ZKIZ Archives


嘉穎激嬲未來外父?Grace:佢明拍拖正常事

1 : GS(14)@2015-06-29 08:20:54

■陳凱琳日前生日,站在女友後面的嘉穎大方合照。資料圖片


其實於本周三陳凱琳24歲生日,嘉穎已罕有地站在女友身旁合照,男女朋友親密關係似是盡在不言中。日前有報道指陳凱琳在巴黎開工期間,嘉穎更人肉速遞到巴黎相伴,為陳凱琳提早慶祝生日,二人一起過了五日四夜浪漫之旅。陳凱琳更為了男友,父親節當日返港後寧入住嘉穎寓所過夜,也未有跟父親慶祝,可見二人愛得癡纏。而昨晚的活動,嘉穎舊愛佘詩曼因病缺席,陳凱琳說:「阿佘未必係唔想同我同場而缺席,祝佢早日康復。」採訪:魯吉





來源: http://hk.apple.nextmedia.com/entertainment/art/20150627/19200095
PermaLink: https://articles.zkiz.com/?id=291175

想閃婚激嬲父母 陳凱琳被守行為

1 : GS(14)@2016-01-20 23:28:25

2016-01-13 EW

鄭嘉穎跟陳凱琳(Grace)愈愛愈高調,繼上月十指緊扣出席胡杏兒婚宴,並乘機取經。有指男方見年紀唔細兼戀情穩定,而Grace亦不時留宿男友家,過着半同居生活,遂把心一橫向她逼婚。

可惜未埋門已遭未來外父外母落閘,皆因陳父抗拒這段相差廿二年的「父女戀」,至今一直避見鄭嘉穎,對阿女想閃婚更講到明「蝕本」。夾在中間的Grace左右為難,連日守行為準時回家交人,先讓雙親下火。

愈難愈愛

  四十六歲的鄭嘉穎與廿四歲的陳凱琳因合拍《殭》劇訂情,「穎琳戀」話咁快一年,自去年六月到法國預支蜜月,感情愈趨成熟,心急的鄭嘉穎早已疊埋心水將Grace私有化,上月在胡杏兒的婚禮上更公開向女友探口風:「幾時輪到我哋?」雖然當時Grace笑而不答,但未有新劇開的她,近日頻頻被拍得上男友大坑家中過夜,戀愛大過天。她說:「之前好忙, 家可以做愈少嘢愈好!可以輕鬆吓,享受吓拍拖,食吓飯、睇吓戲。」Grace愛定鄭嘉穎,可惜未過父母嗰關,陳父陳母至今仍拒見男方,每次Grace提出見面,雙親都借故推搪。 不過Grace似愈難愈愛,最近還傳出閃婚,令陳父嚇窒。日前陳父回應阿女結婚一事,即時落閘「十劃都未有一撇」,更決絕謂︰「我個女好後生,事業剛剛起步,邊有咁快(結婚),我蝕本㗎咁樣!」

早歸交人

雙親對鄭嘉穎冇好感,家庭關係緊張,就連網民也唱反調,左右為難的Grace,唯有先 番父母,連日收工便打道回府做乖乖女。早前她到銅鑼灣出席活動後,隨即到深水埗為節目錄影,雖然下午五點收工,但她卻歸家似箭,不過見不到男友,心情恍惚,笑容也欠奉,直至有途人要求合照,她才強撐笑臉迎人,而回家後未有外出,守行為做宅女陪家人。

上周五(八日)晚她現身皮草晚會,對婚事避重就輕,只坦承與男友處於「好sweet嘅拍拖階段」,但被問及婚期,「我哋真係冇講過結婚問題,但大家都有共識,我都有自己嘅timing,總之冇咁快。同爸爸媽媽都一直有溝通,希望大家都可以畀啲空間佢哋。」當晚完騷十一時許,她一樣準時向父母交人,親情始終比愛情緊要,看來鄭嘉穎要結婚,還是要先努力攻破「未來親家」一關。

採訪、撰文 娛樂組 攝影 娛樂突發組 設計 黎志堅
PermaLink: https://articles.zkiz.com/?id=294669

女友報復被整蠱扮懷孕呃男友激嬲網民

1 : GS(14)@2016-03-05 01:24:24

英國修咸頓男子霍姆斯(Brad Holmes)情人節對女友戴維斯(Jenny Davies)單膝下跪,害得伊人表錯情以為自己被求婚,結果空歡喜一場。以為戴維斯就此罷休?非也!片段在周一上傳。戴維斯一早設置好鏡頭,對著躺在床上的霍姆斯一臉認真道:「我們要談一談。」面對霍姆斯一臉渴睡而且無心情對話,戴維斯終於駛出殺手鐧-說道「寶貝,我懷孕了」。整蠱人多的霍姆斯當然不會輕信,不過戴維斯堅持自己「極度認真」,又說自己「遲了一個星期」,更七情上面說自己做驗孕測試時整個人「在震動」。為了說服半信半疑的男友,戴維斯更拿出假的懷孕測試結果,以明正身,成功令他中計。霍姆斯又驚又喜,對女友又吻又抱,並興奮地致電父親分享喜訊。戴維斯為免刺激老人家,只好招認自己只是開玩笑,又指着鏡頭的位置,令霍姆斯終能嚐到空歡喜一場的滋味。英國《每日鏡報》





