ZKIZ Archives


張致恒兩年後娶莊端兒

1 : GS(14)@2016-02-15 02:19:50

張致恒(Steven)與女友莊端兒拍拖年多,兩人經常出雙入對兼網上放閃,最近更情侶檔在年輕人市集開檔,兩人一條心拍住搵錢。趁着情人節,他們打算搞搞新意思,找來甜品師傅Koby Au教製作愛心曲奇。原來兩人平日都熱愛煮食,莊端兒最拿手煲湯,難怪食得Steven肥肥白白。


■愛煮食的Steven和莊端兒,合力炮製曲奇。


今年已經是兩人共度的第二個情人節,Steven表示一早已互送禮物:「女友送咗部粉紅色情人節限量版嘅電話畀我,我都送咗部咖啡機畀佢,都係粉紅色情人節限量版。」問兩人可有結婚計劃?Steven說:「係有初步商量過,希望至少兩年,等我努力工作搵多啲錢先。」莊端兒忍不住搭嘴:「你求咗婚先講啦!」Steven即耍賴皮:「不如你答咗我應唔應承先啦,你話應承我咪求囉。」你一言我一語打情罵俏,羨煞旁人。撰文:曹家誠服裝提供:Zeal(張致恒)髮型及化妝:Faye's makeover場地提供:The Loft Kitchen





來源: http://hk.apple.nextmedia.com/entertainment/art/20160214/19490097
張致 年後 娶莊 莊端 端兒
PermaLink: https://articles.zkiz.com/?id=295902

莊端兒胸襲亞洲電影大獎舒淇開窿爭影后

1 : GS(14)@2016-03-18 23:56:28

【澳門直擊】第十屆亞洲電影大獎頒獎禮昨晚在澳門威尼斯人酒店舉行,太陽娛樂老闆周焯華(洗米華)、舒淇、羅霖偕兒子、甄子丹胞妹甄子青、張敬軒、王菀之、白只、春夏、翁子光、梁詠琪、柯震東、劉亞仁、賈樟柯和趙濤等,於下午5時開始行紅地毯,杜琪峯、法國女星蘇菲瑪素(Sophie Marceau)和高圓圓約晚上8時才出場,而李秉憲壓軸行紅地毯,星光熠熠,當中韓國女星李成敏及莊端兒則性感示人,問超低胸的莊端兒會否擔心走光?她表示:「都驚㗎!因為入面只係貼乳貼,乜都冇,男友(張智恒)睇過我套衫,佢話冇眼睇!」



■性感現身的莊端兒指男友張智恒表示冇眼睇。

■孕味甚濃的王菀之要由軒仔扶住出場。



王菀之要軒仔扶

舒淇憑電影《刺客聶隱娘》有份角逐影后,她穿上開窿透視長裙行紅毯,性感又高貴,她表示:「《聶隱娘》而家喺法國上映,剪咗另一預告片,另一個感覺。」舒淇近日趕拍電影《健忘村》,當中要扮村姑及素顏出鏡。軒仔與王菀之手拖手到場,婚後的王菀之明顯身形圓潤,孕味甚濃,要軒仔扶着她出場,問到是否有喜訊時,王菀之否認說:「唔係!只不過過年時食多咗糕點,生仔係好正常事,但呢啲冇得急,要順其自然。」



■梁詠琪笑言榮升媽媽後不會穿着太性感。

■春夏蹺着拍檔白只示人。



梁詠琪唔再性感

穿黑色晚裝的梁詠琪就擔任頒獎嘉賓,記者指她着得密實時,她哈哈笑說:「係呀,做咗媽咪就要以身作則,唔可以咁性感啦。」近日她留在澳門拍電影《骨妹》,但因為掛念女兒,有時收工會搭夜船回港,到翌日朝早才會搭早船回澳門開工。白只憑《踏血尋梅》獲最佳男配角提名,他表示:「今次有幸出席盛大頒獎禮,心情相當緊張。」他卻被旁邊的翁子光爆料:「原來佢係淺野忠信粉絲!我話畀佢聽今晚有可能有機會見到偶像。」白只點頭承認說:「如果一陣真係見到佢,我會企喺一邊,默默支持佢。」採訪:張俊銘、卓寶花攝影:陳俊強





