ZKIZ Archives


睇騷討厭事 2014年06月05日

1 : GS(14)@2014-06-09 00:11:52

http://www.am730.com.hk/article-210380

香港人搵食艱難,難得肯花幾百蚊入場睇騷,梗係想有五星級的享受。但如果你咁黑仔,坐正喺啲傾偈傾唔停,人哋睇騷佢開talk騷嘅人隔籬,咁你嗰幾嚿水就等於倒錢落海,唔止無得享受同偶像十年一度嘅見面時刻,仲隨時激到一肚氣。
文:77合作社

隔籬位大聲唱
睇騷心情興奮係人之常情,但high到坐喺位大聲唱嘅行為就好唔要得,將自己嘅快樂建築喺隔籬位嘅痛苦上,唱得仲大聲過台上歌手,變相迫人俾幾百蚊嚟聽你路人甲唱歌,咁你又何必呢!

低頭族病發
話說早排秋生同張敬軒嘅舞台劇公演,演出期間一位觀眾竟然喺度玩電話,個screen啲光不斷滋擾表演者同其他觀眾,結果俾秋生即時喝停,認真火羅到核爆!嗱!如果你次次都遇著呢啲人,就要緊記多啲去捧秋生場喇。

傾偈
以前啲人話有咩留番拜山先講,時代唔同咗,家陣係有咩留番睇騷先講。睇騷鍾意評論嘅人大有人在,仲有人喜歡閒話家常,講下樓下菠菜蓮壞話,甚至討論下國家大事,而且佢哋好傻好天真,以為用喉嚨發音就嘈唔到人,但查實……坐你附近嘅人團火已經燒到嘭嘭聲。

遲入場
返工遲到就話啫,有咩理由睇騷都遲到?扮曬VIP等人哋開始緊先入場,仲要我借借俾閣下行埋去,我睇唔到嗰十幾秒邊個賠?張飛上面寫明開騷時間,咁唔想睇就咪入場啦!計我話,遲到五分鐘就禁止入場,當今樂壇邊個最有quali帶頭?梗係E神啦!佢連歌迷嗌佢都鬧騷擾咯,何況呢啲咁唔尊重表演者嘅人?

四圍fing螢光棒
點解啲人可以成場騷無間斷係咁fing螢光棒?依家啲螢光棒仲要警棍咁大碌,fing到後面嗰個睇唔到騷之餘,仲眼都花埋,一下唔覺意興奮過度分分鐘會打到人,睇完場騷前後左右個個俾閣下撲傷曬,一個二個係咪過度活躍呀?食蕉見到唔該幫手用繩紮住佢啦!

狂尖叫同大叫我愛你
呢樣唔使多講,坐喺隔籬,尤其前面嗰個真係俾閣下嘅音波震到耳膜都穿,仲要失驚無神尖叫,無啦啦示愛大嗌「我愛你」,心血少啲都嚇親,難怪E神都狂躁啦!

硬食二手煙
完騷散場人逼人都仲要點煙,可憐我唔係煙民就硬食大家嘅二手煙。最慘試過俾前後左右一齊圍攻,返到屋企成件衫都係煙味,仲要俾隻老虎乸質疑我唔係去睇騷,係偷偷哋走去蒲,真係水洗都唔清!

食buffet
係!我明!大家都係放工趕過嚟入場,飯都未食梗會餓,但你都唔好咁過分,喺度開大食會咁至得㗎!唔係講笑,親眼見過有人食叉燒飯、粥、雞髀、成個老麥餐汽水加大兼仲要食埋shake shake薯條,jap jap聲,真係好騷擾啊大佬!

出入平安
算我唔好彩,坐正路口,倘若閣下個腎唔好要成日去廁所,我體諒,但阿姐姐仔你每隔10分鐘就行出去傾電話,行出行入,下下要我縮腳讓路,真係好煩囉!阻到我又阻住後面,你醜唔醜呢?

