佐治米高金曲永恒杜德偉三度翻唱：佢影響我好多
1 :
GS(14)@2016-12-27 12:32:02【1963-2016】■佐治米高的名曲《Last Christmas》紅遍全球，估不到他在聖誕節離世，終年53歲。
英國一代歌手佐治米高（George Michael）於聖誕節在寓所因心臟衰竭離世，終年53歲，消息震驚全球，80年代以樂隊Wham!出道的他，個人作品《Careless Whisper》先後被梅艷芳、蔡國權和甄妮改編成廣東歌，杜德偉不但改唱《Where Did Your Heart Go》為廣東歌，更翻唱對方兩首英文歌，群星對佐治米高的噩耗深感惋惜！
■杜德偉的《只想留下》是改編自佐治的《Where Did Your Heart Go》。電視圖片
樂壇萬人迷佐治米高靚仔又有才華，其中一首名曲是《Last Christmas》，想不到2016年的聖誕節，卻是他的Last Christmas，其經理人於香港時間昨日證實佐治於聖誕節在家中死於心臟衰竭，終年53歲。80年代以Wham!出道紅遍全球的佐治，曾影響不少香港歌手，經典歌《Careless Whisper》被三度改編成廣東歌，包括梅艷芳《夢幻的擁抱》、蔡國權《無心快語》及甄妮《忍痛說謊》，杜德偉亦將《Where Did Your Heart Go》改編廣東歌《只想留下》，更曾推出英文碟翻唱《Careless Whisper》和《Last Christmas》。
「佢仲可以有貢獻」
杜德偉昨在電話說：「今個聖誕收到最難過消息，就係George Michael逝世，覺得好愕然，因為佢仲好年輕。?家音樂世界有無限變化同發揮，總係感覺佢可以仲有好多貢獻。自己由Wham!樂隊已經聽佢嘅歌，佢嘅音樂都影響我成長，命運安排佢喺聖誕節離開我哋，以後聽到佢嘅《Last Christmas》都會想念佢！」
■佐治米高的逝世震驚全球，這個世界又少了一把好聲音。
■杜德偉直言偶像佐治米高，對他的音樂路影響很大。資料圖片
視佐治為超級偶像的孫耀威感到好難過，他在電話說：「以前夾band、參加學校歌唱比賽，全部都唱George Michael啲歌，一直覺得佢係全世界最勁歌手，無論聲底、感情都係最正。我仲一廂情願佢開live tour一定會去睇，點知已經冇機會。」戴蘊慧亦在社交網留言致哀：「80年代，第一盒cassette帶放入我的Walkman的Wham!，幾乎天天loop的《Careless Whisper》，George Michael，他一直陪我長大的，昨日就這樣離開了，好千萬千般千千的不捨得，首次為了一位我從不認得的人，流下了兩行眼淚！」
《Careless Whisper》■佐治米高的金曲《Careless Whisper》曾被梅艷芳、蔡國權和甄妮改編廣東歌。
梅艷芳《夢幻的擁抱》
蔡國權《無心快語》
甄妮《忍痛說謊》
■吳國敬（右）昨大讚佐治是不可多得的天才歌手。攝影：陳俊強
吳國敬模仿唱腔
吳國敬和太極昨在荃灣宣傳專輯，對於佐治米高離世，吳國敬自言對方是其偶像，唱腔也是模仿他：「佢嘅逝世反映咗一個咁有才華嘅人，多數都係only the good die young。原先佢只係戲院帶位員，唔係音樂出身，但可以去到過億張唱片，係一個不可多得嘅天才歌手。」太極成員HiFi德稱最初不信佐治的死訊，Patrick說：「佢係哥哥（雷有曜）偶像，相信佢?家喊緊。」此外，鍾舒漫和妹妹鍾舒祺昨在銅鑼灣出席自己投資咖啡店開音樂會，兩人演繹《Last Christmas》向佐治致敬，鍾舒漫嘆人生無常：「聽到消息好驚訝，好sad，人好化學。」採訪：皓騫、王連連、黃曉妍
來源:
http://hk.apple.nextmedia.com/entertainment/art/20161227/19877644
