ZKIZ Archives


司徒華點滴 左丁山

2011-1-10  AD




 

司徒華逝世後, 好多佢嘅生前「秘密」逐漸曝光,一人講一句,加加埋埋,就知道司徒華對各方面都有影響力,譬如港大教育學院程介明教授係港大教育學院支柱之一,對港大甚有 助力,但根據教授所言(信報一月七日),一九八四年三月他在倫敦讀博士待業之時,港大應承同佢簽三年加三年嘅教書合約,而中大教育學院院長杜祖貽親自打電 話搵佢,請佢入中大做「長工」。一般新科博士為安定前途計,一定推掉合約工嘅,但程博士問司徒華攞意見,司徒華就寫信勸佢應聘港大,為港大教育學院添點心 血,因為中大教育學院已與外界接觸多,氣氛活躍喎!程博士於是就回母校港大任教,改變了部份香港教育史。

六四後香港支聯會有拯救民運人士行 動,代號係黃雀行動,左丁山知識淺薄,成日以為係「螳螂捕蟬,黃雀在後」,即係公安拉人,支聯會黃雀在後救人咁解。亞洲週刊訪問黃雀行動負責人陳達鉦問及 「黃雀行動」之命名來由,陳先生即刻背出曹植「野田黃雀行」:「……羅家見雀喜,少年見雀悲,拔劍捎羅網,黃雀得飛飛……」黃雀行動就係「黃雀得飛飛。飛 飛摩蒼天,來下謝少年」咁嘅意思,係熟讀詩書嘅司徒華採用嘅,哎吔,此詩在中學時讀過,竟然忘記晒,寧不慚愧?

 

呢幾日睇咗 不少司徒華嘅資料,最令左丁山佩服者就係司徒華老早諗到為教協開源、搞財政獨立嘅妙計,就係辦好「教師超市」,以賺錢養教協,多年來辦得相當成功。一般老 師不懂做生意,也視生意為庸俗,即使要做,都會辦得唔湯唔水,但教協在司徒華領導下,就懂得在呢方面與現實妥協。左丁山同教協有一次咁多嘅交手經驗,與神 童輝搵華叔傾合作,華叔叫我地同一位郭老師談判,呢位郭老師好懂得為教協爭取利益,連神童輝都評論一句:「乜老師咁識講數o架?」就因為華叔辦社運嘅策 略,就係首先鞏固教協財政,不倚賴他人捐款,教協先至可以多年來企得咁硬啫。


司徒 點滴 左丁 丁山
PermaLink: https://articles.zkiz.com/?id=21340

職場點滴(3):用人唯疏? 脫苦海

http://notcomment.com/wp/%E7%94%A8%E4%BA%BA%E5%94%AF%E7%96%8F/

「人人都說我李鴻章用人唯親,我就是用人唯親!不用人唯親,難道用人唯疏?」

這是電視劇《走向共和》其中一個到拳到肉的對白,當然無人考據這句說話是否李鴻章親口說過,但可以說是某些人行事經歷的心血結晶。

當然,也有人反駁說:「這兩個本是logic irrelevant factors,真正的標準是才能和德行。」說得出這類話的人,要不是書呆子,便是沒有足夠的管理處事經驗。

一個人有才有德,但不為你所用,「雖信美而非唔土兮,曾何足以少留?」。一個人能不能夠助你一把,談甚麼才德還在其次,別人根本就與你不同路又有甚麼用?

所謂獅子領導的羊群,可以打敗羔羊領導的獅子,能夠說出「親疏有別」的人已經是夠坦白了,但能夠做而不講就更加好。

人因為有我,便有了親疏,人與人之間的距離,正如李宗吾《厚黑學》中的〈心理與力學〉所講:

我→親→兄→鄰人→本省人→本國人→外國人

我→友→他人→犬→花→石

一個成功的領導,應好好應用不同親疏的人,同樣地一個被領導的人也應好好應付與領導者的親疏關係,偏偏這樣簡單的道理一些「讀番書」的人偏偏不去實踐,甚至反其道而行。這些並不有趣的現象,除了在香港政壇之外,辦公室也見得多。

人的親疏並不一定不可改變,聰明的人嘗試令自己與別人的距離拉近,愚蠢的人卻去利用別人的接近圖利,反而製造了與別人的距離,甚至反目成仇。一個與人人都反目成仇的人又如何立足?將自己迫到牆角又如何自愛?偏偏我們的政界就是多這些人,股壇也有很多這樣的大股東及管理層。

職場 點滴 用人 唯疏 苦海
PermaLink: https://articles.zkiz.com/?id=75901

職場點滴(2) :20K的迷思 笨發

http://notcomment.com/wp/20k%E7%9A%84%E8%BF%B7%E6%80%9D/

早輪與網友吹水,提及不少職場及人生見解,想同大家分享下
如有留意日本及本地經濟狀況
當會發現「M」型社會現象越加激烈
中產數目急劇下降,社會向上層及下層移動,收入呈兩極化
至於中產的定義,人人不同
有人喜歡以純收入計算,有人鍾意講興趣生活習慣,而財爺仲誇到話有份工要交稅就係中產
為方便講述觀點,這裡會用強積金目前供款頂線,月入20k做一個簡單標準
一名大學畢業生,畢業時平均22、23歲,工作了六、七年,經歷了一個經濟循環,中間升過一次職,有凍薪有加薪(好彩唔洗減)
平均一年工資增長5%計,到30時應該不難去到20k的收入水平。有幸成為專業人仕及公務員一分子,則機會幾乎達百份百了。
然而,何解積金局公佈的數字,卻顯示收入達20k或以上的僱員,只有約32.6萬????佔總就業人數352萬不足10%?

簡單分析如下:

1. 部份大企業及大學,依然採用公積金計劃,沒有加入強積金
2. 政府近年凍結公務員招聘
3. 工種北移至內地及澳門
4. 本土產業空洞化,只剩金融獨大,連地產都dup水
5. 本土過去坐上繁榮號列車,加上內地開放之始,港人身份優惠,工資不合理地扯高,現工資開始反映真實的城市競爭力.

