ZKIZ Archives


Eason買億元保險玩滑梯

1 : GS(14)@2015-04-06 14:45:24





■Eason笑言穿上十五磅骷髏衫又跳又唱會變瘦,不用減肥。


陳奕迅(Eason)前晚假長沙舉行巡唱,以全新舞台和戰衣登場,不但站在離地16呎的吊橋演唱,又要從13呎的大滑梯急速滑下,故公司為他買1億1千7百萬保險,Eason最初都覺得太誇張,怎知綵排時穩如泰山的滑梯,正式演出時卻不停震動,他嚇到心驚驚說:「唔知係咪因為我有188.8磅呢!」





戰衣方面,一件亮燈鐵架衣重達30磅,另一件閃燈骷髏衫近15磅,着住骷髏衫唱快歌的Eason笑說:「我滑完梯後又跳又唱,真係有啲命都冇嘅感覺,所以大家唔使叫我減肥,我估唱多兩場會瘦過楊千嬅,哈哈哈!」撰文:皓騫





來源: http://hk.apple.nextmedia.com/entertainment/art/20150406/19102451
Eason 買億 億元 保險 滑梯
PermaLink: https://articles.zkiz.com/?id=289276

Eason俾阿妹迷暈

1 : GS(14)@2015-04-11 11:26:23

台灣天后張惠妹前晚找來陳奕迅(Eason)擔任嘉賓,為了今次的演出,兩人私下商量了一段時間,最後決定合唱《最愛的人傷我最深》。原來在阿妹心目中,這首歌佔有一個頗大的份量,因為這首歌是她與已故的恩師張雨生合唱,意義重大,如同《因為愛情》在Eason心中有個專屬王菲的位置一樣,所以當她向Eason提出此想法時,感同身受的Eason很快便答允。之後Eason亦唱了《浮誇》,令台下歌迷聽得如癡如醉,事後Eason更說:「我在台下聽到忘了要上台當嘉賓,好好看的演唱會,今天我成為你的超級歌迷!」撰文:張曦彤





來源: http://hk.apple.nextmedia.com/entertainment/art/20150410/19106835
Eason 阿妹 迷暈
PermaLink: https://articles.zkiz.com/?id=289458

Eason都搭巴士港鐵野生捕獲好容易?

1 : GS(14)@2015-05-25 23:59:37

有人問佢,佢就會講,集合人人來!陳奕迅其實有話要講,終得到轉載!蘋果facebook《Eason問診大會》足本版,一連N日《蘋果動新聞》睇到飽!快啲去片啦!





來源: http://hk.apple.nextmedia.com/entertainment/art/20150523/19157851
Eason 都搭 巴士 港鐵 野生 捕獲 好容易
PermaLink: https://articles.zkiz.com/?id=290556

原來過得不快樂?Eason︰永遠唔會100% happy

1 : GS(14)@2015-05-26 08:56:25

有人問佢,佢就會講,集合人人來!阿陳奕迅其實有話要講,終得到裝載!《Eason問診大會》足本版,一連N日《蘋果動新聞》睇到飽!





來源: http://hk.apple.nextmedia.com/entertainment/art/20150526/19161015
原來 過得 得不 快樂 Eason 永遠 唔會 100% happy
PermaLink: https://articles.zkiz.com/?id=290587

Eason大碟8首禁6首過唔到大陸審批

1 : GS(14)@2015-06-08 08:44:56

阿臣陳奕迅依家喺內地開巡迴,重心市場已然轉移。不過,原來阿臣都有不獲內地審批嘅時候——講緊嘅,係佢2013年隻碟,《The Key》。全碟有8首歌,有6首,不獲內地審批。日前阿臣出席商台節目《陳奕迅無條件點唱會》,顧名思義係點唱會,當然有阿臣清唱,不過更多人關心嘅係大碟不獲審批一事,此事對阿臣而言,是一次重大打擊。阿臣於節目中話:「上一隻碟有啲挫敗感,2012年尾開tour,放咗三個月假,7月又開騷,又要搞隻碟,好趕,隻碟有十首歌,結果兩隻做唔起。」阿臣續道:「其實呢隻碟……我都好想內地朋友有得聽,但唔知點解八隻有六隻批唔到。(咩叫唔批?)即係過唔到審批。香港好彩唔使審批住……仲。唔知點解《任我行》一定批,但又唔知點解《床頭床尾》都唔過喎,《斯德哥爾摩情人》又唔過喎,嗰陣開始好懊惱,開始有個陰霾,都陰霾咗年幾。」咁當時仲有邊四首歌係唔批?或者簡單啲,有邊兩首歌係獲批嘅呢?1.《主旋律》2.《告別娑婆》3.《斯德哥爾摩情人》4.《任我行》5.《遠在咫尺》6.《失憶蝴蝶》7.《床頭床尾》8.《阿貓阿狗》





