ZKIZ Archives


鄭秀文爆Seed成皮都有人睇,儍仔嚟㗎

1 : GS(14)@2015-05-17 22:58:09

■Sammi前晚在澳門開騷,一身黑色喱士透視長裙性感誘人。


【澳門直擊】鄭秀文(Sammi)「Touch Mi世界巡迴演唱會」移師到澳門金光綜藝館舉行,一連兩場演唱會前晚開鑼,頭場座無虛席,老公許志安一樣未見影蹤。澳門站,Sammi準備了4套新衫,首先穿上以羅馬戰士為概念的舞衣領唱《Bang Bang Bang》揭開序幕。在演唱會舉行期間Sammi走到觀眾席問價,她問:「幾錢一張飛?1,680蚊?168蚊呀,吓,前面要3,000蚊同9,000蚊,好抵睇呀,香港成皮都有人睇,儍仔嚟㗎,但我嘅演唱會有乜好睇,只係載歌載舞。」Sammi如此一問,不期然令人聯想起鄧紫棋(G.E.M.)以近8,000元天價發售倫敦演唱會門票的新聞,確是一語中的。



■G.E.M.在倫敦的演唱會門票索價約8,000元。資料圖片

■一襲紅色拖尾長裙的Sammi與嘉賓林奕匡合唱。

■羅馬戰士巨鵰造型,被指靈感來自老公許志安。



開場寓意大鵬展翅

Sammi演唱會4套新衫各具特色,當中不乏性感衣飾,Sammi跟嘉賓林奕匡合唱《時間之光》時,換上一條紅色拖尾長裙,穿上12吋高踭鞋,舉步維艱,上落都要林奕匡攙扶。Sammi在後台接受訪問時表示巡迴演唱會歌衫不惜工本,被問到第一套歌衫「巨鵰」是不是在安仔身上找到靈感,Sammi哈哈大笑說:「叫『大鵬展翅』寓意我要高飛。」向Sammi求證安仔有否到場欣賞,Sammi故作神秘說:「唔話你知,等你心思思。」Sammi表示安仔演唱會她不現身是不想搶鏡,她說:「咁係屬於佢嘅show,焦點喺佢度好啲,我都有做份內事,做樣都要。」至於安仔尾場自彈自唱《不要驚動愛情》,Sammi說:「佢顧住練琴練肌唔記得念歌詞,但係有誠意,我好感動,年紀咁大仲學琴,換轉係我40幾歲嚟學,唔好話手指硬,頸都硬,某程度上係意志力,佢令我有少少啟發,有啲嘢唔好未做就先驚,好amazing。」採訪:馬建華攝影:沈健程



■Sammi將香港站的舞台設計搬到澳門給觀眾欣賞。

■小粉絲何超蓮專程到後台探望偶像Sammi。微博圖片



來源: http://hk.apple.nextmedia.com/entertainment/art/20150517/19150058
鄭秀文 Seed 皮都 有人 仔嚟
PermaLink: https://articles.zkiz.com/?id=290396

鄭秀文平價潮裝$399爛牛拼男裝恤

1 : GS(14)@2016-03-30 14:42:12

世界上無免費的午餐,要夠氣唱、好身材,鄭秀文長期喪跑苦練。Sammi的纖瘦身形當然最啱有型中性look,她在IG po新造型相,今次以型格爛牛配男裝圖案恤,加上黑褸、黑帽、黑鞋,一派boyish chic。最正是今次Sammi揀了中下價品牌玩mix and match,爛牛American Eagle只需$399,而韓牌iiJin男裝恤亦一千左右,平價着出型格味道。





來源: http://hk.apple.nextmedia.com/entertainment/art/20160330/19549370
鄭秀文 平價 潮裝 399 爛牛 牛拼 男裝
PermaLink: https://articles.zkiz.com/?id=298765

