ZKIZ Archives


中環在線:婆婆靠光證賺30億 李華華

2009-08-06  Appledaily






 

光 大控股(165)即將分拆光大證券A股上市,造就十幾個熬出頭嘅隱世富翁,其中一位係現年71歲嘅福州婆婆陳碧雲,佢入股4年,至少賺咗30億元人民幣。 身為廈門民企新世基掌舵人嘅陳婆婆,一把年紀卻獨具慧眼,事關光證05年A股低潮時首次增資擴股嗰陣,佢就以每股1蚊人仔作價瞓身支持,07年再發新股又 參與,目前持有光證1.13億股,係第四大股東。

光證招股價上限為21.08蚊人仔,掛牌後保守計可升42%至30蚊,佢揸住嘅股份已值34億。

之不過,陳婆婆點發達就相當神秘,內地多份報章明查暗訪,亦唔多了解,只知新世基喺99年成立,03年佢入股晉身為大股東;呢間公司除咗開設高檔餐廳「一德鮑魚」同埋酒店業務,亦有靠風險投資賺大錢,近年多數唔喺福州,住喺香港,但就冇乜人知點搵到佢。

曾經登陸香港但將會撤走嘅家品店「B&Q」,04年就同新世基合資進軍福州,而新世基08年撤資。福州B&Q發言人向內地《東南快報》承認,當年雙方合作愉快。

咁識得揀「千里馬」,真係抵陳婆婆發達嘅。



中環 在線 婆婆 靠光 光證 證賺 30 華華
PermaLink: https://articles.zkiz.com/?id=10145

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019