ZKIZ Archives


中環在線:純官二公子臭味冇有怕 李華華

2010-1-25  AD





 

新創建(659)上星期搞咗一個考察團,分別安排分析員同記者參觀重慶水廠及污水廠項目,由上任執行董事一職啱啱7個月左右嘅「純官」、鄭家純二公子鄭志明(Brian)帶團。

鄭 公子唔單止對業務瞭如指掌,而且出入「香味」媲美堆填區嘅污水處理廠時面不改容,佢講笑話,前一日已經帶分析員嚟睇,估唔到第二日仲要陪記者睇多次,惟有 當聞唔到「香味」啦。鄭公子行入「香味」重災區嘅污泥處理間仲一支箭咁飆入去,在場記者都不得不寫個服字,事關空氣真係「清新」到不得了。

股市波動未係入市時機

除 咗對業務提問應對如流,一向投資有道嘅Brian話,??家港股非常波動,暫時未有心水,而且又冇乜配股刁,交投未見暢旺,都係靜待時機先入市咁話。舊年 10月Brian就講過,新創建入股光大國際(257)、中科環保(351,現稱亞洲能源)同國際資源(1051) ,佢話portfolio(投資組合)冇改變。



中環 在線 純官 官二 公子 臭味 冇有 有怕 華華
PermaLink: https://articles.zkiz.com/?id=13978

中環在線:教學大樓命名純官代父發言 李華華


2011-1-5  AD




 

噚日係中文大學教學酒店開幕,同埋將教學大樓命名做鄭裕彤樓嘅大日子,咁重要嘅時刻,當然唔少得彤叔同鄭家純「純官」兩父子。不過,可能凍得滯會變呆滯,彤叔噚日唔多精靈,講嘢呢啲粗重工夫,交晒畀純官做。

唔 講唔知,原來彤叔同中大已經結緣30年!喺1977年,彤叔「十扑」中大創辦3年制工商管理碩士課程,到今日佢仲做緊呢個課程顧問委員會主席;1991年 佢又同四叔李兆基合捐600萬美金,資助「耶魯大學與香港中文大學中國研究計劃」。咁多年嚟,佢一直贊助中大工商管理學院嘅學術發展項目,又做埋中大聯合 書院校董同基金會委員……中大嘅朋友都應該同彤叔講聲多謝喎。

 


中環 在線 教學 大樓 命名 純官 官代 代父 發言 華華
PermaLink: https://articles.zkiz.com/?id=21075

新世界盈警 純官同學種禍根

2004-10-14 NM






新世界發展本週五公布全年業績,原被市場一致看好,估計今年轉虧為盈;不過旗下市值不足七億元的新世界信息,因為要為互動電視(VOD)投資,一次過撥備五十五億元,將拖累新世界見紅,所以兩間公司上週二同時發出盈利預警,股價因而應聲急跌。令新世界「老貓燒鬚」的,是一間矽谷科技公司派威(Prediwave)。新信息自二千年起,向派威投資連購貨總額高達五十五億元,雙方未來銳意打入大陸市場,但最終不歡而散。新信息及派威各執一詞,分別入稟美國法院,預備對簿公堂。今次事件的關鍵人物,是深得新世界太子爺鄭家純器重的新信息董事總 經理陳永德,他既是鄭家純中學同學,新信息與派威之間的合約都由他經手。不過這位太子老友已在七月中,以私人理由辭職,令事件顯得耐人尋味。發出盈警後, 新世界與新信息股價應聲大跌,分別一度急跌百分之九及十七。以每股五元買入一萬股新世界的小股東陳小姐埋怨:「今年初才以每股五元多供股,以為今年公司可 以虧轉盈,上月股價升到差不多八元多,我都忍手不放,但一個盈警便打沉股價,不知何時再見八元。」截至週二,新世界每股股價七元一。鄭家純向來甚少為公事 亮相,但在新世界發出盈警後翌日,他親自出馬透過電話會議,向投資界「解畫」,強調有關撥備不涉及現金流出。雖然投資損失嚴重,但本週一,鄭家純如常在上 午十一時才返回新世界大廈上班,對記者所有提問都不予回答。新信息前身為新世界基建,主要業務以公路為主。九九年全球科網熱興起,新基建亦開始涉足科技投 資。新基建入股一成七的中華網(China.com)二千年在紐約納斯達克上市,○○至○一年,新基建套現中華網獲利超過七億六千萬元,中華網一役令新基建初嚐「新經濟」帶來的甜頭。新基建食髓知味,要定位成為系內的科技旗艦。不過做開基建的新基建,又何來科技業務?唯有靠四出發掘科技公司,以短時間谷大科技業務。就是這個時候,祖籍山東的旅美華人曲建平,便搭上新信息。

科 網熱潮種禍根曲建平創辦的派威聲稱是視頻點播(Video On Demand,又稱VOD,即可透過電視購物、選看電影等)寬頻傳輸技術的先驅。由派威研發的機頂盒的賣點,就是容許無限量的訂戶,同時使用視頻點播,不 會出現訊號塞車的情況,而廣播商又毋須花巨款提升現有的廣播系統。二千年五月,全球科技股狂潮之際,當時仍叫新基建的新信息,想變身科技股,斥資三千五百 萬美元,向曲建平購入派威三成股權。新信息在同年十二月向外公布入股派威一事,公司專程請香港傳媒到北京,示範派威的視頻服務系統。當日曲建平並無現身,只是由陳永德主持大局。陳永德當年在北京接受香港傳媒訪問時,對曲建平顯得充滿信心,認為與他合作是一個「沒有風險的投資」。他又表示,派威估值達五十億美元,計劃在○一年分拆到納斯達克上市

投 資錯誤技術可惜事與願違,派威技術在內地根本難以應用。內地的有線電視採用的為單向的DVB制式,而派威所採用的制式為雙向的DOCSIS。據一名有份參 與交易的人士指出,新世界明知DOCSIS未成氣候,不過憑着新世界在內地人脈關係,相信可以說服內地政府改用DOCSIS。如果這個如意算盤打得響,派 威將可成為唯一可以提供DOCSIS制式的供應商。與派威業務相類似的香港公司天地數碼,在九九年開始在內地經營數碼廣播。該公司業 務發展及總部事務高級副總裁趙麗娟表示,天地數碼一打入內地市場,便沒有考慮使用DVB以外的制式,「因為行內普遍都相信,內地日後會將DVB定為標 準」。事實上,○二年六月,派威的機頂盒在福建試播失敗。同年年底,派威在廣州、福建及河北試播,都全部失敗收場。由於派威採用的制式無用武之地,所以其 生產的機頂盒未能做到互動電視的效果。再加上派威機頂盒會干擾其他廣播系統,用戶想看有線或免費的無線節目,要先關閉派威機頂盒,非常不方便。而且派威機 頂盒冷卻用的風扇嘈吵,失誤率又奇高,難以吸引內地廣播商使用。

今年四月決裂不過新信息無視以上種種問題,繼續向派威慷慨泵水。○二年至○三年間,新世界繼續購入曲建平旗下共八間公司的 股權。其間新信息又向派威購入數以百萬計的機頂盒,涉及金額超過六億美元。以上入股及購貨合約,都是由陳永德代表新信息簽署。獲得新信息注資的曲建平,並 沒有加快改良機頂盒的質素,反而先將錢以分紅形式派發給自己,袋了九千五百萬美元。他又將物業轉售派威套現,又買車給自己,涉及金額達八百萬美元。不過據 一名與曲建平熟稔人士反指,花紅及有關支出,是由陳永德主動提議給予曲建平。事實上派威原本與新世界關係良好,大老闆鄭彤裕○三年飛往派威視察業務,鄭家 純最近一次到派威,是今年一月。真正令兩間公司關係變差,是在今年四月。新世界在○一年 至○三年間向派威購入過百萬個機頂盒,支付五千萬美元訂金,尚欠派威五千八百萬賬款未付。新世界在四月游說派威,將欠款投資在新項目,開拓台灣市場。派威 拒絕有關要求,雙方談判破裂,之後,新信息向派威發信要求取消所有購貨協議及已支付的訂金。其後曲建平入稟美國法院,指控新信息撻訂及毀約,要求新信息賠 償五千八百萬美元。新信息再入稟反控派威誤導,索賠投資賠償七億美元。預計聆訊將於十一月初進行。

舊同學突然辭職正當這單官司如火如荼,關鍵人物陳永德卻在七月突然離職,原因不明。現年五十五歲的陳永德,與鄭家純是中學同學,亦是鄭家純的心腹。陳永德在加拿大溫莎大學讀商科學士,在當年取得會計師資格。八八年回流香港,便加入鄭家純持有的亞洲電視的董事局,同年又出任新世界保險服務的董事。九五年新基建上市,陳永德調入新世界權力核心,出任副董事總經理兼總理。有熟識他的分析員指出,陳永德因為管理基建業務出色,深得鄭家純歡心,因而扶搖直上,九六年開始升任新基建的董事總經理。九九年中華網一役為公司賺 錢,鞏固陳永德在新基建地位。今次他的離任,代表新信息投資科網的時代告一段落。新世界本週五將會公布全年業績,證券行幾乎一面倒將盈利預測,由盈利調整 為虧損。美資證券行雷曼兄弟更估計,最壞情況是新信息索償七億美元不成,還要賠償派威五千八百萬美元的追討。摩根大通更將原先估計盈利十五億元,調為蝕十 五億元,維持跑輸大市評級。德銀更將虧損金額預測為二十三億元,但維持買入評級。

新世界與派威結怨過程5/2000新信息(前稱新基)陳永 德搭上派威主席曲建平,投資$3,500萬美元入股派威三成股權,打算將其互動電視及機頂盒技術引進內地。10/01至6/03新信息多次與派威簽約購入 共約150萬套機頂盒和軟件設備等,共涉資金約$6.6億美元(約$51.5億港元)。3/5/04新信息發信予派威,指雙方之前所簽訂的有關合約無效, 要求退款。13/5/04派威入稟美國加州區域法院,控告新信息違反合約,及未能為派威的機頂盒做好內地及亞洲區內的銷售,要求賠償合約餘款不少 於$5,800美元($4.52億港元)。19/5/04派威入稟加州高級法院,控告新信息派駐入董事局 的Jimmy Li及符史聖二人違反誠信責任及進行不公平競爭。25/5/04新信息入稟加州高級法院,控告曲建平及派威,申請禁制令阻止派威在未取得新信息同意前於戶 口提錢;及狀告曲建平在派威戶口提取$9,500萬美元用作花紅、動用派威$800萬美元收購他的私人資產等。新信息要求派威賠償逾$7億美元 ($54.6億港元)。16/6/04新信息發信予派威,要求終止雙方之前訂立的所有合約及合作。5/10/04新世界發展及新信息同時發出盈警。

@請參考>@


新世界 盈警 純官 同學 禍根
PermaLink: https://articles.zkiz.com/?id=22325

純官搵大佬急救新移動

2005-11-17 NM




進入戰國時代的流動電話市場,又多一宗併購。新世界移動的流動電話合併入CSL,並向CSL母公司澳洲電訊(Telstra)支付二億四千四百萬,以換取CSL百分之二十三點六股權,此舉擺明是貼錢賣仔。

自 從SUNDAY泊到電盈大碼頭、萬眾被中移動收購,新移動幾乎淪為最弱電訊商。新移動主席鄭家純亦不得不親自出馬,主動認Telstra做大佬。純官肯做 細,其實除笨有精,今次賣仔不但令新移動沾光躍升為流動電話一哥,又可以參與第三代流動通訊(3G)業務。更重要的是,合併後與大佬CSL共享資源,換句 話說,節省資源,兩間公司員工飯碗將危危乎。

新移動將流動電話業務併入 CSL的消息在本週二正式公布,不但未有刺激其股價上揚,復牌後立刻急跌百分之八,收市報二元四角五,跌一成一。澳洲交易所上市的Telstra股價亦下挫百分之七,報四點○二澳元。

新移動股價受壓,反映股民不滿公司貼 錢賣仔。「無話事權,便會出現minority discount(小股東折讓),所以股價跌亦理所當然。」一名電訊分析員說。股價跌的另一個原因,是大概一個月前,有人向傳媒發放匿名短訊,披露新移動 與CSL合併,作價五十億,新世界又會以每股四元代價,將新移動私有化。傳媒翌日報導,新移動股價即急升兩成衝上三元。如今正式交易,新移動並非鯨吞 CSL,作價亦沒有傳言中進取,股價自然回落。

兩億四搵大佬

新移動在通告中並無交代整個交易的作價,市場根本無法判斷賣仔 是否合理。連CSL如何估值,亦不甚了了。根據新移動與Telstra簽署的諒解備忘錄,交易的形式是新移動將新世界流動電話全部股權,注入 Telstra CSL,並支付二億四千四百萬給Telstra,以換取Telstra CSL百分之二十三點六股權。

一般而言,合組合營公司都是雙方注入資產資金,甚少是一方向另一方付錢。新移動亦無在通告中交代向Telstra支付二億四千多萬的原因。接近交易人士透露,這筆支出是根據Telstra過去在CSL(3G)的總投資,再按新移動持有合營公司股份比例計算,「當是補償Telsrta咁多年在3G的投資。」

據接近新世界消息人士稱,在今次併購中,雙方估計CSL及新移動的估值為一百二十億及四十億。他坦言:「新移動未必值咁多,但Telstra堅持CSL值一百二十億,所以按比例新移動就值四十億。」

