ZKIZ Archives


政府消費券慢三拍中環在線:港鐵、領匯派錢自救 李華華


2008-11-24  AppleDaily


 

零 售業嗌晒救命,特首煲呔曾仲諗緊係咪推消費券救市,「半官方」港鐵(066)同「前官方」領匯(823)反應快幾拍,為免旗下租戶冇生意要摺埋,喺唇齒相 依、唇亡齒寒嘅形勢下,都費事等政府,自己先出手自救,趁聖誕呢個黃金檔期,豪擲千萬禮物同購物券谷消費。主要客源嚟自中產嘅港鐵九龍站上蓋商場 Elements圓方,負責管理嘅港鐵見到班中產客使錢冇以前咁疏爽,唔敢怠慢,趁聖誕假,掟3000萬銀谷人流同營業額,包括2000萬禮品同購物券。 港鐵投資物業總經理梁羡靈話,唔少中產早排喺股市同樓市損手,有啲仲面對裁員壓力,好明白呢個時勢,中產會慳住使。為咗刺激呢班中產消費意欲,所以趁聖誕 搞旺個場,大派禮物同購物券。

圓方免費泊車6粒鐘

Elements除咗大派名店禮物,仲送埋油券,兼將免費泊車由本來3個鐘加到6個鐘。聽梁羡靈講,單係今次送嘅禮品同優惠,已經用成2000萬,夾埋裝飾同佈置,開支高達3000萬,比舊年多三分一。

領滙派300萬禮券

除咗港鐵,擁有全港最多商場嘅領匯亦重鎚出擊,為增加聖誕新年消費,花咗1500萬刺激商場人流,當中大派300萬銀現金獎同禮券,為期3個月。

谷唔谷到消費暫時未知,但呢個時勢,業主唔做啲嘢,就會俾租戶要求減租,慢吓手,租戶唔掂要摺埋,面對成場吉舖,到時就太遲!

李華華

LiWaWa@AppleDaily.com

美現金券銷路大跌

仲 有一個月就係聖誕節,係時候開始諗買咩聖誕禮物畀親朋戚友。美國人近年好興送禮物卡(即現金券)當做聖誕禮物,貪方便,乜都唔使諗,班friend又可以 用張禮物卡買自己鍾意嘅嘢,唔使驚買錯嘛。不過,o依家環球經濟不景,好多舖頭執笠,如果一個唔好彩,發行禮物卡間舖頭關門大吉,張卡就變廢紙,所以唔少 美國人今年唔敢買禮物卡畀人,費事搞到收禮物卡嘅朋友空歡喜一場。

小心空歡喜一場

美國零售業聯會估計,今年整體禮物卡銷量跌6%至249億美金,當中以單一商店特約嘅禮物卡打擊最大,因為呢類卡最冇保障,唔少專家都奉勸收到禮物卡嘅人盡快用咗佢。早前香港泰林執笠,揸住泰林現金券嘅人反而俾人拒諸門外,家吓買現金券要諗清諗楚。
政府 消費 券慢 慢三 三拍 中環 在線 港鐵 鐵、 、領 領匯 匯派 派錢 自救 華華
PermaLink: https://articles.zkiz.com/?id=4109

批評增交易成本建議派錢代替Webb鬧派紅股無謂 李華華

2010-12-29 AD





 

股壇長毛David Webb鬧人真係停不了!呢頭插完華潤系,噚日都要喺年尾前再出擊,今次,佢話上市公司派送紅股同拆細股份其實係無意思(pointless)!

長毛話,上市公司派紅股兼幫股份拆細,小股民以為可以幫到股票增值,個人賬戶因為多咗股數就等於收利是,不過,呢啲做法多數係噱頭嘢啫,甚至有誤導股民之嫌!

點 解呀?佢話,派紅股牽涉發行紅股嘅成本,好似出公告、列印文件、召開股東會等等,理論上股份價值維持不變,而事實上扣除成本之後,上市公司本身同股東會有 輕微嘅損失;紅股可能產生碎股問題,持貨量低嘅散戶,通常唔可以湊足一手,喺沽出碎股嗰陣,就會被迫以低於市價賣股;紅股部份就要等派送日先可以喺市場流 通買賣;除淨之後,投資者通常難對比股份過往派息;加上除淨效應,導致股價調整,股份最低買賣價差比例更加可能擴大,令股價波動……

點名批評8上市公司

今 次「有幸」俾長毛「金榜題名」嘅,有信利(732)、志高(449)、時富(510)、莎莎(178)、冠亞商業(104)、恒芯(8046)、中國龍工 (3339)同埋濰柴動力(2338)。其中,諗住出年初派紅股兼拆細嘅信利俾佢插得最應,長毛直頭用「Truly confusing(真係好混亂)」嚟形容番Truly(即係信利),絕!

咁長毛有咩好提議先?佢話若果要股民真正受惠,上市公司應該派發現金股息、提高公司營運質素……咁又係呀,親生仔不如近身錢,送禮物又不如折現,華華都贊成派cash!

李華華

LiWaWa@AppleDaily.com


批評 交易 成本 建議 派錢 代替 Webb 鬧派 派紅 紅股 無謂 華華
PermaLink: https://articles.zkiz.com/?id=20804

派錢 左丁山


2011-3-6  AD




 

校友會午餐會邀 請專家校友講抗通脹投資產品,有幾十人參加,呢位校友年紀輕,1997年畢業,已是兩個孩子的媽媽兼考獲CFA與得到哲學碩士(經濟)學位,今是大型銀行 高級策略師,演講有啲份量o架。呢位校友F講iBond、TIPS與人債,居然吸引到佢嘅師兄前輩T都嚟埋午餐會。師兄T其實年紀不大,以前做過香港資本 市場協會主席,當然係定息產品專家啦,不過佢選擇提早好多就退休,淡出江湖,享受生活,呢日知道師妹校友F講債券,特登到金鐘捧場。

演講之 日早上,我地已知道財爺宣佈派錢,香港永久居民獲派六千兼退稅六千,在座校友人人有份,自不然一片歡呼笑聲此起彼落。退休校長L與資深中文老師L兩人話好 滿意,但驚住政府派得太多,以後刺激市民慾望,就無以為繼。佢兩位竟然異口同聲咁話:「我地得到教師退休基金嘅好處,每年投資回報都好好,全靠政府關照。 教師為第二樣上街示威,我地未必反對,但如果係為咗強積金六千元注資而上街,教師未免太過唔知足。我地唔支持張文光,唔會上街o架。」無嘢啦,政府已經撤 消MPF注資,改為派錢,張文光唯有用其他理由發動上街。香港倡議派錢嘅第一位人士應該係校友F嘅大師兄羅祥國博士,羅博士在九七前為立法局議員(民協) 期間,曾經提議政府向市民每人派錢一萬大元,當時俾報紙、議員鬧個半死。哈,現在知道佢原來係先知先覺嘅經濟學家。如果記者仲記得呢件事,應該搵佢訪問 吓。至於退稅咯喎,今年率先提出嘅就係自由黨,劉健儀搶咗先機。

校友F介紹過TIPS、人債之後,講解政府之iBond初步構思,佢話 iBond係保本嘅,持有人不會有面值損失,初步利率可能(三年期)訂為2.5%,高於同年期嘅金管局票據,祗限私人認購,一張一萬元。校友F認為在目前 利率低迷環境下,政府直情明益中產投資者,眾校友唔申請就有啲笨,退休校友更加應該考慮,只怕政府未必能夠做到一人一手啫,而旨在賺多啲嘅人士,梗係會用 「橫財」一萬二千元去買股票啦。

 

至於捐錢還是消費,純屬私人決定,係自由選擇,最怕有啲人利用群眾壓力,向別人施壓捐錢!