來源: http://hk.apple.nextmedia.com/entertainment/art/20150607/19175321
Eason 大碟 首禁 首過 過唔 唔到 大陸 審批
PermaLink: https://articles.zkiz.com/?id=290722

我Q你答問會:全智賢 VS 老婆阿徐Eason只能揀一個

1 : GS(14)@2015-06-10 09:01:59

■陳奕迅被問到有關脫髮問題時,他瀟灑回應。攝影:陳志嵐髮型:Derek Li@Xenter化妝:Karry Wong


連續一星期刊登的《我Q你答問會》,第二彈輪到「吹神」陳奕迅(Eason)嚟玩啦!日前Eason到將軍澳蘋果大樓坐定定,喝着咖啡睇16位在銅鑼灣行街的讀者的提問,連揀A餐定B餐的有趣問題,他都無條件地爽快答大家。有讀者問Eason閉起雙眼會掛念誰?他的答案竟然不是「老婆徐濠縈」而是另一位女藝人的名字,完全不怕被老婆扭耳仔。採訪:皓騫、魏嘉琳



■Eason話好想演丁蟹,因為「未試過揼人落街」。

■Eason話自己有陪過老婆徐濠縈跑步,但因為步速唔同,所以唔再陪。




1.呂同學:我想問你《大時代》裏面想做邊個角色呢?

Eason:呢個學生講嘢好快,同埋笑容好靚。都係丁蟹啦,我未試過揼人落街,連續揼4個,嗰種狀態已經失去理智,好狠!




2.彭同學:幾耐去一次炳記(茶檔)?點解撞極都撞唔到你?

Eason:呢位男同學有啲嗲,我其實朝早去炳記多啲,佢6、7點開門,可能你返咗學啦,炳記都正。




3.劉同學:你早餐會食A餐多定B餐多?

Eason:(大笑)乜嘢料?我冇理A、B喎真係,我就咁指住個牌,通常食五香肉丁公仔麵、腸蛋,唔知A、B乜嘢餐。




4.顏小姐:你老婆靚啲定全智賢靚啲呀?

Eason:嘩!(諗咗30秒)好難答喎呢題,各有各靚啦,我同我老婆熟啲,對一個人有感情,梗係唔同啲,問得幾好喎呢題。




5.黃先生:可唔可以唱兩句《無條件》畀我聽呀?

Eason:「當潮流愛新鮮,當旁人愛標籤」




6.王小姐:你最近有冇買CD?有邊個歌手推介吓?

Eason:外國買咗Blur《魔鞭The Magic Whip》,本地就盧凱彤《Pillow Talk》、李榮浩兩隻碟都鍾意,楊千嬅、梁漢文又未出,你試吓搵武漢樂隊逃跑計劃,好嘢嚟。




7.李小姐:你個女咁靚,如果佢帶男仔返屋企叫你Uncle,你會點反應呀?

Eason:多謝先呀,叫我Uncle我覺得啱,唔通叫我哥哥,叫我Uncle都幾有禮貌。




8.蕭小姐:你扮鹹(譚)校長同張學友咁叻,你仲識扮邊個呀?

Eason:(抵死地)邊個叫鹹校長?我其實幾鍾意扮郭富城,通常都係圍內,好欣賞佢仲係咁fit,同埋佢啲歌真係幾好聽。




9.黃小姐:你瞓覺有冇鼻鼾㗎?

Eason:我真係唔知,聽聞有,都幾大聲。




10.梁先生:你認為一段關係點先係無條件?

Eason:我個人好少有條件,唔識答,我冇乜要求,簡單咪得囉,唔好諗咁多。





來源: http://hk.apple.nextmedia.com/entertainment/art/20150610/19178539
答問 全智賢 VS 老婆 阿徐 Eason 只能 一個
PermaLink: https://articles.zkiz.com/?id=290757

我Q你答問會:人人問Eason閉起雙眼你最掛念誰?

1 : GS(14)@2015-06-10 09:02:16

■被問到「閉起雙眼你最掛念誰」,Eason即答:「韓紅!」


連續一星期刊登的《我Q你答問會》,第二彈輪到「吹神」陳奕迅(Eason)嚟玩啦!日前Eason到將軍澳蘋果大樓坐定定,喝着咖啡睇16位在銅鑼灣行街的讀者的提問。




11.謝小姐:你有冇試過無條件做一件事?

