ZKIZ Archives


嫩口龔嘉欣撇中佬鄧健泓

1 : GS(14)@2012-11-06 00:09:02

合理
http://hk.apple.nextmedia.com/entertainment/art/20121105/18057550
鄧健泓(Patrick)和龔嘉欣這段年齡相隔16年的忘年戀,昨日突然由女方主動在微博宣佈分手。據悉Patrick近年經常冇工開,令二人拗撬日增,加上嫩口嘉欣不乏追求者,近月她便與09年香港先生許家傑過從甚密,經常在微博互貼合照傳情,男方更不避嫌讚嘉欣是美人。不過,嘉欣昨日在電話中否認有第三者,強調與Patrick是和平分手。
現年38歲的鄧健泓向來是冧女高手,繼原子鏸和李詩韻後,前年又撻著比自己年輕16年、現年22歲的龔嘉欣。中佬男方為怕女友被人追走,拍拖不久已在荃灣買樓共賦同居,上月更傳Patrick一擲40萬買mini新車載女友返工,並計劃明年結婚。
2 : GS(14)@2012-11-06 00:09:16


3 : wilsonchui(9055)@2012-11-06 07:50:10

抵死啦鄧健泓,李詩韻咁正都飛人,而家比人飛真係大快人心
4 : drbull(3010)@2012-11-06 09:32:08

3樓提及
抵死啦鄧健泓,李詩韻咁正都飛人,而家比人飛真係大快人心


是佢飛人的嗎?

其實佢唱歌唔差,不過真係冇觀眾緣
5 : GS(14)@2012-11-06 23:01:39

4樓提及
3樓提及
抵死啦鄧健泓,李詩韻咁正都飛人,而家比人飛真係大快人心

是佢飛人的嗎?
其實佢唱歌唔差,不過真係冇觀眾緣


我唔鍾意男好耐,真是無觀眾緣
嫩口 口龔 龔嘉 嘉欣 欣撇 撇中 中佬 鄧健
PermaLink: https://articles.zkiz.com/?id=281863

認同坤哥好親密龔嘉欣:我哋兩個知就算

1 : GS(14)@2016-01-13 08:32:39

最近龔嘉欣與吳業坤的緋聞打得火熱,被稱為坤嫂的龔嘉欣說:「死喇,多咗個新名,而家個故事太豐富,總之我哋之間嘅關係,我哋知道就算喇。」她又表示不少客戶邀請二人合體拍廣告,龔嘉欣謂不介意接「情侶檔」吸金。至於蔡思貝被問涉虛報學歷事件有否新進展?她說:「一直以嚟都冇,冇任何人聯絡過我。」





來源: http://hk.apple.nextmedia.com/entertainment/art/20160109/19444948
認同 坤哥 哥好 親密 龔嘉 嘉欣 兩個 就算
PermaLink: https://articles.zkiz.com/?id=294136

姊妹團滿額 龔嘉欣做戥穿石宋熙年12月嫁陳智燊 DIY超性感婚紗

1 : GS(14)@2016-03-14 01:43:48

【新人試床】■陳智燊昨日與未婚妻宋熙年出席床褥活動,兩人更坐大床接受訪問。



娛圈今年旺嫁娶,同樣姓陳的陳智燊、陳柏宇和新城DJ陳達仁將排住隊娶老婆,陳智燊去年中向女友宋熙年求婚成功,兩人即着手籌備今年12月在港舉行的婚禮,宋熙年力邀同是選美出身的陳爽、高海寧、李亞男和朱璇做姊妹,陳智燊則找來龔嘉欣反串做兄弟,助他一臂力搶新娘。宋熙年近日正埋首設計獨一無二的性感嫁衣。


現年38歲的圈中筍盤陳智燊(Jason),去年7月秘密飛澳洲,向2007年國際中華小姐冠軍、年輕8載的女友宋熙年(Sarah)驚喜求婚後,一對準新人決定把婚期定在今年12月,距離婚期尚有半年以上,Sarah已籌備得如火如荼。



