ZKIZ Archives


爽爆(二):四大地產代理 霸官地狂吸金

1 : GS(14)@2012-01-21 17:44:03

http://www.sharpdaily.hk/article/index/4104/20120120/44692/

薄扶林村馬路邊有一列地產舖,由中原、美聯、世紀21及Maple Realty經營。記者翻查地政總署資料,地產舖位於官地上的寮屋區,村民透露最早一間於15年前已非法進佔,將寮屋改裝地產舖,代理租售置富、薄扶林花園以至附近億元計豪宅。
兩間中原、一間美聯及世紀21四舖相連,仍保留鐵皮寮屋外貌;另一間開業一年的Maple Realty,則改建成石屎舖。退休寮屋管制組主任關先生到現場視察,指出中原和美聯架起的大招牌及外裝鐵架已違反寮屋規格,最嚴重是改變寮屋本身是「暫准存在」的用途,就算私人農地上住屋改商舖,都要向政府申請獲批准,還需補地價。

屋主暗地頂手 每間過百萬

村民江先生透露,4間地產舖前身都是住人寮屋,中原和美聯所在寮屋,曾改做士多,後來再改做地下麻雀館。約15年前,屋主枱底交易賣斷給中原、美聯。世紀21則約10年前到上址開舖,據悉頂手費每間舖過百萬元。「最初中原只開一間舖,可能無本生利好和味,2009年後,再將一間寮屋劏多一間細中原」。
無本寮屋,不愁租客,地產經紀陳先生曾向中原問租,傾談中得知地產舖沒有業權或地契:「中原話係自置物業,向上手屋主買使用權,佢哋知道間舖好似買個天台無保障,不過有信心政府唔會搞塊地,畀百粒頂手費換唔駛交租十幾年,乜嘢都抵番。」

地產舖是賺錢能力高的商舖,第一太平戴維斯估值及專業顧問董事總經理陳超國表示,薄扶林置富花園一帶的地產商舖,呎租可高達100元。薄扶林村佔地5.96公頃,擁有海景及完善的交通配套,若政府規劃發展住宅樓盤,估計可打造另一個貝沙灣,呎價1.6萬至6萬元。
2 : Sunny^_^(11601)@2012-01-22 11:42:48

邊個有頭髮想做lat尼呀...我去過睇樓,行左好耐都係得一間地產店,中原都冇.心諗:點會冇嫁,置富都好大呀點會冇呢...揾左十分鍾都只得一間不知名既.

跟住我地都只好入去睇睇啦.跟住先得知原來呢間係新地開既...成個商場都唔比開其他地產店.
3 : GS(14)@2012-01-22 14:28:49

2樓提及
邊個有頭髮想做lat尼呀...我去過睇樓,行左好耐都係得一間地產店,中原都冇.心諗:點會冇嫁,置富都好大呀點會冇呢...揾左十分鍾都只得一間不知名既.

跟住我地都只好入去睇睇啦.跟住先得知原來呢間係新地開既...成個商場都唔比開其他地產店.


新地我去好多都無,是長實那些先會咁做
4 : 龍生(798)@2012-01-27 16:14:03

置富唔係太古架咩?

(我真係唔知, 純粹問句)
5 : Sunny^_^(11601)@2012-01-27 17:37:06

4樓提及
置富唔係太古架咩?

(我真係唔知, 純粹問句)


置富花園(Chi Fu Fa Yuen)是香港南區的一個大型屋苑,於1978年由香港置地發展,共20座,位於香港島薄扶林置富道及置富徑。屋苑前身是牛奶公司的薄扶林牧場,而該地皮的發展權就是1973年的「置地飲牛奶」(香港置地收購牛奶公司)事件的其中一個誘因。
6 : Sunny^_^(11601)@2012-01-27 17:38:13

九一年,置地以近三億五千萬,把該五個地段賣給新鴻基地產的一間附屬公司。這五個地段除了是出租商場和停車場,更包括供小業主使用的網球場等康樂場地。
7 : Sunny^_^(11601)@2012-01-27 17:38:43

若新鴻基地產把剩餘地積比率用盡,可額外獲得超過三百萬呎的總樓面面積。只要改契補地價和過城規會一關,新地便可以在置富花園興建牙籤樓。這五個地段包括十七座對出的網球場及石屎平地、置富南區廣場平台、鄰近十四座平地、一至六座對出的兒童遊樂場和平地以及雅緻洋房停車場上蓋。
8 : Sunny^_^(11601)@2012-01-27 17:38:59

置富南區廣場於1981年正式開幕,發展商為新鴻基地產,亦為新鴻基地產重點商場之一。
9 : Sunny^_^(11601)@2012-01-27 17:41:15

地產店既卡片都有新地個名嫁
10 : GS(14)@2012-01-27 22:46:05

6樓提及
九一年,置地以近三億五千萬,把該五個地段賣給新鴻基地產的一間附屬公司。這五個地段除了是出租商場和停車場,更包括供小業主使用的網球場等康樂場地。


這是退出香港地產市場的其中一步驟
11 : 龍生(798)@2012-01-28 00:48:04

溫故知新, 謝謝sunny 資料

還附上其他新資料, 滿分之作
12 : Sunny^_^(11601)@2012-01-28 14:24:02

11樓提及
溫故知新, 謝謝sunny 資料

還附上其他新資料, 滿分之作


我都係wiki抄下姐.
爽爆 四大 地產 代理 官地 狂吸 吸金
PermaLink: https://articles.zkiz.com/?id=277393

爽爆(一):百佳惠康整容牛扒 瀉壞人

1 : GS(14)@2012-02-25 14:54:21

http://www.sharpdaily.hk/article/index/4104/20120224/58300

「這類牛扒價錢較一般牛扒平一半,而且味道不俗!」愛吃扒的阿Joe直言,經常到超市買「大件夾抵食」的廉價扒回家享用,近日惠康更半價推廣,迅即清貨。但Joe在網上看到網民討論,才發現這類廉價牛扒竟包含不同成份,「如果好哋哋一嚿牛扒,點解會有成份?」他表示,牛扒好多時半生熟食,擔心食用這類加工牛扒好似「食緊半生熟香腸咁危險」,會危害健康。他表示妻子最近懷孕,為免未煮熟而有細菌,已即時停食。

含菌高食後致屙嘔

原來,這類經過加工的「整容牛扒」,並不罕見。本報在超市發現至少有兩個品牌的急凍牛扒,都有添加成份,兩款牛扒同是澳洲生產,其一是惠康旗下品牌First Choice,另一款是牛扒宮房,在百佳出售。記者將兩款First Choice雪花西冷牛扒及雪花肉眼牛扒,與牛扒宮房的雪花牛柳扒,及一款普通的冰鮮西冷牛扒交化驗所化驗。
本港雖未有生肉的菌落含量標準,但結果顯示,First Choice的雪花肉眼牛扒的「需氧菌落計數」最高,每克達98萬個菌落總數,其餘三個樣本則介乎2,600至24萬。至於大腸桿菌及金黃葡萄球菌含量,則全部低於每克有10個菌落總數。傳染病專科醫生勞永樂相信,「需氧菌落計數」較高,是因為其儲存時間較長,若未徹底煮熟,抵抗力較弱的長期病患者有機會致屙嘔。
對於「整容牛扒」的潛在風險,消委會總幹事劉燕卿表示關注,其一是衞生安全問題,因為一般消費者吃高檔牛肉時,未必會徹底煮熟,令肉質更嫩滑,但若牛扒是經其他處理或添加額外成份,中間過程或較易受污染;其二則是產品描述應清晰交代,若寫成是雪花牛扒,亦應有註腳,讓消費者清楚知道產品經過處理。
人手操作易受污染

劉燕卿說:「好似啲玉咁,你本來都唔係咁綠,你染咗色,就話我聽先得㗎。」傳染病專科醫生勞永樂則提醒市民,組合牛扒有兩大風險,一是經人手操作,容易受環境污染;二是較易受牛的腸道污染,亦即牛糞內的大腸桿菌等,可致腸出血、腎炎等症狀,故食用組合牛扒時,必須完全煮熟,才可進食。
食環署食物安全中心回覆時表示,過去一年未有收過市民就懷疑食物是重組牛扒或合成牛扒的相關查詢或投訴;如任何食物經評估後認為會危害健康,中心會積極跟進,包括研究進行測試,以確保食物安全。
爽爆 百佳 惠康 整容 牛扒 壞人
PermaLink: https://articles.zkiz.com/?id=277930

爽爆(二):工廈變豪宅呃鬼買 隨時釘契收樓渣都冇

1 : GS(14)@2012-02-25 14:57:03

http://www.sharpdaily.hk/article/index/4104/20120224/58306

大洋中心有多層單位經過豪裝後高價放售,部份更封閉'車立'門,改裝窗門。




15樓單位改成西式住宅設計,寬敞舒適。


16樓單位連全屋傢俬放售,開價2500萬元。


17樓單位裝上落地大玻璃,鋪設柚木地板。

位於田灣漁豐街3號的大洋中心,樓高21層,工廈設計呈「凸」字型,1至3樓一梯一伙,每層面積7,600平方呎;4至21樓為一梯兩伙,每單位約1,900平方呎;大廈內有兩部客'車立'、一部貨'車立'和兩度太平門。記者未進入大廈,已見大廈向海(香港仔避風塘)的窗門設計五花八門,有露台、景觀大窗或落地玻璃。走進大廈發現有工人正在1至3樓單位趕工裝修,地下大堂門口已改成豪宅格局。
[一樓正打通全層。]
一樓正打通全層。
5樓住客為外籍家庭