來源: http://hk.apple.nextmedia.com/entertainment/art/20160318/19534211
莊端 端兒 兒胸 胸襲 亞洲 電影 大獎 舒淇 開窿 窿爭 爭影 影後
PermaLink: https://articles.zkiz.com/?id=298391

馮仁昭四圍超:莊端兒遊日變雙失

1 : GS(14)@2016-03-30 14:42:15

莊端兒上星期六出發去日本沖繩參加大前日舉行嘅「Minions Run日本小小兵歡樂路跑」,點知落機嗰陣發覺唔見咗副眼鏡,搵唔返之餘再發現有件行李原來仲喺香港。到比賽當日,端兒着住套Minions服飾,相當興奮,佢又以為比賽係馬拉松,但到場先知係步行,枉費之前日日練跑!撰文:馮仁昭





來源: http://hk.apple.nextmedia.com/entertainment/art/20160330/19549365
馮仁 仁昭 四圍 莊端 端兒 兒遊 遊日 日變 變雙 雙失
PermaLink: https://articles.zkiz.com/?id=298780

莊端兒認撇Steven

1 : GS(14)@2016-04-15 16:30:09

莊端兒(Xenia)與張致恒(Steven)拍拖兩年,兩口子一直甜蜜蜜,之前更曾透露有意兩年後拉埋天窗。昨日有報道指Xenia與Steven已分手,女方近日更頻頻睇樓搵屋搬,希望避開男友。
Xenia自簽了諸葛紫岐公司,成為旗下藝人後發展不俗,常要返內地拍劇,令男友有微言,更要黐身做跟得男友。Xenia因此而與Steven多磨擦,加上她想在事業上搏殺,故已主動提出分手。記者昨日聯絡Xenia,問到分手一事,她沒有否認:「你哋問番工作,唔想提感情事,係朋友啦。」問到會否感到可惜,她就不願多談:「而家係搵緊屋搬,不過未睇啱,而家都做嘢為先,感情隨緣,向前看。」採訪:唐如





來源: http://hk.apple.nextmedia.com/entertainment/art/20160415/19571566
莊端 端兒 兒認 認撇 Steven
PermaLink: https://articles.zkiz.com/?id=299371

莊端兒賣性感高貴

1 : GS(14)@2016-07-17 16:01:40

近年書展性感寫真橫行,35E導彈莊端兒,被指是周焯華(洗米華)的追求新目標,今次她在沖繩拍處女寫真《As she was born》,莊端兒說:「自己係最大賣點,有好靚比堅尼,又有好靚珠寶同高貴晚裝。」36D波霸僆模姚紫茵(Bonnie)則說:「第一次半裸影相,拍攝時聽住男神周柏豪嘅歌,幻想住佢嘅樣影寫真。」而擁36G巨咪的崔碧珈在《Sweet》晒胸器,她說:「本書講我用運動換取靚身形,我每日做一兩個鐘運動。」


書名:Bonnie First Fantasy?價錢:$128





來源: http://hk.apple.nextmedia.com/entertainment/art/20160717/19697964
莊端 端兒 兒賣 性感 高貴
PermaLink: https://articles.zkiz.com/?id=304074

開記招斷關係 獲回敬冇誠信莊端兒稱遭諸葛威逼「壓力好大」

1 : GS(14)@2016-09-23 08:09:59

■莊端兒昨日以全黑打扮出席記者會,交代與經理人諸葛紫岐終止合約。



莊端兒昨日於尖沙嘴一間酒店開記者會,事前外間以為她會數臭聲稱自己有性上癮要求醫的張致恒(Steven),及與呂晶晶疑似姊妹反面真相,但原來她是交代與經理人諸葛紫岐冇合作關係。端兒全身黑色,收起F cup導彈身材,一臉慘情交代事件,稱已原諒張致恒,希望能各自找到幸福。她表示自己最近承受好大壓力,於今年8月5日已向諸葛發出律師信,單方面提出終止合約。她說:「自從我自資出寫真集……有人想我做一啲超越我底線嘅事,而我一而再、再而三去拒絕。」端兒鄭重表示不可以用她個人資料接洽工作,否則保留追究權利。



