|
||||||
唔少人都有睇過Donald Trump嘅真人Show《Apprentice》(飛黃騰達)。天津衞視近排都有套類似嘅招賢節目叫《非你莫屬》,每次請幾位大企業老闆,帶埋好工上節目。參賽者透過自我介紹,同臨場應對主持問題,表現自己爭取好工。 噚日SOHO中國(410)老闆潘石屹第一次上呢個節目,仲帶咗5個銷售總監職位,諗住上去揀卒。不過,你揀人,人揀你,雖然呢份每年350億銷售額嘅工,名副其實高薪厚職,但冇人願做。 好 似一位27歲嘅北大人類學碩士生馬吟秋,現職清華對外漢語教師,一時話想轉做旅遊體驗師,一時又話想讀多個博士學位,自己都唔知自己想點,席上評判個個叫 佢返歸諗諗自己前途,點知潘石屹話想請佢做銷售總監,連馬吟秋都質疑「你覺得我有銷售的潛質嗎?」潘總話,「我覺得有。」 不過,馬吟秋最終都話自己應該做唔嚟,婉拒咗潘總嘅美意。面對80後,潘石屹無奈要食檸檬。 |