當中尤以3、4及5較重要。處身當下,如何面對?

1. 職場上盡可能早d發力
如今世界環境變化極之急速,好難再容許有大器晚成及中途出家,好多行業,30出頭的便俾人叫老野,上到位就做director,partner,老細,上唔到位就可能浮浮沉沉做個路過人。
客觀去睇,一個人,男又好女又好,年屆30自不然會諗下結婚生仔組織家庭,如此對時間分配必然有一定影響,有個bb係屋企,你仲捨得經常性係公司捱通頂出trip周圍去?

2. 避免磋跎歲月
好多人工作時諸多不滿,終日怨天怨地怨鬼神,郤不見有轉工等實際行動。正如上文所言,一畢業至30以前,基本上係事業發展的黃金歲月,時間極之有限,如覺得自己不適合現職或行業,轉吧!!管他勞什子的年尾雙糧或公司過年大利是。

3. 積極理財
又係同一個理由,人到中年,各樣開支會越來越多,如其時始學習儲蓄投資,則會極之力不從心。
唔係話要唔消費唔玩剩儲錢,不過不妨一出來工作就月供下藍籌股,即使一個月一千蚊都好,有左呢個儲蓄(小弟唔當佢係投資)習慣,閒時研究下投資之道,小注實戰拎下經驗,當可避免輸大大舊錢「當交學費」的慘痛經歷。
畢竟,搵幾多都係假的,只有剩到幾多先係重點。

4. 健康生活
呢點說來慚愧,小弟都未做到。
不過大家都知道的,無健康的身體,係support唔到你去衝鋒陷陣的,更諻論享受人生。

至於有人話老虎與蟹都一定要大學畢業,最好有埋碩士博士銜頭,先可以係智識型社會下生存,小弟不盡同意。
人人書緣及開竅時間不同,能有此福份,固然可喜。稍不足者,與其磨爛蓆,不如用心發展事業,雖然唔可以話行行出狀元,但相信用心工作態度誠懇的人,係飲食服務業等都不難成為一個中層吧?

職場 點滴 20K 迷思 笨發
PermaLink: https://articles.zkiz.com/?id=75906

職場點滴(5) :老細的時間就是管理成本 笨發

http://notcomment.com/wp/%E7%AE%A1%E7%90%86%E6%88%90%E6%9C%AC/

早兩月某電視台的新聞部出現「花旦爭寵」事件,其中一人更淚灑銀幕,當時已經同班frd講:

管理成本高的同事,才能再高,一般都無運行,output大的(如周乂儀)都仲可以用下,output細的(如呢兩名),咁就打定信啦。

謎底已經解開:其中一名主動辭職,另外一名因為手足口病在家養病,而周小姐已經復出左一段時間。

所謂管理成本,即係一個上級要花幾多時間落一個下屬度,而令佢執行到相關任務。

舉個例子,一個經理人工30K,而個下屬人工12K,呢個下屬做野一般OK,但有時會有情緒問題,要個經理每星期花半日同佢談心或者係處理其他同事的conflict,一個月就2日。

咁呢個staff真正的成本,就唔係12K,而係30K x 10%(一個月約20個工作天)+ 12K=15K,而果3K就係管理成本。

有D員工會搞到更大的屎(如男女關係問題),咁可能會involve到HR,更高級的經理,or even director,咁即係個管理成本極有可能超越佢份糧(假設人工等於生產力),咁的情況炒左佢就等如賺左錢。

所以點解大公司會肯俾高D人工,請一D讀書成績好的大學生,除左基本能力外,好大程度係呢D人的管理成本相對低,變相可以拉高佢人工。情願俾多幾K,請D易管理的人,好過慳左幾千但蝕晒自己時間。

有些情況是:

一個員工某方面工能力係高既,但有性格障礙,人家做錯少少野就會向上司投訴,搞到神憎鬼厭影響士氣,另外明明無經驗但又極度主觀,又要話哂事做大佬,同佢合作的同事都是鬧交收場,搞到佢上司都要把他isolate自己做,由於無人能同佢合作,自己一個又點會做得掂,(然後又會投訴無人support佢,又試過寫email給大老闆投訴公司無人尊重佢),做了兩年現在output還是零,但公司夠大又容得下佢繼續玩。敢問發兄此類員工應如何處理?

咁depends on佢「某方面的能力」有幾高,如果真係高到無可取代的,咁只能忍一下,然後同佢做frd,再慢慢開解,但需時可能係以年計。

如果只係一般的高,咁就搵replacement。

記住,當你管理一個人的成本,比佢的output仲要高的時候,咁一個合理的方法就係炒左佢,情願無人都好過花時間管理佢。

P.S. 後尾脫兄仲加多腳:

好多所謂80後90後或者X世代,就係唔明白佢地的管理成本已經遠超佢地的剩餘生產力,有乜法子唔被人壓人工。
偏偏又有好多HR顧問,鼓吹D公司管理層當呢班友觀音咁供奉喎!

職場 點滴 老細 細的 時間 就是 管理 成本 笨發
PermaLink: https://articles.zkiz.com/?id=76139

職場點滴(4) :鉛筆刨 脫苦海

http://notcomment.com/wp/%E9%89%9B%E7%AD%86%E5%88%A8/

傳統的教育觀念是:

你們入來學校吧!只要你們努力讀書,就可以充實自己,令到自己一展抱負,為社會作出貢獻……學校(尤其是大學)就是一支鉛芯筆,只要能夠進入鉛芯筆,必定能夠寫得出字。

實際上,筆者的觀察是,學校是一個鉛筆刨,一支掘的鉛筆進入去,拿出來便是一支尖的鉛筆,也可以用來寫字。鉛筆碎?既然是無用的,理他作甚?

