ZKIZ Archives


0831.HK 利亞零售 PARTIPRAL - ROAD TO FINANCIAL FREEDOM

http://partipral-hk.blogspot.com/2011/06/0831hk.html



利亞零售 (2006-2011, 季度, 半年, 全年業績摘要)

* 07,08年分部營運資料為香港+中國

利亞零售(831.HK)剛於上週一 (20/6) 開始轉主板買賣, 前身為創業板股份, 編號 8052. 主業為經營OK便利店, 一個香港人非常熟悉的品牌, 佔集團總生意約80%; 而次業為經營聖安娜餅店, 目前佔集團總生意20%左右. 聖安娜之經營權源自07年收購前上市公司聖安娜控股 (192.HK) 100%股權, 收購代價為4.9億現金 + 1.44億等值新股, 總代價約6.47億.

以本身屬於大集團利豐 (494.HK) 的背景以及盈利穩定性來講, 利亞零售響創業板入面都算係異數. 我無研究過點解當年利亞零售會響創業板上市而且延至今日先轉主板, 但既然目前已經脫離創業板呢個老千池, 都好應該花時間了解下呢間公司. 由於創業板公司被規定一定要公佈季度業績, 所以響研究時亦有加入季度業績的數據比較, 有興趣可以去上面EDITGRID條LINK睇, 但今次好似整得比較亂.

過去5年利亞零售營業額一直在向上中, 由06年的22億直至上年度的近36億, 5年間增長剛好6成. 雖然5年升60%並唔係瘋狂爆升的數字, 但趨勢係明顯而且穩定的. 最大的增長來自07年收購的聖安娜 - 每年貢獻超過6億生意, 不過本身主打的OK便利店除09年錄得倒退之外, 其餘日子亦是在穩步上升中. 若然從平均店鋪營業額去睇, 亦可以見到管理層開新店時的效率相當高 - 開新店後並不會拖低均店營業額, 說明管理層的擴張策略頗成功:

2006年 平均店舖 營業額 (千): 6,680.29
2007年 平均店舖 營業額 (千): 6,220.93
2008年 平均店舖 營業額 (千): 6,645.33
2009年 平均店舖 營業額 (千): 6,793.76
2010年 平均店舖 營業額 (千): 6,797.03

毛利率5年前只維持在25%的水平, 但近年卻暴升至34%以上. 尤其係考慮到毛利率於09年仍能大幅擴闊4個百分點以上; 而10年亦能繼續維持相若水準, 可以想像得到似乎管理層於經營方針上最近兩年明顯取得突破. 要知道經營便利店並唔係暴利行業, 留意下利亞零售低得可憐既純利率, 就知道此門生意其實難做得很. 以其06年低於25%的毛利率, 若扣除一般開支後 (店舖開支, 分銷, 行政等), 其實已經係蝕緊錢, 當年報表上仍能維持純利數字很大程度來自不知明的 "其他收入", 與今日的純利組合大大不同.

分部資料來講, 利亞零售響香港基本上係無大問題的. 只係大陸的營運情況一直都不太理想, 所以增長力度被拖累了. 以便利店業務而言, 10年同09年相比好似蝕少左好多, 但同06年相較其實差異不多, 話佢5年來一直仍原地踏步其實都不算過份. 10年來講大陸總收益佔整體收入比例不足5%, 內需概念亦不足, 不過我覺得有一點幾值得提出:

2010 港澳便利店總數: 339, 平均營業額 (千): 8,164.60
2010 大陸便利店總數: 75, 平均營業額 (千): 1,522.06

以大陸 (廣州, 深圳, 珠海) 市場之大, 均店營業額數字竟然同港澳的數字相差5倍以上, 可以理解為人民生活質素上的差異. 不過便利店文化響已發展國家中往往係扮演不顯眼但又近乎不能失去的角色, 他日廣州, 深圳等地可能就係今日香港的翻版, 情況有多少類近大家樂或大快活 - 將香港已證實成功的文化複製上大陸. 利亞零售於大陸的發展雖然仍在起步階段, 要建立自己的地位仍需一段時間, 但將來的發展潛力卻不容低估, 而現時正正就係播種期.

存貨, 賬款皆與營收同步向上, 比例亦相差不遠; 現金流比06年強得多, 已繳稅亦大增1倍, 數字上頗有力支持公司過去5年的成長能力. 固定資產07及09年都有異動, 前者因為收購, 後者因為放售. 現金07年曾因收購而大減 (股數亦有增加), 但用不足3年就能完全復原, 同時派息率一直能維持6成左右, 而且一直以來都係0負債經營, 背後意義其實係再次反映利亞零售的擴張策略相當高效率: 收購所花成本不會太高, 而新開的店舖亦能自給自足. 理論上若然市場夠大的話, 公司係可以繼續無限擴張的, 此點令我對利亞零售好感大增.

