中環在線：周生生冇後人接班 李華華
2008-11-18 AppleDaily
近年唔少富豪新一代陸續被安排到家族企業學嘢，為將來接班鋪路，華華噚日同周生生（116）第三代掌舵人之一嘅周允成傾開，佢自己50出頭，伯父（即係主席）周君廉80多歲，培訓第四代做接班人都係時候喇。
第四代唔想入行
但 周允成話，第四代最大嘅30幾歲，一係仲讀緊書，一係喺外國生活，似乎冇乜人對珠寶呢行有興趣。不過佢唔擔心接班問題，話搵專業人才幫手管理仲好，家族人 士留喺董事會就得，家陣周生生董事局內就有5位周氏家族成員坐鎮。講還講，新地（016）郭氏三兄都有拗唔掂數嘅一日，一家人開董事會，冇理由冇拗撬o 架？周允成話同家人喺公事上爭拗難免，最緊要對事不對人，不過呢點講就易，佢都花咗一段時間適應。