4樓是食品工場及多間寫字樓,沒有改變;但搭'車立'登上5樓,打開'車立'門後竟被一幅牆擋住,再登樓發覺多層樓都已被打通成一個3,800平方呎單位出售,有人將原本的貨'車立'和一部客'車立'封閉,亦有將後樓梯鐵欄杆改裝成住宅的木柄樓梯。據裝修工人透露,5樓住有外籍人士一家三口和一名菲傭,該單位窗門被改作一幅大玻璃窗設計和露台,並有一條魚骨天線伸出。另外15、16及17樓的露台及玻璃窗門設計亦被改過。
原來這個「工廈豪宅」已有業主委託地產公司放售,但列明是商舖,記者以買家身份要求睇樓,地產代理帶記者到大洋中心1樓正在裝修中的單位參觀。經紀指該單位面積7,600平方呎,售價3,000萬元,平均呎價約4,000元;另外16樓打通兩單位共3,815平方呎,售2,500萬元,平均呎價約6,500元;21樓同大小單位連天台則售2,600萬元,平均呎價約6,800元。(與毗鄰的港麗豪園比較,高層895平方呎向海單位售600萬元,平均呎價約6,500元,價錢相約。)

傢俬齊全 開放式廚房

經紀帶記者到16樓單位睇樓時,記者發現客飯廳非常大,達3,000平方呎,全屋傢俬齊全,有露台及開放式廚房,佈置典雅。經紀說:「呢度係工廠單位,唔可以做住宅,不過你買咗點改你決定。」單位內一個白色書架後是500平方呎的套房,設有衣帽間及套廁,並放置一個白色大浴缸,完全豪宅式設計。記者問原業主是甚麼人,經紀說:「我相信呢個業主本身係蝙蝠俠!」
2 : GS(14)@2012-02-25 15:00:30

http://www.sharpdaily.hk/article/index/4104/20120224/58308
地產代理向扮買家睇樓的記者推銷「工廈豪宅」時說:「呢度係工廠單位,唔可以做住宅,不過你買咗後點改你決定……」

代理:銷售手法有問題

香港地產代理專業協會前會長陳東岳表示,這是一個模稜兩可的說法,銷售手法有問題,做法不妥當。他稱,一般工廠大廈與住宅大廈很易分辨,因為間格和設施都不同,價錢亦分別很大,工廈現時呎價由千餘元至數千元不等,但住宅呎價要五、六千,甚至過萬元,故本地人很難會被誤導,除非買家明知故犯,心存貪念,以為可平價買入然後改成住宅居住。
陳補充表示,不排除有不法業主或地產代理向外國人,或不熟悉本地樓宇情況的內地買家,以誤導手法將工廠單位當住宅推銷。他呼籲買家要小心,以免被騙。
3 : GS(14)@2012-02-25 15:16:55

http://hk.apple.nextmedia.com/te ... 104&art_id=16099026
放蛇直擊
書架背後藏 500呎套房
2012年02月24日


業主代表移開大廳書架後,竟內藏套房。

香港地產代理專業協會前會長陳東岳表示,廠廈與住宅很易分辨,因間隔和設施不同,價錢分別亦大。
陳不排除有不法業主或地產代理向外國人或不熟悉本地樓宇情況的內地買家,以誤導手法將工廠單位當住宅推銷。
對於多個樓層電梯被封,機電工程署高級機電工程師劉力基表示,私自改動電梯結構即屬違法,即使輕微改動亦會要求還原。法例列明電梯外門不應被封死,因救人會變得困難,「例如困時,消防員打開門救人,距離會遠咗」。署方今會派員視察。《蘋果》記者
4 : GS(14)@2012-02-25 16:07:43

http://hk.apple.nextmedia.com/te ... 104&art_id=16102036
工廈改成豪宅的現場為香港仔田灣漁豐街 3號大洋中心,大廈樓高 21層,記者昨晨再次登上 5、 15、 16及 17樓四個豪裝單位,欲聯絡住戶,查問他們是否知悉工業大廈不能改作住宅,但無人應門。至早上 10時半,兩名機電工程署人員率先到場,檢查大廈兩部客及一部貨。

消防處機電署派員巡查

至中午 12時許,消防處樓宇改善課一名姓黃督察與三名消防人員到場視察,巡查大廈的後樓梯、走火通道及電梯大堂等地方,逗留約兩小時後,與機電署人員分別離開。黃督察初步巡查後發現大廈很多地方涉及結構性改動,但如何處理要待研究詳細資料。
稍後,薄扶林消防局行動組一名姓林督察,一行五人抵埗巡視,記者向他們查問大廈走火通道及消防設備是否有問題,他們承認有問題,指一旦發生火警,有機會影響救援。除消防走火通道外,他們亦視察大廈有否僭建物,稍後會轉介屋宇署跟進。消防處發言人稱,如發現大廈的消防安全出現問題,該處會跟進;至於如涉及有關其他部門的違規情況,則會轉介跟進。
機電工程署稱,昨派員視察,未有發現升降機改裝工程。該署已要求升降機承建商檢查,確保升降機外通道無阻。本報昨日報道,大洋中心有四個樓層單位改建成千呎豪宅,涉嫌犯了封電梯、霸走廊、改走火梯等六宗罪。
爽爆 工廈 廈變 豪宅 呃鬼 鬼買 隨時 釘契 契收 收樓 樓渣 渣都 都冇
PermaLink: https://articles.zkiz.com/?id=277931

爽爆(二):慈祥老爸隱瞞太太中途「轉性」

1 : GS(14)@2012-03-02 22:42:38

http://www.sharpdaily.hk/article/index/4104/20120302/61497
慈祥老爸的樣子告訴你,他經歷了不少風霜,他很少展露笑容,記者請他吃了一碗水餃米線,他大讚好味,但依然笑容欠奉。
他來自河北,直言已退休,但拒透露以前職業。他告訴記者已婚,一子一女都已30多歲,「孫都有了。」他從異性戀走上同性戀之路也相當富戲劇性,「大概46歲時,在公眾冲涼的地方跟別人發生了性關係,就改變了(性取向)。」
他沒有把這「轉變」坦白告訴妻子,直言已很少跟妻子行房,只偶然「應酬」一次半次,反而一直隱瞞在外面跟同道中人「開心」的事,他不願透露做了這行多久,只說這次到香港自由行,之後會到深圳短暫停留,也會繼續提供服務。
[慈祥老爸(左)輕挽記者臂彎,表現親暱。王子俊攝]
慈祥老爸(左)輕挽記者臂彎,表現親暱。王子俊攝
既賺錢又尋開心

問他可提供甚麼服務,他反問︰「你喜歡老人嗎﹖」並表示「一起開心,做甚麼也可以」。既賺錢又尋開心的心態不用明言。對於其性能力,他說︰「還行,但有時候也不行,主要是年齡大了,但還可以,不用吃藥。」記者問他會否接受女性客人,他斬釘截鐵︰「我喜歡同性,兩千塊錢都不做女客人。」
聊天後,他催促記者「尋開心」,記者以身體不適為由婉拒,提議改天再約他,他板着臉︰「我出來這麼久,朋友不相信我沒有做,我還是要分錢給他。」要求索取金錢,最後記者付了200元,他才願意離開,還說︰「你不要再找我了,都不夠爽快的。」不過,離開食肆時,慈祥老爸仍不捨地挽着記者臂彎。
2 : 龍生(798)@2012-03-02 23:26:47

好核突呀...救命呀.....
爽爆 慈祥 老爸 隱瞞 太太 中途 轉性
PermaLink: https://articles.zkiz.com/?id=278066

爽爆(一):印花誘惑 阿婆排到懵

1 : GS(14)@2012-03-02 22:46:22

http://www.sharpdaily.hk/article/index/4104/20120302/61483
超市經理無奈派籌

惠康去年9月起推出儲印花換德國名牌煲計劃後,不少婆婆都積極到惠康收集印花,購物滿60元可獲一個印花,換一個原價850元的細煲要160個印花,即要購物9,600元;換個原價3,000元的大煲更要560個印花,即要購物33,600元,老人家如何負擔得起。
水貨集團看準這個千載難逢的機會,實行向婆婆們招手,給錢婆婆代買奶粉,印花歸婆婆,雙方交易一拍即合。被婆婆叫作「老闆」的集團成員是一名揹puma袋的男子和一名穿黑色褸的30餘歲女子,他們給婆婆每人550元惠康現金券,讓他們入超市購買奶粉。
起初惠康職員都不以為意,但連續多日都見同一批婆婆來買奶粉,人數越來越多,開始對其他顧客做成不便。職員了解後得悉箇中原因,但又無法阻止,於是實行派籌制度,要他們在超市外排成一行,至下午3時才派籌10個,讓10人進內購買限額三罐奶粉後,才再派另外10個籌,直至售罄為止。超市經理無奈說:「佢哋又唔係犯法,唔賣會俾人投訴......不過佢哋都好守規矩。」
有婆婆清晨便開始排隊,「我今朝5點鐘排到家陣,得9個印花!」一名婆婆說買了三罐美素佳兒,一共是564元,所以有9個印花。她付了老闆給她的550元現金券外,還要墊支14元零錢,然後在門外將奶粉交回老闆,老闆則給回她14元。
[在惠康門口與排隊阿婆接洽的水貨集團女子,見記者拍照慌忙以手阻檔。]
在惠康門口與排隊阿婆接洽的水貨集團女子,見記者拍照慌忙以手阻檔。
15分鐘掃光超巿奶粉

老闆今日吩咐她們主打美素佳兒2號和3號、美贊臣A+2號和4號,還有媽媽喜康素等。不消十五分鐘,超市七箱奶粉存貨全被掃光。
據知,用信用卡向超市購買現金券可獲折扣優惠,網上亦有低價收購超市現金券,水貨集團給婆婆現金券買奶粉已賺了一筆,又毋須付款請「排隊黨」,真是賺到盡,這個換煲計劃變相成了不法之徒的搵錢良機。
街訪

排隊阿婆:
排隊換煲梗係值啦,我哋啲阿婆好得閒㗎!

