ZKIZ Archives


宏霸狂升跟買唔易 中環在線:陳振聰身家兩日漲10億 李華華


2008-02-21 AppleDaily


 

風 水佬或者呃你十年八年,之但係,爭奪已故華懋集團主席龔如心千億遺產嘅神秘風水師陳振聰,佢隻宏霸數碼(802)嚟香江掛牌只係兩日,就冇花冇假帶挈捧場 客進賬萬金,繼前日升咗四成八,噚日更逆市喪升,高峯時有兩倍之多,令股民睇到眼凸凸,臨尾埋單都仲升1.3倍,收報23蚊,榮膺升幅榜首,市值高達 53.4億元,巴閉過藍籌股中信泰富(267)。

 

 

軍師朱偉民執三億

忽然高調嘅陳振聰,揸住 宏霸6200萬股,噚日副身家就進賬咗8.2億銀,若果以首日開市價6.61蚊計,兩日賬面賺咗10億銀,真係好搵過睇風水。被稱為陳振聰軍師嘅宏霸主席 兼行政總裁朱偉民,手執1830萬股,前後都增值咗3億銀。至於陳振聰兩兄弟舊年入主嘅環球工程(8192),噚日都踢高咗12.8%。單遺產官司將會喺 4月開審,兩隻股仔走勢,未知點樣配合事態發展呢?睇番宏霸交投,噚日都係一兩千股細細注為主,唔知係咪貨源歸邊,捧場客出價都好進取,股價突破咗廿蚊 後,5毫又5毫咁砌上去,想搭順風車都唔係咁易o架。若然你有過人膽識兼驚人判斷力,幸運喺首日低位跟手買入一手1000股宏霸,又喺最高位30蚊放咗, 華華除咗寫個「服」字,亦恭喜你喺24小時內賺咗兩萬三蚊。之不過,宏霸前日淨係錄得149宗成交,每單平均size只有3000幾股,噚日成交增加到 953宗,但平均size降至1500股,相信有錢賺嘅人寥寥可數。李華華LiWaWa@AppleDaily.com
 
宏霸 狂升 跟買 買唔 唔易 中環 在線 陳振 振聰 身家 兩日 日漲 10 華華
PermaLink: https://articles.zkiz.com/?id=5783

買唔到樓 炒家狂買車位實錄

2010-11-04  NM




樓市大升,大批香港人辛辛苦苦儲首期欲買樓上車,可惜仍趕不及樓價升幅,置業夢遙遙無期。面對銀紙貶值,不少人遂改變策略,變陣炒賣車位,今年車位成交量勢創回歸後新高。

炒車位者包含不同階層,其中有樓蟹師奶,亦有區議員一炮過以近千萬元,大手掃入九龍塘多個死場車位。師奶上車

近來車位炒到㷫烚烚,根據土地註冊處資料,今年首三季,純車位買賣已錄得六千一百多宗,創回歸後的新高。

四十五歲的葉杏桃,去年開始在屯門及粉嶺炒車位,至今一直有贏冇輸,每次轉手賺數萬元便火速離場,累積賺了近廿萬元,她的投資格言是「最緊要唔蝕。」

原來她有重大陰影,九七年與丈夫以二百八十四萬元,買入火炭銀禧花園六百多呎單位,即遇上金融風暴,樓價插水式下跌,「樓市呢幾年升咗咁多,我層樓仲差十八萬先返到家鄉,陰功。」

當時任職高級內衣店售貨員的她,跟做領隊的丈夫,月入合共三萬多元,惟樓按息口一度高達十釐,每月供樓兩萬元,令她倆甚為吃力。即使獨生女考進了私校,亦 無力負擔改讀津校,還要將代步的車賤賣減省開支,至愛的娛樂打麻雀亦無奈放棄,「供樓頭嗰十年,我真係冇打過牌同去過旅行,為咗慳錢,返工帶飯盒,放工一 定返屋企食飯,放假就喺屋企打機、煲日劇。」幸好捱了十多年,早前終於贖了樓甩身。

走水貨幫補收入

為了幫補生計,兩夫婦常常兼職走水貨,「我每年都要飛四、五次去瑞士開會,自己順手落法國買吓貨,上次去法國,朋友買成廿萬手袋自用,我就買咗廿幾個袋走 水貨。嗰時歐羅平,每次都可以賺幾萬,而每次公幹儲回來的飛行里數又換機票賣俾朋友。老公做領隊收入唔穩定,帶團時惟有幫人買貨,先有多筆收入。」

葉杏桃坦言變成樓蟹後,已成為驚弓之鳥,起初數年不敢沾手任何投資,直到近年才學人抽新股,「抽新股比較穩陣,而且我唔敢揸好耐,朋友話買就一齊買,一個星期就沽貨,最衰上次太心急要沽,唔係可賺多三萬蚊。」

轉手八個車位賺廿萬

去年朋友轉型炒車位,並成功有斬獲,她拿着家人借出的資本亦蠢蠢欲動,「見朋友買車位好易放租,我終於忍唔住手又試吓。」結果她與友人齊齊跑到粉嶺花都廣 場入市,以二十一萬元買入車位,成功以一千五百元租出,回報達七釐,她也坦言相當不俗,但亦火速轉售,賺了四萬元,開始頻頻炒賣車位,至今已先後放售了八 個車位。

現時她仍持有四個屯門豐景園車位,每日必到網上車位銷售網睇行情,她以專家口吻說:「網上買賣大家都唔使俾佣,直接留低手提,好快就有人覆你。豐景園回報有七釐幾咁值租,係因為隔籬翠寧花園嘅停車場係露天,有個客仲俾足一年租金我,叫我千祈唔好租俾其他人。」

計及租金,葉杏桃一年內在車市已賺了不少,但她開始嫌車位升幅慢,爆發力不及同期樓市,漸漸忘記昔日痛楚,近期已頻頻出擊睇樓,希望多買一層深水埗的上車盤作投資。「朋友住緊九龍塘豪宅,兩年內升超過二百萬。」

專吼隔涉新區

深井碧堤半島的發展商會德豐,九月亦一籃子推售車位,其中經營內衣及泳衣的廠商黎昱,以二百七十萬元買入九個車位,累積持有二十九個碧堤車位,堪稱該區的車位大業主。

儘管外界認為深井交通不便,但黎昱卻情有獨鍾,更在○三年起先後買入三個碧堤單位,將之打通成為相連複式,「我覺得碧堤第一座係樓王,八成有露台,景靚又 近海,所以今次買晒近第一座嘅車位。其實好多住深井嘅人都有車,我自己都好鍾意揸車,可以好好享受駕車樂趣。」他又表示深井一帶沒有公屋,不會有公屋停車 場頂爛市,租金更有保證。

會所貼招租廣告

黎昱自從○三年買入兩個碧堤車位後,認為車位易於打理,既毋須裝修,又沒租霸問題,在會所內貼廣告招租便可,故此便不停買入碧堤車位,「租金有一千八百元,淨回報有七釐幾,全部都租晒出去,回報好穩定,真係唔使煩。」

愛好投資車位的他,雖知悉其他地區近期亦有拆售車位,但也不為所動,「美孚交通太方便,樓齡高,算係老區,租得出回報都不及碧堤咁吸引。」反之,他對馬鞍山近海一帶屋苑的車位亦感到興趣,「住嗰區都係消費力高和年輕的家庭,駕駛人士應該比較多,車位比較值租。」

車位成交勢創新高

區議員千萬買爛車位

黎昱專吼隔涉地區的車位,相反區議員蘇開鵬卻對位處兩條鐵路交匯的九龍塘信心十足,雖然才首次沾手車位買賣,九月份已斥資約一千萬元,買入三十二個又一居車位。

惟區內人士卻笑言蘇開鵬被人搵笨,買入難以出租的死場。原來又一居共有四個車場,彼此租金一致為二千元,故此以最方便的A場的出租率最高,惟大業主卻保留 了A場收租,僅賣B、C、D三個場。三個車場賣散後,一眾業主即爭先恐後劈價求租,租金徐徐下滑,就算一千三百元亦無人問津。

