ZKIZ Archives


中環在線:投行截水源賓架冇錢交際 李華華

2008-09-16 AppleDaily

經 濟有幾差,問一班喺投資銀行做嘅friends就最清楚。華華早排聽聞一位喺某歐資大行做嘅老友呻,家陣個市仲衰過2000年科網泡沫爆破,同2003年 沙士。點解會咁講?據呢位賓架朋友話,喺科網泡沫爆破同沙士時,佢哋都仲有得claim吓entertainment fee(交際費),最多都係要交個report交代吓同啲乜人交際聯誼,但家吓佢哋已收到內部通告,所有應酬費一概唔可以claim。

傳今年第四次裁員

對 啲賓架嚟講,雖然話高薪厚祿,但係正如華華個friend話齋,可以bill公司數係地位同身份嘅象徵,家陣咁搞法好影響士氣。不過,家陣影響士氣事小, 份工都保唔住就仲大件事。據聞佢間行將會再次大裁員,今次將會係呢家歐資大行今年第四次裁員,矛頭直指IBD部門,即係investment bank嗰班專係攞刁返嚟嘅精英。佢同華華講,心水清睇番之前都有報道,話佢老闆一早已經計劃分拆投行業務出嚟,擺明就係諗住賣咗去。

IPO客仲未找數

投 行咁唔掂都係因為個市唔生性,你見家吓個市升多過跌,就算有公司敢喺咁嘅時勢上市,都冇投資者接貨啦,華華個friend仲話,冇公司上市都唔止,連奀雞 placement都冇一單,你就知幾慘情。華華都聽過財經公關friend講,早排做落嘅IPO,因為家公司未上到市,家陣啲客仲未找數,除非唔諗住山 水有相逢啫,否則又唔可以追數追得太緊,真係有苦自己知。李華華電郵:LiWaWa@AppleDaily.com
中環 在線 投行 行截 水源 賓架 架冇 冇錢 交際 華華
PermaLink: https://articles.zkiz.com/?id=2186

中環在線:華人賓架入紐約聯儲銀行 李華華


2008-12-15  AppleDaily


 

美 國《僑報》報道,創辦當地華人銀行國寶銀行嘅孫啓誠,獲美國紐約聯邦儲備銀行委任做該行嘅銀行顧問。佢係第一個華人賓架參與美國金融政策,都咪話唔巴閉。 應該唔係好多香港人熟識孫啓誠,但佢同香港都算有啲淵源。話說孫啓誠細個時,適逢國共內戰,佢就同家人走難嚟香港,仲喺培英中學讀書,直到16歲先至跟父 母移民美國,完成農業經濟系學士,攞埋法律學博士,揸住美國最高法院執照,認真唔嘢小。睇番啲報道,佢84年創辦嘅國寶銀行,係以華僑為目標客嘅社區銀 行,家陣喺3個州有6間分行。不過,佢都唔係一帆風順,03年佢間銀行爆出分行經理盜取顧客存款醜聞,當時有傳言話國寶會執,搞到擠提,好彩有驚無險。孫 啓誠話,會向當局反映樓貸情況,同埋研究點樣防範再出現次按危機等,仲會好好把握機會,反映華資銀行業界嘅意見。
 
中環 在線 華人 賓架 架入 紐約 聯儲 銀行 華華
PermaLink: https://articles.zkiz.com/?id=4612

改造賓架基因 左丁山

2008-12-30  AppleDaily


 

以 前八號仔電盈股價大跌,不少散戶投資者一路埋怨至今,連李澤楷都鬧埋,其實世界上冇一位大股東想自己隻股票跌嘅,股價跌,最大損失者就係大股東。電盈之大 跌,一與科網股泡沫爆破有關,只怪當年一啲互聯網分析師盲目吹捧,吹到過晒龍,二與電訊股擁有之固網系統日益失去價值有關,人人都用流動電話之時,固網就 成為雞肋資產,中移動之成為股王,皆因中移動毋須投資巨額金錢在鋪設固網與維修固網方面,盡得競爭之利。加拿大之北方電訊自科網股爆破之後,股價亦曾跌到 殘,基本理由與電盈相同,只係加拿大北方電訊冇一位李澤楷大股東而已。左丁山從來未曾持有電盈股票,對此股票冇乜感情,假如電盈私有化成功,散戶出售股 票,攞番四元二角現金,改為投資其他股票,收復失地嘅機會大好多。

 

最弊左丁山持有滙豐,而滙豐股價大跌對全港之影響,遠遠 超出八號仔,但滙豐何曾有一位主席係李澤楷?賓架W亦長期擁有滙豐股票,對此甚為心焦,因為佢更加明白銀行好難賺錢。賓架W話:「利息咁低,同業拆息無利 可圖,滙豐擁有最多存款,受零息傷害最大;o依家賣產品賺fee,基本上已經停頓;借錢畀中小企,其實呆壞賬已經不少,內地香港廠商倒閉者不計其數,起碼 有一萬間,欠下嘅貸款好難清算。我哋知得比政府更清楚啦,我哋係好難削減優惠利率o架嘞,一於盡量頂住,按揭利率在三厘與三厘二五之間,已經低過美國嘅按 揭利率四厘半至五厘半,一啲評論員鬧我哋唔減息,實在係無知之談。大企業借錢早以HIBOR(香港同業拆息率)為基準,與優惠利率無關。」賓架W覺得銀行 盈利前景不佳,銀行股價跌係合理嘅,滙豐因為在世界各地都有生意,經營更加艱難,所以佢主觀方面希望滙豐股價止跌,但客觀方面就認為滙豐未宣佈集資,股價 難以回升。賓架W又慨嘆入行做trainee之初,師傅教落做貸款要審慎,一有依郁,就立即追收貸款,盡量避免壞賬,但今時今日政府與一啲評論竟然叫銀行 在環境大壞之時,唔好追收賬款,反而要放寬貸款兼減息,根本冇人(包括金管局)提出壞賬出現後,誰人負責?股價下跌,誰人負責?賓架W最後講:「或者我哋 銀行家要進行基因改造!」
改造 賓架 基因 左丁 丁山
PermaLink: https://articles.zkiz.com/?id=4921

中環在線:滙豐賓架突離職關電盈私有化事? 李華華


2009-02-17  AppleDaily





 

專 門提供最新銀團貸款消息嘅財經雜誌《基點》報道,大笨象滙控(005)嘅亞太區槓桿及併購融資部門主管David Simons,上個禮拜靜雞雞咁離開工作咗兩年嘅地方。個部門名稱咁長,簡單嚟講其實係專做銀團貸款,至於David Simons呢個名大家可能覺得好陌生,不過佢近期做嗰單刁,就應該無人不曉。華華收到風,令萬千股東心碎嘅電盈(008)私有化單刁,安排過渡性貸款嘅 策劃人,就係Simons。