■諸葛昨日黃昏如常出席護膚品活動,不受莊端兒事件影響。

■莊端兒稱自資出寫真集後,有人想她做超越底線的事。資料圖片


認曾結婚

在端兒發言後,問到張致恒台女新歡Doris以千字文轟她,端兒淡然稱不回應。但本報收到讀者爆料,指她於08年與一名有婦之夫Peter一起,她嚴肅地說:「有人爆料,唔好將人哋嘅喜好,走嚟問我。一直以嚟覺得自己好似林榮基,我乜嘢都唔可以答。」再問之前是否有一段婚姻?她搖搖頭,表示不願意回應。是否前一段婚姻影響與張致恒的感情?她不耐煩謂:「唔好將人哋所爆嘅嘢強加我身上,要我去回應,我只會回答我同Steven嘅關係。」之後端兒匆忙入電梯引起一陣混亂,離開時雙手合十。昨日5時許,端兒在Instagram承認曾經結婚,寫着:「有記者指有人爆料我曾經結婚,我的確結過婚,婚姻維持了很短時間,後來離婚了。我並不認為我曾經結婚是黑材料,所以,所謂爆料者如果想藉此抹黑我,我只覺得可笑。」


「冇嗌過交」

此外,本報昨日致電諸葛紫岐問她有否逼旗下藝人做不想做的事?她堅決否認:「你哋識我咁耐,從來唔會逼藝人做唔想做嘅嘢,我唔知佢所指嘅唔想做嘅嘢同底線係乜。」問到端兒瞞婚,諸葛續說:「我向來唔過問旗下藝人私人事,但合作講求彼此誠信,如果誠信出現了問題,好難合作!」昨晚諸葛紫岐到中環出席護膚品活動,再問她與端兒有否爭執過?她說:「係冇嗌過交嘅。」可會要求莊端兒賠償損失?她表示交律師處理。張致恒則說:「我知佢結過婚,係喺我哋拍拖之前嘅事,唔係秘密嚟㗎,佢公司都知㗎,佢同佢前夫以前同諸葛紫岐兩公婆仲有一齊打麻雀㗎。」採訪:馬建華、嵐山、皓騫攝影:沈健程




來源: http://hk.apple.nextmedia.com/entertainment/art/20160923/19778697
開記 招斷 關係 回敬 誠信 莊端 端兒 兒稱 稱遭 諸葛 威逼 壓力 好大
PermaLink: https://articles.zkiz.com/?id=309719

諸葛紫岐反擊解約莊端兒

1 : GS(14)@2016-09-24 23:30:50

■諸葛紫岐的公司發聲明,否認莊端兒(小圖)的指控。資料圖片



莊端兒近日爆出與張致恒分手,又被揭曾結婚,前日她在記招宣佈跟經理人諸葛紫岐劃清界線,更乘機爆大鑊。諸葛紫岐旗下的星韜國際娛樂文化有限公司昨發聲明,指從未接納莊端兒單方面提出解約,並於上月9日向莊端兒代表律師發律師信,同時澄清莊端兒寫真集是由星韜娛樂找出版社投資推出,並否認莊端兒指公司要她做超越底線一事:「指控完全歪曲事實,尤其『超越底線』之說含糊不清,並無真憑實據支持。」此外,同門的呂晶晶撐諸葛紫岐,反擊莊端兒,她昨在微博怒斥:「人性真係好恐怖,深深體會『反轉豬肚』這句名言。」撰文:楊定




來源: http://hk.apple.nextmedia.com/entertainment/art/20160924/19780118
諸葛 紫岐 反擊 解約 莊端 端兒
PermaLink: https://articles.zkiz.com/?id=309865

