3個月,預產期為今年5月。至於陀的是仔還是女,Miki之前表明不會向外公佈,希望保持神秘感。雖然懷了第一胎,但準媽媽Miki依然活躍,不時外出。日前一個晚上約9時許,她偕老公郭永淳手拖手在銅鑼灣逛街,同行還有三大一小朋友。已經見肚的Miki心情不錯,穿了波鞋,行得好輕鬆,步速亦頗快,她全程得到老公照顧。牽着Miki手的郭永淳邊行邊回頭與朋友聊天,反而Miki說話不多。


等夫先上車

一行人走到一個咪錶位上車,當晚由其中一位男友人開車,Miki兩夫妻及一大一小朋友就坐在後座乘客位。Miki站在路邊開車門後並沒有立刻上車,而其夫就兜去另一邊上車,坐在後座中間,Miki見老公上了車坐好,她才慢慢上車。



■Miki陀B五個月,身形依然瘦。

■Miki等老公安坐好才上車。

■Miki去年嫁給郭永淳並懷孕,預產期是今年5月。資料圖片


近月胃口好

事後本報致電Miki,問她懷孕後的近況?她以短訊回覆說:「最近身體幾好呀,多謝關心!之前唔係好舒服,近呢個月身體好番好多,食番多啲嘢,冇之前咁攰,所以多咗出街散步。」
Miki與郭永淳相戀8年,拍拖期間一直背上「小三」之名,因兩人相戀初期很低調,外界又不知男方正與前妻伍智恆在分居階段,到後來伍智恆說出早已分居,公開祝福Miki,認為對方為愛已付出很多,不應再給她壓力,才讓Miki擺脫小三之名。採訪、攝影:梁繼光、朱志聰




來源: http://hk.apple.nextmedia.com/entertainment/art/20170109/19890578
身體 好轉 急速 步走 Miki 老公 拖實 出街 胎教
PermaLink: https://articles.zkiz.com/?id=322033

Miki為BB食營養早餐冧飲老公「迷湯」:清茶淡飯好幸福

1 : GS(14)@2017-01-09 08:11:28

楊愛瑾(Miki)上年十月底宣佈為永安太子爺郭永淳陀B,一向面尖瘦底嘅佢就喺貼相上Instagram,話自己塊面「福氣咗」,仲好「圓咕碌」。睇番Miki啲日常生活照,發現佢近排多咗好多食嘢相,其中有一碗生果乳酪,佢喺張相度留言話:「準備吃我的早餐,Raspberries+ Blueberries+ Yogurt,以前都不會每天吃早餐的我,現在每天都會吃,因為肚子裏的小東西要吃嘛。」至於郭永淳雖然貴為太子爺,但佢原來都係「愛妻號」,日前Miki po相上IG,話郭永淳煲湯畀朋友飲,而佢獲得其中一碗,睇落好似冇特別,但Miki寫嘅hashtag就露晒玄機,佢話:「我最鍾意湯飯」、「清茶淡飯好幸福」、「他說這是全世界最好飲嘅紅蘿蔔湯」,重點係最尾嗰個「我好贊成」嘅tag,郭太明顯冧到暈。




來源: http://hk.apple.nextmedia.com/entertainment/art/20170109/19891283
Miki BB 營養 早餐 老公 迷湯 清茶 淡飯 飯好 幸福
PermaLink: https://articles.zkiz.com/?id=322036

Miki米奇陪安胎

1 : GS(14)@2017-01-18 08:04:31

娛樂圈有多位準媽媽,預備生雞B,當中包括楊愛瑾(Miki)、吳若希(Jinny)及葉翠翠等。楊愛瑾(Miki)跟永安太子爺郭永淳的愛情結晶品將於5、6月出生,日前她在不同社交平台貼相及以英文留言謂:「做小孩是最快樂的事。今天和米奇老鼠共度美好時光。」相中的她拿着一串氫氣球,腳步輕盈在行樓梯,看來真的好開心。葉翠翠則貼自己吃營養餐的相。



■吳若希留家安胎,下廚煮兩味。互聯網圖片

近日天氣轉冷,懷孕近5個月的Jinny亦乖乖留家安胎,男友Alex日前在Instagram上載Jinny在家中入廚的相片,還留言說:「此人非常賢淑」。撰文:李察




來源: http://hk.apple.nextmedia.com/entertainment/art/20170117/19898957
Miki 米奇 安胎
PermaLink: https://articles.zkiz.com/?id=322953

