ZKIZ Archives


我主場:Dominic劈腿大報復

1 : GS(14)@2016-01-22 16:28:26

何浩文(Dominic)入行以來,眾所周知,他與黃山怡(糖妹)有過一段情,緋聞甚少;但日前他接受本報專訪時表示,其實自己在讀書年代曾被劈腿,又透露當時或有報復心態,試過同一時間有四個女友,由於Dominic不及「賭王」何鴻燊懂得分配時間,最後因為承受不了而分手收場。撰文:黃曉妍在以前校園生活,Dominic指自己不是風頭躉,是被忽略的一群,存在感很低,沒有人理會他,所以在追女仔方面,往往都是由他主動,更直言情路好坎坷。由於被人忽視,Dominic認為只有女朋友才會注意自己,其後甚至試過出軌,他說:「十幾、二十歲時,我試過一腳踏兩船,覺得刺激?可能之前被劈過腿,有小朋友嗰啲報復心態,想做番同一樣嘢,都好嘅,畀我早啲試過呢個階段……咁又唔係啲乜嘢,只係多幾個女朋友,最激烈係同一時間有四個女朋友,甜言蜜語、message、ICQ,同一時間同四個女仔傾偈,後來分手嘅時候,有兩個女仔知道,不過大家都玩玩吓,只係想搵人陪,唔係好認真想拍一段好長時間嘅拖。」



【《鴨王》】■Dominic認為兩輯《鴨王》不是他的代表作,亦並非一個片種,只是一個級別而已。

《鴨王2》


■自言情路好坎坷的Dominic曾親手做生日蛋糕給前度女友。

整生日蛋糕氹前度

要享齊人之福,沒那麼簡單,懂得分配時間是最重要的一環,他說:「有一年情人節,我即刻扮病,之後要逐個逐個後補,後來我都承受唔住,太大壓力,太驚,都係唔好搞啲咁嘅嘢。」談到冧女招數,Dominic表示最重要是溝通,情投意合就自然走在一起,這樣才會長久。難道沒有送花、在女友家樓下等的攻勢?他笑說:「企樓下係箍煲,不過我都試過激嬲女朋友,企咗成晚等佢朝早返工,又唔敢行開,又肚餓喎,所以我追女仔都好渣。」提到最浪漫的一次,他謂在英國讀書時,會煮飯、整甜品,曾親手整生日蛋糕給前度女友。
Dominic過往經常騷肌、拍戲露股,有否擔心角色被定型?他說:「我覺得《鴨王》呢兩輯並非我遺作,之後會有代表作,我都有演過救護員,網上評價都好高,啲人話原來鴨王都識演戲,做戲都幾好睇,我覺得鴨王唔係唔使演戲,只係大家焦點去咗三級,三級片只係一個級別,而唔係一個片種。」



高版糖妹電話傳情

Dominic曾被踢爆與「高版糖妹」唐紫瓊(Candy)蜜遊台北,不過他被Candy前男友Daren直指是第三者,Dominic澄清Candy現時是單身,但跟她未到男女朋友階段,他說:「佢係圈外人,唔明白圈中人生活模式,例如有人突然間搵我出去傾劇本,呢啲生活會令到圈外人覺得唔係好妥當,所以等佢了解吓先,但我哋有傾電話。」提到Candy被形容是「高版糖妹」,跟其舊愛糖妹樣貌甚為相似,Dominic說:「其實唔似,我揀對象係揀性格、有共同話題,就算冇共同話題都要溝通到。」



■早前Dominic曾被拍到與「高版糖妹」唐紫瓊蜜遊台北。資料圖片

■幾年前Dominic曾與糖妹有過一段情。《FACE》圖片



來源: http://hk.apple.nextmedia.com/entertainment/art/20160122/19461549
主場 Dominic 劈腿 大報
PermaLink: https://articles.zkiz.com/?id=294805