任何社會的人群,均有賢愚智昏,社會金字塔永遠是較少的人得到較好的待遇,較多的人得到較差的待遇。越係開放公平的社會,越係用越殘酷的方法來篩選。

人群就像一枝鉛筆,有些人是木,有些人是鉛芯。鉛芯筆只不過是剝奪了那些木接受教育的機會,其實是假象。普及教育的結果是成枝鉛筆要放入鉛筆刨中刨,結果很多木刨了出來,甚至連某些鉛芯也刨了出來,剩下的只是尖子,才用來寫字。

將學校打扮成一個怎樣美好抽離的環境又如何?鉛筆刨內有刀片的,目的就是要將無用的木同鉛芯刨出來,就算學校沒有刨出來,社會大學一樣係一個大鉛筆刨,直到整枝鉛筆化為木碎鉛碎為止。

職場,何嘗不是鉛筆刨,你們以為逃得過嗎?

職場 點滴 鉛筆 苦海
PermaLink: https://articles.zkiz.com/?id=76145

職場點滴(6):平凡人的遊戲規則 脫苦海

http://notcomment.com/wp/%E5%B9%B3%E5%87%A1%E4%BA%BA%E7%9A%84%E9%81%8A%E6%88%B2%E8%A6%8F%E5%89%87/

曾幾何時「求學不是求分數」成為教育界的一句口號,之後Hea的文化就開始普及。考試唔係一切,唔係咁重要姐!引伸出來,有些人返工只係為出糧,工作做成點,有沒有成績已經變成次要。

考試考得好,無乜大不了。考試考得唔好就應該係更加無乜大不了,而不是了不起。家下d人講到,我讀書唔成,十乂又係讀書唔成,所以我就係十乂。

呢個世界有少數人在各方面有天份,劃畫叻的可以係黃玉郎馬榮成,但係果d只係《女皇的教室》中的馬場同學,學女王話齋,你劃畫,賣唔晒咁點算?你踢波,莫講入到J League的人唔多,就算比你入到,受左傷咁點算?

幾十年前就算無讀過書,有門手藝已經可以創業興家。相反十幾年前如果畢業畢得遲,或者出黎做野做得遲,已經可以差好遠。今時今日你就算有創業資本,都未必可以成功。同做生意或者投資比,讀書考試同打工真係易好多。做生意或投資,無syllabus,無mock exam,無model answer,甚至照足前人咁做都未必work。

今年才畢業的小朋友,容易行的路唔去行,難行的路又唔想行,在香港呢個成熟社會根本就無乜機會。無錯可以靠個人的天份闖出新天地,莫講話成唔成功,就算成功過程也十分艱難。中學讀五年得堆蛋,剪翅偽進一兩年可以補五年之功,不如小學畢業就讀喇!駛乜花五年姐!新加坡教育制度都係一早分流喇!

考試可以囉零分,根本就係一種對人生放棄的態度。當一個人認為乜野都唔重要的時候,呢一個人本身都已經無乜價值可言。呢類人,比份工佢地做唔記得打咭,比個部門佢地管連自己都管唔掂,生一堆小孩子出來,自然用來要脅。

讀書考試,就係比好似我地呢d無天份的人呃飯食,十乂是做生意的天才,佢讀唔讀都係天才;我地唔係天才,比心機讀書比天才請喇!

讀書、考試制度、職場,根本就係專為我們這些平凡人而設。

職場 點滴 平凡人 平凡 遊戲 規則 苦海
PermaLink: https://articles.zkiz.com/?id=76236

職場點滴(7) :天下只得四種人 笨發

http://notcomment.com/wp/%E5%A4%A9%E4%B8%8B%E5%8F%AA%E5%BE%97%E5%9B%9B%E7%A8%AE%E4%BA%BA/

有人說
天下再大
其實只得四種人

1.冇能力,冇理想
此為世間的大多數,平凡一生,營營役役

2.冇能力,有理想
老董便是此一類,志大才疏,徒為世界帶來麻煩

3.有能力,有理想
此輩乃天生的領袖人物,自小已清楚自己目標,一生發光發亮

4.有能力,冇理想
呢類人最仆街,沒有壓力目標的時候,做事提不起勁,然一旦給他們遇著誘人的目標,則全力出擊,不達目標誓不休。

頭三類人,以歷史預計其行為,雖不中亦不遠。唯第四類,是好是壞,無法估量。

職場 點滴 天下 只得 四種 種人 笨發
PermaLink: https://articles.zkiz.com/?id=76675

職場點滴(8) :專業? 脫苦海

http://notcomment.com/wp/%E5%B0%88%E6%A5%AD/

有公司以這個定義來詮釋專業:

occupation, esp one requiring advanced education and special training

職業;(尤指需要接受高深教育及特殊訓練的)專門行業

坦白講,用一本中學生常用的字典作為宣傳廣告的根據,筆者就覺得不很「專業」了,以下是一名社會學家對專業的定義:

http://www2.hkedcity.net/citizen_files/aa/bl/ta3388/public_html/professional.html

六十多年前,Carr-Saunders and Wilson (1933) 已經對專業的定義作出討論,近代的社會學家一般的見解認為界定為「專業」的「職業」(occupation) 需合符以下的要求:﹝COX, 1987﹞

又很坦白地講,在這名社會學家的眼中,經紀(包括地產證券基金保險之類)作為一個生意中介的行業,又未必每一點都符合,尤其是最後的一點。

筆者大學副修社會學,當中有結構學派(structuralist)、功能學派(functionalist)之分(當然仲有好多乜派物派)。社會有其特定 的結構,但對於人們來說功能比結構更重要。社會結構現時規定某些商品交易要經過某些人,並不表示這些制度及人等能發揮其應有的社會功能。正如律師本應具有 維持法治、促進社會公平公義的功能,這些法律人仕選舉時常用的口號,放在社會功能上只會令人啞然失笑。同樣道理,各行業的經紀又能夠達到多少社會功能?

