📖 ZKIZ Archives

內地真人騷恐怖烹頭阿佘揪牛脷頂硬上

1 : GS(14)@2016-07-15 05:16:34

■整個牛頭放上砧板，阿佘都顯得有點束手無策，大嗌：「好驚嚇！」互聯網圖片


好多內地節目為吸睛都會無所不用其極，剛離巢無綫的佘詩曼最近參加江蘇衛視美食真人騷《星廚駕到3》，其中一集遇到從韓國遠道而來、《繼承者們》男星姜敏赫踢館，但最考起阿佘的並不是「小鮮肉挑機」，而是大會指定烹調「頭部」菜式。阿佘不幸地抽中牛頭，雖然已經清洗乾淨沒有血，但鏡頭前將整個牛頭放在枱上，非常重口味。阿佘起初有點束手無策，幾乎想過投降，她說：「對住個牛頭真心覺得好恐怖，係現場真係唔知點算，好彩最後諗到煮牛脷，不過諗番拉條牛脷出嚟嗰刻，真係幾驚嚇。」



■阿佘盡得媽咪的廚藝真傳，在比賽中更發揮小宙宇，成功打入四強。

■阿佘榮膺澳門站冠軍，英文名字「SHEH」成功「燈」陸澳門巴黎鐵塔上。

■（左起）韓星姜敏赫、佘詩曼、何潔和秦海璐一齊參加江蘇衛視美食真人騷節目。



入四強算超額

阿佘與秦海璐、何潔等參加者分別要到上海、三亞、澳門等地進行廚藝激戰，阿佘初段烏龍百出，不過越戰越勇，終成功殺入四強，並在澳門站煮盆菜及法國鵝肝贏得冠軍。阿佘的英文名字「SHEH」成功「燈」陸在澳門巴黎鐵塔上，相當威水，她笑說：「當初參加冇太大信心，畢竟已經久疏戰陣，平日又少入廚房，入到四強算係超額完成。」原來阿佘曾赴瑞士修讀酒店管理，所以訓練出不錯的廚藝底子，她說：「參加呢個比賽真係好有滿足感，鐵杵係可以磨成針，當有壓力時，可以啟發到我另一方面小宇宙，發揮到潛力，覺得自己而家似大師級咁。」阿佘表示現階段最希望盡快回港，炮製一頓九大簋孝敬媽媽及「七魔女」一班好姊妹。採訪：嵐山





來源: http://hk.apple.nextmedia.com/entertainment/art/20160715/19695197
PermaLink: https://articles.zkiz.com/?id=303833

古仔摸阿佘　家輝話正

1 : GS(14)@2016-08-04 04:06:24

■古仔在《使》片中被佘詩曼挑逗。劇照


張家輝、古天樂日前在尖沙嘴宣傳電影《使徒行者》，二人被網民喻為繼周潤發、劉德華後的「香港男人」代表，家輝笑言：「呢個係好聽講法，希望盡量畀機會新人，無論係點我哋都係香港嘅男人啦！我死嗰日都係香港男人。」電影描述二人面對出賣兄弟，古仔自言現實中沒試過被朋友出賣，二人又互指是相當重義氣之人。片中有一幕古仔被佘詩曼逼埋牆角挑逗，古仔伸手摸阿佘的臀部，他笑說：「我着晒腰封話唔好，我都係摸邊皮，唔係摸膽。」古仔指導演事前與阿佘溝通好，又找來兩名助手試戲，家輝笑謂：「阿佘梗係正！」採訪：張俊銘攝影：陳志嵐





來源: http://hk.apple.nextmedia.com/entertainment/art/20160803/19720037
PermaLink: https://articles.zkiz.com/?id=304309

鎮宇讚阿佘樣靚身材正

1 : GS(14)@2016-08-10 07:54:56

■對於《使徒行者》籌拍電視劇續集，阿佘和許紹雄都各有看法。


吳鎮宇、古天樂、張家輝、佘詩曼、韓星Clara等前晚在又一城出席電影《使徒行者》首映禮，Clara以Deep V晚裝搶鏡，其間阿佘被迫到台邊變配角。吳鎮宇表示跟阿佘有少少感情戲，笑指阿佘樣靚身材正，張家輝即刻插嘴說：「我哋唔怕韓國襲擊嘅，支持本地。」提到近日大陸實施「禁韓令」，Clara指題目敏感，不知如何回應。



另外，阿佘和許紹雄早前接受本報專訪，對於《使徒行者》籌拍電視劇續集：阿佘說：「我諗要睇吓個劇本，如果要好過之前電視劇，又要再好過今次劇本，先至係最緊要。」許紹雄說：「開拍續集係好事，但據我所知都係唔齊人，其次冇咗我，都會好好多。搵張家輝拍？佢會唔會睬你呀？拍劇咁辛苦。」採訪：黃曉妍、張俊銘攝影：沈健程