事實上新移動現市值不到兩億,而手頭現金只有一億一千多萬,要支付二億四千萬元現金,還得向母公司新世界方面伸手。

師奶客為主

說到底在這項交易上,純官不介意做「細佬」,更樂得有市值四百七十億的Telstra大佬照住。

在 六大流動電訊商中,新移動、SUNDAY及萬眾在客戶數目及每月平均消費(ARPU)向來「奀豬」,新移動及萬眾亦無3G牌。新移動的客戶雖有一百三十五 萬,(ARPU)為一百七十一元,較擁有一百三十萬客戶,ARPU為三百四十元的CSL相差一大截,新移動客戶仍以低消費的老人家及師奶為主。

本週二下午三時,位於牛頭角道的新世界傳動網地鋪,櫃台前坐滿顧客,後面仍有二、三人在排隊,大部分是師奶及上年紀的人士,一問之下,他們大多挑最平的,每月五十元有五百五十分鐘的月費計劃,或購買儲值卡。用了年幾新世界的吳小姐表示,因為該公司有優惠才上台。「我唔係用好多,只是去街時打吓返屋企,佢五十元有五百多分鐘,超過咗都係六十元,唔會浪費囉。」另外,來增值的陳太表示,以往用數碼通,九十八元一個月,因為太貴而轉用新世界儲值卡。「一次增值一百元,可以用好幾個月。」

睇住李澤楷出招

今次純官泊大碼頭,構思來自電盈今年初以近廿億全購SUNDAY。

電 盈收購SUNDAY後,集固網、寬頻、2G和3G流動電話及收費電視於一身,其捆綁式銷售令其他流動電話商無得打。上月中,中移動又以近三十四億收購萬 眾,專攻內地漫遊生意。僅有 2G及固網業務的新移動面對這個局面,在電訊市場業務只有捱打的份兒,眼見李澤楷私有化SUNDAY難以成功,便想到要集中火力攻流動電話,因而促成這次 的交易。

Telstra願意併入奀豬的新移動,與公司發展策略有關。Telstra新行政總裁Solomon Trujillo本週二發表的發展略策中表明,首要專注發展澳洲業務,CSL只是排第三位。澳洲佬提起CSL這公司着 實不是味兒,CSL本來屬於電訊盈科前身的香港電訊。李澤楷二千年入主後,火速向Telstra出售六成CSL股份還債,套現一百三十億。兩年後,電盈再 向Telstra出售餘下四成CSL股份,套現四十八億。二○○三年,Telstra為CSL減值撥備十億澳元,認真慘情。

裁員難避免

事實上,CSL截至今年六月底止,全年純利倒退二成八,至二億四千萬,同年度的資本開支高達七億五千五百萬,主要用在3G業務上。Telstra與新移動合併,無疑可以分擔未來發展 3G的開支。

兩間公司合併好處自然是節省成本,共用資源,合併完成後,相信會裁減三成CSL及新移動的員工。不過合併後CSL行政總裁伍清華仍會留任,而現年五十六歲、出身自CSL的新移動行政總裁衞鳳文則會留任一段時間後就會退休。

新移動併入CSL後,躍升為全港最大流動電訊商,能與李澤楷的電盈及和記3香港匹敵。電盈今年初收購SUNDAY時,李澤楷亦誇口要將SUNDAY變成好似CSL一樣,做到全港ARPU最高。不過收購至今近半年,SUNDAY仍未有大動作,甚至連3G業務都遲遲未推出。

有分析員認為,今次CSL合併新移動,令四間3G供應商勢力更為平均,但相信併購潮仍未告一段落。「四間之中以數碼通被收購的機會較大,中移動買了沒有3G牌的萬眾,下一步極可能收購3G供應商。」工商東亞分析員徐國熙說。

 


純官 官搵 大佬 急救 移動
PermaLink: https://articles.zkiz.com/?id=22525

純官千金有喜 彤叔撇女湊塞

2012-9-6  NM




接棒任新世界發展主席的鄭家純,女兒鄭志雯三月下嫁鋼鐵大王孫兒龐建貽,二人婚後一擊即中;懷有五個月身孕的鄭志雯,預產期在明年一月,難怪彤叔決定撇女、退休,弄塞為樂。一擊即中

鄭志雯結婚時彤叔講過想抱曾孫:「我有好多個塞,生多幾個都沒所謂。」鄭志雯果然識做,結婚半年已大肚。一向鍾意著高跟鞋的她亦已改穿平底鞋,上月中鄭志 雯獨自往太子大廈午膳時,從側面睇已見肚;本週一巨肚更為明顯的她,如常與外籍同事在新世界大廈出入。而今年三月宣布退休的彤叔,除了弄塞為樂,他的孫 仔、鄭志雯細佬鄭志明亦在本月底結婚,彤叔自然不愁寂寞,所以他早於去年底已「遣散」跟隨他多年的哈爾濱女友顧美蓮(Cindy),去年的君悅除夕舞會已 不見她陪在彤叔身邊,據知情者說:「彤叔以前就話要搵個人陪住見客,扶出扶入,而家都退休,佢話要同老婆環遊世界,所以唔使Cindy陪住囉。」

送樓遣散

彤叔待Cindy亦不薄,她跟彤叔兩年後,即○六年時已用六百多萬買了干德道一個單位,去年以千三萬沽出,轉手用三千八百萬買入花園道翠峰園一個單位,兩 幢物業都是一炮過俾錢,知情者透露:「Cindy都跟咗彤叔咁多年,送層樓咪當係長期服務金囉。」據聞Cindy亦即將結婚,前排仲俾人見到肚凸凸,問彤 叔是否已「遣散」Cindy?彤叔睥睥記者,無回應就閃。

純官 千金 有喜 彤叔 叔撇 撇女 女湊 湊塞
PermaLink: https://articles.zkiz.com/?id=37056

純官:我遊行撐CY!……講笑啫

2013-01-03  NM
 
 

 

一月一日遊行反CY,身為佢頭幾號fans之一嘅純官,當然要講啲嘢護主;上週五佢巡視旗下周大福業務時,就欣然接受記者嘅提問,仲要字字珠璣……

記:元旦嗰個遊行反CY,你點睇?純:我出嚟遊行撐CY……講吓笑啫!我覺得CY係希望為香港人做啲嘢出嚟,唔應該未做之前,就已經反對。記:你唔覺得我哋俾咗好多次機會佢咩?純:咁佢上任只係幾個月,你未上任已經反,點叫俾機會佢呢?記:誠信有無問題?純:誠信當然無問題啦,好相信佢份人,佢能力好得。記:咁佢有無講大話?純:我唔知,因為我無了解。記:有無諗住了解吓?純:我唔諗住向佢了解,我覺得僭建喺香港真係一件好小兒科嘅嘢。記:咁講大話係咪小兒科?純:我唔知佢有無講大話,都無了解到。記:點解唔了解?純:呢啲唔係最關鍵問題,最關鍵佢做嘅嘢係咪真心為香港好,為廣大市民謀福利……(就係咁,呢啲問題loop咗十幾分鐘,純官先肯離去。)

維港新世界玩晒

純官撐CY唔係得把口,仲身體力行。話說過往除夕煙花(要政治正確,以後改名煙火矣),由新地同恒地科水,不過傳聞舊年捲入貪污案嘅新地,嫌煙花唔老黎,打退堂鼓,要政府墊底,俾班議員鬧到一面屁。今年嘅煙火匯演本來泡湯,好在有純官挺身而出sponsor,仲將贊助費加碼到一千二百萬,當中由新世界負責一半,另一半由旅發局俾。今年新地嘅ICC同IFC梗係無得玩,煙火效果移師到新世界嘅會展,而同系嘅K11頂樓都有雷射燈光,互相輝映,維港兩岸轉由新世界玩晒。咦,以後新地嘅「維港門廊」,會唔會轉手俾新世界呢又?

Give me a break

中環高消費,大家樂燒味飯都要$30無嘢飲。喺士丹利街皇后中心嘅蛇竇「老地方」都加晒價,快餐連餐飲要$31。小宗行遍中環,同大家另覓平霸午餐,首推租庇利街萬安大廈的香港洋務工會。呢度表明只招待會員,但只要閣下有工開,交$80入會,就可以享用$26兩餸一湯。食足365日,入會成本約$0.2一日。呢度地方大,二樓、三樓兩層有三十幾張枱,小宗唔使等就有得坐,正!鍾意食light啲嘅OL,可以去鐵行里間福祿壽,專賣齋菜。堂食兩餸飯$30,湯、飯自助任裝,最緊要係零味精,咁樣食飽開工就唔會又渴又眼瞓啦。

施永青:梁振英好過克林頓

最近語不驚人誓不休嘅施永青,對CY又有妙論。佢同小宗講,話邊個上台做特首,都有反建制的人反對,「因為佢有原罪,香港人憎共產黨,覺得佢係黨員嘛。只要香港一日無普選,一日都會有人反政府。」佢仲話,花時間拉佢落台都無建設性,不過最正都係以下呢句:「僭建依啲係小問題,相對於克林頓搞完萊溫斯基又唔認,佢好好多啦。有邊個政客唔講大話呃你o架?僭建扯到去誠信問題,睇你咩標準啫。」

中環奇景

中環聖誕大抽獎。禮物係咩?咪就係「那些年」嘅送禮佳品——樂家杏仁糖,成班耆英喺祖庇利街排隊玩夾糖,回到未發時也!(于港民攝)

自編自導自演:「吳長江拗腰」

雷士照明(2222)創辦人吳長江今年表現「拗腰大法」,五月時突然「被辭職」,與另一股東閻焱展開隔空罵戰,全線員工罷工力撐吳長江,生產徹底停頓,股價由三個幾急插至七毫幾,股民通通嚇到賴尿。 點知,大家絕望之際,吳長江突然回朝,股價大升超過一倍,重上兩蚊,吳再於上週將手上超過一成股份賣俾上游公司德豪潤達,成功套現近十億港元,用嚟買入德豪潤達股份。有知情人士早喺八月就同小宗講,話成件事係吳長江自編自導自演,搞到雷士股價大跌之後,自己就密密吸納,回朝之後會賣股。小宗當時唔信,點知佢真係表演拗腰彈,全世界跌到一地眼鏡碎,峰迴路轉,雷士風波好睇過TVB劇多多聲!

金牙大狀講嘢鬍鬚曾吞吞吐吐

鬍鬚曾新年網誌指出,人口老化,醫療福利開支勢將增加;如若經濟不前,政府不難長期入不敷支。到其時,捨加稅之外,將要不斷發債云云。財爺呢個講法只係講咗三分二,剩低三分一冇講到。呢三分一係乜?大家睇吓今日希臘、葡萄牙、意大利等歐洲國家即知之矣。《十誡》冇講過政府必定要永無止境咁增加開支,到咗某個地步,即使想好好照顧年老貧窮長者,亦會陷入巧婦難為無米之炊嘅困境。呢個係乜嘢地步?好似西班牙咁,經濟不前,而有四分之一工人失業,咁政府點加稅呀?又如希臘,國家破產、國債淪為垃圾,發債又會有人要乎?到咗呢個地步,即使係醫療福利開支又有辦法唔咳咩?吞吞吐吐,講嘢講得三分二,容乜易俾人個假象,以為政府奉旨會增加醫療福利?亦得等七百萬人知道人助天助,香港人當自強,唔好乜都靠納稅人乎!

純官 遊行 CY 講笑
PermaLink: https://articles.zkiz.com/?id=42313

132份假文件搞禍純官私有化

2014-06-26  NM  
 

 

上週新世界中國(917)(下稱「新中」)舉行特別股東會,投票議決私有化,但最終被否決,超乎財經界意料,亦打爛了新中主席鄭家純的一番盤算。最戲劇性是,在表決「數人頭」階段,反對的小股東有四百多名,超逾半數;但他們持有的新中股份,只佔投票總股數少於百分之零點二。本刊追查,發現在公佈私有化後,這幾個月突然多出約六百個神秘「股東」,在過戶處登記戶口。其中最少一百三十二個,所報的地址經查探原來是假地址,律師指這已構成「欺詐及使用虛假文書」罪。有新中小股東已揚言,會藉此向證監會投訴,並傚法電盈種票案,考慮入稟法院,推翻結果。

一直以來,新中的小股東,雖不滿私有化價格每股六元八角,較資產折讓達三成,但由於較公佈時(今年三月)的股價有三成二溢價,小股東都傾向贊成當「放生」,當中包括早年以低價買入、持有逾二百萬股的投資者陳先生。他為支持私有化,月前還親自到股份過戶處,提取手頭部分股份,好讓股東大會當日可親自投票,「我去到撞到好多人,有個阿伯話投反對票,我勸佢:『新中喺內地嘅地皮係好值錢,但揸咁多年都唔發展,往績係間公司永無益人,走得好走啦!』」上週一陳先生出席股東會,怎料點票竟要一個多小時,較平常多,叫他愈等愈不安。結果公佈,雖有百分之九十九的獨立股東支持(按股數計),並少於一成股東反對,過了第一關。但到第二關「數人頭」,即要有過半數出席股東會的股東(包括proxy)支持時,卻撻了Q。當日投票人數共六百八十一個,支持者二百二十三個,但反對者竟有四百五十八個,推翻了私有化議案。陳先生嬲到即時拍枱走人。翌日開市即沽貨,但因沽貨者排山倒海,股價累跌六成,令他賬面蝕了三百多萬。記者向陳先生透露,發現有人以「種票」形式反對私有化,並使用假地址,他揚言會蒐集證據向證監會投訴,並會號召其他小股東,入稟法院,要求推翻當日投票結果。據知,證監會亦已因這次私有化,收到大量查詢及投訴。