龍友上身
喂!哥仔,想留個紀念就去買souvenir,或者幫襯門口專業賣相佬啦!係都要拎部相機 加長炮同電話出嚟泣泣揚揚,俾你閃到眼都花喇!坐到山頂咁遠,咪又係影到粒米咁大把,專心欣賞表演好過啦!
睇騷 討厭 2014 06 05
PermaLink: https://articles.zkiz.com/?id=284619

李英愛拖老公睇騷

1 : GS(14)@2015-11-16 10:55:22

韓國女星李英愛早前飛往意大利拍攝新劇《師任堂, the Herstory》外景,留下有米老公鄭豪泳在首爾家中,不過愛姐向來重視家庭,前晚她即刻呵番老公,拍拖現身首爾獎忠體育館出席為答謝軍人而設的音樂會,二人滿面笑容一臉幸福,難怪被指是模範夫婦。其實今次愛姐出錢又出力,除了自掏荷包捐出4億韓圜(約265萬港元)作為音樂會經費外,更親自到場支持,認真有心。





來源: http://hk.apple.nextmedia.com/entertainment/art/20151115/19373268
李英愛 老公 睇騷
PermaLink: https://articles.zkiz.com/?id=293852

小S啜住睇騷

1 : GS(14)@2016-02-08 03:00:05

台灣富商郭台銘太太曾馨瑩、賈永婕、隋棠與老公Tony、陳曉東及太太王妤嫻、小S徐熙媛、Makiyo和A-Lin等,昨晚去到台北小巨蛋向麥當娜朝聖,香港的李蕙敏更專程到台灣睇騷,她說:「我都係上網撳飛,我本來早啲想買紀念品,但落雨又多人,都係放棄,早啲過去排隊等入場。」



■曾馨瑩(左)不與老公郭台銘到來,偕賈永婕到場。台灣《蘋果日報》

■陳曉東早看過娜姐個唱,今次是專程與老婆同來欣賞。



小S以娜姐在《神秘約會》(Desperately Seeking Susan)的電影造型現身,她驕傲地說:「我特地請造型師準備了這身,完全參考麥當娜的造型。」郭台銘太太曾馨瑩和賈永婕結伴出席,甫現身只說「謝謝」便匆匆入場。隋棠與老公Tony放低囝囝,隋棠夫婦說:「我們很喜歡看現場表演,今晚肯定要來捧場。」與太太拍拖來到的陳曉東說:「我很喜歡麥當娜,有很多回憶,之前去過溫哥華朝聖,這次是第一次帶老婆看演唱會。」採訪:吳家偉



■李蕙敏表示早早排隊等入場。

■隋棠夫婦稱娜姐是一定要看的女歌手。



來源: http://hk.apple.nextmedia.com/entertainment/art/20160205/19480078
啜住 住睇 睇騷
PermaLink: https://articles.zkiz.com/?id=295399

千語撇林峯英國睇騷

1 : GS(14)@2016-03-19 22:16:38

英國歌手Adele最近在倫敦O2體育館開演唱會,日前吳千語和馬天佑相約一齊飛去法國,然後再去英國看偶像開騷,今次千語撇甩男友林峯去睇騷真是冇陰功,不過可能她是想幫男友演唱會取經喇!同行的馬天佑看完Adele演唱會即刻在Ig分享說:「I cannot believe she sang this song live in front of me.」(我真是不敢相信她在我面前唱歌)





來源: http://hk.apple.nextmedia.com/entertainment/art/20160319/19535763
千語 語撇 撇林 英國 睇騷
PermaLink: https://articles.zkiz.com/?id=298524

細個見佢投票俾黎生坤哥帶阿媽去核心內圍睇騷

1 : GS(14)@2016-05-08 02:56:13

■孝順的坤哥昨晚帶媽咪去捧黎明場。


昨前睇騷的藝人及名人有吳業坤、蘇麗珊及男友游學修、蔡思貝、許亦妮、黃心穎、姚子羚、黃智雯、何國鉦、向海嵐、小肥、容祖兒母親、Kawaii及組合天堂鳥的Gordon等。