受影響師奶:
我哋鬥唔過啲排隊黨㗎,惟有改牌子或者去遠啲買囉!
2 : GS(14)@2012-03-02 22:46:38

http://www.sharpdaily.hk/article/index/4104/20120302/61487
記者跟蹤水貨集團「走粉」情況,發覺「蛇頭」從「阿婆排隊黨」手中取得奶粉後,即用客貨車運返葵涌健康街工業大廈的大本營收藏;至出貨時,集團成員從貨倉取出十多箱包括美贊臣、美素佳兒及媽媽喜康素等熱門牌子奶粉,運到火炭東鐵站散貨。記者見走水貨的「艇仔」中,包括由一對夫婦帶着分別約兩歲的兒子及六歲女兒的四口之家;另外亦有一名走水貨女子推着BB車,嬰兒在BB車上左顧右看,非常可愛。
一行十多名水貨客在月台七手八腳的忙碌接貨,其間,四口之家的兩歲小弟弟突然尿急嚷着要小解,父親無奈拉下兒子褲子,抱到旁邊垃圾桶對準入口小解,男童一臉不悅屙不出尿來,父親其後帶他到一旁小解,見小弟弟隨即尿如泉湧。各人收拾好一箱箱奶粉後便登上往羅湖的列車。各人到達羅湖橋頭後再次集合起來分貨,然後各自過關。
3 : GS(14)@2012-03-02 22:46:48

http://www.sharpdaily.hk/article/index/4104/20120302/61485
「老闆」知道超市貨期

消費60元可得印花一個,水貨集團會給婆婆現金券代買奶粉,排足一日大約可得9個印花,被問到「點解咁辛苦都肯制?」婆婆笑說:「我哋啲阿婆冇嘢做,好得閒㗎,你知唔知啲煲好貴㗎。」換一個煲要160個至560個印花,所以換細煲要排18日,換大煲就要排超過兩個月(63日),仲係要風雨不改日日排,但婆婆似乎覺得十分划算,甘心給不法之徒利用。
有婆婆指前一晚會接到「老闆」電話通知翌日到超市排隊,她說:「佢哋好似預先知道超市幾時有貨(奶粉)返......」婆婆到達超市門口,老闆會給她們現金券代買奶粉,婆婆將買得的奶粉交回老闆,獲贈的印花便可袋袋平安。
爽爆 印花 誘惑 阿婆 排到 到懵
PermaLink: https://articles.zkiz.com/?id=278070

爽爆(二):民宿日出劏城 月賺4萬

1 : GS(14)@2012-03-24 15:08:31

http://www.sharpdaily.hk/article/index/4104/20120323/70807


記者根據內地網站的招租廣告,聯絡到一名操普通話的徐姓男子,相約到將軍澳睇樓。50多歲的徐先生,報稱來自上海,他先帶記者到怡心園一中層781呎單位,大門設指紋鎖,甫入屋只見長長走廊,兩旁佈滿房門,看不到大廳。原先的3房2廳2廁間隔,已被劏成4房3廁。
單位兩間連獨立廁所的套房已租出,他說:「這間租給一個台灣學生,另一個內地男住客在摩根士丹利工作,剩下這間細房,月租3,600元,日租300元。」房間面積由50呎至100呎不等,附基本家具如床及衣櫃。原本的大廳位置,被劏成約100呎大房,日租350元。整個單位,只餘下門口玄關位數十平方呎,但也擺滿傢俬雜物。
之後他帶記者到日出康城,「那邊是新樓,價錢貴一點」。該處為首都2座高層單位,入伙只3年,曾被李嘉誠形容為「心曠神怡」,室內環境卻比怡心園差。甫入屋,便傳來異味,牆身發霉,堆滿雜物及女性內衣褲。原先日字形大廳被圍板間開,裝設門框,打算再劏成一間房。


面積九百方呎單位,被劏成一間間儼如旅館房間。

日出康城房租每日$350

徐入屋即以鎖匙打開所有房門,租客均外出,私隱被一覽無遺,「細房每月4,000元,大房5,300元,日租350元,租一個月以下以日租計,畀咗錢就住得」。睇樓期間,不斷有人致電他要租房,可見生意滔滔。記者事後先後兩次在傍晚到上址欲接觸租客,唯一直沒人應門,似是全外出觀光。
日出康城住客孫小姐坦言,不時見有貌似旅客的內地人出入,擔心保安受影響。「帶頭人攞張紙出嚟同保安員講去邊個單位,就畀佢入」,她坦言無法接受屋苑變旅館。
將大型屋苑單位變身旅館,其實近年已在各大屋苑湧現。其中一個較活躍的網站「香港民宿」,更主動向業主招手,以日租或月租形式放租。
根據網站資料,放租單位遍及港九新界,包括沙田第一城、淘大花園及港灣豪庭等大型屋苑,圖文並茂推介雅緻靚裝的出租資料,惟只列明日租價錢,並無月租標價。
網站聲言,短租單位予旅客較一般出租單位獲利更多,業主與網 站接洽後只要輸入單位資料,便可讓網民瀏覽訂房;旅客則只須填寫簡單資料及在網上過數訂房,過程只需數分鐘,到埗聯絡有關人士領取鎖匙即可入住。


[怡心園由大廳劏成的房間,窗台位鋪上床褥,「一家三口瞓也沒問題」。]

第一城搶手 排到7月

記者曾致電網站查詢單位出租情況,職員直指所有單位在3、4月已全數爆滿,其中以沙田第一城連天台單位最受歡迎,「呢類單位好搶手,天台有幾百呎可以燒嘢食,最快要到7、8月先有位出租」。
2 : GS(14)@2012-03-24 15:09:21

爽爆(二):違法劏租 回報勁升2倍
http://www.sharpdaily.hk/article/index/4104/20120323/70809





翻查土地註冊紀錄,該出租的日出康城單位,於 09年以467萬元一手購入,業主為一姓丁的持內地身份證人士。根據帶記者睇樓的徐姓男子表示,他為上海商人,與內地朋友合資來港買樓,依賴這盤生意維持生計。他坦言若有客源,寧願「日租」好過「月租」,「如果將整個單位租出,租金沒有那麼多,分租房間出去,租金才夠供樓」。
記者計算過單位收租回報率,現時首都同類型900方呎三房單位,近期成交價465萬元,月租1.1萬元,回報率2.8厘。若以劏房旅館形式收租,以日租300至350元計算,若日日客滿,每月收租近4萬元,租金回報率激增至9.7厘。怡心園情況更誇張,一間面積781方呎3房單位,現時樓價約313萬元,若劏成4房,以350元日租計,每月租金收入逾4萬元,回報率15.5厘,絕對跑贏大市。
3 : Sunny^_^(11601)@2012-03-25 17:37:40

佢地都chi sin既...日出XX都好劏既.劏左先得4.5%會唔會少D呀,而且長實D樓...2-3年就要全屋整過.

應該係D塵型既內地投資者
4 : 龍生(798)@2012-03-25 21:02:55

反正放係度得2-3%

佢地而家劏左, 有4-5%

相比之下己經高左好多

反正長實的裝修都衰到無朋友, 亦唔見得咁搞法會點蝕章
5 : martin845(1570)@2012-03-26 18:23:22

YEP,我有朋友租日出
租客去到日出揀樓簡直是大爺一樣
向海中層九百幾呎都係萬一
向山一萬
低層馬路根本減價都無人租(唔好捉字虱話二千蚊有人租)smiley

朋友原本去年尾完死約
個業主見佢一家三口諗死佢唔會搬
大膽加價兩千
結果佢第二日就落實租隔離新入伙的另一期單位
景觀層數更好
但租金與未加前一樣

結論係日出太多人放租
又太少人租
所以個價好沉
而家租到萬七蚊簡直要開香檳
6 : Sunny^_^(11601)@2012-03-26 18:54:27

今日先有人jump...唔知死左未
7 : GS(14)@2012-03-26 21:51:42

咁真是好唔掂
8 : 龍生(798)@2012-03-26 23:11:59

馬田兄, 我上次朝早去過日出送花, 嚇左一大跳, 影左少少相

好想貼出黎, 但又唔想得罪住將軍澳的朋友

未知可否俾我貼幾張?