作為一個經紀(無論賣甚麼產品),起碼要做到以下功能:

香 港部份地產經紀能夠做到多少這些起碼的要求?大家從各種渠道聽過關於地產經紀的報導,絕大部份是負面的,當然有人認為這是傳媒「隱善揚惡」,有人讚無人出 聲,一有投訴就大大聲。問題的根源是:究竟業內人仕有幾多係清楚客戶比佣金,是為了獲得服務,而不因為有牌就老馮收錢,甚至自視為釣魚郎把客戶當成上鈎的 魚?大多數人的經驗是,經紀只關心完成交易及收取佣金,為了搶得生意,可以收埋d盤或者收埋d客,金額少唔願做,客戶承受力不足也游說客戶買大單位,甚至 賣新樓不看售樓書之類。任何行業都希望得到別人認同及尊重,但先要自重。

面對市場現實,樓宇買家最緊要係清醒:你們比佣,不一定能得到 應有的服務,甚至可能被誤導。買家能夠做的只是自求多福,多做功課,不單要親自搜集資料,最好能到實地觀察。或者有人問:我明明要比佣,點解仲要自己做功 課?不如我直接同業主傾,或者千方百計避佣。問題係:香港政府耐唔耐就亂花納稅人的錢財,是不是表示有權唔交稅?

職場 點滴 專業 苦海
PermaLink: https://articles.zkiz.com/?id=76681

職場點滴(10):辦公室基本技術 脫苦海

http://notcomment.com/wp/2696

大家都做過辦公室新人,大家都有機會以舊人的身份看新人,辦公室需要的工作技術,甚至工作態度,待人處事之類,學校根本就無教,究竟一個人要在辦公室生存發展,需要一些甚麼基本技術呢?

電腦文儀

十幾年前筆者讀書時已經識用電腦及打中文字,點知第一日返工都被難倒,就是因為公司的電腦及軟件太舊。現在人人都用MS-Office,仲有無人記得WordStar、WordPerfect、Symphony、Lotus、dBase、國喬、倚天?筆者見過最經典的一部電腦,是在2000年時仲用緊英文Win98外掛Richwin轉中文,唔係話唔識用,而係好難用。

舊電腦同舊程式固然難用,都唔夠舊機器難用,例如筆者第一天上班便搞唔掂部全手動型打字機,即係仲有一條條鐵枝打粒字去中間果隻;Fax機未用過,好彩未至於好似某「大學生」笑話咁:有個大學生第一返工,佢老細叫佢Faxd野比客,跟住個客打比佢老細:你做乜野Fax左幾次比我?一問之下,大學生反問,點解Fax極份野仲嚮部機度?

當然,有一樣文儀到今日仍然唔識用的:打電報。以前做商品貿易一切以信件及電報作實,連Fax都不承認,看著同事用電報機,及上面的電報短語,完全不在行。當然,今時連e-mail都可以做呈堂證供,沒見過人用電報了!

公文應對

辦公室用的文字,與學校的形似而實質兩樣。格式尚在其次,原來很多人寫信用字有很多埋伏的,故意將內容寫得含混、迷糊,來達到某些效果。所以有時見到一些寫得很好的信,不妨影印記下。筆者多年來收到寫得最靚的信,是某大使館代表調職的告別信,居然可以用英文寫道:「我們的人生旅途相交,離別之後或再重逢」,可惜沒有留底。

同客戶講野固之然要小心翼翼,原來同同事也要留神。不單止講錯野會得罪人,有些人是最愛用言語來陰人,只要不小心地隨口應了「係」、「好」、「哦」,分分鐘比人過左一幢。聽電話也是,有些公司會在電話檯頭用紙寫著一些罐頭對白,諸如「XX公司,早晨/午安/晚安,有乜野可以幫到你」、「負責的同事傾緊電話/唔嚮位/行開左/做緊野/開緊會,方唔方便講底乜野事/留低電話」之類。但筆者發覺,很多接電話的小朋友是缺乏這方面的訓練,居然可以答「未返」、「唔嚮度」、「去左廁所」。門面說話一定是經過修飾的,當然要作一個好的理由。

以上所講是極之皮毛,但偏偏學校無教,很多人打幾年工都唔知唔識唔做,看起來聽起來,便活像山寨廠文員。

職場 點滴 10 辦公室 辦公 基本技術 基本 技術 苦海
PermaLink: https://articles.zkiz.com/?id=79803

職場點滴(9) :6%人 脫苦海

http://notcomment.com/wp/2689

我記得小學時學校要用英文寫「我的志願」,結果我寫左”worker”,因為小學生唔識得幾多個英文字,又唔想寫doctor、teacher之類咁老土,小學生生活圈子上能夠接觸到的「工作」,可能仲有driver、actor之類,寫worker就最中性,咁worker工作係做乜呢?小學生鬼知咩!其道理正如電視編劇寫黎寫去都係警察、黑社會、醫生、律師、教師之類,其他人做乜工作,鬼知咩!

讀左十幾年書,做左咁多幾年野,知道社會是動態發展,對社會任何靜態的觀察只會流於表面及片面。點解幾十年前有漁農友會,之後有工會,又之後有專業團體?就係因為社會的生產模式不斷改變,只有走到社會較前端的工作人士,才有可能享受到社會發展及繁榮的結果。

當中國最近開始出現城市人口多於鄉村人口,即是超過一半人口住在城市(先不論城市的定義,及城市內人口究竟做一些甚麼工作),而香港在過去廿年來製造業人口減少了一百萬,未來展望香港經濟的增長部份主要在那裏?官方的講法香港經濟四大支柱是「金融業」、「貿易及物流業」、「旅遊業」和「工商業支援及專業服務業」。2002年香港經濟的四大支柱行業合計, 增值額達6,410 億元, 佔本地生產總值53.2%; 提供的職位共有1 420 000 個, 佔總就業人數44.0%。趨勢上比重是有增無減。

工會領袖,是沒有可能不知道社會的發展趨勢,佢地指出運輸服務業出現實質減薪(即相對於名義增幅),所以的士要同客貨車紥馬,巴士司機要接受3%增薪;受惠的只有專業人仕、管理及專業人員,基層勞工一點也分享不到。

工資兩極化、企業壟斷、產業結構失衡、壓迫和剝削、貧富兩極化之類,我沒有好氣爭論是否屬實,就同情地了解為真。正如我一向所講,無論你用乜野美麗詞藻去形容一樣野,實然就是實然,應然只存於各人的心中,人人都有自己「應該」的世界,但無論點想法,都唔會成為現實。正如我希望人人都中六合彩頭獎,只要買就人人中六千萬,樹生不出天跌不下,想又如何?

