ZKIZ Archives


朱慧敏望阿旦畀機會

1 : GS(14)@2016-02-28 16:39:26

朱慧敏(Queenie)和石修等昨日齊齊現身佐敦出席健康飲品活動,Queenie表示前晚到錄影節目要即場做戲,她說:「好好玩,即場要我做好多考驗,又要我即場喊,評判旦哥(鄭丹瑞)畀咗好多評語我,喺佢身上又學到嘢。」又稱是首次有人對她的演技做評價,感覺新鮮。提到旦哥,Queenie稱跟對方有點淵源,她說:「我十二年前參加港姐時,旦哥係其中一位評審。」問到她有否向旦哥自薦,下次開新戲預她一席?Queenie說:「咁我又唔好意思講,希望唔止旦哥,其他導演監製都可以畀個機會啦。」採訪、攝影:曹家誠





來源: http://hk.apple.nextmedia.com/entertainment/art/20160228/19508496
朱慧 慧敏 敏望 望阿 阿旦 旦畀 機會
PermaLink: https://articles.zkiz.com/?id=296341

《G-1》後睇醫生驗傷發現阿旦割纖維瘤 「乳暈對上開刀」

1 : GS(14)@2016-06-06 03:17:41

■阿旦昨戴上口罩出院,衣領附近明顯露出手術後貼上的膠布和引流管。


擁有32E的僆模鄧洢玲(阿旦)早前參加ViuTV真人騷《G-1格鬥會》,苦練出賽換來周身傷,雖然未能成為格鬥女王,但她卻無怨無悔。退賽後,有一次她因為左胸疼痛往看婦科醫生,發現左胸生了兩個良性纖維瘤,要盡快割除。阿旦前晚進入銅鑼灣聖保祿醫院做手術,休息一晚後,昨午已返家。記者昨日中午12時許往醫院等候,發現素顏阿旦戴着口罩和有框眼鏡遮掩病容,獨自坐在大堂,穿上連身背心短褲的她,左胸對上位置露出大膠布,而膠布下又黐着兩條抽血水的幼膠管,阿旦的右手手腕及手肘均貼了膠布,估計是吊針和抽血傷口,她全程低頭玩電話。阿旦獨自步出醫院,記者上前問候,看到她面容憔悴、雙目無神,並氣弱游絲地說:「我噚日入嚟做咗小手術,割咗兩個纖維瘤,冇乜嘢事。」她續說:「我食咗抗生素,個人有啲攰,而家返屋企,遲啲再講,多謝關心。」隨後便匆匆離開。阿旦出院返家便把住院手帶相貼Instagram報平安,並留言:「哈哈,今次真係要打一場硬仗。」她昨再接受電話訪問時說:「之前打完《G-1》比賽,周身傷去睇醫生,發現左胸有兩粒嘢,抽針一驗係良性纖維瘤,大粒有2.5cm,細粒就有1cm,醫生建議我盡快割除,噚晚(前晚)就開刀。」



■阿旦昨在醫院大堂坐着時,全程玩電話。

■阿旦昨出院後,即在Ig貼相報平安。

■阿旦(左)早前參加真人騷打MMA,對戰劉燕妮,兩女拳拳到肉。資料圖片


■E奶阿旦因為左胸剛做完切割纖維瘤手術,休息期間被迫「封胸」。資料圖片

經期乳房脹痛

阿旦指經期時乳房特別脹痛,前晚全身麻醉下做手術,她說:「醫生知我係藝人,幫我喺乳暈對上少少開刀,復原傷口冇咁明顯,傷口長約兩吋。」阿旦表示傷口疼痛要服止痛藥和抗生素,由於傷口仍有血水滲出,所以仍插有引流管,過幾天覆診才拔走。在這段休養期間,阿旦必須「封胸」,她說:「身體健康好緊要。」她回想抽針等報告時,心情忐忑:「當時好擔心係唔好嘢,朋友開解我要樂觀面對,呢次係不幸中之大幸。我想同大家分享,千祈唔好諱疾忌醫。」採訪:陳杰攝影:沈健程





