ZKIZ Archives


我愛洗衫板 陳承龍

來源: http://hkcitizensmedia.com/2014/10/08/%E6%88%91%E6%84%9B%E6%B4%97%E8%A1%AB%E6%9D%BF/

睇到青姐最新嗰篇(10月7日見報)喺蘋果嘅專欄,佢好不經意介紹咗隻股票,但冇開名,佢用咗洗衫板個名嚟代替,不過小弟心水清,一來個代號,二來佢話佢係做嗰啲顯示器相關產品,一嘢就知佢講邊隻啦!咪就係彩虹電子(0438),洗衫板!不過,心水清唔只我一個,其實市場都好醒,就昨日呢篇專欄出街後,彩虹電子就破頂而上。究竟係青姐號召力勁?定係條街勁?已經唔重要,重要嘅係,彩虹頂已破,要追入。

事實上,青姐已幫大家點出,彩虹電子已成功擺脫夕陽味道,惟短期負債大過公司營業額,但近期升勢又咁淩厲,佢肯定係有嘢!無錯,等小弟答–佢係一定有嘢!我估青姐應該係特登唔講,彩虹電子係屬於中國電子信息集團的子公司,而近年中國電子信息集團積極進行整合,例如去年底將長城電子(0074)私有化。另外,早前中國電子信息產業集團旗下A股公司長城電腦籌劃重大事項,市場憧憬中國電子信息產業集團的改革與整合進一步提速。就呢個因素下,中國電子信息集團在港的上市公司近期全部轉強,包括中國電子(0085)同埋南京熊貓(0553)。

老實講,彩虹電子斷估唔會係私有化,因為私有化嚟冇著數,不過就係因為負債勁,所以可以掉返轉博老母有大型註資,令公司盤數得以改善。公司本身都正不斷將資產重整,包括持續減持上海上市的彩虹股份,及將四家公司股權一次過套現,涉及套取金額已有4億多元,為新業務發展提供了良好資金基礎,而更重要者,便是相對其他中國電子信息產業集團旗下的十多家中、港上市公司而言,彩虹僅20億元的市值可說最偏低,股價更較6月結的每股資產淨值1.1元為低,故現價買入可謂相當安心。

再睇嚇佢啲業務發展都唔錯,由於TFT-LCD玻璃基板業務於上半年提存貨減值1.78億元,令彩虹上半年仍錄1.34億元(人民幣.下同)虧損,但已較上年同期虧損1.72億元減少22%,若扣除前述減值因素,上半年其實應錄4,400萬元盈利,主要是太陽能光伏玻璃盈利能力已告提升,這是集團經過連年虧損後的首個復盈信息,意義重大!

基於彩虹電子已轉型到光伏玻璃及TFT-LCD玻璃基板的業務已見成效,無論以市值及資產折讓計,都顯示此股大偏低,難得頂已破,短期上挑目標1.2港元絕無難度。

陳承龍

我愛 洗衫 衫板 陳承 承龍
PermaLink: https://articles.zkiz.com/?id=114574

朱共山的另一個小金庫 陳承龍

來源: http://hkcitizensmedia.com/2014/10/22/%E6%9C%B1%E5%85%B1%E5%B1%B1%E7%9A%84%E5%8F%A6%E4%B8%80%E5%80%8B%E5%B0%8F%E9%87%91%E5%BA%AB/

呢個禮拜都係忙咗啲,事關要玩電臺所舉辦嘅投資比賽,由於關乎於名聲,所以都要畀心機玩。講返個遊戲,一開波,幾個參賽單位都買入隻協鑫新能源(0451),由於反應太好,個遊戲玩了兩日,就搞到隻股都喺短短兩日爆升咗幾成,都咪話唔誇。不過講返隻股,其實真係可塑性好高,尤其作為保利協鑫(3800)嘅光伏下遊旗艦,日後成個太陽能電網都係佢摣Fit,依家先得150億市值,實在太唔似樣啦!

如果之前已跟小弟買咗協鑫新能源嘅話就唔使理,可以繼續摣,起碼等佢上到好似順風光電(1165)約300億市值都未遲,如果升到300億,即現水平介入仲有一個開可博,正!

