馮仁昭四圍超：《我結婚了》網上任聽鍾嘉欣甩老公處女黨嘆啡
1 :
GS(14)@2016-03-01 18:57:31■嘉欣為咗答謝姊妹團，甩開老公同一班姊妹去飲下午茶。微博圖片
鍾嘉欣（Linda）同相識10個月、拍拖半年、貴為無綫集團前主席梁乃鵬嘅脊醫姪仔Jeremy閃電結婚，佢仲默認有咗BB。嘉欣喺香港時間前日為單身日記畫上完美句號，佢喺facebook上載同老公深情對望嘅婚照，然後簡單寫上一句：「謝謝大家的祝福！」本報記者喺嘉欣加拿大愛巢門外日夜守候，仍然未見新婚夫婦蹤影。鍾嘉欣揭開人生新一頁，噚日佢喺微博留言再次向所有人致謝，又守承諾公開咗自己為婚禮所作嘅歌曲《我結婚了》分享喜悅，鍾嘉欣話：「之前應承過會將我自己作曲的新歌《我結婚了》放上微博同大家分享結婚心情，希望大家會鍾意！My new chapter in life begins……lovelovelove。」
■本報記者喺嘉欣愛巢外守候，但仍未見佢哋蹤影。記黃曉程溫哥華傳真
■嘉欣同Jeremy閃婚，揭開人生新一頁。資料圖片
■婚宴嘅回禮盒，全部都由嘉欣親手製作。微博圖片
親手製回禮盒
一班處女黨姊妹團岑麗香、李亞男、苟芸慧、王君馨將各有各忙，佢哋喺臨別前再次茶敍，噚日王君馨上載合照話：「原來可以在公眾地方，簡簡單單一齊飲咖啡可以咁開心……」之後香香轉飛美國，李亞男留喺溫哥華探親，苟芸慧喺加拿大拍嘢。另外，主播何詠雯前晚出席婚宴之後，上載咗一張婚宴回禮盒嘅相，上面寫上LJ英文字樣，盒邊更鑲有閃令令嘅碎石，何詠雯話全部都係嘉欣親手做，Linda同Jeremy嘅英名簡寫LJ都係由嘉欣親手寫上去，真係極之有心思同誠意。撰文：馮仁昭
來源:
http://hk.apple.nextmedia.com/entertainment/art/20160301/19510784
搶鍾嘉欣千萬代言 揭倪晨曦冧掂太子女
1 :
GS(14)@2016-06-20 03:34:022016-06-08 EW
鍾嘉欣形象清純、健康，所以由一三年開始，連任多次「詩琳」美容公司的代言人。不過，愛情至上的她，如今已下嫁脊醫Jeremy做少奶奶，並快要做媽媽，現正專心養胎，絕迹娛圈。
鍾嘉欣匿埋生B，其美容公司廣告代言人之位，就迅即由〇五年多倫多華姐冠軍倪晨曦取代。日前，本刊便發現，倪晨曦與美容公司老闆及太子女，秘密在銅鑼灣富豪酒家飯敍。據悉，身為瑜伽導師的倪晨曦，利用瑜伽冧到太子女「塌塌掂」，兩女情同姊妹。難怪，美容公司豪擲千萬廣告費，鋪天蓋地力谷倪晨曦，將她塑造成新一代女神。
遲來的女神
現年二十九歲的倪晨曦（Elva），〇五年奪得多倫多華姐冠軍，其後輾轉簽約林小明的寰宇，加入娛圈。三年前與公司合約完畢後，她便默默地發展瑜伽事業；月前，她更在美國三藩市考得瑜伽導師牌。
作為一位美容瑜伽達人，倪晨曦在YouTube的自家頻道有近十萬訂戶，而她最高點擊率的視頻亦有近三十萬次。原本主力在ViuTV及網上教瑜伽的她，最近因鋪天蓋地的美容公司代言人廣告，而被網友人肉搜索。身高五呎七吋、腿長四十二吋，擁有九頭身黃金比例身形的倪晨曦，令巴打們趨之若鶩，加上她經常素顏上陣教人化妝，立刻被網友大讚她夠pure、有仙氣，讚歎她是「遲來的女神」。
據知情者透露，倪晨曦今次脫穎而出，成為美容公司的千萬廣告代言人，確實得來不易。在五年前，「詩琳」老闆陳裕豐原來分別 中鍾嘉欣與倪晨曦，在二揀一之下，倪最終不敵。而當年守身如玉的嘉欣ＢＢ，突破性以火辣辣的比堅尼上陣拍廣告，的確成為一時佳話，令她多年來穩坐代言人的寶座。