蛋糕有餅底、蛋心、忌廉、櫻桃,如果想成舊蛋糕同質化,結果一係成舊都係蛋心,或者將成個餅打碎,結果似乜野樣?社會結構可以短暫地被人為地扭曲成人人「平等」,但人的個別差異就好似浪淘沙一樣,越大粒越有機會留低。我們作為個人,能夠做的只是盡自己的能力爭取較高的社會經濟地位(socio-economic status呢一句社會學罐頭名詞),對於現況欠理想的人,除了寄予同情之外,可以指路佢行,行唔行到各自修行。任何他人以力量將一群人提升,結果是另一群人跌落去填補佢個位,唔係邊個洗廁所執垃圾?有人講得好o岩,鼓勵人創業做老闆,咁誰人會打工?放一萬個心,總有一些人,中左六合彩幾年後都係一貧如洗。

工會領袖會唔會唔明白呢個道理?佢話唔明我都唔會信喇!人人都有維護一己利益的傾向,沒有人會在自己的飯碗上撒尿,要撒就撒在別人的飯碗上,或者佢根本就唔想要呢一碗飯,香港唔係有某一個領證工會領袖咁樣咩!

P.S. 最後,不能不提這句:

這個世上只有6%的人可以得到幸福,擁有權勢與財富。

──阿部律真矢《女王的教室》

職場 點滴 6% 苦海
PermaLink: https://articles.zkiz.com/?id=79804

職場點滴(8) :如何面對高薪挖角? 脫苦海

http://notcomment.com/wp/5374

昨天多名市民在政府總部集會,事涉香港免費電視牌照,當中很多都是該公司的員工。

梗係喇!明明一有牌,就有排有得做,忽然間「說好了的牌照呢?」,結果就有三百幾人食無情雞。不過作為打工仔,我地都要睇下呢單野對我地乜野啟示。

有一單鄰埠新聞,都係同呢件好多相似之處,就是全澳門最大的巴士公司,維澳蓮運申請破產。

大家可能會話:巴士同免費電視牌照,大纜都扯唔埋,而且又關職場乜野事?

話說在2009年之前,澳門只有兩間巴士公司,就係澳門本地商界的新福利,和國內南光集團的澳門公共汽車(TCM)。

後來澳門政府將巴士服務招標,第一間交標的公司竟然不是這兩家,而是一間新的公司──維澳蓮運。

呢間公司同香港都有一點淵源,維澳蓮運的其中一個投資者是歐洲最大的交通運輸業者是威立雅運輸集團(Veolia Transport),呢間公司現時全資擁有在港島北岸行駛的電車,大家都會覺得近年電車D車又靚左,仲有冷氣車,諗住維澳蓮運都應該係一個管理好好的公司……

不過事實上,這家公司是澳門公認是服務水平排第三,意外率卻排第一的巴士公司,雖然規模最大,卻因為經營不善而要申請破產。

原因?居然同香港的免費電視牌照有一點兒相似:因為維澳蓮運開業時,正值多間大賭場開幕,大家可以在新口岸碼頭見到好多間賭場同酒店都有穿梭巴士。

咁樣大家就可以理解到,當時作為一名澳門的巴士司機,佢有以下選擇:

1. 繼續在舊公司做,安安樂樂無需再適應,仲有可能有多少人工加添!(因為行業競爭)

2. 轉任賭場同酒店的司機,工作無咁大壓力,人工都應該唔價少

3. 跳槽去新巴士公司,工作壓力一樣,仲要重新適應

雖然筆者沒有在澳門長住,由於好多親戚都係澳門人,澳門的民情同香港大不相同,要佢地東家唔打打西家,佢地就會話做生不如做熟。

結果,維澳蓮運不單只要高薪挖角,而且請回來的個別司機仲要係質素較次,駕駛態度未必好的司機,形成運作成本大增,服務質素卻跟不上。

那麼,對大家打工仔又有何啟示?如果有一天,「汝曾被告知」被人高薪挖角:

1. 千萬不要因為多幾百蚊就即刻走去(部份香港打工仔的通病),一來新公司究竟有沒有長遠的實力?二來先跳的隨時待遇不及後跳的,睇定D,唔駛急。

2. 行業既存者的生存機會,係遠比新進入市場的競爭者高得多,因為他們往往擁有好多新來者不知道的資料和數據。

3. 跳得一間,就要預左自己要跳第二間,在一些壟斷性的行業(例如香港的電視業),你沒有多大的選擇,甚至乎應該諗埋轉行的Plan B。

講到尾,時代變得越來越快,一份工打到退休都係買少見少,咁大家就要有心理準備,要靠自己,唔好等待老細或公司的仁慈,裝備自己去迎接轉變,打工仔最可靠的就是:

靠自己!

 

P.S. 澳門巴士的三國演義,其實同香港都有好多相似之處。

中巴當年被奪去專營,原來在澳門都有發生過,就係澳巴當年在開標之後4分鐘,才走去交標:

http://zh.wikipedia.org/wiki/%E6%BE%B3%E9%96%80%E5%85%AC%E5%85%B1%E6%B1%BD%E8%BB%8A%E6%9C%89%E9%99%90%E5%85%AC%E5%8F%B8#.E5.85.AC.E5.8F.B8.E7.B0.A1.E4.BB.8B

結果搞左一大輪,就和和果果是是旦旦咁搞掂佢。經此一役,澳巴元氣大傷,路線最少。

大家想一想,香港免費電視台都有類似的情況,至於後事如何,都係要食花生了!