其中坤哥做乖乖仔與媽媽睇騷,更有粉絲找他selfie,坤哥接受訪問時表示:「媽咪一路以嚟好鍾意黎明,細細個已見到佢頒獎典禮有投票畀黎明,今日同媽咪食母親節飯,之後帶佢過嚟睇,係驚喜嚟,仲同佢講去核心外圍聽吓歌,其實有飛,見到佢好開心。」問他會否爭取入後台集郵,他表示:「會舉手爭取去,覺得係媽咪其中一個心願。」黃心穎則表示自小已鍾意Leon:「之前買咗飛,不過呢個幾月都不停開工,而家先有時間,7點收工即衝過嚟,劇組知我要睇黎明,都早啲畀我收工。自己鍾意黎生啲歌melody簡單易記,廣告拍得好靚,有機會同佢講,四大天王中係最鍾意佢。」



Leon昨晚在8時32分開騷,演唱會核心外圍由海旁到10號碼頭吸引不少人來野餐聽歌,不過就沒有攜帶紅酒及巴馬火腿,以麥當勞外賣居多。採訪:盧妹、曹家誠攝影:陳順禎、沈健程





來源: http://hk.apple.nextmedia.com/entertainment/art/20160507/19601682
細個 個見 見佢 投票 俾黎 黎生 生坤 坤哥 哥帶 阿媽 核心 內圍 圍睇 睇騷
PermaLink: https://articles.zkiz.com/?id=299969

為睇騷冒險攀天窗TWICE兩粉絲 7米墮地重傷

1 : GS(14)@2016-05-21 13:13:49

去年10月出道的韓國女團TWICE走勢凌厲,雖然年頭台灣成員周子瑜陷入「台獨風波」,令TWICE絕迹內地,但無損她們在韓國的人氣。上月TWICE推出第二張迷你專輯《Page Two》,近日她們頻頻出騷表演,前晚到釜山釜慶大學擔任大學慶典的表演嘉賓,吸引數千粉絲聞風而至。現場有學生為爭取有利位置睇騷,鋌而走險攀到天窗看TWICE,最終樂極生悲,兩名女大學生從7米高的地方墮下受重傷,並即送院救治。



【天窗損毀】■韓國傳媒表示天窗位置由塑膠製成。

【四千觀眾】■前晚有近四千人到場睇騷,場面墟冚。

■TWICE前晚表演後即相約食飯,對意外毫不知情。



主辦未作人流管制

TWICE前日連走兩場,先在釜山舉行簽名會,晚上就移師到釜慶大學表演。根據粉絲在網上形容,當晚TWICE表演時吸引最少4,000學生及粉絲到場,大部份學生都逗留在現場的草地廣場欣賞表演。由於現場人數太多,有不少學生因為未能成功爭取到有利位置睇騷,於是走到附近的環境海洋館1樓的天窗位置看TWICE。當時約有10名學生在由塑膠製成的天窗位置睇騷,當他們睇完表演後從天窗下來時,天窗疑因負荷過重而下塌,令兩名女學生即時由1樓墮下距離7米的地面,當中包括一名19歲姓朴的女學生受傷。據知傷者的頭部、膊頭、膝蓋等多個部位受重傷,現場人士亦馬上將二人送院救治。根據韓媒報道,主辦方在表演期間未有作出任何人流管制,亦沒有防止學生爬到高處睇表演的措施,發生意外的環境海洋館亦一直沒有安全設備,所以學生才能夠輕易任意攀上天窗,釀成前晚的意外。而TWICE在表演前後都不知道現場有意外發生,她們完騷後相約食飯更上載照片到網上,看來她們當時仍未知道有學生受傷的消息。另外,今次已不是第一次因為有粉絲爬高處而發生意外,前年10月女團4MINUTE在韓國京畿道戶外表演,數十名觀眾為一睹偶像風采而爬上通風口,結果通風口因負荷過重而倒塌,造成16人死亡、10人重傷,事後演唱會策劃人更疑似引咎自殺。撰文:施洛冰





來源: http://hk.apple.nextmedia.com/entertainment/art/20160518/19615894
為睇 睇騷 冒險 天窗 TWICE 粉絲 米墮 墮地 重傷
PermaLink: https://articles.zkiz.com/?id=300583