負責私有化貸款

Simons喺07年5月加入大笨象旗下環球銀行及市場部,成為亞太區併購融資部 主管,之前已經係瑞信猛人,專做亞太區企業融資。據聞,Simons上個禮拜四已經離開大笨象總部。金融海嘯迫使無數金融機構走上絕路,近日大笨象裁員之 聲不絕於耳,唔通做完單大刁後,大笨象打完齋唔要和尚?路邊社消息話,Simons離開嗰時,好似都春風滿面,睇嚟唔似收到大信封,或者可能趁情人節放個 長假,返老家澳洲享受陽光與海灘都唔定。Simons同埋滙豐發言人異口同聲咁話,對事件不予置評。不過噚晚滙控出新聞稿,話委任咗07年入槓桿及併購融 資部門做董事總經理嘅Jeff Bennett,頂替Simons。講番單刁,原本過渡性貸款,應該同今個月24號高院聆訊同步啓動,但係花樣多多嘅8號仔上個禮拜出通告,話延遲法院會 議。照咁推斷,唔知會唔會連筆貸款都延遲埋呢?李華華LiWaWa@AppleDaily.com



中環 在線 豐賓 賓架 架突 離職 關電 電盈 私有化 私有 華華
PermaLink: https://articles.zkiz.com/?id=6035

賓架有九命 左丁山

2009-06-15  AppleDaily





 

世事真奇妙,上個月搭飛機,上機之時行經商務艙去經濟艙,竟然見到賓架S好舒服咁坐喺商務艙內,於是落機後問佢攞張卡片,再通電話,一位唔見四年嘅朋友就係咁樣恢復聯絡。

賓 架S來電郵,話佢月尾會到香港一行,約去佢喜歡嘅老地方陸羽飲茶,左丁山當然一口應承。賓架S係美國人,以前在香港服務,因為在長春藤名校讀書時,讀識咗 日文,娶埋日本太太,所以喺香港銀行工作之時,已想辦法去東京打工,搵咗幾年卒之搵到,好歡喜咁與太太回歸日本,點知就係咁樣遇上了二十年起落不定嘅生 涯,甚為奇妙。

佢去到日本兩三年後,因為係美國名校畢業生,精通日文,畀人挖角入咗一八六五年創立嘅Kidder Peabody,做咗一排,公司喺一九八六年畀通用資本(GE Capital)收購重組,賓架S失業,返回美國投閒置散,點知一九九四年GE將Kidder業務賣咗畀一八八○年創立嘅Paine Webber,舊日老友搵佢去東京重操故業,做得好地地,二○○○年UBS收購Paine Webber,賓架S又試成為重組犧牲品,返美國避難一年,跟住貝爾斯登找佢去東京,嘆咗幾年之後,○八年四月貝爾斯登竟然破產,乜嘢股票認購權都冇晒, 慘情到極,當時左丁山立即寄電郵畀佢,未見回音,心裏不舒服,以為佢已經好沮喪,從此退休,但啲退休基金唔見咗好多咯噃,點算好?

 

今 次再遇,方知佢又搵到一份銀行工,果真貓有九命。問佢:「點解金融海嘯之中,你仍然有運搵到水泡?」賓架S笑曰:「我讀大學唔算成績點叻,好彩學校名氣大 到極,我有大樹遮蔭,二來識埋日文,始終美資銀行係鍾意搵一位經驗豐富,通曉日文嘅美國人做事嘅,佢哋覺得自己人舒服啲吖嘛!」浮浮沉沉咁多年,賓架S已 睇到化晒,作風樸素節儉,不似一啲美國海外賓架(expatriat banker)咁豪爽豪氣。昔日香港客戶之中,佢只記得名氣最大嘅董先生。佢話董先生人情味濃,甚為念舊,佢在夏威夷灣潛水之時,董先生路經檀香山,曾經 打過電話畀佢,令佢好感動。



賓架 架有 有九 九命 左丁 丁山
PermaLink: https://articles.zkiz.com/?id=8667

賓架代溝 左丁山


2010-1-18  AD





 

賓 架H請傳媒朋友吃飯,傾吓社會近況,大家梗係問吓財經問題,聽吓大賓架嘅意見啦,賓架H話香港銀行大勢就是銀行水浸,貸存比率甚低,銀行有錢借不出,買美 國國庫債券或金管局票據,利率幾近乎零,故此大家鬥搶按揭生意,佢嘅意見就係按揭貸款太低,在兩厘以下,扣除資金成本、回贈、撥備、燈油火蠟以後,好難有 利可圖,只係聊勝於無而已。

最近成日講內地人來港買樓,賓架H點睇?佢指出,根據市場消息,西九、貝沙灣豪宅好好賣,但按揭生意少,因為大凡內地人入市買樓,佢哋未必要借錢,即使要借,按揭成數都好低,故此西九、貝沙灣豪宅買賣,幫唔到銀行幾多。

按 揭係長期貸款,要睇長線,利潤回報一時之間難以定奪。賓架H話自去年下半年後,企業銀行業務唔錯,零售銀行業務逐漸恢復舊觀,銀行今年會加強招聘數百人, 其中約三十人係trainee。咦,大學生出路應該唔錯噃,咁講法,銀行界會大舉招聘爭人才嘅啫。究竟起薪有幾多人工?賓架H話:「如果請 trainee,我哋畀嘅月薪會係一萬幾,將近兩萬啦,有競爭力嘅,不過競爭好激烈,全球分行以同一標準,同一測驗嚟篩選畢業生,希望全世界都請到同一水 平嘅學生。」香港學生爭唔爭得到呀?賓架H透露,據過往經驗,香港學生可以拿到本地名額一半,其餘一半會係內地生及回流生。篩選過程中,以香港學生較為不 着意,表現不如內地生咁積極,大抵呢一代香港人已有足夠溫飽,冇咁「餓」,反而內地生更願意去「砌」,唔會揀擇往甚麼國家受訓。賓架H嘆一句:「唔知點 解,香港學生唔係幾鍾意被派往外國,最鍾意留在香港不動。但我哋請trainee,兩年後要升佢哋,要周圍調派,如果佢哋只願在香港工作,難搞啲喎!」此 乃八十後與賓架H一代之不同,五十後嗰一代不能靠屋企,大學畢業就好恨搵工,好恨有機會到外國做事,在銀行爭做TCN(third country national)爭崩頭,故此賓架H對八十後唔多願意被派往外地,究竟係乜嘢原因,甚為不解,此乃代溝也。



賓架 代溝 左丁 丁山
PermaLink: https://articles.zkiz.com/?id=13940

賓架教路 左丁山

2010-01-27  AD





 

