ZKIZ Archives


石詠莉自詡缺陷美

1 : GS(14)@2016-01-18 00:58:03

石詠莉和今屆中華才藝小姐昨日在銅鑼灣出席美容院開幕,有不少藝人接受微整形手術,石詠莉說:「我另一半覺得我而家OK,唔需要,自己缺陷都係靚,佢鍾意我唔化妝,女仔最緊要係皮膚keep得好。」她透露最近忙於籌備第二隻hifi碟,暫定8月會推出,不過都抽時間支持男友鄧健泓在港台開咪做節目,她甜絲絲說:「我都支持到凌晨兩點鐘,作為佢嘅另一半,應該去支持。」另外,中華才藝小姐冠軍管于廷表示之後會參加國際賽,她用普通話說:「從小到大我都喜歡表演,今次參選中華才藝小姐,會表演鋼管舞。」採訪、攝影:張俊銘





來源: http://hk.apple.nextmedia.com/entertainment/art/20160116/19454080
石詠 詠莉 自詡 缺陷
PermaLink: https://articles.zkiz.com/?id=294353

戒指鎖定石詠莉

1 : GS(14)@2016-03-15 15:09:47

■鄧健泓已認定石詠莉是自己的女人,並表示很快會給她名份。


41歲的鄧健泓過去感情生活豐富,先後跟原子鏸、李詩韻和龔嘉欣拍拖,惟前組合Freeze成員石詠莉才是命中注定的伴侶,前年兩人合作舞台劇《大酒店有個荷李活》擦出愛火花,拍拖不足兩個月已同居試愛,前年到沖繩預支蜜月,大方承認有結婚計劃。



婚期不遠

訪問當日,鄧健泓的右手中指戴着戒指,他說:「兩年前我哋去沖繩影唱片封套時買,可以話係定情戒指,當我發覺會為佢嘅事業、為佢嘅將來擔憂掛心付出,呢個人無疑喺我心目中有一個位置,所以嗰晚做完嘢拖佢入去,問佢鍾意邊對戒指,我哋就買咗呢對,唔係話訂唔訂婚,係一個關係嘅肯定。」問到何時拉埋天窗?鄧健泓說:「要諗預算,因為嚟緊我哋自資出新碟,相信會喺不久將來發生。」





來源: http://hk.apple.nextmedia.com/entertainment/art/20160315/19529221
戒指 鎖定 石詠 詠莉
PermaLink: https://articles.zkiz.com/?id=297934

慶功宴變求婚派對石詠莉冧.喊 嫁鄧健泓

1 : GS(14)@2016-03-31 14:48:58

■鄧健泓與石詠莉拍拖3年,前晚在IFPI頒獎禮後搞神秘派對向女友成功求婚。


現年29歲前Freeze女子組合成員石詠莉(Sukie)跟現年41歲的鄧健泓(Patrick)拍拖3年,她前晚出席IFPI頒獎禮後獲男友搞驚喜派對,Patrick捧着99朵粉紅玫瑰,跪地向她求婚,昨日兩人分別在facebook貼合照公佈喜訊。Patrick昨日接受本報訪問,表示求婚計劃準備了半個月,婚宴會在香港舉行,但因今年盲年,會等女友完成第二張Hi-Fi碟後才辦婚事,婚紗相則會到加拿大拍攝。