派錢 左丁 丁山
PermaLink: https://articles.zkiz.com/?id=22877

為派錢而煩惱 左丁山


2011-3-13  AD




 

政府派錢一事, 左丁山所遇到嘅市民,未見過話唔開心嘅,但開心之餘,又關心幾時錢銀到手。派錢畀六百萬人,算係茲事體大,技術問題不可輕視。退稅就比較容易,稅務局有齊 納稅人資料,將退稅以支票形式寄到納稅人地址,相對地容易,但納稅人總數大約係百二萬左右,而香港永久居民有六百一十萬,即係話差不多有五百萬人嘅地址, 政府未必完全掌握得到。

聽銀行界人士講,金管局已經搵咗銀行代表開會,商量如何處理,頭痛問題是港人有冇銀行戶口,供過數之用,而係不少人 有戶口太多(按:例如左丁山一人就有五個戶口),政府直接過數嘅話,入落邊個戶口先至啱?事先如何取得個別市民之確實指示?至於完全冇銀行戶口之市民,應 屬少數,但只要有十分一,已經有幾十萬人,如何將錢送到佢哋手上,問題不少?

大編輯有澳門、香港身份證,收完澳門派錢又有香港派錢,都幾過 癮。澳門點樣派錢o架?佢話澳門人口少,寄支票可也,佢個姪仔遠在英國某細小城市,一樣收到澳門政府寄上之支票,不過係澳門幣,佢拎支票入英國滙豐戶口, 大概一個月後先至可以確認戶口內收到幾多英鎊,但左丁山就幾懷疑香港特區政府有無新界村民移居英國之後嘅英國地址咯。

左丁山見賓架X為此諗 到皺眉頭,於是對佢講:「此乃快樂之煩惱,總好過無米炊之煩惱,你哋銀行家咁醒目,一定同政府共同諗到辦法嘅!」乜唔係呀,曾俊華因為派錢而俾泛民鬧,美 國人會視為奇蹟,威斯康辛州嘅教師工會一定會羨慕到暈,香港教協叫老師上街與威斯康辛州教師工會叫人上街嘅理由完全不同,後者係反對裁員,反對州政府削減 福利呀!金融時報一位專欄作家David Pilling(三月十日)講幾千香港人上街示威反對派錢六千元係為咗反通脹,唔想派錢為通脹火上加油,真係好笑到極,泛民幾時有講過呢啲嘢呀?洋人只識 睇《南華早報》就真係論盡到極。


為派 派錢 錢而 煩惱 左丁 丁山
PermaLink: https://articles.zkiz.com/?id=23110

中環在線:希慎嚴磊輝撐財爺派錢 李華華

2011-3-10  AD




 

財爺曾俊華初頭話入6000蚊落打工仔嘅強積金戶口,結果全城喊打,其後轉軚現兜兜派錢,仍俾人鬧。其實有冇人like佢嘅方案呢?有!希慎(014)行政總裁嚴磊輝話,派6000蚊緊係好啦,市民要有現錢先可以有能力消費嘛!

不過,希慎係銅鑼灣大地主,可以立足嗰區嘅商舖都唔嘢小,唔係點頂得順高昂租金,難怪嚴磊輝話,其實政府派錢,希慎受惠程度有限,因為直接受惠嘅未必係佢哋商場target嗰批客。話晒希慎旗下嘅商場好似利園咁,名店林立,揸住6000蚊入去都唔知買到乜。

順帶一提,噚日希慎宣佈,利蘊蓮將會接替退任嘅鍾逸傑,做希慎非執行主席。自從利定昌09年10月離世後,就搵咗鍾逸傑暫代,一直到家陣,先至再由利氏家族成員做番當家,但仍然係非執行主席,唔知幾時先有個正式主席呢?


中環 在線 希慎 慎嚴 嚴磊 磊輝 輝撐 撐財 財爺 爺派 派錢 華華
PermaLink: https://articles.zkiz.com/?id=23114

業績大冧 田生派錢洗朵


2012-10-11  NM




一幅成層樓高的黑白畫像,在農曆 七月鬼門關大開時,突然被掛在港島大坑新村街一幢正被田生地產收購的唐樓外牆。畫中男人沒有眼白,全黑眼睛不停矋着對面同樣被田生打主意的舊樓,見畫如見 車頭相令人覺得陰風陣陣。被嚇個半死的住客向區議員求助,陰森車頭相被拆去,事件一再被網民炮轟。招牌花晒的田生剛公布業績,說因為樓價高令收樓成本大 增,純利大跌八成六只賺得二千四百萬,應驗了早前的盈警,網民喜氣洋洋。賺少咗錢又無乜面,只好另度新橋,找來社工團隊拍着保良局派錢去。田生透過保良局 新成立的慈善基金,向被逼遷舊樓租戶,派錢最多一萬五。這邊廂收樓趕絕窮人,那邊廂又忽然好心幫被逼遷的,終究是人是鬼,就如那幅黑白車頭相,睇過就明啦 喂。

田生剛公布截至六月底全年業績,無大鑼大鼓開記者會,皆因純利由上個年度的一億七千萬,大跌至二千四百萬,跌幅八成六。背後有恒基做大客仔的田生,在業績 提及,收購成本升至新高,影響發展商計劃,部分併購要延期。田生第二大股東區永華,五月曾大嘆,收購愈來愈困難因樓市熾熱,業主叫價「大啖咬」令成本遞 增、加上面對市建局這勁敵有免補地價的尚方寶劍、舊樓多僭建戶要賠償,須額外支出云云。九月底,田生又被前員工入稟,追討數十萬元拖欠佣金。頭頭碰着黑兼 生意難做,田生近期改變策略,轉打親民牌,其中一招是派錢!