Eason:我基本上冇乜條件做任何嘢,畀條件自己就有,我冇乜提出條件,咁樣係咪開心啲,你試吓,做嘢唔使有條件,好正。




12.楊小姐:你有冇陪老婆跑步,你想唔想跑馬拉松?

Eason:點解問得咁尷尬?我其實有陪佢跑步,陪過一次跑7K落雨,唔係好想再陪,唔係常人可以做到,搭車咪得囉。




13.溫先生:你閉起雙眼會掛念誰?

Eason:咁就梗係韓紅啦,哈哈哈哈。




14.林先生:你同韓紅唱歌好精采,下次想同邊個合作?

Eason:香港人講嘢點解咁話中有話?哈哈哈,我真係比較被動,唯一一次主動係同王菲,而佢又肯做我嘉賓算係咁,下次邊個好呢?同……金城武合作啦,因為佢同阿徐(徐濠縈)拍過MV,搵佢拍我MV好喎。




15.梁小姐:你成日all back怕唔怕甩頭髮?

Eason:而家唔會呀,剪短咗蔭唔過眼,我成日咁做,好明顯唔怕啦,係咪都會甩㗎啦,唔緊要,種頭髮囉,而家科技咁發達,食啲首烏囉,啊!首烏係整黑色唔關事,冇嘢嘅,最緊要個人有味道,唔怕啦。




16.葉小姐:追多個B想揀仔定女?

Eason:順其自然啦,如果真係追到仔女都冇乜所謂,兩邊都改定名先囉。





來源: http://hk.apple.nextmedia.com/entertainment/art/20150610/19178989
答問 人人 Eason 閉起 雙眼 你最 掛念
PermaLink: https://articles.zkiz.com/?id=290758

【好戲派】Eason張艾嘉玩轉辦公室

1 : GS(14)@2015-09-22 02:24:40

一代新人勝舊人?這一代年輕人在職場上已「進化到」以WhatsApp溝通、辭職,眼前只有智能手機,食飯對住電腦螢幕。科技可變人心不變,投機取巧、爾虞我詐、推莊卸膊在職場上浩氣長存。杜琪峯的新作《華麗上班族》就借周潤發、張艾嘉論盡辦公室政治。嫌悶加埋陳奕迅、湯唯辦公室政治加唱歌跳舞,真係有得諗喎!撰文:藍文浩



上映日期:9月24日



早前杜琪峯、張艾嘉及陳奕迅(Eason)為電影《華麗上班族》宣傳接受本報訪問,《華》片改編自舞台劇。故事以2008年金融海嘯中的辦公室生態作主題,杜琪峯導演欣賞後即決定要改編成電影版,以張艾嘉、周潤發、Eason及湯唯擔正演出。



■戲中一幕張艾嘉與Eason決裂,兩人在擂台上較勁。劇照

■陳奕迅笑言跟湯唯的互摑戲份,令他印象深刻。劇照

■好戲之人張艾嘉及周潤發坐鎮,道盡華麗背後的職場黑暗。劇照



演衰格阿頭

訪問一開始,擔任電影版監製、編劇兼演的張艾嘉說:「其實我寫嘅時候金融海嘯未開始,所以(舞台劇)演出嘅時候邊做邊改,改成同金融海嘯有關,雷曼兄弟就係當時爆煲。」飾演唯利是圖不擇手段中層頭目的Eason,接受訪問當日必恭必敬,杜Sir於內地宣傳時對他亦讚口不絕,Eason笑說:「我冇諗住有隻手指公㗎!我好珍惜呢個機會,真係好開心。套戲有阿叔(張叔平)、發哥、湯唯、杜Sir同張姐,有邊個會唔想做?即刻話做,做乜都得!古裝都做!」Eason新秀出身後就已加入樂壇,似乎未有機會做打工仔,問到如何將一個衰格阿頭演繹到形神俱似時,他說:「其實都係以人出發,講人性,做演員要有某程度上嘅imagination。片場嘅佈景已經令我說服到自己。」張姐笑問:「而家知道乜叫accumulator(累計期權)啦?」Eason說:「本身唔知,完全唔知,乜期指、股票,完全唔識。」杜Sir即笑說:「即係當年冇瀨過嘢啦。」