賓 架W每年一度捐款,請名師回大學指導學生如何做演述(presentation),賓架W從多年工作經驗得知,投資銀行要爭取一單大刁,並非容易,常與行 家碰頭,各自施展渾身解數,在客戶面前演述一個刁(deal)嘅結構及經濟效益,因各銀行嘅主張,講到尾,大同小異,收取費用相差不遠,故此做演述時,講 錯幾句嘢或者詞不達意嘅話,往往就敗陣而回,即使自己嘅構思明明好過競爭對手,因為演述得論論盡盡,就會被對手乘虛而入,再者,即使明知贏梗,都想慳番一 啲時間,務求一擊即中,唔想要去到第三輪演述先至贏到客戶mandate。

中環有外籍名師,訓練向客戶演述技巧(presentation skills),閒閒哋收十萬八萬一日。賓架W自掏腰包,請其中一位訓練大學生一日,名師話為了教育一班九十後,願意畀折扣,呢個就係佢嘅商業秘密,唔寫得。

好 嘞,工作坊完畢之後,賓架W例牌在沙田馬會請六十幾位學生吃晚餐自助餐,今年在四樓旺灣樓,全層用晒,地方闊落之至。與幾位在工作坊表現出色而得獎嘅學生 同席,八卦地、慣性地問佢哋來自邊間中學,賓架W與左丁山都好似好少聽聞過,皆來自屯門、元朗、藍田、一位來自河南等地區學校,聽佢哋講英文,好過左丁山 係新鮮人之時,佢哋問我哋對八十後嘅看法,於是展開世代交流。

大學生學演述技巧,當然唔係要做路演,但對佢哋去見工,應有幫助。賓架W仲肯 捱義氣,兩個禮拜後返回母校應商學院院長之邀,講「投資銀行見工應注意事項」,佢自己係頭號iBanker,現身說法,應該有料到噃。賓架W話:「現在好 多人當iBanker係奸人堅,估唔到有好多學生會出席講座。」一位得獎女孩子主修繙譯,佢話以前夢想做iBanker後來覺得人生不必為了金錢而朝七朝 二,故此為了個人興趣,選咗繙譯系,至於將來想做乜,一於唔諗住,九十後嘅學生,思維清晰,可喜也!



賓架 架教 教路 左丁 丁山
PermaLink: https://articles.zkiz.com/?id=14044

賓架手記 (11) 大口仔筆記 - 三十而立

http://tabodiary.blogspot.com/2011/11/11.html

璀璨過後,是否要回到黑暗?

早前股市回升,一眾散戶及財演由恐慌到興奮,只不過用了兩個星期的時間。我看到老師在沾沾自喜,我看到散戶認為高處未算高,但候高放貨的聲音則越見微弱,人們都忘記了,只不過兩星期前,誓神劈願話"如果升返一定走"的說話....

炒衍生工具無罪,當報章及不少道德份子大呼香港成為大賭場,投資者都以炒衍生工具為生,我反而覺得大市風高浪急,香港散戶以衍生工具作投資工具並無不妥,是否個個都要訓身買入正股才算投資?

只要懂得平衡風險,控制注碼,其實買賣正股同個別衍生工具並無分別,當然衍生工具不是人人都明,有好多未買先輸及廿土莊家控制的品種投資者是絕不應該碰的,如果投資者唔明都要買確實抵打,但我們不能一句就否定了衍生工具的存在價值。

上篇賓架手記提到中環人都像在等放假,兩個星期過去,有一部分中環人終於等到了,卻原來放的是長假。匯豐裁員計劃啟動,一葉知秋,其他金融機構陸續行動,可幸2009及2010金融機構都收復了不少失地,今次裁員應還有能力派肥雞餐,被裁的人正好當放一個悠長假期....

都係果句,今日市差客戶輸清光,聽日又係輸完又黎賭過....

賓架 手記 11 大口 筆記 三十 而立
PermaLink: https://articles.zkiz.com/?id=29397

賓架交際 左丁山

2011-12-06  AD

賓架 L在 8?請吃晚飯,點評經濟大勢,左丁山得益良多,食吓食吓,賓架 L突然要左丁山講吓邊位會做下任特首,果真係冇免費晚餐。蘋果日報影響力實在太大,李怡講在豬與狼之間選豬,「蘋果」頭版頭條指「豬狼對決」,於是全城都 講豬狼,令當事人甚為不爽與無奈,梁生否認係狼,唐生就話自己係龍年出生。老友林超榮與太太屈穎妍大力捧梁,佢講得幾妙:「屋頂下有隻豬方可成家,狼字就 係左邊有獸抓,右邊有良心。」賓架 L係要講吓豬贏還是狼勝,點預測呀?賓架 L與班行家大部份認識唐生(曾任財政司司長嘛),普遍認為唐生上場嘅話,佢地知道有延續性及穩定性,至於梁生就係地產測量專家,與地產發展商相熟過與銀行 家,啲賓架唔知佢會有甚麼穩中求變政策,如果純粹講人緣,自不然係唐生在銀行界有充份人脈關係啦。
如何發展人脈關係,係一門學問,就算識「理 論」,都要有心有力去實踐至得。最基本,最入門之書就係 Dale Carnegie( 1888-1955)之經典名著 How to Win Friends and Influence People( 1936),左丁山讀中學時,無意中在奶路臣街舊書攤見到,買入後讀咗幾遍,入大學後實踐之,效果十分良好。銀行界中,一位公認其人脈關係無與倫比之傳奇 商人銀行家(有別於今天之投資銀行家) Siegmund George Warburg( 1902-1982)(歐洲債券 Eurobond之父),在香港曾與東亞銀行合資成立一間「東亞華寶」。華寶先生精於交際應酬,在飛機上與鄰座交談,交換過名片之後,回到辦公室就手寫問 候致意信件寄往對方,對大客熟客更是招呼周到,例如某大戶自法蘭克福到達倫敦,行入酒店室內,已見到華寶先生送來之致意字條與一瓶高檔香檳/紅酒,久而久 之,行內行外人士人人都喜歡與佢做朋友,故此相識滿天下,佢去到邊一個城市,都受當地重要地頭龍歡迎。呢啲事左丁山一早明白其中道理,奈何生性疏懶,偶一 為之則可,長期不懈咁做,就有心無力咯,喺呢方面,香港有一位大賓架,就做到十足嘞,佢年青時曾與華寶先生交往,學到心領神會,現在全世界大公司大銀行嘅 重要人物都畀面佢,邊一位?咪係東亞銀行嘅寶哥哥囉!