「窮人無得同錢鬥氣」

遭神秘人掛鬼畫、正被田生收購的大坑新村街唐樓,毗鄰年輕潮人新蒲點,附近開了多間酒吧食肆,沿斜路再上是豪宅區。對正鬼畫的一幢唐樓高五層共十二個單 位,每單位約三百多呎,月租約一萬元,田生已收四個單位。一名男租客聽到記者講及田生基金,也不為所動,「呢啲錢俾我都唔要,佢做過乜天知地知。如果真係 咁好心,唔該就唔好收樓,等我有番個單位住方便返工,依家港島一萬蚊租盤真係買少見少。」他不吐不快,指田生開始收樓後大廈衞生變差,「樓梯變得好污糟, 成日有人放爛櫈和大袋垃圾喺梯間。」仍有工返搵到兩餐的,當然不想要田生的甜頭,但因收樓被逼得山窮水盡的就無資格嫌錢腥。六十多歲的林氏夫婦(化名), 在香港仔住了六年、月租二千三百元的板間房,去年底被桂洪集團收購後,被勒令一個月內搬走。桂洪一九七二年創立,比田生早二十多年出道,不過近年不及田生 活躍。林太記得,收樓正值她丈夫確診鼻咽癌,「我好徬徨,儲咗多年的錢用晒來買藥俾老公,仲要問親戚借。一時間要我搬走,根本搵唔番同樣價錢嘅房。」林氏 夫婦沒領取綜援,兩人都有一份清潔工,月入共一萬四千元,剛超過公屋的門檻幾百元,申請恩恤安置又不受理。「當時老公病又被逼遷,真係走投無路。後來遇上 區內明愛社工話有個田生基金的錢可申領,我梗係要啦。「我有聽過田生,我點會唔嬲佢同埋其他地產商,逼走晒社會啲窮人。攞佢啲錢係因為我無辦法,窮人無資 格同錢鬥氣。」林太後來透過明愛社工,獲田生基金批出一萬元,搬到區內月租三千四百元的非法工廈劏房,後來丈夫受不了工廈的天拿水味擔心影響病情,數月前 以月租一千六百元,搬到區內一個沒窗的「焗桑拿」板間房。

轟炸式電郵宣傳

負責替林氏夫婦申領田生基金的是明愛香港仔社區中心,社工指因坊間沒有相關專協助被逼遷租客的援助基金,才幫街坊申請。田生收樓手法向來被社福界批評,社 工不時帶街坊示威抗議。社工罵田生同時又幫手申領它的錢?該中心社工解釋:「我哋都係想幫街坊應急,而且申請基金唔代表我哋會收聲。」不過,明愛香港仔分 區的做法,卻引來其他明愛社工不滿:「早前李嘉誠捐四億俾我哋重建荃灣中心,總部考慮過唔要就唔要。四億都可以唔要,竟然收只係以萬元計的錢。田生做過乜 大家心知肚明,社工幫街坊都要理直氣壯。」社福界反應一般,田生卻非常積極,近日每週發出十個八個電郵予社工鼓勵申請,卻令社工擔心田生可能有其他盤算。 田生一直有意殺入社福界,去年六月曾登廣告請社工。田生發言人曾指,公司職員收舊樓遇上溝通困難,尤其區內多老人,故請註冊社工出馬。但招聘一出即被炮轟 將社工變成收樓傀儡,田生在壓力下放棄計劃。

田生有份審批

招兵買馬不遂後,田生於去年底一次性撥出一千萬元與保良局成立「保良局田生改善家居生活基金」。文件顯示,基金對象是受市區重建、私人發展商收購(田生及 其他)、清拆令、意外事故影響而須另租屋的低收入住戶,幫他們付新居租金、搬遷費、子女轉校買校服書本,上限一萬元實報實銷。另外,亦可額外津貼上限五千 元,供添置家具及維修等。申請基金必須透過社工。有社工擔心,由於審批由保良局及田生代表共同參與,意味田生可接觸到申請者的個人資料。有協助被逼遷租客 的社工指出,坊間不少舊樓業主賣樓給發展商後,便失蹤懶理租客。而租客沒幾個有白紙黑字租約保障,雖然新買家可名正言順透過法庭執達吏上門封樓,費用只需 數千元。「不過,搵執達吏要拖成三個月,最怕係個租客透過社工,叫傳媒上門大爆逼遷慘況。如果有社工幫手申請基金、喺中間緩衝下較為方便,收樓快啲之餘又 可以改善形象,雖然開支比搵執達吏多少少,但效益可能好過賣廣告。」田生回應,基金推出至今協助八十二個單位,說是希望減輕受重建影響人士的財政負擔, 「讓他們可安居樂業。」

母子活躍保良

田生之所以能夠搭上保良局,與田生大股東、來自金融界的龐維新有關。四十三歲的龐維新活躍慈善界,○一年加入仁愛堂當總理,○五年當主席。他是公益金籌務 委員會委員,亦曾任東華三院總理。龐維新的父親龐國本從事皮革生意,母親龐盧淑燕,○二年起當保良局總理,去年田生基金成立時她正出任主席,年內個人替保 良局籌得三百四十萬元,退任後至今仍為顧問局成員。龐維新妻子龐董晶怡,去年起亦加入成為總理。目前保良局董事會包括多名財金界人士,例如:賭王四太梁安 琪、金利豐朱李月華、莎莎郭羅桂珍等。龐維新活躍社交圈,曾與影星黎姿及金朝陽太子女陳慧苓拍拖,其胞弟龐維仁是僱主聯合會總裁,曾與大美人李嘉欣公開拖 手而為公眾熟悉,前年入股唱片公司金牌大風,金牌經理人黃柏高在他入主後離職。龐維新早年曾任職南華證券及日興證券,替人融資上市。他有「創業板」殼王稱 號,二○○一年他創辦在創業板上市的EVI教育,○五年引入美聯物業成為主要股東,當時龐持有的二十七億股曾一度勁升四倍,龐的身家亦水漲船高至二億三千 四百萬。○七年一月他以平均每股一仙八,購入全美國際 (8136)(當時名稱為豐盛創意)七成五股權、作價二千五百萬元。龐維新透過楊受成認識田生創辦人區永華,龐入主全美三個多月後,便讓田生借殼上市,全 美股價被炒高至逾五毫,升值逾十倍,至二○一○年十月高峰市值一度高逾四十六億。目前市值逾十三億。龐維新目前仍是田生大股東,家族持有三成七股權。田生 前年轉於主板上市後,社會正興起反地產霸權,田生成為社運青年圍攻對象。如今業績告急,除了派錢,田生近期動作包括為理工大學主修規劃與發展學士課程的學 生提供獎學金,又贊助兒童音樂劇團。不過,做善事始終及不上一張鬼畫引人注目。