■陳奕迅在戲中演繹衰格阿頭,周旋於張艾嘉與湯唯之間。

與湯唯互摑

其中一場戲張姐與Eason接近決裂,兩人在擂台上講手,鏡頭不長,不過兩人提起卻同時叫苦連天,張姐苦笑說:「都唔知點解會寫一場咁嘅戲畀自己。」另外一場Eason則與湯唯互摑,他說:「我冇留力,佢都冇留力呀!我反應嚟㗎咋,俾人打咪打番佢囉,你有冇試過俾人戴住戒指打?不過做戲冇得諗咁多,做戲最好玩就係可以滿足你平時做唔到嘅嘢嘛!」
Eason飾演的王大偉於片中周旋於張姐與湯唯之間,卻只是為了利益而維持關係,問到與湯唯合作的感受時,Eason笑說:「佢一去到現場就真係好似一個會計部主管,我哋唔使特別溝通,成個過程好smooth。反而群戲有問題,有一場我要逆流逼過人群跑上樓梯,要就攝影機速度,梯級又通窿,其實好攰。我叫製片同導演講,拍多兩個take好喇,我真係唔係好掂,因為下晝仲有一場好激動嘅戲,怕體力透支,不過真係好難忘。」
Eason又笑着說:「今次華人電影入面一個好新嘅嘗試,學到好多唱歌學唔到嘅嘢。好多人話個樂壇好需要我,好似個個都走晒去拍戲咁,咁我就繼續做好我嘅音樂先,亦都歡迎大家加入樂壇。今次係唔會有人拒絕嘅一個機會,所以我好幸運。得閒叫謝霆鋒、楊千嬅佢哋唱吓歌囉,不過真係要睇佢哋自己點諗啦。」



張艾嘉化妝:Annie G. Chan髮型:Ben Lee@AGLOW private I
Eason化妝:Karry Wong髮型:Hei Lee@Xenter





來源: http://hk.apple.nextmedia.com/entertainment/art/20150919/19301083
好戲 Eason 張艾嘉 玩轉 辦公室 辦公
PermaLink: https://articles.zkiz.com/?id=292391

坤哥叱咤大勝捧三獎壓Eason奪最喜愛男歌手

1 : GS(14)@2016-01-04 14:37:13

■吳業坤昨晚連奪生力軍金獎、叱咤十大歌曲及我最喜愛的歌曲大獎,再次忍不住淚水。仇志德攝


【本報訊】由商台主辦的「2015年度叱咤樂壇流行榜頒獎典禮」昨晚頒發43個獎項,入行僅5年的人氣爆燈新人吳業坤大勝,力壓陳奕迅(Eason)奪我最喜愛的男歌手、我最喜愛的歌曲及生力軍金獎,他領獎時再次霧濕眼鏡兼興奮激凸還喊到扯蝦,謝安琪就蟬聯我最喜愛的女歌手。記者:黃君怡



■祖兒捧着第十個叱咤女歌手金獎,喜上眉梢。

■叱咤男歌手金獎得主張敬軒有感而發,表示幸福唔係必然。



叱咤商台45年的俞琤,元旦正式離任副主席之位,昨晚假灣仔會展舉行的「2015年度叱咤樂壇流行榜頒獎典禮」,開場時林海峰向俞琤致謝。入行僅5年的25歲吳業坤,以新人姿態全擸有份角逐的3個獎項,包括我最喜愛的男歌手、我最喜愛的歌曲及生力軍金獎(詳見附表),撼贏Eason及張敬軒。坤哥獲生力軍金獎在台下已標淚,上台再霧濕眼鏡兼興奮到下體激凸,喊到扯蝦說:「我要講唔好撩,因為之前喺TVB畀人撩咗,我係咪講乜都得?排隊到我可以出歌,跟住叠埋心水慢慢等,做好多唔同工作,又諗啲人當我係識唱歌定搞爛gag,呢個獎,一直發夢都想嚟呢個台。」坤哥更創紀錄奪我最喜愛的男歌手,他說:「5年前吳業坤一事無成,多謝粉絲支持,我着緊窄褲戴唔襯眼鏡,但我吳業坤一定會唱好歌,唔係食好東西。」謝安琪冧莊獲我最喜愛的女歌手,多謝老公張繼聰:「近幾年好多時我情緒唔好,佢情緒都唔好,但佢係最辛苦一個,畀最大正能量我,我衷心多謝張繼聰。」Eason雖然沒出席,但依然獲2獎包括叱咤男歌手銀獎及憑《無條件》獲至尊歌曲大獎。
Juno憑《ADDENDUM》獲至尊唱片獎,他彎一彎身說:「腳痺㖭!騷開始就頒咁沉重獎項。」他公開多謝女友示愛,不過當演繹《耿耿於懷》唱卻勁走音。