中文金曲 陳奕迅掃5獎
1 :
GS(14)@2017-01-06 02:05:12■陳奕迅第12年奪最優秀男歌手。葉君海攝
【本報訊】由港台主辦「第三十九屆十大中文金曲」頒獎禮昨晚在九龍灣Star Hall舉行，總共頒發51個獎項，陳奕迅橫掃5獎成大贏家，除第12年奪最優秀男歌手之外，還囊括全國最佳男歌手、全球華人至尊金曲等，而容祖兒亦大豐收攞4獎，更成為最優秀流行女歌手13連霸，不過，港台DJ黃天頤竟然誤說陳奕迅是第13、容祖兒是第14年奪最優秀男、女歌手獎！
■容祖兒成為最優秀流行女歌手13連霸。
再演繹《四季》無甩嘴
分別成為大贏家的兩人，卻在尾聲頒發最優秀男、女歌手才現身上台領獎。陳奕迅致辭時說：「我好好彩，咁耐以嚟好多人支持我，最緊要唱好啲歌。其實做到歌手好開心，我會做好啲。」他答謝曾在音樂路上幫助自己的人時，說多謝硬膠group；之前陳奕迅在商台頒獎禮演唱時甩嘴失準，昨晚再演繹《四季》表現回勇沒走音沒甩嘴，唱完觀眾大叫「陳奕迅」全場拍手，他說：「希望香港好似呢隻歌咁。」容祖兒和張敬軒同樣獲4個獎，祖兒說：「其實每次攞最優秀女歌手，心情好開心興奮，只不過大家喺面上表情睇唔出，因為累積經驗看似鎮定，多謝大家畀機會我演出畀掌聲我。」十大金曲獎因有3首歌同分變12首，鄭欣宜憑《女神》奪獎，她說：「曾經以為自己冇乜機會再唱歌，諗唔到得到呢首好歌，自己係一個幸運兒，嚟緊會做得更好。」出道32年的太極樂隊則獲金針獎。■記者盧坤穎、黃君怡
來源:
http://hk.apple.nextmedia.com/news/art/20170105/19887097
李幸倪翻唱學友金曲
1 :
GS(14)@2017-01-07 00:29:07李幸倪（Gin Lee）早年以張學友的歌曲參加過比賽，今趟她重新演繹學友的經典金曲《天變地變情不變》，編曲加入現代化的感覺，以女性角度出發，有別於學友的唱腔。她說：「聽到咁簡單嘅旋律，加上實而不華嘅詞，極具感染力，更加係現今流行歌曲少見，我好榮幸可以翻唱呢首歌。」而原曲由盧冠廷作曲、太太唐書琛填詞，兩人在聽過Gin Lee的版本後，盧冠廷的評語：「我好少讚人唱歌好聽，但Gin Lee絕對可以做得到。Excellent！Good job！」唐書琛表示聽起來好舒服，感覺好溫柔。撰文：李森
來源:
http://hk.apple.nextmedia.com/entertainment/art/20170106/19887606
金曲寸奶媽 之《渴望成為特首的女人》
1 :
GS(14)@2017-01-25 07:34:48宣佈咗參選特首嘅奶媽林鄭月娥，雖然近日膠事多籮籮，唔識用八達通又唔識買廁紙，不過盛傳佢被西環欽點做689接班人，奶媽早排又話自己決定參選係為免特首選舉選出一個中央不任命嘅人，疑似恐嚇選委，恨做特首恨到出晒面。奶媽除咗得到網民洗版式負評嘅「榮耀」，仲獲網民垂青，「膠登音樂台」有網民改編咗王菲嘅經典歌《容易受傷的女人》，變成《渴望成為特首的女人》，寸爆林鄭，包括話佢扮被中央欽點：「扮與中央找到信任」；西九故宮館爭議：「西九充滿著疑問」；又話佢講大話：「曾話引退無句真，為了選舉終身抱憾，多少欺騙及疑問，思歪的再生」。歌詞亦講出唔少人嘅心聲，好似「返去英國，不要望來望去，請擠熄，那顆心」。唔知奶媽睇到，會唔會被網民嘅熱情感動到，退選返英國呢？睇片:
https://www.youtube.com/watch?v=33JTIoSdWZg
《渴望成為特首的女人》部分歌詞
林鄭笑了罪更深望與北京多麼接近西九方案被搖撼矛盾也更深曾話引退無句真為了選舉終身抱憾多少欺騙及疑問思歪的再生寧願犯禁佢卻其實屬於渴望成為特首的女人返去英國不要望來望去請擠熄那顆心常愚弄我舔共情同熱戀渴望成為特首的女人中國人玻璃心請熱吻林鄭騙你最噁心扮與中央找到信任西九充滿著疑問笑話是緣份