不過,隨了協鑫新能源外,其實朱共山旗下仲有一隻好嘢可以博好多倍,呢隻就係亞洲能源物流(0351),原來呢隻殼,朱共山早喺2010年入咗股,每股成本價介乎0.159元至0.16元,即現價買,你平過朱共山好多。如果再以保利協鑫入股協鑫新能源後累積升超過5.8倍作參考,亞洲能源物流起碼可以睇0.93元,更重要嘅係,呢隻股係朱共山私人持有,估計會緊加肉緊。

其實亞洲能源物流前身係中科環保,當年曾獲李小琳旗下嘅中國電力入股,後來因Ba叔案而告吹,再之後輾轉股權易咗手。再喺2009年底同2010年初,公司獲大有來頭嘅策略股東……朱共山註入資產。

朱氏喺當時短短個多月內,兩度註資入股亞洲能源物流,先喺2009年11月底將其私人嘅中鐵物30%股權註入亞洲能原物流,並收10億新股作代價;而今次則再將一家煤業船舶物流公司50%股權註入亞洲能源物流,註資代價1.6億元; 也以每股0.16元收取另10億新股作價,兩單註資完成後,朱氏持股量就會增至21.18億股,而佢呢手貨至今都冇減持過,由此可見朱共山都幾鍾意呢隻殼。

再睇盤數,今年上半年度,亞洲能源物流營業額為2333萬元,股東應佔虧損擴大96.2%至5684萬元。期內,公司鐵路建設及營運都無錄得營業額,分部虧損擴大9.3倍至6257萬元;船運及物流營業額得2333萬元,分部虧損縮窄34.2%至606萬元;基本上,睇盤數都唔開胃,仲有喎,公司截至年中,只持現金563萬元。盤數衰成咁,仲唔係等註資,最正嘅係朱共山只係第二大股東,唔算多貨,因為即使有大量新股畀佢都唔係問題。

至於目標價,難得朱共山近期當紅,最起碼見返佢嘅入股價0.16元,不過都係嫌升得少,事實上,保利協鑫依家超過400億市值,協鑫新能源都150億,依家亞洲能源物流只得18億,所以要追返同系,實在太多水位,應該係可以博佢幾個開。

 

陳承龍

朱共 共山 山的 的另 一個 小金庫 小金 陳承 承龍
PermaLink: https://articles.zkiz.com/?id=116385

我要勁過孫柏文! 陳承龍

來源: http://hkcitizensmedia.com/2014/11/05/%E6%88%91%E8%A6%81%E5%8B%81%E9%81%8E%E5%AD%AB%E6%9F%8F%E6%96%87%EF%BC%81/

舊年年尾孫柏文不問價叫人追隻金寶通(320),佢話隻股具備拆骨賣殼條件,同埋大股東年紀唔細,係時候等退休,佢叫完人買係升過一嚇,不過好快玩完,但近排隻股又有返啲勢,小弟想挑孫柏文機,睇嚇我今次推隻金寶通可唔可以勁過佢!

其實,小弟就冇諗得咁複雜,純睇返佢啲數而已,睇完之後先知隻金寶通真係賣點多到爆,一來現價仍較2006年底上市價2.28元低咗一大截;二來係市值細;三來係業務正處強力增長周期,今年3月結財政年度業績若非就應收帳款減值,盈利已較上年大增逾兩倍,嚟緊喺全球行業增長勢頭強勁下續有憧憬;四來就係配合近期市場炒作心願,時間上看已屆賣殼成熟期,所以無論投機及投資都有賣點。

撇除應收帳款減值計算,金寶通3月結財年表現係過去5年中最佳者,3大主營業務都有顯赫增長,毛利率增1.8%至12%,營業額增11.4%至28.14億元,溢利升8.9%至3,387萬元,若計及減值的6,590萬元,呢個財年盈利高達9,977萬元,不僅較上財年嘅3,110萬元大增2.2倍,還突破咗2010/2011財年嘅5,657萬元水平。

期內樓宇及家居控制裝置營額增5.5%至7.77億元,佔總營業額27.6%,分部溢利提升1.2倍至7,526萬元;電器控制裝置營收增10.9%至15.3億元,佔總營額54.4%,惟因減值影響而轉虧;工商業控制裝置營額增23.7至5.07億元,分部溢利提升75.5%至2,560萬元。

未來集團將續擴大全球客戶基礎、瞄準毛利率較高市場、及進一步拓展到歐亞市場,其中特別睇好中國市場,預期大客需求不斷增加,尤其著重高端利潤智能及無線創新產品,鞏固新客戶市場能力,以撇除減值因素而盈利增長兩成計算,2014/2015財年盈利應為1.2億元,折合每股盈利0.15元,意味刻下預測市盈率只為8倍幾,再減淨現金2.7億元計,市盈率更只為6倍幾,以重上10倍市盈率加淨現金計,初步目標價應為1.83元,再比較2.28元嘅上市價,實在係合理不過!