Dominic拍《逃》縫百針

1 : GS(14)@2016-06-06 03:17:54

由美國男星威禾夫米拿(Wentworth Miller)主演的經典逃獄劇《逃》(Prison Break)現正趕拍第5季,明年回歸,不過飾演主角Michael大佬Lincoln的澳洲男星Dominic Purcell,身在摩洛哥拍攝期間卻受重傷送院。據現場消息指,Dominic被鐵柱撞傷頭部要縫百針,鼻亦有兩處骨折,幸而沒有生命危險,他已在Instagram上自拍傷勢報平安。





來源: http://hk.apple.nextmedia.com/entertainment/art/20160605/19641368
Dominic 縫百 百針
PermaLink: https://articles.zkiz.com/?id=302082

出書爆女兒拍過三次拖麥明詩母:見過Dominic

1 : GS(14)@2016-07-13 05:15:46

■麥母日前接受專訪時,認為麥明詩的缺點是太勤力及真。攝影:沈健程


十優港姐麥明詩的母親何小娟學歷不輸女兒,持有教育碩士及資優教育大學文憑,將於書展推出著作《我的女兒麥明詩》,日前麥媽媽在觀塘接受本報專訪,分享培育十優女心得:「好多家長覺得教細路仔好大壓力,如果湊細路唔係咁難,多啲人生兩三個,社會先唔會人口老化,我希望同家長分享,細路仔係將來社會棟樑,呢個係我寫書嘅意願。」



■麥母坦言有次到深圳探班見過Dominic(右)。資料圖片

■麥母自少培育女兒的自信心,又挑選合適玩具刺激腦部發展。


■麥母將於書展推出首本著作,分享培育子女的心得。

性格重要過行業

怎樣培育明詩由白紙變十優?麥母說:「其實係方法問題,細個畀多啲唔同刺激佢,神經線縱橫交錯長得好,效果會好。點解明詩有膽量選港姐,我諗同佢自信心有關,培養細路仔自信心好重要,細路仔要用唔同玩具、方法訓練專注力、記憶力、創造力同內在紀律性。」談到明詩的愛情,麥母坦言女兒有帶男友返家:「係呀,佢唔係拍過好多次拖,咁大個都係三次。」對明詩現任男友林作媾女,女兒跟他冷戰,麥母說:「見到佢唔開心,喊咪攬吓佢,我嘅處理係畀支持:『媽媽嘅愛永遠喺身邊,咁大個女自己決定』」有傳「鴨王」何浩文(Dominic)力追明詩,問她會否接受圈中人做女兒男友?她說:「評估一個人性格重要過行業,每個行業都可以出軌。唔知Dominic有冇追佢,我見唔到(帶返屋企)即係唔係啦,只係有次全家上深圳探班見過,佢哋有對手戲,冇特別傾過偈,佢叫聲auntie,對佢冇特別印象。」



被批離地唔開心

對於女兒被批評離地,麥母坦言:「佢會唔開心,但好快平復心情。離地呢個詞對我嚟講幾深,明詩好想同人分享,佢個人好真摯,可能冇咁適合呢行,佢冇諗過做另一個臉孔,唔覺得要有另一個自己。」覺得女兒有甚麼缺點?原來麥母都頗離地,認為「太勤力」和「真」是缺點:「有時我覺得佢太勤力,而家喺演藝界發展,全副精神諗呢方面,我叫佢畀啲空間自己,太勤力會忽略某啲嘢。」撰文:余燕儀場地:THE WAVE





來源: http://hk.apple.nextmedia.com/entertainment/art/20160713/19692004
出書 女兒 拍過 過三 三次 次拖 拖麥 麥明 明詩 詩母 見過 Dominic
PermaLink: https://articles.zkiz.com/?id=303553

Dominic攝位:同麥明詩有緣份

1 : GS(14)@2016-09-09 05:09:09

■有傳Dominic與麥明詩拍劇期間,曾力追對方。資料圖片



「明作戀」玩完,被傳力追麥明詩的「鴨王」何浩文(Dominic)表示會關心麥明詩是否真分手,他昨日在電話中說:「我膽生毛,絕對會大大力問,見佢同我連住兩部都係一齊拍,好似有緣份,關心吓啦!」問到怎樣看激喊女仔的男人?Dominic說:「男女朋友之間好平常嘅,花槍呢啲嘢。不過女仔喊就好鬼大威力……其實就咁,好睇乜事同點氹番嘅!」有指新戀情可治情傷,Dominic說:「順其自然啦!唔係順勢個順喎!」Dominic還肉麻地說:「我用生命去娛樂佢,無限量高質gag供應,其實安慰說話我又唔識講,惟有努力將佢心情帶到去良好嗰邊。」採訪:比華利