來源: http://hk.apple.nextmedia.com/international/art/20160304/19516199
PermaLink: https://articles.zkiz.com/?id=296801

馮仁昭四圍超:關楚耀激嬲內地客

1 : GS(14)@2016-05-21 18:29:55

關楚耀同郭思琳噚晚喺中環出席美容活動,關楚耀話最近返內地拍真人騷招呼遊客,但唔小心整濕咗人被粗口問候,佢話:「對方知我哋拍緊嘢,但唔知我身份,我已經不停講對唔住。洗廁所都冇問題,最重要接觸多啲內地市場。」佢話有留意舊愛衛詩出碟,會支持對方。而思琳話唔介意同好友余曉彤為《G-1格鬥會》第二輯對打,佢話:「佢係運動員,抱住運動心態去打唔會有咁多是非。」撰文:馮仁昭





來源: http://hk.apple.nextmedia.com/entertainment/art/20160520/19619277
PermaLink: https://articles.zkiz.com/?id=300874

羅志祥挑強國人機上載密集片激嬲網友

1 : GS(14)@2016-08-08 00:17:11

台灣男星羅志祥(小豬)上個月先啱啱度過37歲生日,但佢細路心、貪玩就大家都知,佢前晚似乎因為一時「手痕」,喺微博貼咗一條唔應該出現嘅短片,搞到部份fans取消關注先掂。話說前晚小豬分別喺微博同fb貼咗一張型仔相,佢耷低頭(但feel到佢chok嘅),背景係一個有好多大圓形圖案嘅建築物,可能一般人睇落好似冇乜嘢,但對於有密集恐懼症嘅人嚟講,係好恐怖嘅。點知小豬玩開唔識收手,之後發咗一段據網民描述係「手上全是洞而且還有洞裏面爬滿蛆的」短片,搞到好多fans睇完之後勁嗌核突噁心,然後,有好多人走去取消關注小豬,又留言鬧佢,搞到好大件事。唔知係咪知道玩出禍,小豬之後刪咗條片,再另外留言話:「好吧,因為我愛你們,所以我刪了!花哈哈哈哈哈!」雖然有部份fans「回流」,不過都仍然有唔少人鬧小豬玩大咗。之後,小豬再貼番一段自己跳舞嘅片嚟「補飛」,有fans突破盲腸話小豬其實係驚自己掉粉(失fans)。不過,呢條片,喺小豬fb仲有得睇。隔咗唔夠一日,昨早小豬再喺微博問fans:「請問大家一下,你們喜歡看擠痘痘的影片嗎?我好喜歡耶,好想跟大家分享」,有超過萬四個留言,其中有唔少人話佢「變態」同「喪心病狂」,不過亦有人表示「喜歡」。頭先佢再推咗一下文,話:「其實看擠痘痘影片很嗨的!你們好好想想吧,那我先去練練平衡感喔!」上星期生日先得到121萬個讚好同生日祝福,點知一時貪玩搞到有fans取消關注,但擠瘡應該點都好過……嘅。(好似係)其實小豬仲記唔記得,今年年初,佢因為發表「不用分那麼細,因為我們都是中國人」言論,遭台灣網民炮轟,紛紛取消關注其fb單嘢呢?一夜之間冇咗2萬fans,係咪想再試?





來源: http://hk.apple.nextmedia.com/entertainment/art/20160807/19726352
PermaLink: https://articles.zkiz.com/?id=304834

【奇招救命】鱷魚吞膠樽鯁親管理員激嬲佢吐番出嚟

1 : GS(14)@2016-08-09 07:10:42

澳洲昆士蘭羅克漢普頓動物園飼養的一條鱷魚,吞下遊客拋入鱷魚池的膠樽後鯁喉,一名勇敢的管理員,竟毫無懼色走入籠內,刻意用木棒激怒鱷魚,目的就是讓牠吐出膠瓶。名為「上校」(The Colonel)的鱷魚吞下膠樽後,因為不適而脾氣變得焦躁,動物管理員占士(James)為了幫牠,先用棒敲打水面,令本來浸在水中的「上校」爬上池邊。占士見狀慢慢退後,再以棍騷擾「上校」的鼻,「上校」隨即大怒咆哮,膠樽亦得以被吐出來。動物園職員解釋,有訪客將兩個膠樽扔入「上校」的池內,結果牠吞下後鯁在喉嚨,隨時可致內臟撕裂、潰瘍、感染或阻塞死亡。動物園強調大部分訪客都很尊重動物,但小部人「做了不對的事」,令「上校」受苦,希望遊客如果見到有人作出不當行為,立即通知園方協助處理。英國《每日鏡報》