賓架 交際 左丁 丁山
PermaLink: https://articles.zkiz.com/?id=29832

賓架嫁女 左丁山

2012-2-19  AD

大賓架 C嫁女,低調進行,設宴第一日舉行婚禮,招待家人親戚,第二晚就在香港會設宴,款待校友、財經界老朋友,約莫有二十席,全場氣氛溫馨,賓主盡歡。曾特首夫 婦剛好與左丁山背對背而坐,左丁山首先與佢握手,佢笑容可掬,態度認真輕鬆,梗係啦,就快唔駛煩,留番俾唐梁是但一個去捱,諗吓都開心。見到佢就醒起《亞 洲週刊》有陳婉瑩一篇文章,大讚曾先生在 Davos世界經濟論壇發言技驚四座,在場人士大力鼓掌,可說為亞洲人爭番一口氣(因為日本人照稿宣讀,全場保持寧靜),不少出席論壇之中國企業代表話: 「想唔到曾先生講英語這麼厲害!」陳婉瑩對曾特首素來彈多過讚,一定唔係佢嘅粉絲,但聽完發言之後,竟然講到中國在七月一日後可以委任曾先生為出席世界財 經會議之中國代表喎。
境外聲望高,境內民望低,曾特首唔知會唔會嘆一聲香港人要求太高,還是香港人太着重政治上芝麻綠豆之八卦小事,對國際大事不 懂,根本沒興趣?點都好啦,美國競選有句名言: politics is always local,競選成敗絕少決定於候選人對國際外交政治之認識,而係取決於有冇工做,失業率有幾高以及醫療保險費是否太貴,當然仲有大量黑材料,候選人互揭 醜聞,傳媒挖掘三十年前「臭史」等等,情況比香港激烈得多,唐梁之爭與之比較,小兒科啦。
金融財經界人士大多挺唐,賓架 C本人話要保持中立,不評論任何政治人物啫,佢啲賓客有言論自由,在雞尾酒時間,幾乎係三句不離聽到挺唐之言,不過左丁山咁啱站在挺梁大將之旁,梗係醒目,唔講政治,只講是晚之 05年紅酒好飲啦!
此 晚碰上新城財經台有開台十一年之慶,在萬豪酒店擺下雄才宴,筵開數十席,左丁山分身乏術,只得老早走去萬豪參加酒會,企足一個鐘頭咁滯,然後再行去香港 會,再企成個鐘頭先至可以坐低,好彩仍然未腳軟,無耐就見賓架 M趕到,原來佢又係從萬豪趕番過嚟嘅,賓架 M話唔係唔俾面 B姐,不過賓架 C嫁女,點都要到場祝賀㗎啦,回頭一望, B姐之老闆在座,中環世界真細小。

賓架 架嫁 嫁女 左丁 丁山
PermaLink: https://articles.zkiz.com/?id=31338

聖心賓架 左丁山

2011-3-6  AD

大賓架 M為銀行宣佈 2011年業績會時,宣佈退休,因事先毫無徵兆,不少人聞訊愕然,猜猜度度,認為有內幕。呢日與賓架 M碰頭,賓架 M都唔知幾輕鬆,笑容滿面,左丁山問佢:「為銀行業績開心還是為即將退休開心?」賓架 M咭咭笑咁講:「同時為呢兩件事而開心得唔得啫?」
得到極 啦,做銀行 37年,人在高峯時退休,快慰何如,左丁山恨都恨唔到,賓架 M話:「嗱,為避免各方猜想,特別公開講,我到今年六月就滿六十歲,係集團嘅退休年齡,你地唔好胡亂猜想甚麼內幕。」講得啱吖,但在五月十一號以後接替賓 架 M嘅,係另一位女強人賓架 R,報紙標題:「 59歲換 59歲」,點解咁呀?賓架 M話明:「講個小秘密你聽,我同 R自少相識,我倆係聖心同班同學嚟㗎,佢又經驗豐富,由佢接班,十分理想,又難得佢肯接棒呢!」
哦,聖心書院真巴閉,本地大銀行連續兩任總裁都係 聖心校友,加埋陳方安生,三個足以做聖心生招牌,左丁山識得賓架 R之時,佢在中國部工作,不少與佢同年之「中國業務專家」已紛紛轉行或者退休,有佢咁嘅資歷嘅,熟悉中國業務嘅賓架,少之又少,數唔出三幾個,其中一個就 係賓架 D,又是女強人,當年在中國部與賓架 R做過同事,現長駐上海做中國區行長,年紀與賓架 M,賓架 R相若,點解佢唔退休呢?據悉係賓架 M知人善用,早已將賓架 D服務年期延至六十歲後,啱啦,將來呢間銀行嘅 CEO係中國專家,與賓架 D合作拓展中國業務,有雙劍合璧之效。
賓架 M與左丁山講完笑,即晚到快活谷馬場,希望可以拉頭馬,但隻馬只能快放跑到個亞軍,輸 W,條 Q一定中!賓架 M嘅良人係標準馬迷,與左丁山唔駛約會,每個星期都會在馬場碰頭,以後賓架 M咁得閒,唔知會唔會做跟得夫人與老公在馬場齊齊亮相呢?以佢嘅條件,過冷河後,必定有大把人向佢招手,如重出江湖,左丁山一啲都唔奇怪,不過要奉勸一 句:要嘆夠先呀!


聖心 賓架 左丁 丁山
PermaLink: https://articles.zkiz.com/?id=31754

賓架怕黑 左丁山

2012-03-25  AD

大賓架請去 IFC食壽司,欣然赴約。 IFC啲食肆真好生意,中午時分,見到幾間都有人龍排到出門口,各色人種齊集, IFC可能係香港最國際化嘅地方,唔淨止聽到英語,普通話或廣東話。
壽 司就無謂評論嘞,環境就非常好。左丁山醒起大賓架曾因雷曼事件俾人質詢到暈,眨眼間過咗四年,立法會雷曼小組委員會仍未能交出調查報告,而美國股市已創出 金融海嘯後新高,特登問大賓架:「假如今日你再被質詢,你會點樣答?」大賓架話:「我最近學到啲好嘢,記者或議員問我雷曼迷債有否害人,銀行點解銷售,銀 行職員有冇呃老人家嘅話,我會答:(一)我唔知,我唔清楚;(二)我間銀行咁大,我好難知道下屬與客戶談話嘅詳情;(三)我負責整個地區,前線銷售人員嘅 銷售手法我唔管得咁細緻!」
咦,乜咁醒目嘅,但答案好熟噃,未諗通,大賓架已經指住左丁山大笑,左丁山明白佢嘅意思,亦笑住講:「下次有立法會議 員請你到立法會答問,你夠唔夠膽講:我唔記得。我唔知。我間公司好大好多人呀?」大賓架伸一伸條脷出來,用筷子夾上燒牛脷:「食啦你,去到立法會咁樣講, 形同自殺!」唔係噃,或者有人做咗特首之後,到立法會出席答問大會又係用呢一招「我唔知,我唔記得,唔關我事呢。」
講番嚴肅事,大賓架話佢地行家 好擔心特首選情,行家不滿意唐生不及時為僭建案拆彈,但傳出梁營與上海仔嘅關係後,金融行家更加驚,梁營死士劉夢熊在金融界無地位無甚影響力,基本上無人 理會他,但佢在鏡頭前大讚「郭先生功在國家,何俊仁之流望塵莫及」之後,說明佢與「上海仔」嘅關係非比尋常,簡直係十分友好,否則邊會在北京公然公開為江 湖人物面上貼金嘅啫。觀其人,先觀其友,正是物以類聚,劉梁 friend過打 band,金融界商界選委怎能不生疑慮?賓架最討厭 uncertainty(不穩定性),大賓架話假如梁生上台確係幾令人疑慮重重。呢點左丁山明白嘅,挺梁人士中,諗唔到有邊幾位係金融界高手,可以為梁生 鎮住個場!