而蘇開鵬買入的一籃子車位之中,更有九個位處空置率極高的B場,經紀直言場內大部分車位有水管漏水及生滿青苔,靚車肯定不願停泊,「有錢人唔行夜路,有冇覺得個場陰風陣陣呀?邊會有人泊。」故此就算蘇開鵬買入車位後,劈價至一千三百元,仍未能全數租出車位。

經紀背後笑他做了羊牯,記者約他訪問,他也坦言不熟悉車位,事前並無實地考察,買入純為睇好九龍塘樓市。

去年投地失敗

事實上,蘇開鵬非常疊水,與拍檔共同持有九龍塘多實道三間獨立屋,估值約七億元,區議會內同僚稱他為「蘇老闆」。現年六十六歲的他是潮州人,目前為鄉議局 當然執行委員,與鄉議局主席劉皇發關係密切,常以「發哥」稱呼對方,兒子蘇灝早前亦成為鄉議局顧問。他早年從事紡織,與田北俊份屬老友,故被田少拉入自由 黨。

蘇開鵬○○年起被政府委任為葵青區議員,○四及○八後再獲委任,是罕有被政府連續委任三屆公職的人。據其同僚表示,他是「典型委任區議員」,與官員關係密切,「每次開會都好識擦官員鞋,但對區議會同事就唔多熟落,開完會好快就走。」

有前自由黨員表示:「他從政只為收風,故此就算昔日在黨內任職地區事務委員會首領,亦都無心發展,搵佢傾生意就容易,好似舊年佢咪高調出席賣地,仲有份舉手競投添。」

資深炒家認為跑輸樓市

雖然投資車位之風愈來愈盛,但有「車位大王」之稱的紀惠集團行政總裁湯文亮卻潑冷水,指現時車位回報不及樓市,「冇錯車位回報好穩陣,我當年有十釐回報,但升值始終不及樓市。」

他在○○年掃入二千多個車位,分布黃埔、海逸及香港仔中心等屋苑,但在○六年已悉數沽清,套現後買了多個豪宅及寫字樓收租,「你睇呢幾年升幅幾大,每個月 都收三千萬租。」就連沙田第一城這類上車盤,該區營業經理黎宗文亦表示過去三年,樓價升幅約四成,「但車位無乜升過,投資相當唔抵。」

湯文亮說:「投資車位,特別要留神發展商出蠱惑,刻意營造好多人排隊買車位的氣氛,其實是封住某些樓層,製造車場常滿假象。」

就好像無樓階級的吳小姐,八月底見華懋放售沙田碧濤花園車位,便勇於以三十二萬元買入,「簽約嗰時話咩車都可以泊,又話先到先得,搞到我好心急,即俾六萬二蚊大訂,後來我俾文件律師睇,先知道只限住戶泊車。」她現正忙於與華懋理論,望能討回訂金。


買唔 唔到 到樓 炒家 買車 實錄
PermaLink: https://articles.zkiz.com/?id=19061

解答買唔買多間樓好?(答) Home Blogger

http://www.homebloggerhk.com/?p=5708

答:

是的,確實是做錯了。應該先將元朗問樓加按1.30mil出黎用作映灣園既首期,可以保有自己手上多40幾萬cash之餘又唔駛比十幾萬按保保費。兩人月入超七萬應該供得到。而照你月供$14500既金額映灣園成交價應在4.0-4.5mil左右。

  
收入許可有時買平價樓收租如2.0-3.0mil仲著數,因印花稅同裝修(化妝)費慳埋都有五六萬,等於半年租。但係收入少相反槓盡買大買貴仲好,因為人工有限博得就博,你冇咩收入銀行見你買到第四間都唔想借比你。當然,平樓收租最怕遇上煩租客, 在此推介馬鞍山、沙田區你會搵到賣三百萬樓下,收到成一萬蚊租既樓而租客是有人性的。屯門或居屋租客質素實在要時間改善,初下海者不宜冒進。 

至於煩惱人實在不能再煩落去,佢自己都知已失戰機,錯過了四十出頭定大局既機會。看收入煩惱人係有能力食住沙士後「條水」幫自己四十歲搞掂物業ABC既,諗樣估計可能因為九七年出身(投身社會)原故,看見太多負資產故事而每事遲疑,將買樓投資計劃拖到2012年才進行(買入映灣園)。另一方面要提醒煩惱人勿心急,佢十幾年只買了一間樓(元朗)自住,而家(2012年)一買完第一間又諗添食,係投資市場冒進係大忌。現雖不能見到煩惱人但憑紙觀察有「不能過驕過燥」之建議,如本樣理解錯了煩惱人懇請不要介意。 

機械式既投資方法
此類(燥底)讀者建議同太太定立一個機械式既投資方法。先將自己係銀行可以借到盡既數計出,於地產行業不斷擴充時持一半貨(即總借貸額及借盡額既一半),及後如施老闆講進入冰河時期就入夠80%至100%滿。係45歲前適用,永遠都用分三十年還,現行息率加上本身家庭收入去計借盡個數。 

投資組合係不斷要去rebalance個portfolio既,呢個方法都一樣。係加息、人工調整、家庭情況更改既情況下我地要再input過此forumla函數 ,重新計過借盡額一次。

點計?煩惱人用此forumla

我地呢個諗法係同你平時買樓倒轉。平時你會攞樓價黎計月供幾錢,而家要計既反而係咁既人工可以買到幾錢樓,所以係2.2%按揭年息下,分30年還, 一萬蚊月供計到可借2.65mil。而煩惱人家庭入息(44000+30000)=$74000下,再根據金管指引負擔比率少於50%,供盡係74000*50%=37000,但煩惱人有$6200銀行私貸,減除後等於借盡係(74000-6200)*50%*2.65m=$8.98mil。

 

煩惱人現時負債約3.84mil(映灣園)+0.7mil(元朗)=4.54mil,剛好是8.98mil的一半,附合旺市持貨一半既原則。煩惱人應多享受家庭生活,待兩年過後再考慮買樓是也。

解答 買唔 唔買 多間 樓好 Home Blogger
PermaLink: https://articles.zkiz.com/?id=43576

誠哥「爽」自己港燈買唔過

2014-01-16  NM
 
 

 

由電能(6)分拆出來的港燈電力信託(2638),將於本週四公開招股。未開波,已「染紅」,獲國企

國家電網睇中,入股一成八。

誠哥頭馬、電能主席霍建寧在上週一的特別股東會上,高呼分拆對集團「好着數」及「好爽」。但本刊找來多位專家,分析這次分拆,揭開都是李氏益自己的「爽」招數;最終「爽」的只有又成功撤資,隨時再減持的誠哥。

現時正路演中的港燈,已傳出「滯銷」,要縮減發售規模。不單港燈買唔過,電能亦要沽!小股東:誠哥好孤寒呀!