 
業績 田生 生派 派錢 錢洗 洗朵
PermaLink: https://articles.zkiz.com/?id=38519

殼王派錢 李克勤200萬返TVB


2012-10-18  NM




「四大」之一的環球唱片,雖然與無綫未完全修好,但雙方關係自殼王入主後,已有所緩和,近日李克勤更落實替無綫台慶遊戲節目《一百萬可能》(暫名)做主持。

為拉攏克勤再為無綫效力,殼王陳國強親自出面,打盡人情牌外,還開出對無綫是空前高價,十萬元一集請克勤回歸,派錢一樣。千萬買版權

今年初,無綫一度與四大唱片破冰,但余詠珊上場擔任非戲劇製作總監後,又再因簽版權紙與四大再起爭端,四大歌手繼續絕跡無綫,無綫契仔李克勤,同樣唔見影。

直至近日,無綫為加強綜藝節目陣容及提高競爭力,斥資千萬買下全球熱爆的NBC電視台遊戲節目《Minute To Win It》版權,製作全新遊戲節目《一百萬可能》(暫名),準備於台慶月推出,並鎖定由福將李克勤擔任主持。

「以前幾乎隔個星期就見克勤上無綫節目,就算內地有商演,佢都係先就咗無綫再考慮其他,雙方關係就等同自己人。呢三年佢唔使上無綫,反而可以不停去內地做 騷,賺埋唔少,早排佢上咗內地收視好高嘅《聲動亞洲》,打埋中國北面市場,啲騷更加多到做唔切!所以搵克勤返無綫做主持,都唔係咁易!」知情者說。

傾三次搞掂

明知余詠珊牙齒印多,為免有閃失,殼王陳國強於是親自出馬。「殼王同克勤本來就好老友,經常會約埋聚吓,但平時都唔講工作,今次無綫高價買咗個遊戲節目版 權,殼王一開始就鎖定搵克勤做,佢覺得克勤有觀眾緣,做主持又生鬼,所以完全無考慮其他人!」近兩個月,殼王密密約克勤傾合作,又請他一家出海,大打友情 牌。「克勤對無綫特別有感情,殼王開到口,答應成數已經好高,加上無綫俾晒呢個遊戲啲片克勤睇,睇過嘅人都話呢個節目實爆,克勤都好有信心!同殼王傾咗三 次,已經搞掂。啲手尾就交俾余詠珊同節目監製接手,為咗就克勤時間,有次余詠珊一朝早七點,去陪克勤食早餐,明知殼王志在必得,余詠珊都唔敢有小動作。」 知情者說。

一集收十萬

○五年為無綫主持《殘酷一叮》,當年克勤的主持價是六千元一集,今次殼王大手筆,開出十萬一集。「以前主持《殘酷一叮》係歌星約,克勤已經係合約歌星最高 薪一個,今次殼王俾到十萬元一集,遷就佢啲期錄影,十足誠意!」知情者說。據了解,克勤會在十一月十九日台慶當日,現身節目公布詳情,四大唱片跟無綫關 係,大有機會因克勤而進一步緩和。

老細出馬

有「無綫契仔」之稱的李克勤,08年已經攞過服務廿年金牌,即使在事業低潮期,無綫仍安排他做《勁歌金曲》主持,保住人氣;02年奪得《十大勁歌頒獎禮》 最受歡迎男歌星後,克勤幾乎隔星期便上無綫節目,05年做《殘酷一叮》主持,亦一度掀起熱潮,雙方關係深厚,直至09年發生「四大唱片」與無綫版稅風波, 克勤開始絕跡無綫,直至殼王陳國強入主後,私下多次邀請克勤上節目,去年《十大勁歌頒獎禮》,他被邀任頒獎嘉賓,頒獎給「最受歡迎女歌星」容祖兒。

熱爆全球

《Minute To Win It》是美國NBC電視台人氣節目,由10年9月開始首播,在全球多個國家如英國、澳洲、法國、德國等都有播放。

遊戲要求參賽者用日常家庭用品完成一些動作,例如60秒內「抆」晒一盒紙巾,將20個高爾夫球疊高等。成功完成即可過關,得到1000美金並晉級挑戰下一 個項目。最高累積獎金是100萬美金,參賽者在成功過到第一、五、八同第九關時,都可以選擇放棄晉級拎走獎金。每位參賽者有三次失敗機會,如果都未能成功 完成動作,就要被淘汰。

殼王 王派 派錢 李克勤 李克 200 萬返 TVB
PermaLink: https://articles.zkiz.com/?id=38816

中電「派錢」 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20121211/18096907
上星期五講起與來自矽谷嘅博士T到上海總會吃午飯,佢大概本着矽谷午餐吃三文治或一個蘋果嘅作風,吃咗兩細碗麪及兩隻小籠包就話食夠,其他由左丁山掃晒,食唔完嘅醉乳鴿就打包回家,香港人如果學習呢類美國作風,大概可節省大量廚餘。可幸現已流行「打包」,一群人吃中菜大餐之餘,食唔晒一定打包,問題係邊一位攞呢?主人家要晒就無人有異議,但係若果主人家唔要或者係A A制聚餐,咁就唔知誰人捱義氣嘞,有時我望你,你望我,都幾尷尬。
家裏有廚餘又如何,仲頭痛,啲冷飯菜汁唯有一丟了之。肥仔K話Panasonic在日本有一隻產品,專門處理廚餘,外形似一個特大裝暖水壺,日本人將餸頭飯尾倒落去,可倒足一個星期,廚餘在內受壓液化,變成泥狀,可以recycle做有用廢料。不過香港冇呢類行業呢,故此唔多見呢隻Panasonic產品出售。
上個月碰到Q大姐,約佢去九龍城食晚飯,佢話返到九龍城,等於返屋企,不如就到佢屋企吃住家菜,佢位大廚老公在屋企煮得仲靚,係噃,有大廚老公在家,如無特別應酬,唔返屋企吃晚飯就笨。是晚Q大姐之御用大廚係咁意整三四味出嚟,份量啱啱好,居然三個人食晒,毫無廚餘,大廚真係識計數。Q大姐話佢轉工之後,知道新公司有好多「社區工作」計劃,其中一個係為深水埗區低收入家庭與失業人士提供營養暖餐,叫做有「營」飯堂,佢自己在家都會盡量壓縮廚餘,不要浪費。
當時Q大姐口中之新公司就係中電。中電在上星期四宣佈派錢㖭,公司派錢,香港有無前例,左丁山諗唔起。公司唔係政府,當然唔係人人有份,中電嘅派錢計劃,在2013年推出,受惠人士限於低收入家庭,居住於九龍新界區者,為關愛基金界定之「居住環境惡劣的低收入人士」提供津貼,符合資格嘅家庭將獲三百元津貼,但申領詳情尚待公佈。無論如何,一間大企業能夠主動關顧社區低下基層,總係一件好事,值得稱讚。
中電 派錢 左丁 丁山
PermaLink: https://articles.zkiz.com/?id=41787