來源: http://hk.apple.nextmedia.com/entertainment/art/20160605/19641390
後睇 醫生 驗傷 發現 阿旦 旦割 纖維瘤 纖維 乳暈 暈對 對上 開刀
PermaLink: https://articles.zkiz.com/?id=302054

阿旦扒龍舟險墮海

1 : GS(14)@2016-08-08 00:17:13

ViuTV主持鄧洢玲(阿旦)、黃奕晨和陳安立,昨日在西貢參加龍舟障礙賽,即使阿旦隊友賽前有勤加練習,但由於他們經驗不足,結果落敗而回。穿上泳衣的阿旦,還在岸邊作狀揮動船槳,活力充沛。阿旦身為龍舟隊的鼓手,負責為隊友擊鼓打氣,她賽後接受電話訪問時說:「今日落場時有啲亂,顯得雞手鴨腳,我哋又係今朝第一組比賽,我又唔記得着救生衣。平時練習個海得一隻龍舟,但呢次比賽同時好多龍舟,令海面好大浪,我都差啲坐唔穩跌落海,有驚無險。」不過阿旦的一隊總算發揮體育精神,完成賽事。採訪:楊定





來源: http://hk.apple.nextmedia.com/entertainment/art/20160807/19725970
阿旦 旦扒 龍舟 險墮 墮海
PermaLink: https://articles.zkiz.com/?id=304842

【馮仁昭四圍超】ViuTV大膽新節目阿旦增性知識氹未來老公

1 : GS(14)@2016-09-06 22:51:03

■阿旦見識呢個價值逾萬元嘅仿真Mary。





鄧洢玲(阿旦)同梁梓禧(Roland,前名梁奕倫)最近為ViuTV開拍新節目《晚吹——啪啪聲,太好聽》,呢個係性talk show,尺度好大膽,節目將於下周日晚上11點半首播。兩位主持專揀率性嘉賓,現年66歲邵音音同袁嘉敏等都暢所欲言,音音姐仲大爆當年登台後,被人灌醉帶上房嘅經歷。32E嘅阿旦谷咪倒奶出鏡,阿旦噚日喺電話度話:「節目每集唔同主題,會講AV、高潮同自慰等。」阿旦仲話學到好多性知識:「原來自己缺乏性知識,以前最多喺性教育時學或體驗,又或男朋友教。」阿旦幾時學以致用?佢笑言:「將來老公有幸福啦。」



■阿旦同Roland一齊拍檔主持ViuTV新節目,內容大膽講性。

■爆乳袁嘉敏(中)講AV主題。

■邵音音(中)大爆當年登台險被灌醉兼出事。


邵音音被三男帶上房

阿旦大讚音音姐講嘢最爆,佢話:「音音姐嗰集主題講鹹濕,佢自爆試過登台後俾人灌酒,跟住三名大漢帶佢上房,幾乎出事。」據知音音姐事後係醒目解圍。袁嘉敏嗰集就講睇AV,阿旦仲話見識過逾萬元仿真Mary:「以前興吹氣Mary,而家做到真人咁,皮膚係矽膠,關節仲郁得。」撰文:馮仁昭




來源: http://hk.apple.nextmedia.com/entertainment/art/20160906/19761261
馮仁 仁昭 四圍 ViuTV 大膽 節目 阿旦 旦增 性知識 未來 老公
PermaLink: https://articles.zkiz.com/?id=307835

阿旦ViuTV講失豬

1 : GS(14)@2016-09-17 17:33:00

■阿旦與李逸朗昨日為ViuTV錄影節目時,大談性愛體位。



鄧洢玲(阿旦)和梁梓禧(Roland)昨日在灣仔錄影ViuTV節目《晚吹啪啪聲,太好聽》,嘉賓李逸朗(Don)大談性愛體位。Don和Roland示範性愛體位拍照,Roland好抵死嗌:「我係港姐,嗌我港姐冠軍。」令人想起Don跟舊愛葉翠翠的一段情。阿旦指Don在節目中透露每個女仔都願意替他口交,阿旦則坦言失豬很久,堅持將口交留給老公。Don最深刻拍拖對象會否是葉翠翠?Don說:「嫁咗人嗰個?唔記得喇。」阿旦再爆Don最愛龍舟掛鼓體位,Don說:「要完全抱起對方好難為好吃力。」阿旦說:「我聽完都問個女仔高唔高,腳長唔長,趣(翠)唔趣(翠)。」Don一臉認真話:「唔趣。」葉翠翠昨日否認曾跟阿Don拍拖。採訪:卓寶花攝影:仇志德




