ZKIZ Archives


中環在線:賭王唔見人叉燒包頂檔 李華華

2009-05-27  AppleDaily





 

上 個月信德(242)人事大變動,賭王何鴻燊頭馬蘇樹輝等3名重臣離任,二房何超瓊為首三姊妹地位更加鞏固,加上早排超瓊收到恐嚇信之餘,私人同美高梅嘅合 作又遇上阻滯,噚日股東周年大會自然吸引唔少記者到場。之不過,同兩個禮拜前澳博(880)AGM一樣,都拒記者於門外。

至於身兼兩家公司主席嘅賭王,亦 冇走出正門打招呼,傳媒無緣得知佢對後市獨到見解,或者搵佢評吓馬交政情,有啲可惜。上次蘇樹輝都肯出嚟講兩句,今次信德留低啲乜嘢畀記者呢?之唔係兩個 載咗食物嘅餐盒連一包檸檬茶,裏面除咗有乾燒伊麪、燒腩仔、牛『月展』,仲有蝦餃、燒賣、炸春卷、蛋撻仔……點心太多,未能盡錄。

不過,點解冇葡京「名 菜」叉燒飯,唔通想釐清同澳博關係,反映權力核心何在?好彩仲有叉燒包頂數,稍解大家對叉燒相思之苦。



中環 在線 賭王 唔見 見人 人叉 燒包 頂檔 華華
PermaLink: https://articles.zkiz.com/?id=8421

黑絲人妻杏兒唱《叉燒包》 送外賣冧巫啟賢

1 : GS(14)@2016-07-12 03:19:31

如果你入到去一間酒樓,有個囧樣知客rap住問你鍾意你食咩包,蓮蓉包、豬肉包、玉薯包、豆沙包,應有盡有……你正想掉頭走嗰時,佢捉住你話廣東包唔啱呀?仲有上海包喎!你想食邊款呀?真係頂佢……唔順呀!講緊咩?就係胡杏兒喺大陸節目《跨界歌王》又一力作,佢打扮到好似酒樓知客咁,着住黑絲大唱《叉燒包》,其實就咁聽落就冇咩問題嘅,但問題首歌真係好長,好煩呀!聽完之後成個腦就係叉燒包,廣東包,上海包,想點呀!放過我啦!好啦,雖然首歌好長,但係睇畫面應該可以平衡一下……點知胡杏兒喺個台到推住架點心車喺到行嚟行去,烏前個身兩手揈揈咁,就算有dancer喺側邊佢都係keep住係兩手揈揈,最多間唔中有少少交流咁,到底做緊咩呢?





來源: http://hk.apple.nextmedia.com/entertainment/art/20160711/19690144
黑絲 人妻 妻杏 杏兒 兒唱 燒包 外賣 巫啟賢
PermaLink: https://articles.zkiz.com/?id=303279

《人肉叉燒包》轟動一時邱禮濤封Cult片王

1 : GS(14)@2016-09-09 05:36:49

邱禮濤導演真係可以話係「Cult片之王」,《八仙飯店之人肉叉燒包》、《伊波拉病毒》、《等候董建華發落》、《陰陽路》等等,全部都係出自佢手。93年邱禮濤憑《八仙飯店之人肉叉燒包》開始出名,之後仲拍咗以轟動一時嘅案件做題材嘅《的士判官》。及後96年就拍咗香港著名cult片《伊波拉病毒》,戲中黃秋生嘅角色阿雞性格異常,用豬肉自慰完再煮俾客人食,呢個搞笑又令人心寒嘅橋段,相信大家都一定歷歷在目。97年就拍咗《陰陽路》呢套充滿香港特式恐怖片,之後開展咗《陰陽路系列》,不過《陰陽路6》打後嘅都唔係邱禮濤做導演。數到近期話題之作:《雛妓》、《選老頂》都係出自邱禮濤手,真係大部份具爭議嘅題材都拍邱導拍過。




來源: http://hk.apple.nextmedia.com/entertainment/art/20160909/19765125
人肉 燒包 轟動一時 轟動 一時 邱禮 禮濤 濤封 Cult 片王
PermaLink: https://articles.zkiz.com/?id=308348

【香港米芝蓮●食家盲測】$7個唐記叉燒包 好食過一星嘉麟樓

1 : GS(14)@2016-11-11 08:11:00

三位食評家黃雅歷、杜如科及blogger「猛烈南瓜在飯桌」,將會盲測三款點心。



等候多年,半島集團旗下的嘉麟樓今年終於登上香港米芝蓮一星,究竟與剛上場的行政總廚、福臨門前大廚梁燊龍有沒有關係?飲食籽決定邀請一班食評家盲測一下!



三位食評家黃雅歷、杜如科及blogger「猛烈南瓜在飯桌」,將會盲測三款點心,包括購自嘉麟樓、連鎖酒樓美心及平民連鎖店唐記包點的叉燒包、燒賣及叉燒酥。究竟三位他們又能否試得出哪款才是來自嘉麟樓?又或是哪間的點心才得他們的歡心,即管去片!記者︰飲食籽攝影︰黃子偉、梁志永、鄧鴻欣


唐記包點叉燒包,出名大件夾抵,有食家指味道較嘉麟樓更好。每個$7

嘉麟樓蠔皇叉燒包,刀章最好,每片叉燒都好似指甲般薄。每個$20。



來源: http://hk.apple.nextmedia.com/su ... t/20161111/19829672
香港 米芝 芝蓮 食家 家盲 盲測 個唐 唐記 記叉 燒包 好食 食過 一星 嘉麟
PermaLink: https://articles.zkiz.com/?id=315109

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019