ZKIZ Archives


無綫7記者辭職表不滿談美琪BB last day

1 : GS(14)@2015-03-22 22:42:03





又有主播要say goodbye了,今次輪到tiger仔談美琪——佢昨日last day了。上月無綫電視新聞部多人辭職,包括首席記者林子豪,喺舊年佔領運動時處理7警涉毆打示威者新聞嘅編輯主任周潔儀、前助理採訪主任何永康,均已請辭。另多名記者主播包括談美琪、劉芷欣、林昭儀、趙珮瑜亦已請辭。港聞採訪組約30人中已有五分之一人辭職。轉眼就剛好一個月,何永康、林子豪同談美琪等已經搵到新工,何永康做番電子傳媒,林子豪則另有新發展。談美琪下個月去聯合醫院擔任傳訊經理,接替曾任亞視記者嘅姚健文之職,姚就升任新界西聯網經理(公共事務)。昨日係談美琪喺無綫新聞部last day,戰友彭國柱就幫佢farewell,仲po埋合照上ig,「tiger仔」當然有份,仲有咪牌cupcake,彭國柱並寫道︰「散水,thank you and goodbye!」十分鐘前,談美琪up咗張好多好多好多個咪牌cupcake嘅相,寫道:「十年記者生涯暫時劃上句號。在無綫新聞部工作,是我過去十年最開心的日子,有幸和各位共事是我的福氣,特別要感謝上司的信任、一班記者同事互相支持鼓勵,還有一班幕後英雄,攝影、工程、車長、剪片和導演等。曾說過若體力許可,很想可以『跑到老』,但人生去到不同階段,必然要作出取捨。」忍著淚說goodbye了…





來源: http://hk.apple.nextmedia.com/entertainment/art/20150322/19085510
記者 辭職 不滿 美琪 BB last day
PermaLink: https://articles.zkiz.com/?id=288785

女兒手術成功陳美琪親子Tee感恩

1 : GS(14)@2016-09-18 10:51:48

■陳美琪日前和膝部貼有紗布的養女Lucia現身跑馬地。DV圖片





【跑馬地】久未在港公開露面的陳美琪,近年移居上海,間中接拍內地劇集,但工作量不多,以專心照顧家庭。58歲的她日前和11歲養女Lucia身穿母女裝現身跑馬地,二人穿上同款同色的SPCA紫色tee,而戴上眼鏡面圓圓的Lucia膝部位置貼了塊白色大紗布,似乎有腳傷。母女二人在便利店購物後離開時發現有記者影相,陳美琪即戴上太陽眼鏡,並迅速地拖實囡囡過馬路,走入橫街登上七人車離開。



■陳美琪的養女Lucia早年在孤兒院生活時,據知曾飲了數月「毒奶粉」。資料圖片

先天脊椎爆裂

陳美琪早於1979年下嫁富商馬清偉,其間傳出關之琳介入,婚姻關係維持了7年便結束,直至01年再與美籍華人忻尚永結婚,於08年收養了出生時有先天性脊椎爆裂疾患的Lucia。陳美琪上個月曾在微博留言:「我女兒Lulu(Lucia)手術成功,已經回家休息。謝謝大家的關心和祝福!」日前見Lucia精神狀態俱佳,相信已沒大礙。採訪、攝影:徐錦池、吳耀輝




來源: http://hk.apple.nextmedia.com/entertainment/art/20160918/19773825
女兒 手術 成功 美琪 親子 Tee 感恩
PermaLink: https://articles.zkiz.com/?id=309576

傳之之介入婚姻陳美琪01年與美籍華人再婚

1 : GS(14)@2016-09-18 10:51:49

58歲嘅陳美琪,經歷過兩段婚姻,1974年,當時仍是無綫藝人嘅佢,就已經同富商馬清偉相戀,拍拖5年,即1979年佢哋就結婚,可惜佢哋婚姻只維持咗7年便告終,敵不過七年之癢呢!有傳與關之琳有關。當時陳美琪曾向外界透露,經常受到某人嘅電話騷擾,仲話某人嘅說話不堪入耳。馬清偉同陳美琪離婚後,90年就同薛芷倫結婚,不過馬清偉都未修心養性,經常被拍下與不同女伴約會,02年宣告離婚。而陳美琪就喺01年與美籍華人忻尚永結婚,08年收養咗一名被遺棄於垃圾堆嘅山西女嬰,取名 Lucia,o依家Lucia亦已經11歲喇!




