ZKIZ Archives


馮程淑儀請病假 夫如常上班

1 : GS(14)@2016-04-12 17:40:42

【換樓醜聞】【本報訊】民政事務局常任秘書長馮程淑儀被揭與賭王何鴻燊姨仔陳婉玉換樓,涉嫌利益輸送。民政事務局指馮程淑儀昨日因病休假,暫時未知何時復工。而馮程淑儀的丈夫、機管局企業發展執行總監馮永業上周在facebook發聲明,承認一直瞞着妻子跟陳婉玉交往,他昨離開跑馬地寓所時,對傳媒的追訪稱不會回應。



馮永業拒答提問


馮永業先後被踢爆擔任換樓對象陳婉玉的「炒樓軍師」、代簽買賣文件,並被發現與陳婉玉曾多次同乘直升機出遊港澳。馮昨早離開跑馬地寓所時,對在場傳媒追訪稱不會回應,只點頭示意正前往上班,隨即登上私家車離開。他上周六於fb發聲明,稱從無告訴太太他與陳婉玉交往,太太確實在換樓前不知對方身份等,但數小時後無故刪除聲明,並將大量家庭照隱藏。馮程淑儀於上周拖篋離開跑馬地單位,無名指上的戒指亦脫下,其fb賬戶原本的「已婚」狀態也被刪除,個人檔案照片由一家三口合照變為一張花相,封面照片變成陰霾籠罩的山景。■記者譚靜雯





來源: http://hk.apple.nextmedia.com/news/art/20160412/19567684
馮程 淑儀 病假 如常 上班
PermaLink: https://articles.zkiz.com/?id=299028

馮程淑儀職務由副秘署理

1 : GS(14)@2016-04-15 16:21:14

【換樓醜聞】【本報訊】捲入換樓醜聞的民政事務局常任秘書長馮程淑儀由上周五起請病假至今未有上班,局方已安排她的下屬副秘書長羅志康暫時署理常任秘書長職務,預計馮程淑儀最快會在下周一恢復上班。民政事務局發言人昨接受查詢時表示,常任秘書長馮程淑儀請了病假,目前正由副秘書長羅志康署理她的職務,直至本月15日(即今天)。



程最快下周一上班


由於未來兩天是假期,若馮程淑儀不再重新請假,她最快會在下周一恢復上班。按照規定,首長級或以上職級的公務員離港15日或以上,須有署任安排,並須於憲報公告署任官員任命和執行期限。而據《香港01》報道,馮程淑儀向局方告假至今天,最快下周一會恢復上班。但由於她放假期間積壓了大量文件需處理,局方委任副秘書長羅志康暫時署理她的職務。馮程淑儀被揭以低於市價與賭王何鴻燊姨仔陳婉玉互換物業,廉署已正式立案調查。她由上周五起請假,傳媒拍攝到她當天早上獨自帶行李離開跑馬地住所。翌日她的丈夫機管局企業發展執行總監馮永業承認瞞著馮程淑儀與陳婉玉交往。民政事務局局長劉江華較早前回應馮程淑儀休假一事時指出,她已申請病假,「大家都明白佢嘅壓力、繼續放假,我亦批准。至於佢幾時返嚟,我諗佢會有一個決定」。而馮永業則一直繼續到機管局上班,未有休假。■記者麥志榮





來源: http://hk.apple.nextmedia.com/news/art/20160415/19572066
馮程 淑儀 職務 由副 副秘 署理
PermaLink: https://articles.zkiz.com/?id=299290

【馮仁昭四圍超】無綫坐冷板 過ViuTV拍劇黃淑儀仔拗攣游學修

1 : GS(14)@2016-08-09 07:33:07

最近被傳同張曦雯拍拖嘅黃淑儀囝囝徐肇平,原來愛情得意之餘,事業亦同樣得意,最近獲ViuTV力邀加盟拍攝新劇《三一如三》,飾演游學修hehe對象。其實舊年徐肇平傳拒簽無綫經理人合約而被雪藏,之後佢續簽藝員約一年,但都唔見有新作。而家徐肇平過檔ViuTV拍劇,當然好過喺無綫坐冷板凳啦!



