ZKIZ Archives


郭可盈提感情事賣關子

1 : GS(14)@2015-03-27 08:40:09









【圓方】郭可盈噚日下晝三點左右帶囡囡同家傭去圓方睇戲,佢見未夠鐘入場仲同囡囡周圍影相,有媽咪陪睇戲,囡囡不知幾開心,家傭就負責買爆谷。大約六點鐘散場,可盈拖囡囡出嚟見到記者影相都冇抗拒,問佢同囡囡睇乜嘢戲?可盈笑笑口話睇《仙履奇緣》。記者問佢知唔知細佬郭可頌同熊黛林嘅感情發展成點?可盈就話拍拖係一件開心事,最緊要對方適合自己。之後可盈就同囡囡、家傭一齊搭的士離開。採訪、攝影:羅德光





來源: http://hk.apple.nextmedia.com/entertainment/art/20150327/19091348
郭可盈 感情 賣關子
PermaLink: https://articles.zkiz.com/?id=289005

郭可盈祝熊黛林幸福

1 : GS(14)@2016-03-11 13:31:18

■Lynn攬住郭可盈囡囡影大合照,一家人非常融洽。微博圖片


熊黛林(Lynn)前日承認去年底已接受男友郭可頌求婚,更收下過百萬的3卡訂婚戒指,婚禮會待工作完成才開始籌備。昨日「準姑奶」郭可盈在微博貼上兩張早前為囡囡林天若搞6歲生日會的相,當中有老公林文龍、囡囡及胞弟郭可頌及Lynn的合照相,另一張則是天若錫Lynn的圖片,睇得出Lynn已與郭家相處非常融洽,儼如半個屋企人,去年底她還與郭家上下去沖繩旅行。一向愛錫弟弟的郭可盈愛屋及烏,她留言支持弟弟:「衷心祝福祝福祝福弟弟,互相都找對了人,直奔向幸福!」Lynn昨亦在微博公佈喜訊:「是的,我找到我的Mr.Right了,祝福我們吧!」撰文:唐如





來源: http://hk.apple.nextmedia.com/entertainment/art/20160311/19524559
郭可盈 祝熊 熊黛 黛林 幸福
PermaLink: https://articles.zkiz.com/?id=297605

同校小一新生徐淑敏郭可盈送女開學遲到

1 : GS(14)@2016-09-02 05:49:41

■黃浩和徐淑敏昨日送升小一的長女Vianna開學。



星爸媽昨日早起接送子女開學,徐淑敏(Suki)、郭可盈和郭晉安的子女原來都就讀位於九龍琵琶山的保良局蔡繼有學校,Suki長女黃心瑤(Vianna)和郭可盈及林文龍的囡囡林天若同樣今年升小一,但不同班,兩位新生昨開學遲到。



■送完囡囡上學,徐淑敏夫婦在保鑣陪同下等車前來接送。DV圖片

■靚媽郭可盈(左)昨早湊女返學,升小一的天若醒目孭着書包,老竇林文龍則做柴可夫(右圖)。


滿意學校

昨早約8時半,Suki與老公黃浩(Kenny)陪Vianna返學,同行還有兩個保鑣,分坐兩架七人車到達,車子抵校時剛好學校鐘聲響起,Suki心急怕囡囡遲到,司機把車駛入學校範圍,驚動校方保安勸阻,要把車停在校外,Suki夫婦拖實Vianna行入學校,Vianna紮馬尾配整齊白色校服,孭起書包十分醒目。問Suki是否遲了出門?她說:「今朝已經7點出門口,因為先送二女返學,途中遇上兩架車爆胎,搞到塞咗一陣。」
Suki表示Vianna入了心儀小學,她昨在電話中說:「呢間學校重視語言,英文同中文都唔錯,整體學習氣氛良好,可以一條龍讀到grade12,仲出過IB(國際預科文憑)狀元,成績同口碑均好。」



■郭令山很獨立,爸爸郭晉安開車送抵學校後自行落車。


唔請補習

林文龍昨親做柴可夫司機送囡囡天若開學,可盈就負責從旁打點,天若戴上兩個藍色蝴蝶頭飾,精靈可愛,他們比Suki一家更遲。可盈昨在電話中說:「聽日要再早啲,我好鍾意呢間學校嘅教學方法,學生會返得開心,我今年先畀囡囡適應吓小一,唔使請補習,我會自己教番,一齊同行,我都重讀小一,生命有take2。」可盈續說:「唔使科科一百分,唔想畀囡囡壓力,開心學到嘢就得。」此外,郭晉安的8歲長子郭令山在同校升讀小三,郭晉安昨早8時10分送子上學,非常準時,齊蔭頭的令山精神奕奕孭書包自行步入學校,甚有師兄風範。採訪、攝影:葉君海、陳杰




