ZKIZ Archives


魚蛋檔迫上Van仔

1 : GS(14)@2013-01-27 14:54:33

http://hk.apple.nextmedia.com/news/art/20130124/18145029
當Van仔打開車尾度門,就會睇到入面有架木頭車,有位阿姐收錢賣嘢,魚蛋、燒賣、齋麵筋每串7蚊,牛丸同魷魚就每串8蚊。
至於魚蛋檔老闆就會企喺港鐵站出口睇水,爽仔上前同老闆講:「你咁樣賣魚蛋係犯法?喎。」
[魚蛋檔老闆(箭嘴示)會企喺港鐵站出口睇水。] 魚蛋檔老闆(箭嘴示)會企喺港鐵站出口睇水。
「一個月罰一萬幾千」
老闆就話:「我梗係知啦,成日俾食環捉,一個月隨時罰我一萬幾千,咪當係交租囉。」佢又話有時剛嚟到,見到有小販管理隊,只好調頭走,開唔成工。
既然係咁,何不正正經經開間舖賣魚蛋燒賣?老闆話:「我唔係未試過,之前喺太古坊開檔,賺埋都唔夠交租,執鬼咗啦。」呢個時候爽仔腦海浮現電視劇《創世紀》入面,陳錦鴻大鬧地產霸權嘅經典對白:「呢個世界公平咩!呢個世界公平咩!」
之但係,咁樣賣魚蛋,驚唔驚爆炸?老闆好淡定話:「我哋用火水爐,唔會爆炸,就算爆,都炸死我先喇。」最後,爽仔買咗串魷魚。
2 : teddycmh(30805)@2013-01-28 03:23:21

罰一萬幾千? 罰夠三萬佢都未驚過, 呢D本少利大, 不知幾好搵
3 : GS(14)@2013-01-28 23:53:07

3萬蚊交租好抵
4 : 草帽(1253)@2013-01-29 11:09:48

呢招高, 起碼唔駛驚走鬼, 最多走鬼時車死人姐. 又殺出一條血路喇. 我一定大大力幫親.
5 : 鎌首(32179)@2013-01-29 11:32:23

以前放工成日食, 佢附近都冇咩類似競爭者, 人流又大.
6 : GS(14)@2013-01-29 23:25:49

4樓提及
呢招高, 起碼唔駛驚走鬼, 最多走鬼時車死人姐. 又殺出一條血路喇. 我一定大大力幫親.


呢d真是食腦,抵他賺
魚蛋 蛋檔 檔迫 迫上 Van
PermaLink: https://articles.zkiz.com/?id=282190

七年之癢 譚小環魚蛋檔捱世界 老公圓方偷食拖女

1 : GS(14)@2015-06-18 14:36:32

2015-06-18 NM
07年,譚小環與做保險的蔡強榮(Eric)結婚,婚姻即將踏入第八年(9月11日),人前依然恩愛,老公更打本給她開小食魚蛋檔及手工藝教室,唔使再為每月萬八蚊死守大台,錫到老婆燶。看似美滿,但原來小環始終難敵「七年之癢」魔咒,最近有讀者向本刊爆料,指在保險公司做高層的Eric,經常趁老婆睇檔捱世界,四出偷食嗒女;上星期五(12/6),本刊發現Eric約了一名索女,到偷情熱點圓方食lunch,兩人更忍唔住在大庭廣眾下,公然拖手玩扯衫尾,態度曖昧。贏了魚蛋,輸了老公的譚小環見到偷食罪證時,皺晒眉,一臉委屈。

慣食散餐

外間一致認為,前港姐冠軍譚小環嫁得好,住何文田半山壹號過千呎豪宅,老公又連環打本給她搞魚蛋檔和手工教室,做老闆娘唔使再為雞碎咁多,留守大台捱更抵夜,生活得好幸福。

只不過,在保險公司擔任區域總監的蔡強榮(Eric),其實並非對婚姻忠誠的愛妻號。據知,Eric性格大男人,要話晒事,唔鍾意老婆太多聲氣俾意見,只要唔高興,就會黑晒口面,小環經常要睇住老公面色做人。

本刊最近收到讀者爆料,指小環老公經常瞞住老婆偷食嗒後生女。因為職業所需,見客大條道理,小環亦不以為然;玩完識返屋企的他,通常只選擇食散餐,免得留下手尾。

「Eric唔係靚仔,亦係人都知佢結咗婚,不過仲有好多女會黐埋去,可能因為佢成日都揸住啲靚車出入,一時波子一時法拉利,加上把口talk得,出嚟飲飲食食又捨得使,好多女都俾佢呃到,以為佢係有錢佬。

「有女埋身梗係食得唔好嘥!佢係公司高層,唔使成日返公司,佢老婆要睇住兩間鋪頭(魚蛋檔和手工教室),以為老公去見客,點知其實係約咗啲女出去玩!不過Eric玩得好高明,食快餐,永遠唔會長時間同一個。」爆料者說。