未分拆前,逾半盈利來自港燈的電能,派息穩定,被視為公用股之一,擁有一班退休收息的長情小股東。是次分拆,電能僅安排一成港燈股份,予原有股東優先認購。既無實物分派,亦無特別股息,小股東要揸港燈,就要再「科水」認購。上週一的特別股東會上,他們連珠炮發,指斥電能大股東「夾硬」將港燈拆走,令公司失去一個穩定嘅派息旗艦。但最後,分拆議案仍以大比數通過。

五十多歲的小股東陳女士直言,李嘉誠「好孤寒」:「李嘉誠應該好似佢個仔(李澤楷)咁,喺電盈分拆香港電訊時,免費(派發股份)送俾股東。好多股東都好似我咁諗o架。我哋揸住咁多年,對你咁有信心,但最後淨係得(每年)四釐股息,特別股息都無。」陳女士指,對分拆方案只能勉強接受,若電能維持四釐息,就暫時不會減持,「李嘉誠有投資眼光,但對股東係刻薄咗啲!」惟一的好消息,是國家電網入股,成為港燈第二大股東。陳女士表示:「國家第日可能買起港燈,我會拿二、三十萬去認購,有兩三成升幅,就賣走。」

不過,同樣是電能股東的經濟學者林本利,就並不樂觀。一二年時,他於五十多元低位買入電能,去年七十五元高位時沽出大部分,至九月電能宣布分拆港燈後,即清倉走人。他解釋:「我買電能係諗住收息做退休金,佢一話分拆港燈,我就即刻沽啦!更加唔會認購港燈,淨係李嘉誠個名已經信唔過啦!佢拎出嚟賣嘅嘢,肯定唔好。首先,估值一啲都唔平,而且今次明顯因為滯銷,先賣得一半出嚟(公開發售約五成股份),啲投資者唔係傻o架嘛!」

勿買港燈

本週日,以合訂證券形式上市的港燈,宣布最後的上市議案,集資額比原先公布大減兩成七,至最多約二百八十億。已公布會分拆並招股接近四個月的港燈,市傳吹風多時仍「不夠數」,唯有縮減規模。分拆後,電能將減持至百分之四十九點九。阿爺入主與否,港燈前景都一樣暗淡。

原因一負債急增利息蠶食利潤

根據招股書,港燈獨立上市後第五日,就要向電能償還逾二百八十億元貸款,集團負債即時大增兩成四,至超過四百八十億元,負債比率高達九成。研究電能年報多年的林本利解釋,港燈分拆上市後債務不減反加,原因是過往發展及收購需要大量資金,「即係阿仔以前買樓,但首期唔夠俾,要阿媽出錢。依家阿仔獨立,咪要還錢俾阿媽。」事實上,港燈為了還債予電能,上市前已申請了三百七十億元銀團貸款,務求「債冚債」。此外,標普日前亦發表報告指,港燈上市後,將失去由電能提供的穩定貸款,意味着以往借「平錢」的時代已經過去。因此,已將港燈列入「負面觀察名單」中,更很大可能將其信貸評級,由A+降至A-。負債重,利息支出亦會顯著上升。港燈在招股書中自爆,失去過往股東(即電能)免息貸款後,若債項的利息每年上升零點七五釐,港燈明年的利潤將會減少二點八億。若未來美國退市,加息潮殺到,港燈利潤便會被龐大的利息支出蠶食。林本利強調:「冇咗阿媽(電能)嘅免息貸款,將來利息支出肯定會高咗,負債又高咗,咁將來派息就一定會少咗啦!」林本利形容,分拆港燈上市,絕對是李嘉誠「搵小股東笨」。

原因二利潤可跌難升

港燈與政府簽訂的《利潤管制協議》,將於一八年屆滿,去年中期檢討後,政府讓港燈維持固定資產平均值百分之九點九九的准許回報。不過,市場已預期一九年的新《利潤管制協議》,將會下調兩電的准許回報率。瑞銀曾估計,港燈屆時的准許回報,將下降至百分之八。有分析員估計,若回報下降百分之一,港燈電費收入就會下跌約一成三。德銀認為,政府壓低回報率幾乎事在必行,因此會影響港燈的股息率,而且香港市場已近飽和,增長空間有限。

「大家都估佢回報會跌。香港咁多怨氣,反對聲音大,政府點都要做嘢。港燈又冇乜增長動力,前景絕對唔好。」豐盛金融資產管理董事黃國英指。另外,經濟學家關焯照亦指港燈沒有吸引力:「港燈前景一般,年年都係賺四十幾億,無乜潛力再發展。」

因重組及分拆,港燈會出現商譽減值及攤銷。一四年全年的盈利預測,將會由一三年的不少於五十一點八億元,大幅下降至二十七億六千萬元,跌幅高達四成六。港燈保證未來兩年派息不少於三十四億,由於盈利不夠派息,港燈將要「嘔凸」,出動股東資金,但此舉將削弱公司現金流,令負債高企的港燈百上加斤。「保證回報」此招,並不罕見,但往往「保證期」過後,甩皮甩骨的景象便告現形。

原因三公用股難發圍賺息蝕價

為吸引投資者「落疊」,港燈的估值原本吹風為六百三十多億元,到正式公布時,總市值只有五百七十多億元(按上限定價),下跌一成二。以發行價計,一二年的市盈率約為十倍至十二倍,較中電(2)的十七倍及中華煤氣(3)的二十一倍便宜。市傳因路演時,投資者呻貴,電能才被迫將估值縮水。隨着美國退市,全球熱炒息口向上。即使港燈以六至七釐息做招徠,在加息潮下,高息的公用股已不再吸引,隨時賺息蝕價。事實上,去年五月開始,息口向上的消息被熱炒後,包括電能在內的一眾公用股股價已齊齊大跌。有中資基金經理表示,當一五、一六年開始加息,股價會愈跌愈有:「咁賺埋啲股息都未必抵償到股價跌嘅幅度。」豐盛金融資產管理董事黃國英亦同意,公用股年代已過去:「公用股大環境唔好,跌咗一段時間,完全冇上升嘅跡象,息率又唔係特別高,點解要買港燈呢?」

再沽電能

電能分拆港燈上市後,集資額加上港燈的還款,合共有五百多億資金入袋,減債之餘,亦有銀彈予誠哥東征西討,但對小股東來說,風險卻大增。

原因一繼續隱藏負債

是次分拆,電能巧妙地拆售港燈百分之五十點一股份,只保留百分之四十九點九的權益。資深執業會計師林智遠相信,這是為了方便將港燈的債務,掩藏在電能的賬目上,「因為電能持有港燈的權益少於五成,就可以用權益法入賬(即將港燈的資產扣除負債,記入電能的資產負債表上),而唔需要顯示港燈的債務在電能的負債表內。」事實上,這正是電能過往慣用的招數。根據一二年的年報,電能持股不多於五成的聯營公司,負債高達二千二百多億元,只是一直以權益法入賬,令這些負債隱藏在電能的資產負債表外。雖然,根據今年一月一日生效的新會計準則《香港財務報告準則十號》,以往母公司持股少過五成、用權益法入賬的聯營公司,或許要改用綜合法入賬(即將子公司的資產及負債,分別記入母公司的資產及負債),不過林智遠解釋,這並非一刀切,「準則無講明呢啲公司一定要用綜合法入賬,只係話決定入賬方式時,除咗考慮母公司持股外,要參考埋小股東數目、有無其他股東,最終負債會否入賬,決定權仲喺管理層手上。」

原因二歐美難再執平貨

電能手持大筆現金,對大股東絕對是好事,「誠哥根本就想撤資,增加海外收購能力,預計未來幾年佢會再減持港燈,但仍保有控制權。」一名行內人指。但這對小股東未必是好事,一名中資分析員指:「其實歐美經濟復甦咗一段時間,股市又升,資產價格一定會升番,電能想再喺海外執平貨嘅機會細咗好多,未必有咁多收購機會,冇收購嘅消息傳出嚟,即係等如壞消息!」

誠哥賣嘢 勿接火棒

一向無寶不落的誠哥,從來都是「佢賺人」,很少有人在他身上賺到錢。精打細算的他,出貨前都「諗過度過」,往績話你知,誠哥賣嘢,最好咪接貨。 首先是○五年,房地產投資信託(REIT)大行其道。長實將旗下七個商廈及商場,組成泓富產業信託(808)上市,套現二十四億元。當時招股價兩元一毫六,上市後即插水,最低曾跌穿五毫,後來谷底反彈,如今股價只是剛好返家鄉。一一年,長實又分拆本港首隻人民幣計價REIT匯賢產業信託(87001)上市,招股價五元二毫四,上市後同樣插水,低位慘見兩元多,至今仍較招股價跌近兩成,本週二收報三元八毫一。同年在新加坡上市的和記港口信託,亦一直潛水,至今同樣較招股價跌近兩成。表現較好的是○九年以介紹形式上市的和電香港(215),至今股價升逾兩倍;一○年以介紹形式上市的置富產業信託(778),招股價三元八毫四,至今升至六元多,但兩者皆非公開招股。