先講明, 影得幾恐佈
9 : 亞力士(1473)@2012-03-27 00:33:36

8樓提及
馬田兄, 我上次朝早去過日出送花, 嚇左一大跳, 影左少少相

好想貼出黎, 但又唔想得罪住將軍澳的朋友

未知可否俾我貼幾張?

先講明, 影得幾恐佈


影人跳樓?
10 : Sunny^_^(11601)@2012-03-27 07:40:45

9樓提及
8樓提及
馬田兄, 我上次朝早去過日出送花, 嚇左一大跳, 影左少少相

好想貼出黎, 但又唔想得罪住將軍澳的朋友

未知可否俾我貼幾張?

先講明, 影得幾恐佈


影人跳樓?


估唔到龍生有D...咁既"是"好...smiley
11 : 肥B(18468)@2012-03-27 10:41:51

9樓提及
8樓提及
馬田兄, 我上次朝早去過日出送花, 嚇左一大跳, 影左少少相

好想貼出黎, 但又唔想得罪住將軍澳的朋友

未知可否俾我貼幾張?

先講明, 影得幾恐佈


影人跳樓?


唔係怕影響樓價, 但係死人冧樓的相片都係唔好客氣.....我唔肯買有平台的1樓主要都係呢個原因..
12 : kamfaiAthrun(1488)@2012-03-27 10:46:23

i support 龍生兄貼幾張相.

about the TKO environment / condition ??
13 : 肥B(18468)@2012-03-27 11:03:39

如果唔係死人相, 而係「心曠神怡」的寫實照, 當然無任歡迎啦~~
14 : 龍生(798)@2012-03-27 11:12:37

係心曠神怡系列
15 : 肥B(18468)@2012-03-27 11:24:33

咁無問題喎~~

真所謂真金不怕紅爐火(或者係醜婦終須見家翁啦, 演繹同理解唔同姐~)

貼出黎見下都好丫~~ 我都未親身入過去睇, 之前都係0係跌吉見過一D附近環境的相而已~~
16 : kamfaiAthrun(1488)@2012-03-27 11:46:58

totally agree....真"金"不怕紅爐火
17 : Sunny^_^(11601)@2012-03-27 12:05:54

但係只係得相唔夠傳神,我建議未去過既人拎埋notebook去垃圾房到睇.你就會feel到D花草有幾香.一定令你難"亡"
18 : kamfaiAthrun(1488)@2012-03-27 13:18:26

why "拎埋notebook去" ??
19 : 肥B(18468)@2012-03-27 13:23:37

其實係咪真係咁勁呢?

我諗無幾多人真係落過堆填區度聞過那酸宿惡臭, 但畢竟都同堆填區有D咁多距離, 應該都打左D折扣吧....



http://g.co/maps/hvkvv
20 : GS(14)@2012-03-27 22:21:54

8樓提及
馬田兄, 我上次朝早去過日出送花, 嚇左一大跳, 影左少少相

好想貼出黎, 但又唔想得罪住將軍澳的朋友

未知可否俾我貼幾張?

先講明, 影得幾恐佈


你真是影到,貼D一般印象出來好啦,無就唔好貼
21 : GS(14)@2012-03-27 22:22:11

19樓提及
其實係咪真係咁勁呢?

我諗無幾多人真係落過堆填區度聞過那酸宿惡臭, 但畢竟都同堆填區有D咁多距離, 應該都打左D折扣吧....



http://g.co/maps/hvkvv


原來個電廠是煤氣的,印象中是
22 : Sunny^_^(11601)@2012-03-28 13:50:28

18樓提及
why "拎埋notebook去" ??


我既意思係拎埋去睇
23 : GS(14)@2012-03-28 22:17:31

22樓提及
18樓提及
why "拎埋notebook去" ??


我既意思係拎埋去睇


睇乜,你唔使考試?
24 : Sunny^_^(11601)@2012-03-29 06:55:37

23樓提及
22樓提及
18樓提及
why "拎埋notebook去" ??


我既意思係拎埋去睇


睇乜,你唔使考試?


睇"日出"既相..........................

今日考中文paper3+5
25 : kamfaiAthrun(1488)@2012-03-29 10:21:31

add oil~
26 : 肥B(18468)@2012-03-29 10:33:27

龍生做乜無晒影架??

有圖有真相~~~
27 : martin845(1570)@2012-03-29 12:02:39

龍兄你言重啦
莫講話我唔係住日出,無切身利益
就算我真係住日出,都無理由影響人地
當然我要多謝你尊重其他人的做法

不過我都係個句
日出交通唔方便,近堆填區,多供應,少車位等.........下刪一萬字
但所有野已在租值及樓價反映
任何以上一樣缺點在未來得到改善
只會有升無跌

btw
今個星期六將軍澳站天晉商場popcorn便會開幕
http://www.popcorntko.com.hk/chi/shoot.asp#back
很多店舖都係首次進軍將軍澳
其中食肆翡翠拉麵小籠包係my 飛佛
同埋應該係全將軍澳第一間 starbuck!!smileysmiley

將軍澳區我仍然覺得是較有溍力增值的一區



============
8樓提及
馬田兄, 我上次朝早去過日出送花, 嚇左一大跳, 影左少少相

好想貼出黎, 但又唔想得罪住將軍澳的朋友

未知可否俾我貼幾張?

先講明, 影得幾恐佈
28 : 龍生(798)@2012-03-29 12:19:04

我個時都有諗過買天晉

但賭得太大, 借得太多, 超過自己所能負擔, 故作罷

我都幾睇好呢一區, 始終係港島新樓副線

未來潛力不俗
29 : 龍生(798)@2012-03-29 12:19:33

相好快就後補, 哈哈

我好老實講, 真係嚇一嚇
30 : 草帽(1253)@2012-03-29 12:24:45

治安好似好差, 同埋多左咁多人, 搭lift會唔會好迫, 好怕呢樣.smiley
31 : 龍生(798)@2012-03-29 12:41:52

lift呢家野應該問題不大既....好似未聽人提過

治安問題...太多屋村, 童黨, 但一般只搞同齡細路,

我地呢的30歲, 除非特別招惹, 否則應該不是主要攻擊目標

反而我擔心繁忙時間上唔到地鐵

呢樣野香討不時有人會講....

調景嶺/將軍澳守尾門, 會有少少問題
32 : 龍生(798)@2012-03-29 12:45:53


33 : 龍生(798)@2012-03-29 12:47:37


34 : 龍生(798)@2012-03-29 12:59:17


35 : 肥B(18468)@2012-03-29 13:05:12

地鐵真係無計架....

我07-09年住寶林, 主要都係地鐵出入, 返工的繁忙時間, 就算寶林都未必會有位坐.....

所以一過點先出門口, 就唔駛諗, 打定輸數要企了, 當時已經發現, 寶林站得一個月台, 原車入原車出,

有唔少人唔係寶林上車的人會先坐對頭車入寶林, 唔落車, 才可以找到一個靚位坐....

唯有早15分鐘出門口, 就舒服好多~~
36 : 肥B(18468)@2012-03-29 13:06:13

無野睇喎龍生, 唔知係咪我公司BLOCK左呢?
37 : Sunny^_^(11601)@2012-03-29 13:52:12

36樓提及
無野睇喎龍生, 唔知係咪我公司BLOCK左呢?


我睇到D相...

MTR係一個好大既問題...坑口都未必上到車囉...有次考試撞正rainy day.坑口等左3班車先上到...NP都等左3班.最後late左30分鐘
38 : 龍生(798)@2012-03-29 16:25:06


39 : 龍生(798)@2012-03-29 16:36:46


40 : 草帽(1253)@2012-03-29 16:51:17

前兩日去左日出對面海既藍灣半島睇舖順便睇下個環境, 行出個海濱, 個海濱一個人都冇. 望一望對面日出, 又係有一陣霧氣. 跟住一陣寒風吹來, 個氣溫好似即刻低10度咁, 都唔夠一分鐘幾條友巳經拿拿聲行返入商場(唔怪之個海濱冇人). 我既感覺係近呢一面天氣好濕寒, 對面應該差無幾.
41 : 肥B(18468)@2012-03-29 16:59:08

40樓提及
前兩日去左日出對面海既藍灣半島睇舖順便睇下個環境, 行出個海濱, 個海濱一個人都冇. 望一望對面日出, 又係有一陣暇氣. 跟住一陣寒風吹來, 個氣溫好似即刻低10度咁, 都唔夠一分鐘幾條友巳經拿拿聲行返入商場(唔怪之個海濱冇人). 我既感覺係近呢一面天氣好濕寒, 對面應該差無幾.


大風係東區岸邊(杏花邨, 柴灣, 小西灣)的特色, 主要出現於季候風時期~~
42 : 龍生(798)@2012-03-29 17:03:26


43 : 草帽(1253)@2012-03-29 17:05:23

41樓提及
大風係東區岸邊(杏花邨, 柴灣, 小西灣)的特色, 主要出現於季候風時期~~


謝ching解說, 我好少過0個邊. 我仲以為做咩鬼, 0個日廿幾度.
44 : 肥B(18468)@2012-03-29 17:21:35

43樓提及

謝ching解說, 我好少過0個邊. 我仲以為做咩鬼, 0個日廿幾度.


唔駛客氣, 我老家在那邊, 試過打風吹正東北, D水係從窗同窗框中的空隙湧入黎, 好勁架!!