乘勝追擊
可是，戀愛大過天的嘉欣，突然宣布與脊醫Jeremy結婚，如今更全面停工，在加拿大待產，機會又返回倪晨曦的身上。知情者說：「陳老闆當年雖然冇用到Elva，但係Elva一直都有同陳家聯絡，而佢仲同太子女Ingrid特別friend。最難得係太子女熱衷做瑜伽，真係開正Elva嗰瓣，所以兩女經常約埋做瑜伽，感情自然昇華！咁用Elva做代言人，都係意料之內。」日前，約下午一時，本刊便發現倪晨曦與陳老闆、太子女Ingrid，以及廣告製作班底，在銅鑼灣富豪酒家開大會。席間，倪晨曦與太子女不時竊竊私語，傾到雞啄唔斷；在飯後，她更即場加簽來年的合作文件。
情同姊妹的倪晨曦與太子女，完成會議後匆匆離開。原來，兩人是趕着去shopping，一路上她們有講有笑，心情靚爆。約黃昏六時，兩人意猶未盡，又結伴踩落尖沙咀練習瑜伽。在倪晨曦的悉心指導之下，太子女的瑜伽技術進步神速，大部分高難度的動作，她都做得有板有眼。其實，陳老闆大可考慮找這對雙妹嘜，做瑜伽影新一輯的廣告相呀？
瑜伽有「錢」途
俗語有話：筋長一寸、壽長十年。做瑜伽好處多多，所以亦成為近年時興的運動；而不少女藝人亦都紛紛考獲瑜伽導師牌，以名氣招攬學員，成為賺錢的新途徑。
Coffee
林芊妤（Coffee）是近年在娛圈做瑜伽導師做得最出位的一個， 因「廁格gathering」事件被無綫叮走的她， 改行做全職瑜伽老師，並做得有聲有色。現時，她教瑜伽就每堂收一千元；此外，她更會出席商演示範瑜伽招式，搵到盤滿缽滿。
黃佩霞
昔日的電影女星黃佩霞，在〇二年創辦Pure Yoga。不過她是先創業後學藝，起初她對瑜伽沒太大興趣， 公司開業約兩個月後，因為難請導師，才遠赴美國學藝。之後，她愈學愈有興趣，生意亦愈做愈好，更成本地瑜伽的icon之一。
鐘麗琪
在二千年，鍾麗淇在好友黃佩霞鼓勵下第一次接觸瑜伽，跟着遠赴印度跟瑜伽大師學習；其後，淡出娛樂圈，成為全職瑜伽導師。因大女患基因病，促使她在創辦慈善基金，幫助低收入家庭的病童以瑜伽治療。
想睇更多現場實況，請立即掃描QR Code，click入《東周網》。
撰文 武儀 攝影 蔡豪 設計 李浩然
待產鍾嘉欣遮肚蒲頭
1 :
GS(14)@2016-08-20 11:41:47■懷孕的鍾嘉欣昨日「現身」宣傳代言的護膚品牌。互聯網圖片
今年2月在加拿大嫁作人妻的鍾嘉欣，今年5月宣佈有喜。據知嘉欣BB預產期在即，估計月底左右便會生BB。待產的嘉欣近期一直鮮有活躍社交網，直至昨日，她代言的護膚品牌Bio-essence於fb上載了一段嘉欣最新短片。片中嘉欣用公仔遮住腹部，但面形和身形明顯脹卜卜，一臉幸福。笑容滿面的嘉欣笑住跟網民打招呼，然後拿着代言產品大講護膚心得，但就未有提及有關生BB事宜。該護膚品牌人員就在fb專頁上寫道：「嘉欣實在太想念大家，所以佢特地拍片同大家打聲招呼。咁耐冇見，原來嘉欣想分享佢保持肌膚白滑嘅秘訣……」撰文：魯吉
來源:
http://hk.apple.nextmedia.com/entertainment/art/20160820/19743110
無綫花旦愛情路楊怡姊弟戀開花鍾嘉欣生B
1 :