老豆翻炒阿仔條橋

港燈以合訂證券(Stapled Securities)形式上市。這種方法,開先河的,正是小小超李澤楷分拆電盈(8)屬下的香港電訊(6823)。這種合訂證券,會在信託契約上訂明息口分派比率,與房地產信託基金(REIT)相似。不過,合訂證券派息較REIT更具彈性,例如較易注入資產、不會被限制發展主業以外業務,而且上市籌得資金,大部分歸於母公司或大股東。而REIT只可發展主要業務,如領匯不能買賣住宅,商場亦只能維修改鋪位大細,不能整棟拆掉重建;而且REIT規定,負債比率上限為四成五,同時要將九成以上的可分派收入,派發給股東,限制較合訂證券多。今次港燈上市,則表示會將每年可供分派收入向股東作出100%分派。

誠哥 自己 港燈 燈買 買唔 唔過
PermaLink: https://articles.zkiz.com/?id=89351

租唔起更買唔起搞配對平台搵室友

2017-03-16  NM

樓價節節攀升,香港人難以上車,要建安樂窩便要考慮租住房屋;不過現時業主為賺盡租金,把單位愈劏愈細,當一個「太空艙」床位也索價數千元的時候,不禁令人慨嘆在香港這個國際城市,人們的居住環境實在細得可憐。二十多歲的鄧銘江(Kong)及姚勵賢(Benson)留意到香港的「土地問題」,於是創立合租平台「合租易」(Homates),為市民配對室友,讓他們以合租形式尋找環境較佳的居所。兩位男生大學時修讀物理,營運平台完全是摸着石頭過河,不過正正可能因為他們在這方面是「一張白紙」,所以有不少創新的意念,打動我們的專家評審!我點sell?大學宿舍啟發自學開發平台

Kong認為合租平台有市場,源於大學住宿的體驗,「好多新聞指不少人要租住劏房,環境狹窄,但回想起我們大學住宿舍時,也是兩個人共住一個房間,都好像沒有大問題。所以我們想:為什麼不可以合租?兩人合租,每人五千元,便可租住一些環境較好的屋苑或單位。」這個想法引起同學Benson共鳴,特別是他小時候也曾因為家庭問題,想過搬到外面住,認為合租平台可以幫助有同樣需要的年輕人。於是他們大學畢業工作一段時間後,便決定辭工創業。Benson負責推廣及數據分析等工作,而Kong則負責平台的技術營運。雖然Kong在大學同時主修電子工程,但有關建立網頁及開發系統的知識卻是成立Homates時自學。而他們在籌備網站前,也「落區」接觸不同團體了解市場,包括地產經紀、內地學生、外國來港工作的人士及本地青年,更考獲地產經紀牌,以了解當中的法例及程序。

可放廣告找室友及租盤

平台可以供人們尋找室友及租客。如果要找室友,用家首先要列明對室友及單位的要求,包括室友性別、租金上限、租住地區及時間等,之後輸入自己的個人資料,包括職業、教育程度、語言,及一些生活習慣例如會否抽煙或養寵物等,最後要填寫一段自我介紹及上載正面照。若要出租單位,或另找租客共用已租住的單位,可在平台發布租屋廣告:輸入物業位置、面積、附近設施及租金等資料後,再上載樓盤照片。除了主動在平台尋找,系統同時也會為用戶作出配對,每一天會發電郵建議一個合適的室友或租盤。

參考交友平台後台審核申請

平台主頁放滿不同用戶徵求室友或租客的廣告,一眼看上去有點像交友平台,原來兩位創辦人在開發系統時的確有參考交友平台的設計,「因為用家集中在二十至三十五歲,所以想設計較年輕化。」不過,Kong 及Benson為了提高安全性,會在「後台」審核用戶的申請,如果有用戶上載明顯是假或不夠真實的照片,例如卡通人物、藝人或背影照,他們也會先把廣告「下架」,再要求他們換一張真實照片。Homates承認不能百分百排除所有「假」用家,只可以盡力減少,因此平台亦有機制讓用戶舉報假賬戶。除此之外,Homates有排名機制鼓勵會員遵守規則,如果用戶提供的照片及資料完整,系統會提高其廣告在主頁出現的次序,增加成功被「挑選」及配對的機會。平台現有四千名會員,八成是本地人。而Homates為測試不同市場反應,今年初也在新加坡及台灣推出,現時兩個地方分別有二千多名用戶。

專家評審

今次邀請移動方案顧問公司Green Tomato行政總裁郭秉鑫(Sunny)擔任評審,向來說話「一針見血」的Sunny跟「生意初哥」Kong 及Benson會擦出什麼火花呢?而Homates團隊也把握機會向Sunny討教,Sunny又會給他們什麼建議?

K:KongB:BensonS:SunnyS:Business model(商業模式)是怎樣?費用是多少?K:我們以「聯絡方法」賺錢,不論是業主或租客,他們可以免費把「廣告」放上我們平台。如果任何一方有興趣,就可按相關按鈕,然後便會有固定的短訊發給對方,讓對方知道有人對其廣告有興趣,但他們不可自由交談,也不能交換電話。當然,可能是有三個人表示有興趣後,用家便會認為成功的機會較大,想要知道其他人的聯絡方式,這就需要付錢解鎖。房東是三百元三個月,租客是一百六十元三個月。S:有多少付錢用戶?或者曾經付錢的用戶?K:(思考幾秒)忘記了。S:四千個用戶有多經常去你們網站?DAU (每日活躍用戶數量)有多少?K:(思考很久)八十個左右。S:有沒有統計過,用家登記後,要多長時間才會願意付錢?K:一般兩日內,通常知道有人表示有興趣後便會付錢解鎖,不過前提是租盤價錢吸引。S:最辛苦的是什麼?B:如何有效率、低成本地讓更多人認識我們的平台,尤其是業主,因為接觸他們的渠道較有限。一般會在網上找合租的也是租客,而坊間其實有不少平台供業主放盤。K:有些業主更是連電腦也沒有,所以他們不會在網上搜尋我們的平台。另外,找租客也有這個困難,他們一般在網上搜尋的關鍵字不是「合租」,而是「租屋」,然後搜尋結果列出的可能是其他公司,競爭頗大。

專家點評

雖然Homates團隊在一些有關數據的問題上不太肯定,但仍然無阻他們取得八分高分,為什麼﹖

•只做網頁不做app「行得啱」,這樣就不需在營運app上花太多時間,加上租樓是「一次性」,樓盤出租後用家有一段時間不會用app,smart enough﹗

•介面上同時擺放租盤及室友廣告是有點凌亂,不過是合理,因為可吸引兩邊用家互相點擊,增加他們溝通機會,也提高他們付錢解鎖的誘因。

•商業模式有驚喜,不是根據交易收費。平台也不需處理之後繁瑣的步驟,例如簽約,是「叻」的做法。

建議:

•宣傳方面是困難,可在距離市區較遠的地區、或在有學校的區域貼街招、派傳單,會比網上宣傳好及較針對性。

•要增加人們搜尋「合租」,可在建立品牌(brand building)方面着手。

專家錦囊揀拍檔猶如揀伴侶

•首要條件是跟你有相同的價值觀。

•技能上可否互補反而是其次,因為技能某程度是視乎雙方之間有否尊重。

•找一個相同價值觀的人不容易,也不可能一擊即中,當中需要過程去試驗,但也有些東西或者可以作參考,例如大家讀的科目、興趣是否一致,不過最終都是要嘗試。

用家意見

劉小姐使用這個平台約一年,現跟另一名女士合租,該室友也是經Homates尋找,但現想多找一人分擔租金。她認為平台有提供照片,介面清晰,收費不貴,系統也較坊間其他平台易用。不過有時因為太多選擇,難以閱讀及決定,建議可加關鍵字搜尋功能。另外,可以要求用戶填上宗教資料。她又指Homates會接納顧客意見,之前曾因為沒有相關信用卡付款,後來平台增設戶口轉賬功能。

