ZKIZ Archives


iPhone6要揀容量大否則易「爆機」

1 : GS(14)@2014-09-15 13:43:04

【專家意見】第一批iPhone6和iPhone6 Plus將於周五正式有貨,作為科技股對沖基金揸fit人王華教路,隨着新一代iPhone拍攝功能的提升,相片解像度大,建議用家最好選購容量大如64GB、128GB的iPhone,否則好易「爆機」。王華表示,由於之前的傳聞太「準確」,直言不覺新iPhone有太大驚喜,但相信買家會「一路埋怨一路買」,因為iPhone硬件與軟件結合的流暢度實在太好,預期兩種呎吋的iPhone都各有捧場客。他更提到,新iPhone拍攝功能進一步提升,相片解像度大,佔用更多容量,而早前發生iCloud洩荷里活女星裸照事件,用家對上載相片至iCloud或有戒心,因此他建議大家選購64GB、128GB的iPhone為妙。蘋果最終屈服於市場的需求,推出大屏幕iPhone,下一代iPhone還能有甚麼突破?王華大膽預言,iPhone7的底面兩面都會改用藍寶石玻璃,再配合以液態金屬製的蘋果標誌,至於會否推出不同顏色系列,王華相信機會不大,因為現時的「黑、白、金」已經很足夠。




來源: http://hk.apple.nextmedia.com/financeestate/art/20140915/18866658
iPhone6 要揀 容量 否則 爆機
PermaLink: https://articles.zkiz.com/?id=285559

【新年買錶】香港出品都有Swiss Made 買錶要揀限量版先保值

1 : GS(14)@2017-02-05 10:40:25

Swiss Made手錶要用上瑞士機芯,60%的製作成本要來自瑞士原件,也要在瑞士組裝和檢查。



作為一個品味籽,就算唔媚外,對產地文化都應該要有了解,飲威士忌要識蘇格蘭,訂做西裝最好去英國,而說到鐘錶當然首推瑞士。除了買撈、買P仔,你又知不知原來香港錶廠也有能力做Swiss Made瑞士錶?廖仲恒(Jims)出身自鐘錶世家,自己亦創辦了訂製瑞士機械錶品牌Memomem,就問問佢乜嘢係瑞士錶以及一些買錶心得貼士。



Jims爸爸和兩位瑞士鐘錶師傅35年前開始設廠製作鐘錶機芯,製作電子石英錶機芯起家,8年前開始製作機械瑞士機芯。機芯咪機芯,而且明明香港公司,點解會加瑞士二字?「鐘錶對瑞士好重要,所以做咗好多功夫保護當地產業。當地法律規定,一隻機芯,當中所用的零件成本要有60%以上來自瑞士,兼且在瑞士製作,先可以叫瑞士機芯。不過一隻錶用瑞士機芯唔代表係Swiss Made,可能只係Swiss Movement。」
Swiss Movement代表用上瑞士機芯的錶,但要冠上Swiss Made之名還要在瑞士完成整隻錶的組裝過程和檢驗,另外錶的總成本也要有60%或以上使用瑞士生產原件。有不少錶廠會外購機芯,再在其他國家進行組裝,這個情況就只是Swiss Movement,不是Swiss Made。因此Jims創辦的Memomem也要在瑞士廠房組裝,才能印上Swiss Made字眼。Jims覺得買錶最重要是意義,Swiss Made值不值錢全看用家心境。「你買一隻錶可能係想買間錶廠嘅歷史或者佢哋對美嘅睇法,例如我鍾意寶璣(Breguet),因為我知道佢嘅歷史,知道佢改良自動機械機芯,會欣賞佢嘅機芯設計,但一般人未必知,可能女朋友送畀你隻G-Shock先係最值錢,完全冇問題㗎。買錶唔似以前要睇佢行得準唔準,睇時間用手機喇!最緊要係對自己有意義。」唔係話叫大家唔追名牌,品牌名氣絕對係意義一種。「可能因為工作需要,有用家覺得買隻貴錶可以簡單說明到身份或者收入,呢個都係理由。」不過他就認為$5,000以下除了日本廠精工(Seiko)、星辰(Citizen)等,歐洲沒有太多好選擇,可以放棄牌子,因應個人喜好決定,所以他創辦的新品牌Memomem也落在這個價位。$5,000至$20,000的價位開始比較有趣,這個價位可以買到有一定知名度而技術又有特色的品牌。「例如波爾(Ball),大家認識佢可能因上面嘅氣燈,平時錶面有夜光要吸光先會着,波爾嘅氣燈係自然發光,放喺黑暗地方20年內都會繼續着。」另外他也推介新興品牌Bomberg,喜歡它夠另類,全部手錶款都可拆出來變陀錶,設計亦甚有創意,例如以日本武士、賭場做主題等。宣傳廣告更找來紋身性感女郎,於斯文高貴的鐘錶界稱得上異類。再貴的級別,相信錶迷自有一套見解,Jims就想冷門一點推介宇舶(Hublot)。「有啲人覺得佢抄AP(Audemars Piguet愛彼),其實唔係,佢好耐之前到依家都鍾意用新顏色、新設計、新物料,例如你唔會喺其他牌子睇到有牛仔布。」說到貴錶,常常聽人說買勞力士(Rolex)保值,Jims覺得這說法並不準確。「鐘錶唔似買樓會保值,似車多啲,一戴上手多數跌價,差在跌得多定少,名牌係跌少啲,但真係要用鐘錶投資嘅話,只有個別限定版做到,例如萬國(IWC)出過小王子特別版,市價一、兩年內升了幾倍。」
Jims還建議大家,錶是用來戴的,除了外觀,手感也很重要,揀錶記得落手摸。手錶的打磨很考功夫,角位要線條分明得來又不能?手,過度打磨會太圓滑,打磨不夠又?手兼不夠光澤。經驗豐富的鐘錶師傅多數會用手摸,判斷錶砌得好不好,有沒有誤差。雖然說到尾,個人喜好最重要,不過聽完行內人說法,眼界也大開,買錶時都會心思思睇埋歷史、技術,唔係話怕失禮或者要show off,而係箇中學問都大有樂趣。記者:司徒港燊攝影:黃子偉、徐振國