來源: http://hk.apple.nextmedia.com/entertainment/art/20160918/19773881
傳之 之之 介入 婚姻 美琪 01 年與 美籍 華人 再婚
PermaLink: https://articles.zkiz.com/?id=309577

陳美琪16歲出道孖趙雅芝演《新白娘子傳奇》爆紅

1 : GS(14)@2016-09-18 10:51:50

近年主攻大陸嘅陳美琪,16歲就投考無綫藝員訓練班,72年正式成為大台藝人,樣貌標緻嘅佢,備受大台力棒,參與長篇劇集《強人》及《抉擇》嘅演出。陳美琪喺事業高峰期,完成咗《抉擇》嘅拍攝後,就同富商馬清偉結婚,然後仲淡出演藝界,86年離婚後就報讀澳門東亞大學嘅專業課程,翌年獲得工商管理碩士學位。完成碩士學位後,陳美琪重返大台,拍攝多部劇集,如同梁朝偉、吳岱融合作嘅《絕代雙驕》中,佢就係飾演冷艷嘅移花官主,令人印象難忘。92年,陳美琪同趙雅芝、葉童拍攝《新白娘子傳》,戲中餘演「青蛇」青兒,喺大陸爆紅,仲被封為最經典嘅青蛇。之後佢再返大台拍咗多部經典劇集,好似1至3集《刑事偵緝檔案》嘅高敏,《鑑證實錄》嘅聶寶意咁,經常飾演「家姐」,而呢個「家姐」角色一係就嫁入豪門然後老公猝死,或者唔係嫁入豪門但都係老公被殺嗰隻。陳美琪喺《刑事偵緝檔案》飾演郭可盈家姐,老公駱應鈞又係富商,被綁屝殺死;第二輯《刑偵》陳美琪同著名男星張國強火速發展談婚論嫁,點知張國強又係俾人殺死;喺《鑑證實錄》就飾演陳慧珊家姐,老公李國麟喺第二輯又係俾人害死……好得驚人!最近一次拍大台同大陸電視台合作嘅劇集,就係07年同劉松仁、苗僑偉、林峯、佘詩曼同胡杏兒合作嘅《歲月風雲》,戲中飾演阿佘嘅阿媽衛長萍。




來源: http://hk.apple.nextmedia.com/entertainment/art/20160918/19773880
美琪 16 出道 趙雅芝 白娘子 傳奇 爆紅
PermaLink: https://articles.zkiz.com/?id=309578

邵美琪零化妝現黑斑

1 : GS(14)@2016-10-13 08:09:35

■邵美琪日前揸車到天后,去上海食店買外賣。DV圖片



半百歲邵美琪(Maggie)上年年初狠撇拍拖6年的花心男施祖男後,過着單身生活,日前下午4時許,素顏Maggie一個人揸車到天后一家上海食肆買外賣,Maggie先將車停泊在的士站附近,落車後直衝入店,其間見她跟老闆娘說個不停,外賣到手,仍再傾多10分鐘,之後拿着兩、三人份量的外賣離開。本來對着老闆娘眉開眼笑的Maggie,轉身即刻變臉,突然愁容滿臉,眉頭緊皺。而Maggie當日戴眼鏡,零化妝,左眼角又出現黑斑,呈現老態,未知是否缺乏愛情的滋潤,才變得黯淡無光。採訪、攝影:徐錦池




來源: http://hk.apple.nextmedia.com/entertainment/art/20161013/19798802
美琪 化妝 黑斑
PermaLink: https://articles.zkiz.com/?id=311852

