ZKIZ Archives


誰去馬 深深深 CY太作狀 財爺仍未講 等等等

1 : GS(14)@2016-11-30 08:01:57

■梁振英



【特首跑馬仔】【本報訊】選委會選舉於12月11日舉行,早前有消息指財政司司長曾俊華已開始組班,正在訪京的曾俊華昨被追問是否獲中央開綠燈參選時,稱未與港澳辦主任王光亞談及選特首問題,又首次表明參選與否非個人問題,要考慮港人利益,更表明若再多講參選意向,只會「越講越黑」。另一邊廂,特首梁振英昨被問會否參選,則指「今日係冇消息」。有分析指中央一日未表態,建制候選人惟有苦等,不會隨便表明態度,否則會被視為「搞亂檔」,「(參選)即時死亡,呢啲就係佢哋(建制派)嘅悲哀」。記者:陳雪玲 林俊謙曾俊華連同陳家強、陳德霖等財金官員上京,外界一直揣測此行與特首選舉有關,但他昨重申是次訪京是一年一度的恒常安排,前日與王光亞會面只匯報香港最新經濟情況及各方工作,雙方未談及特首選舉,但他指王光亞席間肯定他們在金融、財政方面的成績。



■曾俊華

曾稱要考慮港人利益

後繼續被追問有否爭取中央支持參選特首,他說:「我已經講咗畀你聽我哋討論咗啲乜。」被問到為何遲遲不宣佈參選,曾俊華稱知道大家好關心,但強調「唔係個人問題,要考慮全香港人嘅利益」,不過記者仍要求他就參選意向「講白啲」,曾只笑言:「我真係唔知點再講白啲,越講越黑㗎。」至於是否如外界所指,他曾透過東亞銀行主席李國寶將他表明參選意向的信件提交中央,以及是否已成立競選辦公室等,曾都以全屬猜測為由不作回應,惟在訪問尾聲時善意提醒記者:「着多啲衫,天氣凍。」另一邊廂,特首梁振英昨出席行會前被問到稍後若有司長和行會成員辭職參選特首,會否影響政府運作時,梁振英指:「有關辭職嘅問題呢,係假設性問題,我唔回答假設問題。」


評論員:北京遲未表態


至於他本人會否等到選委會選舉後才宣佈競逐連任,以及會否在任內就《基本法》23條立法等,梁一律拒回應,僅稱:「兩個問題過去都講過,兩個問題答案都係一樣:今日係冇消息。」熟悉中國政情的時事評論員劉銳紹認為,中央現階段仍未就何人可入閘參選特首表態,「如果北京唔想你選都唔會講,你睇范太(范徐麗泰)上屆等咗4個月,最後開記招說過參選機會微乎其微」。劉銳紹續表示,北京從政治操作角度出發,要觀察特首選委組成,民主派是否派人參選等,即使民主派不出選,亦要估量他們會否成為關鍵少數,因此不會急於在此時表態。不過,正因北京未表態,令建制派有意參選者無所適從,這亦說明為何曾俊華、梁振英等,被追問何時參選時難以表態,「好多當然選委都六神無主,唔知點投,因為北京未有指示……(建制派有意參選人)只可以等,因為你唔聽話,一早就出局喇。」




來源: http://hk.apple.nextmedia.com/news/art/20161130/19850113
PermaLink: https://articles.zkiz.com/?id=317581

Next Page

ZKIZ Archives @ 2019