準媽媽Miki開迎B派對

1 : GS(14)@2017-03-22 00:47:15

■臨盆在即的Miki,一臉幸福和老公郭永淳開迎B派對。



楊愛瑾(Miki)跟永安太子郭永淳結婚約一年,去年11月親證造人成功。距離BB出世尚有一個月,Miki日前在Instagram貼了幾張大肚寫真相,和最近勤力做運動、操到心口有排「朱古力」的老公齊齊晒肚,Miki回應本報時更說生B後會跟老公一齊做運動。相隔幾日,Miki昨日孖老公與好友舉行baby shower派對,迎接BB即將誕生,Miki還用英文寫長文,指自己這個月超忙,尤其陪月通知她因為臨時有事未能幫忙。她表示有很多BB用品未買,間屋又亂,個肚就越來越大。撰文:小米



■Miki獲大批朋友祝賀快將升呢當媽媽。互聯網圖片





來源: http://hk.apple.nextmedia.com/entertainment/art/20170321/19964503
媽媽 Miki 開迎 派對
PermaLink: https://articles.zkiz.com/?id=328217

鄧麗欣爆Miki陀仔

1 : GS(14)@2017-04-04 08:59:27

鄧麗欣昨日在觀塘出席「藍服日2017」,對於好姊妹楊愛瑾(Miki)預產期快到,她笑言未準備禮物,會否做契媽?她說:「我又冇諗過,因為我已經係兩個契仔嘅契媽,我驚契得多唔係幾好,大家知道關心對方就得,最緊要係BB健康。」Miki生女就有個契女,她卻口快快說:「仔嚟㗎!」活動上,鄧麗欣呼籲大眾關注自閉症,她表示情緒紓緩,最終要靠自己,不讓自己不開心一星期。問到跟舊愛方力申分手,也是花一星期調節情緒?她說:「唔開心每個人都有,但係咪一定要好表達出嚟呢,我會用其他方法,打波、做運動去抒發。」採訪、攝影:黃曉妍




來源: http://hk.apple.nextmedia.com/entertainment/art/20170403/19978143
鄧麗 麗欣 欣爆 Miki 陀仔
PermaLink: https://articles.zkiz.com/?id=329165

「唔痛可以生多一個」Miki誕大眼仔 花名LuLu

1 : GS(14)@2017-04-08 19:39:49

■楊愛瑾上月30日順產誕囝囝,B仔出世已經眼仔睩睩。互聯網圖片



現年32歲的「餅碎」楊愛瑾(Miki),去年與永安太子爺郭永淳結婚,同年宣佈有孕,上月30日肚中「慈枯椗」搶閘出世,Miki昨早在Instagram貼出一家三口相,郭永淳單手抱B,非常熟手,BB眼仔睩睩,五官標致,還展示得戚笑容,Miki留言:「我的小東西等不及出來見世界,所以早產了。」Miki更搞笑叫囝囝做LuLu,她指囝囝早產兩周,出世時體重不足6磅,母子平安。



■楊愛瑾去年與郭永淳婚後即宣佈有喜。資料圖片

■Miki囝囝叫Luken,花名LuLu。互聯網圖片


早產兩星期

LuLu仔出世一周,對新手媽咪Miki來說,當然手忙腳亂,Miki昨日有空即透過短訊回覆,分享新任媽咪感受:「BB上個禮拜已經出世喇!佢叫Luken,意思係『bringer of light』。」
Miki提到LuLu仔出世時情況說:「囝囝喺產房一出世就已經眼仔睩睩周圍望,好似想快啲見到我哋咁。佢出世未夠6磅,醫生話佢身體一切健康,叫我哋唔使擔心。因為BB早咗兩個星期出嚟,上星期朝早突然發現BB有想出嚟嘅先兆,成個人都變得好緊張,孭住走佬袋入到醫院。我一直都好擔心順產究竟係點,好在醫院嘅醫生同護士大家都講解得非常專業,所以過程一切都非常順利,冇我想像中咁痛苦。生完嗰一刻,我仲即刻講笑咁同老公講『咦!可以即刻生多一個喎』!」



■鄧麗欣(左)直言好想見LuLu仔,區文詩(右)表示已探過Miki。資料圖片

鄧麗欣恨見

順產的Miki已經出院返家坐月,她也開始忙碌湊B生涯:「?家返到屋企,每日都好忙,好多嘢要學,所以同大家報完喜之後我哋又要繼續努力喇!多謝大家嘅關心。」Miki一索得男,餅碎區文詩昨在電話中說:「探咗BB啦,好恭喜佢哋,好幸福,我探佢哋時BB瞓緊覺。不過都睇到樣子精緻、眼好大,同爸爸媽媽都似樣。」她表示送了實用嬰兒用品作賀禮。另一餅碎鄧麗欣昨也說:「我未探BB呀,好開心,見到BB相好搞笑、好得意,未見過BB一出世對眼咁大,好想見真人。」吳雨霏都讚BB可愛,她同樣忙錄音未探望。採訪:陳杰、皓騫