過檔做同志

記者打畀徐肇平,但未有回覆,而黃淑儀噚日就話:「佢都冇乜點樣同我提過,但我知道佢同TVB contract滿㗎啦。」講到個仔過去一年都冇乜嘢做,黃淑儀就話:「我覺得佢好多嘢做,不過都係外面嘢,就唔係TVB嘅嘢。」似乎暗寸TVB咁噃!而劇集《三一如三》有唔少hehe鏡頭,好似黃奕晨暗戀陳安立,佢兩個做完運動沖涼嗰陣,黃奕晨仲對陳安立有所暗示。《三一如三》編審南方舞廳噚日講到徐肇平個角色時話:「係游學修鍾意佢,會唔會因為咁令佢hehe就唔講住,因為未諗。」



■另一《三一如三》系列中,黃奕晨(右)對沖緊涼嘅陳安立有hehe暗示。

■吳浩康噚日同莫凱謙、吳日言及KellyJackie等出席ViuTV新節目宣傳。



但求有得唱

另外,吳浩康(Deep)、吳日言同小肥噚日出席ViuTV喺九展舉行嘅《ShowTime我主場》記者會,Deep唱出佢當年首《先入為主》,佢話:「自己但求有得唱,想感受返舞台嘅感覺。」撰文:馮仁昭





來源: http://hk.apple.nextmedia.com/entertainment/art/20160809/19728269
馮仁 仁昭 四圍 冷板 ViuTV 拍劇 劇黃 淑儀 仔拗 拗攣 遊學
PermaLink: https://articles.zkiz.com/?id=305136

葡萄X淑儀 德國佬都抽水添

1 : GS(14)@2016-10-30 12:39:38

所謂「吃不到的葡萄是酸的」,表明有意選特首的新民黨主席葉劉淑儀,近日批評有傳出選的財政司司長曾俊華過去10年只是「hea做」,又質疑已宣佈參選的退休法官胡國興欠行政等經驗,僅「陪跑」,被網民揶揄因「葡萄」胡曾二人,才發表如此「酸溜溜」的評論。每周在facebook專頁教德國字的德國駐港領事館,也加入抽水行列,教網民如何以德文形容「好酸」。領事館的《每周一字》facebook專欄,過往亦緊貼香港時事「抽水」,今次葉劉「葡萄成熟時」也不例外,除教網民酸的德文外,又以例句示範如何以德文表達「好酸」的意思,再配以一串葡萄的插圖,加一句「Ich bin sauer」(我很嬲),但未有進一步以中文解釋,讓網民自行領會。帖文上載短短1.5小時,已吸引逾千人讚好或給哈哈笑,不少網民留言時,紛紛對號入座,笑言領事館今次抽水,葉劉幾乎變「提子乾」。【網民點睇】
Kath Chan:呢度嘅Ich bin sauer,係咪可以順便解埋我嬲嬲豬
Antonio Kwok:請問領事「一個帶有罪孽的腫瘤好酸」德文點講?
Ho Kan Li:葡萄乘淑儀
Fishball Yuen:抽水真係快




來源: http://hk.apple.nextmedia.com/news/art/20161030/19817115
葡萄 淑儀 德國 佬都 抽水
PermaLink: https://articles.zkiz.com/?id=314043

險遭阿姐毀容 黃淑儀離婚鼎爺:冇地方可搬過嚟

1 : GS(14)@2017-01-08 19:02:47

當年入讀麗的訓練班晉身娛樂圈的黃淑儀,1968年以女主角身份跟馮淬帆演出全港首部長篇電視劇《夢斷情天》,其後演出多部經典作品,包括《倚天屠龍記》、《書劍恩仇錄》及《紅顏》等等,與汪明荃、李司棋、趙雅芝曾被喻為無綫四大花旦。自認戀愛大過天的黃淑儀,19歲嫁俾大過佢廿幾年嘅無綫高層劉芳剛,生下一對子女,惜婚姻只維持了7年。80年她遇上讀醫的徐景清,翌年結婚,之後退出娛樂圈,85年舉家移民加拿大,至00年先至返港客串幕前。有關於昔日大台呢四大花旦,不和傳聞傳到今時今日仍然為人津津樂道,好似話傳黃淑儀同司棋姐冇偈傾、阿姐汪明荃同趙雅芝又爭餐死咁樣樣,花生一地都係。但原來黃淑儀同阿姐都傳過唔妥,件事又去番黃淑儀同李家鼎結緣嘅劇集《書劍恩仇錄》度喇。有指當年黃淑儀同阿姐曾爭做《書劍恩仇錄》女主角霍青桐,最後阿姐爭贏。及後拍攝期間,有一場兩人比劍的戲,阿姐劍指黃淑儀額頭,唔小心整傷佢,啲血涔涔而下,仲爭啲毀容,兩人自此傳不和。當日送黃淑儀入院嘅,就係身兼演員同武術指導兩職嘅鼎爺。昨日有周刊刊登黃淑儀嘅最新訪問,除澄清番李家鼎唔係佢烹飪師傅之外,又同大家分享佢同鼎爺嘅緣份——包括嗰次受傷。黃淑儀話佢嗰陣俾阿姐把劍刺傷,鼎爺一把抱起佢,由錄影廠一直跑跑跑跑出去廣播道總台門口上車。鼎爺係硬錚錚真漢子,心口掛住個義字,兩脇插刀。當年黃淑儀拍完《書劍》後同劉芳剛離婚,嗰陣鼎爺二話不說,就同黃淑儀講,問佢有冇地方住,如果冇,可以搬去佢度。當時鼎爺已經同施明結咗婚。正常男人都唔會咁樣伸出援手——老婆唔殺咗佢先偷笑啦,但鼎爺真係義字行頭,其他婆媽嘢反而冇諗;今時今日黃淑儀提番此事,仍然感激當日恩情,雖然佢最後都冇寄居鼎爺屋企。鼎爺就話,當年施明都好支持佢幫助黃淑儀,正所謂朋友落難,自是義不容辭。果然人間有情。