超越底線推演口交戲莊端兒寸諸葛:咁想拍你拍囉

1 : GS(14)@2016-09-25 10:28:19

■莊端兒和諸葛紫岐(右)不和,連日來數臭對方。資料圖片



莊端兒上周開記者會宣佈跟經理人諸葛紫岐終止合作關係,並大爆公司要她做「超越底線」事情,但諸葛旗下的星韜國際娛樂文化有限公司前日發聲明澄清指控完全歪曲事實。



■莊端兒大爆今年書展推出的倒瀉D奶寫真要自資。資料圖片

■王宗堯執導的新片,曾力邀莊端兒演做愛和口交戲。資料圖片


王宗堯無奈

莊端兒指控「超越底線」原來是不滿公司想她接拍王宗堯執導的電影《作家的謊言》,她抗拒做愛和口交戲份。王宗堯前晚無奈回應:「估唔到咁大件事,仲要係關我事。」接戲事件可是解約主因?莊端兒昨在電話說:「呢個係其中一樣,當初我睇到劇本係有性愛同口交場面,我真係推咗,佢要我再畀原因,我對佢講我係有信仰嘅人,唔想拍,唔明白經理人點解唔保護女藝人。」莊端兒昨午在社交網再爆seed,貼出諸葛被爆有6張身份證報道,揶揄對方沒誠信,她留言再提到推戲:「王宗堯知道我推,根本就冇再搵我啦!你(諸葛紫岐)咁想拍你自己拍囉!女藝人拒絕你唔鍾意一係雪佢,一係搵過其他嘢佢做,而唔係不停咁用咁多方式去要我答點解唔做!」採訪:嵐山




來源: http://hk.apple.nextmedia.com/entertainment/art/20160925/19780822
超越 底線 推演 口交 交戲 戲莊 莊端 端兒 兒寸 諸葛 咁想 想拍 拍你 你拍 拍囉
PermaLink: https://articles.zkiz.com/?id=309981

莊端兒再爆seed大數諸葛紫岐曾捧打鴛鴦

1 : GS(14)@2016-09-25 10:28:19

■莊端兒昨聲稱諸葛紫岐不喜歡張致恒,曾製造分手新聞逼他們掟煲。資料圖片



星韜國際娛樂否認要莊端兒自資出寫真,莊端兒卻再爆公司要她夾幾千元影profile相:「我之前跟莊思敏做過model,影相唔使夾錢,但我問過已離職嘅前經理人,對方講要喺份糧扣。」她亦不滿諸葛曾棒打鴛鴦:「佢打嚟叫我分手,認為我可以搵個好啲,佢直接幫我出新聞逼分手。」


不滿逼分手

莊端兒指當時只得轉地下情,但近日難忍張致恒(Steven)偷食才真分手,不過甩拖的她前日竟披頭散髮離開二人的愛巢,她說:「呢度係我屋企,真係分手,佢被爆偷食嗰晚已立即執嘢走咗。」她又寸呂晶晶在其感情事上抽水:「喺我傷口撒鹽,博乜嘢。」




來源: http://hk.apple.nextmedia.com/entertainment/art/20160925/19781289
莊端 端兒 兒再 再爆 seed 大數 諸葛 紫岐 岐曾 曾捧 捧打 鴛鴦
PermaLink: https://articles.zkiz.com/?id=309982

薛嘉麟責莊端兒作古仔

1 : GS(14)@2016-09-27 07:14:45

■薛嘉麟讚太太諸葛紫岐對莊端兒事件處理得好。



諸葛紫岐和老公薛嘉麟昨日出席於沙田馬場舉行的保良盃賽馬日。近日被爆曾結婚的莊端兒,炮轟老闆諸葛紫岐逼她做超越底線工作,又計劃單方面解約。對於有否為太太分憂,薛嘉麟說:「好少事箒,講來講去,有一個人有少少成績,想去無條件轉會,搞場大龍鳳。」薛嘉麟讚諸葛處理得好好,他笑言:「如果咁都搞得到就唔使做。作大堆古仔,講到九唔搭八。等律師招呼佢,佢鍾意亂咁嚟。」諸葛不欲多言,她說:「已交畀律師處理。」此外,許晉亨拿着枴杖,一拐一拐走進馬會會員廂房,問到他的身體狀況?許晉亨只說:「有心!有心!」採訪、攝影:張俊銘