■謝安琪贏得我最喜愛的女歌手獎,但與Juno合唱《羅生門》時險失準。

■林欣彤接過獎項時,突然喊爆。




祖兒十年霸

着火紅露背裙的容祖兒獲女歌手金獎,成為十年霸史上最強,她說:「有句俗語老土但想講,創業難但守業更難,今年守到第16年,唔止體力勞動,精神都好攰,要咬實牙根,因為呢個獎項唔容易得到。」新婚的王菀之獲女歌手銀獎,銅獎則是謝安琪。至於叱咤男歌手金獎由張敬軒首奪,他激動說:「覺得自己愧對呢個獎,真係一遍空白,身邊朋友、社會發生好多事,幸福唔係必然。」銀獎則是Eason,銅獎是周柏豪。





來源: http://hk.apple.nextmedia.com/news/art/20160102/19436391
坤哥 哥叱 大勝 捧三 三獎 獎壓 Eason 奪最 喜愛 男歌手
PermaLink: https://articles.zkiz.com/?id=294071

Eason遊東京吹乒乓

1 : GS(14)@2016-02-04 17:24:34

上月初,各台頒發樂壇成績表,容祖兒(Joey)就爆陳奕迅(Eason)寧願去打邊爐,都唔出現攞獎。可以視獎項如浮雲的人,除了升上神枱的Eason外,相信一般凡人都好難做到。


■Eason打乒乓波不忘搞笑表演吹乒乓。DV圖片


獎項可以不攞,老婆不可以不陪,昨日徐濠縈在Instagram貼相,見Eason孖實老婆徐濠縈到東京嘆世界,同行還有老死Eric Kwok兩公婆,原來Eason此行是為Eric慶祝生日。成班friend除了飲飲食食不停selfie自拍外,還組隊打乒乓波和碌齡,鬼馬的Eason還即席表演吹乒乓。想不到榕樹腳Eason打起乒乓波上來,竟然有姿勢又有實勢,不過網友最關心的卻是他的髮線飄移情況。撰文:王梓嫚





來源: http://hk.apple.nextmedia.com/entertainment/art/20160204/19477964
Eason 東京 乒乓
PermaLink: https://articles.zkiz.com/?id=295283

Eason買酒傾足半粒鐘

1 : GS(14)@2016-03-08 00:08:34

■陳奕迅(右)前日單拖買酒,與外籍店員大談酒經。


陳奕迅(Eason)前日單拖現身中環置地購物,化身黑衣人的他到專賣威士忌的酒舖,揀選白蘭地、威士忌、Vodka等烈酒,外籍男店員見大客光臨上前招呼,「吹神」Eason跟對方大講酒經,其間還試飲了幾啖,似乎由「吹神」變「酒神」。
Eason不知是否買酒宴客,心情非常好的他跟店員吹足近半粒鐘,店員就推介他買支法國白蘭地,Eason用象徵身份的「黑卡」付錢。之後再轉戰去鄰店睇西裝和試戴靚錶,原來他跟老婆徐濠縈一樣都是購物狂,不過Eason就揀唔啱心水,其間有男粉絲行入舖搵他簽名,Eason有求必應還跟對方握手。採訪、攝影:朱志聰





來源: http://hk.apple.nextmedia.com/entertainment/art/20160307/19519193
Eason 買酒 酒傾 傾足 足半 半粒 粒鐘
PermaLink: https://articles.zkiz.com/?id=297154

Eason蜈蚣彈嘆冇攞麥當娜錢

1 : GS(14)@2016-03-13 02:40:29

陳奕迅(Eason)和成龍為《功夫熊貓3》,前晚在尖沙嘴舉行首映禮,Eason在現場為缺席的成龍代筆簽名,並在其名字旁畫上一個成龍V字招牌手勢,相當搞笑。Eason表示會帶女兒康堤一齊睇《功》片,他說:「阿女好鍾意睇戲,音樂劇集互相影響,佢會介紹我睇David Bowie,我都好out,最近都係聽B哥哥(鍾鎮濤)同鄺美雲。」提到在麥當娜演唱會被邀上台,他說:「自己冇心理準備下上台,要reset番,上次整親腳,條褲太緊,失手都整番個蜈蚣彈,我都好後悔冇問佢攞揳喺佢胸部嘅錢。」問到徐濠縈生日,Eason送太太甚麼禮物,他說:「送時間,冇送禮物,花都冇送,時間係最好禮物。」採訪:王連連攝影:沈健程





來源: http://hk.apple.nextmedia.com/entertainment/art/20160312/19526057
Eason 蜈蚣 彈嘆 嘆冇 麥當娜
PermaLink: https://articles.zkiz.com/?id=297735