陳承龍

我要 勁過 過孫 孫柏 柏文 陳承 承龍
PermaLink: https://articles.zkiz.com/?id=117838

湖北首富的碼頭 陳承龍

來源: http://hkcitizensmedia.com/2014/11/19/%E6%B9%96%E5%8C%97%E9%A6%96%E5%AF%8C%E7%9A%84%E7%A2%BC%E9%A0%AD/

大市又冇運行,都係繼續炒股仔。小弟上周做節目時發現有創業板股份異動,睇完資料先至知佢正嘢,所以今日要同大家分享嚇,呢隻就係近期公布季績勁增9.3倍嘅中國基建港口(8233)。

 呢間公司以武漢港口作主營基地,而在建中嘅通用港口標準箱處理能力將較現時大增50%,令其已具壯大為中型港口股的條件,加上過去數年業績均錄盈利,故估計好快就可成功跳上主板,現大股東卓爾發展(2098)掌舵人閻誌在2011年的入股造價都要0.36元,現位只處沈寂3年後的起步位,今年更是分享肥美成果的開始,首目標以0.9元為第一站。

卓爾發展(2098)掌舵人閻誌
卓爾發展(2098)掌舵人閻誌。Source:Google

2011年底,卓爾發展主席閰誌以每股0.36元作價收購中國基建港口51%股權,其後再以同價提出全購建議,令持股增至75%,刻下街貨其實只值數千萬元,一個規模稍大的對沖基金已可一口食去,而閻氏如此耐心將股權全數歸邊,必係希望分享今天開始成形的豐厚成果,微妙嘅係,大股東旗下嘅卓爾發展都係以武漢物業發展及投資為主業,近期股價亦見久未相逢嘅異動,閻氏同執一地產、一港口嘅兩隻上市公司股份在手,應有好多意念可以發揮,目前股價只處其接手後的首個起動期,所衍生嘅股價升幅絕對可以睇高好多線!

事實上,中國基建港口上周三公佈嘅9月結季績,應係大升浪起動訊號,當日股價最高抽上2005年上市以來嘅0.6元新高(亦係上市價),全日成交均價約0.45元,幕後掃入成本亦都如此,以此基礎謀求倍計目標,便可以0.9元為第一站。

武漢係內地港口業必爭之地,處長江與漢水交匯,係長江中遊最大內外貿易港口,又係全國重要水陸交通樞紐,而中國基建港口則紮根在陽邏港,佔權85%,除咗現有40萬個標箱處理力外,另一在建新港口——通用港口亦喺明年開始投入營運,總處理年為20萬個標箱,預期第一階段的5萬標箱於明年第三季投運,故此未來數年業績呈強勁複合增長已成定局。

截至今年9月底止的第三季度,集團盈利達580萬元,較去年同期大增9.3倍,而首3季盈利則為930萬元,同比大增6.5倍,尤其第三季較首兩季盈利增長更大更速,完全分享到第三季內地港口業務復興的勢頭,而第四季更喺內地基建及國際貿易增長的雙重帶動而猶勝第三季,所以預期全年應有1,700萬元,不僅連續3年錄得盈利,而且應係破紀錄嘅水平,股價起動絕對有根有據!

仲有一點值得一提,閻誌乃湖北首富,佢啲學歷仲驚人,佢係高級經濟師,武漢大學工商管理碩士、長江商學院工商管理碩士、武漢大學中國傳統文化研究中心博士研究生、華中科技大學兼職教授。更搞笑嘅,原來佢係一個作家,喺內地出版過好多著作,而且以寫詩為主,總之猛料。

另外,閻誌嘅卓爾控股主要專註於企業供應鏈物業服務,致力打造全球交易平臺,為客戶提供供應鏈物業、物流、港口、金融、傳媒、交易服務。集團係中國企業500強,中國服務業百強企業,企業總資產近400億元人仔。由於閻誌摣住中國基建港口嘅成本都唔平,估計最終佢會再註入相關資產入內壯大,真係唔怕同佢玩嚇。

陳承龍

湖北 首富 碼頭 陳承 承龍
PermaLink: https://articles.zkiz.com/?id=119775

我唔知陳承龍呢篇野寫乜? 錯晒!

1 : GS(14)@2012-01-16 23:46:05

1. 利豐的股是換番來的
2. 利豐唔會當他漢登,人地仲有大大個中國市場未開,反觀1123受制於富士,中國D野早就賣晒啦

傻仔先會咁寫野來騙人,又當周老師是半個偶像,我覺得你連基本訊息都錯,好難認同。

http://m.sharpdaily.hk/detail.ph ... 5307&category=daily

市場普遍認為老牌攝影器材生產商柯達瀕臨破產的原因是與數碼產品的飛快發展有關,事實上,數碼相機是柯達在1975年發明的,但因擔心蠶食其菲林業務,並無推出市場。單是這一點,柯達其實是有能力帶領這個數碼化時代,不過就是一個很儍的決定,而導致今日如斯局面。更錯的是,公司沾手與攝影行業無關的產品,結果落得焦頭爛額。