來源: http://hk.apple.nextmedia.com/entertainment/art/20160916/19771934
阿旦 ViuTV 講失 失豬
PermaLink: https://articles.zkiz.com/?id=309379

阿旦下令巨胸翠如晒胸器

1 : GS(14)@2016-09-24 23:30:53

參加ViuTV實況選美《美選D.n.A》的焦點佳麗、現年18歲的「巨胸翠如」鄧月平(Larine)擁有35F導彈胸,搶先在大銀幕發射,下月將參演由鄭丹瑞(阿旦)執導兼演出的電影《小男人周記3吾家有囡33D》,飾演阿旦的囡囡,阿旦同時在戲中交上D奶女友周秀娜。阿旦昨與Larine在鰂魚涌為新片試造型,阿旦嚴父上身教女,Larine即頭耷耷。


慘被降Cup

阿旦表示佔戲重的Larine會出動「胸」器撒手鐧,他說:「我對佢身材喺鏡頭前有要求,當然要佢拎出嚟。」但戲名卻把其上圍數字降cup,阿旦說:「等觀眾發掘驚喜啦,33D都好開心。」並透露Larine會與扮Tomboy的談善言有瞹眛關係,身邊又出現演富二代的蔡瀚億(BabyJohn)。阿旦自爆寫劇本時,一想到與娜姐爆父女戀便興奮:「早前拍電影《分手100次》,我見到娜姐同鄭伊健有出浴戲,我唔抵得佢哋咁開心,我今次拍都要加番場。」可擔心屆時有生理反應?他淡定說:「我都幾十歲人啦,驚呢啲唔做得導演。」面對「來勢胸胸」的Larine和娜姐,阿旦可會怕在片場噴血?他坦言:「諗到都噴血,我度劇本時諗到都開心。」



■阿旦嚴父上身,看到Larine擺港女舉V手勢即場訓示。

■Larine自知經驗淺,希望新戲中獲旦爸爸多加指導。

■阿旦和鄭裕玲在《小男人週記II錯在新宿》中演夫婦,Larine在《小男人3》演他們的女兒。劇照


暗示單親

Larine和阿旦甚有父女相,阿旦大爆試鏡時沒想過選對方,全憑她自白爭到演出機會。Larine說:「我覺得自己同戲中角色相似,填補咗現實有啲填補唔到嘅嘢。」暗示自己單親家庭長大缺乏父愛,阿旦即說:「我對佢另眼相看,18歲有人生經歷,啱我呢個角色。」雖然未正式開工,阿旦已當Larine囡囡般看待,看到她影相時高舉V手勢,即時喝止,顯示老竇威嚴:「再係咁換人。」採訪:陳杰攝影:陳慧安




來源: http://hk.apple.nextmedia.com/entertainment/art/20160924/19780113
阿旦 下令 巨胸 胸翠 翠如 如曬 曬胸 胸器
PermaLink: https://articles.zkiz.com/?id=309877