澳門巴士

職場 點滴 如何 面對 高薪 挖角 苦海
PermaLink: https://articles.zkiz.com/?id=79806

職場點滴(7) :消耗性行業 脫苦海

http://notcomment.com/wp/2683

做IT是一個消耗性極大的行業,年過三十幾已經好困難咁做落去,到四十根本就追唔上,例如我阿叔在八十年代是某美國電腦公司的高層,後來呢間公司結業,佢唯有轉行搞生意。在消耗性行業除非做左管理層,搵後路的思想是正確的。

不過做金融也是消耗性行業,否則我一早做左。我由1988年入股壇,在電視、報章見到都唔知轉左幾多代人。做金同外匯的陳新燊、做基金的蔡光華之類,當年報紙日日有文出,如今安在?林森池唔寫書、香植球無死到,仲有邊個記得佢地?今日見到的財經演員,五至十年會唔見晒,股票經紀在網上落盤普及後更加無得做。

除了公務員之外,消耗性較低的行業有如下特徵:

做消耗性較低的職位,可以做工作以外的其他野。如果做金融業,收入可能多兩三倍,但投入可能是十倍。

大家諗一諗,比本電話簿你連續打幾個鐘頭不斷被人拒絕,或者要加入一些會面矇矇咁去識人,人地一睇你個咭片就防住你,為的只係搵多可能一倍的人工,你喜愛做的事完全同你無關,你又希唔希望有一個咁的人生?

偏偏有d人係幾萬一個月唔夠駛,十幾萬一個月又唔夠駛,過百幾萬一個月都唔夠駛。好似中產日報耐唔耐講某行業,工作壓力大,做到兩眼發黑像條死魚,搞到要購物減壓一款裙買五條全部唔著。

咦?明明呢行可以半薪半職,半份人工多過人地全份,可以編更編到一個星期有一兩日唔駛返,要返都只係返半晝,我有朋友一供完樓就半職半薪,佢幾好呀!噢!報紙話原來有d人九七時五百萬買左一層樓,仔女一定要讀國際學校及留學外國,件衫個袋無個牌唔用得。「中產」階級追求富豪生活,人工少個崩都唔得,咁,繼續過搾汁機碎肉機生活囉!

我們追求的是「人生」,人人都只係得果幾十年,點樣令個過程適合自己,少d痛苦,多d美好回憶,偏偏好多人都背道而馳。與其幻想自己可以四十歲渣遊艇環遊世界,不如搵一份自己願意做到死的工,生個仔,準時放工弄兒為樂。

職場 點滴 消耗 行業 苦海
PermaLink: https://articles.zkiz.com/?id=79807

職場點滴(6) :類專業紅海 脫苦海

http://notcomment.com/wp/3063

記得樂隊Beyond的成員之一黃家強(黃家駒的弟弟)曾經有次宣佈退出樂壇,並計算自己十多年來的收入除以月份,得出自己的平均的月入是一萬幾千,所以他也是廉價勞工云云。一個公平的比較是「蘋果對蘋果」(apple to apple) 。通渠工人的月入並不會高於IT人,因為不會由朝到晚都有渠通,正如歌手也不會天天出show,這樣計算「時薪」根本就無從比較。

每一類工種的性質、要求、難度、工作量均有差別,IT人又可不可以兼職做通渠工人?莫講話通渠,搭棚人工工作只是半個鐘,收一千幾百蚊,但搭好個棚叫筆者企上去都驚,一個大吉利是跌左落樓,賠返一千幾百萬又有何用?何況,打份文職工(俗稱寫字樓工)搣手指都有份人工,做手藝就手停口停,一日八個鐘頭,邊度搵八個棚出黎搭? 一個月都未必有幾多單生意。

某些「類專業」人仕(當然包括IT人)均有一個通病,就是認為只有自己是專業而鄙視其他工作,認為自己不只這價錢,又為何人地可以收那個價錢等等。”Freakonomics”《魔鬼經濟學》作者Steven D. Levitt李維特寫著:「決定薪酬的四大因素:競爭程度、技能水平、工作產生的不快感、付出的服務水平。」類專業人仕應想一想,為甚麼別人的時薪可以多於自己?

筆者認為IT是一種「技術」(skill)而不是一種「專業」(professional),最大的分別是根本沒有統一的行業標準,導致同是自稱「IT人」,水準也會參差不齊,這種說法相信各用家(user)應深有體會。 IT技術日新月異,以前用的電腦程式今日被淘汰,今日用的程式何嘗不會在未來被淘汰?這個行業的entry barrier可以好低,低到未受過正統的IT學位教育的人一樣可以掌握,只要有興趣,年紀大的人都可以掌握到。筆者又看過一個聖鬥士星矢黃金十二宮的精彩網頁,發現原來是一個小學生寫的。這樣容易掌握的技術,從業員如何可以保障自己的地位?正如如果他日發明搭棚通渠的機械人,可以用廉價做到這些工作,他們的報酬一樣可以跌得好快。

香港已經是一個成熟社會,將會越來越來行業需要定位標準去保護行業利益,就算連做地盤整車之類都要領牌,社會是不斷淘汰半桶水唔夠料不願更新的人。廿年前使用鉛水窗,今時今日只有鋁窗,做鋁窗亦不是像政府宣傳片那樣用螺絲批扭,而是用電槍打鋼鉚釘。連呢手作仔都要更新技術,IT suppose 是含金量較高的技術,又點會唔淘汰得更激烈?

筆者以前寫過一篇有關消耗性行業的文章,引人深思的是:還有甚麼工作不能外判或電腦化?當一間公司連入機印單、做會計、客戶服務都可以外判的時候,還有一樣是不能外判的:管理。從事各行各業,不能夠在年青時搏命擠身管理層,就要忍受可恥的人工及隨時被代替的命運。當然,即使擠身其中,如果整個部門、整間公司,甚至整個行業被社會淘汰,做管理層甚至擁有人一樣難逃大難。

作為一個打工仔,需要的是危機感。面對一個不肯定的社會,除了加強自己的競爭力之外,也要為自己謀求後路。例如要學習投資知識,將工作賺回來的儲下來投資,搵幾多fling幾多,中產收入富豪生活,平民收入中產生活,差不多注定晚境悽涼。

技術外包


職場 點滴 專業 紅海 苦海
PermaLink: https://articles.zkiz.com/?id=79808

職場點滴(11):夕陽行業 脫苦海

http://notcomment.com/wp/3271

有些人三四十歲就要考慮做保安員, 咁佢地二十至三十歲做了甚麼呢? 大家可能以為是少壯不努力,非也!

很多人原來讀完書就做左夕陽行業,一做就是十年, 他們是不是沉醉在安穩的生活呢?非也!