來源: http://hk.apple.nextmedia.com/international/art/20160808/19727617
PermaLink: https://articles.zkiz.com/?id=304972

杜德偉捉精靈激嬲大肚妻

1 : GS(14)@2016-09-02 05:49:43

■杜德偉玩電話玩足10多分鐘,冷落了老婆李曉冰。



現年54歲的杜德偉(Alex)跟細自己24年的老婆李曉冰(Ice)結婚3年,今年5月Alex宣佈老婆已陀B仔5個月,預產期在下月。日前本報發現Alex與老婆在天后一間咖啡店嘆茶,快將臨盆的Ice肚皮已經好大,然而快將榮升人父的Alex,依然充滿童真。



■杜德偉很快便氹回老婆,離開時還恩愛蹺手。

Alex在咖啡店內全程低頭不斷撥個電話mon,似乎捉緊精靈,投入程度簡直當老婆透明,打了足足10多分鐘,他才發現冷落了老婆,即時放下電話,再表情多多氹老婆。Ice見老公落力冧自己,怒氣全消,離開時還蹺到老公實一實,甜到漏一齊離開。採訪、攝影:徐錦池




來源: http://hk.apple.nextmedia.com/entertainment/art/20160902/19757037
PermaLink: https://articles.zkiz.com/?id=307197

龔嘉欣激嬲莊思明

1 : GS(14)@2016-09-23 08:10:00

■龔嘉欣和楊明出發時沒提及去參加婚禮,怎料令莊思明打翻醋埕。資料圖片



龔嘉欣和楊明上星期一齊現身機場出發到英國,出席陳智燊和宋熙年的秘密婚禮,由於嘉欣不想行蹤敗露,所以胡扯一番說:「我哋去馬來西亞咋,唔係去度蜜月呀,唔好亂寫呀!」怎料楊明女友莊思明莫名其妙地大動肝火,遷怒於龔嘉欣,莊思明爆楊明去英國,又指「楊明只會同我度蜜月」。雖然龔嘉欣出席陳智燊和宋熙年英國婚禮後,已經解釋清楚,但是事件仍是沒完沒了,昨日又有報道指莊思明相約家姐莊思敏訴苦兩個鐘,事有湊巧又被傳媒拍到,莊思明托腮又苦惱的樣子被攝入鏡頭,其間又拍枱,吐出「小三」兩字,離開時更楚楚可憐眼泛淚光。撰文:非非




來源: http://hk.apple.nextmedia.com/entertainment/art/20160923/19778709
PermaLink: https://articles.zkiz.com/?id=309725

全智賢激嬲李敏鎬

1 : GS(14)@2017-01-06 02:07:58

韓國女神全智賢夥拍「長腿Oppa」李敏鎬主演的SBS劇集《藍海傳說》,今晚播出第15集,劇組昨日公開新劇照。當中講到全智賢約了李敏鎬冇血緣的哥哥李知勳食飯,令到李敏鎬嬲爆兼呷醋,搞到全智賢一臉委屈跟住李敏鎬返閨。另外,曾客串《藍海》的車太鉉宣傳新片時重提個人經歷,透露曾患驚恐症,更食足四年藥,幸好結婚後情況已好轉不少。




來源: http://hk.apple.nextmedia.com/entertainment/art/20170105/19886456
PermaLink: https://articles.zkiz.com/?id=321524

YOSHIKI激嬲松田聖子

1 : GS(14)@2017-01-07 07:08:18

日本X JAPAN靈魂人物YOSHIKI上周四原定在港開騷,因牌照問題改為翌日舉行,令他未能及時返日為上周六舉行的《紅白歌唱大賽》綵排。YOSHIKI於《紅白》上為松田聖子彈琴伴奏,據《日刊Gendai》報道,YOSHIKI因甩底綵排激嬲聖子。聖子特別騰出時間綵排,到場後才知被放飛機,令她擔憂直播時會有差池,就算最後順利進行,但估計二人已交惡,難再合作。




來源: http://hk.apple.nextmedia.com/entertainment/art/20170107/19888730
PermaLink: https://articles.zkiz.com/?id=321792

Next Page

ZKIZ Archives @ 2019