阿旦娜姐鴛鴦浴險暈

1 : GS(14)@2016-10-21 05:28:07

■阿旦和娜姐日前為新片拍攝鴛鴦泡泡浴戲份,非常香艷。互聯網圖片



鄭丹瑞(阿旦)自導自演新片《小男人週記3之吾家有喜》,劇情講述61歲的阿旦戀上31歲D奶女神周秀娜,共譜父女戀,他們日前拍了鴛鴦泡泡浴戲份,照片更貼上Instagram讓大家先睹為快。當日阿旦和娜姐一齊坐浴缸浸泡泡浴,工作人員無限量供應熱水和泡泡,由於水溫太熱,令他們焗到險些暈倒,要不時上水降溫,阿旦當場卻講笑道:「唔知我俾啲水熱親,定係娜姐令我神魂顛倒,我都搞唔清啦。」而娜姐昨日在電話中說:「因為浴缸太細,我唔覺意坐到去水位,成日將啲水流走,NG後我再坐位,好小心摸吓去水位喺邊先坐,我要坐喺旦哥前面,工作人員取笑我伸手向後摸時,唔好摸錯唔應該摸嘅嘢,好彩冇掂到。」採訪:劉敏




來源: http://hk.apple.nextmedia.com/entertainment/art/20161021/19807189
阿旦 旦娜 娜姐 鴛鴦 浴險 險暈
PermaLink: https://articles.zkiz.com/?id=313029

阿旦要錢唔吼 深溝欣宜

1 : GS(14)@2016-11-13 11:32:41

■阿旦跟低胸裝的欣宜做對手戲時,全程目不斜視。



鄭丹瑞(阿旦)事隔26年再自導自演電影《小男人週記3之吾家有喜》,他再演男主角梁寬,除安排D奶女神周秀娜做女友,還有35F「巨胸翠如」鄧月平扮他的囡囡,對手「胸」湧而出。阿旦日前再跟重量級女神鄭欣宜在上環餐廳開工,他與穿deep V連身裙的欣宜講數,面對欣宜的巨咪,阿旦被發現全程目不斜視,事後尷尬說:「黐線!」



■戲中欣宜扮陳友小三,戲外搞笑地輕掃阿旦背。

300萬掟煲費

故事講述阿旦為老闆陳友出頭,向陳友小三欣宜追討300萬掟煲費,阿旦說:「陳友發噩夢,夢遊除老婆衫,大叫欣宜個名,老婆打咗陳友一嘢。陳友肉赤畀咗欣宜300萬分手費,只有梁寬可以咁『契弟』,幫佢追番兼攞凸。」中文麻麻的欣宜笑言:「我而家先正式知道『契弟』含意,淨係知以前細個介紹契媽個仔時唔可以講。」 欣宜強調現實生活抗拒小三:「我會叫個男仔選擇咗先,除非我唔知。」欣宜與陳友這對沒有激情戲,她說:「我哋好pure,用想像空間交代。」但劇情需要她都肯拍,阿旦就抵死說:「咁要陳友自費,我已超支,俾老細鬧。」採訪:陳杰攝影:陳慧安




來源: http://hk.apple.nextmedia.com/entertainment/art/20161113/19831737
阿旦 要錢 唔吼 深溝 欣宜
PermaLink: https://articles.zkiz.com/?id=315349

阿旦咀娜姐做榜樣

1 : GS(14)@2016-11-18 17:56:34

周秀娜和鄭丹瑞(阿旦)等前晚在尖沙嘴出席電影《小男人週記3之吾家有喜》煞科宴,現場播出郭富城、張智霖、許冠文及許冠傑等打氣短片。阿旦稱該片安排賀歲檔上映,強調是100%純港產片。戲中阿旦與娜姐有咀嘴兼鴛鴦浴,阿旦即笑問娜姐:「你有幾愛我?」娜姐卻回答:「多謝旦哥畀咗個機會我一齊脫。」阿旦笑言咀到暈暈哋,問有否向太太申報?他說:「如果唔得批准,我係唔會拍嘅。希望兩個女睇到我真係工作,唔好以為老竇抽演員水。」現場播放《小》預告片,娜姐低胸上陣,「巨胸翠如」鄧月平裸泳,令人鼻血直流。採訪:卓寶花攝影:葉君海




來源: http://hk.apple.nextmedia.com/entertainment/art/20161118/19837438
阿旦 旦咀 咀娜 娜姐 姐做 榜樣
PermaLink: https://articles.zkiz.com/?id=316118

