34歲生日渴望真愛孫慧雪Dry足半年 谷胸徵婚
1 :
GS(14)@2016-07-13 05:15:44■孫慧雪（左）昨與Diva一身低胸裝出席活動，認真火辣辣。
宅男女神孫慧雪與ViuTV選美真人騷《美選D.n.A》參賽者許珮榆（Diva），昨日一身賽車女郎打扮出席荔枝角舉行的「PlayStation＠動漫電玩節揭幕禮」，二人齊齊谷胸上陣，不時彎腰示範做小手工及玩賽車遊戲，惹火身材令人噴血。
■阿雪坐下玩遊戲時更凸顯逼爆上圍，但腰間有點肥肉。
■阿雪指攝影師要求自然，所以寫真未有執相。
唔執寫真Sell肉地
原來昨日是阿雪34歲生日，她揚言渴望找到另一半：「我都有一顆恨嫁的心，想搵個人錫我、錫我家人，夾得嚟嘅人，對上一次拍拖係半年前，而家冇人追。」阿雪近日推出寫真集，她指寫真集大賣將要加印，由於之前不少粉絲未能取得到簽名，所以考慮再舉行一次簽名會。對於有人批評她寫真未有執相，阿雪卻謂：「我話執瘦啲，師傅話要自然啲，sell肥肥哋。」
Diva自爆做媽咪
此外，負面新聞多多的Diva，被指曾生仔、入戒毒所、任職舞小姐及整容等等，對此Diva說：「我有心理準備，謠言止於智者，以前個男友有個小朋友，我哋一齊5、6年，小朋友都叫我媽咪，我哋關係好好，之後個男仔有外遇，個小朋友好可憐。我最青春嘅時間都畀晒佢，我哋16、17歲一齊，18歲一齊住，22歲分開咗。舞女？我冇做過，以前男友鍾意去夜場，我承認我成日去玩。」
■是非多多的Diva腋下有疑似疤痕，但她否認隆胸。
傳聞Diva曾到喜靈洲戒毒，問是否牽涉男友時，她說：「其他人唔方便透露，我最憎人吸毒，千祈唔好，take嘢衰硬。」Diva又透露，自2012年出過寫真後，曾轉型做保險行業，但最終發現自己適合娛樂圈發展。另外，昨日活動期間Diva被發現腋下有疑似疤痕，問是否曾做隆胸手術時，她否認說：「冇，我時大時細，減肥中。」採訪：張俊銘攝影：陳俊強
來源:
http://hk.apple.nextmedia.com/entertainment/art/20160713/19692049
反映選民渴望對抗霸權
1 :
GS(14)@2016-09-06 22:15:45【本報訊】第一次參選立法會就成為票王的新界西候任立法會議員朱凱廸，憑深耕細作、單車巡遊等「貼地」宣傳，打出一場漂亮的選戰，支持者短時間內倍數增長。中大政治與行政學系高級講師蔡子強指，獨立無黨派的新人高票當選，除了得益於雷動配票的結果外，亦顯示出年輕人對抗地產霸權、關注人與自然、實踐主流以外生活方式的決心。朱凱廸的選戰着重展示對抗鄉郊霸權、黑勢力，反省人與土地關係。蔡子強分析指，朱的政綱提到鄉郊惡勢力，針對以往較少人關注的社會問題，同時充份反映新世代聲音。
不屈服惡勢力獲同情票
理大社會研究政策中心主任鍾劍華則稱，朱凱廸參與天水圍泥頭山示威、高鐵地盤抗議等行動時，多次在社交網站直播，成功增加知名度，而他在參選前數日，表明不會向惡勢力低頭，相信會令他獲得不少同情票。除了朱凱廸外，參選香港島的香港眾志羅冠聰、九龍西的劉小麗，也獲高票贏得議席。蔡子強綜合多個選前民調分析，羅冠聰主要受益於雷動計劃，而小麗則因選舉論壇表現拉攏到不少支持者。鍾劍華則稱，港島有約5%的60歲以上選民投票予羅冠聰，顯示港島部份中產階級傾向給予和平理性非暴力的年輕人執政機會。鍾稱，黃毓民一向在九龍西得票較多，惟其4年內的言論有極大轉變，相信因此令不少支持者轉投劉小麗等表現較佳的政壇新人。■記者廖梓霖
來源:
http://hk.apple.nextmedia.com/news/art/20160906/19761985
【add】紅人主場：周秀娜渴望愛
1 :
GS(14)@2016-09-29 08:06:00IRO黑色單肩裙 Zadig& Voltaire戒指及手鐲
周秀娜入行十年，月前在釜山首屆新媒體電影節奪得最佳女演員獎，事業受肯定，繼續潮州人博盡精神，早前一口氣拍了《29+1》、《女士復仇》，再接拍了與鄭丹瑞合作的《小男人周記3》，電影排住隊上映。奈何娜姐的愛情狀態，還欠一個男主角，一句欲言又止的：「仲係單身呀！」那個渴望愛的眼神，我見猶憐。造型及撰文：趙潔恆攝影：周樂恒化妝：Circle@ ND&Co.髮型：Amber Tse@ Alchemy服裝提供：I.T香港女演員買少見少，周秀娜難得算是多產的一位。早前拍的《29+1》被選為下月亞洲電影節的閉幕電影，她難掩興奮之情：「真係好難以置信，真係第一次。」在30歲時拍攝了一套關於30歲的電影，今次演出都幾大壓力，「因為有睇過導演Kearen（彭秀慧）演出嘅舞台劇版本兩次，都好想可以做到自己特色，令唔同年紀嘅觀眾都有共鳴。電影有好多內心戲，所以都經常搵Kearen傾偈，了解多啲個劇本。」
MSGM紅色長褸 Kurt Geiger高踭鞋