【馮仁昭四圍超】Yumi爆蕭立莊約睇騷

1 : GS(14)@2016-07-15 05:16:42

尹蓁晞(Yumi左)同陶枳樽噚日到觀塘出席「娛樂合作藝術會」開幕。早前高登仔翻舊史,指吳若希曾喺網上隱身透露,指當時正同佢拍拖嘅莊家彬個表哥蕭立莊暗媾Yumi,令佢火滾,噚日問番Yumi呢件事,佢話:「佢(蕭立莊)嗰時打畀我問我睇唔睇周杰倫演唱會,因為當時有男朋友所以推咗,唔知佢係唔係追我,我拒絕咗佢就冇再搵我,已經係5年前嘅事,近年冇聯絡。」撰文:馮仁昭





來源: http://hk.apple.nextmedia.com/entertainment/art/20160715/19695271
馮仁 仁昭 四圍 Yumi 蕭立 莊約 約睇 睇騷
PermaLink: https://articles.zkiz.com/?id=303855

子華教觀眾睇騷禮儀

1 : GS(14)@2016-08-07 02:03:51

陳法拉之前在微博鬧爆,當她在演出舞台劇《前度》時,台下有觀眾在玩手機,影響演出者和其他靜心欣賞的觀眾。前晚法拉和黃子華在表演時,再一次遇到不守規矩的觀眾,其手機還在響起。


■子華笑言台下手機響,會引起連鎖反應。資料圖片


完場謝幕時,子華用一貫幽默的手法教台下觀眾看騷的禮儀:「好彩剛才響起嘅鈴聲歌曲唔係「做隻出色的馬仔」,而係一首我唔熟悉嘅鈴聲,但當鈴聲響起剎那,我又同法拉嗌交嗌到火紅火綠,影響情緒之餘,我又會擔心手機響起,坐喺佢旁邊嘅觀眾可能會殊一聲叫唔好嘈,最後台下就一連串響起唔同嘅聲音!」當然,子華說罷,觀眾是以熱烈的掌聲表示支持和贊同。撰文:非非





來源: http://hk.apple.nextmedia.com/entertainment/art/20160805/19723319
子華 觀眾 睇騷 禮儀
PermaLink: https://articles.zkiz.com/?id=304594

少時Jessica馬天佑拖手睇騷無聊踎地

1 : GS(14)@2016-08-16 06:11:22

■Jessica近年在香港積極搞潮人時裝生意,更與馬天佑稔熟,前晚齊齊去亞博睇騷。DV圖片





【亞博館】韓國女子組合「少女時代」前成員Jessica(鄭秀妍)自離隊後,不時飛來香港及內地拓展其個人時裝生意,因而與本地潮人馬天佑稔熟。前晚,二人就孖住去亞洲博覽館,欣賞英國電子組合Disclosure的音樂會,同行還有幾位女友人。身穿白衫白褲的Jessica,初時與馬天佑企定定睇騷,不過Jessica全程似乎不太投入,個樣冇乜表情,相反馬天佑就high爆,不時同友人舉手大叫。其間馬天佑見Jessica顯得納悶,亦有氹她,又拖着她手揈揈。雖然Jessica隨着音樂舞動身體,不過好快又停下來,之後就玩電話同影相。其後更「大媽」上身,踎在地上與女友人打牙骹,一行人未等完騷就離開。



【溫馨拖手】■馬天佑見Jessica納悶,即拖着對方手舞動身體搞氣氛。

【影相解悶】■Jessica全晚不太投入,只偶爾拎起手機影相。
DV圖片

【大媽上身】■Jessica忽然大媽上身,踎在地上與女友人打牙骹。DV圖片


傳與韓女不和

雖然Jessica人在香港,但她在韓國又惹是非,有傳她與女歌手Solbi不和,後者不滿外界常將兩人外貌作比較,Solbi更在Ig公開相關截圖,留言表明不要離間她與Jessica關係,之後又忽然刪走留言,好似默認不和之說。採訪、攝影:楊浩賢、陳辰