【箍實男友】■獲床褥贊助的陳智燊鬼馬表示婚後會慢慢生小孩。

【笑到瞇眼】■陳智燊和宋熙年昨提到年底婚禮,即笑到見牙唔見眼。



胞妹做伴娘

Jason和Sarah去年更低調到中環大牌檔,搞搞新意思影pre wedding照片,兩人邊拍邊吃咕嚕肉兼嘆紅酒,拍了一輯具香港特色的結婚照。Sarah更邀請同是選美出身的陳爽、高海寧和李亞男一齊出鏡,增加驚艷效果。據知Sarah更意屬三人再加朱璇做姊妹團,伴娘就安排胞妹Kylie及另一好友。Jason的兄弟團則有楊明和反串的龔嘉欣,齊齊出力搶新娘。有報道指Jason要送千萬豪宅給Sarah做愛巢,兩人仍未選中心水樓盤,不想太倉卒扑鎚,有待下半年Jason開劇後才再決定。Sarah則緊張選獨一無二的嫁衣,Sarah的閨蜜爆料指她已找了設計師度身訂做婚紗,並會親自設計,婚紗性感尺度更是無底線,Sarah有意玩神秘,會待結婚當日才讓新郎Jason看到其新娘look。



【胞妹陪嫁】■宋熙年會邀胞妹Kylie(右)當伴娘。

■宋熙年與陳智燊去年到中環大牌檔影pre wedding相,獲好友陳爽、高海寧和李亞男客串。資料圖片



唔心急造人

Jason和Sarah昨日拍拖到沙田出席「雅蘭床褥50週年慶典」活動,問到婚禮詳情,Jason大方說:「12月會先喺香港搞,最重要係唔好同無綫及各個頒獎禮撞期,出年去澳洲搞,至於英國就未諗,搞婚禮需要時間。」蜜月之旅,Jason同樣想玩神秘兼驚喜,他有意收埋Sarah的護照及至出發才告知地點,但Sarah有很多地方想去,地點尚未落實。記者取笑Sarah很濫,她風騷回答:「去旅行濫唔緊要,對感情唔濫就得喇!」冧到身邊Jason笑不攏嘴。提到婚後造人大計,Jason說:「搞掂婚禮先,一步一步啦,我哋都鍾意小朋友,而家有床褥贊助,可以慢慢生。」採訪:黃曉妍、陳杰



【反串戥穿石】龔嘉欣

【反串戥穿石】楊明

【選美姊妹團】高海寧



【選美姊妹團】陳爽

【選美姊妹團】朱璇

【選美姊妹團】李亞男



來源: http://hk.apple.nextmedia.com/entertainment/art/20160313/19527321
姊妹 滿額 龔嘉 嘉欣 欣做 做戥 戥穿 穿石 石宋 宋熙 熙年 12 月嫁 嫁陳 陳智 智燊 DIY 性感 婚紗
PermaLink: https://articles.zkiz.com/?id=297804

龔嘉欣罕晒三點式Coffee真空迎戰

1 : GS(14)@2016-07-09 06:36:03

26歲嘅龔嘉欣形象不嬲健康,喺佢微博post相啲look一向都keep住健康為主,間唔中真係間唔中會露下腰仔咁已經係佢最性感,不過呢條例昨日就打破咗喇!事關龔嘉欣post咗張三點式泳衣相,雖然睇落呢張似係廣告造型相,不過嘉欣輕輕地show咗事業線,又好大幅度畀佢條纖腰大家睇!今次真係宅男福音,真係要好好珍惜!嘉欣初試性感,行開性感嘅Coffee林芊妤梗係要出嚟迎戰啦!去咗峇里嘅Coffee昨日就着住一件吊帶針織縷空背心,咩話?睇慣咗?小子你太年輕了!Coffee出招點會小兒科,睇真啲件縷空背心入面係真空o架!





來源: http://hk.apple.nextmedia.com/entertainment/art/20160707/19684333
龔嘉 嘉欣 欣罕 罕曬 三點式 Coffee 真空 迎戰
PermaLink: https://articles.zkiz.com/?id=302906

撐枱腳食麵 情深對望龔嘉欣帶人夫返香閨

1 : GS(14)@2016-07-15 05:16:30

【被撞破】■被發現帶人夫返歸,龔嘉欣尷尬的叫記者不要影。DV圖片



【深水埗】現年26歲的龔嘉欣跟舊愛鄧健泓分手後,真命天子還未出現,上月尾,她孖型男新歡到深水埗撐枱腳食麵,兩人甜蜜對望,之後再同車返女方位於將軍澳的香閨;事隔5日,型男獨自駕駛嘉欣的座駕到大坑住宅,似乎一架車兩份揸,情非泛泛。惟型男被爆是有米人夫,疑陷孽緣的嘉欣昨解畫說:「朋友幫我拎架車去整!」


