ZKIZ Archives


最佳領隊費格遜 左丁山


2011-5-13 AD




 

星期日捱夜睇 波,英超今季全季最重要一場大戰,關乎冠軍誰屬,就是曼聯主場迎戰車路士。車仔如果贏波,雙方分數相同,餘下要看最後兩場邊個跣腳,就前功盡廢。咁緊要, 車仔應該全力以赴啩?點知令人大失所望,車仔球星踢來有神冇氣,活力不足,速度欠奉,曼聯兩翼華倫西亞與朴智星已搞到車仔中場失守,後防大亂。車仔領隊安 察洛堤係老經驗嘅著名教練,上季初到英倫,就帶領車仔攞冠軍,但今季唔知點解,冇晒料到,淨係睇呢場,費格遜爵士嘅排陣,戰術,賽前打氣,全部贏晒,安察 洛堤好似六神無主咁,完全冇新方法去扭轉曼聯上半場領先二比零嘅局面,明明大落後,下半場仲要更換兩名防守球員,遲遲唔換出今仗冇厘用嘅卡奴,睇怕係佢自 己都冇咗鬥志。

曼聯今季力壓車路士、阿仙奴、曼城、利物浦、熱刺五大球會,費格遜居功至偉,利物浦開壞頭,季初就內亂,球星與鶴臣唔夾,換 過杜格利殊之後,已落後太遠;熱刺嘅龍門水皮,四位中堅輪流受傷,一早唔係冠軍相;曼城領隊文仙尼空有一堆球星,但目標太細,唔敢爭前二,只願保住第四 名,對住強隊就大打防守戰,唔敢攻,無志氣到極;阿仙奴又係死在守門員與中堅,後防往往抵受不住壓力,輸畀西布朗、保頓及領先紐卡素四球而被追和,三場痛 失七分,簡直莫名其妙。阿仙奴領隊雲格好則好矣,弊在迷信年青球員兼唔及早買入穩陣防守球員,全隊年青得滯,演出反覆,無法保持水準,以致時好時劣,車路 士就剛好相反,球員平均年紀大,主將全部三十二歲左右,在漫長球季之中,難以保持活力,例如對曼聯呢場生死戰,竟然無法攔截華倫西亞與小扁豆。費格遜爵士 就唔同,夠膽起用年青小扁豆,棄用大牌兼身價高嘅射手貝碧托夫,後防有施華兄弟,中場安達臣等年青人,同時又重用老將噃,四十歲嘅鋼門雲達沙,三十七歲嘅 老來嬌傑斯,仲有最佳中堅組合費迪南與維迪,可見費格遜在經驗與活力之間,取得最佳平衡,其眼光與視野高出雲格一皮,應該係英國近三十年來最佳領隊。


最佳 領隊 費格遜 費格 左丁 丁山
PermaLink: https://articles.zkiz.com/?id=24972

向費格遜學習 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130513/18257595

曼聯領隊費格遜爵士取得今屆英超冠軍(第十三次)後,對記者發表講話,全無退休之意,但喺上星期四就突然宣佈退休,即時轟動,豈止國際球壇注意,英國首相金馬倫都要立即為此發言,金融時報將新聞放上頭版,曼聯股價在紐約交易時間初段跌咗4.8%。一位足球教練兼領隊辭職或退休,閒過立秋啦,但費格遜爵士係特殊人物中之特殊人物,佢在任二十七年後(自1986年起計),離開曼聯,升上董事局,就係世界性新聞。
歐美各國之大型球賽,每個球季結束前後,都有球會領隊被炒魷或辭職,強如摩連奴,十年來已在車路士、國際米蘭、皇家馬德里三家巨型球會浮游,雖則屢獲冠軍獎牌,始終唔能夠大聲講:「呢間球會由我打造。」費格遜爵士就有資格講啦,自一九八六年起,佢就不斷打造曼聯,不斷轉型,年年成為英超前四名強隊,邊個要攞冠軍,總要問過費格遜先,能夠將一隊球隊推上高峯唔算太難,但將皇朝維持起碼二十年,就係體壇奇跡,過程中需要(一)交出好成績,令董事會信任,(二)不斷發掘培養青訓新星,同眼光銳利,在轉會市場買入球星而唔會入錯貨,(三)長期維持一眾球星嘅鬥志,不會鬆懈,(四)操控球星自如,不被超級球星操控,敢膽踢走或在適當時候賣走超級球星而不損害戰鬥力。
試比較阿仙奴嘅雲格,雲格地位牢不可破,但阿仙奴這八年交白卷,無力爭冠,主因就係雲格不懂留用舊人,唯利是圖,在球員廿七八歲巔峯時就將佢地賣走,例如韋拉、肯利、費比加斯,但補入之新貨,好多貨不對辦,守門員與中堅最差,反映出雲格買球員功力比費格遜差幾皮。費格遜可以留用三十幾歲嘅史高斯、傑斯,趕走碧咸,買入卡力克,任用十九歲二十歲嘅拉菲爾、菲臘鍾斯嗰份眼光與膽識,英超無人能及,大企業管理其實可以向費格遜偷師,留用老經驗人才,向外挖角聘請一流人物,兼且大膽擢升有潛質有前途新人。假如呢套運用得宜,企業可以長期保持朝氣、競爭力,那怕時間考驗。