■鄧健泓跪在地上送上戒指,揚言很有信心石詠莉答應嫁給他。

■鄧健泓還未開口求婚,石詠莉便已經喊爆。


■陳志雲表示不介意為鄧石婚宴當司儀及表演,還會收取友情價。

Patrick:要人提水

Sukie前晚雙喜臨門,先於「IFPI香港唱片銷量大獎2015頒獎典禮」上,憑去年與Patrick共同製作的首張Hi-Fi碟《聽聽 Sukie's》奪十大銷量廣東唱片及躋身十大銷量本地歌手。不過,前晚她最開心一定是Patrick為她準備驚喜求婚派對。
Patrick昨日接受訪問時說:「計劃咗半個月,我成日講啱時間做啱嘅嘢,噚晚(即前晚)對我哋嚟講係好有意義嘅晚上。」Patrick又謂:「以前拍戲拍過求婚戲,但人生第一次有啲尷尬同緊張,完全唔知自己做乜,唔知係下跪先定畀花先,要蕭定一喺隔籬提水。」說到求婚過程,Patrick表示:「當我求婚時,佢都諗咗一陣,我問佢咁都要諗,其實我噚日就算畀一隻草戒指或汽水蓋佢,佢都會答應,因為我同佢呢3年經歷咗好多嘢。」



Sukie:蠱蠱惑惑

至於全晚爆喊的Sukie,事後笑說:「我係感動到喊,呢個party之前唔知,但都覺得有啲奇怪,身邊朋友有啲唔尋常,Patrick又有啲蠱蠱惑惑,原來佢係搞緊呢樣嘢,我覺得好驚喜,佢真係好願意為我付出,係冧爆嘅。」陳志雲知道愛將求婚成功笑說:「唔夠戲劇化,如果Sukie問我,我實叫佢唔好應承住,應該考慮下先答佢。」他又說Patrick事前沒有問他意見,但有邀請他出席,只是他要早起而缺席,但他表示一定會去飲,還可以做司儀或表演。採訪:菲菲攝影:盧妹





來源: http://hk.apple.nextmedia.com/entertainment/art/20160331/19550918
慶功宴 慶功 求婚 派對 石詠 詠莉 鄧健
PermaLink: https://articles.zkiz.com/?id=298878

【馮仁昭四圍超】石詠莉開騷押後婚禮

1 : GS(14)@2016-08-07 02:03:56

石詠莉(Sukie)噚日喺銅鑼灣舉行記者會宣佈10月舉行演唱會,鄧健泓(Patrick)會做佢背後嘅男人,幫女友打點一切。Sukie話而家開始要跑步練氣同減肥:「我係肥妹仔,好易肥又為食,所以而家開始要戒口。」
Patrick話原本打算今年年底結婚,但因為呢個騷加上10月女友同步出新專輯,所以婚禮要延遲,咁延遲到幾時?佢笑話:「睇吓唱片同演唱會成績點,你知我又唔係有錢。」撰文:馮仁昭





來源: http://hk.apple.nextmedia.com/entertainment/art/20160805/19723129
馮仁 仁昭 四圍 石詠 詠莉 莉開 開騷 押後 婚禮
PermaLink: https://articles.zkiz.com/?id=304607

【馮仁昭四圍超】石詠莉甘願俾男友食住

1 : GS(14)@2016-08-16 06:28:17

石詠莉最近宣傳新歌,稍後會舉行音樂會,佢噚日去到新城宣傳,音樂會已經邀請咗盧巧音、孫耀威同蔣志光,仲有一個有份量嘅神秘人物做嘉賓。問到音樂會會唔會有性感演出,佢話:「少少適量嘅性感,本身設計師有提議性感啲,但上頭(男友鄧健泓)唔畀。」問石詠莉會唔會覺得男友大男人將佢私有化?佢話:「佢唔專制,我鍾意男人head住我,學佢話齋我蠢鈍嘛。」撰文:馮仁昭




來源: http://hk.apple.nextmedia.com/entertainment/art/20160816/19737507
馮仁 仁昭 四圍 石詠 詠莉 甘願 男友 食住
PermaLink: https://articles.zkiz.com/?id=306119

【馮仁昭四圍超】石詠莉見安仔變小粉絲

1 : GS(14)@2016-08-19 06:55:55

許志安唱嘅《世紀末煙花》唱到街知巷聞,最近石詠莉翻唱佢呢首歌,全新改編外,仲改咗做首合唱歌,更搵來原唱許志安一齊唱,噚日石詠莉喺商台接受訪問,話佢本身都好鍾意安仔:「真係難能可貴,讀書時佢係我好喜歡男歌手之一。」石詠莉講到當日同安仔一齊錄音:「第一次見到安仔見到好似一個小粉絲,好想表露我好喜歡佢,但又唔敢同佢講嘢,好似一隻小鳥,佢就叫我唔使咁緊張。」撰文:馮仁昭