第三代「四葉女」龔嘉欣樣子清純,6年前與大自己16歲的鄧健泓相戀,可惜戀情僅維持兩年玩完,分手後嘉欣雖然緋聞不絕,但一直未有真命天子出現。上月29日下午約4時,本報發現嘉欣孖型男現身深水埗,兩人在出名的麵檔撐枱腳,沒戴口罩及黑超遮掩的嘉欣,全程表現不自然,經常眼望門外,速食半粒鐘即閃。



【貼住行】■上月29日,龔嘉欣與已婚男現身深水埗,二人步伐一致,且越行越埋。DV圖片

【甜絲絲】■兩人進入一間麵檔食麵,龔嘉欣望住已婚男,不時展露微笑。



兜路入門口

之後兩人並肩走了兩條街,型男走路單手插袋chok爆,他們上了嘉欣的座駕,型男反客為主負責駕車,直駛嘉欣位於將軍澳的香閨,惟兩人抵達嘉欣寓所附近時,卻奇怪地前後腳落車,型男率先拿着一袋東西,行入村的第三個路口,嘉欣就隔5分鐘才落車,警覺性高的她很快發現本報記者追訪,刻意走到採訪車問記者是否影她,擾攘一輪後嘉欣離開,卻曲折地先由第四個路口入,再轉去第三個路口的香閨。



【前後腳】■雖然泊好車,惟已婚男與龔嘉欣前後腳落車。

■邊行邊講電話的龔嘉欣,返家卻兜路行。

■本月4日,已婚男竟駕着龔嘉欣的座駕周圍去。DV圖片



座駕兩份揸

事隔5天,記者於本月4日在嘉欣香閨外等候,早上約10時許發現她的座駕駛離,駕車者竟然又是這位型男,但身旁卻不見嘉欣,他單拖駕着嘉欣的座駕直駛天后廟,落車後將一袋東西交給朋友,之後再開車到大坑某住宅,嘉欣與他似乎一架車兩份揸,情非泛泛。去年尾,嘉欣曾在社交網晒收花相,留言是神秘人送花,加上甜絲絲的笑容,似乎有追求者出現,不知是否與型男同一人呢?然而,有知情人士向本報爆料,指這位型男名叫郭俊豪(Alan Kwok),是一名富二代,做家族生意,而且他是已婚人夫身份,與老婆育有兩名兒子,他在社交網亦貼出三父子合照,有指他趁老婆剛返溫哥華即偷會嘉欣。昨日嘉欣被問到是否有新男友?她在電話中回覆說:「唔係拍拖,純粹係朋友幫我拎架車去整,冇諗到變咗新聞,自己都要講番聲唔好意思,影響到朋友,一直都單身,多謝大家關心。」此外,與嘉欣曾傳姊弟戀的吳業坤,昨與盤菜瑩子到新城接受訪問,對於嘉欣與已婚男一起回家,吳業坤說:「呢排掛住演唱會嘅嘢,所以唔知。」採訪、攝影:梁繼光、朱志聰、非非、陳杰



■郭俊豪被指背着身在溫哥華的太太偷會龔嘉欣。資料圖片

■坤哥昨謂不知道「契家姐」龔嘉欣的感情生活。攝影:王連連



來源: http://hk.apple.nextmedia.com/entertainment/art/20160715/19695298
腳食 食麵 情深 深對 對望 望龔 龔嘉 嘉欣 欣帶 人夫 香閨
PermaLink: https://articles.zkiz.com/?id=303823

龔嘉欣呻人夫嚇走正桃花

1 : GS(14)@2016-07-17 16:01:35

■龔嘉欣昨表示擔心與人夫Alan的緋聞會影響姻緣運。


龔嘉欣昨日到觀塘出席正能量青年選舉頒獎禮,最近被拍到約會有錢人夫Alan Kwok的她,主動表示沒拍拖,問到為何對方出現她香閨?她說:「當日唔係帶佢返屋企,條路係出去搭車唔係入村。大家都知我同姚子羚一齊住,我哋協議咗唔會帶人返屋企。」她解釋因對方認識修車朋友,而自己要離港數天,所以交由對方處理:「我哋識咗好耐,佢唔係圈中人。我都識佢太太同佢小朋友,佢哋連相都俾人登埋,真係唔好意思,唔想影響到小朋友。」