「種票」股東虛報地址

本刊在股東會後,前往過戶處查閱新中的股東名冊,發現在今年五月中開始,出現了大量新增的登記戶口,當中有人名亦有公司登記,不少持股量只是五十、一百等碎股,非常離奇。在五月二十九至六月九日期間,更是登記的「癲峰」。當中最可疑的,是一百三十多個以公司名義登記的戶口,全屬海外註冊公司。名稱如Able base Profits Limited、Aniplus Products Limited、World Treasure Limited等,會重新組合成新的戶口登記,而這些公司在過戶處登記的地址,俱集中在六個地方,印證屬一個有組織的集團所為。

不過記者摸上這六個地址,卻發現都是虛構。如被十九間海外公司登記的葵湧太平洋貨運大廈四一四室,記者上門發現整幢大廈只有三層高。另被十九間公司登記的九龍灣合力工業中心一三○八室,現場全幢樓只有八層。而被三十五間公司登記的DD68Lot20A大埔坪朗大菴路,全港沒有一個地段是DD68Lot20A,最貼近的DD68Lot20在沙頭角自然保育區,並不在大埔。另外有大批公司報屯門虎坑路十七號,但從土地註冊處及規劃署資料,虎坑路並無十七號。根據慣例,現時股東想親自去股東會投票,要先到過戶處登記身份,以便在股東會時核實身份。海外公司還要先填寫委任表格,並在表格上填寫被委任者的姓名及地址等資料。到場時,上市公司職員只會核對出席者的身份證姓名。過戶處及上市公司,都不會核對身份證號碼又或所報地址真偽。現時有集團報假地址,明顯是想避過事後被「查出真身」。不過,陸偉雄大律師指,使用虛假地址有機會觸犯欺詐及使用虛假文件罪行,「要睇嚇提供地址時,係咪專登寫錯,如果只係小量出錯,有機會係手民之誤。但現時有過百間公司,重複使用幾個不存在嘅地址,犯罪可能性好高。」他呼籲蒙受損失的小股東,可以報警,由商業罪案調查科調查,亦可向證監會投訴。

「人頭」大湧現

除了上述多間海外公司湧現,私有化前還出現一批「可疑」小股東,普遍在五月尾登記,持一百股碎股。他們真正來自五湖四海,有的報住公屋、有的從事五金生意、有的是退休人士,但都有一個共通點,就是「乜都唔知﹗」例如家住佐敦的陳婆婆,表示自己不知道什麼是「新世界中國」,「係一個做會計嘅朋友叫我買,咁我就買,我冇出席咩會議,亦都冇委任其他人投票。其實我都唔知買來做咩,係朋友叫我買嘅。」有住在大埔林村的足球教練陳先生說:「係阿爸阿媽幫我買o架,我自己唔知咩事,亦冇理呢啲嘢。我同父母一齊住,但從來唔過問父母係做乜嘅!」另外還有中資公司的生意拍檔、候任馬主、疑似衞星公司職員、以及中國海外附屬公司等。究竟誰人在背後攪局,財經界人士都猜得非常興奮。市場人士分析,純官「自編自導」,再從中獲利的機會甚微。據知有人早在過去一年,透過海通證券(前身為大福證券),低價向市場收集了不少街貨,私有化成事會獲利極豐。另一可能是藉沽空搵食的基金。這一、兩個月新中的沽空金額不斷上升,似有春江鴨在過戶處登記上找到「玄機」,搭程順風車搵食。他們以一至兩釐年息於市場借貨沽空,如私有化失敗股價下跌,每借一百萬股在扣除成本後,現賬面起碼賺百多二百萬元。但這次「種票」由基金策劃的機會甚微,特許財務分析師梁傑文指,身邊確有基金朋友,沽空新中並拆細股票投反對,但他們拆票時,都會報真地址,否則當公司有任何現金或股份分派時,便難以收取。這次碎股,有很多都是呈報虛假地址;「用得假地址,就預咗新中派任何嘢都收唔到,顯示呢班高手唔志在錢,目的只係為咗唔使披露身份。如果換著係基金經理,佢哋就無可能願意做到咁盡。」

新中種票疑雲

替純官「緝兇」

如此「大仇口」,誓要攪局;要追查真兇,就要看純官的豪門恩怨。新世界中國雖然一直是新世界發展的子公司,但過去是被割據了的地盤。這個地盤過往由純官的妹夫杜惠愷打骰。杜惠愷的父親杜若波,早年從上海來港開設豐盛珠寶,與彤叔老友鬼鬼。當年杜惠愷從美國碩士畢業後,與彤叔的女兒鄭秀霞結婚,後被安排加入新世界。彤叔對杜惠愷信任有加,由他替集團在國內南征北討,內地的新世界大廈、巴黎春天大酒店、新世界花園,都由他策劃。九九年從新世界分拆上市,鄭家純雖擔任主席及總經理,但眾所周知,打天下的是副主席杜惠愷。一名純官身邊人說:「純官同杜惠愷唔係好傾得埋。杜惠愷間屋喺山頂,大過純官嗰間!早年純官被人話同王穎妤一齊,佢身邊人向傳媒放料,話杜惠愷喺上海都有好多紅顏知己,不過最終無人影到。」杜惠愷執掌下的新中,往績普通,但就讓杜家食了一大啖「肥豬肉」。新中曾有附屬公司持有的上海地皮,以公司轉讓形式,轉售予杜惠愷作私人持有。當中最為市場討論的是去年杜惠愷以八十億元人民幣出售上海黃浦區的豐盛皇朝,該地皮是新中早年以低價購入,其後陸續賣予杜惠愷,市場估計地價連建築費等,成本只需廿多億元,杜惠愷一鋪賺近五十億。過去幾年,鄭家純已陸續把子女安插於新中任執董。鄭裕彤入院後,杜惠愷地位進一步被削,去年更辭去新中副主席一職,而持股量只有0.02%;並被調至新世界發展出任副主席及非執行董事,「明升暗降」,年薪只有十多萬元。杜惠愷的兒子杜家駒,任新創建執董,內裡職員指他並無實質工作,今年六月十一日,即私有化結果公佈前幾天,更突被調任為非執董。

大劉「馬仔」亦涉其中

今次調查新中,亦發現在今年五月初,有八名手持二千至一萬股的股東,報用的地址同樣是北角華匯中心,亦即中南證券老闆莊友堅的大本營。當中包括報華匯中心二十九樓(漢基控股)的周志華;華匯中心一六○一室(民豐證券)的Hong Ning Kiu,及報華匯中心三十二樓(威利國際)的Alexander等。莊友堅一直被市場中人指是大劉劉鑾雄的「馬仔」,早在八六年,莊友堅於美資投行信孚銀行打工,便已替大劉的華置配股包銷。眾所周知,大劉的前女友王穎妤,正是純官現時的紅顏知己。彤叔昏迷後,Sogo租約一滿,即搬離尖沙咀新世界中心,大劉今年三月亦辭任利福國際的非執董。彤叔昏迷至今已有六百多天。純官正式坐正的這段日子,一直希望透過公司重組,削弱「皇親國戚」的權力,卻造成處處火頭。追隨彤叔多年的老臣子相繼離開,包括在新世界工作四十年的工程總監周桂昌、財務總監周宇俊及企業事務總監關則輝,而原為集團總經理兼純官「師傅」的梁志堅亦過檔會德豐。他的弟弟鄭家成,以及兩名兒子志恆、志謙,更被「發配邊疆」。任周大福執董的志恆,負責鑽石、寶石採購以及生產管理,但去年周大福與鑽石切割廠簽約,不見其影蹤,有指他被家族認定為花花公子,早前其韓籍女友割脈自殺,又有私生女的負面形象太深,故「被放逐」到新加坡。今次三月舉行的周大福週年晚會,鄭家成一家,已不被安排坐於主家席。再加上今次私有化失敗,純官勢將繼續「留意」身邊人,意圖揪出「幕後真兇」!

132 份假 文件 搞禍 禍純 純官 私有化 私有
PermaLink: https://articles.zkiz.com/?id=104046

純官會景閣午睡

2015-06-11 NM 新世界主席純官深懂養生之道,喺佢寫字樓有間休歇房可以午睡,叉叉電 ;小宗本週一下晝兩點半左右,就喺佢地頭灣仔會景閣,撞正「飯氣攻心」嘅純官;估計要上樓午睡片刻。咦,佢位紅顏知己王穎妤報住地址都係會景閣喎,兩個打通嘅單位三年前由兩間BVI公司合共兩千幾萬向新世界買入,無須按揭o架。 其實王穎妤個竇都喺灣仔,近幾年熱衷玩藝術,連打扮衣著都好似嬉皮士咁,喺會展商場ARTONE搞藝廊、紅酒生意,公司名真有意思,叫JP Gallery、JP Wine,聽講JP係王小姐位公子嘅英文名,用個慈姑椗作「牌頭」開公司,相信一定水到渠成。觀乎JP Gallery Limited的中文名「慈有限公司」,都甚有玄機。 土豪邊個無「原罪」 游走於中港台併購、私募投資的金融多棲動物,現為多間上市公司主要股東及董事本週最大新聞,是近兩個月內,狂升十多倍至四百多億市值的數字王國大股東車峰被抓。兩三天就暴跌了75%,瞬間股民與這位隱形巨富,同時經歷了冰火兩重天。車峰人稱「豬哥」(國語「車」讀音為「豬」),平頭裝高大威武,一身T恤平民服,腳踩着一對布鞋,已成為佢嘅signature。雖出入私人飛機,講飲講食也只會收埋喺銅鑼灣私人會所,行徑異常低調。逍遙客偶而在朋友酒局中與他交流,豬哥總是客客氣氣,並無港人眼中強國土豪的氣焰。自平安保險大賺百億一役,豬哥將基地轉移香港,在IFC成立基金平台,曾幾何時與肥女股神交集甚深。論投資經驗和風格,豬哥算是紮實,就算數字王國也是收購全球領先特技動畫公司digital domain而來,當今《阿凡達》、《盜夢空間》等荷李活大片,無一不出自digital domain,並首創將鄧麗君復活的演唱會在台灣引起轟動。最近逍遙客「靜靜雞」試埋佢哋來自國防科技的360度攝影神器。戴上模擬實境的特製眼鏡,睇住NBA球賽,猶如置身現場,產品的確大有想像空間。近月連《華爾街日報》也大篇幅報導豬哥家族受查。咁有智慧的豬哥也會冒險回國,聽起來的確令人不解。這個年頭,很多紅二代和企業家都富甲一方,但好少冇背着「原罪」。所謂福禍相依,在習大大認真辦事的今天,真係邊個都唔敢話自己百分百安全,對比起來,香港仍是一片生意淨土,大家應好好珍惜喇! 中環寸嘴 工廈大王楊耀松長子,是各大有名食肆之VIP,喜歡研究城中富豪對食之要求,透過美酒佳餚,來細味人生百態。 侍酒師功力早兩個禮拜去九龍站102樓Tosca飲下午茶,隔籬天龍軒個Sommelier(侍酒師)Benson撲來同我打招呼,話淨係想見吓我一面,真抵死!唔知嘅以為我斷背添呀。呢啲喺舊文華做過十幾廿年嘅人,級數係唔同啲,佢招呼過戴安娜同戴卓爾夫人o架。睇吓人哋魅力,張國榮跳樓前都同佢打個招呼,有次利孝和夫人喺文華落樓梯差啲跌親,好在佢撲上前做人肉地氈咋,嗱,呢啲就係貼身招呼啦!福臨門啲茶居要學吓。今次即管去天龍軒幫襯吓囉,咁啱個廚用1998 Chateau Montrose紅酒設計咗套餐,包埋支酒,個餐每位$1,388,我三條友食,支酒都值三千銀啦,咁樣成支酒都賺返來啦,正所謂,口中冇數,心中有數!咁就開多支白酒啦,個衰鬼介紹我飲支liquid gold Chassagne-Montrachet Vieilles Vignes 2008,仲講埋古仔我聽,話呢支酒啲提子來自15年老葡萄樹,夠成熟,啲根生落較深泥土,味道濃好多,顏色仲似黃金!做食肆,Sommelier好緊要,係酒水先賺到錢o架。鬼唔知自己帶酒去好過喺度叫咩,Sommelier識得神化支嘢,跟佢學吓嘢,當交學費都要啦。 盛世佳人 透過亞視製作嘅《感動香港》,王征認識到華懋慈善基金董事龔中心(Molly),王征最心儀嘅亞視買家就係華懋,只是Molly姐有心無力,華懋慈善基金只係家姐龔如心的遺產信託人而唔係受益人,Molly遂介紹其他潛在買家予在WeChat以「盛世佳人」為名字的王征。 金牙大狀講嘢 萬惡樓為首香港人早有樓奴之稱,新近有關婚外情之研究又顯示,層樓更加累到唔少人婚姻破裂。何以故?負責研究之郭志英指出「唔少港人為咗『買樓上車』而延遲結婚」,其間感情不難轉淡;加上工時長,夫妻缺乏溝通機會,同事或朋友反而成為傾訴對象。慢吓手,咁就搞出婚外情矣。果如此,無論係為咗促進家庭或社會和諧,官家實大條道路辣招頻出,打擊樓市。只可惜愈係出招,樓價愈升,後果之一肯肯定令人愈來愈遲婚、愈來愈多婚外情。萬惡以樓為首,釜底抽薪,莫非係將所有嘅樓國有化,等啲人從此冇得炒?真係咁做,啲人又肯唔肯過你呢,又?
純官 官會 會景 景閣 午睡
PermaLink: https://articles.zkiz.com/?id=149685

Donald Trump做總統 純官腳軟


2015-12-24  NM



共和黨總統參選人Donald Trump,言論出位,呢位紐約寸嘴同香港啲富豪都甚有淵源,如果佢當選美國總統,新世界嘅鄭家純可能最腳軟。

牙擦擦嘅Donald Trump都有過坎坷嘅日子,九十年代初美國地產市道低迷,Donald Trump缺水,於是引入鄭裕彤、羅康瑞、邱達昌及梁昌家族等,入股紐約火車站附近一幅地合共七成股份,後發展為River South住宅。呢單交易由純官與Donald Trump交手,後來市況轉好,以純官為首嘅香港財團遂把股份出售予基金獲利,點知Donald Trump入稟法院控告他們「賤賣」資產,雖然最終敗訴,純官與Donald Trump從此反面冇偈傾;鄭氏家族的私人錢包周大福,有唔少地產、酒店及物業投資喺美利堅,如果Donald Trump當選總統,睇嚟純官又要好似上次CY當選咁,撲上台去做人肉布景板囉!