徐濠縈讚Eason肥好攬

1 : GS(14)@2016-07-09 06:47:39

徐濠縈昨日在銅鑼灣開設的時裝店舉行私人派對,宣傳今期推出的Little Twin Stars產品,問到女兒康堤可會做生招牌擔任模特兒?她說:「唔會喇,佢仲細得11歲,而且佢冇諗住拋頭露面,唔逼佢,但佢好幫手,介紹畀好多朋友。」另外,早前徐濠縈到長城拍攝運動產品廣告,問會否跟老公陳奕迅(Eason)跑步幫他減豬腩肉?她笑謂:「佢其實唔覺得自己肥,佢都好攬,有安全感,佢見我操到咁弗,成日問我為乜,唔知如果我有啲肥肉,佢仲愛唔愛我?」採訪、攝影:王連連





來源: http://hk.apple.nextmedia.com/entertainment/art/20160708/19685638
徐濠 濠縈 縈讚 Eason 肥好 好攬
PermaLink: https://articles.zkiz.com/?id=303035

Eason夫婦日夜輪住探望陳子聰傳肝病入院 超儀停工照顧

1 : GS(14)@2016-08-09 07:10:47

【06年】【220磅 暴脹期】■陳子聰婚後身形暴脹,早前傳因肝臟問題影響健康,老婆何超儀已停工半年照顧,最近更在醫院陪過夜,夫妻情深互相扶持。資料圖片








賭王女婿陳子聰近月暴瘦和腹部鼓脹,現年43歲的他有傳於半年前肝臟出現問題,最近更秘密入院接受治療,跟他結婚13年的何超儀,已停工半年衣不解帶照顧老公,好友陳奕迅和徐濠縈夫婦連續兩日到醫院探望,前晚蘇永康和劉浩龍都輪住探病,眾人封口拒談陳子聰的病情!


賭王何鴻燊二房千金何超儀於03年下嫁男模陳子聰,做了賭王女婿的陳子聰勇闖樂壇和影壇發展,雖然事業上沒大紅大紫,婚後更體形暴脹由型佬變肥佬,但跟老婆的感情恩愛如昔。然而,近半年傳出陳子聰患病消息,6月更被傳媒影到體形暴瘦,肚脹如鼓,據知,最近陳子聰因肝臟問題多次出入港安醫院,近日又因病情加劇再留醫,前日眾好友輪住到醫院探病,情況令人憂心。



【01年】【160磅 最弗時】■陳子聰由澳洲回流時是model,01年時為了行騷減肥至弗身形。

【11年】【165磅 減肥後】■陳子聰因腳腫和心口痛入院,檢查後發現患上三高,3個月成功減去60磅變回弗佬。

【前年】【200磅 反彈期】■體形反彈的陳子聰,雙下巴和豬腩肉歸位。



父母趕到港

前日傍晚6時許,蘇永康拿着一袋麵包上病房,近8時劉浩龍(師兄)獨自出現,逗留至深夜11時30分,師兄跟陳奕迅(Eason)夫婦及超儀司機齊落樓,戴口罩的阿徐發現記者快步上車,Eason則黑面表現不滿,超儀則未有現身,相信是留在醫院過夜。到昨午Eason夫婦再頻撲到醫院探病,着背心短褲跑步look的阿徐,於昨午1時現身,問是否來探陳子聰?心情沉重的她雙手合十,醫院派保安攔阻記者,至4時許,Eason笑而不答搭升降機上病房。據知,平日愛飲酒的陳子聰,約一年前發現肝臟出問題,近月更不時出入醫院,超儀於半年前停工全心全力照顧老公,陳子聰的父母上月亦由澳洲趕返港探望!其實陳子聰於5年前曾因腳腫和心口痛入院檢查,婚後暴肥至220磅的他,發現三高:尿酸、膽固醇、血壓超標,被勒令減肥。對於陳子聰傳肝出事入院,超儀的公關發言人回覆:「有關超儀嘅私人事唔回應。」而24味隊友Brian則在電話說:「我未去探望,應該OK嘅。」問到陳子聰患甚麼病?他說:「真係唔清楚。」隊友阿肥則封嘴:「唔知喎,等我了解吓。」



【司徒拔道】【昨日】■阿徐前晚才探完陳子聰,昨午又一身跑步look急奔醫院探望。

【司徒拔道】【昨日】■Eason昨午駕車帶外賣抵醫院,對陳子聰病情封嘴拒回應。





■前晚蘇永康到醫院探好友後,由超儀的司機送他落樓離去。

■劉浩龍昨晚出席新城活動時,表示希望朋友身體健康。



師兄唔敢講

此外,師兄昨晚在會展出席新城音樂會,接受訪問時有備而來謂:「我係希望身邊每個朋友都身體健康,其他嘢我唔方便答嘞。」是否要封口?他說:「自己講嘢又唔叻,唔想越講越多,怕講錯嘢。」追問超儀會否好攰?他續說:「對唔住,我真係答唔到你。」採訪:徐錦池、畢紹基、馬建華攝影:朱志聰、羅德光、沈健程