■龔嘉欣日前被拍到帶有錢人夫Alan返香閨。資料圖片


嘉欣直言擔心今次的傳聞會影響姻緣運:「嚇走晒正桃花,我都要快啲搵個男朋友結婚生仔,咁就冇呢啲新聞,我拍拖一定會公開。」採訪:曹家誠攝影:陳俊強





來源: http://hk.apple.nextmedia.com/entertainment/art/20160717/19698151
龔嘉 嘉欣 欣呻 人夫 嚇走 走正 桃花
PermaLink: https://articles.zkiz.com/?id=304060

龔嘉欣激嬲莊思明

1 : GS(14)@2016-09-23 08:10:00

■龔嘉欣和楊明出發時沒提及去參加婚禮,怎料令莊思明打翻醋埕。資料圖片



龔嘉欣和楊明上星期一齊現身機場出發到英國,出席陳智燊和宋熙年的秘密婚禮,由於嘉欣不想行蹤敗露,所以胡扯一番說:「我哋去馬來西亞咋,唔係去度蜜月呀,唔好亂寫呀!」怎料楊明女友莊思明莫名其妙地大動肝火,遷怒於龔嘉欣,莊思明爆楊明去英國,又指「楊明只會同我度蜜月」。雖然龔嘉欣出席陳智燊和宋熙年英國婚禮後,已經解釋清楚,但是事件仍是沒完沒了,昨日又有報道指莊思明相約家姐莊思敏訴苦兩個鐘,事有湊巧又被傳媒拍到,莊思明托腮又苦惱的樣子被攝入鏡頭,其間又拍枱,吐出「小三」兩字,離開時更楚楚可憐眼泛淚光。撰文:非非




來源: http://hk.apple.nextmedia.com/entertainment/art/20160923/19778709
龔嘉 嘉欣 欣激 激嬲 嬲莊 莊思 思明
PermaLink: https://articles.zkiz.com/?id=309725

坤哥冇拍拖 護龔嘉欣非小三

1 : GS(14)@2016-10-13 08:09:35

■吳業坤稱與龔嘉欣如家人,與王卓淇冇拍拖。



吳業坤最近被傳背正印女友、2014年港姐王卓淇與龔嘉欣經常黐到實,昨日有周刊報道指王卓淇斥「這種女人」好過份,明知別人有女友都這樣做,矛盾直指龔嘉欣。不過,報道刊出後,王卓淇昨在Instagram貼文,澄清談個人愛情觀點的訪問被扭曲。



龔嘉欣

而坤哥昨日在將軍澳接受傳媒訪問則說:「以我認識嘅嘉欣,唔會係做小三同搶人男友嘅人,同埋一直同嘉欣都係冇發生乜嘢嘅,只係情同家人。至於卓淇,係冇同佢拍拖啦,同埋佢都寫咗件事畀人扭曲咗,希望佢哋都唔好再受牽連,希望大家唔好再唔開心啦!」撰文:李察




來源: http://hk.apple.nextmedia.com/entertainment/art/20161013/19798810
坤哥 哥冇 拍拖 護龔 龔嘉 嘉欣 欣非 非小 小三
PermaLink: https://articles.zkiz.com/?id=311847

姚子羚爆龔嘉欣多人追

1 : GS(14)@2016-10-14 06:52:20

姚子羚昨日在將軍澳拍攝劇集外景,對於有報道指其好姊妹龔嘉欣是吳業坤和前港姐王卓淇的第三者,姚子羚一臉狐疑地說:「吳業坤都冇拍拖點做佢小三,佢同坤哥係姊弟,絕對冇咁嘅事,好難成立。」



龔嘉欣(資料圖片)

最近龔嘉欣多次捲入別人的關係,被誤認是小三,姚子羚為好友澄清,指嘉欣追求者眾:「佢不嬲有追求者,咁靚女,又識煮飯,咁識照顧人,有人追好正常,佢咁大個女,要搵個人拍拖,搵個適合對象都係時候。」姚子羚曾被指介紹富二代給李施嬅,問她有否介紹給嘉欣,她說:「又冇喎,我嘅年齡層未必啱佢,都要啱眼緣。」撰文:非非




