ZKIZ Archives


黃貫中賣畫叫價萬五

1 : GS(14)@2015-03-27 08:39:55





銷聲匿迹一段日子的黃貫中(Paul),原來近日在網上拍賣其畫作《Black Dog》,現最高出價為15,000港元,至本月31日截止競投,拍賣代理人Toda昨在電話說:「我哋係小學同學,佢嘅畫喺學校攞過獎,拍賣反應好好。」有雜誌指Paul和老婆朱茵跟前經理人反目,Paul約滿後量地半年要網上賣畫,Toda否認:「唔係Paul想賣畫,係我叫佢賣,因為佢啲畫咁好,仲有好多歌迷想佢開畫展。」


黃貫中


另外,朱茵改簽新經理人公司凱藝國際,其發言人表示:「朱茵4月喺內地開工。」會否簽埋Paul?發言人說:「唔排除呢個可能性,佢咁有才華,但暫時未傾。」採訪:皓騫





來源: http://hk.apple.nextmedia.com/entertainment/art/20150327/19091281
黃貫 貫中 中賣 賣畫 叫價 萬五
PermaLink: https://articles.zkiz.com/?id=289003

黃貫中收囡囡冧歌

1 : GS(14)@2016-03-06 03:14:37

黃貫中昨日在商台宣傳新歌《我有分數》兼在下月份舉行的音樂會,問到時會否帶囡囡黃鶯睇騷?他說:「應該都會,佢未睇過爸爸表演,以前老婆帶佢上studio搵我,即場玩咗首The Beatles嘅《Love Me do》,佢聽到呆咗。」提到囡囡,黃貫中不禁流露一副慈父相,他說:「身邊好多朋友都會作歌畀自己啲仔女,但係我就一路都未作。正當我好內疚嘅時候,竟然聽到囡囡話作咗首歌畀我,首歌叫《士多啤梨》,成首歌得一句,不停唱士多啤梨,但就係全世界最好聽嘅歌。」採訪、攝影:曹家誠





來源: http://hk.apple.nextmedia.com/entertainment/art/20160305/19516930
黃貫 貫中 中收 囡囡
PermaLink: https://articles.zkiz.com/?id=296943

我主場:《海闊天空》成集會抗爭歌黃貫中:頭暈身㷫就唱!

1 : GS(14)@2016-03-06 16:12:11

■對於《海闊天空》成為集會抗爭歌指定曲目,阿Paul直言此歌是香港人的集體情懷。攝影:陳志嵐


與黃貫中(Paul)做訪問前,《蘋果》記者收到不少朋友的溫馨提示,指受訪者躁底火爆燒上腦,切記小心。又難怪朋友有此憂慮。記憶中,阿Paul與Beyond隊友黃家強數度隔空開火,有「怒火Paul」霸氣稱號。可是,面前軟攤在自己studio梳化的阿Paul,面對他認為是敏感的問題,竟然笑咪咪侃侃而談。對於《海濶天空》成為近年抗爭人士的主題曲,阿Paul直言此歌包含Beyond和家駒精神,香港人無論何時何地,只要頭暈身㷫就會唱。撰文:王梓嫚自93年黃家駒離世,Beyond成員黃貫中、黃家強屢傳不和,多年來已達水火不容之境,另一成員葉世榮6月開Beyond紀念騷,阿Paul一早答應,但問題是家強至今遲遲未覆,能否三子合體,仍是言之過早。阿Paul日前接受本報記者專訪說:「其實呢個騷係紀念家駒嘅,但凡紀念家駒嘅音樂會,我都希望出席,亦都從來冇話過唔OK同台演出。當然Beyond係好多人嘅集體回憶,大家可以同台都係為咗一個信念。」