■03年陳子聰和何超儀在澳洲舉行童話婚禮,在雙方家長見證下做賭王何鴻燊(左二)女婿。資料圖片

■24味隊友Brian(右一)和阿肥(右二)齊齊封嘴,避答陳子聰(左二)的病情。資料圖片



【肝病警號】留意眼黃肚脹

有傳陳子聰因肝問題入院,究竟肝病有甚麼病徵?醫學會前會長蔡堅接受電話訪問表示肝病分幾種:「急性肝炎會冇胃口、眼黃、肚脹、小便茶色、作嘔作悶;肝硬化會肚脹、肚積水、腳腫及有肝炎帶菌病歷;肝癌嘅病徵則突然暴瘦、肚脹、眼黃、上腹有硬塊;暴瘦同肚脹都可以係腸癌,唔一定係肝病。」蔡堅又表示肝病成因有好多,如遺傳、病惡感染,肝癌則是乙型肝炎或其他病引起,早期可手術切除,後期要接受化療。





來源: http://hk.apple.nextmedia.com/entertainment/art/20160808/19726994
Eason 夫婦 日夜 輪住 探望 陳子 子聰 聰傳 肝病 入院 超儀 停工 照顧
PermaLink: https://articles.zkiz.com/?id=304982

【馮仁昭四圍超】談康堤出國升學 Eason:香港讀書難

1 : GS(14)@2016-09-01 06:12:27

■冇時停嘅Eason,噚日表演轉球拍。





陳奕迅(Eason)噚日去咗維園,以推廣大使身份出席賽馬會樂動網球活動,同場仲有財爺曾俊華,Eason喺台上玩轉球拍,笑言7歲就學網球:「以前見到林子祥、張學友打網球,覺得好有型,我就去打網球。我以前短髮,梳側邊界同孭住球袋,有啲人都認錯我係張德培。」
Eason而家放大假成日做運動,除網球同羽毛球外,仲有跟黃佩霞學瑜伽,身形終有番少少輪廓:「做運動真係好爽,同埋冇壓力,其實我冇輕,都係170幾磅,以我高度,應該係150幾磅,我今年42歲,身體好似螺絲一樣會生銹。」



■Eason最近積極做運動,囡囡康堤就只跟媽咪阿徐跑步。資料圖片

爆囡囡懶

Eason講到囡囡康堤唔識打網球,佢話:「公開講佢會好hurt,不過佢音樂同唱歌係好,佢手長腳長腰長,會論盡啲,懶呀,似我,所以靜態啲會好啲,佢有跟阿徐(徐濠縈)跑步,佢好自律。」提到開學,有傳康堤會去外國讀書,Eason好大反應話:「點解我唔知?香港幾好吖,唔辛苦,但係難,不過難係好,因為係好學校。去外國都想,見識吓世界,又可以獨立,等佢中三、四,有自己朋友先。」問到好友陳子聰康復情況,Eason就話對方好似OK,但未知幾時出院,有提議佢搵埋子聰做運動,佢話:「佢應該未得,休息吓先。」撰文:馮仁昭




來源: http://hk.apple.nextmedia.com/entertainment/art/20160831/19754831
馮仁 仁昭 四圍 康堤 出國 升學 Eason 香港 讀書
PermaLink: https://articles.zkiz.com/?id=306919

Seventeen恨同Eason合作

1 : GS(14)@2016-09-06 04:42:22

陳奕迅(Eason)

韓國13人男團Seventeen前日襲港,抵港後率先接受媒體採訪並於晚上在apm舉行記招,吸引近800粉絲到場。Seventeen在台上受訪時表示想與陳奕迅(Eason)合作,現年20歲的中國籍成員Jun(文俊輝)透露小時候曾與Eason合作電影《野良犬》。Seventeen坦言雖然人數眾多,但遇上意見不一時會圍在一起溝通,所以不會引起爭執。採訪、攝影:王連連




來源: http://hk.apple.nextmedia.com/entertainment/art/20160905/19760059
Seventeen 恨同 Eason 合作
PermaLink: https://articles.zkiz.com/?id=307673