來源: http://hk.apple.nextmedia.com/entertainment/art/20161014/19799878
姚子 子羚 羚爆 爆龔 龔嘉 嘉欣 多人
PermaLink: https://articles.zkiz.com/?id=312024

唔再啞忍龔嘉欣拒背第三者罪名

1 : GS(14)@2016-11-06 15:49:08

第三者的罪名,唔係個個人都可以承受,好似今年26歲嘅龔嘉欣,先被指係楊明同莊思明嘅第三者後,再被爆係「偽毒坤」吳業坤同港姐王卓淇嘅第三者,佢接受周刊專訪時就講明,呢啲第三者罪名,佢唔會再啞忍,因為已經觸及佢嘅底線。昨日有周刊報道,龔嘉欣近來被指介入莊思明同王卓淇呢兩單戀情,出道多年嘅佢,以往會覺得呢啲負面新聞,總會過去,但係一連兩次俾人話做第三者,佢真係忍無可忍,要爆喇!佢喺專訪入眠咁講,原來呢啲新聞真係會影響到一個女仔嘅聲譽,就已經觸及到佢嘅底線。嘉欣話自己都有家人,尤其年事已高嘅爺爺嫲嫲,佢哋睇到呢啲新聞會點,身邊人見到佢哋又會唔會講一啲難聽嘅說話,令佢好擔心。嘉欣話自從楊明事件之後,佢都已經體會到,需要回答一啲正經嘅話題,唔應該用嘻哈嘅態度,呢個令佢上咗一課,但感恩嘅係佢最終能夠保護到朋友嘅婚禮。至於王卓淇,嘉欣就真係嬲豬喇!佢話當一個完全唔識嘅人,竟然公開批評,佢覺得真係好唔公平,亦令佢百思不得其解,但佢選擇咗沉默,因為佢唔想再俾機會任何人去製造新聞去攻擊佢。嘉欣都話有同坤哥講過,唔好再攞佢哋關係嚟講笑,因為真係會影響一個女仔嘅聲譽,好彩,最後坤哥都講咗真相,還佢一個清白。經歷過一連串嘅負面新聞,嘉欣就話以後會注意一吓與男演員嘅言行,唔想再有緋聞。




來源: http://hk.apple.nextmedia.com/entertainment/art/20161106/19824490
唔再 再啞 啞忍 忍龔 龔嘉 嘉欣 欣拒 拒背 第三者 罪名
PermaLink: https://articles.zkiz.com/?id=314250

龔嘉欣 不做緋聞女王 2016-11-18

1 : GS(14)@2016-11-21 03:53:01

http://skypost.ulifestyle.com.hk ... %B3%E7%8E%8B/235918

【晴報專訊】 近期龔嘉欣是非纏身,繼被指介入楊明與莊思明戀情,搞喊莊思明後,又被爆插足吳業坤與王卓淇的緋聞,「姣花」之說再度甚囂塵上。「可能娛樂圈很少像我這個年紀的女仔是單身,而且我多數與男拍檔合作,有感情綫,變成一定會傳緋聞,很正常的,只是不能太過分,認識我的人都知道,我不是一個嗲聲嗲氣的女仔,你硬要幫我安一些名稱,隨便啦。」她無奈地說。
頻頻被指是「第三者」,問龔嘉欣若有朝一日,遇到心動之人,會做第三者嗎?她搖了搖頭,然後說:「曾經,自己都有不愉快經歷,令我對愛情沒信心。我覺得兩性關係,信任很重要,我不想做一個整天疑神疑鬼的人。暫時,我還沒準備好(拍拖),會希望將來我跟另一半能好似朋友般相處,甚麼都能說,不需要隱瞞,不存在猜忌。」感情事,26歲的她強調起碼30歲後再考慮,「我想專心做事,不想再錯過一些機會。」擺明對緋聞落閘。