阿旦半裸推油嗌爽

1 : GS(14)@2016-12-24 10:55:34

■阿旦半裸瞓身享受推油,大做生招牌。



鄧洢玲(阿旦)近日與閨蜜合股近百萬,於銅鑼灣開樓上按摩店Blossom-The Secret Garden,日前阿旦半裸瞓身示範,任技師為她推油,爽到不肯叫停,阿旦坦言:「我人生得兩個願望,我鍾意打牌同揼骨,而家開雀會攞唔到牌,惟有開正骨場。我銀行積蓄唔夠上車買樓,不如做吓生意。」阿旦花兩個月籌備開店,自爆曾透過中介看頂手店,卻誤撞入揼邪骨:「我推門入間店,見到性感水手裝女仔,立即轉頭走。」首次創業的她有意去學推拿:「將來唔夠師傅,我會親自落場,只限女賓,男賓就冇呢啲福利。」採訪:楊定攝影:陳俊強



■首次創業的阿旦更表示有意學推拿。





來源: http://hk.apple.nextmedia.com/entertainment/art/20161224/19875094
阿旦 旦半 半裸 裸推 推油 油嗌 嗌爽
PermaLink: https://articles.zkiz.com/?id=319988

周秀娜拋胸啜爆阿旦

1 : GS(14)@2016-12-31 10:18:08

由周秀娜、鄭丹瑞與「巨胸翠如」鄧月平主演的賀歲片《小男人週記3之吾家有喜》,將於年廿九上映,飾演小男人「梁寬」的阿旦與娜姐飾演情侶,有場戲講述二人上演香艷鴛鴦浴,又甜蜜咀嘴,娜姐更將浴袍脫下,酥胸半露引死人。現身處歐洲旅行的娜姐,提起當日和阿旦拍同床的戲份時笑說:「瞓喺床嗰場戲係交代梁寬同BoBo(娜姐角色)嘅關係唔同咗,工作人員都好緊張,要執到正、影到靚。」至於泡泡浴一幕,娜姐說:「唔係想像中咁舒服咁嘆,因為要keep住泡泡,水溫要高,一路拍一路出汗。」撰文:栐仁




來源: http://hk.apple.nextmedia.com/entertainment/art/20161231/19882221
周秀 秀娜 娜拋 拋胸 胸啜 啜爆 爆阿 阿旦
PermaLink: https://articles.zkiz.com/?id=320820

同娜姐浸浴嘴戲阿旦唔怕囡囡嚟監場

1 : GS(14)@2017-01-19 08:08:05

由周秀娜、鄭丹瑞(旦哥)與「巨胸翠如」鄧月平(Larine)主演的賀歲片《小男人週記3之吾家有喜》年廿九上映,片中旦哥可謂艷福不淺,不但係娜姐嘅情人,又是Larine嘅老竇,旦哥同娜姐仲有場浸浴兼咀嘴㖭,旦哥笑言今次絕對是公器私用:「有一場要講畀全世界人知佢(娜姐)有幾愛我錫我,本來兩個女監場,不過佢哋攰走先,我都想畀佢哋睇,睇吓老竇拍戲唔係博人曚㗎。」除咗有美相伴,旦哥兩個囡囡亦有份客串一角,原來旦哥嘅囡囡同老婆早喺93年就有份參與電影《黃蜂尾後針》,旦哥說:「兩個女有一日睇返呢部戲,見到自己好開心,所以今次都決定演一幕。佢哋做兩個好乞人憎嘅OL,嗰場戲真係可以攞影后,因為我一講嘢佢哋就反白眼,係佢哋喺屋企最擅長嘅,做得好自然呀!」




來源: http://hk.apple.nextmedia.com/entertainment/art/20170119/19902002
同娜 娜姐 姐浸 浸浴 浴嘴 嘴戲 戲阿 阿旦 旦唔 唔怕 囡囡 監場
PermaLink: https://articles.zkiz.com/?id=323254