而家星期日帶兩個頭釘返去食飯都會多帶一件外套, KEEP住在當風的地方活動, 真係會比唔當風的地凍2-3度~~
45 : 亞力士(1473)@2012-03-29 23:19:04

灰天 枯樹 昏車
46 : 龍生(798)@2012-03-30 00:33:04

最重要係污糟得好得人驚

我以為銅鑼灣己經夠污糟....點知原來身在褔中不知褔
47 : 草帽(1253)@2012-03-30 08:38:01

會唔會係長期大風, 地方又空礦, 製造好多沙泥. 銅鑼灣係人造污糟....日出係大自然造既污糟, 咁日出好D.smiley
48 : martin845(1570)@2012-03-30 12:07:23

46樓提及
最重要係污糟得好得人驚

我以為銅鑼灣己經夠污糟....點知原來身在褔中不知褔


================

可能我住開個頭
成日都入工業邨(原因包括釣魚,踩單車,放飛機,洗車,夜晚的工業邨其實幾旺)smiley
見慣不怪
你拍攝的都是事實
不過我估買得那處都預左
未有日出前
以前最近的樓盤是清水灣半島
樓價長期與將軍澳站的折讓一至兩成(但勝在戶戶有山景或海景)
而家有左日出,清半已彈番上黎

公平講句,除左預左
其實最緊要係正常家庭都唔會過去工業邨
亦無需要去

正如你去apm
唔會見到,亦唔會專登去睇下包圍住apm的工廠大廈有幾污煙獐氣

當然
如你想周圍半徑幾公里鳥語花香
又靜中帶旺
我會推介坑口的新寶城smiley
只是樓盤無乜炒家,主要是用家,流轉率很低

順便我都想分享下我的心得(見笑....)
而家將軍澳站賣得最貴就係前排望海(當然四十樓以上才有機會永久海景)
第二就係後排望番運動場個邊
因為那處是將軍澳站及坑口站一堆樓盤之間的barrier
計有已經係度的將軍澳運動場
仲有出年完工的室內單車場及室內蹓冰場
由於地已用哂
而且全是公共設施
將來變數極低
變相成為景觀保證
所以望呢面的高層單邊大單位
價錢亦不示弱呢

49 : Sunny^_^(11601)@2012-03-30 17:52:23

48樓提及
46樓提及
最重要係污糟得好得人驚

我以為銅鑼灣己經夠污糟....點知原來身在褔中不知褔


================

可能我住開個頭
成日都入工業邨(原因包括釣魚,踩單車,放飛機,洗車,夜晚的工業邨其實幾旺)smiley
見慣不怪
你拍攝的都是事實
不過我估買得那處都預左
未有日出前
以前最近的樓盤是清水灣半島
樓價長期與將軍澳站的折讓一至兩成(但勝在戶戶有山景或海景)
而家有左日出,清半已彈番上黎

公平講句,除左預左
其實最緊要係正常家庭都唔會過去工業邨
亦無需要去

正如你去apm
唔會見到,亦唔會專登去睇下包圍住apm的工廠大廈有幾污煙獐氣

當然
如你想周圍半徑幾公里鳥語花香
又靜中帶旺
我會推介坑口的新寶城smiley
只是樓盤無乜炒家,主要是用家,流轉率很低

順便我都想分享下我的心得(見笑....)
而家將軍澳站賣得最貴就係前排望海(當然四十樓以上才有機會永久海景)
第二就係後排望番運動場個邊
因為那處是將軍澳站及坑口站一堆樓盤之間的barrier
計有已經係度的將軍澳運動場
仲有出年完工的室內單車場及室內蹓冰場
由於地已用哂
而且全是公共設施
將來變數極低
變相成為景觀保證
所以望呢面的高層單邊大單位
價錢亦不示弱呢





"我會推介坑口的新寶城"...

sorry, i totally disagree with you.

佢出面條路,我住左坑口成年都係行過3次,次次行都好辛苦,因為好smelly,係dog shit未...真係好terrible...我唔知仲有冇其他行去既方法...但係佢出面真係普通人頂唔順
50 : 龍生(798)@2012-03-31 03:38:58

SUNNY 可否講講出面係邊度?

謝馬田兄指教, 果日我後尾入番將軍澳, 我發現又變番第二個世界

結論係日出真係好得人驚, 都唔知點解政府會批地俾人起樓的

草帽: 那種不是大自然污染吧, 你諗清楚....
51 : Sunny^_^(11601)@2012-03-31 07:34:50

50樓提及
SUNNY 可否講講出面係邊度?

謝馬田兄指教, 果日我後尾入番將軍澳, 我發現又變番第二個世界

結論係日出真係好得人驚, 都唔知點解政府會批地俾人起樓的

草帽: 那種不是大自然污染吧, 你諗清楚....


海悅出面有間M記,向山方面走會有D食店...一路走...就會去到新寶城

當初都覺得平,想買來住...睇樓當人有D咁既dog shit味...所以轉左去旁邊既居屋
52 : 肥B(18468)@2012-03-31 09:53:47

51樓提及

海悅出面有間M記,向山方面走會有D食店...一路走...就會去到新寶城

當初都覺得平,想買來住...睇樓當人有D咁既dog shit味...所以轉左去旁邊既居屋


我睇樓都行過那裏幾次(都係這條路行入去), 就唔係好覺得有這狗屎味喎....係咪夏天黎架?
53 : 肥B(18468)@2012-03-31 09:57:22

其實由地鐵站行去新寶城, 可以先上地鐵站上的連理街, 由天橋一直行過去過海悅個商場, 再一直行到尾, 落返電梯就會到新寶城的水池架啦~~ 呢個係個agent教我行的~
54 : 肥B(18468)@2012-03-31 10:09:39

龍生, d 相睇到啦, 工業區那邊的環境, 照相睇黎, 係因為太多垃圾車, 泥頭車途經環保大道, 長年累月所造成的結果.

正如martin兄所講, 而家康城呎價之平, 已反影其缺點, 只要以往任何一項缺點可以改善, 真係無得輸. 尤其係4.5k/ft入貨的那一批,

不過好同意, 呢個死症(堆填區)一日不除, 都唔應該入去住......
55 : GS(14)@2012-03-31 12:43:07

24樓提及
23樓提及
22樓提及
18樓提及
why "拎埋notebook去" ??


我既意思係拎埋去睇


睇乜,你唔使考試?


睇"日出"既相..........................

今日考中文paper3+5


唔怪之得咁得閒? 你選甚麼自選科?
56 : Sunny^_^(11601)@2012-03-31 17:27:58

52樓提及
51樓提及

海悅出面有間M記,向山方面走會有D食店...一路走...就會去到新寶城

當初都覺得平,想買來住...睇樓當人有D咁既dog shit味...所以轉左去旁邊既居屋


我睇樓都行過那裏幾次(都係這條路行入去), 就唔係好覺得有這狗屎味喎....係咪夏天黎架?


係呀...你有冇入過地下既tunnel? 個到係生人"密"近呀...上次本來行地底快D,但係行左2步,D dog shit味真係頂唔順,行反地面
57 : Sunny^_^(11601)@2012-03-31 17:30:53

53樓提及
其實由地鐵站行去新寶城, 可以先上地鐵站上的連理街, 由天橋一直行過去過海悅個商場, 再一直行到尾, 落返電梯就會到新寶城的水池架啦~~ 呢個係個agent教我行的~


我當時揾既agent真係好扑X嫁,為左唔比D同行見到佢有客,特登要行D遠D既路...佢話dog shit未最重既路係去MTR最快既...

不過唔使開名喇...間野既坑口分行執左...個agent轉左去XX閣...不過佢之前既老闆係區議員
58 : Sunny^_^(11601)@2012-03-31 17:35:11

55樓提及
24樓提及
23樓提及
22樓提及
18樓提及
why "拎埋notebook去" ??


我既意思係拎埋去睇


睇乜,你唔使考試?


睇"日出"既相..........................

今日考中文paper3+5


唔怪之得咁得閒? 你選甚麼自選科?


ECON,BAFS,PHY,M1
59 : GS(14)@2012-03-31 17:43:07

M1? BAFS 是乜來的
60 : 肥B(18468)@2012-03-31 17:57:56

Business, Accounting, and Financial Studies (BAFS)

M1 - MATH 1
http://hk.knowledge.yahoo.com/question/question?qid=7011050600491
61 : 肥B(18468)@2012-03-31 18:00:39

56樓提及

係呀...你有冇入過地下既tunnel? 個到係生人"密"近呀...上次本來行地底快D,但係行左2步,D dog shit味真係頂唔順,行反地面


真係未試過喎, 我以前住寶林都好少要行隧道....
遲下搬返去坑口會特登去睇下~
62 : GS(14)@2012-03-31 18:01:04

咁M1我都可以考下
63 : Sunny^_^(11601)@2012-03-31 18:13:53

62樓提及
咁M1我都可以考下


你會後悔的...M1唔係人讀...佢D數完全唔會比機會普通人合格...
64 : Sunny^_^(11601)@2012-03-31 18:14:20

61樓提及
56樓提及

係呀...你有冇入過地下既tunnel? 個到係生人"密"近呀...上次本來行地底快D,但係行左2步,D dog shit味真係頂唔順,行反地面


真係未試過喎, 我以前住寶林都好少要行隧道....
遲下搬返去坑口會特登去睇下~


唔好呀,我驚你出唔反來呢...
65 : martin845(1570)@2012-04-01 13:02:05

我知你講邊度
不過通常d人都係行海悅豪園商場入
另一方面睇
後面點解會咁
就正正因為夠靜

不過利益申報
我本身兩層樓都在將軍澳站
當然覺得將軍澳站的規劃較好smiley
尤其天晉商場popcorn剛於尋日開幕
多人到呢........
http://www.popcorntko.com.hk/chi/shoot.asp

=============
51樓提及
50樓提及
SUNNY 可否講講出面係邊度?