來源: http://hk.apple.nextmedia.com/entertainment/art/20160819/19741746
馮仁 仁昭 四圍 石詠 詠莉 莉見 見安 安仔 變小 粉絲
PermaLink: https://articles.zkiz.com/?id=306534

雪地影婚照以為會死鄧健泓石詠莉 生仔靠科技

1 : GS(14)@2016-09-13 08:04:22

■石詠莉穿上單薄露肩婚紗拍照,凍到手腳冇感覺,鄧健泓則嘴唇發紫。



現年42歲的鄧健泓(Patrick)今年3月向前女子組合Freeze成員、29歲女友石詠莉(Sukie)成功求婚,他去年11月在加拿大Banff為女友影第二張唱片封套時,因利乘便影了婚紗相,拍拖近三年的他們計劃明年拉埋天窗。


幸運遇到未婚夫

影婚紗時正值嚴冬,當地漫天飄雪,Sukie穿上露肩喱士婚紗與穿禮服的Patrick在雪山取景,Sukie難忘凍到痹感覺:「零下天氣兼落雪,衫好單薄,有件婚紗係得一層lace,當時由凍去到痛、痛去到痹、痹再到手腳同全身冇晒感覺,好接近死亡嘅感覺,但又幾有趣。」



■計劃明年秋天結婚的石詠莉和鄧健泓,預計在加國和香港都擺酒。

■石詠莉和鄧健泓攬實擺甫,乘機取暖。

■石詠莉日前接受訪問時,對未婚夫鄧健泓讚不絕口。攝影:陳慧安化妝:Katy Fung服裝提供:Club Monaco場地提供:THE BARBE

Sukie大爆未婚夫Patrick唇色凍到紅變紫,講到男方為人,她讚不絕口:「我人生入面遇到咁好嘅男人係好幸運,佢非常細心,不停為我事業無私付出,嘔心瀝血做每一樣嘢。」Patrick也說:「我想話畀大家知我係好有誠意,希望同呢個女人一齊變老,求婚同影婚紗相我都做咗,係爭簽紙呢一步。」採訪:楊潔雯




來源: http://hk.apple.nextmedia.com/entertainment/art/20160913/19768721
雪地 婚照 以為 會死 鄧健 泓石 石詠 詠莉 生仔 仔靠 科技
PermaLink: https://articles.zkiz.com/?id=308912

鄧健泓全副身家幫女友出碟
石詠莉開騷望Freeze合體

1 : GS(14)@2016-09-13 08:04:23

■鄧健泓今年3月向女友石詠莉求婚成功。資料圖片

Freeze合體演出

這對準新人有意完成手頭工作便籌備婚禮,Sukie將於下月9日在九展舉行「Sukie S My First Stage Live2016」演唱會,她還希望屆時Freeze可以合體演出。而Sukie日前跟Patrick孖咇做訪問,兩人當正演唱會是婚禮預演,他說:「完成演唱會後,我哋會重新整理一下狀況,然後準備婚禮,婚期定下年秋天,計劃喺加拿大同香港兩邊都擺酒。」至於生仔計劃,Sukie謂順其自然,但Patrick已年過四十,她說:「都OK嘅,而家科技咁昌明,我哋都有諗過生,我同佢都係好鍾意小朋友。」採訪:楊潔雯




來源: http://hk.apple.nextmedia.com/entertainment/art/20160913/19769575
鄧健 全副 身家 女友 出碟 br 石詠 詠莉 莉開 開騷 騷望 Freeze 合體
PermaLink: https://articles.zkiz.com/?id=308913