■Beyond曾幾何時是樂壇班霸,可惜近年阿Paul和家強屢傳不和,種種是非不斷蠶食Beyond。

■家強攬膠樣家駒拍MV,黃貫中指得啖笑。資料圖片



拒評家強抱膠樣家駒

世榮6月開騷,但阿Paul搶先於下月9日在九展開音樂會,他透露音樂會有新歌也有舊歌,唱經典歌《海闊天空》和《光輝歲月》更是指定動作,面對《海闊天空》成為集會人士的抗爭歌曲,阿Paul說:「呢首歌我唔敢講係咪香港精神,應該點講呢,我諗係大家對《海闊天空》嘅一種集體情懷,首歌有家駒有Beyond精神,唱嗰陣又可以嗌吓,所以順理成章、有乜頭暈身㷫就會拎出嚟唱!」
Beyond能否合體仍是未知數,但早前家強就率先在台上和「家駒」合體,為內地一手機宣傳,結果遭網民瘋狂洗板,斥家強「發死人財」,對此阿Paul表示:「我唔可以就一個商業行為去干涉人哋,因為我睇唔到原裝嗰條片,只係有人forward咗條二次創作嘅片畀我,哈哈哈,我覺得得啖笑箒!總而言之,有分數啦,《我有分數》,哈哈,講嘅係我首新歌歌名!」


■前年阿Paul踩落旺角支持雨傘運動,有指近日遭內地封殺,要煞停內地音樂會。資料圖片

講封殺:繼續上去做嘢

阿Paul前年支持「佔中」,有指近日遭內地封殺,內地音樂會急煞停,他坦言:「嗰個係一個歌友會,有返開內地演出嘅人都知,好多時都會忽然間stop咗,嚟緊下半年我都會上去做嘢,始終香港得800萬人,唔可以容納得晒我嘅音樂,所以無論係內地或者海外,只要有耳朵嘅地方,我都會去。」





來源: http://hk.apple.nextmedia.com/entertainment/art/20160306/19518254
主場 海闊 天空 集會 抗爭 歌黃 黃貫 貫中 頭暈 就唱
PermaLink: https://articles.zkiz.com/?id=297025

黃貫中讚Selina吸引

1 : GS(14)@2016-03-13 02:40:34

黃貫中昨日到台灣宣傳演唱會,他自爆當日老婆朱茵和女兒將到場打氣。對於Selina驚爆婚變,他說:「Selina是很吸引人的女孩,根本就不醜。」提到夫妻相處之道,黃貫中笑說:「要隨時讓老婆有戀愛的感覺,不要讓老婆成為孩子的媽媽,也成為自己的媽媽,要取得平衡。」他還笑說:「老婆辛苦了,我們把小孩丟一旁,出去溜溜吧。」





來源: http://hk.apple.nextmedia.com/entertainment/art/20160312/19526181
黃貫 貫中 中讚 Selina 吸引
PermaLink: https://articles.zkiz.com/?id=297745

氹阿爺開綠燈黃貫中被勒令封口

1 : GS(14)@2016-04-15 04:36:22

2016-04-14 NM

相隔四年再開騷的黃貫中,不再憤怒了!見到老婆朱茵同囡囡黃鶯high爆捧場,更變身暖男做緊張爸爸,「我個女第一次睇騷,你哋唔好嚇親佢!」做完香港,阿Paul接住會到新加坡及台灣再唱,之前因為撐「佔中」,搞到申請一年都攞唔到內地開騷批文,為打動阿爺開綠燈,阿Paul被公司勒令封嘴,希望盡快洗底,有日可以重啟內地騷。囡囡呷醋

Beyond成員互相唔妥,合體再開騷幾乎已經不可能!黃貫中單飛唱,Beyond fans一樣返晒嚟,觀眾企足全晚,情緒高漲。見爹哋被一班姐姐姨姨狂抽水,囡囡黃鶯呷晒醋,完騷後要阿Paul勁氹。「我同佢講,爸爸係你嘅!」全晚唱廿幾首歌,阿Paul唱多說話少,唱到新歌《大英雄》,他有感而發。「每個人心目中都有自己嘅英雄,我都有,邊個就唔講嘞!點先算係英雄?我就唔想做英雄,英雄要壯烈犧牲,要中槍,或者俾人暗殺,我仲有歌酬收,開心都嚟唔切。」