謝馬田兄指教, 果日我後尾入番將軍澳, 我發現又變番第二個世界

結論係日出真係好得人驚, 都唔知點解政府會批地俾人起樓的

草帽: 那種不是大自然污染吧, 你諗清楚....


海悅出面有間M記,向山方面走會有D食店...一路走...就會去到新寶城

當初都覺得平,想買來住...睇樓當人有D咁既dog shit味...所以轉左去旁邊既居屋

66 : GS(14)@2012-04-01 13:23:19

影張相得嘛
67 : Sunny^_^(11601)@2012-04-01 17:45:45

65樓提及

我知你講邊度
不過通常d人都係行海悅豪園商場入
另一方面睇
後面點解會咁
就正正因為夠靜

不過利益申報
我本身兩層樓都在將軍澳站
當然覺得將軍澳站的規劃較好smiley
尤其天晉商場popcorn剛於尋日開幕
多人到呢........
http://www.popcorntko.com.hk/chi/shoot.asp

=============
51樓提及
50樓提及
SUNNY 可否講講出面係邊度?


謝馬田兄指教, 果日我後尾入番將軍澳, 我發現又變番第二個世界

結論係日出真係好得人驚, 都唔知點解政府會批地俾人起樓的

草帽: 那種不是大自然污染吧, 你諗清楚....


海悅出面有間M記,向山方面走會有D食店...一路走...就會去到新寶城

當初都覺得平,想買來住...睇樓當人有D咁既dog shit味...所以轉左去旁邊既居屋




我只係識行dog shit路入...
68 : martin845(1570)@2012-04-01 23:49:10

http://m.discuss.com.hk/index.ph ... 7400&extra=page%3D1

點影都唔夠佢地詳盡…
69 : GS(14)@2012-04-01 23:58:14



[p]

[p]


[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]

[p]
70 : GS(14)@2012-04-01 23:58:54

將軍澳發展大綱
將軍澳–藍田隧道連同啟德發展計劃的T2主幹路及中九龍幹線,將組成為策略性的六號幹線,提供一條來往九龍和將軍澳區的東西行快速公路
[size="4"]跨灣連接路是一條長約1.8公里跨越將軍澳海灣的雙線雙程公路,西端連接將軍澳–藍田隧道,東端連接將軍澳第86區的環保大道,並附設行人路及單車徑
[size="4"]將藍隧道完工後,將軍澳市中心繁忙時間東區海底隧道約需5分鐘啟德發展區約需10分鐘,而將軍澳市中心經六號幹線西九龍地區約需13分鐘
[size="4"]藍田交匯處將連接將藍隧道與東區海底隧道出入口,未來將軍澳市中心將可於10分鐘內直接往返香港島
[size="4"]將軍澳(TKO)地理位置














香港2030規劃遠景與未來挑戰        
非住宅加強區: 中環、九龍站、則魚涌同將軍澳
[size="4"]都會核心區: 東、西九同港島北面


將軍澳發展大綱
[size="4"]http://www.youtube.com/watch?v=1UEKW0ffOWs&feature=related
[size="4"]將軍澳市單車循環徑














71 : 龍生(798)@2012-04-02 00:20:22

香討最長個將軍澳討論串俾湯兄移左過來....

真係好鬼靚, 成個element 咁!!

可惜天晉樓價同管理費俱太貴, 如果唔係真係想買番間

但話講番轉頭, 佢入伙時如果咁岩要搵地方住, 租番一年半載應該是極佳的選擇
72 : GS(14)@2012-04-02 21:22:43

71樓提及
香討最長個將軍澳討論串俾湯兄移左過來....

真係好鬼靚, 成個element 咁!!

可惜天晉樓價同管理費俱太貴, 如果唔係真係想買番間

但話講番轉頭, 佢入伙時如果咁岩要搵地方住, 租番一年半載應該是極佳的選擇


有幾難啊,copy and paste有些技巧,一分鐘內一定得
爽爆 民宿 日出 月賺
PermaLink: https://articles.zkiz.com/?id=278387

爽爆:援交女打真軍 13歲周身性病

1 : GS(14)@2012-05-22 00:15:14

貝貝「姐」真慘... 壇主唔好怪我

http://www.sharpdaily.hk/article/news/20120521/92082
援交風氣幾年前開始盛行,援交少女湧現,雖然警方多番打擊後情況開始改善,但援交後遺症卻逐步浮現,包括援交性病,其中淋病、疱疹、梅毒、性病疣(俗稱椰菜花),更輕易在援交少女身上發現,細至13歲亦染上嚴重性病。據調查顯示,援交個案中,六成染上性病,較嚴重的是人類乳頭瘤病毒(即HPV),而且大多已到癌前病變階段,隨時會惡化成子宮頸癌。《爽報》接觸了不同的援交少女,由她們親自剖白染上性病的實錄。 記者:徐佩賢 攝影:榮文
[Cherry跟記者見面後,獨自逛街買衫打發時間,以等待接下一個客人。]
Cherry跟記者見面後,獨自逛街買衫打發時間,以等待接下一個客人。

記者經網上援交訊息,接觸到20歲的Cherry,她濃妝艷抹、穿背心短裙,終日流連油尖旺區,以便隨時到附近的時鐘酒店開房。入行兩年,最多試過一日接客六次,她做愛如吃生菜,但性知識卻貧乏得很:「性無能嘅男人最易有性病,我一見個客唔得就驚。」記者問她從哪裏聽來,她說:「班姊妹係咁講,我都唔知點解。」

常有賤男博大霧「犯規」

她身邊有20多個朋友當援交少女,有時姊妹之間互相轉介嫖客,並交換防性病的「土炮」心得,最常見是北上購買一種洗陰水「芳心康樂寶」,「我喺深圳買,人哋話可以殺菌、殺愛滋嘛,搞嘢前噴吓下面」。除了洗陰水外,她還用深圳貨「婦克寧」冲洗下體:「搞完又噴吓,雙重保障。」記者問她是否有效,她答:「未必㗎,大家咁話,求個心安啫。」
Cherry幾年前因失業而加入援交行列,高峯時月入可達三萬元,多年來她瞞着家人和男友,謊稱自己當化妝品推銷員。她說試過三次跟客人「打真軍」,卻聲稱做得很有原則:「一定要係熟客,或者姊妹推介,仲要另加3,000蚊先畀佢唔用套。」不過就算她堅持用安全套,也經常有賤男博大霧「犯規」,偷偷脫安全套或刺穿都有,「有次接個做銀行嘅客,搞完嘢去冲凉時,覺得下面滑潺潺,即刻摷番垃圾桶個安全套,佢故意整爛個套」。
人家米已成炊,可憐的Cherry三日後發現下體長了兩、三枚肉粒,「有啲似水泡,痕痕哋,應該係疱疹。」她經姊妹介紹往政府診所檢查,又驗血又驗分泌物,都只說是皮膚病,但自此每逢月事臨近,她的下體就長出不少肉粒。「我成日懷疑自己可能已經有性病,但去私家醫生檢查好貴,去政府醫生check過又冇話係乜,咁就唔理啦!」
Cherry每日在危險邊緣徘徊,染上嚴重性病只是遲早的事;中四學生貝貝卻十分倒霉,她15歲開始接客,抱着「我咁細個邊會有事」的心態,有時為多賺3000元而「打真軍」,試過有賤客不肯多付錢,卻在性交中途突然「脫套」,壓在她身上霸王硬上弓,基本上是把她強姦,「事後諗過報警,但佢肯畀多幾千蚊,我又怕搞大件事,咁就算數」。
[16歲的貝貝接客半年便染上「椰菜花」,卻等了三個星期才去求診。]
16歲的貝貝接客半年便染上「椰菜花」,卻等了三個星期才去求診。
治療一年仍須服藥覆診

貝貝入行半年,做了40單生意終於出事,「有日覺得下面有啲綠色液體流出嚟,有啲臭,好似發炎咁」。這天貝貝在社工陪同下接受訪問,雖然她帶上帽子和口罩,記者仍看得出她臉上的稚氣。「開頭以為係白帶,以為過一排就冇事,等咗三星期,越嚟越多,越嚟越臭」。她憶述發病經過,猶有餘悸,擱在大腿上的手微微顫抖:「自己都唔知點,好驚。唔敢同屋企人講,怕佢哋煩我,又唔想畀friends知,我怕瘀。」那段日子她神不守舍,經常失眠,剛巧看到循道衞理楊震社會服務處的網上廣告,該處轉介她看醫生,證實她感染性病疣(俗稱椰菜花)。貝貝接受治療至今已一年,仍須定時服藥及覆診,再進行活組織檢查,才能進一步確定病情。
[吳穎英醫生治療過不少援交少女,她指許多性病都沒有表面病徵,有些病菌又有潛伏期,援交少女必須定期檢查。]
吳穎英醫生治療過不少援交少女,她指許多性病都沒有表面病徵,有些病菌又有潛伏期,援交少女必須定期檢查。