來源: http://hk.apple.nextmedia.com/entertainment/art/20160902/19757032
同校 小一 新生 淑敏 郭可盈 送女 開學 遲到
PermaLink: https://articles.zkiz.com/?id=307193

湊女返名校著乜?郭可盈牛仔裙 徐淑敏Zara配Hermes

1 : GS(14)@2016-09-03 23:28:55

前日開學日,明星家長當然非常忙碌,一早湊仔女返學校。郭可盈、林文龍前日湊囡囡林天若返學,徐淑敏(Suki)女兒黃心瑤亦是讀同一間小學,明星家長look以淺淡舒服為主色。一向富泰的郭可盈,化了淡妝,白色雪紡top搭配牛仔裙,牛仔裙長度亦屬端莊的及膝長度,感覺清新不失時尚。至於徐淑敏就繼續拎濶太愛牌Hermès,不過她平溝貴,搭配日牌冷衫及$399 Zara白褲,調低阿太味,優悠格調,不覺太招搖。更多美容、時尚新聞,即上:http://add.appledaily.com




來源: http://hk.apple.nextmedia.com/entertainment/art/20160903/19758820
湊女 女返 名校 著乜 郭可盈 牛仔裙 牛仔 淑敏 Zara Hermes
PermaLink: https://articles.zkiz.com/?id=307342

邊似47歲?郭可盈閃着Gucci鞋騷美腿

1 : GS(14)@2016-11-26 13:51:10

郭可盈近年鮮有在香港幕前出現,同老公林文龍多在內地掘金,同時又忙湊女,一直keep住纖幼身材同靚樣。日前可盈同家人包括弟弟郭可頌與弟婦熊黛林,預早慶祝本月27日的47歲生日,可盈穿上米白毛衣加綠色短裙大騷長腿,配了一雙Gucci秋冬系列的銀色metallic皮鞋,相當之閃,擺晒甫士同囡囡影相,望落仍然好青春。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20161126/19845947
邊似 47 郭可盈 閃著 Gucci 鞋騷 騷美 美腿
PermaLink: https://articles.zkiz.com/?id=317097

拜山着乜?郭可盈牛仔look潮襯Gucci釘珠波鞋

1 : GS(14)@2017-04-13 00:24:04

熊黛林(Lynn)同郭可盈胞弟、家族坐擁百億資產嘅郭可頌舊年10月結婚,正式成為「百億人妻」,入門後當郭家媳婦,更希望可以趕快做媽咪,日前就有讀者Suki透過《蘋果》「爆相爆片」,於沙田新中央廣場影到郭可盈、郭可頌、熊黛林和一班親戚一起去拜山。新手人妻Lynn拜山就穿Opening Ceremony的白tee加牛仔褲,孭Lanvin Jiji舊袋,腳襯adidas Stan Smith白波鞋,高人一等的Lynn很難逃過路人目光;至於郭可盈就跟Lynn一樣,白色top襯爛牛,不過最吸睛是腳上Gucci Ace釘珠波鞋,拜山都住對幾千元的貴價波鞋,不愧為百億千金。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20170412/19988272
拜山 山著 著乜 郭可盈 牛仔 look 潮襯 Gucci 釘珠 波鞋
PermaLink: https://articles.zkiz.com/?id=330279

郭可盈一家大阪賞櫻

1 : GS(14)@2017-04-22 10:43:38

■郭可盈買串燒給囡囡吃,林文龍就四圍睇櫻花。讀者提供圖片



【爆相爆片】林文龍和郭可盈育有7歲女兒林天若,上周六復活節假期,他們被本報讀者周小姐透過「爆相爆片」影到於大阪旅行賞櫻花。當日下午3時半,林文龍一家在大阪城公園賞櫻花,周小姐說:「林文龍喺公園行嚟行去四處睇櫻花,郭可盈就全程照顧個女,仲專登買咗幾串串燒同囡囡兩份食,但就唔覺林文龍有食。」郭可盈近年淡出娛圈,但警覺性仍十分高,周小姐說:「每逢聽到有講廣東話嘅人行過,或者有人認得出佢哋,郭可盈都會直視嗰個人,見人哋望實佢,佢就會拉囡囡行埋一邊,反而林文龍冇乜點理。」採訪:王梓嫚