來源: http://hk.apple.nextmedia.com/entertainment/art/20160908/19763577
Dominic 攝位 同麥 麥明 明詩 詩有 緣份
PermaLink: https://articles.zkiz.com/?id=308191

Dominic落寞揚言孤獨終老

1 : GS(14)@2016-09-17 17:52:50

麥明詩前晚趁中秋人月兩團圓,與林作母子食飯過節。麥明詩掟煲唔掟蓋,曾向女方大獻殷勤的「鴨王」何浩文(Dominic)就一支公,狂上網解悶,Dominic前晚在Instagram貼片落寞自彈自唱,其後又在fb留言呻寂寞:「中秋節,正所謂人月兩團圓,到底!何浩文幾時先有自己嘅家庭呢?」
Dominic接着再玩fb直播近一粒鐘,網友好奇他的擇偶條件,Dominic表示尤其喜歡長髮女生。對於麥明詩與林作翻撻,Dominic昨短訊回覆:「是但啦!」Dominic表示前晚沒人月兩團圓:「孤獨終老嘅感覺就係咁樣。」採訪:劉敏




來源: http://hk.apple.nextmedia.com/entertainment/art/20160917/19772842
Dominic 落寞 揚言 孤獨 終老
PermaLink: https://articles.zkiz.com/?id=309449

麥明詩請食檸檬Dominic拖Candy遊台定情

1 : GS(14)@2016-10-28 06:24:17

■麥明詩昨日強調與Dominic只屬朋友關係,看報道才知道對方公開戀情。



鴨王何浩文(Dominic)被爆偕任職空姐的「高版糖妹」唐紫瓊(Candy)蜜遊台北撐枱腳,當時Dominic未肯承認對方是正印,強調同行分房瞓。之後Dominic與「十優港姐」麥明詩先後合作拍劇《賭城群英會》及電影《失戀日》,麥明詩男友林作常被爆媾女,有傳Dominic乘勢狂追麥明詩,兩人似互有好感,關係曖昧。



■「鴨王」Dominic日前帶正印女友Candy遊台,並公然在Ig放閃。

■Dominic與麥明詩因合作拍劇及電影(圖)傳出緋聞。資料圖片


呻搵錢辛苦

有指Dominic雖將Candy降呢作次選,但對方仍對他死心塌地,同時Dominic未能奪得麥明詩芳心,故Candy又重返正印位。今日是Dominic的28歲生日,他日前與Candy重遊台灣,並在Instagram貼相晒幸福,一齊食牛肉麵兼看荷李活新片《奇異博士》(Doctor Strange)。Dominic昨日在電話中表示此行主要去探朋友,並大讚女友Candy說:「兩個人一齊最緊要舒服,我需要一個了解我嘅人,Candy係一個幾好對象,佢好肯聽我講同分享,同我分擔。」被問是否公開拍拖?Dominic說:「拍唔拍拖睇吓點樣定義,有啲人覺得要力追先算係拍拖,個人唔鍾意追嚟追去,我要為自己銀行戶口去負責任,嚟緊開舖頭,冇時間去力追,你知我要自己搵錢係比較辛苦。香港基本上有九成人係辛苦,咁就大家一齊努力。」麥明詩昨日在中環出席活動,直言看報道才知道Dominic拍拖。問到是否Dominic口中的「力追」對象?她說:「都係朋友囉,之前拍戲拍劇見得多咗,追求都係睇報紙先知。」會否接受新戀情?她說:「隨緣啦,而家好忙,下星期仲要準備入劇組。」採訪:陳杰




來源: http://hk.apple.nextmedia.com/entertainment/art/20161028/19814152
麥明 明詩 詩請 請食 檸檬 Dominic Candy 遊臺 定情
PermaLink: https://articles.zkiz.com/?id=313837

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019