來源: http://hk.apple.nextmedia.com/entertainment/art/20170407/19982101
唔痛 可以 生多 一個 Miki 誕大 大眼 眼仔 花名 LuLu
PermaLink: https://articles.zkiz.com/?id=329561

吳雨霏買禮探Miki囝囝

1 : GS(14)@2017-04-09 10:49:38

■吳雨霏表示復活節後會去探望Miki囝囝(小圖)。



吳雨霏(Kary)前晚在銅鑼灣出席時裝品牌派對,近日她重投工作,問是否要日日煮早餐給老公?她說:「近排佢唔喺香港,停一段時間,不過佢好快返,復活節會去旅行,當休息。」會否順便造人?她說:「今年唔做住,因為做唱片先。」問是否打算調理好身體再造人?Kary說:「我恃住後生,事業衝吓先。身邊好多朋友生咗,唔急仲有時間。」好友楊愛瑾(Miki)早前誕下囝囝,Kary表示復活節後會去探望:「仲未有時間買禮物,送實用嘢為主,或者直接問有乜需要。」而Miki昨在Instagram貼了囝囝擘大口相,非常可愛。採訪:張俊銘攝影:陳慧安




來源: http://hk.apple.nextmedia.com/entertainment/art/20170409/19984307
雨霏 買禮 禮探 Miki 囝囝
PermaLink: https://articles.zkiz.com/?id=329821

【馮仁昭四圍超】結婚周年後盾論 Miki情話冧老公

1 : GS(14)@2017-05-01 11:57:45

■噚日係Miki同郭永淳結婚一周年紀念。互聯網圖片





餅女楊愛瑾(Miki)08年同永安集團太子爺郭永淳撻着,雖然當時郭永淳已經同有病嘅前妻伍智恆(Constance)分居,但因為兩人始終未辦妥離婚手續,令Miki背上「小三」之名。直至14年郭永淳發聲明,澄清Miki唔係第三者,話同前妻正式分居同決定離婚之後先認識Miki,令佢哋一向低調嘅拍拖生活正式開綠燈。



■LuLu眼仔睩睩,好可愛。

一起走過崎嶇

Miki同郭永淳舊年4月30號排除萬難拉埋天窗,到今年3月Miki為郭永淳生咗個仔Luken(乳名LuLu),一家三口幸福美滿。唔經唔覺,噚日係Miki同郭永淳結婚一周年紀念,Miki就喺Ig冧爆老公話:「就這樣過了一年,由我們兩口子到今天的身份都變了,多了個小寶貝,責任都變得重大,你亦說:『我們要在任何一個人跌倒時扶着對方走過,亦都要有耐性和體諒對方。』一段關係就是這樣,無論發生甚麼事,大家都是對方的最強後盾。感謝你一直都在我身旁讓我握着你的手走過每一段路,有你在,再崎嶇,我們都一起走過。I Love You。」呢幾日Miki都有喺Ig貼囝囝嘅相,LuLu眼仔睩睩真係好可愛。撰文:馮仁昭



難得生性暴龍哥創科眾籌夢,遭隱世肥報販秒殺!https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170501/20006992
馮仁 仁昭 四圍 結婚 年後 盾論 Miki 情話 老公
PermaLink: https://articles.zkiz.com/?id=332167

【正印反擊】Miki戀郭永淳狂捱鬧

1 : GS(14)@2017-05-28 10:38:14

楊愛瑾



愛上人夫,介入別人婚姻,往往背負「小三」之名,圈中亦有不少女星被正印開口鬧爆。


楊愛瑾

Miki被爆戀上已婚永安太子爺郭永淳,因男方未辦妥離婚,遭男方患重病的妻子伍智恆多次數臭。前年郭永淳澄清與前妻離婚後才認識Miki,二人去年結婚,今年3月更誕下兒子。



戴夢夢

前年和太極鼓手朱翰博(Ricky)在中環拖手斷正,Ricky太太爆料聲稱兩人尚未離婚,但男方表示與太太已分居多月。



楊恭如

02年捲入上海富商周正毅婚外情,同年10月在銅鑼灣當眾被周正毅太太毛玉萍掌摑,事件轟動一時,但事後周正毅公開維護女友。



陳明君(原名陳梅馨)

98年介入姜皓文和金慧英之間,姜皓文強調已和金慧英分手,陳明君才是心中至愛,被金慧英踢爆講大話,但翌年姜皓文忽然和金慧英結婚。




來源: http://hk.apple.nextmedia.com/entertainment/art/20170528/20036090
正印 反擊 Miki 戀郭 永淳 狂捱 捱鬧
PermaLink: https://articles.zkiz.com/?id=334323

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019