來源: http://hk.apple.nextmedia.com/entertainment/art/20160810/19729728
PermaLink: https://articles.zkiz.com/?id=305289

阿佘票房報捷謀添食

1 : GS(14)@2016-09-03 23:28:56

電影《使徒行者》在中、港、星、馬上映後，錄得總票房逾七億，前晚老闆林建岳，導演文偉鴻及一眾演員吳鎮宇、古天樂、張家輝、佘詩曼和許紹雄等出席在尖沙嘴舉行答謝宴，阿佘說：「希望可以開續集，好似都傾緊，好開心，最緊要都係得觀眾支持。」票房報捷古天樂和張家輝被問到會否加價，古仔表示會交由經理人處理，家輝說：「片酬永遠唔係個人嘅事，始終係商業世界嘅一盤生意，人哋覺得你值得幾錢就畀你。」最近內地演員被點名指片酬過高，古仔小心避談，他重申：「所以我交畀經理人處理。」有指周迅被點名片酬逾億，古仔說：「除咗我個人嘅嘢之外，其他人嘅事都唔回應喇。」對於七億票房，吳鎮宇說：「一啲都唔興奮，因為應該起碼十幾億先至啱，而家得七億。」採訪：張俊銘攝影：陳俊強




來源: http://hk.apple.nextmedia.com/entertainment/art/20160903/19758086
PermaLink: https://articles.zkiz.com/?id=307345

阿佘入得廚房多人追

1 : GS(14)@2016-10-16 08:20:06

佘詩曼昨日在中環出席「器官捐贈活動」，同場還有食物及衞生局局長高永文、港鐵主席馬時亨等。阿佘透露去年已登記器官捐贈，她認為施比受更有福。問到佘媽是否已知情？她說：「冇得到佢同意，但我登記之後，有講畀屋企人知道。」阿佘表示每年都有身體檢查，雖然體重不太標準、有點低血壓，但其他功能都好好。講到阿佘最近在內地真人騷做廚神，她透露自己有鑽研健康食譜，盡量食得健康。懂下廚是否多追求者？她笑說：「不嬲都多，死都要咁講。」有沒有煮給誰人品嚐？她說：「我班姊妹、圈外朋友，最拿手係整避風塘炒蝦。」採訪、攝影：黃曉妍




來源: http://hk.apple.nextmedia.com/entertainment/art/20161016/19801978
PermaLink: https://articles.zkiz.com/?id=312273

阿佘自封鑽石盛女

1 : GS(14)@2016-10-27 06:02:44

佘詩曼、汪圓圓與方健儀等，昨日於中環出席關注乳癌運動，阿佘謂之前工作太忙，不懂愛惜健康，現時除了每年驗身，工作也會錫身，她說：「休息盡量多啲，心情樂觀。」問阿佘是否想拍拖令自己心情好？她說：「希望啦，有愛情滋潤，會靚啲。」阿佘笑指現時的追求者數量可以接受，記者笑她是黃金盛女？阿佘即更正說：「係鑽石，相信好快有。」有關無綫新聞主播余浩宗因為髮型問題含淚報新聞，方健儀說：「我唔相信係因為髮型嘅問題會眼紅紅，可能佢係有啲諗法或者情緒未定，好難評估程度，我之前冇試過，可能佢哋對我嘅外貌要求比較低。」採訪、攝影：羅慧敏


■方健儀笑言當主播時未試過因外貌被批評。

■名模Ana R.（左）和姚書軼為關注乳癌運動製作掛飾。



來源: http://hk.apple.nextmedia.com/entertainment/art/20161027/19812975
PermaLink: https://articles.zkiz.com/?id=313697

阿佘及時買樓慳百萬

1 : GS(14)@2016-11-10 08:02:42

■佘詩曼近日斥約千四萬購入何文田豪宅，慶幸能趕及加稅前入市。資料圖片



佘詩曼向來有買樓保值習慣，政府上周五忽然加辣，買入第二層住宅所繳付的雙重印花稅，劃一為徵收15%稅，不過阿佘依然有入市，斥資約1,407萬元購入何文田豪宅皓畋一個實用面積587呎單位。阿佘昨日在電話中透露是在加辣前入市，她說：「我係喺出辣招前買嘅，好好彩，catch到moment，都估唔到會出辣招。」問她可擔心特朗普成美國新總統，會影響樓市？她說：「唔驚，樓市有升有跌，我唔係用嚟炒，只係投資，用嚟租畀人。」她續謂：「買每一層樓都會考慮自己有冇能力供先，有乜事樓市或租金跌都可以cover到月供嘅錢，就會穩陣啲。自己覺得錢係比較易貶值，始終香港地少人多，升幅比放錢去銀行好，我當儲錢。」阿佘今次看準辣招前入市，估計她省回105萬元，認真叻女！採訪：嵐山




來源: http://hk.apple.nextmedia.com/entertainment/art/20161110/19828298
PermaLink: https://articles.zkiz.com/?id=314908