金融逍遙客:呃咗「金融精英」肥佬張

游走於中港台併購、私募投資的金融多棲動物,現為多間上市公司主要股東及董事

經常留意香港政壇新聞,奇人奇事真係一單接一單。建制派出咗個搞笑版樹根議員,為市民茶餘飯後提供不少話題,最近又有金融界代表肥佬張大議員,被電話騙徒呃咗幾萬大元。嗚呼哀哉!逍遙客睇完真係要對天長嘆三聲,香港金融界從業人員何等命苦,竟然搵到個咁易被呃嘅「金融精英」代表我哋。冒認某人的電話騙案喺《警訊》都做咗十幾廿年,相信唔係聾嘅人都會聽過。牛頭角順嫂都唔易再被呃,居然代表我哋決定大事嘅尊貴議員會上當,能力如此,真係令人無言可對。那邊廂嘅民主派,都係五十步笑一百步,貌似不食人間煙火嘅高尚議員將捐俾政黨嘅錢擺喺自己戶口,直至傳媒曝光先交出,對公眾嘅唯一解釋是:可以處理得好啲。立法會調查委員會民主派人士竟可視若無睹,幫親唔幫理,咁寬己嚴人嘅行為何以服眾?如果公司一張大額支票唔小心入錯我戶口,數月後老闆發覺,我先急急腳交番出嚟,唔知老闆會唔會覺得我無據為己有嘅意圖呢?其實三軍未動糧草先行,現代社會做事從政,中外皆是,真係no money no talk。選舉時印張海報,派個飯盒俾義工都要錢。離不開錢嘅政客,又偏偏要將自己擺喺道德高地,咁矛盾嘅行為點會唔搞到自己醜態百出!正如久唔久就會見到神父搞幼童嘅新聞,但就好少聽話幫襯砵蘭街嘅麻甩佬,會做啲咁反胃嘅嘢。逍遙客接觸嘅五湖四海中人,愈道貌岸然、唔承認自己有七情六慾嘅,愈是虛偽。香港政壇欠嘅唔係有才之士,欠嘅係一啲「真」嘅人!

中環寸嘴:通縮殺到滾水淥豬腸呀!

工廈大王楊耀松長子,是各大有名食肆之VIP,喜歡研究城中有錢佬對食之要求,透過美酒佳餚,察看人生百態,讓讀者「嗒」落有味。

上個禮拜幫襯港福(港島福臨門)買冬菇瑤柱過節,太子爺肥仔徐見到我就撲埋嚟捉鬼住我,感激流涕咁滯,邊有人好似我咁,鬧住嚟幫襯o架。唉,呢啲時勢生意難做呀,富豪飯堂都要整個boutique賣吓乾貨增加收入;油價跌到三十蚊美金一桶,大家準備捱通縮,嗱,乜嘢叫通縮呢,我同你哋講,搵啲滾水淥豬腸,睇吓條豬腸縮咗幾多就知啦。週六認真頻撲,一早收到個老友call,叫我入沙田馬場睇佢隻馬出賽,撞啱東華三院一百四十五周年盃,班東華董事局成員撲晒去馬場威威,又咁啱東華旗下嘅文武廟兩點半有「文昌啟智禮」,咁我咪幫吓手戥腳主持儀式,我講嘢有台型,落場冇詐型嘅,著埋套老西企足成粒鐘,揸緊時間,去舊警察宿舍嘅元創方搵食,試咗間「料理農務」,三個字——「呃鬼佬」囉,餐牌有杯由嘉道理農場種嘅綠茶配雞蛋花沖調嘅飲品,點知侍應話非時令,冇貨,OK呢啲夏季先有,冇位俾我入,改飲Honey Black Berry啦。

周凱旋「萬一」有道理

誠哥在九月至十月期間被大陸媒體狂插他走資,咁插法,背脊梗係痛啦,周凱旋近日爆出誠哥當時受腰椎管狹窄困擾,背脊痛到要飛到美國做手術。吊詭的是,周小姐說:「如果有什麼事,有什麼萬一……」呢個「萬一」唔係冇可能o架,小宗請教過醫生,誠哥因打「哥乎」經常旋轉條腰,而且通常向同一個方位轉,導致腰椎管收窄,但在腰椎動手術萬一失手的話,可以引致半身不遂甚至癱瘓,周小姐的「萬一」不無道理。

聖誕日審判日

澳門回歸十六周年,竟然被黑沙環爛尾樓「海一居」抗爭搶晒鏡,發展商保利達集團老闆兼九建(34)主席柯為湘有「澳門李嘉誠」之稱,在澳葡甚至何厚鏵時代做生意都如魚得水,涉事嘅地皮九十年代獲政府批出興建紡織城,不過最賺錢嘅係賣quota,柯為湘單是每年獲批美國的配額,年年有過千萬收入,後來向政府申請把紡織城改變土地用途,○六年獲得當時運輸工務司司長歐文龍批准興建住宅,補地價只需九億元,不過去年澳門頒布新土地法,政府有權收回未能於指定日期發展之土地,而呢塊地嘅死線係「聖誕節」當日,保利達能否向澳門政府申請延期發展意義重大;成功的話,咁華置面臨被政府收回土地的澳門御海•南灣地皮,係咪都有得傾呢?
 
文章編號: 201512241120117     


Donald Trump 總統 純官 官腳 腳軟
PermaLink: https://articles.zkiz.com/?id=178777

純官翻炒彤叔伎倆

2016-01-07  NM

 

純官向恒大主席許家印賣大陸地產項目之餘,寧願揸住恒大永續債券長期收高息都唔換股,呢班富豪,做生意等同鋤D,要贏錢又贏牙骹;純官呢招都係仿效彤叔同大劉交手嘅功架。

彤叔同大劉八十年代已孖住「哈乎」、「哈乎」以「Real Reward」間公司投資Sogo百貨,做到○四年以利福(1212)上市,依然不分你我以Real Reward持有利福股份,再殺上大陸做「久光」百貨齊齊搵食,當時梗係攬頭攬頸;直至兩年前大劉喺澳門惹官非,鄭家立即劃清界線,先把周大福在Real Reward持有的6.97%股份拆出來,以每股$16.39拋售,前年再以每股$14.75把餘下16%賣番俾劉氏,套現六十三億;利福呢一役,獲得 「Real Reward」正是彤叔,試問除彤叔外,邊個有「本事」要劉氏兄弟「啃」番啲股票呢?

所以話,純官揸住恒大嘅債券,雖然高息,一旦手持債券有乜差池,到時要睇純官有冇「彤叔」魅力,「大」到許家印而有Real Reward啦。

金融逍遙客:「上海仔」不堪設想

游走於中港台併購、私募投資的金融多棲動物,現為多間上市公司主要股東及董事

財經市場悶氣沉沉,反而上海仔一浪接一浪的新聞,卻成為本週矚目話題。從輩分、髮型、以至一身英姿颯颯打扮,周旋於富豪間,出入非富則貴圈子,生意更觸及 有機會撈到「粗嘢」嘅賭業。姑勿論真正實力如何,環顧中港台江湖人物,論形象鮮明和牌面氣勢,即使是四大家族龍頭也無人能及。相信不論是傳統古惑仔抑或新 進南亞兵團,都會奉上海仔為一個icon,是千千萬萬有志撈嘢兄弟嘅偶像。唔知有乜過節,最近一間主流傳媒窮追猛打,幾乎日日將呢個大佬級人馬的過去是非 一一曝光。時而洗黑錢時而勒索富豪,我們一眾讀者似追看江湖連續劇,內容真是日日新鮮,都期待真正高潮的來臨。傳媒的一支筆,指住一個身經百戰的江湖大 佬,猶如秀才遇着兵,但不知所措的卻是呢個兵!逍遙客所見,在各行各業有所成就之士,冇一個係全能。各自在所屬領域即使呼風喚雨,轉換另一個角色已變「鵪 鶉」。出入IFC、名牌大學出身又喺華爾街碌過,甚至可搞到百億企業破產嘅金融精英,一落旺角俾古惑仔盤幾句都會腳軟。同樣由細跟住秀茂坪十三太保周街 劈,入赤柱多過拜年嘅大佬輩,一見到封律師信都不知所措。此現象是一個common sense,人的潛能發揮僅建基於本身的經驗累積,俗語所講嘅隔行如隔山,若逍遙客是上海仔,點可能會用開記者會嘅方式去表達自己意見呢?更何況今時今 日,誰才是宇宙最惡最有實力的堂口;北望神州,如果連呢個道理都唔識尊重嘅,咁後果真係會不堪設想。

中環寸嘴:幾多錢?去食咪知囉!

楊國佳

工廈大王楊耀松長子,是各大有名食肆之VIP,喜歡研究城中有錢佬對食之要求,透過美酒佳餚,察看人生百態,讓讀者「嗒」落有味。

嘩,上個禮拜收電話收到手軟,啲老友猛問喺「好酒好蔡」即係食咗幾多錢啫?唓,我窒鬼啲友,成日問幾多錢,唔好咁working class啦!想知咪自己訂位去食囉,想同我對到嘴又唔肯去食,點有交流啫。近排可能冇乜新食肆開張,周圍都寫呢間「好酒好蔡」,鋪天蓋地,蘇施黃仲話, 當日要請阿蔡師傅由廣州來香港煮一餐飯你食,要十多萬;嘩呢個價其實都有其他alternatives啫,例如近排先有個friend嘍我,夾份包個意大 利廚師嚟香港一個禮拜,帶埋啲香草、食材煮正宗意大利菜,每人三日,俾一日佢休息,我都冇落疊;又或者慈善拍賣一餐嚟食,前年法國商會annual dinner,我就拍咗個米芝蓮三星廚嘅一餐,包埋機票、酒店去佢巴黎間餐廳喫一餐,不過你家陣問我,記唔記得嗰餐食過乜,味道如何,我又答唔到,事關嗰 次同屋企人去,佢哋瘋狂shopping大出血,搞到荷包都七上八落,都唔記得咁多!放假同老婆去半島酒店食lunch,順便買份新年禮物贈佳人,喺北美 洲同歐洲啲女人話Hermès手袋被人用到「濁」晒,而家興法國老字號Goyard包,喺半島間鋪得兩個sales,為求一對一,如果 多過兩個party去買,就要落閘喎!個個手袋人手造,吓吓要等四至九個月,趁啲人未識入定貨。嘩,真係誇張。

表面門當戶對

賭王三太千金何超蓮與霍英東孫霍啟山傳拍拖,牌面睇兩位都門當戶對o架,但係連三太都透過助手出聲否認;睇番家族棵樹,霍啟山為霍震霆次子,霍家嘅財政大 權係落入其二叔霍震寰手上;家族成員每月有固定「收入」,儼如「打工仔」,相對於三太陳婉珍個family office——UNIR,包羅中港澳及海外物業、賭場、直升機、古董一籃子生意,超蓮更直接到位去打理家族生意,係咪門當戶對,真係要睇得深入啲。

塑膠廠佬贏3億輸15億

人仔貶值,一班廠佬買落人仔accumulator(人民幣掛鈎外匯累計期權)輸到要登報紙叫救命,聽班廠佬講,輸得最甘係個「塑膠佬」,損手¥15億; 點解咁傷,梗係嘗過甜頭。話說呢位塑膠廠佬去買大批塑膠料,喺銀行唔單只有O.D. Line(透支額),有訂單自然開到L.C.(Letter of credit)信用狀,啲貨到手個廠佬就以平幾個巴仙「拆」貨俾行家,收到現金返來,一係做人民幣定期,或者買accumulator,就係咁,銀行見佢 貨如輪轉,L.C.不斷,雙方都有生意做,梗係皆大歡喜。人仔升值,塑膠廠佬把accumulator接番來嘅人仔拋出街或者做定期收息,個個月都有成三 球進賬;過去十年粗略估計賺三億多,但最終要輸十五億,冇計,Accumulator謔稱為「I kill you later」;金融海嘯期間,千億富豪都輸到入「廠」休養,攤分咗幾年先還清啲債;呢班廠佬同金管局投訴,攞命陳都未必幫到,只可以講前車可鑑!