賓架 怕黑 左丁 丁山
PermaLink: https://articles.zkiz.com/?id=32102

正行賓架五不按


2013-02-28  NM  
 

 

魔鬼從來都在細節中,超人李拆售雍澄軒,是否如一眾炒家所諗咁筍,未摸清箇中細節條款,其實好難講。然而對正行出身之賓架而言,則肯定唔會幫呢鱓買家上會。何也?

在佢懐鈬講,有幾類物業係例必唔造按揭者。一為老人院。業主供唔起,銀行接管,咁班老人家點?叫佢懐鲻街呀?同樣道理,教堂、學校同埋醫院,佢懐亦依例唔按者,費事手尾長也。另一類惡搞物業就係雍澄軒咁鮋酒店。四年前寶哥哥間大寶號漏夜搵執達吏接管旺角漢普頓酒店,百幾名旅客直情好似唐唐咁講,獱住個ʒ通街吊吊揈。見過鬼,唔怕黑咩!

本週消費頂級泊車消費

睇見Wilson呢個熟口熟面鮋招牌,各位唔好以為呢個係香港鮋停車收費。呢個Wilson停車場鰠袋鼠邦雪尼,以呢個收費水平,坐低飲杯咖啡個零兩個鐘,盛惠五十五蚊澳紙;即係港銀四百四十蚊。睇纒以後仲有邊個敢complain中環停車費貴鮍!

本週圖片是敵也是友

上週三午後,小宗撞到ṃ房波陳茂波(右)同范太范徐麗泰(左),鰠置地廣場樓上鮋銀行家會所撐完䒷腳,落樓後仍交頭接耳,雞啄唔斷。早前范太多次公開批評兼揶揄特首梁振英,轉頭又同ṃ房波開飯。難怪有道政治圈子,沒有真正鮋朋友,也沒有真正鮋敵人也。

糧油大王自製《通勝》

上週五,鰠中華總商會春節酒會上,有「糧油大王」之稱鮋港九罐頭洋酒伙食行商會副主席李廣林滿場「飛」,見人就送上一本自家編制鮋《通勝》。原來佢自學風水已久,總共編寫過四十本《通勝》,靠每日寫少少,結集成書,今年印鰦過萬本來派街坊。打開佢本《通勝》,除了有二十四個節氣,每日宜忌事項外,仲加入西洋相命術、養生保健法,連如何選擇食用油都有,夠晒實用!不過,李生話睇《通勝》最緊要係幅春牛圖。今年係蛇年,牽牛鮋牧童無著鞋,代表雨水多,即係香港經濟唔會好差咁話。風水鮋№,信不信由你,但「糧油大王」預計今年糧油、罐頭等加幅大約百分之二、三,呢樣就一定要信佢啦!

黃坤細狗惹「官非」

講到風水,東方明珠石油(632)真係要搵個高人睇睇。其公司主席、人稱大廚坤的黃煜坤(別名黃坤),以及副主席劉夢熊先後被廉署請去飲咖啡,Dream Bear更證實被捕。但原來咁都未夠黑仔。小宗收到風,住鰠山頂和福道大宅鮋大廚坤,兩隻愛犬早前同鄰居鰟隻十幾歲鮋短毛狗哥基發生「口角」,懷疑太惡嚇親隻哥基,搞到鄰居報警。警察同漁護署人員齊齊上門,大廚坤太座惟有講句:「對唔住……囉!」因為無咬親人,漁護署職員淨係開鰦「File」,大廚坤隻狗隨時要「軟禁」鰠屋企。主人當黑,連隻狗都無運行也。

Give me a break減壓救兵

中環人壓力大,鰠蒲點蘭桂坊附近,唔少足浴店應運而生。其中一間名為迎足,有唔少西裝骨骨鮋上班族去幫襯,老闆Vincent話:「有鱓客會鰠lunch time上鈬,食住飯盒做按摩。」迎足主打中式按摩,亦有批腳皮及人手淋巴排毒等服務,每節五十分鐘,收費由二百元至四百五十元不等,買套票有八折。「大部分客人都係按膊頭加按腳,可能著得多高辳鞋,唔少OL做批腳皮。」Vincent指亦有城中名人來幫襯,包括夜場Volar老闆、明星廖碧兒及王菀之等。Vincent仲話唔知係咪因為上星期股市急挫,有個鰠附近返工鮋客仔話壓力大搞到好頭痛,lunch即刻上鈬按鰦三十分鐘頭。據他觀察,平日中午上鈬鮋客人都好緊張咁望住電腦睇資料,但按按纒就會鲻覑。夜晚鮋客就會放鬆鱓,往往都三五成群地把酒談天,由股市講到女人。唔好以為中環人好闊佬,Vincent話一般客仔鮋貼士都係廿蚊到四十蚊,要賺錢,都係密鱓來快鱓手最實際。

金牙大狀講№盛事基金資助佔領中環?

港大戴耀廷教授鼓吹發動一萬人佔領中環,藉此「敦促」有關當局交出個合乎普世普選定義之雙普選方案。唔知係有心定無意,戴教授所講之一萬人剛飱符合盛事基金之資助條件,即是:(i)具有相當規模。參與總人數(包括參與者、觀眾和記者)應至少達10,000人;(ii)包含非本地元素,並應有來自內地及海外人士參與;以及(iii)公開讓本港市民參與。佔領中環行動如果搞得成,又豈止係本地之盛事而已?呢個肯定係中國以至全世界之盛事。咁盛事基金資助其事,又豈不應該?有盛事基金之經濟支援,戴教授肯定可以將佔領中環搞得更加有聲有色,咁豈不好過俾錢搞足球賽激親班買唔到靚位飛鮋球迷!

正行 賓架 架五 五不 不按
PermaLink: https://articles.zkiz.com/?id=52036

紅底賓架同學會

2014-01-02  NM
 
 

 

上星期有傳聞話,689想用史美倫頂替即將滿約嘅「攞命陳」,掌管金融管理局。689想喺金管局插旗,已經係公開嘅秘密,唔係就唔會一上台就全力「打造」金發局呢個金融怪胎嚟拑制金管局。

而由史美倫主理嘅金發局,眾所周知,背景十分根正苗紅,但估唔到成員其中四人,均來自一個叫香港中國金融協會嘅機構。呢四個成員包括史美倫、光大控股(165)行政總裁陳爽,招商局集團前主席秦曉及中銀國際英國保誠資產管理董事長謝湧海。此協會源自「中國高等院校香港校友會聯合會」,只要曾喺內地讀過書或做過嘢,喺金融行業搵食,獲主席團推薦,交埋一千蚊會費,就可做創會會員。 呀,咁就做會員?會唔會濫咗啲!689係呢個同學會嘅首席名譽贊助人,即「金主」。當年公布參選特首後,689第一場競選演說亦喺呢個同學會舉行。今年十一月,金發局發表首批研究報告,呢個中國同學會即日發稿表示歡迎。呢個紅底賓架同學會,玩玩吓竟變咗金發局「雛形」。一群紅底賓架加上一個思歪689,絕對有能力令香港變成無掩雞籠,大家要識睇路噃!