IRO皮褸
ZUCCa皮褸 McQ印花恤衫 IRO牛仔褲
■娜姐於新片《29+1》中有不少內心戲。
仍是搏殺期
周秀娜工作忙，但相比早幾年的電影產量高達一年十套，她的步伐似乎減速不少。「而家都仲係搏殺期，只係頭幾年因為都仲未知乜叫拍戲，乜都去試，拎多啲經驗，幾年之後，認識深咗，減產其實係想作品有進步，想身體同精神狀態都可以專注做得更好。」娜姐一出道就是夠博，那些年的噴血式性感卻一去不回來，人成熟了也似乎懂得更錫身，「又唔係話要轉型，而係每個階段覺得應該要做乜嘢事，想見到唔同嘅自己，成日都一樣好似冇進步過，我想知自己潛力可以去幾多，因應年紀、工作性質而有變化。」至於性感女神之名，她仍然非常引以自豪，「係唔同嘅性感，啱啱出道同而家都成長咗，譬如《小男人周記》都有性感場面，但每個人接收到同理解應該會有唔同。」事業得意，但愛情空窗期仍是持續中，娜姐雖然口口聲聲話享受一個人自由自在，心底畢竟是一個需要愛的小女子，「有時都會諗不如搵個人拍吓拖啦，但點會有呢回事，老套啲都真係講緣份，只不過有時拍完戲好攰嗰刻，都想有個傾訴對象，但第二朝起身都係繼續工作，呢樣嘢冇得勉強。」
不設理想型
身邊有似是而非的追求者，娜姐卻無奈表示：「可能年紀大咗，大家都成熟，不似十幾二十歲時會好明顯咁話你知：『不如我哋一齊啦！』都好似朋友嘅相處方式，你問我有冇人追，我都唔知係唔係呀。」曖昧狀況不明，但她心裏總有個理想對象的概念吧，至少尋人也有個目標，「以前會有好多理想條件，要靚仔啦、高大、有共同興趣啦，但原來都冇咁嘅人，而家都冇去設定乜理想型，真係要畀時間去相處。」人到輕熟女階段，娜姐也有成家立室的想法，「結婚都一定會結，想有自己家庭，生小朋友，但係唔想夾硬要結婚而求其搵一個未必啱自己嘅人。」
■娜姐仍然會在Ig貼性感比堅尼照。
■周秀娜的愛貓相當趣致。
女神的秘密
喜歡哪種香味的香水? 木香睡衣穿甚麼？ 短褲與T恤想擁有印上甚麼樣的攬枕? 我隻貓喜歡哪種口味的雪糕? 呍呢拿喜歡跌膊衫定Deep V衫？ 跌膊喜歡鑽石定珍珠？ 鑽石至今最自豪的事？ 一次過吃12個冬甩更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20160929/19784785
陳錦鴻渴望囝囝獨立
1 :
GS(14)@2017-01-14 12:25:44陳錦鴻昨日於灣仔出席「來跑一場親子障礙賽」家長教育網站啟動禮，他為照顧患自閉症的兒子駕樺休息多年，目前9歲的駕樺雖然還要做語言治療，但情況已進步不少，錦鴻說：「個仔唔需要我，叫我出去做嘢，係開心嘅，我都想佢快啲獨立，唔需要我就好。」錦鴻指永遠都會對着囝囝展現微笑，最緊要是讓他知道標準，最近他便教囝囝男人工作緊要，不要餓死老婆瘟臭屋，他說：「佢8歲時情人節帶佢接觸外界，同佢講男女朋友，有心儀女仔，要準備禮物，佢仲話想結婚，做爸爸，生個男仔，佢連名都諗好，叫陳小虎，Little Tiger Chan，我話畀佢聽想做爸爸就要努力，我感覺已經抱咗孫㗎嘞。」採訪、攝影：羅慧敏
來源:
http://hk.apple.nextmedia.com/entertainment/art/20170114/19896118
金曲寸奶媽 之《渴望成為特首的女人》
1 :
GS(14)@2017-01-25 07:34:48宣佈咗參選特首嘅奶媽林鄭月娥，雖然近日膠事多籮籮，唔識用八達通又唔識買廁紙，不過盛傳佢被西環欽點做689接班人，奶媽早排又話自己決定參選係為免特首選舉選出一個中央不任命嘅人，疑似恐嚇選委，恨做特首恨到出晒面。奶媽除咗得到網民洗版式負評嘅「榮耀」，仲獲網民垂青，「膠登音樂台」有網民改編咗王菲嘅經典歌《容易受傷的女人》，變成《渴望成為特首的女人》，寸爆林鄭，包括話佢扮被中央欽點：「扮與中央找到信任」；西九故宮館爭議：「西九充滿著疑問」；又話佢講大話：「曾話引退無句真，為了選舉終身抱憾，多少欺騙及疑問，思歪的再生」。歌詞亦講出唔少人嘅心聲，好似「返去英國，不要望來望去，請擠熄，那顆心」。唔知奶媽睇到，會唔會被網民嘅熱情感動到，退選返英國呢？睇片:
https://www.youtube.com/watch?v=33JTIoSdWZg
《渴望成為特首的女人》部分歌詞
林鄭笑了罪更深望與北京多麼接近西九方案被搖撼矛盾也更深曾話引退無句真為了選舉終身抱憾多少欺騙及疑問思歪的再生寧願犯禁佢卻其實屬於渴望成為特首的女人返去英國不要望來望去請擠熄那顆心常愚弄我舔共情同熱戀渴望成為特首的女人中國人玻璃心請熱吻林鄭騙你最噁心扮與中央找到信任西九充滿著疑問笑話是緣份
來源:
http://hk.apple.nextmedia.com/news/art/20170124/19907236
Next Page