撰文:王敬蓮

攝影:梁正平

ed_bn@nextdigital.com.hk

租唔 唔起 起更 更買 買唔 起搞 配對 平臺 臺搵 室友
PermaLink: https://articles.zkiz.com/?id=246493

我女朋友前排同我講,你買唔到樓我唔嫁你。

1 : GS(14)@2010-10-24 13:08:53

http://hk.apple.nextmedia.com/te ... 731&art_id=14586211

昨日的真情對話分享會由香港青年協會主辦, 430名學生分別來自 34間中學和大學,在逾一小時的提問環節中,有 22名學生發問,其中 17人針對施政報告中提出的房屋政策,其餘涉及運輸和基建等問題。
全場熱烈掌聲回應


「我女朋友前排同我講,你買唔到樓我唔嫁你。」現年 19歲的中文大學工商管理系一年級生王俊堯在發言開首,即道出一眾 90後青年心聲,博得全場熱烈掌聲。他批評政府推出的置安心計劃力度不足,且無法打擊熾熱炒樓風氣,「家出現嘅情況係,有屋冇人住,有人冇屋住」。鄭汝樺回應時大講風凉話:「你返去真係要同你女朋友傾吓,結婚係咪一定要買樓呢?」她表示,學生若要買樓,但能力有限,可選擇離市中心較遠的私人樓宇或購買二手居屋,「如果你個價值觀就係結婚一定要買樓,你可能真係少咗好多選擇,但就多咗好多磨擦」。
王俊堯表示,雖認同鄭汝樺所指買樓要量力而為,但不滿她避談炒樓問題,只硬銷置安心計劃,「係咪幫助市民咁大呢」?他說,與女友拍拖一年多,女友母親說:「佢話冇樓就唔好嫁,住公屋都唔好。」他預計畢業後能月入二萬元,儲起 8,000元作首期,盼在 28歲時置業,屆時可能仍要家人協助才能上樓。
政府逼市民做房奴

除置安心計劃,會上要求復建居屋聲音不絕於耳。聖公會曾肇添中學許同學不滿鄭汝樺堅持不復建居屋,是「逼市民淪為房奴」;顯理中學一名學生亦指,大多數民意均支持復建居屋,惟政府逆民意而行。協和書院陳同學亦質問鄭汝樺,指每年公屋單位供應量少,漠視籠屋和板間房居民上樓的渴求。
面對排山倒海的提問,鄭汝樺只顧舊調重彈,否認受制於地產商而不復建居屋,又重申現時公屋平均輪候時間約 3年。分享會結束後,青年協會原先安排記者向鄭汝樺提問,當一眾記者在會場外等候時,鄭汝樺頭也不回離去。
學生質問鄭汝樺語錄


聖公會曾肇添中學許同學:
香港住屋最核心問題,其實係香港人淪為房奴!

崇真書院羅同學:
點樣令我哋對香港住屋、房屋有希望,唔通真係為樓死、為樓亡?

聖保祿學校林同學:
如果局長有一日乘搭地鐵,遇上早幾日電纜事故,你會點應對?

香港四邑商工總會黃棣珊紀念中學李同學:
家最多怨氣係 80後青年,佢哋 24歲人到 30歲,係咪真係可以儲到咁多首期買到樓呢?

顯理中學盧同學:
政府有 669億興建高鐵,做乜唔考慮回購東隧和西隧,如果政府連市民嘅交通都處理唔到,又點談得上同中國內地咁多億人去連接呢?

資料來源:青年協會真情對話分享
2 : 黃金蟲(1617)@2010-10-24 18:47:35

這個大學生的說話
聽下來心裡大罵了一頓
跟之前有兩位專業人仕想在中環置業一樣


"睇餸食飯"可以嗎
女朋友 前排 同我 我講 你買 買唔 唔到 到樓 樓我 我唔 唔嫁 嫁你
PermaLink: https://articles.zkiz.com/?id=271268

買唔到樓 炒家狂買車位實錄

1 : GS(14)@2010-11-07 18:13:25

http://realblog.zkiz.com/greatsoup38/19061
2 : 龍生(798)@2010-11-08 02:33:00

痴痴地...第時跌就知味道
3 : GS(14)@2010-11-08 21:25:01

2樓提及
痴痴地...第時跌就知味道


幾十萬都炒...
買唔 唔到 到樓 炒家 買車 實錄
PermaLink: https://articles.zkiz.com/?id=271474

熱股貴買 廢股長揸 指數基金 買唔過 黃國英 (Alex Wong)

1 : GS(14)@2011-05-26 22:32:41

http://hk.myblog.yahoo.com/alexwongkwokying/article?mid=15015
熱股 股貴 貴買 股長 指數 基金 買唔 唔過 國英 Alex Wong
PermaLink: https://articles.zkiz.com/?id=274494

周日趣 BLOG BLOG:超人新樓 買唔落手

1 : GS(14)@2012-02-05 14:12:02

http://hk.apple.nextmedia.com/te ... 307&art_id=16042663


上周有單地產新聞,地產經紀勁蝕百萬沽出大圍名城二期盛薈,屬典型「喺度食又喺度痾」出事個案。查實經紀落場玩好平常,但事先應知道樓盤有冇水位先好出擊,牽涉到 800萬銀碼,落注前更要慎重考慮。該經紀好彩避得過額外印花稅( SSD)影響,但就避唔到長實劈價賣樓,要怪只怪他錯信李嘉誠。
問過地產版同事,近幾年買超人樓,認真濕滯,該經紀喪蝕只是冰山一角個案。由 2008年至 2011年 3年間,長實推出 3個大型新盤,分別為將軍澳日出康城、大圍名城一至三期,以及何文田半山壹號一、二期,大部份開價一期低過一期,即買即坐艇。
以名城為例, 2010年 3月首推即供呎價貼近 8900蚊, 8個月後再推第二期盛薈,撞正 SSD出招,即供呎價落到 8326元,較首期平 6%,過多 1年推三期盛世,即供呎價再跌至 8109元,較首期平近 9%。今次經紀買盛薈輸百粒未算最慘,早前已有業主連同 SSD勁蝕 200萬元。

首都四年僅升 3%

至於毗鄰為屋村、包裝成豪宅的半山壹號,一期首批開售呎價高達 1.53萬,較現時市場 1.01萬平均呎價,足足跌了 34%。或者你會話,領峯、領都同首都對比市價,家都有賺 3%至 8%。但如果你比較同年其他非長實新盤,你會發覺人買樓、你買樓,點解人哋賺三、四成,你就賺 3、 4%,賣咗層樓,俾完律師、釐印費,到頭來分分鐘得個桔。
股榮揀選 08年至 2010年非超人新盤作比較,大家不妨作為參考(見表)。 08年荃灣御凱首批呎售 6015元,與現時平均呎價 9250元比較, 3年半升值 53%,至於 08年 2月開售的首都, 4年間僅較現時市價高 3%。再睇 09年,銀湖.天峰以每呎 4648元即供價開售,現時市價每呎 6575元,升幅 41%,同年領都、領峯以呎價 4700元開售,相對現價,高水不足一成。
遇上經濟逆周期,樓價跌無可厚非,惟有逆來順受。但在過去 3年樓市狂熱期間,買超人樓居然未有升值效果,部份更要淪為樓蟹。反觀其他發展商新盤水漲船高,如果我係超人新盤業主,我會眼紅,感覺絕不好受。
過去數年記者會,李嘉誠總以「量力而為」回應現時是否買樓合適時機。做完統計,我開始明白箇中意思,「輸唔起就唔好買啦!」
股榮
周日 日趣 BLOG 超人 新樓 買唔 唔落 落手
PermaLink: https://articles.zkiz.com/?id=277574