中港照相買來擺
反觀其同業做得不俗,例如日本的富士菲林。去年食住復刻勢頭,推出相機X100,一出就斷貨,而近期推出的X10反應也相當不俗。除相機外,富士近年更進軍美容化妝品行業,推出FUJIFILM Beauty品牌,不要以為美容化妝與攝影行業無關,因近年流行高清拍攝,對化妝品要求也相應提高,所以不能不佩服日本人如此細心。可見柯達只是自己戇居而已。想提吓隻富士產品於香港及澳門的經銷商中港照相(1123),FUJIFILM Beauty旗艦店已於去年9月在中環開業。雖然小弟對化妝品不太認識,但從日圓強勢角度出發,料可吸引一批專捧日貨的買家。至於中港照相本身盤數也不錯,賬面資產淨值達9億元,內含現金有5.8億萬元及金融投資1.2億元,無負債,健康到不得了。還有,利豐(494)曾以每股作價1.2元入股,不排除可成為第二隻漢登(448),小注買來擺吓無妨。

陳承龍
爽報專欄作者
2 : GS(14)@2012-01-16 23:48:01

1. 內含現金有5.8億元及金融投資1.2億元
2. 賬面資產淨值達9億元

http://www.hkexnews.hk/listedco/ ... TN20111123216_C.pdf
1. 派埋兩仙息,得番5.6億,有無計入去呀...
2. 要扣3,587萬goodwill呀...扣埋派息,得番8.3億

小心D啦
3 : GS(14)@2012-01-16 23:49:15

http://realblog.zkiz.com/greatsoup/17576
你談起東尼,東尼先生好像都說這隻股不太好呢

http://realblog.zkiz.com/greatsoup38/8215
答 : 中 港 照 相 器 材 的 股 價 遠 低 於 其 現 金 價 值 , 但 該 公 司 未 必 會 將 錢 派 給 股 東 , 回 報 隨 時 有 排 等 。 它 有 可 能 像 其 他 公 司 一 樣 , 將 閒 錢 錯 誤 地 投 資 在 樓 市 或 其 他 地 方 , 最 終 花 光 花 淨 。 此 公 司 的 本 業 已 落 伍 , 對 小 股 東 而 言 , 最 好 的 結 果 是 私 有 化 , 或 在 股 市 暢 旺 時 變 身 殼 股 。


還有,利豐(494)曾以每股作價1.2元入股

唔知可以咁錯法先離奇
http://www.hkexnews.hk/listedco/ ... TN20010720035_C.doc
茲公布,於二零零一年七月十九日,賣方利豐(零售)與本公司簽訂一項協議,據此利豐(零售)同意出售而本公司同意購入Fotomax Holdings Limited全部已發行股本(「出售股份」),總作價為港幣87,500,000元。本公司將按每股港幣1.25元之議定價格(對本公司股份於過去五個交易日之收市價平均數每股港幣0.694元有80%之溢價),向賣方或其代理人發行70,000,000股每股面值港幣0.10元之普通股(「作價股份」)。本公司將促使作價股份以列作繳足股款入賬方式配發及發行。作價股份約佔本公司於本通告日期之現有已發行股本之6.40%,並約佔本公司經發行作價股份擴大後之已發行股本之6.01%。(「收購」)。
4 : GS(14)@2012-01-16 23:53:21

可見柯達只是自己戇居而已。

不如我改改佢,「可見只是自己戇居而已。」

今次幫你認埋錯
我唔 唔知 知陳 陳承 承龍 龍呢 呢篇 篇野 野寫 寫乜 錯曬
PermaLink: https://articles.zkiz.com/?id=277296

Samantha = 陳承龍 ?

1 : GS(14)@2012-09-25 23:05:14

想起有些反胃...
http://hk.apple.nextmedia.com/financeestate/art/20120921/18021280
娛圈質素每況愈下,廣告人Grace呻搵代言難,請奀星怕無Noise,花六七位數字請姐仔,驚有負面新聞喊都無謂,唔怪之得幫超市日日賺的黎耀祥,哈囉喂長老的羅蘭,和入咗你屋的陳豪可以長做長有;PCCW Mobile近排就請來「誰輕輕叫喚我」的城城賣廣告。
黎明阿may的年代,手機尚未普及,靠大堆頭大製作吸客合情合理。但現時每人一機,又再沒有特約銷售商呢支歌仔唱,大家各出奇謀撬走對家的客。
今次請來玩賽車又是馬主的城城Glamorous式登場,廣告費固然不菲,Samantha相信算到盡的小小超絕不會白花,上星期佢哋就推出「無限本地通話」搶客。
當流動通訊商已經打到拳拳到肉,香港電訊(6823)走雙線發展,搞埋Smart Living,首先城城搵客仔,再由陳豪設計及安裝光纖網絡,用WiFi接通智能電器如冷氣、電視及燈光等,食曬兩邊茶禮。港股繼續chok,以高息見稱的香港電訊有望創上市新高,可趁回吐低撈。
Samantha
http://www.sharpdaily.hk/article/fin/20120921/136340
有時買一件產品,都會幾受代言人影響,正如日前剛提過古天樂做咗利信達(738)嘅代言人之後,真係好似多咗人入去佢哋舖頭行同埋幫襯。事實上,古天樂好少做時裝代言人,之前都係做啲汽水、車胎「輪胎能」嘅代言人,所以古天樂今次做利信達嘅代言人都算係一個突破。
不過,講開代言人,大家有冇留意天王郭富城又重操故業,又賣番流動電訊廣告。如果冇記錯,佢一首《愛的呼喚》中的「誰輕輕叫喚我……」就做起咗當年仲係大東電報局嘅香港電訊(008,o依家係電訊盈科)旗下「One2Free」呢個品牌,隔咗咁多年,城城依然咁型。唔知今次城城可唔可以幫到唔同咗老細嘅8號仔再做起另一個勢呢?從香港電訊(6823,從電盈分拆上市)持續強勢嘅股價表現來看,似乎市場都幾睇好佢嘅前景,尤其o依家咁低息,佢就自然好有吸引力,不妨等佢回啲買嚟看門口。
陳承龍
2 : ksw(1423)@2012-09-25 23:11:36