港交所派錢無人拎

2013-02-28  NM
 
 

 

踏入業績期,本週三輪到港交所(388)派成績表。股民最關心的除了盈利,就是派息。近年,港交所每年的股息,每股達一至兩元,但原來有不少股民「有錢都唔拎」。港交所每六年就沒收股息一次,自二千年上市至今,總額達四千萬元。

好多人買藍籌股,無非貪有高息收,但原來不少散戶一直「有息唔拎」,明益上市公司。當中,散戶愛股之一的港交所,去年九月沒收○六年未領取的中期股息,竟然有四百六十多萬港元(下同)。以當時每股派息0.94元推算,所涉股數近五百萬股,佔總股數的百分之零點四。翻查記錄,港交所於二千年上市時更誇張,未領取股息的股數高達八百五十萬股,之後逐步減少,現在仍有約四百多萬股。早已留意此現象的宏高證券職員梁杰文表示,港交所上市時,前四大交易所股東獲分發合併後的港交所實物股票,「當年未電腦化,股息會郵寄俾股東,極可能因搬屋,或去世而收唔到。」事實上,港交所的股息頗「和味」,去年上半年每股達1.85元。

兩年內免費補領

梁杰文「唔想股民走寶」,親自去查閱港交所股東名冊,甚至請假「拍門」,尋找「隱世」股民﹕「揀鱓上市時已登記﹑又冇去過股東會鮋老股民,但無人應門。」本刊記者花了數日拍門,可惜亦無斬獲。由於是否公布沒收股息數目,由上市公司自己話事,所以好多公司都「懶理」,不公布。某些有「良心」的上市公司,會在損益賬中列明「已沒收股息」金額,但不包括港交所。想股息「袋袋平安」其實好簡單。到過戶處申請自動轉賬,以後就「唔使煩」。以前「錯過鰦」?不用怕,有得追。可致電該公司的股份註冊處,申請補領。過去兩年內寄出的支票,可獲免費補領,超過此年期,就要收手續費。本刊在此呼籲各位隱世股民﹕「有錢唔要就笨啦﹗」

港交所 派錢 無人
PermaLink: https://articles.zkiz.com/?id=52033

黃楚標派錢李少光豪食

2013-09-05  NM
 
 

 

大陸貪腐之風吹遍特區,曾蔭權擔任特首時其身不正,既上富商遊艇玩,又接受「深圳李嘉誠」黃楚標提供超豪出租單位,惹來貪污指控一身蟻。同樣係曾班子成員嘅李少光,退任保安局長後撈咗個港區人大代表嚟做,反而同政協委員黃楚標愈走愈近,毫不避忌。

舊年聖誕,李少光伉儷同黃楚標共遊澳洲,去咗唔少港人熱門景點,有香港旅行團團友幾次目擊佢哋喺食肆大吃大喝,最後都係黃楚標埋單,李少光拍拍屁股走人。十二月廿六日夜晚九點幾,佢哋抵達塔斯曼尼亞一間叫Saltshaker嘅餐館,由於last order已過,餐廳員工禮貌地婉拒眾人入內,就算李少光費盡唇舌都不得要領,無癮地返回七人車。黃楚標派出一名隨從同餐廳交涉,仍然食白果。過咗一陣,隨從手上多咗一疊澳幣,入到餐廳先派錢俾老闆,跟住派俾樓面侍應,仲走入廚房繼續派,人人有份。有錢使得「鬼」推磨,澳洲人改變初衷,熱情招呼眾人用膳。當時一位身處現場嘅香港遊客同記者講,黃楚標隨從派嘅「唔係細面額澳幣,張張都係一百蚊」,估計折合港幣超過一萬蚊。餐廳女員工Louise透過長途電話接受記者訪問,佢對派錢事件印象深刻,從記者傳送嘅黃、李相片亦確認,當晚佢哋先俾貼士,餐廳先至彈性處理,特別延長咗晚餐時段。李少光先後兩次接受本刊查詢,第一次佢承認上年十二月曾與黃同遊澳洲,亦有喺Saltshaker食飯,但矢口否認有派錢事件;呢個星期記者再搵佢,佢先話「唔記得」有人派錢,跟住修訂為「覺得冇」。除咗貪腐惡習,語言偽術歪風亦橫掃香港,梁振英「居功至偉」。

黃楚 楚標 標派 派錢 李少光 豪食
PermaLink: https://articles.zkiz.com/?id=74747

中環人語 朱太 派錢 位位一百 宗菁華

2013-10-24  NM

朱太派錢 位位一百

眾所周知,金利豐朱太李月華,細細個就喺鴨脷洲長大,對呢個島仔感情特別深。每年佢都會返嚟呢度搞幾百圍盆菜宴,請成二千個老人家食飯,回饋一班睇住佢大嘅老街坊。上星期六,已經係第十一年,佢阿爸李樹福、母親大人、老公,同埋响先施表行( 444)揸旗嘅囝囝朱俊浩( Kingston),都有出席。

 


朱太每年都派利是俾人瑞級長者。(嚴寶權攝) 

朱太大搞先施表行,當晚梗係請埋旗下 Franck Muller嘅代言人「 Cool魔」張智霖做嘉賓,仲有盧海鵬、蓋鳴暉等等,氣氛好澎湃。朱太仲周圍派利是,小宗目及到封封紅衫魚,肉眼見佢自己派咗二、三百封。不單朱太,佢老公又派、阿仔又派、李樹福夫婦亦派,氹得一班長者笑到見牙唔見眼。以朱太嘅財力,呢鋪實在小兒科。之所以,呢個盆菜宴好受歡迎,以往擺一百九十圍,今年要加碼到二百一十三圍。
而家嘅朱太一身珠光寶氣,當年都捱過,佢同小宗講,阿爸李樹福做漁船生意,嗰時未有大橋連接鴨脷洲同香港仔,每日都要坐街渡返學。之後到澳門發展,環境好咗,不過,佢哋依然無忘記鴨脷洲,佢媽媽仲住喺區內鴻福閣,經常同班街坊打牌添!

陸捌九冇運行


689由高位滑落,跌到就嚟貼地,大家俾多些少耐性啦! 