「錄音著平底鞋是常識吧!」鄭秀文潮著Ferragamo

1 : GS(14)@2016-05-22 12:16:13

鄭秀文(Sammi)身為潮流指標,着衫當然緊貼潮流。最近幾季平底鞋可謂大行其道,今年春夏亦繼續hit,話明Sammi貼潮,就當然有着埋一份。
Sammi日前分別在ig及微博與大家share造型照,穿上ruffle牛仔上衣再襯貼身爛牛,時尚有型,腳踩一對Salvatore Ferragamo的平底鞋,粉紅色夠突出,而且極富夏日氣息,Sammi更大讚對鞋舒服,仲話「錄音著平底鞋是常識吧!」更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20160522/19622723
錄音 平底鞋 平底 常識 鄭秀文 潮著 Ferragamo
PermaLink: https://articles.zkiz.com/?id=301097

鄭秀文呼籲罷買黃牛

1 : GS(14)@2016-06-21 07:39:08

■鄭秀文前晚做孝順女,和爸爸慶祝父親節。


鄭秀文(Sammi)演唱會門票昨日正式發售,銅鑼灣通利琴行的銷售處開售前已有近百人排隊,當中前排位置有10多名南亞裔人士,今次每人限買四張門票,該班南亞裔人士買完票後收拾行裝離開。大部份排隊人士都買到門票,湯先生昨晨5時許就前往排隊,他說:「會買晒四張平飛,冇咁多錢都係自己睇。」


■鄭秀文演唱會昨日公開售票,前排位置有不少南亞裔人士排隊。

扶老父走

Sammi昨日在微博呼籲fans不要光顧黃牛:「我寧可最終對着紅館一排排的空凳演出,也不能忍受你們再受他們的氣和被從中取利。我答應你們,就算對着空凳,我都一定會做到最好、絕不留力。」另外,前晚7時許許志安載着外父和外母到銅鑼灣西苑晚飯慶祝父親節,他先放下Sammi父母及親友上樓,自己再到停車場泊車,而飯後Sammi扶老父離開。採訪:卓寶花、吳耀輝攝影:畢紹基、沈健程





來源: http://hk.apple.nextmedia.com/entertainment/art/20160621/19662476
鄭秀文 呼籲 罷買 黃牛
PermaLink: https://articles.zkiz.com/?id=302386

鄭秀文Sacai連身裙襯中靴點襯都有型

1 : GS(14)@2016-08-08 00:17:12

鄭秀文(Sammi)日前現身鑽石山出席香港世界宣明會的舊書義賣活動,經常做運動、身材fit爆的她更表示明年夏天打算出書教人減肥。
Sammi形象一向百變,穿搭功力強,所以經常都被封為潮流指標。日前,Sammi揀身了日本品牌Sacai的連身裙亮相,長袖透視裙款以格紋撞條紋,營造出強烈對比視效,這種大篇幅的印花加上透視面料,其實只要稍有差池都容易變得俗套,不過穿在Sammi身上,出事率當然係零,再加上腳踩的一對黑色lace-up中靴,為本來girly的造型,增加了boyish感覺,即時變得更加時尚型格。更多時尚、美容新聞,即上:http://add.appledaily.com





來源: http://hk.apple.nextmedia.com/entertainment/art/20160807/19726533
鄭秀文 Sacai 連身 裙襯 襯中 中靴 靴點 點襯 襯都 都有 有型
PermaLink: https://articles.zkiz.com/?id=304837

鄭秀文生日開工收驚喜

1 : GS(14)@2016-08-20 11:41:49

鄭秀文(Sammi)昨日在工作中度過44歲生日,她邀請了瑪嘉烈和大衛,即周家怡和林保怡在摩星嶺拍新歌MV。林保怡和周家怡聯同工作人員,趁Sammi換衣服時準備生日派對,當Sammi步出房門,所有人大合唱生日歌,Sammi笑說:「搞埋啲咁嘢,好surprise!」
Sammi切完蛋糕後打開生日卡,當看到「食極唔肥」的祝福字句時即偷笑說:「好喎!」有人在生日卡上貼了一疊Sammi演唱會門票,恭喜她個唱爆滿一票難求,又有人貼了許志安的相,Sammi即刻用手遮住:「呢個人唔可以上鏡,佢冇着衫呀!」撰文:非非




來源: http://hk.apple.nextmedia.com/entertainment/art/20160820/19743156
鄭秀文 生日 開工 驚喜
PermaLink: https://articles.zkiz.com/?id=306639