插圖:祝健中

 

純官 翻炒 彤叔 伎倆
PermaLink: https://articles.zkiz.com/?id=181126

純官有欠台型

2016-02-25  NM

原定「醒」俾新世界嘅星光大道擴展大計,擬建個景觀瞭望台頂住信和置業旗下帝國中心、尖沙咀中心及香格里拉酒店嘅風水,兩位大孖沙黃志祥和郭鶴年旗下公司遂提司法覆核,準備同新世界拼過。政府鮮有從善如流取消與新世界合作計劃,兩個大孖沙發功就要縮,純官台型似乎唔係好夠。

熟悉國情人士八卦,謂黃志祥家族喺新加坡有Far East Organisation,差不多是全新加坡最大私人發展商,有「糖王」稱號的郭鶴年更唔使講,在星、馬皆有上市公司,分別為做糧食豐益國際以及PPB Group,兩大孖沙喺東南亞地區政、經界皆有影響力,其統戰價值大大優於純官,呢個世界講power嘛,惟有講句和氣生財。

亞視有剩餘價值

永恒嘅亞視,死極唔斷氣,除咗歸功於蘇錦樑夠廢柴之外,原來「亞視」呢個招牌,仲有好多商人係覺得值錢嘅!有睇過亞視「全相」嘅商人同小宗講,而家投資亞視有咗新玩法。以往,商人會真金白銀入股亞視,搏阿爺喺內地回贈番啲地皮呀、新項目呀咁,叫做攞番啲油水。但現時亞視業務太爛,阿爺「找數」又慢,決定轉玩法,「而家唔要資產,唔要廠,唔要爛鬼機器,更加唔想要債。大家只想同亞視『合作』,搏炒番轉!」就好似上市公司協盛協豐(707),去年尾搵來葉家寶做CEO,只係話要翻拍亞視劇集咋,股價就升咗一成,跟手,仲搵到華誼兄弟合作添!講到尾,喺內地商人眼中,「亞視」兩隻字,仲係有剩餘價值o架!

財爺裝備

一部iPad、兩部手提電腦、三座電話,仲有個港英遺留落嚟、令人回味無窮之H↑K雞爪嘜字紙簍(黃圈內)。加埋部手機,財爺起碼有四個電話,使唔使吖?

中環寸嘴:拜神都講現實

工廈大王楊耀松長子,遊走各地高級酒店、銀行,及知名食肆,與各路人士打交道,透過美酒佳餚,察看人生百態,讓讀者「嗒」落有味。

股市咁搞法,好多做生意嘅人都好miserable,連帶善款都「唔得掂」,嗰日去文武廟,以往個「金榜題名」排到密麻麻,今年個牌匾好似坐日航「全日空」,拜神都講現實,啲父母見取消一年TSA仲使幫仔女金榜題名搵文昌帝?好似我老豆,知道自己錢少要集中火力,捐死一檔東華三院,因為一個人由出世到拉柴都照顧到,我哋都係小富由儉,我家陣都係捐死一條友,就係贊助我學兄周永健(馬會副主席)喺公益金唱歌;阿莎莎郭(莎莎老闆郭少明)話包底贊助佢五十萬唱一支歌,嘩,嚇到我傻咗,麻甩佬唱歌咋,唔係搵條女唱喎,我話最多次次唱都贊助,一次俾唔晒五十萬,要慢慢儲啲租來贊助。

做善事都要selective,九一一之後,美國凍結咗中東佬啲戶口,滙豐度條絕世好橋,歡迎啲友走去加拿大,加拿大滙豐話要搞多元文化慈善步行,通常唐人都係贊助番唐人街分行經理,我個private banker問我敢唔敢贊助總行,我即刻寫張支票去贊助加拿大滙豐個主席行慈善walk,佢係John Bond隻馬,滙豐喺溫哥華租我家族商場,在公在私都要支持啦,恐防第時續租有麻煩,我又唔係最大貸款客戶,又唔係最大存戶,不過就係最撐滙豐搞善事嘅客戶,如果唔係又點stand out,所以次次John Bond來巡視溫哥華呢間以每呎計,曾是最賺錢嘅北美洲滙豐分行,我行開咗都叫老婆企定定迎接佢o架。

Buy One Get One Free

獅子銀行派成績表,阿仔叻過阿媽,恒生多賺82%,滙控賺多1%咁大把,恒生咁叻都係歸功於一姐李慧敏(Rose),去年初起逐步減持國內興業銀行5%股權,套現近三百億,嗰陣人仔未有貶值壓力,股市未爆煲,簡直係完美交易。唔好忘記,Rose嘅愛人袁天凡,當年電盈完成合併後,馬上行使部分認股權並在十五元沽出,大賺一億,立即以$1.63億買咗間山頂白加道大宅歎。最盞鬼係兩公婆去年以十五億摸頂沽貨,兩公婆都咁識睇位,恒生有一姐坐鎮,恍如buy one get one free!

壹週窺秘

上海灘創辦人鄧永鏘上週轟689連李鵬也不如,有咁嘅眼界、膽識嘅名流香港買少見少,鄧爵士同英國皇室成員、國際政商界名人友好,其西貢斬竹灣別墅就是招呼名人嘅鄧氏府第,查理斯王子及前英國首相馬卓安都曾是座上客。小宗帶大家去目及吓。


純官 官有 有欠 欠臺 臺型
PermaLink: https://articles.zkiz.com/?id=186766

純官埋班億萬傍友上位秘笈

2016-10-20  NM

網上流傳,做到誠哥的司機,身家亦有千萬!雖然是笑話一則,但在富豪身邊,其手指罅漏些少,的確被人行快幾步到終點線。上週三彤叔出殯,坐正的純官,其班底亦有現身。純官在股壇的御用證券經紀,是鼎珮證券主席莊天龍(Benny Chong)。跟着純官十多年,近月萬科爭奪戰亦有他的身影。莊由被炒的美林banker變成有2億身家;早前和大台姐仔傅嘉莉把臂同遊,一啜面珠而令身份曝光。而替純官打理私人地產的,是律師李耀湘(Sammy Lee),連純官認識Donald Trump也是經他介紹。這批人,人稱「傍友」。既要辦事能力高,亦要擔擔抬抬,不介意做爛頭卒。既不能功高蓋主,又不能品性寒酸,站在富豪身邊便有失身份。要做到不慍不火,其實內裡是一門學問。

上週三彤叔出殯,政商界猛人盡出,向這位華資大孖沙作最後致敬。同時,一班富豪好友亦現身表達「心意」。當中包括純官的「地主會」啤友、恒大集團(3333)主席許家印、以及人稱「阿春」的中渝置地(1224)主席張松橋。兩人除了到靈堂鞠躬,更在出殯當日跟上哥連臣角火葬場,等候彤叔火化後才跟純官離開吃解慰酒。當日有部分已上岸的富豪近身,因樣貌不為人熟悉,被傳媒指未見蹤影,急急跳出來澄清:「我哋七點幾到咗喇,點可以寫話無到呢!」在富豪身邊搵食,要事事做到足,亦要信得過,過到關通常跟足一世。生前的彤叔愛炒細價股,透過大福證券,在股票市場上興風作浪,賺了不少私己錢都冇人知。正如誠哥愛用滙豐,四叔有高盛前董事總經理郭德勝(Kenneth Kwok),吳光正有經紀行哥連頓證券幫手揸貨,自從大福賣盤予海通證券後,純官亦有其御用經紀行──鼎珮證券(VMS)。

谷行條數上市

鼎珮證券的靈魂人物是莊天龍(Benny Chong),他曾在高盛、滙豐、美林工作。據知,他曾是高盛前私人銀行家羅肇華(Eddie Law)的下屬,故經Eddie認識彤叔及純官,並與純官關係最密切。○六年,莊天龍的母親麥少嫻成立佳東投資,「御用經紀」角色開始浮面。佳東隨後改名鼎珮投資集團。麥於一一年買入星晨集團(542)旗下的星晨證券,改名鼎珮證券,並將鼎珮投資集團納入其中,由莊天龍出任集團主席。富豪搵固定經紀行,有一雞幾味之效。「御用證券商唔會偷老闆啲貨,而且人頭你控制到,操作上風險減低。仲有好處係,搵出面唔識嘅證券行做,要俾佣金,無得平,咁不如自己賺埋。仲可以谷吓間行條數,上到市就仲開心!」一名行內人士指。上年尾鼎珮證券確想申請創業板上市,雖然最終擱置,但根據提交聯交所資料,鼎珮上年頭半年總收益近7,560萬元,當中五大主要客戶,已佔總收益75%,帶來純利2,427萬元。鼎珮能做到此規模,自有其招數,亦從中睇到鄭家喜好。

第一招:擔擔抬抬

御用經紀最基本工作,自然是代為入股,並提供專業意見。市場開始留意鼎珮,在於一一年五月。當時彤叔睇中佐丹奴,貪其股權分散而管理層持股量細,決定入股。彤叔先以十億元,在場外買入兩億多股,一舉持股一成四,其後個半月五次增持,成為最大股東。同時間,鼎珮證券在場內密密掃貨,五月中不斷掛出平均3萬股買盤,直至七月中鼎珮才把其4000萬股佐丹奴倉位,轉名予周大福珠寶旗下。此後鼎珮多次掃入不同股份,如盛京銀行、英皇娛樂等。最新動作,是與鋤D富豪同步,掃入萬科H股。與佐丹奴一樣,萬科管理層揸貨不多,先被內地寶能集團睇中狙擊,今年七月,純官鋤D腳許家印,以近一百四十六億元人仔,狂掃萬科A股百分之七。一個月後,另一D腳張松橋旗下私募基金Nexus Capital,亦五次大手掃入萬科H股,持股至一成一。原來鼎珮證券亦在港配合,慢慢掃入散戶的萬科H股,從中央結算得知鼎珮現已買入百分之五點七股權,但於股權披露仍未曝光,相信是以不同人士持有,隱藏身份。

第二招:做爛頭卒

講到狙擊,並不是每個富豪都如大劉一樣,喜歡高調成為「狙擊手」惹火頭,御用經紀就要代為出面。一一年九月,已持有和記行(720,現改名意達利控股)一成一股份的Gustavo,以每股$0.235,向擁有法拉利代理權的和記行提出全面收購,Gustavo八成股份由鼎珮證券持有。當時的大股東兼主席、即前藝員陳少霞老公李文輝,正於歐洲公幹,收到消息極為緊張,馬上回港處理。據知,李文輝曾與鄭家洽商法拉利代理權,因彤叔要求控股,雙方談不攏。但他知道彤叔有興趣,亦識做將中國四個地區的分銷權批給彤叔主理,故對於鼎珮狙擊深感愕然。李文輝向彤叔打聽,對方自然一問三不知。後來莊天龍以股東身份,要求召開股東特別大會,以委任親信為公司執行董事。李文輝決定折讓一成半配股,消息公布後股價暴跌三成半。事件拖了兩年,最終鼎珮於一三年十月,以溢價三成七,向李文輝買入股份,成為大股東,達到一個收錢、一個收貨的完美局面。

第三招︰女人圈建人脈

莊天龍母親麥少嫻,雖是鼎珮證券的大股東,但她並非精於證券,反而是做時裝生意起家。一九八六年,她與意大利人Piero Ansermin,創辦時裝品牌Vica Moda。在意大利文中,Moda的意思是「時尚」;而在希伯來語中,Vica的含意是「生命」。Vica Moda主要賣絲質及茄士咩服飾,標榜優質的布料、舒適的剪裁。旗下有三個牌子包括Balla Valentina、BIANCALANCIA及Liol,官網顯示,現時在香港有三間分店,均位於高檔地段如中環東亞銀行總行大廈一樓、半島酒店地庫商場等。而Vica Moda亦曾於新世界旗下的K11開店。前政務司司長陳方安生等名人都曾逛過,店內一件披肩都賣五千多元。除了搞高檔女裝,可以跟名流有共同話題,麥少嫻亦曾與闊太們開瑜伽中心。二○○五年,她聯同新鴻基地產郭氏家族長媳郭李天穎、美心飲食集團伍氏家族長媳伍蔡勉儂創辦Living Yoga。Living Yoga總店在旺角新世紀廣場,○七年在葵涌新都會廣場開分店。直至一○年四月,三人賣走股份,易手後,Living Yoga亦已結業。

同場加映身邊地產紅人拉線純官Donald Trump

純官身邊的紅人,又點只一個。現年五十八歲、律師出身的李耀湘(Sammy Lee),畢業於英國利物浦大學,對英國熟悉,成為鄭家的海外盲公竹。甚至於一九九四年,拉攏鄭家純及羅康瑞,與瀕臨破產的特朗普(Donald Trump)合作,開發曼哈頓的Riverside South項目。李耀湘早年曾說︰「我和Donald是好朋友,有美好的關係。」交際手腕高超的李耀湘,代表作還包括倫敦擁有二百多個單位的豪宅大廈The Knightsbridge。他負責對物業提供設計概念,及在少於三個月時間內,成功為該物業申請改變規劃,令可售樓面增加三成!物業○五年落成後,被公認為倫敦最高級的住宅物業,目前一個七百呎單位,售價仍要二千六百多萬元)。目前他是純官私人持有的投資公司Knight Dragon的副主席,亦是純官落重鎚投資八百億港元的Greenwich Peninsula項目策劃人。他早年曾接受外國傳媒訪問,指做生意識睇眉頭眼額最重要︰「在香港,以我和鄭家的關係為例,大家關係密切,有時也會意見不一。但我們講信用,講得出,做得到(We honour our word)!」發了達的李耀湘,曾做埋上市公司新銀集團主席,亦擁有多隻馬匹。所謂人紅行運一條龍,他的愛駒「一哥」去年亦贏到無對手。賽後馬主李耀湘無拉頭馬,因為趕住飛英國公幹。