客人稱「生晒嘢」勸就醫

循道衞理楊震社會服務處計劃主任謝紀良指,大部份援交少女發現染上性病後,都會停止接客及接受治療,但也有人因此而遷怒男人,尋求報復,覺得「嗰啲衰客傳染畀我,咪再傳染番畀佢」。
謝紀良曾輔導一個女同性戀者,為了賺錢寧跟男人性交,不到半年下體長滿粒粒,她懷疑自己染上性病,卻豁出去繼續接客,而且不用安全套,病菌一個傳一個。兩個月後她的情況轉差,下體又痕又痛,最後竟是客人稱她「下面生晒嘢」,勸她去看醫生,才發現自己染上椰菜花,且開始潰爛和流血,還染上念珠菌和加德納氏菌,如今每半年做婦科檢查,還得長時間治療。
謝紀良指,約兩成援交少女有情緒病,為了除去身上的「男人味」,每天冲洗七、八次仍覺得「周身唔自在」;也有人怕被客人認出,不接客的日子就躲在家中。他指援交少女的性病及心理病於近一、兩年逐漸浮現,情況令人關注。
社工接獲援交少女求助後,都會轉介給醫生診症。香港性教育研究及治療專業協會副會長吳穎英醫生指,每月有兩至三個新轉介,但最深刻的卻是一個母親帶15歲女兒來求診。「她覺得個女唔黐家,懷疑她跟人有性關係,點知一驗真係有人類乳頭瘤病毒(HPV)」。
那是2008年,援交風氣開始盛行,「當時報紙成日講援交,我心裏有懷疑,就問佢有幾多性伴侶,佢話數唔清,原來佢做援交已經一年,佢媽媽喺病房外等,一啲都唔知個女咁細個接客」。
那年吳穎英醫生在病人之中發現三個援交少女,最小的只有13歲,患了輸卵管發炎,「佢太細個,做手術可能以後生唔到仔,惟有畀佢食抗生素,但要佢經常嚟覆診,見佢咁辛苦,睇到都心痛」。
2 : 自動波人(1313)@2012-05-22 17:32:07

Cheap到咁。。。。
3 : 曲豆(28465)@2012-05-22 22:00:11

想搵快錢....冇計
老老實實打分工啦.......
4 : 龍生(798)@2012-05-23 01:06:16

但聽聞好好搵架喎....

月入十皮無難度
5 : 自動波人(1313)@2012-05-23 01:19:07

龍生有性趣???
6 : Ar Yan(11362)@2012-05-23 01:21:24

很難說
7 : 自動波人(1313)@2012-05-23 01:26:01

搵十皮一個月都無用啦,有病要抖一年,條數唔化算
8 : Ar Yan(11362)@2012-05-23 04:47:20

7樓提及
搵十皮一個月都無用啦,有病要抖一年,條數唔化算


佢就係唔抖,之後再番工,將的病傳來傳去~~

錢就照收,病?who's care
9 : teawater(1794)@2012-05-23 08:57:20

刻意傳染愛滋可被控意圖謀殺
10 : 自動波人(1313)@2012-05-23 15:57:44

9樓提及
刻意傳染愛滋可被控意圖謀殺


反正死路一條
11 : 龍生(798)@2012-05-23 20:22:55

告老謀好難入, 至少香港到現時呢刻為止仲未聽過
12 : 龍生(798)@2012-05-23 20:23:09

波人, 講到明有病都仲要?
13 : 自動波人(1313)@2012-05-23 21:37:30

12樓提及
波人, 講到明有病都仲要?


我意思係你興趣做援交男?
14 : GS(14)@2012-05-23 22:11:35

13樓提及
12樓提及
波人, 講到明有病都仲要?


我意思係你興趣做援交男?


劉定成好適合你
15 : 龍生(798)@2012-05-24 00:41:09

條狗公出手咁低, 邊有資格影我.....
16 : 自動波人(1313)@2012-05-24 01:12:15

所以話呢,每個人都有個價。。。。XD
爽爆 援交 交女 女打 打真 真軍 13 歲周 周身 性病
PermaLink: https://articles.zkiz.com/?id=279484

爽爆:澳門夜總會式微 舞國風華褪色

1 : GS(14)@2012-11-01 00:50:29

http://hk.apple.nextmedia.com/news/art/20121031/18053393
以噱頭多花招新聞名
自從八十年代日式夜總會於香港興起,澳門很快便引入,到九十年代發展比香港更有過之而無不及,而且澳門夜總會一向以噱頭多、花招新而聞名,相關夜遊訊息更一度在香港報紙和雜誌大行其道。「最興旺時,澳門夜總會更選出明星模樣的小姐,例如歡場B嫂、歡場譚小環等等嚟招徠人客,風頭好勁,過大海尋歡一度係香港麻甩佬最愛。」一名夜總會經理無限欷歔地回憶。
各夜總會鬥噱頭,例如引入俄羅斯妹、日本妹、蒙古妹,幾年前號稱澳門街最豪華的新葡京京華盛世夜總會,更聲稱吸納了一批港女小姐,主要服待一批對港女仍有情意結的內地賭客。當時澳門夜總會業仍旺場,全澳門有十多家,每一家至少都有200名小姐,豈料夜總會盛況於這兩、三年間急轉直下,中國城、富都、帝濠、京華盛世、百家樂等著名夜總會也相繼結業。
難敵貴租做賭場更賺錢
隨著賭業發展,伴隨桑拿與夜總會等黃色事業也日益興旺,然而賭場、賭廳越開越多,對大型及位於旺區的舖位需求大增,快速炒高租金,可謂供不應求,所以不少賭場老闆便把目標瞄向夜總會場地,利澳夜總會於兩個多月前停業裝修,一名前經理向《爽報》記者抱怨:「利澳(夜總會)有錢賺,不過何鴻燊個仔要做摩卡場賭場,搵得仲多,大勢所趨冇辦法啦!」她坦言夜總會皮費大,要請的人手多,向來比起桑拿回本慢,較難經營。
簽證收緊北姑轉戰京滬
客源難找,更致命是「貨源」亦短缺,澳門夜總會一向以大量年輕貌美的北姑為主力,然而近年內地收緊到澳門的簽證限制,過往北姑可逗留一個月以上,但現在只能於澳門居留7天,然後就要出境,包括要回內地一、兩天,才能再到澳門,甚至要過泰國一趟「遊飛機河」,大大增加北姑的成本和麻煩,「7日就要回珠海一次,我要在珠海和澳門也租屋,現在夜總會又不包我們的食宿,連化妝都要我們負擔,我們每天的成本也要500元。」一名小姐坦言,現在來澳門開工都感到十分吃力,因此卻步。
過往澳門夜總會群鶯亂舞的情況已成明日黃花,記者走訪僅存的其中一家夜總會金龍會,一些場內北姑透露,茶舞只有11名小姐,晚舞亦只有50名,與過去數百小姐不可同日而語,所以舞客稍多,就要排隊等小姐,不時有舞客投訴,一名夜總會經理無奈地說:「真係有客都冇女,我哋都知咁樣等於趕客,確實冇辦法。」
而且近年北京、上海等大城市的夜總會越開越豪華,消費比起澳門有過之而無不及,一些內地大豪客興之所至,隨時一擲千金,成功旅行社一名職員說:「啲女仔證件有問題,上面又搵到食,咪唔落嚟澳門囉。」一些高質素北姑情願留在內地搵食,比在澳門賺得更多。「唔好講北京、上海,就連珠海夜總會消費都貴過澳門,有質素嘅女仔返珠海搵到好路數,就唔會再落澳門,家成個月都搵唔到幾個新血」。
尋歡文化改變加速萎縮
同時,尋歡文化改變,也促成夜總會業急速萎縮,現時過澳門的年輕一代人客都較直接,不喜歡到夜總會喝酒唱K「咁老土」,況且認為小姐質素又欠佳,大家你眼望我眼最後火遮眼,簡直是浪費時間,「家啲人寧願桑拿,快靚正,唔使煩」。澳門不少的士司機也指內地人嗜賭,要爭取時間賭錢,「就算去滾都揀桑拿,快捷簡單,玩完又再去賭,唔似夜總會咁嘥時間」。
加上近年澳門酒店房租越來越貴,桑拿可以睡過夜,很多人都情願選擇桑拿,節省2,000、3,000元的酒店房租開支,所謂除笨有精,導致更多人放棄夜總會轉去桑拿,一名經理也承認,現時夜總會難以適應新的經營環境,「夜總會又唔會完全冇曬,仲有一啲老中年人士會捧場,不過肯定越嚟越少」。
香港的大型日式夜總會幾近絕跡,澳門的日式夜總會也只會走向式微,夜總會潮流在社會急速轉變下,舊日的舞國風月已然消失。

2 : 草帽(1253)@2012-11-01 08:47:42

咁賭場又真係仲穩錢既. 不過仲可以穩幾耐呢? 好似我D細客落去鑊鑊都輸一萬幾千, 輸得多都唔落去啦.