【馮仁昭四圍超】石詠莉開騷瘦十磅

1 : GS(14)@2016-10-10 16:14:40

石詠莉噚日喺九龍灣為演唱會拜神,佢話自己瘦咗最少10磅:「其實都唔係為咗演唱會而減肥,之前健康唔係咁好,所以做運動瘦啫!」佢仲話心情唔緊張,反而諗緊完騷後可以食番最愛嘅pizza。問到石詠莉背後嘅男人鄧健泓緊唔緊張?鄧健泓話未婚妻做乜佢都好緊張,石詠莉即大讚鄧健泓講嘢99.9都啱,鄧健泓話:「工作上囉,但感情上就99.8啦,廚房嘢我就唔敢出聲。」撰文:馮仁昭




來源: http://hk.apple.nextmedia.com/entertainment/art/20161010/19795998
馮仁 仁昭 四圍 石詠 詠莉 莉開 開騷 騷瘦 瘦十 十磅
PermaLink: https://articles.zkiz.com/?id=311413

荷包傷元氣 婚禮睇吓點石詠莉個唱 由頭喊到尾

1 : GS(14)@2016-10-11 08:11:56

■石詠莉在處女騷入面,獨唱Freeze時代的《金睛火眼》。



石詠莉(Sukie)前晚在九展Star Hall舉行個人演唱會,Sukie台上三度感觸落淚,演唱會尾聲,她在台上感謝鄧健泓(Patrick)救命之恩,還向對方示愛。Sukie處女騷獲得Patrick的好友支持,嘉賓有孫耀威、盧巧音、甄詠珊及蔣志光。



■Freeze成員之一甄詠珊(左)畀面前隊友石詠莉,擔任其個唱嘉賓又唱又跳。

■石詠莉苦練鋼琴一個月,自彈自唱新歌時感觸爆喊。

■背後的男人鄧健泓完騷時上台,拖實未婚妻石詠莉答謝觀眾。


「失敗令我長大」

穿上一襲紅色貼身露背晚裝出場的Sukie,唱出《聽不到的說話》及《結他低泣時》後,有點眼濕濕:「歡迎大家嚟到自己首次個人演唱會。」講完便落淚。接着出場的嘉賓孫耀威爆Patrick見女友喊,即摺一長心形紙巾,叫他交給Sukie。之後,Sukie自彈自唱《聽聽》,又突然喊起來:「好多嘢冇諗清楚,大個之後先知道好多嘢做得唔好,會令到日後失敗,但我唔怕失敗,失敗會令自己長大。」演唱會尾聲,Sukie在台上再喊,她表示要感謝P先生在懸崖邊救她,又出錢出力支持她唱歌,完成她的夢想。Sukie唱出男友名曲《阿四》,現場播放兩人的生活照和婚紗照,螢幕上更出現「我愛你,阿四」,完騷時,鄧健泓走上台跟Sukie手拖手向觀眾謝幕。


「有色眼鏡睇我」

Sukie在騷後接受訪問,提到三度爆喊:「已經盡量忍住,但係每當講到家人同以前嘅經歷就控制唔到自己,又覺得好感動,因為自資做演唱會係一件好難做到嘅事。」被問到之前不想提前組合Freeze時,她說:「因為以前會有好多好難聽嘅聲音,但而家成熟咗,覺得越過咗困難。」問她是否怕被指整容?她說:「唔單止啦,同埋有好多人用有色眼鏡嚟睇自己,以前淨係想努力唱歌。」對於未有與Patrick合唱,Sukie說:「佢太忙,付出已經太大,佢話如果喺度唱,婚禮就冇驚喜。」兩人明年計劃舉行婚禮:「搞今次演唱會已經元氣(金錢)大傷,要好好療傷先,要埋晒數睇吓點先。」採訪:盧妹攝影:仇志德




來源: http://hk.apple.nextmedia.com/entertainment/art/20161011/19796715
荷包 元氣 婚禮 睇嚇 嚇點 點石 石詠 詠莉 莉個 個唱 由頭 喊到 到尾
PermaLink: https://articles.zkiz.com/?id=311544