阿佘入廚鋪路做賢妻

1 : GS(14)@2016-12-10 13:30:14

佘詩曼早前在內地真人騷節目獲封「美女廚神」讚譽，最近更獲徐崢邀請擔任其主持的飲食節目《食在冏途》的嘉賓，早前拉大隊來港拍攝。當日阿佘充當導遊帶徐崢去大澳品嚐地道美食，走遍小巷橫街買特產虎蝦米乾等。阿佘成為美女廚神後，除工作滾滾而來外，最重要是入得廚房，為當賢妻鋪路，阿佘笑說：「如果係嘅話，都係意外收穫啦！我反而覺得喺生活上有啲改變，以前淨係識得出街搵間靚餐廳食嘢，但現在我可以親手煮啲好菜式同朋友或者家人分享，令我終於明白到媽咪平日煮嘢食嘅感覺，原來係放咗好多愛心喺餸菜上，呢份滿足感係好大㗎。」撰文：嵐山




來源: http://hk.apple.nextmedia.com/entertainment/art/20161210/19860498
PermaLink: https://articles.zkiz.com/?id=319081

連接兩片　再拍阿佘黃子華度橋放笑彈

1 : GS(14)@2016-12-17 23:54:34

■鄒凱光（右）明年會跟男神黃子華合作拍笑片。互聯網圖片



現年56歲嘅男神黃子華，今年7月與陳法拉主演舞台劇《前度》叫好叫座，影迷餓男神已久，導演鄒凱光昨在facebook貼出跟子華合照，留言：「決定搞啲嘢！」據知他們會合作拍笑片，其實子華也答應接拍蕭定一的另一部電影《棟篤特工》，換句話說，子華明年會拍兩部戲。有讀者楊小姐前日下午透過本報「爆相爆片」分享了子華現身銅鑼灣時代廣場一間酒窖做剪綵嘉賓，並拍到子華在咖啡店嘆酒相，楊小姐表示：「子華同幾個人坐喺Starbucks度傾偈，有幾個人攞啲長腳杯畀佢哋飲。」


鄒凱光執導

問鄒凱光是否和子華的合作？他昨日在電話中說：「係想同子華神合作拍搞笑戲，紓緩一下香港人沉鬱嘅氣氛，噚日搵子華出嚟傾，初步佢係OK呀！」鄒凱光表示未有劇本，他笑言：「可能套戲拍完都唔會有，呢啲咪香港特色囉。佢咁搞笑我都搞搞哋笑，大家應該做番啲好開心嘢氹香港人笑番，至於乜嘢類形戲唔講得住，但香港人會有共鳴。」兩人更會一齊度橋。子華的經理人就開戲一事昨日透過電話回應說：「不如你哋問返灘叔（鄒凱光）啦，唔好意思。」



■黃子華前日被拍到在咖啡店會友，非常享受。讀者提供圖片

■黃子華09年與阿佘合作無綫劇集《絕代商驕》，大受歡迎。劇照


被指收山作

而另一部是蕭定一為子華度身訂造的《棟》片，並於明年開工，蕭定一昨在電話回應：「故事係講子華演一個被英國遺棄特務，留低香港好潦倒，一個任務認識咗佘詩曼，後來阿佘做咗警務處長，但處處針對子華，搞到佢冇啖好食。」蕭定一指卡士仍考慮中：「子華會碌好多友情卡，佢啲朋友覺得呢套唔係子華『創業作』，就係『收山作』，大家都話嚟支持。」佘詩曼09年與子華合作無綫劇集《絕代商驕》，對於再與子華合作，阿佘昨短訊回應：「我都好開心，過完農曆年就開工啦，好期待再次同子華合作。」採訪：何永寧、楊定




來源: http://hk.apple.nextmedia.com/entertainment/art/20161217/19867829
PermaLink: https://articles.zkiz.com/?id=319366

阿佘睇劇本嚇到發噩夢

1 : GS(14)@2016-12-18 11:04:28

佘詩曼、蘇麗珊及樊亦敏等昨日去到九龍塘出席「兩岸四地青年微電影大賽追夢青春頒獎禮」。阿佘透露，農曆新年後將與黃子華合作拍攝一部新電影，她說：「今次係喜劇，暫定我係演一個黑社會阿嫂，七年前同子華合作過《絕代商驕》，今次再有機會合作。」阿佘又透露下月會先拍一部鬼片：「我本身好驚鬼，拍唔拍都諗咗好耐，自己睇完劇本已經驚到發噩夢。」另外，回復單身的蘇麗珊透露，隨後會與分手數月的游學修有合作機會。是否飾演情侶？她說：「應該唔會，拍出嚟都唔好睇。」蘇麗珊指現時很享受單身獨處的時間。採訪：張俊銘攝影：沈健程




來源: http://hk.apple.nextmedia.com/entertainment/art/20161218/19868790
PermaLink: https://articles.zkiz.com/?id=319496
Next Page
ZKIZ Archives @ 2019