來源: http://hk.apple.nextmedia.com/entertainment/art/20160815/19736139
少時 Jessica 馬天 天佑 佑拖 拖手 手睇 睇騷 無聊
PermaLink: https://articles.zkiz.com/?id=305947

水原野村煙韌睇騷

1 : GS(14)@2016-08-16 06:28:16

美韓混血女星水原希子因接拍趙薇執導電影《沒有別的愛》被內地網民抵制,雖已拍片道歉,但仍難平息風波。希子近日甚少更新社交網,並停工返日休息,多得男友野村周平開解,日前結伴到台場Zepp Tokyo睇騷,二人在場內態度親暱。這段姐弟戀發展順利,他們經常與希子的胞妹水原佑果三人行(圖),希子於上月初啟程往北京時,野村周平都有騰出時間送女友。




來源: http://hk.apple.nextmedia.com/entertainment/art/20160816/19737604
水原 野村 煙韌 韌睇 睇騷
PermaLink: https://articles.zkiz.com/?id=306117

亞博睇騷一杯兩份飲馮允謙翻版劉佩玥交換口水

1 : GS(14)@2016-08-17 08:01:28

【好好傾】■馮允謙上周五與「翻版劉佩玥」Jude到亞博捧英國樂隊Disclosure場,似有講不盡的話題,特別投契。DV圖片





【赤鱲角】現年28歲的馮允謙入行5年,星運平平,人氣度極低,除了去年跟宇宙巨G.E.M.鄧紫棋傳緋聞,其實還有一位拍拖4年的「隱形女友」Crystal。不過,英國樂隊Disclosure上周五來港於亞洲博覽館開騷,本報記者發現馮允謙與一位相貌似足劉佩玥的長髮露膊女齊齊睇騷。更有眼利讀者發現,原來這位「翻版劉佩玥」就是華納上年的新人曾若華(Jude)。


離場腳浮浮

馮允謙除與Jude一齊睇騷外,同行還有一對男女友人,但馮允謙似乎與「翻版劉佩玥」明顯比較投契,與對方孖住去飲品換領處拿飲品,之後二人又碰杯對飲,馮允謙更不介意與女方交換口水,拿對方的飲品來飲。一行人睇騷之後,玩到凌晨12時左右才離開會場,馮允謙與「翻版劉佩玥」更越行越埋,女方又不時望着馮允謙甜笑施以冧功,馮允謙亦都好受落,更一度輕掃女方背脊,飲到醉醉哋的馮允謙更疑似腳步浮浮,四人約凌晨一時再轉場去中環繼續玩。採訪、攝影:楊浩賢、陳辰



【一齊飲】■馮允謙在亞博與「翻版劉佩玥」Jude孖住隊酒。DV圖片

【口水尾】■馮允謙還拿了Jude杯飲品來飲。DV圖片

 


【孖住行】■馮允謙全晚跟Jude黐到實,女方亦經常向他撒嬌。DV圖片

【輕攬腰】■Jude上車時馮允謙輕托對方纖腰,女方亦全無抗拒。DV圖片



來源: http://hk.apple.nextmedia.com/entertainment/art/20160817/19739108
亞博 博睇 睇騷 一杯 兩份 份飲 飲馮 馮允 允謙 翻版 劉佩 交換 口水
PermaLink: https://articles.zkiz.com/?id=306245