【馮仁昭四圍超】石詠莉慳錢婚禮改期

1 : GS(14)@2016-12-28 08:12:24

石詠莉噚日去商台宣傳《Welcome2 My Destination》專輯第三版,今次加推早前演唱會收音CD,戴住求婚鑽戒嘅佢,今年經歷好多第一次,如鄧健泓求婚,第一次講我願意,同埋開演唱會。婚禮已定好日子嘅石詠莉,因心儀會場冇期,考慮緊轉場地或改日子遷就,佢話:「會低調少少同親戚朋友食飯,個場地好好又有折扣,因為開支太多,要慳啲。」佢過兩日會去上海,照顧喺當地演舞台劇嘅鄧健泓起居飲食。撰文:馮仁昭




來源: http://hk.apple.nextmedia.com/entertainment/art/20161228/19878642
馮仁 仁昭 四圍 石詠 詠莉 莉慳 慳錢 婚禮 改期
PermaLink: https://articles.zkiz.com/?id=320358

【雙春閏月】鄧健泓今年娶石詠莉

1 : GS(14)@2017-03-26 15:38:19

今年是雙春兼閏月的嫁娶好日子,圈中不少藝人都選擇今年拉埋天窗。


鄧健泓 石詠莉

鄧健泓去年向拍拖3年的石詠莉求婚成功,二人到加拿大影婚照,並計劃今年結婚。


林奕匡 李靄璣

林奕匡本月初在澳門求婚成功,跟拍拖9年的圈外女友李靄璣9月在加拿大行禮。


陳柏宇 符曉薇

陳柏宇今年7月2日迎娶模特兒女友符曉薇,兩人拍拖5年去年同居。


趙勁皓 盧頌之

兩人未婚生女,並定於今年在香港註冊、外國行禮,將於中港兩地擺酒。




來源: http://hk.apple.nextmedia.com/entertainment/art/20170326/19970036
雙春 閏月 鄧健 今年 娶石 石詠 詠莉
PermaLink: https://articles.zkiz.com/?id=328893

石詠莉病癒 感謝鄧健泓

1 : GS(14)@2017-08-04 06:11:07

石詠莉(Sukie)昨日去到商台宣傳即將推出的新專輯,早前因發高燒要留院多日的Sukie雖已康復,但仍然一臉倦容,她說:「雖然好番,但係個人仍然好攰體力好唔夠,日前仲拍完MV,過程真係好攰。」講到養病過程,她表示:「曾經試過燒到40度,好彩?家好番,但工作嘅進度就推遲咗。」講到男友鄧健泓在她卧病在床期間寸步不離,Sukie說:「佢好擔心我,多謝佢為我做咗好多嘢。」新碟《The Hat Trick》將於9日推出,她說:「喺12號就會有新碟發佈會,希望呢幾日唞足精神,到時精神奕奕咁出嚟見大家。」採訪、攝影:曹家誠




來源: http://hk.apple.nextmedia.com/entertainment/art/20170803/20109774
石詠 詠莉 病癒 感謝 鄧健
PermaLink: https://articles.zkiz.com/?id=339510

石詠莉恨鄧健泓食軟飯

1 : GS(14)@2017-08-19 19:10:53

石詠莉新碟《The Hat Trick》本月9日推出,更已經準備加印,昨日她到商台宣傳時笑說:「我想鼓勵幕後同事先,請大家齊食餐飯。」記者笑指幕後人員是否包括未婚夫鄧健泓?石詠莉說:「佢當然有份,我嘅目標係可以餵鄧健泓食軟飯。」提到兩人婚禮,她表示已籌備場地及婚紗:「都未有時間搞婚禮,不過唔急,希望下年成事。」




來源: http://hk.apple.nextmedia.com/entertainment/art/20170819/20125769
石詠 詠莉 莉恨 鄧健 泓食 食軟 軟飯
PermaLink: https://articles.zkiz.com/?id=340323


ZKIZ Archives @ 2019