來源: http://hk.apple.nextmedia.com/entertainment/art/20170108/19890189
險遭 阿姐 毀容 淑儀 離婚 鼎爺 地方 可搬 搬過 過嚟
PermaLink: https://articles.zkiz.com/?id=321878

黃淑儀冇向鼎爺學廚

1 : GS(14)@2017-01-08 19:02:48

資料圖片



日前有周刊報道指廚藝了得的黃淑儀,其實是師承李家鼎,之後黃淑儀接受訪問澄清從未跟鼎爺學廚,故對報道大惑不解。黃淑儀透露2013年邀請鼎爺擔任烹飪節目《吾淑吾食》嘉賓,由那次開始就知鼎爺是有料之人,所以曾推薦他主持飲食節目,她個人從不介意別人廚藝比自己好,反而更想向高手偷師。此外,鼎爺接受傳媒訪問,坦言黃淑儀的推薦當時遭現已退休的男高層拒絕。




來源: http://hk.apple.nextmedia.com/entertainment/art/20170108/19889858
淑儀 冇向 向鼎 鼎爺 爺學 學廚
PermaLink: https://articles.zkiz.com/?id=321881

黃淑儀澳洲外景曬傷

1 : GS(14)@2017-02-19 13:59:59

黃淑儀昨日在屯門出席「旅遊嘉年華2017」活動,提及早前到澳洲拍攝飲食節目,她笑言最難忘是曬傷:「估唔到澳洲啲陽光咁犀利,好彩兩日之後已經冇乜事。」下次計劃再到哪裏拍飲食特輯?她說:「去邊都冇所謂,最緊要係畀大家見到唔同嘅新鮮食材,而我自己亦有唔同嘅感受。」她又指囝囝徐肇平愛下廚兼識飲識食,他最愛吃雞胸和牛扒。




來源: http://hk.apple.nextmedia.com/entertainment/art/20170219/19932811
淑儀 澳洲 外景 曬傷
PermaLink: https://articles.zkiz.com/?id=327043

67歲黃淑儀飛奔救陸永

1 : GS(14)@2017-03-05 09:35:17

黃淑儀(GiGi姐)、陸永及湯洛雯昨日凌晨在上環文娛中心拍攝無綫劇集,當中劇情講述陸永與湯洛雯在街頭爭執嗌交,女方拂袖上車走,臨關車門更踢對方一腳,陸永就坐在地上,要GiGi姐上前扶他起身。劇組先拍GiGi扶起陸永的情節,67歲的她健步如飛,奔跑過馬路冇難度,陸永坐在地上表現痛苦,GiGi姐邊跑邊嗌,相當肉緊,估計二人飾演一對母子,拍了約4至5次導演便收貨,由於拍攝順利,GiGi姐可以收工。之後到陸永與湯洛雯拍嗌交情節,二人未埋位前有默契地對稿,有傾有講,相處融洽。採訪、攝影:吳耀輝、畢紹基




來源: http://hk.apple.nextmedia.com/entertainment/art/20170305/19947766
67 歲黃 淑儀 飛奔 救陸 陸永
PermaLink: https://articles.zkiz.com/?id=327908

涉披露ICAC查馮程淑儀 吳文遠被控

1 : GS(14)@2017-04-04 08:51:59

■吳文遠昨遭廉署拘捕即日提堂,案件押後下月再訊。朱永倫攝



【本報訊】社民連主席吳文遠被指去年透過電台節目及facebook等渠道,透露民政事務局常任秘書長馮程淑儀正被廉署調查。吳此舉涉嫌觸犯《防止賄賂條例》中有關披露受調查人身份等資料的罪行,昨午遭廉署拘捕並即日提堂。有法律界人士指條例是要保障調查工作不受影響,以免涉案人士知悉被調查後毀滅證據。吳則認為公眾有知情權,即使廉署調查要保密,不代表公眾連調查進展都要被蒙在鼓裏。傳媒於去年4月1日大肆報道馮程淑儀涉利益衝突,吳文遠翌日向廉署舉報並通知傳媒。40歲的吳現被控3項披露受調查人身份等資料罪,是涉及他事後向傳媒及在網站交代進度,指他於去年4月5日至5月24日期間,明知或懷疑廉署正就有人涉觸犯《防賄例》第II部所訂罪行而作出調查,經fb披露程淑儀是廉署調查目標,又透過包括港台在內的媒體,以及fb、Twitter和Instagram披露他會以投訴人身份錄口供。