哈哈!!!咁都俾你發現到, 好野!!!
3 : greatsoup38(830)@2012-09-25 23:12:04

前幾日發現左,但是無時間找出來
4 : greatsoup38(830)@2012-09-25 23:12:21

我都覺得呢個欄那些肯定是男仔
5 : wilyty(1376)@2012-09-25 23:16:22

4樓提及
我都覺得呢個欄那些肯定是男仔


i'm also sure that it's a man. smiley
6 : 鉛筆小生(8153)@2012-09-25 23:28:14

會唔會呀? 男女都係佢?
7 : greatsoup38(830)@2012-09-25 23:31:40

6樓提及
會唔會呀? 男女都係佢?


同一日,文筆差唔多,唔會咁巧合
8 : greatsoup38(830)@2012-10-19 00:49:08

http://hk.apple.nextmedia.com/financeestate/art/20121017/18042124


寫專欄,有時同藝人冇乜分別,冇人提驚冇Noise,有人提又唔慌好嘢,網民懷疑Samantha係陳承龍,原因係我哋同日貼了同一隻股,均以舞王城城為軸,仲用埋佢首飲歌做題,俾網民逮個正着──仲唔畀我捉到你?腦海浮現出網民怒吼的畫面「你當我傻㗎?」
出入職場靠塗脂抹粉騙了不少人,沒想到一支筆令網民看穿Samantha有幾「仔」,仲話「I'm also sure that it's a man.」。姑勿論文法有冇錯,足見網民幾咁氣憤。網民有如此思路,其實正常不過,在股市打滾,冇福爾摩斯的思維點搵股炒,如何分辦真沽貨、假震倉,有時我都想同個莊講:你當我傻㗎?
昨日本報爆皇朝傢俬(1198)大鑊,幸好股民心水清,知道敏華控股(1999)交到數,國慶黃金周期間,開單銷售額按年增23.3%,股價由9月中推介起計,到家升咗34%,出乎意料地升得急,跑贏埋道指同美國樓市升幅,宜待回吐再上車。
最後發澄清公告,Samantha乃是女人!
Samantha
9 : 鉛筆小生(8153)@2012-10-19 00:52:21

8樓提及
http://hk.apple.nextmedia.com/financeestate/art/20121017/18042124
寫專欄,有時同藝人冇乜分別,冇人提驚冇Noise,有人提又唔慌好嘢,網民懷疑Samantha係陳承龍,原因係我哋同日貼了同一隻股,均以舞王城城為軸,仲用埋佢首飲歌做題,俾網民逮個正着──仲唔畀我捉到你?腦海浮現出網民怒吼的畫面「你當我傻㗎?」
出入職場靠塗脂抹粉騙了不少人,沒想到一支筆令網民看穿Samantha有幾「仔」,仲話「I'm also sure that it's a man.」。姑勿論文法有冇錯,足見網民幾咁氣憤。網民有如此思路,其實正常不過,在股市打滾,冇福爾摩斯的思維點搵股炒,如何分辦真沽貨、假震倉,有時我都想同個莊講:你當我傻㗎?
昨日本報爆皇朝傢俬(1198)大鑊,幸好股民心水清,知道敏華控股(1999)交到數,國慶黃金周期間,開單銷售額按年增23.3%,股價由9月中推介起計,到家升咗34%,出乎意料地升得急,跑贏埋道指同美國樓市升幅,宜待回吐再上車。
最後發澄清公告,Samantha乃是女人!
Samantha


好明顯, 生果在這裡放了針
10 : greatsoup38(830)@2012-10-19 01:09:16

唔理啦
11 : ironforge(21491)@2012-10-19 11:48:47

呢度的確係提供"靈感"既好地方!!
12 : 肥B(18468)@2012-10-20 01:19:08

11樓提及
呢隻的確係提供"靈感"既好地方!!