長盈( 689)由○七年八月三個三之歷史高位滑落,跌到依家嘅兩毫子,可謂幾乎跌到貼地。呢隻股有冇運行,睇怕都無須多講矣。
呢間公司舊年做咗六千零萬生意,但就蝕咗三十四億,其經營狀況如何,可以想像。佢哋做啲乜嘢生意蝕到咁甘?阿根廷油田、印尼銅礦、美國礦山……諸如此類,總之係前景好到你唔信但又冇乜人知道其實際情況嘅項目。一句講晒,即係真人版嘅1 689咁,總之係大把願景啦。

黃老闆「嫁女信」


黃老闆嫁女,請小宗食文華嘅囍餅。 

本週一小宗收到美聯黃老闆嘅「嫁女信」,佢大女、美聯集團副主席黃靜怡終於出閣,開展人生另一豐盛階段。黃老闆話自己一向低調,婚宴以私人宴會形式進行。據知婚禮已於上週六在淺水灣低調舉行,聽聞女婿姓楊叫志遠,洋名 Xavier, fund佬一名,遲吓仲有機會入美聯幫手添,認真恭喜!黃老闆向來以小控大的方式揸美聯集團,如今持股近百分之十三已算揸得多,少過最大股東大摩百分之一;有個熟悉基金運作嘅女婿,以後唔使驚俾外人狙擊啦。

本週 cosplay

本週日置地嘅例牌節目「鼠戰中環」,玩得最投入者,竟然係賭王千金何超鳳。著住條白雪公主裙嘅佢,喺接力賽負責最後一棒,雖然條裙又長又論盡,但 Daisy仍可順暢地跑過遮打道,跳過巨型芝士障礙物再衝線!咁努力,都係三甲不入,至於跑第幾……最緊要好玩囉,哈哈哈哈。

Give me a break 搵稅貸着數

稅單殺埋身,除了痛恨政府之無能,都仲係要交稅嘅!唔少銀行嘅稅貸優惠陸續出籠,仲有平錢可借,達至錢搵錢。小宗嚴選咗幾個:
最平息:非永亨莫屬,佢哋推出「三個月免息免供計劃」,實際年利率僅一點六五釐,仲有「最低利息保證」。假如閣下喺永亨批咗稅貸之後嘅十五日內,成功獲得另一機構嘅更低年利率,永亨會「死跟」。不過,貸款上限為稅額兩倍,而還款期只得十二個月。
借最耐:可以考慮花旗同富邦,前者可借月薪十二倍,後者月薪八倍,還款期最高達四十八個月,即四年,不過要注意年利率平均要五釐,想借來投資,要諗到高回報項目至得囉。
最過癮:莫過於建行亞洲,稅貸上限達二百萬,仲有個好「實際」嘅大抽獎——一手建行股票,名額得十個,有運者得之。一手建行,值成六千蚊㗎!


永亨於稅貸市場一向係「平霸」,其信用財務總經理吳幗欣指目前公司息位已經「好靚」。(陳浩樂攝) 

金牙大狀講嘢 菲律賓零舍好蝦?


十一港難,海事處難辭其咎。作為特區之首, 689有冇代表政府鞠躬道歉?冇!(鄒潔珊攝) 

菲律賓人質事件,三年來香港人都放唔低,因為阿奎諾三世點都唔肯低頭認錯,話佢哋貴國冇咁嘅文化咁講。家屬覺得菲律賓政府欠死難者一個公道,其情可憫。
十一南丫港難,三十九個香港人犧牲。即使死因調查講明海事處有責,處長遲遲唔肯道歉;卒之礙於民情冇得唔道歉啦,亦道得老不情願。但係作為特區之首、海事處之老頂, 689有冇向死難者家屬以至全香港道歉呢?冇!
若然誓要阿奎諾三世道歉,公平起見, 689係咪要為十一港難道歉先?現今大家咬實阿奎諾三世唔放,而任得 689快樂逍遙,唔通人家窮就零舍好蝦?香港人唔係咁白鴿眼嘛?!


中環 人語 朱太 派錢 位位 位一 一百 菁華
PermaLink: https://articles.zkiz.com/?id=79481

咁樣派錢膠唔膠?

1 : GS(14)@2011-06-16 21:58:09

http://inews.mingpao.com/htm/INews/20110616/gb41922c.htm
2 : GS(14)@2011-06-16 21:58:58

http://www.inv168.com/phpBB3/vie ... 6fa2e9a95c4a2cc93e8
政府甘樣派錢法,市民有派受
71大遊行抗議其派錢方式

人人去銀行登記
d人去銀行存款,入數
一定成日派長龍
甘多人登記,有派煩
正一糖衣毒藥, 極之擾民

1) 甘多人交稅有曬資料,Mail 支票給佢地吾得
2) 生果金,令錝緩既又係有晒Account & 資料
Mail 支票給佢地吾得
3) 登記左做選民又係有晒資料,Mail 支票給佢地吾得
4) 大學又係登記曬資料,Mail 支票給佢地吾得

以上4樣都吾係先要登記
人數多極有限

政府做都吾做,正一大食賴,少少野都吾做!!
3 : GS(14)@2011-06-16 22:00:37

http://realforum.zkiz.com/thread.php?tid=19476
派6,000元相關討論
4 : 傻杰仔仔(11437)@2011-06-16 22:01:55

香港真係廢到................唉
咁樣 樣派 派錢 錢膠 膠唔 唔膠
PermaLink: https://articles.zkiz.com/?id=274850

世說新經:助人自助好過派錢

1 : GS(14)@2012-02-05 13:53:38

http://hk.apple.nextmedia.com/te ... 307&art_id=16040862
世說 新經 助人 自助 好過 派錢
PermaLink: https://articles.zkiz.com/?id=277566

富事通:派錢大過天? 李兆富

1 : GS(14)@2013-01-05 13:36:12

http://www.sharpdaily.hk/article/fin/20130104/165881
元旦反思歪遊行,身在太平洋另一邊嘅我,只可以遙距觀察。不過,今時今日,淨係睇朋友「打卡」,透過各人手機鏡頭,大概都見到場面有幾墟冚。最多人廣傳嘅一張,就係長毛一支公對幾百個特區警察。我完全唔明白,點解特區蠢到要用幾百人,去成全人家做革命烈士。冇政府嘅配合,佢只係一個「大聲公」。乜你哋班人見唔到佢心口個公仔?對一個成世都想做烈士嘅人,坐吓監、罰吓款,係角色設計嘅一部份。就從一件小事,就睇得出呢個政府缺乏細緻手段去處理社會矛盾。
師傅教落,分析任何政府嘅行為,一定要從制度最基本嘅行事準則開始。特區政府,尤其是自從「轉左」呢個特首,做乜嘢都恃住手上大把資源。冇錯,思歪對香港最大嘅衝擊,並唔係佢講大話,而係佢引入強國式嘅大堆頭、「大石砸死蟹」嘅手段。
長毛唔聽話?幾百友圍佢,睇佢驚唔驚?有反對聲音?搵雙倍,唔夠就三倍、四倍聲量去同佢嘈過!
市民就要錢?派到佢哋夠為止;要居屋?起!呢種政治手段,叫「紅蘿蔔與棍」(Carrot and Stick),又或者,講得文雅啲叫「賞善罰惡」,源出《韓非子》,算係中式政治嘅深層次基因。
仲有唔夠兩個星期就會發表《施政報告》,以思歪嘅一貫作風,應該都係「講就兇狠」,派人哋嘅錢最易做,佢點解唔做?其實,只不過係非常簡單嘅博弈論原則:當利益唔一致,有權制定決策程序嘅人,最先為自己爭取最大利益。如果,思歪深入了解呢個博弈論原則,就知道點樣用「派餅仔」嘅權力,去建立利益共同體。以前港英以及早兩代政府,都識;思歪?我買重佢連派錢都會派到俾人鬧,大家放長雙眼睇吓啦。
富事 事通 派錢 大過 李兆 兆富
PermaLink: https://articles.zkiz.com/?id=282104