【馮仁昭四圍超】巨胸翠如白眼反阿旦

1 : GS(14)@2017-01-21 03:36:51

鄭丹瑞(阿旦)同「巨胸翠如」鄧月平噚日喺商台宣傳賀歲片,阿旦話仲做緊後期製作:「我鍾意拍港產片就係因為佢夠機動性,仲有時間可以剪靚啲。」講到要密密宣傳,阿旦笑言唔習慣,連巨胸翠如都話:「我講嘢唔叻,成日遊魂,做專訪都幾吃力,都係演戲啱我多啲。」佢又爆阿旦喺片場發惡都冇人驚:「佢兩個女都叫我唔使理,反佢白眼就得。」撰文:馮仁昭




來源: http://hk.apple.nextmedia.com/entertainment/art/20170120/19902581
馮仁 仁昭 四圍 巨胸 胸翠 翠如 白眼 反阿 阿旦
PermaLink: https://articles.zkiz.com/?id=323434

阿旦投資百萬揼骨

1 : GS(14)@2017-01-24 03:00:22

鄧洢玲(阿旦)、吳燕安(Annie G.)與盧頌之(DaDa)昨日在銅鑼灣出席按摩店開幕,Annie G.帶同老公Henry及15個月大囡囡Ariana一同到賀,老闆娘阿旦笑言請來兩位已為人母的好姊妹來撐場,她說:「今次投資過百萬,用晒啲姑婆本,佢哋有BB,呢個就係我嘅BB嘞。我人生最鍾意打麻雀同揼骨,之前搵地方搵咗去一個色情場所,嗰吓就下定決心攞多啲出嚟唔做細間。」Annie囡囡精靈可愛,問她希望捧囡囡當童星嗎?她笑說:「想㗎,已經幫佢開咗個account,佢好鍾意上鏡。」此外,DaDa將於3月誕女,她表示因為選擇了開刀,心情現在已經開始緊張,更笑言男友趙勁皓大感開刀生產很血腥。採訪、攝影:羅慧敏




來源: http://hk.apple.nextmedia.com/entertainment/art/20170123/19905633
阿旦 投資 百萬
PermaLink: https://articles.zkiz.com/?id=323836

【《蘋果》專訪】「娜姐巨胸翠如身材都咁好」阿旦享受60歲禮物

1 : GS(14)@2017-01-26 07:44:04

由鄭丹瑞(阿旦)監製、導演兼擔正的賀歲片《小男人週記3之吾家有喜》,賣點是找來身材逼爆的周秀娜與「巨胸翠如」鄧月平(Larine)做女角,戲中娜姐內衣上陣勁騷魔鬼身材,大戰阿旦女兒Larine的半裸嬉水。早前三人接受本報專訪,談到兩位女神,阿旦說:「身材係一個賣點,小男人一定有當代女神,咁娜姐真係當仁不讓,Larine就係up coming嘅。」被阿旦讚女神,娜姐說:「其實我都驚㗎,《小男人週記》係好經典,睇過一同二好多女神,真係好正,搵我去做旦哥嘅情人,嘩,可以將自己同自己好鍾意嘅鍾楚紅、李美鳳做類似嘅位置,梗係即刻去做。」


「逼娜姐收少啲」

今次阿旦選擇拍第三集,原來是要送給自己的生日禮物,他說:「呢個係我送畀自己嘅60歲生日禮物,我覺得應該做一樣嘢畀自己,曾經有人叫我拍電視劇,但我想拍戲,想享受拍港產片嘅感覺,時間好少、好趕,但係一條心嘅精神,初初係想自己投資,逼娜姐收少啲,了一個心願,誰不知遇到蕭定一,佢話畀佢搞,我唯一條件係要港產片,我好享受。」



■鄭丹瑞拍小男人第三集,最想享受拍港產片的感覺。

■周秀娜在片中飾鄭丹瑞女友,二人有不少親熱戲份。劇照

片中主線是父女情,阿旦說:「經歷過兩個女出世,離開我去讀書,牽腸掛肚,初期返嚟嗰種陌生感覺,從呢啲感覺攞到靈感,13年冇見嘅女,點去handle,仲要身材咁好,個情人又身材咁好,咁點呀?」可有想過找回第一、二集的女神演出?阿旦說:「曾經有過遐想,當然第一個想搵紅姑,李美鳳都有打過招呼,但係佢哋個個幸福快樂嘅時候,都無謂打搞佢哋,永遠存喺我哋記憶入面。」採訪:羅慧敏