2011年第一季業績 (因為轉主板的關係, 呢份可能係最後一份季度業績吧?) 顯示核心盈利同比急升1倍以上, 差異之大最主要原因係10年第1季有特殊收入, 但若然以稅前溢利4千9百萬同過往5年20季的平均數2千9百萬作比較, 又的確有頗明顯的增長. 營運數字雖不及2010年第3季及第4季, 但利亞過去5年來一直都係下半年表現好過上半年, 所以剛過去的第一季利亞表現其實算相當唔錯.

估值方面, 以現價 $3.90, 2010年每股賺 $0.1867計, 往績P/E近21倍, 以利亞零售過去5年的增長力, 價錢實在有點昂貴. 就算以第一季業績而言, 每股賺 $0.0544, 假設下半年無增長, 全年每股盈利約 $0.2176, 預期P/E亦近18倍, 依然係有點貴. 當然利亞本身的質素不俗, 業務亦屬簡單而且穩定的類別, 呢幾項都係加分點, 日後我自己會多加留意, 等候機會買入.

0831 HK 利亞 零售 PARTIPRAL ROAD TO FINANCIAL FREEDOM
PermaLink: https://articles.zkiz.com/?id=25928

業績簡評 - 利亞零售 (0831.HK) PARTIPRAL 派得好

http://partipral-hk.blogspot.com/2012/03/0831hk.html


利亞零售剛公佈2011年全年業績, 營業額上升一成, 比較特別既係理應係四季如一既業務一連兩年都係下半年做得較多生意. 相較於店舖只增加17家, 營業額增幅其實算相當理想. 兩大業務 - OK便利店同聖安娜餅屋均同步增長, 唯一美中不足之處係香港業務仍然佔集團總收入超過95%, 便利店業務繼續緩緩向北發展, 可惜營收暫時仍然停留於兩年前階段. 

唔知係咪系出名門既關係, 值得大讚既係管理層控制成本相當理想, 不論租金抑或受最低工資所影響既僱員成本, 增幅相對營業額都算溫和, 乃純利增長兩成主因. 純利率進一步擴闊至近4.2%, 乃近年最佳表現, 而且在進步之中, 有足夠理由相信利亞目前正處突破點之上, 往後營業額增長, 會有更大比重化成純利. 內地業務進步比想像中慢, 但便利店虧損正在不斷收窄, 算係好事. 

利亞財政一向相當理想, 加上所經營既係一門現金流異常強勁既業務, 今期現金大增近兩億, 派息率亦能維持, 實在沒什麼值得懷疑之處. 手頭淨現金超過7億, 要應付類似早年收購聖安娜之類既併購或其他發展應該足夠有餘. 目前股價$3.90, P/E 17倍, 息率3.8%, 扣除現金後P/E仍達13倍, 估值合理偏貴多少, 主要溢價應該來自利豐品牌效應.

對利亞比較詳細一點既睇法上年6月其實都寫過, 詳見舊文: 

0831.HK 利亞零售. 至今九個月過去, 績後股價雖然已經急升超過1成, 但對比早前撰文之時其實只係原地踏步. 利亞進軍內地步伐仍然偏慢多少, 但我非常佩服既係集團係大本營香港仍然能夠繼續發圍, 相比我之前以為本地業務早已難再寸進, 算係有多少喜出望外. 始終內地業務仍未起飛, 很難說服自己此股為增長股, 但正如早前所講, 相對本地市場, 利亞於內地所霸既地盤其實只係九牛一毛, 眼光放遠一點, 仍然大有可為. 業務穩定繼續係加分點, 其餘證供亦比去年6月更有說服力, 所以目前股價相對上係平左.

付一定溢價, 買另一個中國夢, 究竟是否值得就見仁見智. 而我既睇法就係, 希望聽日$3.9可以買番多少.