鄭秀文露微乳嚇親自己

1 : GS(14)@2016-09-09 05:09:10

■鄭秀文對新碟造型十分緊張。



鄭秀文(Sammi)將於下周五在紅館開騷,新碟《Fabulous》亦即將推出,今次封面Sammi玩突破穿黑色通花喱士bra襯背心,晒微乳性感誘惑,Sammi笑說:「未見過自己咁樣,差啲嚇親自己!」愛做運動的她身形操到似鋼條,充滿骨感美。



■鄭秀文今次請來攝影師好友陳漫(右)影封面。

Sammi對新碟造型十分緊張,每次都要做到最好,她說:「今次搵咗上次幫我拍專輯嘅攝影師陳漫,幾乎冇見過自己咁嘅樣,每次拍封面,我都會保持最好狀態,無論係身體、外表同心境都係維持最好狀態。今次廣東專輯同以前一樣,有唔同音樂元素,希望做到多元化,喺唔同歌曲演繹上有唔同聲音運用。」撰文:皓騫




來源: http://hk.apple.nextmedia.com/entertainment/art/20160908/19763546
鄭秀文 露微 微乳 乳嚇 親自
PermaLink: https://articles.zkiz.com/?id=308195

許太買餸look全黑鄭秀文揹Pernelle白背囊

1 : GS(14)@2016-11-22 00:24:52

鄭秀文榮升為許太後,閒時與老公許志安二人世界跑步、外遊,又會去買餸,過一下師奶生活。日前,鄭秀文就在Ig貼去超市買餸的短片,留言:「買餸。明天就要開始工作了,又不能買餸了。開始懷念。」看來她相當熱愛這種賢妻生活。貴為fashion icon的鄭秀文,買餸都有造型,絕非像一般師奶。她戴上黑超,一身adidas運動裝,配Jimmy Choo平底鞋的all black型look,揹大大個Pernelle特別版白色背囊點綴,simply chic。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20161121/19840888
許太 太買 look 全黑 鄭秀文 Pernelle 背囊
PermaLink: https://articles.zkiz.com/?id=316545

鄭秀文收禮物最愛食落肚

1 : GS(14)@2016-12-01 08:06:50

鄭秀文(Sammi)日前為渣打銀行拍攝新一輯廣告,她笑言自從拍了廣告後,經常被朋友問起理財問題,事實自己亦是一知半解,最擅長購物賺里數,不過若論箇中高手,就非黃偉文(Wyman)莫屬:「佢好鍾意shopping,如果可以用跑步換里數,我每日跑8至10公里,應該儲到好多分。」踏入12月,Sammi表示雖然聖誕節要開工拍電影,但是再忙也會抽時間買聖誕禮物,她說:「暫時仲未有心水,但我估到時會知道想買乜嘢。我收過好多窩心嘅禮物,好似係親手織嘅頸巾、親手焗嘅蛋糕,如果想送禮物畀我嘅話,我最想收嘅都係食物,因為食落肚嘅嘢係實際最開心。」撰文:葉綠悠




來源: http://hk.apple.nextmedia.com/entertainment/art/20161201/19850804
鄭秀文 禮物 最愛 食落 落肚
PermaLink: https://articles.zkiz.com/?id=317846