Jims自小在鐘錶工場和國際錶展周圍走,在旁為做了60多年的鐘錶師傅陳伯。陳伯指當年香港是瑞士打算進軍東方市場時第一個落腳的地方,他已是第三、四代師傅,香港鐘錶業甚有歷史。

除了幫手家族生意,Jims也開創了Memomem品牌,用家可以自訂配色、錶面款式、刻字,合乎正統Swiss Made規格,售價$3,999。facebook:memomemwatch

自動機械錶的機芯是靈魂所在,但其實有能力製作機芯的廠商不多,主要集中於瑞士、德國、日本、中國。



來源: http://hk.apple.nextmedia.com/su ... t/20170203/19916065
新年 買錶 香港 出品 都有 Swiss Made 錶要 要揀 限量 版先 保值
PermaLink: https://articles.zkiz.com/?id=325334

【菜市場學】失收加價?牛油果要揀脹身無凹無裂痕

1 : GS(14)@2017-07-01 10:30:12

牛油果營養價值高又美顏,是不少人的新寵。



牛油果營養價值高又美顏,是不少人的新寵,但最近有報道指美洲的牛油果失收,特別是墨西哥,以致牛油果大幅加價,那香港有影響嗎?



不願上鏡的果欄水果店老闆黃先生表示不用太擔心價格會暴漲,「一個地方失收不會太大影響,因為還有夏威夷的、緬甸有機的、智利的,連肯雅都有牛油果出產,很多時間交替,牛油果短缺情況不太嚴重。」但有專做牛油果菜式的餐廳指墨西哥來貨的確加了價,「鳥語」老闆梁筠兒說:「價格每次不同,約每個$10至$13,貴了$2左右,加幅不是太大,都會繼續用墨西哥牛油果。」連經常吃牛油果的市民也表示牛油果向來賣得貴,「一向都不是很便宜的水果,貴的話要每個$15左右,已經是中價,還有更貴的。」因此購買時她也不單單只看價格。