業績 簡評 利亞 零售 0831 HK PARTIPRAL 派得 得好
PermaLink: https://articles.zkiz.com/?id=31946

業績簡評 - 利亞零售 (0831.HK) [2012 1H] PARTIPRAL 派得好

http://partipral-hk.blogspot.hk/2012/08/0831hk-2012-1h.html


利亞零售今日公佈2012年度中期業績, 半年營業額20.2億, 同比上升7.2%, 環比則錄得3%輕微倒退. 對於毛利率按年下跌超過1%, 管理層解釋乃由於去年受惠煙草稅增加令集團獲得一次收益所致. 不過若果將今年毛利率跟09,10年作比較, 則顯示今年毛利率的確比呈以往小幅退步. 營業額增長速度緩慢加上毛利率受壓, 管理層過去半年仍繼續著力於成本控制之上. 相對營業額增幅, 無論店舖開支, 分銷成本, 行政開支以及僱員成本上升幅度皆沒有出現異常.

中港OK便利店收入佔公司總收入繼續維持8成以上, 香港業務固然繼續支撐大局, 稅後溢利同比錄得一定跌幅, 應該與上年煙草稅增加有關, 兩年實際表現應該相若; 內地業務收益進一步提升, 而虧損亦見繼續收窄中, 雖然進度緩慢, 但由於便利店經營上有一定部份為固定成本, 如果收入能夠保持增長, 摸到盈利爆發點表現可以差天共地. 目前利亞於內地發展方向正確, 幾年內能夠扭虧為盈相信並非天方夜譚, 可以繼續跟進.

聖安娜餅屋業務仍然以本地為主力, 稅後利潤同比進步明顯, 但其實只由於去年做得特別差; 內地業務則遠未成氣候, 收益基數低導致盈利波動性特高, 已無甚可測之道. 整體而言利亞餅店分部今期並沒有明顯鼓舞性增長, 但由於利潤率明顯比主業便利店優勝得多, 所以對公司而言仍然甚具經營意義.

利亞財政一向相當穩重簡潔, 繼續保持零借貸之外手頭亦有7.3億現金, 加上業務現金流穩定, 日後應有能力保持一貫6成以上派息率. 由於報告期間錄得一項3千6百多萬出售物業之特殊收益, 全數用作股息分派, 今年度全年派息率應稍高於以往水平.

單睇已公佈之營運數字, 以去年18.8%稅率計算, 今期核心盈利同比應該下跌18%. 只不過當管理層強調今期業績純利於扣除特殊項目後比較去年仍有8.4%增長, 就惟有視作去年核心盈利被高估. 公司給予下半年業務指引, 乃經營環境會更為嚴峻, 全年開店目標亦已由600間調低至590間, 估計未來半年公司很難出現重大突破. 不過由於管理層早已一再於逆境中展現強勁執行能力, 2012年全年整體表現應該不致於太過悲觀. 預計利亞全年核心盈利介乎1.25-1.35億之間, 即每股約賺$0.17-$0.18左右; 基本派息率應該可以保持65%, 以現價$4.5計, 預測市盈率25倍, 息率2.6%. 利亞質素優良, 業務性質亦穩定, 應屬長線投資之選. 只是當短期內增長概念欠奉, 欠缺特別催化劑之下, 現時估值相當昂貴.
業績 簡評 利亞 零售 0831 HK 2012 1H PARTIPRAL 派得 得好
PermaLink: https://articles.zkiz.com/?id=35980

利亞零售(0831、8052)專區

1 : GS(14)@2014-08-14 00:47:02

http://realforum.zkiz.com/thread.php?tid=6943
前專區
2 : GS(14)@2014-08-14 18:30:39

0831

盈利降1成,至5,100萬,1.5億現金
3 : GS(14)@2014-10-09 01:45:39

同中石化合作
4 : GS(14)@2015-03-19 16:16:14

盈利降55%,至2,500萬,1.3億現金
5 : greatsoup38(830)@2015-08-25 16:36:43

母公司買回廣東業務
6 : greatsoup38(830)@2015-08-25 18:17:22

轉虧2,000萬,7,000萬現金
7 : GS(14)@2016-03-15 17:57:25

盈利降36%,至3,200萬,1.3億現金
8 : greatsoup38(830)@2016-08-15 05:19:42

盈利增7%,至5,100萬,8,000萬現金
9 : GS(14)@2017-03-22 12:42:00

盈利增4%,至1.39億,1.4億現金
10 : greatsoup38(830)@2017-08-20 02:12:17

盈利增1成,至5,700萬,1億現金
11 : GS(14)@2018-03-08 03:07:15

盈利增8%,至1.5億,2,000萬現金
12 : GS(14)@2018-09-02 15:27:15

盈利增18%,至6,700萬,輕債
13 : GS(14)@2019-03-14 03:12:58

盈利增22%,至1.83億,6,000萬現金
利亞 零售 0831 8052 專區
PermaLink: https://articles.zkiz.com/?id=285038


ZKIZ Archives @ 2019