GS(14)@2016-09-29 08:05:38胡杏兒去年就搵到真愛，同李乘德結婚，而跟杏兒同期嘅花旦，大都已經離開大台各奔前程，有啲北上搵銀，有啲就榮升賢妻良母。楊怡今年做咗兩個好大決定，事業方面，佢決心離開大台返內地發展，明年就會接胡杏兒力演舞台劇《我和春天有個約會》，飾演姚小蝶一角。感情方面就更加唔駛講啦，今年三月佢同拍咗拖四年嘅羅仲謙，喺英國舉行童話婚禮，下月2日就會喺香港補擺喜酒兼註冊。佘詩曼 感情路上，阿佘似乎唔及事業順風順水，出道多年嘅佢，緋聞男友一大籮，好似吳卓羲、陳豪、林峯、鄭嘉穎等等，但全都係冇米粥，真命天子似乎仲未出現。講到演藝事業，阿佘就得過兩屆視后，今年5月就撇大台，自己成立工作室，返內地搵真銀。鍾嘉欣鍾嘉欣同伍允龍緋聞就傳咗好多年，兩位當事人一直都冇承認戀情，直至嘉欣BB嫁俾加拿大脊骨治療師Jeremy Leung後，上月底仲喺加拿大生埋囡囡Kelly。
來源:
http://hk.apple.nextmedia.com/entertainment/art/20160929/19784890
鍾嘉欣：我年尾回港
1 :
GS(14)@2016-10-01 13:19:53■鍾嘉欣昨日感謝贊助商送禮，並宣佈年底回港。資料圖片
鍾嘉欣去年12月跟無綫集團前主席梁乃鵬姪仔、任脊醫的Jeremy Leung註冊結婚，2月在溫哥華補擺酒，8月在微博公佈誕下女兒Kelly，乳名「乖乖」，是獅子座猴B，重7磅5安士。據知嘉欣在加拿大誕下Kelly後，一直忙於湊女，雖然有家人從旁協助，但是嘉欣樂於餵奶、換片，氹女瞓覺。昨日嘉欣終於抽空更新微博，並上載兩張贊助商送的禮物相，有母女裝的鞋和嬰兒用品，她同時宣佈在年底返港：「Kelly真的幸福收到那麼多禮物。謝謝贊助商那麼遠都送過來，真有心。謝謝你們對我一直以來的支持和愛護我的女兒。我今年年尾會回香港，到時見！期待！！！」撰文：非非
來源:
http://hk.apple.nextmedia.com/entertainment/art/20161001/19787145
鍾嘉欣B女倒模爸爸
1 :
GS(14)@2016-10-22 22:28:53■鍾嘉欣昨日上載抱着女兒Kelly的近照。微博圖片
昨日香港懸掛8號風球，不少人都留在家中，身在溫哥華的鍾嘉欣趁機派福利，在微博貼上自己與2個月大的囡囡Kelly最新合照！嘉欣BB懷中的baby，就是她與脊醫老公Jeremy的愛情結晶品Kelly。32歲的鍾嘉欣與大自己13年的Jeremy一見鍾情，兩人拍拖不足一年即閃婚，今年2月在溫哥華補擺喜酒，8月底在加國誕下Kelly。之前嘉欣曾於微博貼囡囡相，當時BB剛出世，輪廓冇咁分明，嘉欣昨日再於微博貼上Kelly近照，現在近兩個月，這位乳名「乖乖」的獅子座小公主Kelly，究竟似爸爸還是媽媽？
■鍾嘉欣與脊醫Jeremy一見鍾情，結婚不到一年便誕下女兒。資料圖片
素顏戴眼鏡
乖乖的頭髮超多，鼻頭有肉，與脊醫爸爸Jeremy餅印一樣。乖乖穿上夾衣躺在梳化上手舞足蹈，對住鏡頭微笑，十分可愛。嘉欣留言：「她的笑容真的融化我的心和靈魂，感謝上帝讓我學會去愛，去感受生命的循環，變得更和藹、更親善、更勇敢，成為熊媽媽，用我的力量保護你，我愛你Kelly。」而產後首次露面的嘉欣，戴住膠框眼鏡素顏look，仍獲網民讚靚，她曾在微博預告會年尾復出，令觀眾十分期待！撰文：嵐山
來源:
http://hk.apple.nextmedia.com/entertainment/art/20161022/19808314
Next Page