Laneige《太陽》唇膏港銷量升3倍
1 :
GS(14)@2016-05-08 01:52:37■《太陽的後裔》的女主角宋慧喬所用的Laneige雙色唇膏，近期熱賣。 互聯網
【本報訊】「韓流」旋風襲全球，由十多年前《大長今》到最近的「劉大尉」。《太陽的後裔》雖落幕，人氣有增無減，經濟效益更高達1兆韓圜（約68億港元）。韓國化妝品龍頭AmorePacific香港分公司巿務總監鄭載歡指，宋慧喬所用的Laneige雙色唇膏，3月銷量按年爆升3倍，「哈韓族」消費力絕「唔嘢少」。記者：江靖然
鄭載歡早前接受專訪時表示，雙色唇膏銷量按年升3倍，帶動Laneige（香港）3月及4月整體同店銷售升幅達高雙位數。「唔少客入到舖都唔使揀，直接畀錢買宋慧喬用嗰枝唇膏」。據知，該唇膏系列共有14隻色，劇集在Viu TV播出短短一周，已有7隻色全線斷貨。受惠客源增加，品牌氣墊粉底及化妝產品也有顯著升幅，單計3月及4月，Laneige化妝品銷售增長超過高雙位數。
■單計3及4月，Laneige化妝品銷售增長超過高雙位數。 何詠賢攝
■鄭載歡指，香港入口的韓國化妝品數量「仲升緊」。 何詠賢攝
韓化妝品出口增53%
韓國早前公佈，今年首季GDP增長僅0.4%，整體出口更下滑13%，連續15個月錄跌幅。然而化妝品卻逆巿跑出，按年增22%。政府政策鼓勵企業研發及韓劇熱潮，刺激韓國化妝品銷情，上月韓國關稅廳公佈，去年化妝品出口額按年升53.1%，達24.5億美元（約190億港元），較2011年增加3.5倍。「唔係一套劇集咁簡單，而係用文化推廣商品」中大市場學系教授冼日明指，韓國政府近年積極投資文化產業，滲透力甚至衝出亞洲，去到歐美等地。事實上，早於97金融風暴後，時任韓國總統的金大中便提出「文化立國」，意味繼製造業之後，文化成為重要出口產業。年前韓國有研究提出「四倍效應」，即文化產業出口每增加100美元，可令韓國商品出口增加412美元。時至今日，韓國娛樂或飲食文化等，無一不受各地歡迎，周邊商品銷售亦因而受惠。冼日明表示，除了產品本身「得唔得」，亦要與顧客有聯繫及引起共鳴，「你用完BB cushion都覺得自己似宋慧喬㗎」。
專家：韓潮流續盛行
曾任韓國觀光大使的中韓混血兒Sue Chang指，連串熱賣劇集及綜藝節目不只令商家受惠，「好多節目會去到韓國各地景點取景，不少朋友睇過之後，都會特登去」。數據顯示，去年韓國航空旅客人數升至8,941萬歷史新高。冼日明笑言，相信韓國潮流會繼續盛行，即使中國經濟日漸強大亦難追上，因為顧客「唔buy」其軟實力（文化），「欠缺一種普世價值——誠信，好多產品嘅品質有問題嘛」。
來源:
http://hk.apple.nextmedia.com/financeestate/art/20160505/19598447
LANEIGE逆市擴張 旺角開旗艦
1 :
GS(14)@2016-07-14 07:27:34【明報專訊】即使香港零售市道疲弱，但化妝品零售跌幅跑贏大市，韓國化妝品集團AmorePacific香港市務總監鄭載歡表示，本港韓國化妝及護膚品市場所受的衝擊更小。公司計劃今年繼續逆市擴張，年底前港分店數目將由目前約50間增至60間，其中，年內第3季將於旺角西洋菜開設LANEIGE旗艦店。香港全年亦會再聘逾百人。
AmorePacific：韓妝市場衝擊小
鄭載歡表示，今年上半年韓國化妝品進口至本港貨量有雙位數增長，現時集團包括亞洲及歐美地區的海外市場，其營業額去年佔整體業務20%，單是亞洲市場銷售升幅更逾50%。集團去年營業額達5.66萬億韓圜（約383億港元），按年上升20%。截至今年3月底止，首季海外市場經營溢利按年升36.7%至79.4億韓圜（約5.4億港元），目標於2020年營業額達12萬億韓圜（約671億港元）。
港元強勢 本地與韓售價差一成
公司今年將斥資2,000萬港元翻新10間香港LANEIGE門店，當中8間已完成翻新。近期港元持續強勢，鄭載歡表示，已有逾一成產品因匯率波動而作出價格調整，現時韓國與本港產品售價價差大大概維持約一成。公司對今年下半年本港銷售感樂觀，雖然1至2月銷售額較平穩，惟自3月起各品牌銷售增長幅度理想，不過，公司暫時未有計劃引入母公司更多品牌來港。
