📖 ZKIZ Archives

大師系列 ---- I only fly First Class

Fitness First亞洲押重注 擲十一億擴充　謀進軍中韓

1 : GS(14)@2014-09-29 23:52:17

http://hk.apple.nextmedia.com/financeestate/art/20140929/18882828

                              

                                【訪問】
健身中心品牌Fitness First兩年前由私募基金Oaktree Capital and Marathon入主後，決定押注在亞洲地區大展拳腳，將豪擲近1.4億美元（約11億港元）發展五年計劃，更已「目及實」中國及南韓兩大市場，並打算用少於五年時間正式進軍中國。
記者：吳永強
吉隆坡報道                                  

              

                                       

                  Fitness First兩年前易主，集團亞太區行政總裁Simon Flint接受訪問時表示：「當時在英國及澳洲的生意慘淡，Oaktree入主後便著手重整債務，令集團可以再作融資」，因而有足夠財力開動今次的五年計劃，冀至2019年集團於亞洲區的健身中心數目由現時的88間增至130間，會員數目亦希望增長約六成。
現時集團來自亞太區的收入約達16.4億港元，收入按年增長約5%，未算特別標青，但Simon仍睇好亞洲區未來的增長潛力，並已訂下每年收入增幅達雙位數的目標。                                                    

              

                                             

觀塘開店避免貴租金

                Simon指出由於亞太區的健身中心滲透率仍然遠低於歐美市場，相信隨着越來越多人注重健康生活，亞洲區健身生意將大有作為，「美國、英國及澳洲有四至六成的人口有參與各類健身活動，但亞洲區平均只有2%至3%，就算最高的新加坡亦只有約6%。」
雖然亞太區增長的主要動力來自新加坡及泰國，再加上香港亦算是較成熟的市場，但Simon指香港始終是First Fitness12年前落戶亞洲的首站，所以亦不會完全忽視在香港的發展。不過Simon亦坦言，「在香港做生意最大的支出就是租金，我相信對任何人來說都不是秘密」。而他亦認為在港發展一定要，「在對的地方賣啱的產品。」正如集團今年於觀塘新開的分店，一方面能避開港島區的昂貴租金，同時亦能吸納家庭主婦及退休人士等不同客路，「會繼續搵相類似的地點，複製相同的模式。」他指出每間新店的投資成本約為2,200萬港元，不過未有透露回本期的長短，僅指投資每間新店，「一定要有健康的回報」。                                                    

              

                                             

港會員年增近雙位數字

                香港現有多個大大小小的健身中心品牌，Simon亦認為香港的健身市場競爭頗為激烈，「不但是賣會藉，還要給予顧客品牌的體驗。」他強調集團過去在香港注重建立品牌口碑，「我們要明白顧客想要什麼，不想要什麼。」特別是在Fitness First的健身中心內，不會有職員主動向顧客推銷個人健身課程。現時Fitness First在香港有約2萬名會員，每年會員數目的增長接近雙位數字，Simon相信隨著集團繼續於香港開分店，會員的增長幅度將能維持。
除了繼續在包括香港等已有版圖擴展外，Fitness First亦有打算進軍其他亞洲國家，並已「目及實」中國及南韓兩大市場，其中，更準備在少於5年時間登陸中國。
Simon更指出，「我們注意到越來越多中國人有興趣建立更健康的生活模式。過去亦一直有研究Fitness First的品牌及生意模式如何於中國實踐，一旦時機成熟就會加入中國市場，相信時間亦不會太長。」                                                        

---

2 : GS(14)@2014-09-29 23:52:32

http://hk.apple.nextmedia.com/financeestate/art/20140929/18882831


【三個概念】
不少香港人雖然願意花錢購買健身中心會籍，但Fitness First亞太區行政總裁Simon Flint卻發現，當中有部份人未能持之以恒落場健身，最終錢少了，但磅數卻增加了。
故此，Fitness First通過名為「CAR」的招數，以提高會員對健身興趣，更實際的是能令會員續會率維持高水平。
設計遊戲式訓練

Simon解釋指，「CAR」是由三個概念組成，分別是勝任（Competency），「就是教授會員健身知識，令他們懂得如何健身」；自主能力（Autonomy），「讓會員能夠自己選擇健身時間及方式」；至於關係（Relatedness），「特別是社交關係，我們會介紹會員互相認識」。
除此之外，Simon表示，他們亦都設計了「Free style group training」的遊戲式健身訓練，並且代替一般只利用機械器材的傳統健身模式。他認為，只要會員認為健身並不是一件苦差，便自然會有動力上健身房。
他又補充指，遊戲式健身訓練另一賣點是在半小時內能同時鍛鍊身體多個部份，「香港人都是沒有空閒時間」事實上，通過以上的方式去提高會員的健身興趣，亦令Fitness First在港會員的續約率一定保持在70%的高水平。

---

大台又抄橋？《潮流教主》勁似日劇《First Class》

1 : GS(14)@2016-03-05 01:26:31

喺大台孭得飛嘅花旦走一個、走下又一個，如果你屋企嘅公仔箱，因為家人而慣性常開，就會發覺啲女一角色，睇嚟睇去都係啲新晉力谷小花陳凱琳、蔡思貝等，即係連演技都唔可以叫好嗰啲，大台力谷仲有李佳芯同陳瀅，好似大台近日播《潮流教主》，講陳豪做時尚雜誌總編輯，帶領旗下一班女職員搞fashion，似就似係玩新嘢!不過啲劇情又係抄日劇《First Class》，當中被網民封為「世紀煩音達」嘅蔡思貝，亦繼續做一啲熱血努力角色，唔少網民都覺得佢慘被大台「定型」，就好似幾個女演員演開被強姦嘅角色，就長期喺劇中被姦，認真夠晒悽涼，認為蔡思貝可以演啲cool嘅角色。昨日有周刊稱大台劇《潮》係抄兩年前嘅日劇《First Class》，呢套日劇第二輯上年更喺J2台播過，蔡思貝演嘅「張逸寧」仲同《First Class》女主角「吉成千奈美」澤尻英龍華好似，又係講一個打扮好娘嘅女仔入行，喺最top嘅潮流雜誌社，點被公司啲人恰，個人點上進，角色同劇情都大致相同，報道更指，有一集更加離譜，連劇情都一樣，講有個model甩底，要臨時搵人頂上做model，蔡思貝著嘅背心裙，仲要同《First Class》嘅吉成千奈美差唔多款拍攝當中亦加咗好多內心劇嘅位，不過唔係用眼神去交代，而係用內心對白去演，呢個都係日劇最常用嘅手法，大台o依家先抄嚟當新嘢遲唔遲啲，另外，陳豪喺劇中成日叫啲下屬去天台，《First Class》亦有唔少重要場景喺天台拍攝噃!角色當然唔止抄一個喇，楊秀惠演嘅富二代角色都有「藍本」就係喺《First Class》由菜菜緒演嘅「千金高層」，又係女主角吉成千奈美嘅死敵，咁啱楊秀惠喺劇中又係蔡思貝嘅死敵，就係撞都冇咁橋!不過，成套劇最多人彈嘅係陳豪演戲，造型明扮時裝界名人「老佛爺」Karl Lagerfeld，咁陳豪本身夠高，絕對係model底子，但唔係「教主」feel，有網民覺得個角色如果由黃子華去演一定更好。





來源: http://hk.apple.nextmedia.com/entertainment/art/20160304/19516176

---