富貴教會掃9伙維景

當個個掛住留意新樓市場時,就有教會喺二手市場靜靜雞大手入貨,一個月內花達一億零八百萬,豪掃十九伙將軍澳維景灣畔。翻查土地註冊處資料,大手入貨嘅係守望台聖經書社(Watch Tower Bible and Tract Society of Pennsylvania),係一個總部設喺美國紐約市布魯克林嘅基督教團體。根據網頁顯示,守望台聖經書社喺世界各地都設有支部,香港嘅就喺觀塘鴻圖道。連同買家印花稅(BSD)及雙倍印花稅(DSD)計算,估計呢個富貴教會買樓使咗一億三千萬。 據區內代理透露,估計呢批以兩房為主嘅單位唔係由單一業主放售,亦都未見該批單位喺放租市場出現,估計係教會作員工宿舍用途;似乎教會之財力,不可小覷。

橋唔怕舊之II

三個月前太子鉅龍酒家嘅老闆吳伯恩(恩記),收到隻玳瑁,即刻打去報館報料,引來全城哄動,仲上埋報紙頭版。上咗報幾日,鉅龍日日有人圍觀,生意因為咁仲多到爆添!最近恩記同小宗講,諗住喺過年前,同報館合作,送出三十個龍躉盆菜俾老人家,希望個個有魚有肉。個盆菜有龍躉、瑤柱等,每個值二千多元;不過相對成本,宣傳效果之大,可謂一舉兩得!本身喺長沙灣賣魚嘅恩記,一向 多「搶鏡」招數;有「龍躉大王」之稱嘅佢,早年不斷放生巨型龍躉做善事,佢亦由賣龍躉變全港最大海鮮批發商、再喺太子開酒樓,上環開分店,最近仲以三千萬元購入太子兩個鋪面,開多一間!正所謂「橋唔怕舊,最緊要受」,抵佢發!

石獅保平安

上兩期小宗同大家玩遊戲,數吓中環一共有幾多隻吉祥獸。唔數猶自可,數落先發覺中環吉祥獸勁多花款。上星期,小宗就介紹咗喺盤谷銀行門口嘅迦樓羅,今期就介紹吓畢打行同華人行門口嘅兩對吉祥獸;兩座大廈都唔係銀行,但一樣放神獸。雖然佢哋嘅形態唔同,不過原來都係獅子嚟。風水師吳佩孚師傅話:「呢啲石獅都係用嚟鎮煞,擋住門外馬路而來嘅煞氣,保人平安。」

壹計就明:有前無後小心撻親

本欄找來有二十多年經驗的資深會計師林智遠及鄔碩晉,每期踢爆一間上市公司的會計陷阱,股民入市前睇清睇楚,一計就明。

生產電子產品的愛高 (328),近日發布了中期業績。半年營業額上升9.3%至10.7億(港元、下同),業績卻如去年一樣錄得虧損,兼蝕多至3,500萬,每股虧損6.1仙。可是管理層仍表現出信心,向股東派發每股3仙的中期息。實際上,愛高去年的全年業績,最終錄得5,800萬盈利,每股盈利達10.1仙,中期虧損也許屬季節性現象。若細閱這年度的營運及流動資產數據,倒會感受愛高面對相當嚴峻的境況。首先是毛利率由8.7%減少至4.6%,即下跌4.1個百分點,幾近一半。營業額上升的9.3%,盈利並無增加,也反映市場競爭相當激烈。愛高爭取市場佔有率的同時,其流動資產的質素,似乎更令人擔心。在短短的六個月,愛高的應收貿易賬款由4.9億上升至7.9億,存貨更是由3.2億上升至7.5億。兩個項目共積壓15.4億的資金,比半年的營業額10.7億還要高。以周轉期看,應收貿易賬款是135天,存貨是134天,回收速度並不快,營運現金淨流出5.5億,比虧損金額高出很多。去年同期,愛高的應收貿易賬款周轉期是136天,存貨是97天,營運現金淨流出4400萬。比對兩個年度財務數據,便明白單看損益表的虧損金額並不夠全面。存貨周轉期急劇上升,其實是很大的啟示。就電子行業而言,產品周期短,風險便更高。過高的存貨水平,容易帶來減值的需要,直接影響盈利水平。現代的財務管理,主要是流動資產的管理。管理層過分自信,準備過多毛利率不高的存貨,往往是危多於機。

紅底 底賓 賓架 同學會 同學
PermaLink: https://articles.zkiz.com/?id=86993

財顧出事 賓架物傷其類鬥八卦

1 : GS(14)@2010-09-02 21:21:00

2010-9-2 HT

撰文:蘇麗珍
欄名:投資博客

昨日傍晚,麗珍在GYM做完運動,正盤算晚飯食甚麼時,收到年輕賓架電話,想問昨日關於廉政公署調查一間上市公司的案件,之後接連又收到好幾個賓架及財務顧問的來電和SMS,都是問同一件事。

不過,大家不要以為賓架和財顧們有興趣關於上市公司的事件。由於報章連日都刊登關於中青基業(01182)辦公室被廉署搜查事件,加上兩大股東之間爭拗多時,證券界中人都大概對公司有一定了解。但因為廉署聲明中,講到被拘捕的5名人士,包括一名財務顧問,他們只是關心,究竟是哪一位行家出事?