來源: http://hk.apple.nextmedia.com/entertainment/art/20160926/19781781
嘉麟 責莊 莊端 端兒 作古
PermaLink: https://articles.zkiz.com/?id=310131

莊端兒入院切膽囊

1 : GS(14)@2016-09-27 08:02:18

■莊端兒誤以為胃痛,原來有三粒膽石。互聯網圖片



莊端兒日前開記招宣佈跟經理人諸葛紫岐解約,直指諸葛要她接拍做愛和口交的情慾片。莊端兒昨日在社交網貼相,透露自己入院:「我非常感謝大家關心本人身體狀況,由於我一直誤以為壓力,引致胃痛,而就近日新聞壓力底下,終於痛到忍無可忍求醫,才發現膽囊發炎及有三粒膽石,醫生建議我立即入院消炎及進行切除手術,而手術會在今天下午進行。」昨日莊端兒透過短訊回覆本報:「一直以為自己胃痛,原來有三粒膽石,我個情況係要將整個膽囊切除。」問她驚不驚?她說:「其實一定會驚,但我近日不停上網研究冇膽之後會點就安心好多,以後會定期做身體檢查。」採訪:嵐山




來源: http://hk.apple.nextmedia.com/entertainment/art/20160927/19782859
莊端 端兒 入院 膽囊
PermaLink: https://articles.zkiz.com/?id=310274

【馮仁昭四圍超】入稟法院討公道諸葛紫岐告莊端兒

1 : GS(14)@2016-12-07 07:41:13

■莊端兒9月開記招,聲稱8月已向諸葛提出解約。





諸葛紫岐曾力捧旗下性感女星莊端兒,可惜呢對賓主今年9月擘面,莊端兒喺記招上聲稱8月已向諸葛發律師信,單方面提出解約,佢當時爆料指所有事發生喺自資出寫真集之後,其中喺接拍電影《作家的謊言》上更有拗撬。



■諸葛紫岐噚日發聲明,指追究莊端兒嘅誹謗性言論。資料圖片

■莊端兒自資出寫真集,大晒惹火身材。資料圖片


聲明追究損失

諸葛事後回應話從來冇逼藝人去做唔想做嘅嘢:「合作講求彼此誠信,如果誠信出現問題,好難合作!」事隔超過兩個月,諸葛同星韜國際娛樂文化有限公司噚日喺微博貼出聲明,內容提到:「就近日莊端兒小姐透過不同媒體及召開記者招待會,所述有關諸葛紫岐及星韜國際娛樂文化有限公司(「當事人」)的誹謗性言論及惡意虛假行為,我們已委託資深大律師處理,於今天入稟高等法院,控訴莊端兒小姐,除了討回公道,並追究事件發展至今對當事人所帶來的傷害及損失。」諸葛噚日封嘴,莊端兒就透過好友迪子表示冇回應,佢嘅舊愛張致恒就以短訊回覆:「我唔方便回應。」撰文:馮仁昭




來源: http://hk.apple.nextmedia.com/entertainment/art/20161206/19856038
馮仁 仁昭 四圍 入稟 法院 公道 諸葛 紫岐 岐告 告莊 莊端 端兒
PermaLink: https://articles.zkiz.com/?id=318509

【馮仁昭四圍超】莊端兒疑露暈:陰影嚟

1 : GS(14)@2017-04-13 00:23:59

互聯網圖片





莊端兒前晚喺Instagram玩限時動態,着住吊帶衫大晒35E巨胸瞓床玩貓,嘟嘴錫錫疑似露暈。莊端兒喺電話愕然話:「冇露喎,陰影嚟嘅啫,其實我想影我塊面同隻貓好近,我用hands free個mode,拎起啱啱錄到少少身,咁我下次再小心啲囉。」問拍片時有冇戴bra?莊端兒話:「我有戴好薄嘅bra,真係陰影嚟㗎,我真係冇露到㗎。」撰文:馮仁昭




來源: http://hk.apple.nextmedia.com/entertainment/art/20170412/19987410
馮仁 仁昭 四圍 莊端 端兒 兒疑 疑露 露暈 陰影
PermaLink: https://articles.zkiz.com/?id=330271

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019