怕節外生枝

Beyond有不少歌曲是宣揚和平民主,而一向敢言的黃貫中,曾經參加遊行,又撐過雨傘運動,不過,自從去年四月簽約新經理人公司,原先計劃由去年十月開始的內地巡唱,申請一年,始終無法攞到批文,阿Paul亦被公司勒令封嘴。「阿Paul依家收斂晒。本來計劃好舊年十月開始做內地巡迴,廣州係第一站,但一路都攞唔到批文。所以公司都勸佢唔好再亂講嘢,無謂節外生枝。」知情者說。

全面封殺

無論以任何方式支持或參與過雨傘運動的藝人,全遭內地封殺,cut騷又cut job,無機會再北上 吸金。

謝安琪被指雨傘運動期間,曾帶物資現身金鐘佔領區,又唱過《雞蛋與羔羊》,謝安琪即被愛港力召集人陳淨心追擊,內地工作全被延期,原定在內地十場巡唱突然取消,Kay無奈表示:「好內疚,有因為咁而喊過!」

張敬軒有傳張敬軒因曾瞓街支持雨傘運動,而被踢出《我是歌手4》,早前陳淨心更在微博呼籲內地同胞抵制張敬軒。

何韻詩雨傘運動期間,走在最前線的何韻詩首先被開刀,內地官方向影視公司下封殺令,14年的廣州草莓音樂節,亦因此攞不到批文要取消。

撰文、攝影、攝錄:娛樂組
阿爺 開綠燈 黃貫 貫中 中被 勒令 封口
PermaLink: https://articles.zkiz.com/?id=299272

黃貫中開心俾朱茵呃

1 : GS(14)@2017-04-22 10:43:44

黃貫中(Paul)和胡琳昨日現身銅鑼灣HMV,為7月的「2017 Yes Rock音樂節」宣傳,Paul在台上透露囡囡很rock,特別是嗌醒他的時候,會一本聖經拍落他的頭,又指囡囡對唱歌跳舞都好有興趣。日前朱茵在網上展示一張和Paul慶祝生日的相片,Paul說:「好多謝佢畀咗個驚喜我,平時我太醒目,佢唔會呃到我,嗰日就係畀佢呃咗,知道個蛋糕係媽咪同囡囡一齊整,仲安排咗超過30人同我慶祝,好感動,做咗幾十年人,賺錢可以賺幾廿年,但幾廿年朋友仲剩低幾廿個,而唔係為錢,係為令你開心而嚟,覺得自己賺咗。」採訪:卓寶花攝影:沈健程



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170421/19996128
黃貫 貫中 開心 朱茵
PermaLink: https://articles.zkiz.com/?id=331220

黃貫中拎篋要低調

1 : GS(14)@2017-07-07 02:42:27

黃貫中(Paul)、Kolor及秋紅前晚在新蒲崗為「Yes Rock大混戰音樂節」綵排,合唱了一曲《歲月無聲》,Paul說:「今年喪失咗好多音樂人,所以除咗唱Beyond嘅歌,仲會唱一啲佢哋嘅歌。」問到囡囡和老婆朱茵會否捧場?Paul說:「如果媽咪唔得閒就要留喺屋企湊女。我同佢都係揸住行李篋做人,?家要靜靜雞拎行李篋唔可以畀個女知,因為佢見到我哋拎篋會偷偷喊。」Paul表示暑假會多抽時間陪女作補償:「大家都話搖滾係生活,不過冇咗生活嘅時候,又點會有搖滾呢!」
Kolor主音Sammy則踢爆老婆盧巧音做嘉賓耍忸怩,他笑說:「佢又想又唔想,刁喬扭擰,可能想我邀請佢。」採訪:盧妹攝影:沈健程




來源: http://hk.apple.nextmedia.com/entertainment/art/20170705/20078826
黃貫 貫中 中拎 拎篋 篋要 低調
PermaLink: https://articles.zkiz.com/?id=338337

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019