【文化遺產】日理萬雞 34年雞農：我係雞癡！
1 :
GS(14)@2017-01-31 03:14:04屋企就喺雞場側的李良驥話習慣朝早的集體雞啼，絕不會被吵醒。
以前喺新界，真係分分鐘雞多過人呀！全盛時期，新界有幾千個雞場，依家？三十個都冇。1982年起一直堅持養雞至今的李良驥，在元朗經營永明農場，養有活雞三萬幾隻，自認雞癡。「大半生人對住啲雞，你話我唔癡都係儍啦！」佢慨嘆以往殖民地政府鼓勵養雞，為雞農引入不同雞種，又助他們改善飼料，依家卻規管多於支援。社會一味講經濟，土地只會種出大廈，堅離地。「我哋希望將來政府可重視農業，唔好淨係話要做國際都會，有乜事上來我哋可以自給自足嗎？靚衫，女士可着少件，但糧食我哋一定需要。」
雞隻飼養技藝原來係非物質文化遺產。雞要好食，要識得混種。「染交出好嘅後代，我係有啲滿足感。」80年代，雞都是自然交配，佢1998年向其他雞農學習為雞採精及人工授精，本地雞農至今仍不時交流新知識。同行不一定如敵國。「技術永遠學唔晒，錢亦都賺唔晒。有人問到我，我冇所謂，識嘅就話佢知。我哋養雞業係幾團結。」每個雞場總希望培育出「鎮場之寶」雞種，64歲的李良驥希望把雞場交予兒子接手前，能有一款出色雞種省靚農場招牌，讓他將來打理雞場業務能輕鬆一點。他前後花近二十年從石岐雞中栽培出羽毛亮黑的「黑羽雞」，肉爽甜不膩。「我希望佢承傳落去，保存呢個行業。」記者：葉青霞攝影：王國輝2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
雞隻飼養技藝乃非物質文化遺產，長春社古蹟資源中心的Hedy這天與雞農李良驥談養雞業轉變。
因防疫需要及政策要求，雞場現變得守衞森嚴，閒人免進。
1970年代前，養雞戶多是家庭式經營。
來源:
http://hk.apple.nextmedia.com/su ... t/20170130/19912624