歡場之後咪到賭場囉.
3 : hh0610(1603)@2012-11-01 23:59:58

我有朋友愛去桑拿. 實在唔理解, 入到去就9按除衫, 咁有咩好玩?
4 : GS(14)@2012-11-03 10:05:34

2樓提及
咁賭場又真係仲穩錢既. 不過仲可以穩幾耐呢? 好似我D細客落去鑊鑊都輸一萬幾千, 輸得多都唔落去啦.
歡場之後咪到賭場囉.


會唔會輸得仲慘?
5 : GS(14)@2012-11-03 10:05:43

3樓提及
我有朋友愛去桑拿. 實在唔理解, 入到去就9按除衫, 咁有咩好玩?


點先叫好玩?
6 : hh0610(1603)@2012-11-03 10:50:53

5樓提及
3樓提及
我有朋友愛去桑拿. 實在唔理解, 入到去就9按除衫, 咁有咩好玩?

點先叫好玩?


唱下歌仔, 摸下手仔, 玩下SIX仔, 錫下咀仔, DAP番兩杯.
7 : GS(14)@2012-11-03 11:04:15

6樓提及
5樓提及
3樓提及
我有朋友愛去桑拿. 實在唔理解, 入到去就9按除衫, 咁有咩好玩?

點先叫好玩?

唱下歌仔, 摸下手仔, 玩下SIX仔, 錫下咀仔, DAP番兩杯.


骰仔? 聽落好high
爽爆 澳門 夜總會 式微 舞國 風華 褪色
PermaLink: https://articles.zkiz.com/?id=281812

爽爆:足浴店開賭求存 硬銷打住牌按摩

1 : GS(14)@2012-11-13 00:54:47

http://hk.apple.nextmedia.com/news/art/20121112/18064866
《爽報》記者調查後發現,地下竹館氾濫現象,情況比鄧耀祖所知更嚴重。
「畀錢!暗槓,位位$100!」晚上10時,一名爛賭師奶扯開沙啞的喉嚨叫囂,而這間位於佐敦寶靈街的足浴店,麻雀洗牌和踫牌聲通宵不停。
記者想入內瞭解之際,一名師奶滾水淥腳般推開記者走入店內,急不及待地問店員:「齊腳未呀?仲唔開枱,急死人喇。」女店員半開眼睛,笑答:「今晚好爆,不過有客打咗四粒鐘,差唔多走,你等一陣有位,好快到你。」
大陸牌滲透桑拿波樓
話未說完,另一名師奶即垂頭喪氣地步出麻雀房,「今晚黑過墨斗,坐低半個鐘就輸3、400蚊」。女店員見扮顧客的記者一臉疑惑,即把握機會解釋玩法:「呢度有大陸牌打,打50、100,每鋪抽水0.5%,明啦!你有興趣,可以提早打電話嚟預約。」
為證明服務多元化,女店員還向記者猛銷增值服務:「呵呵,我哋有打麻雀按摩,又有免費住家飯供應,食完仲有糖水,招呼周到。你知啦,竹館零晨12點就收檔,抽水好高,屋企打又會嘈住人,呢度24小時都有得玩。」口沫橫飛之際,又有兩名師奶殺到,眼見麻雀房爆滿,只好加入與店員吹水,排隊等位打麻雀。
類似情景常出現在油麻地、旺角以至深水埗的足浴店,旺角的一間足浴竹館,麻雀枱就放在休息間一角,儼如生招牌。深水埗的另一間更猖獗,竟然於馬路邊裝落地玻璃的地舖開枱,外人可從布簾間一窺全貌。佐敦道的一間足浴竹館,「羊頭」掛在地舖,「狗肉」就在樓上,客人更可在鐘房的閉路電視看到樓上打牌情況,店員見客人看得心癢,又會遊說他們試打。記者入內觀察,只見內裡有四、五張麻雀枱,四名賭仔正竹戰至忘我境界,坐在一邊睇場的三、四名大漢,亦熱情邀請記者落場實戰。
半年前開始,眼見足浴店變麻雀館搵大錢,其他桑拿、桌球室也爭相倣傚,把員工休息室改為麻雀房。深水埗一間桌球室最詭異,這邊廂撞球聲連綿不絕,另一邊廂幾間休息室鵲聲震天,這邊叫「好波」、那邊叫「好牌」,氣氛熱鬧得很。
知情人士珍姐指出,由於足浴店越開越多,僧多粥少,很多足浴店都生意冷清。約數月前,有足浴店見大陸麻雀大熱,於是照辦煮碗,在足浴店開闢一室做麻雀房,招呼熟客打大陸牌,實行明錢、暗錢齊齊搵。
爽爆 足浴 店開 開賭 賭求 求存 硬銷 打住 按摩
PermaLink: https://articles.zkiz.com/?id=281939

爽爆:父吸毒 母走佬 BB終生無名

1 : GS(14)@2013-03-05 00:32:30

http://hk.apple.nextmedia.com/news/art/20130304/18184225
【獨家訪問】BB由生到死只有短短的三個月,名字未取,連一張出世紙都沒有。父親是個道友,母親在夜總會做公關,BB一出生,媽媽就頭也不回地跑掉。凌亂不堪的家中,除滿佈雜物外,警方也找到不同種類的毒品。 BB的死因,警方懷疑有可能是吸入二手毒霧,也有可能是被雜物壓住窒息。誰知道呢,在這樣的家庭成長,或者死亡才是一種解脫。《爽報》記者找到這個不負責任的爸爸,他仍不斷找理由為自己開脫。 記者:謝志輝 攝影:成笑
BB死亡事件發生在2月24日,地點在黃大仙上邨啟善樓一單位,警方到場調查期間,揭發屋內藏有毒品及吸食工具,分別以涉嫌疏忽照顧兒童及藏毒罪名拘捕男嬰的祖母及父親。二人目前仍保釋候查,記者走訪黃家,12歲大仔清楚記得當日事發情形。
「爸爸突然喺廳叫得好大聲,猛叫『細佬細佬唔好死、唔好死』,我踏出房,只見到爸爸抱住細佬跪喺地下不斷哭叫,細佬塊面灰灰白白,個口張開咗,已經冇晒知覺。我喺慌亂中幫爸爸打電話報警,救護員嚟到將細佬送院嗰一刻,爸爸仲不斷喊住問救護員細佬可唔可以救得番」。
遺憾無法送BB最後一程
大仔說,平時是由嫲嫲和爸爸二人分工照顧細佬,早上則是爸爸及細佬同睡一床,搞不清楚為何出事了。「我真係好掛住細佬,佢平時好鍾意笑,如果唔係自己噚晚玩得太夜,早啲起身望下,就可能救得番細佬」。BB的母親呢?大仔無語,據知黃父是夜總會大班,孩子母親也是在夜總會認識,感情基礎不穩,BB一出世,母親就跑掉了。黃父向記者說自己這幾個月來,都有到油尖旺一帶夜總會,逐家逐戶去找個「衰婆」,但都沒有結果。
大仔則是和前妻所生。「我同前妻已經離咗婚六、七年,因為吸毒問題而分開。戒毒兩年之後,又因為販毒喺赤柱監獄度過四年半,法庭當時將撫養權判畀前妻,但佢見爺爺嫲嫲好錫個孫,就放心交畀佢哋,o依家大仔12歲已經非常懂事,前妻亦另有家庭,久唔久會返嚟探望兩老同個仔」。
對於警方懷疑他吸毒累死BB,他猛說與自己無關。「BB啱啱出世,個女人就離開咗我,我可以做啲乜?人會受打擊,但我知BB一日一日長大,我咁樣係唔得。我真係冇high完嘢害死個仔」。他說話有點語無倫次,但記者大概聽得出,他承認有不良習慣,卻指BB不是被毒品害死。
記者於是質問他,家中被查出有毒品是甚麼一回事,他的解釋則更離奇了。「唔記得啦,警員喺屋企搜出幾多毒品,我都唔記得喇,應該係幾年前遺留落嚟嘅!」
他見記者滿臉疑惑,於是也急了,大聲說:「做父母有邊個想個仔死?個個人都想個仔健康陪住自己啦!最初警員喺醫院拘捕我時,話個仔有番心跳,自己都安樂番啲,但當醫院通知我家人見個仔最後一面嗰時,我想即刻去醫院睇BB,因為人喺死亡邊緣掙扎嘅時候,梗係想屋企人叫返佢返嚟!但警員唔俾我去,我想喺佢身邊叫佢返嚟都做唔到。」
他哽咽說,現在最大心願是給BB一個名字,辦好身後事及還自己一個清白,所以答應接受訪問。「作為一個父親,個仔離開咗我,好難過,我呢一刻唔會理其他人點樣話我衰,我真係問心無愧」。

爽爆 吸毒 母走 走佬 BB 終生 無名
PermaLink: https://articles.zkiz.com/?id=282388

【今日笑一笑】喵星人有私家座 爽爆遊車河

1 : GS(14)@2017-03-26 15:38:11

誰說貓咪怕出街?像居於日本的這隻貓咪,不單不怕,外世兜風時,貼心的主人更替牠安排好私家座,近靠玻璃窗望風景,爽爆。
Instagram




來源: http://hk.apple.nextmedia.com/international/art/20170326/19970483
今日 笑一 一笑 喵星 星人 人有 私家 爽爆 爆遊 遊車 車河
PermaLink: https://articles.zkiz.com/?id=328880

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019