老樓日記:居屋都買唔起

1 : GS(14)@2012-08-22 16:49:18

http://www.sharpdaily.hk/article ... 7%E5%94%94%E8%B5%B7
單月樓價升一成,絕不是天方夜譚,正因為連居屋價亦貼近私樓價扯動樓價,上週中原城市領先指數破頂106點,較對上一週已經升了1個巴仙。
由居屋扯到細價樓,正好反映上車客對住屋的需求有增無減,有能力者可集中向私樓埋手,o依家連綠表客都搶居屋,兩批人同時搵樓,個市想唔升都幾難,樓價只係會一個又一個被打破。按現時港島區綠表價要呎價6500元;九龍區呎價接近6000元,連同補地價動輒過萬元,即使有數萬元收入,都好難大嗱嗱攞出百幾萬現金,唔爆就奇只是時間而已。
最近行過富貴居屋筲箕灣愛蝶灣樓下地產代理舖,個個放盤叫價都超過400萬元,位於同區單幢樓、靠近東廊同一個海景私樓仲平啲,300餘萬元以下都有交易,一直以來居屋感覺是低下階層貧苦大眾的上車盤,一下子被CY炒起哂啲價。若然大家要買樓自住,就要問CY如何幫助佢哋先啱,完全責不在業主,業主按市況變化主動調整自己口價是很自然的事。樓價越炒越高,現時尚未上到車的市民,亦多得CY團隊唔少。
劉兆昌
www.HKLau.com
2 : Sunny^_^(11601)@2012-08-22 16:54:56

其實...未必關CY事.

幾年前都已經有D貴
老樓 日記 居屋 都買 買唔 唔起
PermaLink: https://articles.zkiz.com/?id=281157

悉尼五個「8」吉祥屋中國人搶買買唔到

1 : GS(14)@2016-04-12 18:16:04

中國人講求好意頭,澳洲悉尼一個兩房單位的地址擁有五個「8」字,當然深得中國買家喜愛,單位推出市場後許多中國人問價,不過最後竟搶不過來,這間「幸運住宅」最後落入操英語的買家手上。這間位於莫斯曼區(Mosman)的兩房住宅,位於Bradleys Head路8/88號,郵寄編號2088,連售價亦在80萬至88萬澳元(468萬至515萬港元)之間。地產代理指,過去一星期這間住宅吸引不少人問價,當中包括多名中國買家,但最後被一位操英語人士買下。代理稱,業主鍾愛這間寓所寬敞的室內設計、地點,也認為有升值潛力。這間住宅地理位置優越,除了鄰近當地的商店、食肆,附近還有沙灘。澳洲《每日電訊報》





來源: http://hk.apple.nextmedia.com/international/art/20160412/19567980
悉尼 五個 吉祥 中國人 中國 搶買 買買 買唔 唔到
PermaLink: https://articles.zkiz.com/?id=299072

阿Yu行名店:我買唔起

1 : GS(14)@2016-08-13 14:50:23

現年34歲的趙頌茹(阿Yu)與自認是「人渣」的周永恒分居,照顧兩個囡囡的責任就落在阿Yu身上,要母兼父職,所以阿Yu每日放工,都要頻撲地趕回家照顧兩位寶貝女,單親媽媽確實不易做。前日難得清閒,阿Yu單拖現身中環置地行街,神采飛揚的阿Yu很快已經買到一袋二袋,袋內還有一支酒。她見到記者時打了個招呼,然後入了一間化妝品店跟一間飾物擺設店,不過很快阿Yu就走出來,在店外阿Yu接受訪問時笑笑口說:「入面啲嘢太貴啦,我買唔起呀!」接着就往港鐵站方向離開。採訪、攝影:朱志聰




來源: http://hk.apple.nextmedia.com/entertainment/art/20160812/19732567
Yu 名店 我買 買唔 唔起
PermaLink: https://articles.zkiz.com/?id=305561

強國男求婚送車送樓 霸氣女友:我自己買唔起樓?

1 : GS(14)@2016-08-14 14:28:22

四川德陽一名男子當街拿着大聲公向女友求婚,他更拿出一份房產證,稱要是女友答應,可以馬上將女友名字寫到房產證上,但對方不但拒絕,更當眾大罵男友是在侮辱她:「我自己又不是買不起房子,非要讓你把我名字寫上!」最後拂袖而去。上傳照片的網民稱,「太反轉了,第一次遇到求婚被拒的」。他表示,這名男子已準備充足,向女友送了玫瑰、有戒指、大聲公,更有房產證,本以為他一定求婚成功,沒想到女友竟有這樣回應。女友當着圍觀人群大罵:「你這是啥意思?你這是在侮辱我,你曉不曉得!」「我自己又不是買不起房子,非要讓你把我名字寫上!」「我告訴你我是不會為了房子嫁給你的!」目擊者稱,女子拂袖離開後,只剩下男子一人收拾殘局,十分尷尬。有目擊者稱「男孩表達方式有問題,人家女孩如果真的喜歡你,就不會在意你的房子之類的東西!」「大庭廣眾之下這麼說,就會讓女方很尷尬!」新浪微博




來源: http://hk.apple.nextmedia.com/international/art/20160814/19735772
強國 求婚 送車 車送 送樓 霸氣 女友 自己 買唔 唔起 起樓
PermaLink: https://articles.zkiz.com/?id=305757

【又到聖誕】聖誕樹超貴買唔落手?教你牛市揀樹全攻略

1 : GS(14)@2016-12-10 03:45:21

「噢聖誕節托它歸家!」過完感恩節,美國許多家庭開始預備過聖誕及新年。要應節,當然少不免買返一棵真聖誕樹啦!蘋果記者專訪了一個聖誕樹專賣店,樹農不但道出了「從聖誕樹銷情看歷年景氣」的聖誕樹經濟學,更不藏私教大家看懂今年聖誕樹的行情,以及如何挑選聖誕樹。駐洛杉磯記者:張紫茵在南加州,聖誕樹主要來自北卡羅萊納州、華盛頓及俄勒岡州。「成個聖誕老人咁」的農夫Mark已經種了30年聖誕樹,專賣店內的樹大部份都是出自他手。問到為何今年聖誕樹價格飆漲?他表示,聖誕樹有75%成本是來自工人的人工,近年勞動成本增加,令到樹價亦相對提高一成。另一個行外人不會知道的原因是,聖誕樹的生長年期相當長,普遍種一棵7呎高的聖誕樹就要7年時間。2008年金融海嘯後幾年,農夫缺錢去種新樹,只好減少種植,但影響滯後到今年才反映出來。這些因素,再加上今年景氣不俗,大家都很有過節氣氛,所以今年的聖誕樹銷售較去年好,賣到供不應求。
Mark就教路,在揀聖誕樹時,要摸摸它的針葉是柔軟且濕潤,呈綠色並不容易脫落,一抬起應該要感受到重量,如果太輕可能已經乾了。如果想聖誕樹可以持久一點,最重要就是保持底部濕潤。Mark的表弟Paul亦補充,不要把聖誕樹放在陽光底下,會令樹更耐放。而聖誕樹亦有分不同種類,Paul就介紹專賣場內四款「道地杉樹」,包括最受歡迎的貴族杉(Noble Fir)、高加索冷杉(Nordmann fir)、德州杉(Douglas fir)及低地冷杉(Grand fir),擺放時間大概6至8周。可以擺放最久的就是高加索冷杉,樹香未必如其他突出,但因天然有層膠保護着針葉,所以會耐放一點,可以擺到情人節。但這也反映在價錢上,一棵8呎高的高加索冷杉就索價240美元(約1,872港元)。德州杉及低地冷杉香味較特出,但一般放到1月初便淍謝,價錢亦相宜得多,一棵6呎高的低地冷杉只須80美元(約624港元)。而最受歡迎的是貴族杉,可以擺放到1月尾,以7呎高計,今年價錢約180美元(約1,404港元)。顧客Christina表示,最近才搬來這地區,時常經過這個聖誕樹專賣店,所以今日特意前來買樹。她預備花50美元(約390港元)買一棵3至4呎的細聖誕樹放在家中,而這將會是她第一棵真聖誕樹,過去都是放人工聖誕樹。