邵美琪半生經歷情傷「奪麵雙琪」最轟動

1 : GS(14)@2016-10-13 08:09:36

邵美琪(Maggie),當年被譽為無綫最索花旦之一,由於五官「鬼鬼哋」,曾經俾劉德華讚過似希臘小仙女。事業上,Maggie雖未至大紅大紫,但當年喺劇中,女一女二絕對走唔甩。事實上,對演藝事業稱唔上好大野心嘅Maggie,多年嚟,尋尋覓覓只係想搵命中注定Mr Right,可惜遇親嘅,唔係劈腿男就係花心漢,今時今日,感情都未見有着落。戚其義 初戀男友
Maggie第一任男友,二人喺1985年相戀,拍拖6年後,因鄭伊健嘅出現而分手。分手後二人仍保持友好關係,戚其義所監製嘅電視劇,不時會搵Maggie演出。鄭伊健 相戀8年90年,已經係花旦級數嘅Maggie,喺劇集《燃燒歲月》夥拍細自己兩年、當時仍然係寂寂無名嘅鄭伊健,二人相識一年後熱戀。93年Maggie同伊健傳婚訊,伊健否認之餘,笑言預算喺97年娶Maggie,亦承諾會照顧女方一生一世。可惜到99年,鄭伊健同梁詠琪(GiGi)合作演音樂劇《仲夏夜狂想曲》,擦出愛火,伊健32歲生日,GiGi被影到到西貢伊健屋企慶祝,引發「奪麵雙琪」事件。如今鄭伊健同梁詠琪都各自搵到另一半,但當年輸家Maggie,至今依舊係單身。鄭倫光 同遊北京同鄭伊健分手後兩年,Maggie被影到同圍村已婚大地主鄭倫光,雙雙到北京旅遊。有指二人喺機艙內,蓋上同一張被,相倚入睡,關係微妙。Maggie當時回應承認曾到北京旅遊,其他問題全部唔答。黃德斌 拍劇撻着06年,Maggie同黃德斌合作《火舞黃沙》而傳出緋聞,有指兩個經常喺眾目睽睽下,打情罵俏咬耳仔,但最終都係冇米粥。施祖男 相距10年08年,Maggie拍攝電影《機動部隊-同袍》時,認識喺法國長大嘅施祖男(Vinz),雖然男方細女方10年,而且施祖男知名度同女友相差一大截,但二人依舊相戀6年,直至舊年年初,有指施祖男背Maggie四圍識女仔,又洗女人錢,最終Maggie狠飛偷食男。




來源: http://hk.apple.nextmedia.com/entertainment/art/20161013/19799036
美琪 半生 經歷 情傷 奪麵 麵雙 雙琪 轟動
PermaLink: https://articles.zkiz.com/?id=311854

被溫兆倫推落火車邵美琪曾提名金像金馬

1 : GS(14)@2016-10-13 08:09:36

邵美琪原本喺醫務所做護士,因為陪朋友考訓練班而獲賞識,最後加入大台做演員。1984年藝訓班畢業後,出演過唔少MV。而開始為人熟悉就係喺梁朝偉主演嘅《倚天屠龍記》飾演小昭,講到真正上位嘅,絕對係《義不容情》中飾演嘅趙加敏,劇情中佢仲畀溫兆倫落出火車致死,亦因為呢套劇邵美琪被大台力捧成為新一代花旦。而講到代表作,一定係1990年嘅《我本善良》,佢同男主角溫兆倫仲被視為「最佳熒幕情侶」,係劇中佢「冬菇頭」look都成為潮流icon,而佢嘅招牌短髮look至今已經成為佢嘅icon。90年代邵美琪絕對係大台當家花旦之一。去到2000年,邵美琪仍然有唔少代表作,就好似o依家重播到嘅《創世紀》佢飾演嘅Tina周旋喺陳錦鴻同吳奇隆之間,仲有《妙手仁心》系列中嘅Anson,都令人難忘。除咗電視之外,邵美琪都參演過唔少電影,印象最深刻嘅,一定係杜琪峯嘅《PTU》系列電影,仲多次提名金像獎最佳女配角,其中《跟蹤》仲獲得過金馬獎最佳女配角提名o添!




來源: http://hk.apple.nextmedia.com/entertainment/art/20161013/19799060
溫兆倫 推落 火車 美琪 提名 金像 金馬
PermaLink: https://articles.zkiz.com/?id=311856

【馮仁昭四圍超】李美琪認戀糖水舖太子

1 : GS(14)@2017-08-18 08:36:03

李美琪(Monnie右)同張沛樂(沙律)噚日喺荃灣出席冠忠南區球衣發佈活動,Monnie早前被拍得同糖水舖太子Jill喺街咀嘴,佢噚日都大方講戀情:「拍咗半年,都幾穩定,係朋友介紹下認識,大家背景都好似。」Monnie話男友工時長,有時都會扭計對方冇時間陪自己,但係未考慮同居:「香港啲樓好貴,大家有時去吓旅行囉。」撰文:馮仁昭




來源: http://hk.apple.nextmedia.com/entertainment/art/20170818/20124546
馮仁 仁昭 四圍 美琪 認戀 糖水 太子
PermaLink: https://articles.zkiz.com/?id=340198

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019