【開騷先病】Eason打類固醇開聲

1 : GS(14)@2016-09-18 10:51:48

Eason



一句「打波先嚟落雨」,表達突如其來的無奈感,正如歌手開騷前突然病倒也是沒法預料。


張敬軒【肺炎】

今年原定在澳門威尼斯人舉行演唱會,因流感引發肺炎入院被迫取消。


楊千嬅【肺炎】

去年因肺炎留院8天,由於身體狀況不適合過份勞累,演唱會被迫取消。


容祖兒【感冒】

前年紅館演唱會舉行到第14場,受感冒影響聲沙,唱第一首歌已經失聲。


陳奕迅(Eason)【感冒】

2010年在紅館舉行18場演唱會,因感冒及受空氣污染影響失準,開騷前需注射類固醇針。


張學友【感冒】

2007年在紅館舉行18場個唱,第12場時開始感冒,最後兩場取消再補演。


徐小鳳【喉沙】

因喉沙及身體不適,決定腰斬2005年在紅館舉行的第7場演唱會,之後另定日子在紅館補開一場。




來源: http://hk.apple.nextmedia.com/entertainment/art/20160918/19773790
開騷 騷先 先病 Eason 類固醇 開聲
PermaLink: https://articles.zkiz.com/?id=309572

明星愛平民食肆 Eason最Like食牛腩

1 : GS(14)@2016-09-24 23:30:48

「邦民女」陳嘉寶(Anjaylia)俾人見到同闊少男友Epaphras,拍拖去銅鑼灣糖街食榮記粉麵,其實圈中有唔少藝人,都鍾意光顧平民食肆,好似陳奕迅至愛中環嘅九記牛腩、沈嘉偉同邱淑貞一家,亦定期幫襯筲箕灣東大街嘅安利粉麵。要做好嘢食,一字記之曰「心」!用心做食物,無論平定貴,都梗有客仔幫襯!講番糖街榮記粉麵,喺小巷街邊檔起家。間舖長期排長龍,亦出名規矩多。規矩如下:1.唔加腩汁要落單時講,否則恕不退貨2.落單後唔可以改餸3.唔可以加單4.每人最低消費30蚊5.每人最多亦只可叫4個餸。由於客似雲來,店主抱住一副「唔憂做」態度,但佢哋食物出色,客人亦樂意守規矩。而必吃食嘅就有雞翼尖、墨魚嘴及豬腸。




來源: http://hk.apple.nextmedia.com/entertainment/art/20160924/19780492
明星 平民 食肆 Eason Like 牛腩
PermaLink: https://articles.zkiz.com/?id=309859

Eason撐符致逸音樂狂熱

1 : GS(14)@2016-09-27 08:02:16

陳奕迅(Eason)昨日以師兄身份現身尖沙嘴,為師弟周殷廷及符致逸舉行的記者會撐場。台上Eason大讚符致逸寫的歌曲好聽,天生有音樂感,他笑謂:「我用佢啲歌之前,冇人用㗎。」Eason笑指符致逸能為香港帶來儍氣:「佢明明有洋行高層唔做,可能太愛音樂所以辭工。」而符致逸表示當歌手後,會繼續作歌給其他歌手,更想試創作電子歌:「今日係辭工一周年,呢年真係冇收入,都要諗吓點搵錢。」



■周殷廷在記者會上勁歌熱舞。

周殷廷於活動上罕有展露笑容,他說:「呢個係形象,因為笑極都唔係咁好睇,惟有決定唔笑。」符致逸爆平日亂講說話亦未能引周殷廷發笑。採訪:盧妹攝影:仇志德




來源: http://hk.apple.nextmedia.com/entertainment/art/20160927/19782627
Eason 撐符 符致 致逸 音樂 狂熱
PermaLink: https://articles.zkiz.com/?id=310266

康堤同阿徐平頭睇Eason打網球

1 : GS(14)@2016-10-11 08:11:52

■Eason要在兩分鐘發球打倒對面場的網球樽。



陳奕迅(Eason)昨日以推廣大使身份,參與在維園中央網球場舉行的首屆「Can Challenge慈善領袖賽」,太太徐濠縈與女兒康堤捧場。Eason與女子網球前世界排名第一的禾施妮雅琪同隊,要在兩分鐘內打倒對面場上的網球樽,Eason最終擊中一支網球樽。



■12歲的康堤與媽媽徐濠縈身高相若。

12歲的康堤以短褲晒腿示人,其身高已與媽咪相若,不過面對鏡頭仍比較怕醜,不時低着頭。賽事結束後,Eason不停與場內嘉賓合照及簽網球,更有女運動員要求抄牌,Eason大方問助手拎出手機交換聯絡方法,而阿徐和女兒離場時則不停回望老公。採訪:馬建華攝影:仇志德




來源: http://hk.apple.nextmedia.com/entertainment/art/20161011/19796977
康堤 同阿 阿徐 平頭 Eason 網球
PermaLink: https://articles.zkiz.com/?id=311537

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019