【西班牙靚蝦】跟鄭秀文用紅蝦熬湯 配麵包燜伊麵又鮮又濃

1 : GS(14)@2017-01-07 00:29:36

早前鄭秀文在自己的面書和Instagram放了她用地中海紅蝦來熬湯底燜伊麵,大讚熬出的蝦汁鮮又濃。說到紅蝦,其中一個產地是西班牙,當地盛產不少野生深海蝦。B&S Spanish Tapas Place負責人Ben表示,在西班牙要捕捉矜貴海蝦如紅蝦和大紅水晶蝦,並不是隨時可以捉,一年中只有幾個時段,由有牌的十幾艘船才可以捕捉。多種西班牙蝦之中,最為人熟悉的應該是紅蝦的大名。但很多人卻可能把全身紅卜卜的大紅水晶蝦跟紅白相間,體型較細的紅蝦搞混。大紅水晶蝦全身帶紅,蝦頭很多膏,食味最濃。要想吃出大紅水晶蝦的美味,最直接的加橄欖油去煎是最佳食法。煎的時候不用加調味料,只要灑少許清酒或白酒便可帶出鮮味。另一個食法就是煎香蝦頭,再起肉切片做刺身,起完肉浸泡冰水會更爽身,再配上番茄莎沙醬同食,可以突出鮮味。而另一種真正叫紅蝦的,是種體型較細,紅白相間的蝦。紅蝦亦是蝦頭味較濃,蝦身不及虎蝦彈牙。如果想學鄭秀文煮紅蝦湯,方法亦不複雜,只要把煎香的蝦頭和蝦肉加入預先熬好的蔬菜湯底,煲好打碎再隔渣就可以成為紅蝦濃湯,直接配烘脆的麵包或用來燜麵亦可。平日說起虎蝦多來自越南,但西班牙亦有虎蝦,爽口彈牙,味道比較濃。另一種細細隻的玫瑰蝦,肉質較嫩和腍身,吃起來帶淡花香。還有一種西班牙海螯蝦,蒸來吃最鮮。這幾種西班牙海蝦海水味都幾濃,無論用哪種煮法,記得不要加鹽!



大紅水晶蝦刺身配番茄莎莎醬$220一隻

西班牙紅蝦湯$68



西班牙哈哈哈拼盤(紅蝦,老虎蝦及玫瑰蝦)$200

蒸海螯蝦加點橄欖油和蒜片,蒸6至7分鐘便可以。$150

B&S Spanish Tapas Place觀塘成業街七號寧晉中心廣場地下G7店記者:謝翠玲攝影:林栢鈞




來源: http://hk.apple.nextmedia.com/su ... t/20170106/19887965
西班牙 靚蝦 鄭秀文 用紅 紅蝦 熬湯 麵包 燜伊 伊麵 麵又 又鮮 鮮又 又濃
PermaLink: https://articles.zkiz.com/?id=321673

鄭秀文賀向太生日出動DSquared2軍褸

1 : GS(14)@2017-01-18 22:21:26

鄭秀文(Sammi)日前有份出席向太陳嵐60歲生日晚宴,除在台上同關之琳孖住獻唱,又獨唱一首《終身美麗》,台風十足。
Sammi向來有style,出席派對都絕不欺場,今次出動了一件好有舞台效果的私伙DSquared2黑色軍褸,褸上面有閃閃刺繡又有彩色流蘇,非常搶眼,Sammi襯上小黑裙同長靴已經型晒。
DSquared2的軍褸出品有不少星級捧場客,另一天后容祖兒曾著過開騷,型男古天樂都是品牌粉絲。




來源: http://hk.apple.nextmedia.com/entertainment/art/20170118/19900177
鄭秀文 賀向 向太 生日 出動 DSquared2 軍褸
PermaLink: https://articles.zkiz.com/?id=323076

鄭秀文穿Celine紅裙搶眼飄女神味

1 : GS(14)@2017-02-12 13:52:38

鄭秀文(Sammi)與張孝全日前現身北京,出席二人主演的電影《合約男女》的首映會。Sammi特別揀穿了一身紅裙,造型搶眼又有女人味。
Sammi所穿的長裙連身裙來自Celine2017春夏系列,雪紡的設計,顯得輕柔又飄逸,更上一曲長長曲髮,甚有女神feel,非常美艷。Sammi搭配了同樣來自Celine的珍珠耳環,腳上的一對金色尖頭高踭鞋,為造型增添了型格與時尚。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20170212/19925893
鄭秀文 Celine 紅裙 搶眼 女神
PermaLink: https://articles.zkiz.com/?id=326546

鄭秀文開季手袋巡禮型襯花裙條子裝

1 : GS(14)@2017-04-08 20:44:34

鄭秀文(Sammi)這位星級KOL,樂於在instagram分享混搭術,po新手袋新靚衫已成指定動作,日前還連環po了多個新look,非常勤力!
Sammi幾個每日一look都各有style,有懷舊feel的Bally條子套裝、又有女人味的Salvatore Ferragamo花裙。當然還有各款春夏季手袋逐個亮相,Stella McCartney的仿皮編織手袋幾有resort感覺、實用型的Coach黑色tote bag,還有Burberry設計class復古的DK88手袋,個個都carry出時尚感。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20170408/19983945
鄭秀文 開季 手袋 巡禮 型襯 襯花 花裙 條子
PermaLink: https://articles.zkiz.com/?id=329705

