與楊子秘婚8年黃聖依：我做了媽媽
1 :
GS(14)@2015-06-15 00:53:35楊子日前親口承認8年前與太太離婚後，他就緊接與黃聖依結婚，後來黃聖依更為他誕下一名兒子，今年已經3歲，但當年為了他和前妻的女兒着想，一直對離婚一事秘而不宣。直至女兒最近考上初中，認為女兒已經長大，可以接受父母離婚的事實，故此楊子日前將真相公諸於世。前日楊子接受內地傳媒訪問，指自己出於某些原因，最近在女兒考上初中之後，覺得可以公佈和黃聖依的關係。楊子表示：「放眼整個名利娛樂圈，沒有誰能在持續8年背負小三罵名的情況下，一句話不說。」
■黃聖依昨晚出席上海電影節，首度回應指自己很幸福。微博圖片
■楊子父親上月底設靈，黃聖依與兒子都有出席。互聯網圖片
「我好幸福」
對於楊子揭出真相，終把自己是小三的污名撇清，黃聖依昨日到上海出席上海電影節時，她接受內地記者訪問，首度回應傳聞，她表示：「我確實做了媽媽，我好幸福，一直以來隱瞞此事，主要是因為我向來將家事和工作分開，在工作方面很拼，惟家庭事就不想提太多，希望大家可以諒解。」撰文：鍾國仁
來源:
http://hk.apple.nextmedia.com/entertainment/art/20150614/19183368
鍾嘉欣有餡兼秘婚仲有處女黨陪嫁？！
1 :
GS(14)@2016-02-24 07:27:08現年31歲嘅鍾嘉欣自2008年同武打演員伍允龍拍拖，一拍就拍咗咁多年，點知二人於上年初分手收場。昨日有報道指嘉欣BB喺失戀期間，情緒低落，返咗溫哥華療情傷，經當地朋友介紹，認識咗一個華籍男子，男方對嘉欣BB一見鍾情，拍拖幾個月就同嘉欣BB求婚，仲火速造人成功，報道更稱女方父母都好滿意呢個準女婿，今個月就會喺溫哥華拉埋天窗，到時「處女黨」成員仲會飛去陪嫁。湊巧昨日林峯出席活動，被問到昔日女神傳婚訊，仲雙喜臨門，佢就淡然回應：「你哋應該問番佢，呢啲報道我睇完就算…「行內人有好事都值得慶祝」好cool咁喎。
來源:
http://hk.apple.nextmedia.com/entertainment/art/20160224/19502978
去年甩拖 信神遇真愛37歲陳文媛秘婚 嫁教友
1 :
GS(14)@2016-11-29 00:14:32■本月12日，本報讀者發現陳文媛疑和老公現身韓國掃貨。讀者提供圖片
逃離娛樂圈十年的前歌手陳文媛（BoBo），現年37歲的她在愛情路上飽歷風霜，曾捲入陳冠希的慾照風暴，去年又與拍拖十年的金融才俊金紫耀分手。本報收到消息，大受打擊的BoBo返教會尋求心靈慰藉，更遇到真命天子，拍拖一年即閃婚，數月前秘密嫁年紀細過自己的教友老公，在外地低調舉行婚禮，前晚在土瓜灣補擺喜酒做平凡人妻。
陳文媛當年在娛樂圈發展平平，01年憑《你女友》獲得《十大勁歌金曲》最受歡迎新人銀獎，雖然打響了知名度，但都未及她的戀情多姿多采，尤其跟陳冠希的情史最轟動，兩人分手多年，08年BoBo被捲入慾照風波，幸獲當時的金融才俊男友金紫耀不離不棄，惟兩人未能走到最後，去年結束十年情，然而，事隔短短一年多，情路崎嶇的BoBo終於覓得有情人，數月前秘密嫁教友老公，榮升人妻。
■讀者見陳文媛買了一大堆寵物用品後放入儲物櫃。
■陳文媛一向是愛狗之人，連遊韓都要買用品給寵物。資料圖片
前晚擺酒