不再回應緋聞

她還講到明,以後所有不是事實的事,一概不會回應。「不想因為我再講一些說話,讓人有機會再做新聞,或者再斟酌我的某句話,然後將件事無限放大,當然,很多人會戥我唔抵,勸我站出來出聲,我覺得對件事而言,出來講未必是好的處理方式。我相信每個人都有判斷力,你要去相信那麼無稽的事,你咪去信囉,真正信你的人,總會相信你的,做好自己就夠了。」
說話有紋有路,不卑不亢,以為龔嘉欣是一個有主見、有計劃、有野心的人,她卻形容自己是「鱷魚頭老襯底」。「身邊朋友都說我個樣好精明,他們經常講笑:『為何你個樣這麼醒,個人又這麼蠢?』可能跟成長背景有關吧,我算是在小溫室長大,沒遇過甚麼大風大浪,所以很多事都不識得處理。」


初演賢妻良母

是非多,某程度上,也說明她紅。龔嘉欣近年劇接劇,去年便有五套劇出街。「我一直很幸運,公司很錫我,每套劇都給我一些小挑戰、新嘗試。」熱播台慶劇《幕後玩家》中,她首次演賢妻良母。「收到消息時,我的反應不是:『啊?要我演媽媽。』反而很擔心自己演不來,我有特地調整自己說話的方式,不斷提醒自己,要講得慢一點、溫柔一點。」
至於目標,她說沒有。「我份人很順其自然,我覺得所有事情都是安排好了的,由不得你去想,每個工作來到時,我就做好它,其他控制不了,也不會多想。這麼多年,我都是順着公司安排的路走。每個人性格都不一樣,把尺都不同,工作方式亦不同,我沒想着要做到怎樣,現在的工作方式,我很舒服。」說到底,她的終極目標,還是覓得有情郎,做真正的賢妻良母。
撰文:黃艷
攝影:林良明
編輯:黃寶恩
設計:Simon
龔嘉 嘉欣 不做 緋聞 女王 2016 11 18
PermaLink: https://articles.zkiz.com/?id=316415

龔嘉欣稱岑杏賢三次道歉

1 : GS(14)@2016-11-29 00:14:43

袁偉豪

龔嘉欣和袁偉豪昨日分別在太子及黃埔出席聖誕活動,對於有傳她和樂瞳與袁偉豪玩得太埋,令對方與女友岑杏賢分手。龔嘉欣呼冤指自己與袁偉豪大纜扯唔埋,她說:「岑杏賢同袁偉豪幫我澄清,還我一個清白,我同袁偉豪私下完全冇聯絡、冇見面,女仔唔可以次次被冤枉都唔出聲。」她又指岑杏賢三度向她道歉。下月5日是她的27歲生日,直言不心急感情事。



此外,袁偉豪今年寂寞過聖誕,他表示會向舊愛岑杏賢發祝福短訊,又指有年患上急性腸胃炎,幸得對方一直陪在身邊,他更兩度表示想追回岑杏賢,並承諾以後與女星保持適當避忌。採訪:黃曉妍 攝影:陳順禎




來源: http://hk.apple.nextmedia.com/entertainment/art/20161128/19847439
龔嘉 嘉欣 欣稱 稱岑 岑杏 杏賢 賢三 三次 道歉
PermaLink: https://articles.zkiz.com/?id=317400

賤男黃宗澤再出招 大婆龔嘉欣被迫到癲

1 : GS(14)@2016-11-29 07:55:28

大台台慶劇《幕後玩家》嚟緊呢個禮拜入戲肉,上星期龔嘉欣因為老公黃宗澤(Bosco)搭上「小三」劉佩玥(Moon)喊爆嗰場,人人讚好,獲讚「世界級演技」之餘,仲睇好佢有獎攞!龔嘉欣昨日接受傳媒訪問,講到佢最近好受歡迎,又有傳佢喺劇中會畀Bosco逼到癲,佢就話:「係呀!好多謝大家咁留意,來緊我會更加慘,其中一場戲仲喊到歇斯底里收唔到聲,拍完返屋企個心都唔舒服,好耐未試過有呢種感覺,希望觀眾都可以感受到,真係好多謝大家咁支持。..另一方面,《幕》劇點發展都係觀眾嘅關注點,Bosco嚟緊就會同小三阿Moon攤牌,飛甩對方;至於正印龔嘉欣呢,就會被老公逼佢離婚,之前已經有產後抑鬱症嘅佢,因為呢件事打擊太大,令佢抑鬱症復發,Bosco逼到佢癲咗,話要搶番個女。飛甩老婆嘅Bosco,為咗要入大公司,轉頭走去撬老友蕭正楠牆腳,狂追黃翠如,「雙黃」更會連成一線吞食咗間公司,翠如BB亦會越變越衰,利用完蕭正楠,轉而同Bosco喺埋一齊。嚟緊仲有兩星期就大結局《幕》劇,啲衰人會呼之欲出,除咗Bosco同翠如BB,仲有一個「幕後玩家」未「現身」……有網民對只得26歲嘅龔嘉欣演慈母狂讚好!話佢好戲,甚至評為「純得、姣又得,o依家賢妻又得」,話佢演技有進步。亦有唔少網民話睇龔嘉欣睇到好心噏,仲跟住佢喊埋一份,男女觀眾都打動到,最正嘅係有網民話要開Po推到龔嘉欣攞「最佳女配角」,甚至「視后」,睇嚟幫龔嘉欣打咗唔少強心針喎!