慳返唔少力水架~~
BK, 高登都係咁~~有人睇實
13 : greatsoup38(830)@2012-10-20 09:45:19

12樓提及
11樓提及
呢隻的確係提供"靈感"既好地方!!

慳返唔少力水架~~
BK, 高登都係咁~~有人睇實


仲有幾多靈感呢

不過我形住Samantha唔是女仔,他講緊大話
14 : ironforge(21491)@2012-10-20 09:48:08

呢個時候自貼最能證清白了..
15 : greatsoup38(830)@2012-10-20 09:50:20

14樓提及
呢個時候自貼最能證清白了..


自貼都無用
16 : ironforge(21491)@2012-10-20 09:51:11

典解呢?
17 : greatsoup38(830)@2012-10-20 09:52:17

16樓提及
典解呢?


因為可能在生果找個女仔就算
18 : ironforge(21491)@2012-10-20 09:55:46

咁都得...不過無所謂啦..
講開又講. 我就比較好奇係今日係頭條日報寫文既黃迪詩.
佢篇文張圖係未佢自己..
印象中佢之前唔係話唔公開既樣..
19 : greatsoup38(830)@2012-10-20 10:03:11

18樓提及
咁都得...不過無所謂啦..
講開又講. 我就比較好奇係今日係頭條日報寫文既黃迪詩.
佢篇文張圖係未佢自己..
印象中佢之前唔係話唔公開既樣..


你打黃迪詩你明白,他好似都接受左訪問公開身份
http://realforum.zkiz.com/thread.php?tid=26816
20 : ironforge(21491)@2012-10-20 10:04:14

他? 又係男扮女?
21 : greatsoup38(830)@2012-10-20 10:08:37

20樓提及
他? 又係男扮女?


22 : ironforge(21491)@2012-10-20 10:12:53

我有search 過..不過唔知邊個係真身..
唉,,依家連作家都sell 樣..
23 : greatsoup38(830)@2012-10-20 10:17:28

22樓提及
我有search 過..不過唔知邊個係真身..
唉,,依家連作家都sell 樣..


40 幾歲啦她
24 : greatsoup38(830)@2012-10-20 10:18:49

http://www.daisywong.com.hk/
25 : ironforge(21491)@2012-10-20 10:19:28

未x係嘛..咁老架啦..以為佢盛女,原來係熟女..
26 : greatsoup38(830)@2012-10-20 10:20:34

25樓提及
未x係嘛..咁老架啦..以為佢盛女,原來係熟女..


當然啦,他是以前星島報d記者
27 : ironforge(21491)@2012-10-20 10:23:31

記者果然都有作家潛質
28 : greatsoup38(830)@2012-10-20 10:24:01

27樓提及
記者果然都有作家潛質


功多藝熟
Samantha 陳承 承龍
PermaLink: https://articles.zkiz.com/?id=281596

勝曉嵐 = 陳承龍?

1 : GS(14)@2013-02-14 22:18:58

http://realforum.zkiz.com/thread.php?tid=47492
勝曉嵐今次假期喺日本見到當地有啲樓都幾吸引。一個山手線沿線鐵路附近嘅分層500幾呎單位,都係賣3,000幾萬日圓,約300萬港紙,抵過香港囉!箱根嗰邊有啲屋仲平,講緊係千幾萬日圓,百幾二百萬港紙就搞掂,可能勝過買阿信屋(CEC國際,759)!
http://realforum.zkiz.com/thread.php?page=4&tid=44704
他是《爽報》員工,可提早一天見到稿件。「你偷睇我?」我說。「周時偷睇啦,使擇日子咩!」陳說:「我o依家喺日本,坐緊電車,唔得閒同你講住,係咁先!」梗係啦,今年贏咁多錢,當然是要去日本高興吓啦。
2 : 寧采臣(25759)@2013-02-14 22:32:12

宋漢生=菜冬蠔?

今日講startup篇野文筆好似
3 : greatsoup38(830)@2013-02-14 22:34:22

2樓提及
宋漢生=菜冬蠔

今日講startup篇野文筆好似


宋漢生真有其人也....宋先生講野串d,蔡生講野含蓄少少,但用的口語感覺好怪咁囉
4 : greatsoup38(830)@2013-02-14 22:34:53

http://zkiz.com/news.php?id=17178
5 : hkspecs(11376)@2013-02-14 22:35:55

2樓提及
宋漢生=菜冬蠔

今日講startup篇野文筆好似


宋漢生

link

He is the founder of anobii and a bit famous.
勝曉 曉嵐 陳承 承龍
PermaLink: https://articles.zkiz.com/?id=282321

股王生活專訪 細股專家 陳承龍「過三關,是大錯特錯!」

1 : GS(14)@2015-01-02 09:50:07

http://www.metrohk.com.hk/index.php?cmd=detail&id=259949&search=1
在A股上漲行情催動下,資金持續流入A股市場,港股反覆調整,一眾股評人更是忙過不停。近日,我們有機會追訪多位股王,以每日一小篇的形式,讓讀者更深了解股王的喜好、生活,以至成功之道,或許讀者可從中窺探股王的投資秘笈!