返港即交人陪睇騷 楊明:冇傷害過莊思明

1 : GS(14)@2016-09-24 23:30:49

楊明同龔嘉欣之前就一齊去咗英國,參加好友陳智燊同宋熙年嘅浪漫婚禮,雖然龔嘉欣同楊明都係做陳智燊嘅兄弟,但唔知點解個婚禮就傳聞多多,首先傳出龔嘉欣向傳媒講大話;明明係去英國宣傳兼出席好友婚禮,龔嘉欣無厘頭話去大馬,之後再有傳媒報道指龔嘉欣改機票,有機會二人同行云云,搞到佢成功撇甩王浩信同朱千雪,同楊明孤男寡女飛英國,最後身為女友嘅莊思明就緊係嬲豬啦!正當傳言滿天飛嘅時候,好Man嘅楊明終於走出嚟喇,昨晚佢特別喺微博貼咗同女友莊思明嘅合照,向女友大派定心丸之餘,希望關心佢哋嘅朋友唔使再擔心同誤會。楊明寫咗篇好長嘅文,謂:「我們只想安穩地走之後的路,對於有些報道,我們本想一笑置之,但這幾天太多謠言滿天飛,思明和我都不想關心我們的朋友擔心同誤會,所以在這回應幾句。」佢再講:「我們現在真的安好,我從來沒有做傷害思明的事,她對我非常信任,所以不存在問題和生氣的言論,至於英國這次旅程是在大半年前已經定了,機票也是大半年前訂好,由頭到尾都是龔嘉欣和我同機去的,請大家也別想得太複雜,謝謝。」最後,楊明就話:「我要跟一些覺得欺負女人會比較容易得到成功感的人說,請你停止這個想法,停止傷害女人,不要再誣衊思明了,我是站在思明的前面,有什麼事就衝我楊明而來吧,本人隨時恭候。」而昨日楊明就同埋莊思明一齊去睇葉德嫻喺會展搞嘅演唱會。




來源: http://hk.apple.nextmedia.com/entertainment/art/20160924/19780490
返港 港即 即交 交人 人陪 陪睇 睇騷 楊明 傷害 過莊 莊思 思明
PermaLink: https://articles.zkiz.com/?id=309863

【馮仁昭四圍超】Coffee男友睇騷互餵

1 : GS(14)@2016-10-10 16:14:32

DV圖片





林芊妤(Coffee)噚日傍晚同佢位6呎高嘅爆肌男友現身西九文化區,欣賞「自由約音樂會」,同行仲有幾個朋友,一班人邊睇騷邊野餐,天氣涼涼哋坐喺草地開大餐,又飲又食。爆肌男友大啖食三文治,而拎住支膠叉嘅Coffee,間中又搵個膊頭撞吓男友,又拮食物畀男友食,夠晒sweet。Coffee胃口大開食唔停,兩人都心情勁靚,全程有講有笑。撰文:馮仁昭




來源: http://hk.apple.nextmedia.com/entertainment/art/20161010/19795970
馮仁 仁昭 四圍 Coffee 男友 睇騷 騷互 互餵
PermaLink: https://articles.zkiz.com/?id=311389

【樂迷回應】取消機票堅持睇騷

1 : GS(14)@2016-12-31 10:18:05

YOSHIKI騷前晚話開又唔開,引來大混亂,昨日下午2時已有不少樂迷再到亞博館等消息及辦退票手續,秩序良好。


陳小姐

「本來今日飛日本,今朝都取消咗張機票,係幾千蚊,希望繼續可以留喺度睇個騷,都好滿意安排。」



何先生

「安排尚算可以,噚日都有不便,今日對呢個安排OK,都開心,今晚會帶女朋友嚟,女朋友都鍾意。」



梁先生

「朋友送飛畀我,噚日有嚟到,好失望。退款安排混亂,覺得官方訊息有啲混亂,消息透明度要高啲。」



竹尾小姐

「與丈夫來看,對安排感開心,本身YOSHIKI不是我超級偶像,是有機遇才來看。」




來源: http://hk.apple.nextmedia.com/entertainment/art/20161231/19882303
樂迷 回應 取消 機票 堅持 睇騷
PermaLink: https://articles.zkiz.com/?id=320807

唐詩詠冇預洪永城睇騷

1 : GS(14)@2017-01-24 03:00:13

昨晚尾場騷繼續吸引眾星朝聖,胡定欣、唐詩詠、梁烈唯和沈震軒拉隊睇騷,一行四人於下午3時許已排隊入場,但就不見跟唐詩詠傳冷戰的男友洪永城。問到排隊時間是否很長?梁烈唯說:「只係排咗一陣,自己冇留意噚日報道,所以唔知噚日混亂情況,不過今日安排幾好,唔見有乜混亂。」薛凱琪和女助手坐接駁巴士到場,一臉病樣的她除口罩受訪:「頭先同助手等車時,好浪漫睇日落,等咗大約十分鐘,噚晚都有留意新聞,可能第一場溝通有啲問題,但今日完全冇問題,自己都叮囑助手問清楚聯絡。」問有否袋定錢或八達通搭車?她笑說:「冇喎,相信可以搵番接駁車走。」另艾粒亦現身捧場,兩人被觀眾趁開騷前集郵。採訪:馬建華攝影:陳順禎