婉婉巨B表情多多鄭秀文探BBQ散發母愛

1 : GS(14)@2017-04-16 14:41:12

42歲車婉婉喺上月28日,為中澳混血老公Jonathon Quinlan順產誕下混血巨B仔「BBQ」,正在坐月嘅婉婉,不時喺社交網絡中,同大家分享吓佢嘅高齡日誌,昨日佢係instagram又貼咗新相喇,原來係Auntie Sammi(鄭秀文)前日去咗探「BBQ」,婉婉留言話:「高齡日誌之Auntie Mi和Lo Sam相交相知歷史悠久,感恩路上有您,我們大家一起成長,回想起來,有好多一頁頁的美好回憶。昨天你來探訪,分享我這新的一頁,很是感動,謝謝老友一直給我鼓勵以及禱告」,婉婉仲代BBQ留言話:「Nice to meet you靚靚Auntie Sammi,送上見面禮了」,相中見到Sammi抱住BBQ,笑得好開心,唔知佢會唔會探完BBQ後,都效法吓婉婉咁,升呢做人母呢!另外,除咗Sammi去探BBQ外,雷頌德(Mark)都去咗探蘇永康嘅囝囝Jazz,蘇康就喺佢嘅facebook上載一段短片,短片入面見到已為兩子之父嘅Mark,戴住口罩好熟練咁抱住Jazz,仲幫Jazz掃風,蘇康就留言話:「音樂、室內設計、琴棋書畫無所不精,連『掃風』都有一手!雷兄的博學在下實在甘拜下風」。




來源: http://hk.apple.nextmedia.com/entertainment/art/20170416/19991770
婉婉 婉巨 表情 多多 鄭秀文 BBQ 散發 母愛
PermaLink: https://articles.zkiz.com/?id=330755

【馮仁昭四圍超】鄭秀文密密搵錢

1 : GS(14)@2017-04-28 02:11:06

鄭秀文(Sammi)早前拍攝運動服飾廣告,堅持每日都抽時間做運動嘅Sammi話:「唔同類型嘅運動都有一定難度,力量訓練好考耐力,要進步唔係咁易,但我會堅持去做,達成目標好有滿足感,而肌肉鍛煉通常係一個人做,跑步就可以搵伴,有時同朋友一齊跑步都幾開心㗎!」另外,Sammi話嚟緊喺台北、北京開騷,下半年拍3部電影,會過得好充實。撰文:馮仁昭



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170426/20001365
馮仁 仁昭 四圍 鄭秀文 密密 搵錢
PermaLink: https://articles.zkiz.com/?id=331706

鄭秀文探Kay 抱B女現母愛

1 : GS(14)@2017-05-06 11:38:38

■Sammi抱B手勢純熟,母愛出晒嚟,難怪網民叫Sammi生番個B。互聯網圖片



謝安琪3月為張繼聰誕下小公主張靖(Karina),產後專心湊女兼調理身體,賺錢重擔由老公張繼聰全權負責。前日雷頌德(Mark)太太梁家玉和鄭秀文(Sammi)結伴到訪張家。Kay昨日回覆本報,指Sammi和Mark嫂探她和小公主:「係呀,Sammi好好呀,其實佢喺我陀BB期間都有好多鼓勵呀,成日send啲love love畀我,佢份人好sweet好warm㗎!同埋Mark嫂啦,因為佢係我嘅鄰居啦,佢好好人。」



■雖然背景爆晒光,但都遮唔到三個靚樣。互聯網圖片

試繃帶綁骨法

Kay提起小公主特別開心,她自言產後冇減肥,但就去試新療法:「因為陀BB嘅時候,啲骨會開咗,所以我冇減肥,但就試吓將啲骨綁番埋一齊,係一種好天然嘅方法,用啲繃帶綁住,好似腰封咁,咁我就覺得好好,復原得好好囉!」張繼聰回應本報時,指不覺太太肥:「生完BB,坐月時最重要係健康囉!所以身形嘅嘢好有彈性㗎啫。我都提倡所有媽媽,生BB前後都以健康為主,唔好一定要好瘦呀,要快減肥呀!影響健康更加唔好。」