爽視彈:《一分鐘》派錢唔夠多 朱國亮

1 : GS(14)@2013-03-30 23:14:16

http://www.sharpdaily.hk/article/entertain/20130204/173224
周日親友飯聚,電視正播映《決戰一分鐘》,當獎金只是幾千元時,大家的注意力仍在飯餸上,到挑戰過萬元獎金時,大家開始顯得緊張投入。
傳媒揭發俊男美女參賽就認定造馬,其實是誤中副車,參賽者只是媒介,李克勤也不是主角,觀眾有興趣的,是獎金!
《決戰一分鐘》首播時觀眾曾期望又有《百萬富翁》式派錢遊戲,那知送來送去沒有掀起話題,明顯是錢派得不夠多。
《百萬富翁》的成功勝在易投入,有張嘴巴就可以參與;可是,叠杯、碌波子、叠蘋果,比填寫六合彩難度高太多了,對於想發達的平凡人如我,參與門檻過高,觀眾就會覺得遙遠。
既然獎金才是主角,送出獎金愈多收視應該愈高,挑戰25萬是第一步,之後是50萬、100萬,即使擦身而過,起碼可以製造話題。
朱國亮
逢一、三、五
爽視 視彈 分鐘 派錢 錢唔 唔夠 夠多 朱國 國亮
PermaLink: https://articles.zkiz.com/?id=282444

終身壽險定期派錢 備不時之需

1 : GS(14)@2014-05-16 11:27:27

http://www.mpfinance.com/htm/finance/20140516/news/ec_ecv1.htm


【明報專訊】57歲的羅先生兩年前從廣告公司的管理梯隊退下來,享受豐盛的退休生活。更可喜的是,今年初羅先生的媳婦為家中添上一名男孫,無疑為喜愛弄孫為樂的羅先生的退休生活增添生氣。

羅先生打算自資為孫子安排一份教育基金及醫療保險計劃,好讓孫子能無憂健康地成長。事實上羅先生希望那份名義為「教育基金」的儲備能擔當小型信託基金的角色,在穩定增長的同時,還能讓孫兒於人生不同階段從計劃中提取一定金額作為心意。為此羅先生已撥備50萬元及尋求筆者的專業意見。

另外,羅先生於退休時把退休金一分為二,一部分償還所有按揭貸款,剩餘約200萬元全數在銀行存放,但為免長期被通脹蠶食,也想聽聽筆者意見。

為兒孫投保 重要時刻有錢應急

筆者了解過羅先生的想法和財務狀後,認為動用50萬的資金並不會影響羅先生充裕的退休儲蓄,故此可安心物色適合的理財產品。與此同時,羅先生希望筆者建議的方案能配合他以下的想法:於孫兒18歲時送上30萬資金作為大學經濟之用;30歲時送上40萬作婚禮之用;55歲時送上80萬作退休之用。

筆者建議羅先生投保一份附「定期派發保證現金」的終身壽險計劃。這類保險與傳統的終身壽險計劃最大分別是,前者於特定年期後,會定期派發保證現金(coupon)予保障持有人,並可選擇隨時提取或存放於保單內積存生息。相對坊間的傳統終身壽險,「定期派發保證現金」終身壽險重於金額提取彈性,因此保障成分較低,儲蓄成分則較高。對於在投保期間提款資金應付財務需要的朋友來說,這類經改良的壽險計劃,無疑更適合他們。

重提取彈性 保障成分較低

因此,這類壽險計劃比較適合羅先生。為配合羅先生所需,筆者建議他投保一份能一次過清繳保費的計劃,一來避免他於退休後還要每年為繳付瑣碎保費而煩惱,二來提早清繳保費能為他減低計劃總保費的支出。

在該壽險計劃中,羅先生是投保人,孫兒是受保人,整體保費約7.2萬美元,計劃由第3個保單周年日及往後每3年皆派發保額18%保證現金儲備,直至受保人年滿100歲或身故為止。根據預期,羅先生可於上述3個重要時間(孫兒18歲、30歲、55歲)提取共約19萬美元 (包括保證及非保證部分),計劃還剩下的8.7萬美元的現金價值,以備孫兒不時之需。

轉買環球基金 以分散風險

在羅先生現有資產分配方面,雖然他的資產組合約四分之三是固定資產,流動性較低,但對於他這每月支出不多的退休人士來說,已能應付有餘。反之,筆者建議羅先生多加留意自己的組合過重投放於港元資產,應作適當調配,避免承擔過分的於單一市場風險。

羅先生可考慮先調配100萬港元存款、100萬港元香港股票,轉為購買環球收益及增長基金,透過基金經理專業管理,投資組合在這預期加息的敏感周期下,既可平衡債券收益和股票增值的比重外,還能令羅先生多投資在不同領域,以分散風險。

傅惠賢

康宏理財服務有限公司 顧問副總監
終身 壽險 定期 派錢 不時 之需
PermaLink: https://articles.zkiz.com/?id=284560

想知邊個派錢搞事搲支煙食就知

1 : GS(14)@2014-10-07 13:30:38



網上近日瘋傳一篇文,教大家如何在旺角佔領區分辨臨記判頭,想找外快的,不妨參考一下!1:低調的藍色話說判頭用藍色做暗號,不過喜歡低調的他們又未必會穿一身藍衣,隨便佩戴一些藍色配飾,或在手腕綁一條藍毛巾,已經是記認!2:閃卡共享不是每人都那麼幸運,可以被人拍下搗亂的片。不幸一點的就要自己找人幫手影,再給判頭看才換到錢。所以,如果不斷有人拿手機給一個人看,那這個人就相當之可疑!3:叫人請食煙這招找女生做成功率可能高幾倍,向可疑人物索取一支煙,發現是大陸牌子就中獎了!當然,以上方法未經專家驗証,絕對不是百份百可靠。不過做這些維穩工,隨時被人走數,很可憐!幸好有彭導替勞動人民出頭,呼籲有關方面全面立法規管,將一班戲子每次出動酬金透明化及劃一化,避免判頭食水太深。他又指要找平機會,爭取道友們不會因為飲食習慣而被剝削,一定要同工同酬,這不就是大愛嗎?【現場直播】雨傘革命: http://occupycentral.appledaily.com
YouTube: http://bit.ly/occupycentral