費格遜 費格 學習 左丁 丁山
PermaLink: https://articles.zkiz.com/?id=55854

費格遜管理學 RaymondJook祝振駒

http://blog.sina.com.cn/s/blog_7f6402970101gq4h.html
曼聯前領隊費格遜(Sir AlexFerguson)的第二本自傳將於10月24日正式發行(於1999年發行第一本)。被稱為英國足球壇歷史上最成功領隊,媒體認為他長達26年半的功績,應該是前無古人,後無來者。而他的足球管理哲學已被哈佛商學院編輯成為硏究個案。

八大要素成就球壇傳奇
總結費氏的曼聯偉績,可歸納成八大成功要素:
1)由基礎做起。由第一天當曼聯領隊開始,已專注由基層開始建立足球會。建立團隊一般需要超過四年時間,基礎一建好,將會為球會帶來隱定與連貫性。
2)敢於重建球隊。球隊由3個年齡層組成:30歲以上,23至30歲,23歲以下。年青球員因能參照年長球員的高標準而獲益。成功球隊週期通常為4年左右,之後必須有所改變。有遠見的領隊預先計劃,果斷地將快老化和走下坡的球員更換。
3)定下高標準,要求各人尊守。由建立球隊,球隊準備及鼓勵說話,以至戰術討論,一切均須維持最高標準,並灌輸永不放棄文化。提高期望,驅使球員孜孜不倦地進步。
4)從不下放控制權。無人可強過領隊,永遠不能容許球員控制領隊,包括訓練,假期,紀律,戰略等等。假若有個別球員影響球隊士氣或表演,必須要把他除掉。假如領隊無控制權,其職位必不長久。
5)即時傳達訊息。應鼓勵時即立刻鼓勵,應批評時即立刻批評,指出錯誤。對球員的說話必須有影響力,需建立球隊期望,球員自信及互信。領隊需扮演醫生,老師或者父親等不同角式。
6)時常準備求勝。要求勝利是必然的,無他選擇。就算隊中多名最重要球員受傷,仍需期望勝利。假設在球賽末段仍然落後,必須準備冒險求勝,如換入更多進攻球員。球隊必須有堅忍力,永不言敗的性格。
7)利用觀察。觀察是費氏管理的最終部份。將日常帶領操練一職交出後,費氏不單止沒有因而失去控制力,反而有更多時間觀察球員,幫助他作出適當客觀決定。
8)永不停止適應。最初當領隊時,沒有球員經理人,電視媒體還未將球員吹捧成荷里活電影名星,運動科學也還未大行其道。現今英超由外國班主如俄羅斯及中東等進駐,並大灑金錢擴軍以換取即時成功,因而大大增加了領隊壓力。要成功,就要不斷調整,適應新環境帶來的挑戰。

薪酬開支主導球隊成績
除管理能力外,球會財力是決定球隊成功的最重要因素。≪Soccernomics≫一書作出了有趣的分析。根據過往比賽數據,作者認為,聯賽排名與球員薪酬開支有極大關係,但與轉會費開支的關係卻極輕微。例如由前領隊候利亞(GerardHoullier)及賓尼迪斯(RafaelBenitez)帶領的利物蒲期間,其轉會費開支為英超之表表者(2005至2009年間開支比車路士更高),但他們卻從未贏取聯賽冠軍。後者領軍的6年間(2004-2010年)共浄花費1.22億英磅在轉會費上,相對同期曼聯淨支出只有2,700萬英磅,阿仙奴更浄收入達2,700萬磅。付出高昂轉會費卻不能帶來相應成績,皆因領隊高價買錯不合適球員,令球會財政惡化及虧損,失去競爭力。付高薪留住有表現者反而能帶來更高勝算。1998至2007年間,曼聯是全英超薪酬開支第二最高的球隊,只緊次於車路士。
費格遜 費格 管理學 管理 RaymondJook 祝振 振駒
PermaLink: https://articles.zkiz.com/?id=75486

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019