據知，去年BoBo被舊愛金紫耀狠飛後，大受情傷的她覺得人生無望又難過，幾乎日日以淚洗臉，朋友見她情緒低落，就叫她返教會找精神寄託，其實BoBo本身是基督教徒，只不過以前很少返教會，失戀後她跟朋友重返教會，不但想通了感情事，更在教會認識了新男友，拍拖僅一年即閃婚。據知情人士爆料，BoBo的老公是一個普通人，人品很好，身家不如她的前度富貴，兩人講心唔講金，雖然年紀又比BoBo細，但對女友細心呵護，不介意她的過去，令情路上飽經風霜的BoBo很感動，兩人很快已打得火熱，拍拖一年即閃婚。消息透露BoBo於幾個月前，已經與男友在外國舉行婚禮，前晚兩人在土瓜灣補擺喜酒，筵開22圍宴請親朋教友。已離開娛樂圈的她想重過新生，近年與圈中人幾斷絕來往，前晚更沒有宴請圈中人作客。就算BoBo以前的美甲店開張，好友傅穎（Theresa）專程來撐場剪綵，前晚婚宴Theresa亦沒有被通知出席，Theresa昨日透過短訊回覆：「聽到這個消息很開心，希望她幸福快樂！」原來兩人已經6年沒聯絡，所以Theresa完全沒有見過BoBo的老公。
■37歲的陳文媛在情路飽歷風霜，終在教會覓得真命天子，閃婚做平凡人妻。資料圖片
■陳文媛（左二）曾獲舊愛金紫耀打本百萬開美甲店。資料圖片
甜蜜遊韓
雖然人妻BoBo結婚好低調，不過本報收到讀者「爆相爆片」，於本月12日在韓國弘大見到BoBo和疑似她的老公在百貨商店掃貨：「佢哋主攻寵物用品，BoBo蹺住個男仔周圍行，之後將購物物品放喺儲物櫃，起初我唔知道佢係咪BoBo，但我聽到佢哋排隊時講廣東話，然後我再望就認到佢係BoBo，佢仲係好靚，皮膚好好。」根據讀者提供的相片，疑似BoBo的老公戴眼鏡、穿藍色外套，讀者表示：「BoBo喺排隊時有攬個男仔，全程勁sweet，雖然個男仔唔靚仔，但外表似乎係一個老實嘅人。」之後他們商量在哪裏排隊，及要將寵物床放回原處。採訪：鍾國仁、皓騫
來源:
http://hk.apple.nextmedia.com/entertainment/art/20161128/19847650
【馮仁昭四圍超】吳日言秘婚：老公係最好
1 :
GS(14)@2016-12-01 08:06:45■吳日言10月27日喺沖繩同拍拖17年嘅男友註冊結婚。
娛樂圈喜事重重，吳日言（Yan）同男友（Barry）拍拖17年，原來10月27日已經喺日本沖繩註冊結婚，正式榮升林太。講到求婚過程，Yan前日話：「都有心思嘅，佢叫朋友蒙住我對眼去公園，然後準備咗九十九支玫瑰花同戒指，仲有音樂同燈光。」
■單親家庭長大嘅吳日言話有爸爸（左）陪住出嫁好感動。
Yan話揀沖繩結婚，因為好鍾意嗰度啲教堂，今次大約有三十個親友出席。講到生B計劃，Yan話會努力，但唔係想有就有，要調理身體。問結婚當日有冇變喊包？佢話：「少少啦！我同老公講，以前未必係好好嘅女朋友，但將來會係一個好妻子。」Yan又自爆拍拖以嚟，她曾經變心半年，但始終覺得而家嘅老公最好。撰文：馮仁昭
來源:
http://hk.apple.nextmedia.com/entertainment/art/20161201/19850858
【紐約秘婚】用273蚊娶發嫂
1 :
GS(14)@2016-12-31 01:06:33娛圈模範夫妻周潤發和太太陳薈蓮，87年於新加坡擺酒（圖），但發嫂自爆二人其實早於86年10月已秘婚，兩人至今結婚三十年，發嫂昨說：「87年其實係我哋返新加坡擺酒，真正註冊係86年，當時我陪發哥喺紐約拍電影《秋天的童話》，有一日唔使開工，發哥同我講：『不如我哋去結婚囉！』我就答：『好呀！』跟住我哋就去咗當地婚姻註冊署結婚，全程好簡單，我哋都係着便服，只係花咗35蚊美金（約港幣273元）。」估不到發哥只花了二百多元便娶了位賢內助。
來源:
http://hk.apple.nextmedia.com/entertainment/art/20161230/19880710
Next Page