被美林炒魷

有基金界人士形容鼎珮證券近年變得高調,並專炒賣殼股:「大家都知間嘢係純官御用證券行,但只係近年嘅事,莊生一向係汽車代理界出名,但證券方面佢一直都好低調,平時都唔會出席啲公開場合,佢有時會同親戚一齊出手,透過唔同戶口入市。」另一名財金界人士則指,莊天龍○三年被證監會譴責後,就變得十分低調:「聽講佢嗰次俾有心人跣佢一鑊啫,係同人出現咗糾紛,而家知佢仲會買賣吓殼,因背後有純官條大水喉射住。」莊天龍報稱有多倫多大學商學學士、科大金融工程碩士,曾於多間大行工作,不過○二年他被美林炒魷,○三年被證監會譴責他行為失當。據證監會的公開文件,莊天龍當時作為美林遠東的交易商代表,給予他人有為高寶綠色股份「搭棚」的印象,違反證監會操守要求。而且在沒有通知美林下,透過女朋友賬戶在三家經紀行買賣,及代表其母親、舅父,以全權委託方式,向其他兩家經紀行發出交易指示;另外還有在未透徹分析下,游說兩個客戶購買高寶綠色股份,及透過手機接受客人交易指示。

忌高調

曾被證監會譴責,莊天龍難以在私人銀行界搵食,不過埋到純官身更好搵。據幫莊天龍打工的人指,莊為人低調口密:「佢份人好斯文,對員工好客氣好nice。」上位的莊天龍,身家隨之而暴漲。麥少嫻八十年代報住大坑道麗星樓,該單位八三年以六十九萬元買入,兩年後已供完,反映當時已屬中產。Vica Moda開業一年後,母親麥少嫻申報的地址「升呢」至淺水灣南灣道華景園。到○六年搞鼎珮證券後更富貴,陸續掃入淺水灣道三十七號,及大坑尚巒等單位。目前麥少嫻與莊天龍持有七個物業,包括淺水灣道三十七號一座、二座、淺水灣麗景園等豪宅,市值逾二億四千萬元。去年鼎珮證券亦搬寫字樓,由九龍灣企業廣場一個單位,搬到中環交易廣場四十九樓全層。已婚的莊天龍,私生活亦非常精彩,有傳他一四年九月搭上大台姐仔傅嘉莉。莊不時帶傅嘉莉周遊列國,傅更主動啜實莊面珠。緋聞曝光前,他十分關照女方,除了找她拍廣告,又邀請她出席汽車陳列室開幕禮。另有指莊天龍還有一名認識十多年的紅顏知己,住在跑馬地雲地利道,育有一個三、四歲的小朋友。而這名紅顏知己的坐駕,更由莊天龍母親麥少嫻持有,而車牌「BS」更是莊天龍與紅顏知己名字的縮寫,相當風流。

蒙能鹹魚翻生

彤叔生前興趣廣泛,愛與其他富豪好友抽吓新股、炒吓細股。他死後數日,其細價股忽然全線翻生。由十月三日至七日,蒙古能源(276)爆升七成;另外新時代能源(166)及綜合環保集團(923),亦分別上升四成二及三成九,目前仍於高位徘徊,市場憧憬重組或賣殼。當中最惹人注目的,是人稱「大中華第一妖股」的蒙古能源。蒙能前身是新世界發展(17)旗下的新世界數碼,股東包括鄭氏家族,集團主席是專幫鄭家收拾爛攤子的魯連城(Simon Lo)。彤叔曾大讚他:「Simon 佢好叻仔,我梗係信得過佢!」蒙能在○七年由內地商人劉丞霖注入煤礦資產,由科技股變成煤炭股。其後排山倒海有「好消息」,包括︰彤叔父子斥資二十億入股增持、高盛入股、投資項目擴至新疆、有大型國企簽約、被納入MSCI中國指數成分股等等。股價由○七年一月的兩毫幾(合股前),暴升至○八年六月時的歷史高位十八元(合股前),市值高達一千億!就在股價攀上十六蚊時,小甜甜御用風水師陳振聰向高盛購入三千萬股認購期權。及後煤礦股隨大市爆煲,蒙能股價由○八年六月高位72.24元(合股後)反覆下跌,「帶挈」陳振聰被斬倉蝕五億!其後蒙能全無起色,今年二月創歷史新低,一度見0.107元,較高位蒸發99.9%。本週一收報0.51元,已經令坐艇股民喜出望外。

撰文:孫樂祈、黃嘉慧news@nextdigital.com.hk

純官 官埋 埋班 億萬 傍友 上位 秘笈
PermaLink: https://articles.zkiz.com/?id=221103

英國直擊 王穎妤拍住上 揭純官千億私己

2016-10-13  NM

新世界發展(17)創辦人鄭裕彤去世,其長子鄭家純與紅顏王穎妤兩名兒子的名字,出現在訃聞上。「認祖歸宗」,過了第一關。本週三彤叔設靈,是第二關,王穎妤會否攜同兩子「披麻戴孝」,成為城中富豪的熱話。彤叔早於昏迷前,已將家族旗下資產安排妥當,由已成年的兒孫掌管不同業務,外人要插針都插唔入。但本刊發現,今年七十歲的鄭家純,在海外有豐厚的私人錢包,尤其在英國倫敦,將要發展的私人地產項目,落成後價值將上千億港元。這些資產如何分配,可由純官自己話事。與此同時,本刊亦發現王穎妤的名字在巴拿馬文件中出現,兼且曾於英國成立物業投資公司。純官和王穎妤,在英國齊齊拍住上!

上週彤叔訃聞一出,即成為城中熱話,焦點在於純官和王穎妤兩子的名字首次曝光。有別於集團第三代繼承人的「志」字輩,兩男孫分別叫澤弘和澤然。不過,對於兩名兒子可「認祖歸宗」,據知王穎妤已相當感動。而對着身邊朋友,純官則指訃聞中兩個名字,是由新世界老臣子加落去,並「聲稱」自己並不知情。

攻英國物業

王穎妤與純官「交集」的足跡,在香港並不多,非常低調謹慎。反而海外公司資料,卻流露出兩人在投資上可謂志趣相投,一樣鍾情於英國倫敦。曾自稱blue blood(貴族)的王穎妤,九二年畢業於倫敦大學法律系,後期回港執業。本刊發現,她於○七年八月起,擔任一間英國公司Hacker Properties的董事,其母親方文德同日開始擔任秘書,這與王誕下長子澤弘差不多時間。Hacker有「黑客」的意思,玩味甚濃。此公司於○九年解散(compulsory strike off),但因為被英國稅務及海關總署發現,該公司有物業印花稅未繳交,故於今年三月將公司「恢復」(restoration)以便追數。本刊亦透過國際調查記者同盟(ICIJ)公布的巴拿馬文件,發現王穎妤的名字。她於二○一五年十一月成立離岸公司HOMEART HK LIMITED,申報地址為灣仔會景閣十一樓某單位。翻查土地註冊處記錄,該單位持有人為PERFECT MODERN LIMITED,於一二年五月以九百三十萬元購入上述及另四個單位。同日,再以3,790萬買入同層另三個單位,共八個單位,令總面積超過六千呎,據知現由王穎妤與父母同住。

投資過百億

同樣是一二年,當時因彤叔退休、剛接任新世界主席的純官,透過私人持有的公司Knight Dragon,以4.8億英鎊(折合約46億港元),買入倫敦泰晤士河畔的Greenwich Peninsula項目六成權益。一年後,他更斥資1.9億英鎊(約18億港元),向英國地產商Quintain購入項目餘下四成權益。亦即純官全資擁有此項目,據知,純官對此相當自豪,而在公司網頁中,亦刻意加一句強調,該公司「is owned by Dr Henry Cheng Kar-Shun」。純官如此看重此項目,事關Greenwich Peninsula沿着泰晤士河延綿1.6英里,附近為金絲雀碼頭,有評論甚至指他將可躋身倫敦地產大亨。現場所見,該項目仍在動工,預計落成後可提供一萬五千多個住宅單位,以及三百五十萬呎商業樓面,總投資額高達84億英鎊(約800億港元),落成後價值可上千億港元。

彤叔盲公竹

這並非純官首次涉足倫敦物業,早於○二年,彤叔帶着純官、以周大福名義十二億英鎊購入倫敦Knightsbridge一九九號一幅地皮,鄰近Harrods百貨公司,能遠眺海德公園,興建有二百多個單位的豪宅大廈The Knightsbridge,當時交給國際娛樂(1009)前董事、律師出身的李耀湘開發。 The Knightsbridge○五年完工,被公認為倫敦最高級住宅物業,八千呎頂樓複式以鑽石Cullinan命名,意謂皇冠上珠寶,並奪得Property Awards 2006大獎。英國脫歐令當地樓價下跌,但目前The Knightsbridge一個七百呎單位,售價仍高達275萬英鎊(折合2,644萬港元),平均呎價近四萬港元。今次搞Greenwich Peninsula,純官亦找來當年原班人馬,如李耀湘及則師Fosters team合作,務求做到盡善盡美。鄭家在英國的「腳毛」,還包括一一年聯同「股壇壞孩子」馮耀輝及李耀湘,用三千萬英鎊買入英國管理二萬二千套公屋的 Pinnacle Regeneration Group六成一股份。另外又與遠東發展(35)主席邱達昌及新加坡大華銀行黃祖耀家族合組公司,於一四年以1.25億英鎊購入倫敦Marriott London Grosvenor Square Hotel。純官鍾情英國,投資風格與同樣重鎚英國的大劉接近。王穎妤能先後得這兩位富豪喜愛,自然有其過人之處。

露吊帶絲襪

渴望攀上上流社會,王穎妤習慣食好住好,兼打扮富貴,以往她上法庭,總是一身名牌裝束、佩戴名貴珠寶。當年王穎妤雖長期穿著律師袍,但難掩其雪白皮膚及姣好身材,更重要是她懂得以「若隱若現」之態吸引純官注意。○三年,王穎妤擔任新世界代表律師,處理與新鴻基集團前主席馮永祥的錢銀爭拗,在法庭不時認真地跪低跟純官「咬耳仔」,「佢一踎低,就露出著喺入面條吊帶絲襪頭,若隱若現,好性感。」當時在場的女士,睇到凸晒眼,相當佩服。而她無論男女老幼身份,亦一律報以燦爛甜笑,態度友善,非常識做人。王穎妤「升呢」後,其中強項便是有途徑買限量版手袋,例如她可直接買到HERMES,而不用在長長的waiting list 排隊,這使她能在名媛界立足。據純官的朋友透露:「有啲富豪有錢唔識使,冇品味,冇內涵。但係王穎妤對衣食、名牌好有研究,佢去到任何國家任何地方,都會帶你去知名食府食好嘢,帶你去邊度遊玩,佢講到背景,好有文化,令富豪覺得使錢使得好過癮、好值回票價。」他又指:「純官星期六會去皇朝會打麻雀或賭啤,君悅、皇朝會同會景閣相通,純官打完牌,便會去中間相通嘅兒童遊樂場,同兩個小兒子玩,大婆問起咪話去咗打牌囉!」

一家是非多

王穎妤的大本營在會景閣,與父母同住。王穎妤父親為前香港高等法院法官王見秋,他曾任香港平等機會委員會主席,但上任僅兩個月,就被揭發任法官期間,曾透過王穎妤收受四張由劉鑾雄贈送的頭等機票,先後到內地、歐洲及美國旅行,再向政府申請旅費津貼,結果因涉嫌詐騙津貼遭廉署調查;他亦被指住在大劉提供的豪宅。多番醜聞下,王宣稱「受傳媒逼害」請辭,而時任律政司黃仁龍在三年後以證據不足為由,不予起訴。王見秋報住元朗錦綉花園,翻查記錄該獨立屋由太太方文德於八十年代購入。記者上週六前往該址,屋內花王指:「王生搬咗啦,依度只係用嚟度吓假……佢好好人o架,成日同人講個仔係醫生,有咩病痛都可以搵佢。」其長子王紹文,的確是著名風濕專科醫生,現於尖東企業廣場十二樓「醫薈坊」掛單接客,另外是物理治療中心「體健坊」 股東。其公司曾報新世界大廈地址,去年成立的「香港專業人士聯會」,他擔任副主席,成立當天邀得全國人大代表及建制派人士出席,如梁愛詩、曾鈺成等。王家好友指這個兒子讀書叻,不用父母掛心。相反,王家長女、亦即王穎妤姐姐王婕妤,卻不被睇重,因她只是事務律師,不及妹妹大律師的地位,父母皆引以為傲,在朗豪坊辦公室獨資成立律師事務所,近年擔任酒樓股譽宴(1483)的獨立非執董。其早年主力證婚,於本年初捲入吸血財務中介的騙財糾紛,被多名受害者指責沒有作應有的法律提醒。近日記者再到其辦公室查詢證婚套餐,王婕妤親自出來接待。她衣著樸素,樣子較憔悴,並指:「現時公司業務比較繁忙,少做了證婚。而家我哋做樓宇買賣同其他商業草擬文件嘅多。」記者指她名字似曾相識,她大方指:「呢排有好多新聞,係呀,王穎妤係我妹妹。」

家人各自搵食

王家親友指,王見秋一向偏愛穎妤,相反婕妤從小到大也不得其歡心,父親對王婕妤與警察結婚一事更大力反對,認為最高亦只有升到幫辦的女婿配不上王家「貴族」身份。認識王家的一位法律界人士說:「穎妤細個就已經好cute,去到佢屋企會主動坐uncle大髀玩,好嗲,好多嘢講,細細個讀書就好叻。」而姊姊較安靜,通常只是企埋一邊,「當年王見秋仲係高等法院法官,有份委任王穎妤為大律師,咁多年仲講起,好引以為傲。」至於王家幼子王紹武,最獲母親疼錫,但讀不成書。據知他曾獲安排在新世界旗下酒店任前枱職員二至三年,現已離職。「佢最唔生性,後生時成日喺馬場黐人包廂坐,周圍問人借錢,幾千蚊都要。」○七年他與其他股東開設「六寶美鑽」,但○九年已要出動父親王見秋名義向他兩名生意夥伴追討一百萬元,其後公司解散。王紹武分別在上年及今年開設「Fattycool」及「智薈第一」公司,本刊曾到紅磡的辦公室視察,未有人應門。而他報住位於深井的住宅,由兄長王紹文購入,居民指間中只有一名男子出入。似乎王穎妤雖然母憑子貴,但一人得道,並未有讓家人真正攀入上流社會。

王見秋家族

1.前香港高等法院法官、及前香港平等機會委員會主席。當年上任平機會主席僅三個月,便因收受頭等機票醜聞請辭。2.王見秋長子,著名風濕專科醫生,他出任董事的公司藍天使,所報地址是新世界大廈十七樓,此公司於一○年解散。3.王見秋二女,經營獨資成立的律師事務所,早年專擔任婚姻監禮人,現仍有親自證婚。4.王見秋三女,純官密友,誕下了鄭澤弘及鄭澤然兩子。5.王見秋四子,曾在新世界酒店擔任「前枱」,及六寶美鑽董事,因生意問題與拍檔鬧上法庭。現持有智薈第一等公司。

彤叔私人錢包勁過誠哥

彤叔生前除了搞地產、珠寶,並分批上市外,對酒店業務亦情有獨鍾,更以「皇冠上的鑽石」來形容自己對酒店的喜愛,認為「揸住嚿磚頭就不停收錢。」而這批酒店資產亦收在私人的周大福企業旗下,未有上市。一一年鄭家以2億2千多萬美元,收購酒店品牌Rosewood,找來長女鄭志雯「打骰」,之後公司積極參與收購。一三年有意打包旗下君悅酒店、萬麗海景酒店及尖沙咀凱悅酒店上市,市傳集資額78億港元,後因市況欠佳擱置。上年將一半權益賣予阿聯酋主權基金,作價達185億元。在上年中,周大福企業亦向新世界中國購入酒店管理業務,連同Rosewood集團旗下的瑰麗酒店、新世界酒店及度假村、以及貝爾特(Penta)酒店,全球有五十多間酒店,遍布十八個國家,難怪有指彤叔的私人錢包,勁過誠哥!