來源:
http://hk.apple.nextmedia.com/news/art/20170124/19907236
【真‧集體回憶】孖街坊唱張國榮金曲《尋找快樂》撐廣東歌
1 :
GS(14)@2017-03-03 00:54:40(左起)Pam、Sammy、KB同阿偉上街捉街坊合唱80年代金曲
「快樂係好簡單，其實同最親嘅人嘅嗰種快樂，係無價嘅，我覺得錢買到番嚟嘅未必係快樂。」「真係笑，我覺得已經係快樂架喇！」「例如我第一次生小朋友，見到佢又好開心好激動，嗰種快樂係永遠喺你個腦度。」「每朝起身健健康康、健健全全，我已經覺得好開心o架喇，人生苦短嘛。」
呢位張先生唱《風繼續吹》都唱得有文有路o架
自稱唔係80後嘅陳小姐合唱完即刻要同各位合照，嘩！同KB頭貼頭喎
打緊機嘅張生覺得《Stand Up》好聽，但佢唱得仲好聽！
快樂就係咁簡單，就係開懷咁笑囉。音樂劇《尋找快樂時代》一眾音樂人KB李健宏(Kevin Boy)@LMF、Sammy(蘇浩才)@Kolor、阿偉(李兆偉)@RubberBand同和音女王鍾達茵(Pam)，日前走上街頭訪問一眾街坊，揀選心水80年代嘅廣東金曲，皆因《尋找快樂時代》呢齣音樂舞台劇，嚟緊3月30號開始一連四場，喺理工大學賽馬會綜藝館再次公演，當中會大唱經典廣東歌。佢哋四人問到好多街坊都揀哥哥張國榮嘅歌：《風繼續吹》、《Stand Up》，亦有揀選葉德嫻嘅《幸運是我》、同陳潔靈合唱嘅《千個太陽》，街坊們都喜歡80年代嘅歌曲多啲，話旋律、主題都比現時嘅歌豐富喎，四位音樂人仲即時同街坊大合唱，玩音樂就係要玩得開心嘛！
因乜事個個O晒嘴？
仲要跪晒喺度？原來紅髮女士係舞台劇前輩陳桂芬，佢哋4個要重申冇造馬內定
原來老闆想當年晚晚去酒廊聽歌，仲憶起尹光名曲《數波波》同《數毛毛》
提到廣東歌，佢哋四個不約而同都話要撐！KB就話：「係香港嘅魚蛋，魚蛋係香港嘅特色，廣東歌就係香港嘅特色。喂，例如國內都係buy我哋廣東歌手，係咪先？你喺香港唱廣東歌插咗旗，先會搵你返去唱吖嘛。」Sammy話：「我哋係香港人，我哋成長嘅語言就係呢樣嘢(廣東話)，起碼自己有共鳴，我唱出嚟有嗰個感覺。」阿偉：「廣東話係我哋嘅語言，係因為我哋愛我哋個地方，同埋愛我哋嘅語言，所以我哋必須好好保存呢樣咁重要嘅嘢囉。」
其實快樂就係笑囉
「由細到大講廣東話，廣東歌就係魚蛋，係香港嘅特色！」
採訪：懷鈺拍攝：廖達燊、Neo剪接：Roy場地：STUDIO KING
來源:
http://hk.apple.nextmedia.com/entertainment/art/20170301/19943070
【神還原】梁雁翎重新演繹飛圖經典金曲
1 :
GS(14)@2017-04-09 10:49:36呢招港女十式其中一式，梁雁翎已經喺90年代做過，算係鼻祖啦。(MV截圖)
當年日播夜播飛圖卡拉OK廣告雜誌，如果你係80前一定上晒腦飛圖嘅經典金曲，梁雁翎(Annie)作為第一位飛圖歌手，佢嘅歌多到數唔晒：《像霧像雨又像風》，當年、同黃凱芹合唱嘅國粵語合唱歌《哪裡的天空不下雨》；同蔡濟文合唱嘅《慢慢地陪著你走》，雖然Annie主力唱國語歌，但都有出過廣東歌好似《浪漫故事》同快歌《你歌我歌》等等。梁雁翎日前喺K房接受訪問時，仲現場演繹佢嘅金曲《像霧像雨又像風》同《你歌我歌》，唔好等，即刻去片！
簡直一模一樣。
梁雁翎唔多廣東歌，《你歌我歌》算係經典(MV截圖)
拍MV嚟講好大製作呀！(MV截圖)
去片欣賞吓梁雁翎嘅歌聲啦！(陳慧安攝)
動新聞入面，梁雁翎都落力演出。(陳慧安攝)
唔夠喉咪5月去睇佢個騷。(陳慧安攝)
同蔡濟文合唱《慢慢的陪著你走》(MV截圖)