來源:
http://www.mpfinance.com/fin/dai ... 1565&issue=20160714
LANEIGE「魔鏡」 顧客自助試妝
1 :
GS(14)@2016-07-14 07:27:43【明報專訊】韓國化妝品集團AmorePacific旗下LANEIGE品牌今年陸續翻新門店，最特別之處係每間新店都安裝咗一塊「魔鏡」叫Beauty Mirror，有咗呢塊「鏡」，以後就唔使由BA姐姐幫你上妝，你只需要喺鏡上面揀你鍾意嘅產品，佢就會自動偵測你嘅五官，幫你自動上妝。
自動偵測五官 app可下載
「魔鏡」除咗安置喺新裝修門店，顧客亦可喺app store下載。集團香港市務總監鄭載歡噚日喺傳媒午宴上，就即席畀記者試用呢個App，貪靚嘅小琴梗係第一時間試試！App入面好多化妝品，例如BB Cushion、眼線、眼影，甚至佢哋嘅王牌，雙色唇膏都有得試！鄭載歡話，魔鏡不知幾受顧客歡迎，好多人企喺鏡前「試妝」，已經可以揀到啱自己嘅化妝品。
小琴「試用」過BB Cushion，發現上妝後個樣似用咗美圖秀秀多啲，用嚟幻想吓自己化咗明星妝個樣都仲可以，如果真心想試產品，都係去門店叫BA姐姐幫手比較好。
email:
[email protected][小琴密語]
來源:
http://www.mpfinance.com/fin/dai ... 6713&issue=20160714
消委評分低 Laneige解畫
1 :
GS(14)@2016-11-24 07:18:10【明報專訊】最近有個調查喺小琴同「中女」朋友們之間受到重點關注，就係早前消委會聯同國際消費者研究及試驗組織（ICRT）測試17款保濕面霜，並邀請逾500名人士接受為期四周的測試。結果顯示，價值285元的「Laneige水庫凝肌舒緩啫喱」保濕效能表現最低分，5分之中只獲1.5評分。
Laneige作為AmorePacific旗下品牌之一，小琴噚日見到AmorePacific Hong Kong市務總監鄭載歡噚日就解釋話，因為接受相關測試嘅人主要為中性及乾性肌膚；而「Laneige水庫凝肌舒緩啫喱」屬於啫喱面霜，較適合中性及混合肌膚人士使用，除咗有保濕功能以外，亦有平衡面部水份同油份嘅功效，所以難以一概而論。
推優惠挽信心
為咗挽回信心，Laneige宣布，由即日起至11月30日，用戶前往門店購買品牌全線、合共7款面霜產品，若使用後未達致預期效果，即可享30日內無條件退款保障，放心，小琴係唔會買咗用到差不多一個月就換貨咁無品嘅。
[小琴密語]
來源:
http://www.mpfinance.com/fin/dai ... 5444&issue=20161124
雪花秀Laneige減價最多35%
1 :
GS(14)@2017-01-12 08:00:36■AmorePacific Hong Kong市務總監鄭載歡。 江靖然攝
【本報訊】面對韓圜貶值，AmorePacific Hong Kong上周率先調整本港「雪花秀」及「Laneige」超過280種產品定價，幅度由3%至35%不等。市務總監鄭載歡解釋，調整並非為促銷，而是想拉近港韓兩地差價。惟亦有店員透露，因水貨及其他化妝品牌競爭加劇：「價格抵咗，可以留得住部份去韓國先掃平貨嘅客。」
韓圜跌 減價助拉近差價
韓圜兌美元由去年中高位至今，最多曾貶值近一成。鄭載歡表示，價格調整於上周四（5日）開始，暫未見人流急升，強調降價是拉近與韓國的差價，品牌亦非首次減價，雪花秀曾因滙率波動於2008年減價。本報記者昨午到Laneige九龍分店觀察，未見人流增多，店員指有旅客「見平咗幾十蚊，都會特地買多件」。另一員工指，內部消息指因應水貨及品牌間競爭加劇，相信降價有助吸納原計劃到韓國「掃平貨」的顧客。是次降價幅度最多的為Laneige「水凝潔膚泡沫」，由原價200元調整至130元。年前因劇集《太陽的後裔》而熱爆的的「Two Tone Lip Bar」（不包括「V型雙色唇膏」）亦屬調整範圍內，售價由210元降至185元。
來源:
http://hk.apple.nextmedia.com/financeestate/art/20170111/19892958
Next Page