撰文:梁延宇、黃嘉慧、黃綺敏、陳慧瑩攝影、攝錄:財經組插圖:詹震寰news@nextdigital.com.hk

英國 直擊 王穎 妤拍 拍住 住上 揭純 純官 官千 千億 億私 私己
PermaLink: https://articles.zkiz.com/?id=221107

純官坐正 王穎妤挾2子發圍

2016-10-06  NM

上週四,華資殿堂級大孖沙、新世界(17)創辦人鄭裕彤,昏迷四年後因病辭世,終年九十一歲。人稱「沙膽彤」的彤叔,一手炮製千億上市王國,早於五年前已感身體衰弱,安排分配家產,後人亦陸續「瓜分」不同業務範疇。本來身家分配毫無「懸念」,但長子兼接班人鄭家純,近年與紅顏、大劉舊愛王穎妤誕下兩子,並由原本姓王改姓鄭,再攜同高調出席友儕活動,令人懷疑這兩位彤叔孫兒會否「認祖歸宗」,插旗鄭家產業。另一邊廂,曾宣稱「會坐主席位20年」的純官,在「地主會」比彤叔更活躍,由鋤D轉玩德州撲克,坐正共榮圈的老大角色。近年他銳意與老友洗米華等大搞賭業,在韓國、越南發展賭場,似要食鋪大茶飯,讓人「另眼相看」。

純官與王穎妤兩子的名字,會否在彤叔訃聞出現;而她又會否帶着兩子出席彤叔喪禮,成為了城中其他富豪的「熱話」。有純官的好友指:「佢喺啲朋友面前,都成日講起兩個仔,按道理應該會出來。」六年前,在純官接近六十大壽之年,王穎妤替他誕下首名兒子,一名知情人士指:「呢個仔當初個名叫王澤弘,而家差唔多八歲,之前讀聖保祿幼稚園,而家就讀男拔萃小學。」本刊翻閱校刊,發現此子已改姓鄭,英文名「John Paul(JP)」,其八字眉與父親純官似到十足十,相當趣致可愛。據知彤叔也見過JP,眼見純官近年輕鬆開心,而王穎妤也「聽教聽話」,俾足面正室,故已確認孫兒身份。

再生一子地位穩固

其後王穎妤再替鄭家純誕下一子,但次子就「無咁似純官」,滿月時在皇朝會擺酒。在尖沙咀新世界中心未重建前,她一直住在新世界大酒店,現時已搬往會景閣。知情人士續稱:「佢住灣仔會景閣,經常到附近新世界旗下的萬麗海景酒店中菜廳滿福樓食飯,近年不時見她與兒子在尖沙咀K11樓上酒店出現,嗰邊有幾個單位任佢揀嚟住,真正包食又包住。」而純官與正室葉美卿所生的長子鄭志剛,都要睇老豆面色,錫住這兩個「細佬」。純官多年來與王穎妤已極親密,女方在早年仍是大劉女友期間,經常陪大劉出席「鋤D會」,因而結識純官彤叔。後來王穎妤與大劉交惡分手,大劉力數王貪錢,之前大劉曾利用彤叔,向王穎妤求婚「引蛇出洞」。到分手後王穎妤獲純官撐腰,大劉在記招指:「個主謀有財有勢,我得罪唔起。」激得彤叔唔睬大劉半年,又曾公開叫大劉不要欺負細路女,○三年王「轉會」,多次被拍得與純官出入「ball」場,戀情因而曝光。身為律師,王曾組成新世界御用律師團隊,代表新世界挑戰立法會條例,又幫新世界在美國與競選總統的Donald Trump打官司,曾獲判廿八億美元賠償,又曾向保險公司索償二億港元,成績輝煌。據知她亦知分寸,絕不會「掂」鄭家本業、即新世界內業務。

以子之名開公司

雖然處於上岸狀態,但王穎妤也有為不同公司擔任董事。根據公司註冊處記錄,王穎妤從二○○六年開始,於冠亞商業(104)中擔任獨立非執行董事,一直至今。該公司以生產及銷售錶類產品為主,王每年有數十萬酬勞,亦有按規定出席董事會議。另外,她在四間私人公司擔任董事,當中兩間則名為「JP Wines」及 「JP Gallery」,於○九年及一一年成立,JP正是其大仔名字。另外兩家公司名「Big Victory」及「HomeArt Design」,後者於去年尾新成立。四間公司同樣報灣仔會展廣場Art One一個商鋪。至於純官的髮妻葉美卿,近年較少與純官一同露面。葉美卿閒時除了打理花店「花悅Blooms n Blossoms 」外,亦熱愛跳社交舞及打麻雀。二○○二年曾被拍到與國內舞蹈教練王永剛,在英國黑池一起,生活與丈夫同樣精彩。

有事搵純官

另一邊廂,純官亦想在事業上再展「雄風」。八九年彤叔曾退休,希望由純官接棒。但事與願違,純官因有野心不斷收購,令新世界背上沉重債務,當時市值一百五十億元的新世界,負債比率暴升至百分之五十,迫使父親再次出山,大賣資產拯救集團。到彤叔於一二年真正退休,仍然屬意純官掌舵,並積極培訓鄭志剛成為第三代接班人。彤叔身邊人指:「佢中風嗰年,同我哋講身體真係好唔掂,有事要搵純官。」同時彤叔要求盡快將周大福(1929)上市。當時就有分析指,上市後因家族控股公司一分為二,以及公司財務報表公開,家族成員間便不會因猜忌引發矛盾,可平衡家族分支的利益。

「德州會」首腦

純官第一次坐正主持業績會,已講了句:「我最少坐廿年(主席)!」講給公眾、亦講給自己兒子聽。而彤叔創立的「鋤D會」,亦由純官接手,啤友由香港富豪變為內地富商。「以前係玩「鋤大D」,但無玩好耐啦,而家係玩德州撲克同鬥地主,群埋純官嘅都係大陸富豪。」純官啤友指,恒大(3333)主席許家印已較少出席,「大劉」劉鑾雄亦因身體抱恙及與純官有心病,絕跡啤局。純官亦延續鋤D會共榮圈的特色。上年尾,新世界連環售出六個內房項目給恒大,涉資二百零四億元人民幣;而恒大亦向新世界旗下公司及周大福企業,發行一百一十七億元債券。一三年新世界曾夥拍萬科(2202),奪得荃灣西站六區地皮發展。到今年八月市場傳出許家印掃入萬科百分之六後,純官御用的鼎珮證券背後由Benny莊天龍揸旗。他出身於美林,曾因內幕交易而被證監譴責,近年則因為和大台小花傅嘉莉傳緋聞,而於娛樂版出現,亦頻繁買入萬科H股逾一千五百萬股。純官曾被問到為何介入萬科之爭,他兩度揮手拒絕回應。

私人資產續轉移

據知純官最想拍住老友搞賭業,今年初,周大福夥拍洗米華的太陽城集團,與新華匯富(188)主席蔡冠深合作,在越南投資四十億美元,開發賭場連度假村項目,預計一九年便可開業。另外,周大福亦在韓國拓展賭業版圖,擬在仁川投資二百多億港元建立綜合賭場項目。在上年尾,由彤叔私人名義持有的股份,亦開始「清倉」。最近一次在上年十二月,其私人名下包括佐丹奴(709)、蒙古能源(276)以及新昌營造(404)等六家上市公司股份,全數轉讓予家族旗下周大福控股,涉及市值合共近五十七億元。搞清手尾,彤叔亦於九個月後離世。

鄭裕彤家族表

1. 鄭家純:69歲,鄭裕彤長子。新世界發展、周大福及新創建主席,與前大法官王見秋的大律師女兒王穎妤誕下了二子,為分配資產帶來變數。2. 鄭志剛:36歲,鄭家純長子。當年以28歲之齡成為新世界發展執董,現為新世界發展執行副主席,同時於新世界系多家上市公司擔任要職,包括身兼新世界中國、新世界百貨、周大福及國際娛樂執董,成為第三代接班人。3. 鄭志雯:35歲,鄭家純二女,新世界發展及新世界中國執董,同為瑰麗酒店集團首席行政總裁,管理新世界酒店業務,丈夫是「鋼鐵大王」龐鼎元孫兒龐建貽。4. 鄭志明:33歲,鄭家純三子,新創建執董,主要負責基建業務及合併和收購事務。5. 鄭志亮:年紀不詳,鄭家純四子,2013年於哈佛大學畢業後,曾加入券商里昂任職,現時暫未加入成為新世界公司管理層。6. 鄭家成:64歲,鄭裕彤次子。新世界中國地產執董,主管內地業務。今年七月將香港洗腎中心,改名為周大福醫療基金,外界曾傳出醫療項目將成為家族另一專門投資。7. 鄭志恒:38歲,鄭家成長子,新世界發展執董。8. 鄭志謙:37歲,鄭家成二子,新世界中國執行董事。

殿堂級華資彤叔創經典

彤叔在一二年二月宣布終極退休,稱要「睇波、遊埠、陪老婆」,但在同年九月突然腦部爆血管中風入院。據知情人士透露,彤叔在當年眼見好友賭王何鴻燊,上演爭產風波,促使他立即處理財產問題。一一年一月,在「分燊家」事件期間,彤叔曾主動表露想法:「唉,點幫呀,幫呢個,人哋嬲你,咁你何必呢…"清官難審家庭事呀!我冇四個老婆咁多呀……哈哈哈哈。」當時是農曆年間,彤叔在家鄉順德,眼見賭王俾仔女「舞來舞去」,「唔想見到子孫咁搞法」,覺得老友好慘,故第一時間找銀行家處理他龐大的財產分配。

娶周大福老闆女兒發跡

彤叔於一九二五年出生,年輕時有「澳門駙馬爺」之稱,十五歲時他到父親好友周至元的澳門周大福金鋪打工,並跟周至元之女周翠英拍拖,後於四三年結婚。獲升任為周大福掌櫃的他,在四六年開設了首間周大福香港分店,翌年再於外父周至元及另一股東手上購入周大福股份,正式完全接管周大福。七○年,鄭裕彤由珠寶店轉戰地產市場,與何善衡、楊志雲等組建新世界發展,並以一億三千一百萬元從太古(19)買入尖沙咀藍煙囪地皮,成為其在地產戰場的首步。新世界在一九七二年集資一億九千四百萬元上市,及後新世界發展迅速,成為本港數一數二之千億上市王國。而為其事業之起步點——周大福珠寶也於二○一一年正式上市。

視新世界為命根

雖然鄭裕彤靠周大福起家,但其實他一手一腳打江山的新世界,才算是他命根,多年來打造過不少屋苑神話,當中如美孚新邨最為經典。屋苑六八年入伙,共八期九十九座,除了是全港首個設示範單位兼賣樓花的大型屋苑,至今仍然是全港最大規模屋苑。其屋苑利用平台花園的設計,將人流與車流分開,更為外國建築師仿效。另新世界於八二年建成新世界中心,帶旺整個尖東發展,以及在八四年與貿發局合作興建香港會展中心,也是新世界名作,會展旁的會景閣為香港服務式住宅先驅之一,由此奠定其香港四大發展商的重要地位。彤叔一生,人際關係好,交際手腕一流,亦愛提攜後輩,相信下週三(十月十二日)的喪禮,將極盡榮哀。