不過打份工 倘被定罪難操故業

麗珍雖然為人八卦,但可惜今次真是收不到風。不過,但就幾明白賓架們物傷其類的舉動,皆因今時不同往日,雖然向來做企業融資或投資銀行,社會地位相當高,但近年全球趨勢,對打擊包括上市公司詐騙等白領罪行絕不手軟,賓架財顧鎯鐺入獄情況並不罕見。

以前曾經有從事企業融資的朋友話過,自己只是打份工,有時上市公司老闆想搞財技賺錢,為求招呼老闆,身為財顧的自然要度蹺獻計,當中難免會在一些灰色地帶游走。但最終最大得益者,一定是上市公司老闆,財顧最多都只是賺一筆費用。但有事出現時,同樣有機會被控串謀。老闆大把身家,放監後還可繼續歎世界甚至東山再起,但財顧一被定罪,恐怕終身都無法重返證券界。
財顧 出事 賓架 架物 物傷 傷其 其類 類鬥 八卦
PermaLink: https://articles.zkiz.com/?id=270591

胡孟青:賓架眼中的口水族

1 : GS(14)@2012-04-10 22:36:04

http://www.sharpdaily.hk/article/index/15307/20120410/76144

甫踏入第二季,又係財經記者朋友們忙着搜羅城中一眾口水族對今季港股看法的時候,香港股民未必都是香港人,但較之連誰掌管自己民生福祉的選擇權也欠缺的港人,不見得幸福多少;在如此一個道高一呎魔高一丈、充滿肆無忌憚人為操縱的股市,當連一眾被神化了的人,繼續被中資民企玩殘就知,搞什麼大大小小預測指數扮其大預言家,結果都可能得啖笑。既然有斷估、無痛苦,股係死、人係生,有唔妥,就即閃為上策,說穿了,我們都是政客玩弄權術以保江山的棋子。
現在看上市公司,都係有得見就見,冇得見就睇數簿,以大部份上市公司去年上半年之高基數及下半年之經營面貌去猜中期業績,只可一言以蔽之,就係吾不欲觀之。
不計讀大學前在銀行押滙部的兩載耕耘,在業內牽涉股滙債的不同崗位已廿載,一向尊重自己的工作,堅持不怕捱窮仍拒絕淪為打手,只因不擔心被口水界行家孤立,反而怕被更高層次的行家們鄙視,甚至擔心害了股蟻輸錢者有報應。口水界自命獨立的老前輩質疑,何解小女子會對口水界諸多微言,近乎對立面,只因早幾年甫回歸大銀行之際,近距離接觸不少賓架、與處於企業財務最上游、包括一眾包辦IPO及配股的專業人士及真正的分析員口中,理解到他們如何看口水界中某些人的行為,是何等的天花亂墜與無知,雖然大家明白有人要開飯搵食,但總也不必去到助紂為虐、當小股民係羊牯吧!當然明白,假如真的堅過石堅,對象就早已不止於無知小股蟻啦!
偏離正道的變本加厲,近幾年更本末倒置得到近乎極端的地步,只顧publicity不顧content,當仍有選擇權可站在對岸,難道仍要同流合污嗎?對於賓架們對口水佬之鄙視,還望對方不要因少數害群之馬而一竹篙打殘一船人,但聚會上、言談間,總會有間中看看公仔箱者問及,何解有些男的總是姿姿整整、恆常送個三七側面,永遠唔肯正正經經對準鏡頭,是否頸肩病患?(此問題來自一位醫生);有些女的裝容勁濃、濃得化不開的濃,難道下一站要拍攝「情陷夜中環」?(此問題來自一位美容達人)只想回應,大部份行內口水界中人仍是正常的,愛美不是罪,尤其正值求偶期者,當然,觀眾聽眾打開公仔箱、扭開收音機,不是要睇靚人靚景,而是要真正的真知卓見。搞到得番個look,隨時淪為轉移視線技倆,卻原來已被一眼看穿。

胡孟青
獨立股評人
胡孟 孟青 賓架 眼中 口水
PermaLink: https://articles.zkiz.com/?id=278720

胡孟青:賓架一句定江山

1 : GS(14)@2012-06-23 13:05:15

http://www.sharpdaily.hk/article/fin/20120622/104461
買沽有時,進退也有時,股市亦然,當投資者信心毀於一旦,當核心價值被抽乾,想翻身就難過登天。金融市場中人,辛苦經營個人市場價值與地位也非一朝一夕,但齋缽卻可一夜間打碎。被視為大染缸的演藝界,前人對後輩每每以「珍惜羽毛」勸勉;錢銀利益轇轕更千絲萬縷的金融界,就更是腐敗容易好人難做,扮正義更會被功利主義者視為食古不化。懂鑽研灰色地帶,縱被戲謔為雜食動物,又有甚麼大不了!最怕反而係食物中毒。
做得大銀行賓架,還要手握放款權,自然朋友遍天下,過時過節禮物樣樣齊,但禮下於人必有所求,只看受禮者利用價值幾何。曾幾何時,貸存業務絕對係銀行的Bread and Butter,俗語有話銀行係「落雨收遮」的行業,基於防範風險角度,越水緊越冇還款能力者,融資自然越困難;但胡總話齋,只要信心不滑坡,辦法總比困難多,賓架話得事,肯通融通融,企業因有及時雨成功續命再把業務發揚光大,賓架也功德無量,幾多本地大企業之所以能有今天成就,也有賴銀行資金支持,話說大銀行內流行一句來自雜食賓架審批貸款的慣用金句:「I know this customer」,來作為批核准許放款的理據,同事們每次提及都忍唔住笑。原來審批貸款可以好簡單直接,只是相關貸款後來的壞賬率統計數字,就很難說得清楚。
胡孟青
獨立股評人
胡孟 孟青 賓架 架一 一句 句定 江山
PermaLink: https://articles.zkiz.com/?id=279933

中環在線:CY悶親賓架 台上搞爛gag 台下玩手機

1 : GS(14)@2013-07-19 00:35:26

http://hk.apple.nextmedia.com/financeestate/art/20130718/18338821

                大家成日話CY喺商界冇朋友,喺銀行界似乎都係差唔多。CY噚日出席香港銀行公會卓越人士午宴,擔任主講嘉賓,佢講咗約15分鐘,期間,在場唔少賓架唔客氣咁做低頭族,一到答問環節更靜晒,十幾秒後先有三、四位賓架畀面提問,令場面冇咁尷尬。

阿媽係女人嘅開場白

                                    CY可能想演講氣氛輕鬆啲,劈頭就話自己係銀行客戶(請問家陣有幾多人會將錢放喺床下底呢?),一直有存款,存款仲係佢主要嘅流動資產,所得嘅回報好低咁話。呢個阿媽係女人嘅開頭,難得在場賓架識得笑,佢哋心裏面其實係咪笑CY唔做較高息嘅人仔定期呢?
CY又講,細路仔嗰陣會幫阿媽去銀行交電費喎,可惜,現場賓架好似對佢講嘢冇乜興趣,好多人低頭玩手機,或者係有急趕公務要處理啩。其實都明白嘅,CY不停講中港金融合作、喺內地開支行同人民幣業務,呢堆資料,賓架倒轉背都背得出啦。
臨尾佢又推銷金融發展局,專登提起金發局上周搞前海論壇,話係為在座賓架而搞㗎,至於金發局有乜大計,佢就話要等報告出籠先知。講開金發局,市場曾經盛傳,金發局想搶金管局嘅嘢去做,金管局總裁陳德霖噚日正好坐喺CY隔籬,唔知兩位有冇冰釋前嫌呢?
中環 在線 CY 悶親 親賓 賓架 臺上 上搞 搞爛 gag 臺下 下玩 手機
PermaLink: https://articles.zkiz.com/?id=283482