來源: http://hk.apple.nextmedia.com/entertainment/art/20170506/20012069
鄭秀文 Kay 女現 母愛
PermaLink: https://articles.zkiz.com/?id=332281

【add star】鄭秀文相中Roger Vivier

1 : GS(14)@2017-05-13 01:56:35

■鍾楚紅之前都示範了自家改裝的Roger Vivier Photocall Bag。

今個季度Camera Bag越見有貨,除了已hit了數季的Marc Jacobs外,華麗選擇有法國的Roger Vivier。鄭秀文日前拍攝廣告期間,趁指甲斷了要補甲時,拍片與大家share其Roger Vivier Photocall Bag,長方相機形的設計,袋前飾有品牌標誌的水晶方釦,簡單優雅,size小巧又易襯,簡單搭tee及牛仔褲,已經好有型。撰文:安妮



更多精采時尚內容,盡在http://add.appledaily.com




來源: http://hk.apple.nextmedia.com/entertainment/art/20170512/20018314
add star 鄭秀文 相中 Roger Vivier
PermaLink: https://articles.zkiz.com/?id=332639

【馮仁昭四圍超】鄭秀文法拉胸張聲勢鬥黑摩利歐鎧淳

1 : GS(14)@2017-08-02 05:59:46

鄭秀文(Sammi)、林嘉欣、陳法拉、周秀娜、苟芸慧、陳瀅、張曦雯同「美人魚」歐鎧淳,最近為Givenchy拍唇妝照,眾女都着上黑色系列,性感造型配紅唇,大賣女人味。31吋胸嘅Sammi無懼平板胸,仍着上開到肚臍嘅大deep V,向同是34C暴乳嘅法拉同露半球嘅張曦雯挑機,相對嚟講娜姐、苟姑娘同陳瀅就玩透視神秘,兩女之母嘅林嘉欣平日多以密實打扮示人,偶然性感就令人眼前一亮,歐鎧淳則變身一條上水「黑摩利」。



■C奶法拉着bra top配短裙,酥胸半露,大騷事業線。

■游泳健將歐鎧淳變身成一條性感「黑摩利」。

■平時密實嘅林嘉欣難得大解放成性感人妻。

林嘉欣甩剩個框

衣衫配搭,都好緊張朱唇:「我每日都依當天心情喜好同衣着配搭唔同唇妝,所以成日買唔同唇膏。」Sammi自爆10歲前就有試過偷搽唇膏,尤其愛烈燄紅唇,佢話都滿意自己唇形:「我搽到個嘴咁紅,都知我滿意啦,大小適中,隨住心情同配搭,勾劃出想要嘅唇妝。」法拉笑言3、4歲時都試過貪靚拎媽咪唇膏扮靚:「因為唔識抹番唇膏而俾大人發現。」娜姐覺得搽唇膏嘅形態好有女人味。向來好樸素嘅林嘉欣,佢自爆有次揀咗支唔夠持久唇膏,鬧出尷尬事:「試過有次嘴上唇膏幾乎全部甩掉,剩低個『框』,我喺街行咗成日。」撰文:馮仁昭




來源: http://hk.apple.nextmedia.com/entertainment/art/20170802/20108651
馮仁 仁昭 四圍 鄭秀文 法拉 胸張 聲勢 鬥黑 摩利 歐鎧 鎧淳
PermaLink: https://articles.zkiz.com/?id=339277

【add star】鄭秀文朱潔儀撞裙

1 : GS(14)@2017-08-17 08:12:29

鄭秀文



英牌Self-Portrait的喱士裙出得大場面,早已成為女星入貨之選,秋冬新款陸續上架,連一向潮爆的鄭秀文(Sammi)近日相約卓韻芝、杜琪?等朋友吃飯時,也穿上Self-Portrait酒紅撞海軍藍色的荷葉邊喱士裙出席,更在出發時在車廂開心拍片。這條喱士裙售價3,400元,Sammi穿起來感覺清新,十分甜美。