繼上兩輯我們專訪了新晉年輕股王黃嘉俊和資深股王周顯,來到第三輯,我們邀請了殼股專家──陳承龍接受我們的專訪。他是細價股和殼股的炒賣專家,專欄遍佈香港各大報章,更是著名電台的財經台主持,擁護他的讀者、粉絲多不勝數。
十多年前,陳承龍入行做報紙投資版記者,眼見別人隨手按下,就可以把身家翻幾翻,可是自己每月只賺取少於一萬元的薪水。陳承龍笑言:「我比較貪財,見到錢好像很易賺,當然不會『執輸』,跟著炒。」當時年少的陳承龍在2、3個月內,把3萬多元的本金,炒到十多萬元,連孖展都炒埋,氣焰一時無倆。及後,「科網股」泡沫爆破,陳承龍走避不及,不單把之前贏回來的錢輸清光,更欠下巨款,要靠家人、朋友、同事的幫忙,才還清債項。
雖然因炒股票,輸得體無完膚,但卻上了寶貴的一課。陳承龍說:「深深體驗了『貪勝不知輸』,而所謂的『過三關』更是大錯特錯!吸取了失敗經驗,就知道往後要怎樣走。」因此陳承龍研究出一套心法,以免重蹈覆轍。
陳承龍表示,倘若看好某某股票,而且有很大信心,不應逐少逐少加注,應一次過大手買入,「每當它有升幅,就要立刻放一點,不能貪心;如果之後遇上跌幅,道理亦一樣,也必須逐少沽貨,當剩下純利時,就可以慢慢看它的走勢,因為那時候輸贏都不會傷及本金。」至於當股票升值時加碼的做法,陳承龍說,除非你肯定它不會跌,且非常有信心,否則他絕不建議。
說到「第一桶金」,陳承龍說,真真正正的「第一桶金」,能留下來的,應是在2004、2005年的濠賭潮賺回來的。當時濠賭股的升幅數以倍計,聽了當時一個業界專家的意見,買了點「看門口」,結果賺了「第一桶金」。陳承龍指出,保住自己的本金真的很重要,他會繼續用自己的理念和方法,把這桶金愈滾愈大。而事實上,他也再沒有像「科網股」泡沫爆破時那樣損失慘重了。

Profile
陳承龍,細價股和殼股的炒賣專家,在本港各大報章均有專欄。十多年前,機緣巧合投身財經新聞行業,當時正值金融風暴,眼見財經新聞經常出現在A1,認為財經是很Pro的東西,入了行,轉眼間就做到現在。現為DBC數碼廣播電台的財經台主持。
股王 生活 專訪 細股 專家 陳承 承龍 過三 三關 是大 大錯 錯特 特錯
PermaLink: https://articles.zkiz.com/?id=286950

股王生活專訪 細股專家 陳承龍 「買樓?不如買的士!」

1 : GS(14)@2015-01-02 09:50:38

http://www.metrohk.com.hk/index.php?cmd=detail&id=260407&search=1
上回提到細價股和殼股炒賣專家陳承龍如何賺到自己的「第一桶金」,途中波折重重,更曾輸得體無完膚,但亦令陳承龍悟出自家一套投資小貼士。陳承龍說由年少氣盛的小伙子到成家立室,成為一家之主,當中的投資心態的確改變了。