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170421/19996098
郭可盈 一家 大阪 賞櫻
PermaLink: https://articles.zkiz.com/?id=331206

郭可盈林文龍追多個陪女

1 : GS(14)@2017-05-13 01:56:25

■郭可盈不時在微博晒與林文龍合照放閃。



現年49歲的林文龍重返無綫拍劇集《不懂撒嬌的女人》人氣反彈,演「Gordon哥」的他以型佬look冧師奶,林文龍跟老婆郭可盈結婚多年,兩人育有7歲獨生女林天若,有報道指囡囡想要個妹妹,廿四孝父母決定順其自然,47歲的郭可盈不但戒夜生活,更努力調理身體趕生B。有指無綫見林文龍人氣急升,本想趁機搵他拍多幾部劇,不過林文龍卻嫌拍劇時間長太困身,似乎有意抽時間跟老婆密密造人,郭可盈自從做人母後專心湊女,樂於做林文龍背後的女人,間中在社交網貼老公相放閃,羨煞旁人。撰文:皓騫




來源: http://hk.apple.nextmedia.com/entertainment/art/20170512/20018330
郭可盈 文龍 多個 陪女
PermaLink: https://articles.zkiz.com/?id=332610

拍劇暗媾郭可盈陶大宇咀郭羨妮人財兩失

1 : GS(14)@2017-06-22 08:03:24

今年53歲嘅陶大宇,初出道事業暗淡,直至92年喺《大時代》做益蟹、《壹號皇庭》系列飾演師爺Michael,到《刑事偵緝檔案》系列終於擔正。由於劇中多飾演痴情男角色,入屋之餘仲大受師奶歡迎,固有《師奶殺手》之稱。雖然陶大宇當年已有固定女友黃慧寶(阿寶),不過拍劇時,陶大宇依舊艷福無邊,試過喺《刑》劇中,佢同拍檔郭可盈傳緋聞。直至多年後,二人一齊接受專訪時,陶大宇先自爆同郭可盈試過約會睇電影《侏羅紀公園》。當時陶大宇亦曾經問過郭可盈,如果自己媾佢會點?雖然雙方有過電,但礙於當時郭可盈已經同林文龍拍拖,所以最終冇同陶大宇行前一步。郭可盈喺訪問中話自己同大宇,性格都係「凸」,若果拍拖十足火星撞地球,所以好彩冇開始過。到07年,當時已同阿寶結婚7年嘅陶大宇,因同郭羨妮(Sonija)合作拍《學警出更》咀出真感情,老婆阿寶率先喺周刊宣布同陶大宇離婚,更親口講出第三者就係郭羨妮。當時郭羨妮多次呼冤話自己唔係第三者,而陶大宇亦解釋同老婆離婚,並非因為郭羨妮,但二人形象一夜間插水,大宇多年建立嘅好好先生形象崩壞,「師奶殺手」封號亦告除名!相反郭羨妮就多咗個新花名─狐妮。陶大宇當時拍完無綫劇集《和味濃情》後,就被迫返大陸拍劇過冷河;女方則被飛出新劇,又被廣告商臨時換走,收入接近零。為自保,有傳郭羨妮急撇陶大宇,強調二人冇發展機會。為避開對方,更遠赴加拿大。霎時間人財兩失嘅陶大宇,當年有指鳥倦知還積極翻撻前妻。除咗狂發短訊冧對方,更以愛犬做王牌,藉探狗為名,藉同前妻有多啲互動,令佢可以回心轉意。另一方面,疑因愛成恨嘅陶大宇,事後被問到郭羨妮捲入電視台「四朵淫花」傳聞時,大宇指對方榜上有名,唔會覺得意外,因為對方有太多類似新聞,句句有骨。遭隔空挑釁嘅郭羨妮,隨即還擊話:「如果係咁我覺得佢好無聊囉!」




來源: http://hk.apple.nextmedia.com/entertainment/art/20170620/20062388
拍劇 劇暗 暗媾 郭可盈 大宇 郭羨妮 人財 財兩 兩失
PermaLink: https://articles.zkiz.com/?id=336352

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019