控方計錯數要即日提堂


案件昨午在東區法院提堂,控方甫開庭就緊急提堂向法庭致歉。主任裁判官錢禮聞言稱知悉控方計錯數,案件若未及於昨日提堂,即屬延誤檢控。涉案《防賄例》第30條設有1年檢控期限。控方指準備好答辯,惟被告沒律師代表,不反對將案件押後,待他尋求法律意見。案件下月8日再訊,吳獲准以1,000元保釋候訊。立法會議員梁國雄等人到庭聲援,高呼「欲加之罪,何患無辭」等口號。吳自言遭政治檢控,不認為自己披露了任何影響案情細節。港大法律學院首席講師張達明指,條例是保障廉署調查不被影響,坦言若涉案人士知悉正被調查,或會毀滅證據及串謀他人夾口供。張指條例絕對合憲,過往亦曾有傳媒因披露廉署調查而被控。1994年5月多家地產商涉在官地拍賣會上聯手壓低拍賣價,遭傳媒廣泛報導。廉署展開調查並聯絡《明報》搜證,《明報》翌日報道廉署調查一事,報章與3名高層事後被控。原審裁判官認為條例影響新聞自由,違反《人權法》,裁定《明報》毋須答辯,上訴庭及後推翻原判。《明報》上訴至樞密院,樞密院認為條例合憲,但為平衡新聞自由,條例只適用於披露有明確調查對象的案件,裁定《明報》無罪。案件編號:ESCC1036/17■記者楊思雅




來源: http://hk.apple.nextmedia.com/news/art/20170404/19979525
披露 ICAC 查馮 馮程 淑儀 吳文 被控
PermaLink: https://articles.zkiz.com/?id=328999

阿媽係黃淑儀徐肇平曾冧張曦雯

1 : GS(14)@2017-07-01 09:53:40

蔡思貝嘅新歡徐肇平,今年29歲,佢嘅來頭都唔少㗎,佢媽媽就係70年代大台嘅當家花旦GiGi姐黃淑儀,於14年加入大台、喺外國長大嘅徐肇平,鬼聲鬼氣,所以就被安排到明珠台主持《港生活·港享受》,就係咁佢就同一齊主持《港生活·港享受》嘅鬼妹前華姐冠軍張曦雯撻着咗,但佢哋就一直冇承認過戀情,直至去年就有傳媒影到佢哋一齊出席完活動後,前後腳咁返去女方屋企玩煮飯仔,雖然有圖有證據,但佢哋都係冇認戀情㗎!徐肇平嘅感情生活明顯豐富過佢嘅事業,雖然有阿媽做佢強大後盾,但係佢喺大台嘅發展就明顯得唔到重視,15年就傳拒簽無綫經理人合約而俾無綫雪藏,最後徐肇平同無綫喺去年8月續咗一年藝員約,不過就唔見佢幕前有乜演出,除咗見佢同媽咪GiGi姐為馬來西亞華麗台主持《儀煮賀年菜》之外,只係喺劇集《殭》當中客串幾集,最後佢都係選擇離開,去年佢就獲ViuTV招手,同游學修合作拍劇《三一如三》。




來源: http://hk.apple.nextmedia.com/entertainment/art/20170629/20072876
阿媽 係黃 淑儀 徐肇 肇平 平曾 張曦 曦雯
PermaLink: https://articles.zkiz.com/?id=337203

嬲爆被偷拍著泳衣舉高腳盧淑儀晒胸還擊

1 : GS(14)@2017-07-29 03:23:53

李克勤早前同屋企人去完新加坡,喺新加坡一家人游水嘅時候被影到,李克勤返到香港出席活動嘅時候就講過話:「我老婆嬲咗三日,因為張相舉高腳。」昨日克勤老婆盧淑儀就喺社交網站IG貼泳裝相,實行主動出擊,並寫道:「成日比人放些舊泳衣相出來,不如自己放啦」,似乎就因為之前被影得唔夠靚,索性自己影自己貼,仲寫上「#husbandandwife#lovelytrip#love#suntan#happyforever」,貼相反擊之餘仲不忘晒恩愛,夠晒sweet。其實克勤老婆盧淑儀IG比較多嘅都係自拍同日常生活照,而最多嘅就係聚會同埋做運動嘅相,今次貼泳衣相都係第一次。




來源: http://hk.apple.nextmedia.com/entertainment/art/20170727/20103220
嬲爆 爆被 偷拍 泳衣 高腳 淑儀 曬胸 還擊
PermaLink: https://articles.zkiz.com/?id=338917

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019