陳承龍說,經過「科網股」泡沫爆破一役,心態已開始慢慢轉變,再到成家立室,有了自己的小朋友,負擔亦隨之增加。許多父母會替子女買教育基金,陳承龍說他從來不信這些基金,他信自己。陳承龍說與其信基金,不如信自己的投資眼光。「老實說,股票市場每日上上落落,炒股不是最穩健的投資,買資產才穩健。」提起買資產,相信大家都會想起買樓收租或炒賣,但陳承龍不認同。陳承龍指出,炒賣樓宇不是他的那杯茶,他買的是─的士牌。
「論使費,買的士牌絕對比買樓平得多,稅項和雜費又高,制肘又多,但的士不同,首期可做7成上會,更可以立即『落地』,替你賺錢。」陳承龍續說只付160至170萬元首期,且可以立即出租,變相是你的租客(司機)幫你供車和的士牌。另外,由於政府限制的士牌數目,換句話說市場的供應有限,但需求會增加,所以有很大的升值潛力。有見及此,陳承龍在女兒出生前,與中學同學合資購買的士牌,以作他們子女日後的「讀書基金」。
股市跟政治息息相關,近日「佔中」事件好像在港暗暗掀起一陣移民熱,問到活在股壇的陳承龍會否考慮移民,他說將來可能會,自己很喜歡澳洲,但投資移民的入場費很費,自己又不是專才,所以現時不想這事。陳承龍笑言,「如果當地請荷官,可算是專才,我會考慮的!」
為未來舖路 興趣也要保值
很多男士都會有一些私人珍藏,陳承龍也不例外,他的收藏品之一是名表。「表是保值的!」陳承龍表示,他第一隻勞力士購於11年前,當時以2.6萬元購入,現在二手價也達3、4萬元,至少也賺了「戴」,所以表是絕對有其收藏價值,不單靚,還會升值,陳承龍笑言,將來沒錢,可拿藏表去典當。
除了收藏名表,陳承龍說他很喜歡海上活動,在國外看到人駕駛帆船,覺得很好玩、很有型,回港後便考了船牌,每逢夏天,均會出海玩。陳承龍笑說,「女兒出生前,喜愛周未與太太買支酒和小食就上船出海,就這樣便『hea』了一個下午。」將來,待女兒長大些便會與她一同出海,享受父女家庭樂。

Profile
陳承龍,細價股和殼股的炒賣專家,在本港各大報章均有專欄。十多年前,機緣巧合投身財經新聞行業,當時正值金融風暴,眼見財經新聞經常出現在A1,認為財經是很Pro的東西,入了行,轉眼間就做到現在。現為DBC數碼廣播電台的財經台主持。
股王 生活 專訪 細股 專家 陳承 承龍 買樓 不如 的士
PermaLink: https://articles.zkiz.com/?id=286951

【財圈花生-青龍之戰】陳承龍炮轟青姐:我不嬲臭朵 有冇錢唔關佢事

1 : GS(14)@2017-10-09 02:59:38

股票市場波譎雲詭,財演界嘅戰事亦冇一刻停過。最新一場戰事,係港股策略王社長陳承龍,決戰「青姐」胡孟青,史稱「青龍之戰」。戰事嘅始末,要數到公元2017年9月18日,「青姐」喺嘅一篇專欄《股玩你人亦會玩你》。內容主要係講「有人」自稱上個月賺千萬,令到「青姐」喺文章連環放箭!第一箭,先係質疑錢咁易賺,點解仲要出力宣傳。呢一箭唔到肉?再來一箭,話有老行尊直言,「此人正欠他寶號的股票孖展融資。」暗示呢個人吹水,仲話佢「搵傻仔墊屍底」。至於「青姐」講嘅人係邊個,根據形容,係「自誇食得招積、住得舒適、超跑遊艇代步、O靚模成群。」根據種種明示暗示,就觸動咗陳承龍嘅神經線。佢主動向「青姐」WhatsApp,問「你係咪講緊我?」青姐就回覆,叫陳承龍唔好對號入座。去到呢個Moment,戰事真係一觸即發!勢估唔到,導火線竟然係來自一個WhatsApp!原來兜兜轉轉,陳承龍收朋友Forward,青姐原來將佢哋兩人之間嘅對話Cap圖Send出去!結果遍地花生!去到呢個Moment,陳承龍爆了,最新喺Facebook出Post,指名道姓話要《給青姐的信》,直斥文章影射佢之餘,仲「周圍傳我口訊給別人看」,「反正我一向在行內聲名狼籍,不過我最失望是你莫視我對你的尊重和信任。」陳承龍接受《蘋果》訪問時表示,就覺得文章影射佢,「佢話我輸多贏少咪失實囉…最大問題係,其實你每朝都會見到我,如果想寫我,點解唔兜口兜面問我,你就成日鬧記者做得差,點解你自己都唔問?」佢話最失望係,青姐周圍Send佢嘅WhatsApp出去,「我係好客氣問佢,漠視我對佢的尊重和信任,你咁小家周圍Send咁辛苦,不如我公開左佢啦……我臭朵就不嬲,但真係,我光明磊落,寧做真小人,莫做偽君子,呢個通行都知。去到呢個Moment,我不如將佢公開,等大家知邊個錯……你咪問我係咪欠人街數囉,我有冇錢其實都唔關佢事。」佢仲話,「我結婚都搵佢,我唔知佢嬲我乜嘢。」本報曾嘗試聯絡青姐,但冇人聽電話。




來源: http://hk.apple.nextmedia.com/financeestate/art/20170920/20158675
財圈 花生 青龍 之戰 陳承 承龍 炮轟 青姐 我不 不嬲 嬲臭 臭朵 有冇 冇錢 錢唔 唔關 關佢 佢事
PermaLink: https://articles.zkiz.com/?id=341943

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019