來源: http://hk.apple.nextmedia.com/entertainment/art/20161129/19849185
賤男 男黃 宗澤 出招 大婆 婆龔 龔嘉 嘉欣 被迫 到癲
PermaLink: https://articles.zkiz.com/?id=317516

【馮仁昭四圍超】龔嘉欣喊到癲咗

1 : GS(14)@2016-11-29 07:55:31

憑住《幕後玩家》喊爆人妻角色、獲得好評嘅龔嘉欣,劇中佢老公黃宗澤嘅所作所為,有唔少人都睇唔過眼,有消息傳出龔嘉欣飾演嘅人妻,會俾老公逼到儍咗,真係可憐。龔嘉欣接受傳媒訪問時話:「嚟緊我會更加慘,其中有一場戲仲喊到歇斯底里收唔到聲,拍完返屋企個心都唔舒服,好耐未試過有呢種感覺,希望觀眾都可以感受到。」撰文:馮仁昭




來源: http://hk.apple.nextmedia.com/entertainment/art/20161129/19848561
馮仁 仁昭 四圍 龔嘉 嘉欣 欣喊 喊到 到癲 癲咗
PermaLink: https://articles.zkiz.com/?id=317528

龔嘉欣揀定靚衫望攞獎

1 : GS(14)@2016-12-03 04:42:50

龔嘉欣近日憑劇集《幕後玩家》出色的表現,受不少網民大讚演技進步,早前更獲無綫頒獎禮的女配角和飛躍進步獎兩個提名。昨日龔嘉欣到新城訪問時表示感謝各方網民支持,對於頒獎禮,她說:「我都好有信心,希望可以得到一個肯定。」雖然有兩個獎提名,但嘉欣直言最想得女配角獎,又稱已經在準備當晚服飾,預告到時會大騷長腿:「因為要行紅地毯,騷腳會靚啲。」後日就是嘉欣的27歲生日,到時會如何慶祝?她說:「冇乜嘢特別,同屋企人食餐飯。(冇男仔約咩?)真係冇喎,而且下星期開新劇,要拍到過埋農曆新年,完全冇時間。」採訪、攝影:曹家誠




來源: http://hk.apple.nextmedia.com/entertainment/art/20161203/19853346
龔嘉 嘉欣 欣揀 揀定 定靚 靚衫 衫望
PermaLink: https://articles.zkiz.com/?id=317964

龔嘉欣執二攤獲兩提名

1 : GS(14)@2016-12-03 05:12:34

■龔嘉欣拍《幕後玩家》有指是臨危受命,頂替姚子羚。



無綫2016頒獎禮昨日公佈提名名單,男主角由大熱的《城寨英雄》陳展鵬鬥《致命復活》郭晉安,而郭晉安能否四度稱帝,仍是未知之數。女主角方面,最得意的提名要數《純熟意外》李施嬅,聲稱是客串的她,戲份少過另一女角蔡思貝,竟然入圍。



■吳岱融憑《巨輪II》高天鷲一角,獲提名「最佳男配角」。

而最佳男配角提名有大熱的《巨輪II》吳岱融,《幕後玩家》龔嘉欣同時提名女配角及飛躍進步女藝員。有消息指龔嘉欣演催淚人妻程思汝是臨危受命,頂替好姊妹姚子羚,日前她接受傳媒訪問,提到獲網民支持,她說:「老實講,係好想為呢個角色攞到獎,入行8年,好想有個肯定,當然有咁嘅反應,我已經賺咗好多,是意料之外嘅事。」撰文:非非