多賓架揸粉嶺球會會籍 柯清輝 陳子政 撐保留高球場

1 : GS(14)@2013-07-23 00:17:12

http://hk.apple.nextmedia.com/financeestate/art/20130722/18344070


                已退休銀行家兼思捷環球(330)主席柯清輝更說,社會對住屋需求毋容置疑,但「如果冚辦爛(所有地皮)都用嚟起樓,香港第時都唔知似乜!」



任志剛王冬勝持有會籍

                粉嶺高球會現有二千多名公司及私人會籍中,除城中富豪權貴,不乏在社會階梯成功上游的打工才俊。據悉,享有私人會籍的金融界,除柯清輝外,有金管局前總裁任志剛、花旗香港前行長陳子政、恒生銀行(011)前一姐梁高美懿;公司會籍則有滙豐亞太行政總裁王冬勝,及渣打銀行(香港)行政總裁洪丕正等。
人稱「柯大俠」的柯清輝,仍經常到粉嶺高球會打波,他亦出任該會於10月初,每年一度大型慈善籌款比賽的籌委會成員。
對於建屋是否應優於保留球場?他接受訪問時說,「老老實實,我絕對唔相信香港唔夠地(起樓)」,關鍵是規劃、程序及需時問題,如何由「生地變熟地」。社會有很多不同聲音,但他相信政府「會識得諗」,「樣樣發展一定要講平衡」,他指的平衡,是香港作為國際都會,不應遜於鄰近金融中心如獅城等,都會設施配套要足夠,才可吸引人才留底。

陳子政:拆球場如拆古蹟

                起樓要緊,但他說「亦需要公園呀、網球場地、高球場、馬會同其他會所……(若果)無國際學校又無康體設施,唔通乜(地)都要嚟起樓?咁香港咪係石屎森林?」假設粉嶺球會真的改為住宅,「到時拆,咁多百年老樹,又會有環保團抗議……搬去大嶼山有其他保育團體又反對……」
從公司到個人會籍,陳子政與粉嶺高球會已結下廿年會籍情緣。他語重心長說,「喺目前政治氣候」,絕對明白公眾對住房短缺下的社會訴求,亦理解外界對支持球場存在論的會員,總會有「你哋自己富貴,又係會員梗係捍衞既有利益」的感覺。
他強調自己不是從階級利益分析,乃以宏觀發展及香港長遠利益看待問題,「一個好嘅社會要各方面平衡……唔好針對性,否則香港未來好大劑,希望各界及政府決策者可以理智解決……若果因過去十年,香港房屋政策失誤,要摧毀一個咁有歷史價值,有國際級數同市場需要嘅設施,會覺得好可惜……」。
若只從單一角度考慮問題,陳子政認為,拆球場與拆卸佔地不菲的古蹟文物,起樓建房,邏輯上並無分別。粉嶺是亞洲數一數二享負盛名的高球會,雖因爭拗,市傳近期會籍跌價,且儘管二手市場有價無市,但他說會籍被炒高至1,500萬至2,000萬,仍是新加坡的1/5,足見供求不對稱,「香港而家唔係話有3、5個(合規國際級球場),只得粉嶺一個!」

黃遠輝:非有你無我

                長策會成員黃遠輝,昔日任職渣打時亦持有公司會籍,退休後則因輪候太久,沒有申請粉嶺個人會籍。他認同整體城市規劃,要平衡住房及國際大都會商務發展需要,若只看參與運動的人數多寡,對比可建公屋單位數量,便將全部用地「傾斜」住房,特別是公屋建設,亦非對香港長遠福祉有利。
他指球場去留,不應跟取代新界東北發展計劃與否,混為一談,兩者並非「有你無我」,亦同時存在保育問題的挑戰。高球會去向,他表示各界需持續溝通,尋求共識,亦應以尊重球場租約至2020年才結束的大前題洽商。
2 : GS(14)@2013-07-23 00:17:25

http://hk.apple.nextmedia.com/financeestate/art/20130722/18344074
【10.6舉行】
佔地170公頃的粉嶺高爾夫球會,已有百年歷史,該會每年都會舉辦一次大型慈善籌款賽,由城中名人金融才俊組隊,打波兼打牙骹戰,募集善款則捐贈予球會附近、粉嶺上水一帶的安老院或社福機構。儘管近期面對一片去留的爭議聲,但仍無損球會慈善賽如期在10月6日舉行的大計。
籌委會成員之一的柯清輝表示,「慈善盃好出名,好耐歷史,搞咗幾十年……幫附近啲老人院、福利機構慈善籌款」。
據了解,去年慈善賽籌得善款達224萬元,受惠團體包括佛教寶靜護理安老院、北區醫院、協康會、上水少年警訊等;曾贊助慈善賽的企業,多為本地大藍籌、金融機構,包括滙豐、渣打、新鴻基地產(016)、新世界(017)、中信泰富(267)、伯爵錶等。
粉嶺高球會地位,所以別樹一幟,與該場地是職業高球賽重點賽事──歐洲巡迴賽的分站場地之一有關。黃遠輝說,由於歐巡賽計分,故很多世界頂級職業球手,都會在粉嶺作賽。
多年來,球場內保留了逾百座原居民留下祖墳,他笑說,「間中打波時會碰上村民拜山,亦遇過有村民祭祖時灑溪錢嘅情況……不過最終傾過後亦可以擺平」,足見一切問題,最重要「都係溝通」。
多賓 賓架 粉嶺 嶺球 會會 清輝 陳子 子政 保留 球場
PermaLink: https://articles.zkiz.com/?id=283553

中環在線:中環賓架飯堂 艾未未「陪食」

1 : GS(14)@2013-10-30 11:22:06

http://hk.apple.nextmedia.com/financeestate/art/20131030/18485170

新世界發展(017)主席鄭家純(純官)嘅女婿龐建貽跟朋友喺中環開設嘅都爹利會館,以藝術與中菜結合做賣點,開業幾個月已經成為唔少投行賓架嘅聚腳點,新近佢哋搵來內地維權藝術家艾未未策展,邀請13位香港藝術家展覽佢哋嘅作品。
艾未未唔只係一位藝術家,已經成為一個icon。據聞,都爹利會館另一位老闆Alan以往多次喺其他藝術展覽遇到艾未未,後來索性邀請對方合作,策劃今次展覽,展期由下月5日至明年2月15日。


邀13藝術家合作

可惜,展覽唔會見到艾未未本人,亦唔係展出艾未未嘅作品,佢係搵咗13位香港藝術家合作,展出對方嘅作品進行視覺對話,個別作品就會見到艾未未。佢本人唔到,但係就會錄條片到時播放,講解策劃今次展覽嘅原因,同埋想表達乜嘢訊息。
中環 在線 賓架 飯堂 艾未 未未 陪食
PermaLink: https://articles.zkiz.com/?id=284058

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019