■艾粒的少爺占(左)及當奴昨被觀眾集郵。

■薛凱琪昨日帶病睇尾場騷,還趁排隊時睇日落。



來源: http://hk.apple.nextmedia.com/entertainment/art/20170123/19905625
唐詩 詠冇 冇預 預洪 永城 睇騷
PermaLink: https://articles.zkiz.com/?id=323808

景甜露肩巴黎睇騷

1 : GS(14)@2017-01-26 18:08:34

國際品牌Dior去年由意大利女設計師Maria Grazia Chiuri接手掌舵,自其加盟後的首個高訂系列於巴黎時裝周行騷,例牌獲各地女星捧場。近年備受力捧的中國女星景甜,除接連演出大片殺入荷李活外,更升呢應邀出席今次Dior騷,穿上最新春夏露肩裝,再手持一個Dior小手袋,騷後更到後台與Maria Grazia Chiuri合照。不過論到全場最性感卻是索模Bella Hadid,她穿上透視吊帶裙露出胸前兩點,相當大膽。至於荷李活女星戴安古嘉(Diane Kruger)以黑色古典風的束衣晚裝谷胸上陣,而何超儀亦有前往睇騷。撰文:哥羅




來源: http://hk.apple.nextmedia.com/entertainment/art/20170125/19907388
景甜 甜露 露肩 巴黎 睇騷
PermaLink: https://articles.zkiz.com/?id=324170

子怡帶囡囡米蘭睇騷

1 : GS(14)@2017-02-26 13:24:03

【米蘭直擊】章子怡在香港時間前晚於米蘭出席Tod's2017秋冬騷,入場後與品牌CEO錫面打招呼,並傾了一會兒。章子怡被傳媒重重包圍,混亂中,問她出國可會掛住女兒醒醒?她說:「我有帶她過來。」



■Krystal吸引大批粉絲爭相親近影相。記者葉君海米蘭傳真

同場還有韓國女團 f(x)成員Krystal及內地男星佟大為,Krystal吸引大批粉絲在門外追星,她指上季也有來:「再來米蘭就像回家一樣,因為他們對我很好。」問佟大為會再追一個小孩?他笑着搖頭。此外,內地女星秦嵐前晚出席Etro騷,透露首次踏足米蘭時裝周,稍後回南京拍攝自己有份投資的電影:「跟華誼兄弟合作,規模是中小型,大約控制4,000萬左右。」採訪:林妙萍




來源: http://hk.apple.nextmedia.com/entertainment/art/20170226/19940284
子怡 囡囡 米蘭 睇騷
PermaLink: https://articles.zkiz.com/?id=327127

【復活節長假】澳門快閃遊 玩水玩雪睇騷

1 : GS(14)@2017-04-08 19:40:40

冰雕由一班來自哈爾濱的冰雕藝術家以數千色彩繽紛的冰塊精心雕琢而成,小朋友可以在零下8度,跟一大班夢工場朋友一起玩耍。



復活節假期想來個快閃遊?不如近近地看看澳門有甚麼好去處。

1.「體驗夢工場」冰之歷奇冰雕展覽

夢工場冰雕展今年在威尼斯人舉行,七個動畫主題展區佔地1,600平方米。冰雕由一班來自哈爾濱的冰雕藝術家以數千色彩繽紛的冰塊精心雕琢而成,小朋友可以在零下8度,跟一大班夢工場朋友一起玩耍,有功夫熊貓阿寶、史力加、還有荒失失奇兵一班動物朋友。場內除了有小朋友最愛的冰雪滑梯,更設有一系列不同主題的遊戲區、工作坊等,簡直是小朋友的天堂。資料來源:威尼斯人官方網站日期:2017年3月16日至7月9日