來源: http://hk.apple.nextmedia.com/international/art/20161209/19860165
又到 聖誕 聖誕樹 超貴 貴買 買唔 唔落 落手 教你 牛市 揀樹 全攻略
PermaLink: https://articles.zkiz.com/?id=318905

【動畫】日日齋睇買唔起窮青年獲愛心店員送波鞋

1 : GS(14)@2017-01-18 08:04:25

美國加州28歲男子泰里(Tyree)因為喜歡一雙Nike鞋幾乎每天到運動店,運動店員工眼看他無力支付購買,便夾錢送給他。員工奧利娃(Fernando Oliva)指,泰里經常到店內,先周圍看然後要求試同一雙Nike鞋,「10至12次,定期入來說『我可否得到它?我可否試一試?』但他從不真的試鞋,這是有趣的地方」。奧利娃指,泰里每次都會排隊付錢,但就將鞋子留在收銀櫃位,無法付錢。奧利娃和一班員工就決定籌錢將鞋送給泰里,待他再來時便讓他試鞋,泰里問他:「多少錢?」奧利娃回應:「160美元(1248港元),但不要擔心,試一試。」當奧利娃坦言將鞋給泰里時,他以為對方說笑,顯得十分驚訝。除了Nike鞋外,一班員工亦送上一頂帽、連帽衞衣和運動褲。美國廣播公司




來源: http://hk.apple.nextmedia.com/international/art/20170117/19899907
動畫 日日 齋睇 睇買 買唔 唔起 起窮 青年 愛心 店員 波鞋
PermaLink: https://articles.zkiz.com/?id=322927

Supreme開賣新一季排長龍排五日都隨時買唔到?

1 : GS(14)@2017-02-18 09:51:43

紐約街頭品牌Supreme與Louis Vutton在2017巴黎秋冬男裝周首度合作,成為今季焦點。雖然秋冬款仍然未開售,品牌公佈春夏系列率先安撫粉絲心靈,最新2017春夏系列周四於專門店及網上公開發售。位於洛杉磯的Fairfax專門店外,就有幾百名潮人及買手排隊搶新品,排頭位的更是上周六已經開始在門外紮營。不過,要買到心頭好亦都不容易,亦不是有錢就得,《蘋果》為你揭露當中秘的潛規矩。駐洛杉磯記者:張紫茵作為城中最火熱的潮牌,Supreme採取飢餓式銷售手法,每周四都會推出8至12款單品,每人每款限買一件,熱門款基本上一推出來就會被掃清光。另外品牌亦只有四間專門店,分別位於洛杉磯、紐約、倫敦及巴黎,以及日本的特許經營店,所以Supreme迷想第一時間搶到新品,除了上網不停按F5外,就是直接到門外排隊。周四是2017年新一季首發,推出65件新款產品,其中背包、襯衫等通通都是熱門貨。不少Supreme迷都引頸以待,一早到門外排隊。來自香港的潮人Will表示早上7點己來排隊,不過只能夠佔到近隊尾的位置,希望能夠買到背包、衫及配件如鎖匙扣。據過往經驗,有時終於排到入店內,想要的熱門單品都被掃清光,或者只淨下偏大或偏小尺碼,他只好掃其他產品:「排得咁辛苦,無理由空手而回,點都會買返啲。」
Will又指,近年Supreme在亞洲市場炙手可熱,吸引了不少排隊黨以及買手。但他表示,就算買不到心儀的款式,都好少幫襯買手食炒價,「我排隊排四、五個鐘雖然好閒,他們(店員)一班稱兄道弟的,就永遠可以站在門口位,而且不斷出出入入,對排在後面的人不公平」。好多時熱門款式就是被優先入內的買家不斷出入掃貨掃清光,而店員與買手之間亦有金錢交易,「大概50至100美元(約390至780港元),是插隊的入場券。」不過,Supreme的店員都出名「有性格」,不是個個塞錢到他們袋都可以直出直入,亦要視乎關係、是否大批量買貨、以及是否熟面口。對於花錢就可優先入內買貨,Will表示與其他排隊人士一樣,敢怒不敢言。另一位在洛杉磯讀書的潮人Julio亦是Supreme的忠實擁躉,但由於每次入貨都是星期四,要上課的他未必每次都過來排隊,今次是2017年首發所以特意前來看看。而對於插隊的情況,經驗老到的Julio表示「已經好多年」,通常都是幾個朋友排隊,然後拉一堆人一齊入去,至於買手與店員之間的「潛規矩」,他就不太清楚。雖然酷愛Supreme,但Julio亦試過有不愉快經歷。他表示有個朋友來洛杉磯,二人一同去Supreme朝聖,當時友人想買一件襯衣,明明店內有貨但店員不肯賣,原因竟然是「覺得他穿得不好看」,最後搞到雙方都不開心。他認為,其實要入Supreme購物並無特別dress code,店員如果覺得你是「同道中人」,真正喜歡這個牌子、身上有Supreme的產品,他們的態度都會較為友善。




來源: http://hk.apple.nextmedia.com/international/art/20170218/19932497
Supreme 開賣 賣新 新一 一季 季排 長龍 五日 隨時 買唔 唔到
PermaLink: https://articles.zkiz.com/?id=326873

買地難 長實餘貨全線加價 趙國雄:賣咗買唔番 學者:料高價賣樓持續

1 : GS(14)@2017-03-04 10:08:25

【明報專訊】中資天價搶地效應逐漸浮現,多家本地發展商將旗下樓盤加價,其中龍頭發展商長實地產(1113)昨宣布,旗下3盤全線加價,將於本月16日生效。長實地產執行董事趙國雄表示,「樓盤賣咗都買唔番地皮」,因此加價惜售旗下餘貨。

明報記者 方可兒、林可為

(系列之三)

長實昨特意召開記者會宣布,將旗下3盤全線加價,屬近年罕見。趙國雄表示:「鴨脷洲每呎地價高逾2萬元,將軍澳新盤也賣2萬元,發展商起樓不可能送。」他認為現時本港經濟條件良好,旗下多盤有條件提價,不排除之後再加。對於中資高價來港搶地,他表示,香港是自由經濟體,任何人來港投資也應歡迎,而且其他發展商是真金白銀來港投地,他又笑言,集團現時加價賣樓,他日將有更多資金投地。

3盤加價共涉55伙 加幅3%至5%

該3個加價樓盤包括紅磡維港·星岸、元朗屏山娉廷及亞皆老街君柏,新價單將於本月12日公布,本月16日生效。累售210伙、套現80億元的紅磡維港·星岸,當中31伙將加價3%,新定價由2726.6萬至6693.1萬元。另累售27間洋房、套現5億元的元朗屏山娉廷,亦將5伙加價5%,新定價介乎2018.4萬至2162.9萬元,呎價12,508至13,401元。至於已售63伙、套現23億元的亞皆老街君柏,19伙將於短期內公布加價幅度。

值得注意的是,上述樓盤已曾多次加價。以維港·星岸為例,2015年8月推出後曾於2016年5月、6月、11月及12月調整部分單位價錢。對上一次加價為去年12月初,加價單位涉逾50伙,劃一加3%。事實上,除了調整單位售價外,發展商去年10月加推新一批高層單位時,定價較早前推出的同類單位加逾15%。

南昌站匯璽開價參考九龍站天璽

另一本地龍頭發展商新地(0016)繼日前將元朗Grand YOHO二期及元朗PARK YOHO Venezia部分單位加價後,即將推出的南昌站匯璽定價亦將參考九龍站天璽。新地副董事總經理雷霆表示,匯璽最快日內上載樓書,下周一將開放實用面積1503方呎的4房示範單位予傳媒參觀。他又稱,匯璽有不少享海景單位,定價將參考同系奧運站瓏璽及九龍站天璽向海單位。資料顯示,天璽及瓏璽的向海單位近日平均實呎分別逾4.8萬元及逾2萬元。

