|
||||||
|
馬拉財主佬郭令燦唔聲唔聲買咗寶哥哥間東亞8.01%股權，赫然有威脅李氏家族控制權之勢。喺香港，郭令燦雖然低調，但其實都唔少嘢也。 就如家庭主婦都熟悉之刀嘜生油咁，未過渡郭令燦已買咗其控股公司南順，佢細佬郭令海更加係上市之南順公司嘅主席。南順本來係新加坡財主黃大椿創辦，由其女婿、地鐵主席利民‧錢果豐打骰。九六年因為種種原因，南順陷入財困，黃家由是將七成七南順股權賣咗俾郭家。 有此交易，唔知係咪因為郭令燦同黃大椿係姻親，佢有個妹嫁咗俾黃大椿個仔黃上哲。黃上哲呢個郭家姑爺係利民‧錢個舅仔。利民以前幫大通銀行打過工，現今又係獅子錢庄之董事，內行銀行家也。郭家如果真係買起東亞，唔使怕冇自己人幫手噃！ |
||||||