澳門巴黎人水世界以海盜為主題,除了戶外游泳池、兒童滑水梯,還有一座12米高、透明的滑水梯。

音樂劇以韓國代表食物「拌飯」為主題,結合武術、街舞及hip-hop等元素於一身。

舞台表演結合雜技、武術等傳統元素,更創新地配合現代的3D舞台特效。


2.澳門巴黎人水世界 Aqua World


雖然香港沒有水上樂園,但澳門有!澳門巴黎人水世界以海盜為主題,除了戶外游泳池、兒童滑水梯,還有一座12米高、透明的滑水梯。復活節期間,酒店房間費用相對較高,住客享用水世界設施只得9折優惠;而單獨購票只需每位澳門幣$160入場費,家庭套票(買3送1)每日$480,平均每位$120,特別適合一家大小。資料來源:澳門巴黎人官方網站


3.《拌飯秀》

想靜態一點的話,澳門亦有大大小小不同類型的表演節目。韓國的拌飯Show一向都很有名,音樂劇以韓國代表食物「拌飯」為主題,結合武術、街舞及hip-hop等元素於一身。最特別的是,製作料理時所發出的各種聲音都是以beatbox來表現,所以觀眾不用擔心不懂韓文。資料來源:澳門巴黎人官方網站日期:2017年4月7日至23日


4.中國秀《西遊記》

西遊記作為中國經典的「四大名著」之一,早已深入民心。電影、電視劇的版本就看得多,而澳門金沙城是次把故事搬上舞台,表演結合雜技、武術等傳統元素,更創新地配合現代的3D舞台特效。畫面壯觀之餘,現場感大增,西遊記的粉絲們不妨一看。資料來源:金沙城官方網站日期:2017年4月1至30日(逢周四休演)記者:莊芷君2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170407/19982281
復活節 復活 長假 澳門 快閃 閃遊 玩水 水玩 玩雪 雪睇 睇騷
PermaLink: https://articles.zkiz.com/?id=329605

【馮仁昭四圍超】祖名柯震東同辣妹睇騷

1 : GS(14)@2017-04-13 22:40:35

房祖名大前年同柯震東一齊喺北京涉毒被捕,之後分別喺拘留所放返出嚟。近年祖名喺台北定居,仲同柯震東喺台北經常出雙入對。噚日下晝,祖名台北屋企有大班朋友到訪,當中有富二代石正祥,身邊仲有唔少辣妹。佢哋一齊去桃園參加Coldplay演唱會,祖名落車後不停打電話,而柯震東就掛住玩。撰文:馮仁昭




來源: http://hk.apple.nextmedia.com/entertainment/art/20170413/19988494
馮仁 仁昭 四圍 祖名 名柯 柯震 震東 東同 辣妹 睇騷
PermaLink: https://articles.zkiz.com/?id=330432

湯唯飛29小時睇騷

1 : GS(14)@2017-07-07 01:33:04

湯唯於香港時間昨日凌晨在巴黎出席Armani高訂時裝騷,與娜奧美屈絲(Naomi Watts)及蘇菲亞羅蘭(Sophia Loren)等睇騷,完騷後就入了後台與Mr. Armani集郵。湯唯提到此行難忘,因為飛機航班問題,她用了29小時才由貴陽去到巴黎,更一落地就發燒。



■湯唯與娜奧美屈絲齊齊做VIP睇騷。

生完女後遠行,湯唯表示掛住囡囡,問到女兒樣貌似她定爸爸,她表示:「等佢大個才知,?家太細睇唔出。」將來會否給囡囡入行,她表示:「我會入呢行,我父母應該都冇諗過,大家都一樣,順其自然。」提到產後收身,她表示懷孕時享受不停進食,當時肥了40公斤,斷奶後6個月先開始控制飲食,再加工作,身形漸漸瘦回來。撰文:唐如




來源: http://hk.apple.nextmedia.com/entertainment/art/20170706/20079997
湯唯 唯飛 29 小時 睇騷
PermaLink: https://articles.zkiz.com/?id=338206

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019