十多元一個牛油果,不懂選擇的話隨時揀錯,老闆就教大家揀靚牛油果:「最重要是揀較脹身沒有爛的,有些有裂痕的凹下去的,代表放久了,外殼容易爆開。」他還介紹一個名為Hass的品種,「Hass會變色,變得黑黑的,但變黑不是一個熟的指標,最好看頂部,輕輕按下去,軟身就是熟。」若牛油果中間部份摸上手很軟,就代表已經很熟了,一定要切開拿出核,用保鮮紙包着放入雪櫃,還可以放三至五天。另外,新鮮牛油果就算放入雪櫃,都不要超過一星期,要放在室溫待它熟,放在雪櫃會令牛油果熟得很慢,外表看起來會覺得它未熟,一旦熟到裂開就會入菌,裏面變成黑色,所以買回家還是盡快吃好了。



最近有報道指美洲的牛油果失收,特別是墨西哥,以致牛油果大幅加價。

十多元一個牛油果,不懂選擇的話隨時揀錯,老闆就教大家揀靚牛油果。

熟透的牛油果一定要切開後取核,用保鮮紙包着放在雪櫃,還可放三至五天。

記者:黎婉婷攝影:伍慶泉、張志孟2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170628/20070661
菜市場 菜市 失收 加價 牛油果 牛油 要揀 揀脹 脹身 身無 無凹 凹無 裂痕
PermaLink: https://articles.zkiz.com/?id=337392

周顯﹕買樓自住要揀抵買盤

1 : GS(14)@2017-08-18 07:38:41

【明報專訊】上星期,我向讀者介紹了一些心水地區和屋苑,包括了跑馬地、大坑道、康樂園、碧瑤灣、雍景台、瓏璽等等,一位讀者心水清,直指:「揀嘅全部跑輸大市都算係經典。」

對此,我的回答是:「當然是跑輸大市,先至抵買啦,唔通炒到飛天,先叫做抵咩!」

記得2010至2011年,「白旋風」陳清白買了十幾間大潭道100號山翠苑,百一萬至百二萬一間,朋友鍾仔見獵心喜,也夾埋一份,沒一兩年後,遇上細價樓狂熱,至今已經升了兩三倍。其理由無他,就是因為當時細價樓跑輸大市囉。

買股如買樓 當炒的不抵買

買樓呢家嘢,自用就要買抵買的,炒樓就要買當炒的,同買股票一樣,唔通你諗住買股票長期收息,會去買騰訊(0700)咩。

昨天說到,有人被我寫了,喊話要打我,我其實一點都不怕,一來我住在警署隔籬,二來家陣通街都係天眼,唔通走得甩咩,你睇林子健事件就知啦。

三來,你有錢找人揼我,我雖然窮,但三幾百萬都使得起吖,懸紅幾百萬元,如果警察捉到幕後元兇,就捐給警察的基金,我又唔信捉唔到呀。其實好多人都知道,我份人又茅又小氣,又熟法律又識得多黑X會,我都唔知又唔信居然有人敢得罪我。

像我這樣的人,當然夠膽隨便得罪人啦,但是我發現好多非常怕死的人,只要躲在網絡後面,用假名,就好大膽,有時候,真係死咗都唔知乜嘢事,因為在這個世界上,有一種人是「雖遠必誅」,如果冒犯了他,真的是多多都唔夠死。皆因在法律上和在茅招上,要揪出一個網民,實在是易如反掌!

[周顯 投資二三事]


來源: http://www.mpfinance.com/fin/dai ... 9156&issue=20170818
周顯 買樓 樓自 自住 住要 要揀 揀抵 買盤
PermaLink: https://articles.zkiz.com/?id=340112

【食譜】中秋前後應節芋仔 要揀矮圓肥

1 : GS(14)@2017-09-17 17:49:03

小時候每逢到中秋前後,家中窗台也會放一個二個芋仔,爸爸說這是中秋應節食物。選擇芋仔的時候,只要記住三個字,矮肥圓,便是好芋仔。芋仔跟芋頭不同,水份較多,肉質較細帶黏性。想好吃的話,要提早三日至一星期前便買,洗乾淨再風乾收水,吃起來口感便會更粉嫩。



選芋仔不是越大越高便越好,右邊那個圓圓滾滾的才是靚芋仔。

中秋過節時吃的芋仔就是以鹽水烚,吃時可再點少許鹽或糖。

將芋仔表面煎過再燜,芋仔便不易散開。

食譜卡

採訪:謝翠玲攝影:鄭明川



2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170917/20155205
食譜 中秋 前後 應節 芋仔 要揀 揀矮 矮圓 圓肥
PermaLink: https://articles.zkiz.com/?id=341268

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019