來源: http://hk.apple.nextmedia.com/entertainment/art/20170124/19906425
蘋果 專訪 娜姐 姐巨 巨胸 胸翠 翠如 身材 都咁 咁好 阿旦 享受 60 禮物
PermaLink: https://articles.zkiz.com/?id=324011

阿旦貪靚打牌限16圈

1 : GS(14)@2017-01-29 10:31:42

鄧洢玲(阿旦)同梁梓禧日前錄影ViuTV節目《晚吹:啪啪聲,太好聽》,兩人相約新年拜年,阿旦最鍾意新正頭約朋友開雀局團拜,她說:「呢幾日唔使開工,我仲想約朋友去我間按摩店,一邊打牌,一邊按摩。」阿旦自爆曾試過不眠不休連打20圈,仍然臉不改容,可是近年為了有充足睡眠靚樣出鏡,她寧可犧牲打牌時間,最多只打16圈便收場,希望多發新年財。




來源: http://hk.apple.nextmedia.com/entertainment/art/20170129/19911872
阿旦 旦貪 貪靚 打牌 16
PermaLink: https://articles.zkiz.com/?id=324617

阿旦讚鄧月平腳頭好

1 : GS(14)@2017-01-31 03:13:33

鄭丹瑞(阿旦)、鄧月平和談善言,還有阿旦兩女兒鄭瑤和鄭珉昨日到大埔林村許願樹宣傳賀歲片《小男人週記3之吾家有喜》,現場有不少市民爭相跟阿旦合照,阿旦跟市民一齊向許願樹掟寶牒祈福。



■鄧月平為首部電影落力掟寶牒祈福。

■阿旦昨率領戲中演員到大埔林村許願樹祈福。

阿旦指鄧月平腳頭好,票房不俗:「年初一去長輩屋企拜年時,不停收到電影公司高層同工作人員嘅電話向我報票房,暫時年廿九開始每日都有百幾萬,暫時有三百幾萬。」如果開第四集會不會預鄧月平?阿旦說:「佢?家紅咗㗎啦,睇吓到時佢有冇時間啦。」鄧月平即刻滿臉通紅,她說:「多謝旦哥畀機會,佢開到聲我免費都拍。」阿旦兩女兒都有客串,大女鄭瑤表示有留意網上影評,問到有否興趣擔正?她們說:「唔會啦,客串吓就好,擔正好大壓力。」採訪:曹家誠攝影:仇志德




來源: http://hk.apple.nextmedia.com/entertainment/art/20170130/19912601
阿旦 旦讚 讚鄧 月平 腳頭 頭好
PermaLink: https://articles.zkiz.com/?id=324721

阿旦遊悉尼敢裸曬

1 : GS(14)@2017-04-08 20:44:37

鄧洢玲(阿旦)日前到悉尼吃喝玩樂,當地陽光普照,她到Bondi Beach嬉水,即買即着噴血三點式,大騷32E咪咪。阿旦昨日在電話中說:「去到嗰度個感覺冇咗香港嗰種枷鎖,平日喺香港,去到沙灘會諗使唔使笠件網衫或着條褲仔,但喺Bondi Beach就好想除晒衫褲剝晒鞋,外國女仔仲會着住泳衣就坐喺餐廳食嘢飲嘢,我終於明白有啲女星,點解佢哋想去外國除bra裸晒,同埋裸泳。」阿旦笑言敢除bra裸晒,但不諳泳術,所以不敢裸泳。阿旦還去Lincoln's Rock挑戰膽量,危坐崖邊影相,她說:「我畏高,初初坐崖邊都驚,先坐低,再慢慢用pat pat趷過去。」採訪:陳杰




來源: http://hk.apple.nextmedia.com/entertainment/art/20170408/19983201
阿旦 旦遊 悉尼 敢裸 裸曬
PermaLink: https://articles.zkiz.com/?id=329710

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019