溝女冇包袱

「一生人之中,老婆對我最重要,我當然愛我老婆啦!」鄭裕彤常把太太周翠英掛在嘴邊,兩人相敬如賓,但他晚年仍愛「追吓女仔」。他經常跟友人說:「我溝女啫,又唔係殺人放火,驚咩呀?又唔係搵佢過人世。」紅顏中以鄺美雲最為人熟悉,而華裔小姐冠軍葉璇也是他契女之一。早年Boe媽(顧紹芬)也常向彤叔介紹美女,當中常伴彤叔左右的,要數來自哈爾濱、Boe媽的親姪女顧美蓮(Cindy)。Cindy在○四年結識彤叔,被大讚長得像女星鞏俐和章子怡。二人相識五個月後,Cindy就獲安排入住新世界服務式住宅,更有專車及司機接送,盡得彤叔歡心。跟隨彤叔兩年後,Cindy以一筆過形式用六百多萬買了干德道一個單位,再於二○一一年轉手,用三千八百萬買入花園道翠峰園一個單位。兩人交往一直到二○一二年終止,當年彤叔宣布退休,盼望和太太環遊世界。

鄭裕彤生平

年份/事件

1925:8月26日出生於順德市倫教鎮。1938:到澳門周大福金鋪做「後生」。 1943:與周大福老闆、周至元女兒周翠英結婚。 1946:到香港設立周大福分店。 1956:從外父手上繼承周大福股份,在香港擴張業務。 1970:與楊志雲、冼為堅、胡俸枝等人成立新世界發展有限公司,轉攻地產。 1972:新世界上市,集資$1.94億,由何善衡任主席,鄭裕彤任董事總經理。 1982:入股澳門娛樂公司。 1988:同林百欣購入亞洲電視,各持四成七,鄭任主席一職。 1989:宣布首次退休,長子鄭家純擔任新世界董事總經理。 1991:重新掌權,出售資產減債。 1995:新世界分拆酒店及基建項目上市,共集資$36億。 1999:新世界分拆中國業務上市,集資$44億。 2001:新世界以$27億出售麗晶酒店減債。與劉鑾鴻合資$35.5億收購崇光百貨。 2011:將私人持有的周大福珠寶於港交所上市,令其「浮面」私人財富增至千億港幣。 2012:2月宣布退任新世界發展董事會主席及執行董事職位,由兒子鄭家純接任。 2012:9月中風入住養和醫院,其後一直未有露面。 2016:9月29日病逝,終年91歲。

撰文:財經組攝影:財經組攝錄:財經組news@nextdigital.com.hk

純官 官坐 坐正 王穎 妤挾 子發 發圍
PermaLink: https://articles.zkiz.com/?id=221109

萬南 二五中環 「槍手」太認真 純官一頭霧水

1 : GS(14)@2016-02-29 02:48:06

http://www.metrohk.com.hk/index.php?cmd=detail&id=303268&search=1
香港過千間上市公司,每年年報例必要撰寫主席報告,但萬南相信少過百分之一係由主席親自撰寫,通常都交由IR做槍手代筆,所以行文千篇一律,照單執藥,唔少Hea做槍手更認為反正冇乜人會睇,索性攞番舊年份報告出嚟,更新數字同頭尾幾句又循環再用。
正正因為咁嘅原因,上星期有傳媒發現新世界(017)新鮮出爐主席展望,純官以大文豪歌德名句「生命當屬生存者所有,生存的人應為改變時刻做好準備。」於是好奇問純官引用呢句,點知佢一頭霧水,經職員一番提場,先尷尬話唔係佢親自寫,係公關照大約意思搞的。

若果要親自撰寫主席報告嘅大孖沙,一定係恒隆地產(101)主席陳啟宗,每年閉關嘔出來,所以閱讀性最高;紅籌中信(267)主席常振明亦都有鋪執筆癮,更以自己耍家嘅圍棋比喻經營環境。至於細價股之中,包浩斯老闆黃銳林更曾做過老師,寫得一手好文,曾經寫「(本公司)既已跨出第一步便絕無退縮之理,我們志比天高而明乎千里之行始於足下。」可能黃生近年較忙,已搵人代筆居多。
萬南 二五 中環 槍手 認真 純官 一頭 霧水
PermaLink: https://articles.zkiz.com/?id=296377

超人純官涉足飛機租賃

1 : GS(14)@2016-05-19 02:02:00

【明報專訊】近年飛機租賃業務吸引不少投資者,除中國銀行之外,光大控股(0165)投資的中國飛機租賃(1848)亦於兩年前上市,憑藉首個飛機租賃股概念,股價連番炒高。本地富豪中,長和(0001)主席李嘉誠及新世界(0017)主席鄭家純均有涉足投資飛機租賃。



租金收入穩 可作對?

李嘉誠旗下的長和近幾年頻頻投資於航空業務,除了入股中航國際(0161)和中航工業(0232)外,還斥資150億元購入45架飛機,也一度擬競購愛爾蘭飛機租賃商AWAS的100架飛機,大規模進軍飛機租賃業務。鄭家純旗下新創建(0659)去年初亦以17億元收購從事商務飛機租賃業務的Goshawk約40%股權,機隊增至33架飛機。

大孖沙進軍飛機租賃行業,多是因該業務收取租金收入,擁有的穩定性不輸投資物業,正好可對?其他行業不景氣及波動。隨亞洲地區大量出現的廉航需求上升,都促使飛機租賃業務變得炙手可熱。亞洲其他集團亦看到了商機,如三井住友集團和三菱UFJ集團,也都通過收購飛機公司而進入飛機租賃領域。

根據國際航空協會(IATA)的數據,2004年至2011年飛機租賃業的資本回報率為9%,是航空板塊不同行業當中最高。中銀航空租賃招股書顯示,全球機隊將於2014年前增長至超過3萬架飛機,未來10年將有4600架100個座位以上的噴氣式飛機及貨機加入租賃機隊支持此增長。



來源: http://www.mpfinance.com/htm/finance/20160517/news/ec_eca2.htm
超人 純官 涉足 飛機 租賃
PermaLink: https://articles.zkiz.com/?id=300139

純官抱恙投巨鑽悼亡父

1 : GS(14)@2017-04-06 07:31:06

【明報專訊】早前純官鄭家純因身體抱恙,連特首選舉投票咁重要嘅場合都缺席,搞到大家都有少少擔心佢健康。不過,華人社會向來親情大過天,為咗紀念亡父彤叔鄭裕彤,同埋慶祝周大福成立88周年,抱恙在身嘅純官都堅持撥個輪,一炮過豪擲5億銀,從蘇富比投嚟一粒足足59.6卡嘅粉紅色巨鑽,仲改埋名叫周大福粉紅之星(CTF Pink Star),完全係現代版二十四孝故事。

純官大仔鄭志剛熱愛藝術就人人皆知,但原來純官都好有眼光,一買就買嚟獲美國寶石學院(GIA)評為最大粒嘅瑰麗奪目粉紅鑽石(Fancy Vivid Pink Internally Flawless diamond),唔怪得要成5.5億。

雖然個價開到咁高,仲打破咗紀錄,但親情同藝術一樣,都係無價嘅,最緊要都係份心意啫。

email: piano@mingpao.com

[小琴密語]


來源: http://www.mpfinance.com/fin/dai ... 8448&issue=20170406
純官 官抱 抱恙 恙投 投巨 巨鑽 悼亡
PermaLink: https://articles.zkiz.com/?id=329332

魑魅魍魎:給滿血回歸的純官

1 : GS(14)@2017-04-08 19:37:52

純官:希望你有緣看到這篇專欄,見到有本地傳媒拍到你在友人陪同下跑步,看起來精神奕奕,似乎快將滿血回歸,實屬喜訊一則,你知道這三個月香港發生了甚麼變化?雖然你身邊有專業的公關團隊,但也讓本欄替你做個小總結吧。第一,你的兒子鄭志剛(Adrian)早於2月初便加入林鄭競選團,成為資深顧問。雖然你因為聽醫生建議休養而最後甩底無投票,但也老早押中寶了,恭喜恭喜。不過今次全城大孖沙硬撐,押中寶也好像有點那個。第二,你休養期間系內動作多多,六年前與Adrian一起被委任為執行董事兼聯席總經理的陳觀展,今年2月底退任所有行政職務了。傳媒形容現在Adrian真正孭飛了,相信你也望子成龍吧!反正你們在3月底也增持了周大福控股,這是近三年半以來首次增持,應該是看好公司前景吧!第三,你們旗下公司也有不少消息呢。鄭裕彤家族控股的國際娛樂(1009)已賣殼予馬雲好友、撲克高手蔡朝暉,股價升不少呢;另外,令尊彤叔生前曾經投資的輝山乳業(6863)被質疑財務造假,突然單日股價大跌超過九成,幸好你們沽得早,不然隨時損手啊。第四,你身邊的朋友人生也起了不少變化。「大劉」劉鑾雄在3月初突然形容自己「健康極為不穩」並且分了身家,其妻子甘比現時已躋身香港十大富豪榜;另外前任特首曾蔭權最終被判罪成,他的大哥曾蔭培替你打工,應該有告訴你自己的感受吧?第五,路透社報道指周大福企業要投資澳洲了,獵物是能源公司Alinta Energy。對了,去年國企華電集團出擊收購這間公司失敗,今次你們談判成功後,應該也會找國企合作吧?當地監管機構對香港企業會輕手一點嗎?最後希望純官早日康復,如Adrian所言「好快會出現見返大家」,跟我們講講政治、經濟和人生吧!十一少
http://www.fb.com/11mister本欄逢周五刊出




來源: http://hk.apple.nextmedia.com/financeestate/art/20170407/19982105
魑魅 魍魎 給滿 滿血 回歸 的純 純官
PermaLink: https://articles.zkiz.com/?id=329512

鄭志剛:純官健康非常好

1 : GS(14)@2017-07-29 03:21:31

【本報訊】周大福(1929)執行董事鄭志剛昨出席股東會後表示,主席鄭家純仍然康復中,強調純官健康「非常好」,料可出席集團下次業績會。對於有指新百貨(825)因未「收齊貨」而需要延長截止接受收購日期至8月1日,故日前集團大手掃貨,以達到私有化目的,鄭志剛昨只回應稱:「呢啲比較敏感,唔講得住」,並對私有化有信心。


新百貨大手增持股份

昨晚新百貨發公告稱,集團自本月25日起以每股1.98元、1.99元及2元購買4,550萬股新百貨股份,相當於要約股份之約9.74%。另新百貨亦公佈,要約人已接獲要約項下3.3億股股份,相當於要約股份之約70.76%及投票權之約19.61%。另外,提到早前有傳周大福企業將成為停牌多時的新昌集團(404)白武士,他則不予置評。珠寶業務方面,鄭志剛表示,港區業務已慢慢復蘇,料今年將淨減少4至5間分店,或有機會持平,內地會淨增加50間至70間店舖。他又提到,最近周大福內地同店銷售錄得雙位數字增長,符合預測,料全年會有中單位數字增長,寶石業務銷售亦有回復趨勢。他又指,明年內地會再推一時尚品牌,未來會採用多品牌策略,但未有計劃將品牌引入到香港。




來源: http://hk.apple.nextmedia.com/financeestate/art/20170727/20102969
鄭誌 誌剛 純官 健康 非常
PermaLink: https://articles.zkiz.com/?id=338863

福布斯改計法 純官跌至49位

1 : GS(14)@2018-01-22 04:53:52

【明報專訊】雜誌《福布斯》公布2018年首50個香港富豪名單,首兩名依然為李嘉誠和李兆基,當中李嘉誠坐擁360億美元(約2808億港元)身家,資產較去年的303億美元上漲逾18%,李嘉誠更連續20年成為香港首富。另外,今年《福布斯》對新世界鄭氏家族的身家採用了新的計算方法,主席鄭家純只計其個人資產,排名大跌至49。

朱李月華打入十大

除2014年「賭王」何鴻燊之女何超瓊以68億美元位列當年富豪榜第9名外,近年均未見女富豪晉身首10名,而今年終再有女性打入富豪榜首10名,就是金利豐金融(1031)行政總裁、人稱「朱太」並有「殼后」之稱的朱李月華,其擁120億美元(約936億港元)身家,去年位列榜中第14名,而今年則急升至第7名。隨朱太之後的另一名女性便是何超瓊,其較去年微升一級至第15名,身家逾55億美元(約429億港元)。

另外,銀娛(0027)主席呂志和由去年的第6名,急升3位至第3名,而去年排名第4的華置(0127)前主席劉鑾雄(大劉),今年則稍跌一級至第5名。近年大劉多次贈送資產予其妻陳凱韻(甘比),去年市場曾估計甘比旗下資產逾322億港元,估計今次排名仍把該批資產歸於大劉之下,倘若甘比擁大劉全部資產,將搖身一變成香港女首富。

大劉贈資產 甘比未來或成女首富

新世界發展(0017)創辦人鄭裕彤生前多次位列富豪榜首3名,惟其子鄭家純今年在富豪榜中僅排名第49名,《福布斯》解釋,是次計算已撇除鄭氏家族信託基金的資產,因此只計及鄭家純的個人資產,其以13億美元(約101億港元)身家成為本港富豪榜中的第49名。事實上,鄭裕彤生前把千億元資產分由兩個「鄭裕彤家族信託」(Cheng Yu Tung Family Holdings)持有,去年《福布斯》香港富豪榜第3名為持有1396億港元資產的「鄭家純家族」。

富豪榜之中,如要數榜上最年輕的,仍歸今年41歲、「賭王」之子何猷龍,其以26.5億美元身家成為第29名;而榜中年紀最大的,是位列第44的唐翔千,唐翔千家族可謂紡織業龍頭,值得一提,唐翔千為前政務司長唐英年父親。


來源: http://www.mpfinance.com/fin/dai ... 5168&issue=20180119
福布斯 改計 計法 純官 官跌 跌至 49
PermaLink: https://articles.zkiz.com/?id=346928

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019