來源: http://hk.apple.nextmedia.com/news/art/20141007/18892222
想知 知邊 邊個 個派 派錢 錢搞 搞事 事搲 搲支 支煙 煙食 食就 就知
PermaLink: https://articles.zkiz.com/?id=285960

澳門又派錢 永久居民每人$9,000

1 : GS(14)@2014-11-12 08:17:40




■有澳門市民為崔世安製作一張不合格的成績表。



【本報訊】澳門連續第8年「派錢」,行政長官崔世安建議明年繼續推行「現金分享計劃」,澳門永久居民每人獲9,000元,非永久居民5,400元,並建議繼續發放敬老金7,000元。另外,為合資格居民開立公積金個人賬戶,注入10,000元啟動金,並繼續建議向居民個人公積金賬戶額外注入預算盈餘特別分配7,000元。連同電費補貼、乘客車資優惠等「派糖」動作,合共支出114.19億元。澳門公佈2015年度財政預算安排,崔世安繼續推行「現金分享計劃」,金額與去年相同。崔世安昨在立法會表示自己應會合格,但昨有澳門市民製作及在街上展示崔世安的成績表,諷刺他「肥佬」。


議員:「揞口費」圖平息民憤


澳門立法會議員區錦新表示,08年開始派錢時是因為社會出現種種問題,如住屋和物價問題,用現金分享作「揞口費」,平抑民憤。多年來社會問題繼續困擾市民,政府束手無策,惟有繼續提供當年特首何厚鏵口中的「止痛餅」。歐表示,政府未能消除痛源,他樂見派錢止痛,因這數千元對貧困家庭有實質幫助。幸而澳門財政狀況理想,不影響其他社會開支,如醫療、福利和基建等。澳門截至今年9月,外匯儲備達1,292億元,財政儲備中的基本儲備為1,165億元,超額儲備為1,281億元。澳門亦繼續推出稅費減免措施,包括減就業稅30%,免稅額為144,000元;澳門居民免收房屋稅首3,500元稅款;居民首次置業可獲豁免首300萬元的不動產轉移印花稅(僅限於居住單位),及額外退稅60%,上限12,000元。




來源: http://hk.apple.nextmedia.com/news/art/20141112/18932343
澳門 又派 派錢 永久 居民 每人 000
PermaLink: https://articles.zkiz.com/?id=286436

受聘幫華置旗下商場派錢轉軚港女埋劉鳴煒身

1 : GS(14)@2016-01-15 17:33:23

■Wendy及Audrey將在劉鳴煒旗下商場負責派現金券推廣工作。攝影:陳慧安


大劉劉鑾雄長子劉鳴煒早前在港台節目《我係乜乜乜》,KO游學修獲封男神,其中見劉鳴煒真身後,即變節的兩名港女蘇順敏(Wendy)及崔嘉怡(Audrey)成功與劉鳴煒再行近一步,二人將會幫大劉名下、即華置的兩個商場東角Laforet及皇室堡派現金券推廣工作,昨日兩人到銅鑼灣率先試派。



■Audrey在節目《我係乜乜乜》曾當面讚劉鳴煒眼靚。電視圖片

■劉鳴煒成功獲封男神。


■Audrey和Wendy昨試派現金券。

兩女均學生身份

今年21歲的Wendy現修讀廣告設計及兼職旅行社帶隊,而在節目大讚劉鳴煒眼靚的Audrey則20歲,現於城大修讀社會學。二人表示透過活動搞手獲得派現金券工作,本身沒有與劉鳴煒聯絡,記者笑二人能與男神再近一步,Audrey表示:「接工作冇深究老闆,都唔會接觸到佢同佢爹哋。」Wendy亦認同,更笑言:「覺得呢啲機會不屬於我哋。」



揀男神唔睇家底

兩人同聲表示對劉鳴煒沒興趣,Audrey笑言:「個節目入面二揀一,焗住揀,就算揀游學修都有人話。」問到她們心目中的男神時,Wendy表示要外貌與言談有自信,家底是其次:「我自己嘅男神係關楚耀,覺得佢30歲年紀成熟。」而Audrey則心儀黃子華:「佢成熟又風趣,呢方面最吸引,男神唔一定要有錢,係遙不可及,用嚟J吓。」對於劉鳴煒曾發表過買樓,要少去日本及唔睇戲等言論,二人都認為無問題,指他只想帶出要儲蓄的關鍵。採訪:王連連





來源: http://hk.apple.nextmedia.com/entertainment/art/20160115/19452327
受聘 幫華 華置 旗下 商場 派錢 錢轉 港女 女埋 埋劉 劉鳴 鳴煒 煒身
PermaLink: https://articles.zkiz.com/?id=294243

美聯「派錢」搶員工

1 : GS(14)@2016-03-13 02:28:00

【同行挖角】樓市交投稍見回升,代理圖收復失地,隨即出招搶人。美聯昨起推出「推薦獎金」計劃,向員工派錢希望他們介紹其他代理行的精英加盟,獎金總額達20萬元。美聯物業住宅部行政總裁布少明表示,近期代理僧多粥少情況持續,但有不少買家入市新盤,為招募更多行內有業績的代理加盟,故3月份特別推出「推薦獎金」計劃。期內由該行員工成功介紹一批業界精英加盟,其生意額達到特定金額,該推薦者將可獲得獎金。他指,如獲推薦的員工,在加盟前一年的生意額達200萬元,推薦者將可獲得1萬元獎金;生意額為100萬元則有3,000元。此舉擺明向其他代理行挖角。布少明指,因過去數月樓市表現欠佳,有不少代理流失,現時較去年高峯期少220人,所以要擴充實力。



中原看淡拒跟隨

中原地產亞太區住宅部總裁陳永傑認為,目前樓市只是「寒冬中見少少陽光,未去到回春」,所以不會向其他同行挖角。「反而應該獎勵近兩、三個月一齊捱過寒冬、又有成績的員工」。他指本月首兩星期生意額逾6,000萬元,加上快有新盤推出,料全月生意可達2.2億至2.3億元,應可止蝕,但只是追回過去兩個月見紅的失地。





來源: http://hk.apple.nextmedia.com/financeestate/art/20160312/19526345
美聯 派錢 員工
PermaLink: https://articles.zkiz.com/?id=297671

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019