朱潔儀

靚裙自然多人爭着,朱潔儀前晚就穿上同一條裙去紅館看譚詠麟和許冠傑的演唱會,更走入後台和阿倫合照。雖然和Sammi撞裙,但朱潔儀亦carry得不錯,各有各味道,證明這條喱士裙去飯局得,睇騷又得,認真百搭。撰文:安妮



更多精采時尚內容,盡在http://add.appledaily.com




來源: http://hk.apple.nextmedia.com/entertainment/art/20170817/20123561
add star 鄭秀文 朱潔 潔儀 儀撞 撞裙
PermaLink: https://articles.zkiz.com/?id=340083

稱有住屋需要 與鄭秀文為鄰張智霖苦等四年 近億買大坑豪宅

1 : GS(14)@2017-10-30 00:09:27

■張智霖上月以9,180萬元買入大坑大寶閣單位。資料圖片



【本報訊】《等了又等》不但是一首廣東歌,亦是不少買家近年置業心態,藝人張智霖就是其中一例。人氣爆燈、綽號「Cool魔」的張智霖(Chilam),早於4年前不斷四出睇樓,苦等數年終於出手,以接近1億元購入大坑老牌豪宅大寶閣。記者:湯家明



通脹年代,市民買樓保值至上,藝人亦紛紛搶磚頭,趕緊入市買物業。張智霖與袁詠儀夫婦近幾年不斷北上搵人民幣,除以夫妻檔拍攝內地真人騷《一路上有你》外,Chilam最近又接拍內地劇《求婚大作戰》,人仔賺個盤滿缽滿,在港尋尋覓覓物業多年,終於出擊,上月購入大坑大寶閣豪宅單位。



「入市唔代表睇好個市」

對於斥近億元買豪宅,Chilam接受《蘋果》訪問時,就坦言買樓有住屋需要,「真係需要有間屋住,至於投資各方面,就冇乜嘢回應喇。不過最重要一點,係我入市,唔代表我睇好個市,所以千祈唔好以為我入市,個市就好好,因為我唔識呢啲嘢㗎」。
Chilam早於4年前已傳出有意置業,並四出睇樓,包括港島傳統豪宅區淺水灣,當時一度傳出他斥逾6,500萬元購入淺水灣道3號一個實用面積逾1,600方呎單位;他直言有意置業,惟當時樓價太高,要等待樓價回落一點才入市。Chilam去年又表示,等樓價合理時再入市,仍未遇到合適時機。最終事隔4年,樓價不單止沒有下跌,樓價指數更節節攀升,上月特首林鄭月娥還未公佈首份施政報告時,成為Chilam入市時機。土地註冊處資料顯示,張智霖(CHEUNG CHI LAM JULIAN)上月以個人名義斥9,180萬元購入大坑大寶閣高層A室,實用面積2,465方呎,登記買家一欄未見太太「靚靚」袁詠儀的名字,成交呎價3.72萬元。


原業主轉手勁賺8,500萬

原業主姓馮,1991年斥690萬元購入,是次轉售賺逾8,500萬元。張智霖繼2012年前以逾千萬元買入大坑曦巒樓花後,是次再度出擊,無獨有偶,同樣購入大坑物業。大坑道70號的大寶閣,樓齡已屆33年,過往不乏名人業主,如為人熟悉的鄭秀文同樣持有大寶閣單位,並正正位處張智霖剛購入單位對下兩層。近年樓市大旺,吸引不少藝人相繼入市買樓,被譽為圈中富婆的大美人關芝琳,今年4月一擲5,400萬元購入灣仔星域軒複式戶。此外,影帝級人馬張家輝,在5月份斥資1.31億元購入中半山嘉慧園一個實用面積達3,366方呎豪宅單位,屬今年最大手筆入市藝人;其次為「Angela Baby」楊穎,透過母親董菊英名義,動用1.283億元購入西半山天匯一個實用面積2,476方呎豪宅。




來源: https://hk.finance.appledaily.co ... e/20171026/20194945
稱有 有住 住屋 需要 鄭秀文 為鄰 張智 智霖 霖苦 苦等 等四 四年 近億 億買 大坑 豪宅
PermaLink: https://articles.zkiz.com/?id=343396

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019