另恒地(0012)粉嶺高爾夫‧御苑今日開售62伙,市場消息稱,項目累收逾200票,超額2.2倍;恒地將會先處理大手買家(必須購買兩伙或以上)。

中大商學院客席教授冼日明表示,地皮做價反映發展商對後市看法,近日批出地皮做價大幅超出市場預期,有利發展商乘勢加價推盤,而且本地發展商投地未及中資出價進取,土儲減少下更加求價賣樓,以儲備更多「彈藥」再去投地。


來源: http://www.mpfinance.com/fin/dai ... 3682&issue=20170304
買地 地難 長實 餘貨 全線 加價 趙國 賣咗 咗買 買唔 唔番 學者 高價 賣樓 持續
PermaLink: https://articles.zkiz.com/?id=327655

財經評論:有錢都買唔到新盤

1 : GS(14)@2017-03-22 00:46:13

上周五、六,三大新盤包括新地(016)南昌站匯璽、會德豐(020)將軍澳Monterey以及長實(1113)馬鞍山星漣海,夾埋賣出900幾伙,吸金100億元。兩日時間,48小時,即是平均每小時有超過兩億資金到發展商手中,一個鐘頭搵兩億,可想而知,香港地通街都是千萬富翁。記者上周六到新地匯璽售樓處採訪,真係見證住秒秒鐘幾十萬上落,連大手客時段都幾百人到場,但到中午12點半左右,突然間有批客戶一窩蜂散水,原因是由於A組限定買家一定要買最少一伙4房,當A組59伙4房戶全數被認購後,已無4房單位做膽,不可以繼續揀樓程序,致現場湧現數以百計A組向隅客,呢一批向隅客,個個都擁有四、五千萬購買力,身家億億聲是基本,但結果一樣冇樓揀。嗰一刻,或許令人覺得,原來呢個世界,有錢都唔一定大晒。資金充裕成咁,難怪市場有一大班唱旺的友仔,又話今年一定再有水位上,摸頂呢兩個字,好像已經冇乜人知係乜嘢嚟。反而問買家意見,都好多時佢哋都會話「驚遲買會仲貴」,更加上唔到車,更有買家坦誠,都係俾氣氛令到自己想買樓,唔係好理智。咁樣升法,的確好難令人理智,加埋有一大班中資不理智地高價買港地,港島南一個島仔鴨脷洲,誕生了香港地王,所以與其話買樓的瘋狂,其實買地的仲更加癲喪。記者:黃嘉銘




來源: http://hk.apple.nextmedia.com/financeestate/art/20170321/19964670
財經 評論 有錢 都買 買唔 唔到 到新 新盤
PermaLink: https://articles.zkiz.com/?id=328178

億萬身家富豪排「頭等隊」買唔到匯璽嬲爆

1 : GS(14)@2017-03-23 06:20:09

最近地產界流傳一個有錢佬都買唔到樓嘅個案,循例自稱真人真事,但內容嘅痴線程度,同希特拉都Cut唔到有線差唔多。話說某有錢佬(下稱M君),好鍾意「某個名牌發展商嘅一個鐵路站上蓋樓盤」,一心想買好多間四房單位,但礙於發展商賣樓規定,最多都只能買三間,咁佢唯有照入票喇。懷住興奮嘅心情去到賣樓當日,M君去到現場先發現原來好多、好多、好多好似佢咁嘅富翁都想掃貨,先心知不妙。拎住38號籌嘅M君,望住消耗板啲四房單位畀人不停掃走,「心裡面又驚又緊張」,去到36號籌果時仲要賣晒。差啲先買到樓嘅M君深深不忿之下就埋怨代理,代理就神回應佢:「A1組有270組客登記,你抽到咁前已經好好,樓下仲有200幾個億萬富豪,連上黎望下個消耗板嘅機會都無,佢地至少都買6,000萬嘢㗎,仲有幾百組A2組買家,至少買3,000萬嘢,連抽籤機會都無呀!」呢個個案講緊嘅幾乎喺新地(016)星期六南昌滙璽賣樓嘅情況。當日幾百個有錢佬一大早就要ICC做登記,連大手客都要分等級,會買2間四房排頭等隊,叫A1組,而2伙低層四房折實價夾埋的確要半億左右。至於淨係想買1間四房加多間其他戶型嘅叫A2組,預算又真喺大約3,000萬。呢批身家至少幾千萬、甚至過億嘅A2組有錢人,星期六一大早就到ICC登記,然後過幾個鐘就被通知無晒單位畀佢地買,白白等咗一個朝早。據出席A組揀樓的前線經紀透露,當日大手客時段都幾百人到場,但到中午12點半,突然有批客一窩蜂散水,原因是A組限定買家一定要買最少一伙4房,當A組59伙的4房戶全數被認購後,即是無4房單位做膽,不可以再繼續揀樓程序,繼而先開始B組(購買一間的客戶)揀樓時段。不過發展商就從來無正式公佈A1同A2組嘅出席人數,所以實際有幾多有錢人撲空,就無從稽考。新地雷霆回應指,如今知道買家取態後,稍後會有適當既安排。被追問是否會預留更多單位予大手客,雷霆僅稱「畀啲耐性喇」。市傳新一批加推單位,A1大手客要買入更多四房單位,詳情有待發展商公布。不過,同一個地方、同一家發展商,響4年前賣九龍站天璽,同樣吸引到大批千萬千萬富翁逼爆狂搶。不過,有個有錢人最終響排完幾次隊之後,終於得償所願,買到天璽加價後的單位,最後響舊年蝕讓三球收場。到底買唔到樓是福還是禍,始終要埋單計數先知。




來源: http://hk.apple.nextmedia.com/financeestate/art/20170322/19965615
億萬 身家 富豪 頭等 買唔 唔到 到匯 匯璽 璽嬲 嬲爆
PermaLink: https://articles.zkiz.com/?id=328318

【粉絲買唔買?】100周年紀念Nikon I相機水晶擺設 開價過萬

1 : GS(14)@2017-06-22 07:43:11

今年7月25日就係Nikon成立100周年紀念,早前Nikon已開設100周年紀念網頁,展出一系列紀念產品,Fans們當然最想知道到底要畀幾多錢先至可以捧走紀念產品。Nikon剛剛公佈了所有產品價錢,如D5碳灰色及D500碳灰色100周年紀念版建議零售價分別是100萬日圓(約$70,270)及35萬日元(約$24,600),會比普通版貴約3成,定價都唔算過份,當然Nikon USA方面定價會較為公道,D5同D500紀念版分別都只是8,000美元(約$62,380)及2,800美元(約$21,830)。



想湊下熱鬧的話,1:2比例Nikon F模型絕對「平價」之選。

至於D5碳灰色100周年紀念版相機,日本方面定價100萬日圓。

至於其他紀念產品,一公佈時就令人議論紛紛由Swarovski生產的Nikon I相機水晶擺設,日本及美國定價分別是180,000日圓(約$12,650)及1,500美元(約$11,670),叫價都真係幾驚人!以上產品都萬萬聲,若想平平哋湊熱鬧的話,都可諗吓1:2比例Nikon F模型,雖然影唔到相,但都可以拆下鏡頭同菲林倉過手癮,定價只是17,800日圓(約$1,250)或140美元(約$1,090)。雖然日本價錢較貴,但好在現時已有得預訂,這批紀念產品預計7月底開始推出,至於其他地區的發售行情,就要問返所屬地區的Nikon分公司先知,但相信貨量應該唔多。資料來源:Nikon、Nikon USA記者:布偉倫2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170621/20062936
粉絲 買唔 唔買 100 年紀 Nikon 相機 水晶 擺設 開價 過萬
PermaLink: https://articles.zkiz.com/?id=336255

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019