來源: http://hk.apple.nextmedia.com/entertainment/art/20161202/19851862
龔嘉 嘉欣 欣執 執二 二攤 攤獲 獲兩 提名
PermaLink: https://articles.zkiz.com/?id=318102

龔嘉欣拎獎贈爺嫲

1 : GS(14)@2016-12-07 07:41:16

■龔嘉欣昨獲餅店續約三年兼慶祝生日,雙喜臨門。



龔嘉欣昨日在灣仔與餅店簽約,續任三年代言人,適逢昨日是她生日,雙喜臨門。餅店特製頒獎禮獎座蛋糕,預祝她在無綫頒獎禮得獎,令她感動落淚。喊出個未來的她,因劇集《幕後玩家》慘烈痛哭一幕人氣急升,她說:「好多前輩都send生日祝賀訊息畀我,都祝我頒獎禮得最佳女配角獎,好感動。希望有少少成績,如果得獎送畀爺爺嫲嫲,等佢哋唔使擔心我。」現與姚子羚同住的龔嘉欣,生日願望是能置業有自己的家,被笑指買「姑婆屋」,她說:「我只係想有個安樂窩。」她謂現在每天有工作很好,因太忙沒時間想拍拖的事。採訪、攝影:王連連




來源: http://hk.apple.nextmedia.com/entertainment/art/20161206/19856017
龔嘉 嘉欣 欣拎 拎獎 獎贈 贈爺
PermaLink: https://articles.zkiz.com/?id=318520

龔嘉欣被批生孖B

1 : GS(14)@2017-01-02 01:05:47

龔嘉欣昨日在商台受訪,被節目主持人兼玄學家李居明批她於2018年有機會封視后,以及將來有機會生孖B,事後龔嘉欣表示很喜歡小朋友,至於能否得獎,她坦言不敢多想,一切隨緣,但早前獲「最佳女配角」後,工作的確接踵而來,收入大增。她又指早前朋友替她搞相睇飯局,但已遭拒絕,她笑說:「朋友戥我好心急。」採訪、攝影:黃曉妍




來源: http://hk.apple.nextmedia.com/entertainment/art/20170101/19883025
龔嘉 嘉欣 欣被 被批 批生 生孖
PermaLink: https://articles.zkiz.com/?id=320934

龔嘉欣預告利是加碼

1 : GS(14)@2017-01-09 08:11:32

龔嘉欣昨日一身喜慶紅裙在荃灣參與「夜光龍騰大巡遊」,親自為夜光龍點睛。嘉欣表示拍劇檔期中抽到時間搵真銀非常開心,而今年賀歲檔期工作量比去年多一倍,計劃整蘿蔔糕返廠派給大家吃。她又透露今年派利是的銀碼會加大一倍,另外早前也捐助流浪狗,希望將自己運氣跟大家分享。以往新年,嘉欣都收到爺爺嫲嫲大利是,今年她打算派利是給家中長輩以表敬意,問到爺爺嫲嫲有否催婚?她說:「佢哋上星期先同我講唔好咁快結婚,過咗30歲先,?家做好工作。如果拍拖會先經爺爺嫲嫲過目,不過一家人都唔心急。」採訪、攝影:馬建華




來源: http://hk.apple.nextmedia.com/entertainment/art/20170109/19890583
龔嘉 嘉欣 預告 利是 加碼
PermaLink: https://articles.zkiz.com/?id=322045

龔嘉欣初一開工好兆頭

1 : GS(14)@2017-01-29 10:31:42

龔嘉欣、汪明荃、劉佩玥及堪輿學家麥玲玲等昨日大年初一在電視廣播城參與新春節目,麥玲玲預測黃翠如今年可能有喜事。龔嘉欣去年獲獎成績大躍進,初一開工覺得取個好兆頭,今年加碼派開工利是,寓意繼續當旺,她今年以工作行先,將戀事放下,慶幸父母沒有催促拍拖。劉佩玥入行後才知派利是非已婚專利,近年亦有派開工利是習慣,大家齊齊開心。




來源: http://hk.apple.nextmedia.com/entertainment/art/20170129/19911877
龔嘉 嘉欣 初一 開工 兆頭
PermaLink: https://articles.zkiz.com/?id=324621


ZKIZ Archives @ 2019