港姐殺手

現年50歲的蔡強榮(Eric),任職保險公司區域總裁,在保險界打滾多年,於業內頗有名氣。年薪逾百萬的Eric 07年同譚小環結婚,二人在尖沙咀洲際酒店筵開37席,百萬婚禮完全唔使揼心口搵贊助。Eric名下持有五間公司,現居市值千六萬的何文田半山壹號豪宅,名下有多部戰車,包括法拉利、保時捷,架架車牌自定,派頭十足。與小環結婚前,曾先後與梁佩瑚及向海嵐傳緋聞,被稱為「港姐殺手」。

冇戴婚戒

上星期五(十二日),本刊發現Eric約了個身形高『身兆』、身材均勻的年輕索女到九龍站圓方食lunch,為了方便吸煙,二人選擇坐餐廳露天位,成餐飯Eric的視線幾乎冇離開過坐對面的索女,又不時流露冧笑。記者留意到,當日Eric手上沒有戴上結婚戒指,其間提到自己有幾本事時,忘晒形的他更加講到手舞足蹈。相反,索女的戒備意識高得多,不時四圍望,似是怕被人發現。但Eric卻毫不擔心,甚至主動攞起索女的貼身用品,Line公仔Brown按摩棒來按摩。Hea到下午三點,二人才埋單離開。只見女方突然從背囊攞出口罩,又戴上眼鏡,盡量遮得就遮。沿途經過商場,Eric毫不避忌手多多,幫女伴掃頭髮,又出手拖住對方;但索女明顯有所避忌,拖一陣就縮開,經過較人多的地方,更會刻意彈開,保持距離。

勝地

位於九龍站的圓方商場,因為人流唔多,是名人「尋活動」的熱門「勝地」。

周嘉儀約會已婚男

無綫最索主播周嘉儀,被踢爆搭上已婚高層許方輝後,去年與已婚男在圓方Madam S'ate西餐廳撐枱腳。

彭順攬啜Liddy

去年彭順被發現背住老婆李心潔,與後生22年的僆模Liddy到圓方拍拖睇戲,更肆無忌憚又攬又錫。

黃長發搭富商三奶

09年,鞋王富商三奶李姿霆(Karen)被爆搭上港男黃長發,富商一怒下收車收樓,事件更鬧上法庭。姊弟戀曝光後,二人繼續冇有怕,拍拖到圓方睇戲行電器店買電腦。

只顧氹女

等攞車期間,因為有大柱位可以遮擋,兩人才變成連體嬰,Eric從後身貼身黐實索女,又拖住對方的手仔談心,玩玩吓更玩埋掹衫尾,全心投入氹女的他,完全沒有理會過自己已是人夫身份。之後,兩人一同坐上Eric的白色七人車離開。Eric背住老婆風流快活,但另一半小環卻為了生意事事親力親為,尤其是魚蛋檔,成功在銅鑼灣打出江山後,小環積極打到九龍,在尖沙咀搵鋪再開多間分店,忙到根本冇多餘時間睇實個老公,難逃七年之癢魔咒。經過了解,發現Eric偷嗒的索女,本身原來也有個正印男友。星期日(十四日),索女同正印男友到啟德郵輪碼頭拍拖,難怪當日與人夫Eric圓方密會,索女如此步步為營。

緊張睇相

本週二(十六日),小環坐住老公Eric用來接送索女的白色七人車,到葵涌一座工業大廈,見到記者及被問到有關老公偷食索女,她面色一沉,但仍幫口撐老公。「我同老公關係好好,其實好多時佢約啲單身女仔都係公事,因為佢做保險,我覺得唔係問題囉。(對佢好有信心?)有……有信心o架。」小環說。之後記者將Eric同索女的親密照,小環緊張望實相片,又不停逐張相仔細睇完又睇,皺晒眉再強裝微笑。「呢個女仔我唔識呀!我未見過佢,不如你哋等我了解吓先。唔……我睇完啲相我覺得好正常,公事上面佢好多時都會同我講嘅,佢咁多同事,我冇可能會識得晒,你哋唔好嚇我啦!」

總有個喺左近

男人要「偷食」,就算另一半管頭管腳,一樣有本事見招拆招,更何況,做嘢冇時冇候的娛圈人妻,更加睇唔實。

李心潔

07年與邦民女Kama到佐敦爆房斷正的彭順,去年再次背妻偷食,當街拖住小三Liddy又攬又錫,事件哄動全港,事後彭順即棄小三,撲返馬來西亞補鑊,最終亦得李心潔原諒。

趙頌茹

與周永恒結婚四年育有兩女,去年老公被踢爆搭上助手Ruby,加上經常發生家暴,令阿Yu徹底死心帶埋兩女返娘家,周永恒不但冇悔意,還多次出言恐嚇。

郭可盈

老公林文龍07年與內地女星董維嘉合作電視劇《朝九晚五》撻着,09年,林文龍向經理人汪子琦承認背妻偷食的電話錄音被公開,郭可盈開記者會挺夫,並反控汪子琦勒索,罪成入獄。未幾,郭可盈更忽然有喜,生女保住婚姻。
七年 年之 之癢 小環 魚蛋 蛋檔 檔捱 世界 老公 圓方 偷食 食拖 拖女
PermaLink: https://articles.zkiz.com/?id=291086

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019