工作一樣辛苦,收入也並不高, 筆者也做過這些工作,畢竟絕大多數的崗位, 說不上舒適,亦不是安穩,根本就是無得揀。

或曰:明知是夕陽行業又做? 此以今非古也! 十年前最當旺的行業是IT,今天在IT界掘到金搵到的人大有人在, 可是絕大多數當年的從業人仕,要不是被淘汰便是要轉型。

行業有周期性,有盛有衰,誰人夠膽說那些行業不是夕陽行業?

職場 點滴 11 夕陽 行業 苦海
PermaLink: https://articles.zkiz.com/?id=80469

職場點滴(12) :做野叻還要打工叻 脫苦海

http://notcomment.com/wp/3269

凡處高位者,即使是賈似道還是魏忠賢,總有因由。 從來無人規定爬得快升得高的人,一定是工作能力極高,或者建功立業。

比如筆者看《明亡清興六十年》,最會打仗的熊廷弼同袁崇煥, 前者首傳九邊(斬了頭還要到邊界傳閱), 後者凌遲棄市(一刀一刀切死,屍體在街上任人搶),雖然後來所有害過佢地的人連同皇帝在內全部都沒有好下場,對我們亦有一點啟示。

袁崇煥打第一仗「寧遠大捷」就打死了清朝的老祖宗努爾哈赤,皇帝就搵太監監軍; 第二勝仗「寧錦大捷」,論功行賞第一功居然係魏忠賢,然後排一大堆太監,袁崇煥排第86,升一級賞三十兩,然後辭埋職; 第三次日夜兼程由寧遠(今遼寧興城)跑到北京救皇帝,結果比皇帝鋸埋。

就以筆者職場所見,有些人是「打工叻」,有些人是「做野叻」,升職最快的人,每多是前者,甚至同時兼備兩種優點的亦不夠佢地快!兩者俱無者你亦不用為佢地擔心,最慘的人是「做野叻打工唔叻」,有功無得領,有過又要認,平日又無得偷懶。

呢個世界你可以話係唔公平,不過你不如話你唔認識遊戲規則,成功的老細有成功的遊戲規則,失敗的老細有失敗的遊戲規則。你跟著一個失敗的老細,你唔同佢一齊失敗,佢係會唔高興的。

職場 點滴 12 做野 野叻 還要 打工 苦海
PermaLink: https://articles.zkiz.com/?id=80471

職場點滴(13):前朝遺民如何自處 脫苦海

http://notcomment.com/wp/3268

辦公室是做事的地方,人情感情只係點綴, 今時今日當然仲有人以為某某得勢,係因為某某老細睇得起佢, 所以做盡小動作搏得老細歡心?

以筆者多年的冷眼旁觀,淨識擦唔識做, 一樣會失寵,特別是老細真係遇上麻煩的時候。

做好自己工作,再加上一點鞋油, 係好多人的成功之道。做唔到野,老細都覺得長貧難顧喇!

舊管理層比人剷走晒,點解仲可以有人留下?只有兩個原因:一係根本就唔起眼,一係根本就無問題。清兵入關都要靠吳三桂洪承疇喇!大家三唔識七,人地唔會無條件無代價付出信任及放心,究竟員工做過d乜野去搏取新老細的歡心?老細與伙記,言必曰利。你認為新老細忌你,你咪又係忌你個新老細?

老細唔信伙記是奉旨的,人地處得高位,自然深明交換之道,你唔首先主動樂意地交個忠心出黎,難道要老細首先主動樂意地向你奉獻殷勤,訂埋檯食飯直落?


職場 點滴 13 前朝 遺民 如何 自處 苦海
PermaLink: https://articles.zkiz.com/?id=80472

職場點滴(17) :Facebook勿語 脫苦海

http://notcomment.com/wp/?p=3270

筆者並沒有Facebook, 更加沒有Twitter, 但筆者第一次聽到Facebook這個東西, 就是在報章專欄, 說見工前有些老細會走去看看應徵者的Facebook以便收料云云。

筆者認為互聯網的第一戒條,是互聯網在現實世界中,現實世界卻不在互聯網中;現實世界是母集,互聯網(或其他媒體)只是子集,怎會有人以為互聯網是真的而現實世界是假的?

Facebook之上寫甚麼都好,有甚麼比面對面認識人更真實呢?偏偏好多以為可以用Facebook去呃人,更有人用Facebook(或以前的icq、QQ之類)代替真實的人際關係。筆者發覺在上班時愛煲電話粥的人往往沒有用Facebook,上班玩Facebook的人又往往很少煲電話粥,但在上班時候真真實實地存在的是上司同事下屬,有些人卻可以置之不理。

上班一族尤其是像筆者那樣坐辦公室的人,當然知道工作很難天天填滿所有時間,有些時間空隙以打電話或其他現實或網上交際活動打發,筆者即使見下屬如此也不會責怪,可是有些人並不是用交際活動來填充工作的空隙,反而是用工作來填交際空隙!

有些人會認為「上班真苦悶」,那又為甚麼去上班呢?廢話,要出糧就要上班喇!可是公司並不是因為閣下出糧而要求閣下上班,上班與出糧其實是副產品,目的是工作的成果,比如在私人企業就要幫公司賺錢,做政府工就要服務市民之類。

聖經有云:人不能同時侍奉兩個主人,他必定重視一個而輕視另一個。如果把Facebook或MSN擺在第一位的話,在公司得不到重視及重用實在怪不得人。

職場 點滴 17 Facebook 勿語 苦海
PermaLink: https://articles.zkiz.com/?id=81298

職場點滴(16) :卜凡教你說好《財經普通話》 脫苦海

http://notcomment.com/wp/?p=7053

最近有人在香港到處宣揚「退到台灣」,彷彿香港人是「旅港台灣人」,現在要回家了。

不過,學不好人家的語言,莫講在那裏生活,求職或做生意也「門都沒有」。

傳統學校教授普通話,每多是由ball, paul, more, fall學起,不過即使發音準確,缺乏情境的訓練的話也會說不上口。

卜小姐曾是某財經周刊的專欄作者,除了獲得普通話水平測試一級甲等證書外,更由於是業內人仕,所以內容設計上也包羅從應徵面試,以至與內地客人交流的不同情境。

每一課不同主題,有導讀說明內容,當中更有我們日常生活上「普通話」與「廣東話」詞意Tips:

1. 常見財經詞語
每課主題一開始都設有一些詞語,先聽聽專家的讀法,再自行朗讀

2. 課文
學會詞語的讀音後,便是課文內容,不妨多聽幾次,讓句子長久記在腦中,對日後運用普通話交談時會很有幫助

3. 聆聽練習
聆聽一段內容,這段內容的速度會比第二部分的快,內容也不一樣,但一些關鍵詞語會重複出現,要在括弧內填上你聽到的詞語及拼音。
這部分協助大家面對一些說普通話很快的人,初學者或許會聽不懂全部意思,但內容的重點聽得懂的話,大概的意思也就能推斷出來了。

此外,附錄更有一些適合各行各業的貼心內容:廣東話轉換、必背生字表、主要姓氏、各國貨幣、各省市自治區等的讀法,令到讀者們即學即用,也學會聽一些常用的名詞。

如果想移居世界各地的華人社會,只識廣告話或「爛」得要命的普通話已經不行,想「驪歌再唱」,或者「撤退到台灣」,請先學習一下!

 

職場 點滴 16 蔔凡 凡教 教你 說好 財經 通話 苦海
PermaLink: https://articles.zkiz.com/?id=81299

職場點滴(15) :既得利益者動搖不了 脫苦海

http://notcomment.com/wp/?p=3086

大家如有留意新聞,或者曾經讀過大學,都會發現有一類人存在:他們的「願景」很理想化,陳義甚高,更企圖親手建立「理想新世界」,畢業後或在政團中由助理做起,或加入一些理想化組織,繼續他們的使命。

個人有理想是一件好事,始終在自己能夠控制的範圍內找到了可行的目標;但如果理想卻以改變社會為目標,未免自視過高──自己都改變不了,又怎樣去改變千千萬萬的人?

以筆者的社會經驗,既得利益者是動搖不了的(除非大洗牌)。想社會上的下層人仕得到更多,而希望從既得利益者的口袋中拿出來,結果多數都是「拉豬賠狗」──乾脆從其他人口袋中拿出來。據說有組織認為一件100元售價的產品只有5元是工人收益是不合理的,筆者的計算是現時做輕工業品出口,邊際利潤可能只有10%左右,即是100元售價的產品只有10蚊是企業收益,但企業對於業務的投入與所冒的風險,恐怕要比工人多何止十倍?想從企業的10元再擠出來補貼5元,如何?

既然生產企業動不了,可不可以在其他人身上打主意呢?近年筆者從傳媒看到一種觀點,認為中國在加工出口業的利潤大部份被出口商、人口商、分銷商、零售商、知識產權擁有者等瓜分,廠商及工人只有丁點的利潤,是不合理的。筆者只知道,凡存在必合理,只是其「存在之理」與我們口中的「合理」是兩回事。在全球化之下,你不幹別人幹,接受不了丁點利潤,便一無所有。

在消費者口袋中拿又如何?筆者想發問一下:「在學校飯堂食飯,肯唔肯比貼士?」如果答肯,那麼在每一個購物環節中均要收取5%附加費又如何?答案是以前政府希望收銷售稅,連具體方案都未出就眾情洶湧了!叫他們試下以「韓農很慘」、「內地工人慘被剝削」之類的理由要求消費者接受加價,可以嗎?

職場 點滴 15 既得 利益者 利益 動搖 不了 苦海
PermaLink: https://articles.zkiz.com/?id=81300

職場點滴(14):講心又講金 亂博

http://notcomment.com/wp/?p=6683

作為一個打工仔,如果有得你揀,你會揀曾蔭權定還是梁振英做你老細?

曾蔭權一上任就即時加人工,又返5日工,多年來人工加幅起碼追通脹,甚至高於通脹,任內不做不錯,什麼也沒做過,也因此沒有刺激不同既得利益者不滿而上街遊行,結果做他的下屬都少啲嘢做,每天可以無驚無險又到6點!

CY一上任就周圍揾地起樓,搞到下屬走來走去,一些地方前面長期哥爾夫球場景或開揚景,如今要起樓,當然引起很多附近居民不滿。又搞辣招阻人發達,搞到地產代理無啖好食,醫院原本擴建諗住收雙非生仔錢,零雙飛搞到醫院不滿,入境處職員要阻截孕婦衝關,零雙飛和限奶令又搞到入境處多咗嘢做。成日落區,每次一大班人示威又要大批警員到場維持秩序。CY越做得多,下屬越多嘢做,又刺激不同既得利益者不滿和反對派出來揪後腳,一年有過萬次遊行,警員做到氣咳,做CY的下屬就每天都驚濤駭浪又過6點!

以打工仔心態而言,CY做老細,下屬每日返工好像打仗,仲要人工加幅低於通脹,相比老曾,無驚無險到退休,你話打工仔跟邊個着數啲?

相信CY亦知警員辛苦,除了出言撐警隊,國務院還高調接見警隊高層,顯示中央都很體恤警隊。上司能夠表現體恤下屬當然好,不過跟你寒喧幾句,員工笑笑口心裡仍會問:「你知我辛苦就好,幾時加人工?」打工仔出來打工都只是求財,有理想服務市民都唔可以當飯食,有錢才可以改善生活,講心不講金,多勞少得,不如少勞少得好過,仲唔使孭鑊!

如果老細唔識做會點?下屬要老細滑鐵盧有好多方法,明明睇到當睇唔到, 見到你扣錯鈕都唔話你知, 樣樣側側膊,細鑊唔孭大鑊缷番俾老細。

近日入境處20名員工集體請病假,導致深圳灣口岸超過10萬人過境緩慢,出現大批旅客輪候。然後又有屋宇處員工罷工,接連有政府部門不滿而曠工,是否一種警號就來爆煲?那些經常喜歡公民抗命的遊行人仕,相信很快可以自遊行了!

職場 點滴 14 講心 心又 又講 講金 亂博
PermaLink: https://articles.zkiz.com/?id=81301

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019