場地：NEWAY apm採訪：余燕儀、懷鈺攝影：陳慧安攝錄：馮峰、Neo剪接：Roy
來源:
http://hk.apple.nextmedia.com/entertainment/art/20170409/19984826
無厘頭鬼才筆下金曲無數林敏驄填詞 情史攞靈感
1 :
GS(14)@2017-04-22 10:43:37■林敏驄說當年寫的情歌都來自自己的故事，故聽歌便能憶起往事，毋須寫日記。
【《蘋果》專訪】林敏驄予人感覺無厘頭又搞搞震，但有「鬼才」之稱的他，可說是80年代舉足輕重填詞人之一。今年6月9及10日，他於紅館舉行兩場作品展，演繹過他筆下無數金曲的譚詠麟，還有鍾鎮濤、草蜢、鄭中基、蘇永康、張衛健等人，已率先拍短片表明會到場力撐。林敏驄22歲憑《這是愛》加入詞壇，81至86年間作品已有數百首，譚詠麟的《忘不了您》、《愛在深秋》，張國榮的《無心睡眠》、《打開信箱》，陳百強的《深愛著您》，以至梅艷芳的《夢伴》及陳慧嫻的《跳舞街》，全部出自他手筆。
■《愛在深秋》為林敏驄（左）帶來填詞獎。資料圖片
■林敏驄常常無厘頭，但朋友很多，溫拿便是例子。資料圖片
■林敏驄入行時，填詞界紅人有（左起）黃霑、盧國沾與鄭國江。
「當自己係公司」
日前，林敏驄除了以一貫搞笑作風透過《12道驄味》自己訪問自己，還罕有坐定定接受本報訪問。阿驄說：「當年詞壇已經有晒山頭，黃霑、盧國沾、鄭國江三分天下，後來有我同林振強，有人笑我係唯一嘅正職填詞人，因為其他人都有份高職，我咪由佢哋笑囉，我心態係當自己係一間公司，只會諗我公司點樣贏你間公司，我都好努力㗎！」說到填詞靈感，林敏驄自爆全是他的真人真事，舉例說：「《愛在深秋》靈感係拍拖時一張舊相，個女仔唔知係倚住條電燈柱定棵樹，所以有『讓我倚在深秋』呢句歌詞。」至於《忘不了您》，他說：「有日過海搭小輪，突然諗到如果嗰刻跌落水就會死，所以就變成『只要我一息尚存』。」
■林敏驄近年以冷面笑匠示人，容易令人忘記他是80年代最舉足輕重的詞人之一
■80年代初的填詞界還是黃霑、盧國沾與鄭國江三人的天下，之後林敏驄與林振強才相繼冒起
■從來不寫日記的他，重聽每一句歌就想到自已爛時在做甚麼，皆因他寫的都是真人真事。
■別人說他無厘頭，他說這是神來之筆，天馬行空
■這個訪問沒有鄉音與食字，難以想像他能這般認真
■喜歡搞笑的林敏驄，惡搞謝霆鋒的《12道鋒味》變《12道驄味》。
■他將於今年6月9、10兩日舉行作品展演唱會，他希望帶觀眾回到最繁華最百花齊放的80年代
「下世做得好啲」
擁有那麼多首經典作品，林敏驄說已經無憾，但人生的遺憾，他則答得有點玄妙：「要後悔嘅嚟唔切，耿耿於懷嘅事，你可以睇係整定，發生咗就發生咗，下世做得好啲啦，哈哈！」採訪：小米、余傲芝攝影：仇志德場地提供：鮮入圍煮
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170421/19996082
盧凱彤入圍金曲獎激動
1 :
GS(14)@2017-05-18 01:10:59台灣第28屆金曲獎頒獎典禮下月24日舉行，昨日大會公佈入圍名單，包括七位候選歌王及六位歌后，五月天則以《自傳》專輯入圍8個獎項。盧凱彤入圍金曲歌后，她說：「今次係第二次入圍金曲獎，當然好開心，第一次自己以老闆同投資唱片形式入圍，所以特別激動，今次入圍係好大肯定，仲要多謝我嘅拍檔蔡德才先生，同佢一齊出生入死。」身在澳門為演唱會綵排的草蜢，拍片講入圍「最佳演唱組合」感受，蔡一智表示：「好開心，多謝評審，多謝台灣支持我嘅朋友，會繼續努力，希望有日去台灣做啦！」撰文：小米
來源:
http://hk.apple.nextmedia.com/entertainment/art/20170517/20023452
Next Page