ZKIZ Archives


派糖無用 左丁山


2009-02-06  AppleDaily


 

政 府宣佈,○八至○九年財政年度收支截至去年十二月底,有三百零九億元盈餘,消息一出,又有人要求派糖、退稅。到今年三月底,呢筆盈餘即使仍然存在,左丁山 都認為一動不如一靜,政府收埋算嘞,無謂搞咁多嘢,過往派糖、退稅,究竟對本港經濟有何刺激?香港啲經濟學家有冇做過深入分析呀?如果有嘅話,左丁山承認 未見過,未睇過,聽好多人吹水就聽得多。

根據粗略印象,政府派糖退稅過後,本地GDP不動如山,外圍要衰退嘅話,香港難以獨善其身,派多多糖也無用。○八 /○九財政年度之稅收,係按照○七/○八年(至三月底止)嘅公司盈利,個人收入等徵收嘅,大家都知道○七年四月一日至○八年三月三十一日,非常好景,打工 仔花紅特多,公司盈利好到不得了,故此到咗○八年十一月以後交稅時期,庫房收入非常好;但係,○八年四月一日至今年三月三十一日,大家嘅收入好唔好呀?公 司盈利好唔好呀?心裏有數啦,即係話於○九年十一月以後嘅庫房稅收,與今個財政年度同期相比,只會減少,不會增加,假設政府預算不變或有輕微增加,下一個 財政年度必然有赤字,可能好大o忝。

故此今個財政年度如有盈餘,留番嚟預備下年赤字好過。咁咪好唔進取?各國紛紛增加支出,大搞基建,不惜財赤大幅度增加 喎!要知道,香港不同一般國家,香港係海島型經濟,漏斗效果(leakage effect)十分嚴重,千億元基建使費,有好多用以購買外地建材,外地顧問,外地建築專才嘅,唔會產生甚麼乘數效果(multiplier effect),唔好以為請多啲本地建築工人就達到目標。此外,香港唔可以印銀紙,發債券集資唔會大規模,邊度有資格學人哋呀。如彭定康上次來港在FCC 演講話齋,我哋要千萬注意,不可在此經濟不景時期,以挽救社會經濟之名,大搞甚麼工業政策與社會工程呢樣嘢,我哋唔會搞得叻過新加坡;哼,新加坡嘅經濟萎 縮嚴重好多呀!
派糖 無用 左丁 丁山
PermaLink: https://articles.zkiz.com/?id=5639

派糖 百萬倉 - Start from One Million

http://philipleung168.blogspot.com/2011/02/blog-post.html

沽 3061 4200@9.49; 308 24000@1.59; cop 60@598.92
買 696 16000@7.08


到今個月此刻, 恆指都係行番上個月咁既樣板, 不經不覺都行咗差唔多半年, 悶到嚇到有啲人要清倉. 係恐懼之牆前, 係咁上下出力爭持下, 半年結前后波幅應大得多.

中旅又要再試底, 以前都要想溝咁話, 但擺埋一邊, 就算一路輸啲銀碼即係一路縮, 對總組合影響少咗, 溝就未搞嘞, 除非而家無貨, 所以自身位置點都會有唔同因應, 大前提都係要點平衡風險回報. 睇番自家組合, 中美冰火兩重天, 所以睇住目前數據去炒, 都係幼稚園而已, 但炒吓炒吓, 啲水都係要揾番啲超回報嚟再炒過, 不過唔知幾時啫. 油價係咁標上去, 但中石化同其他油股對沖咗, 遲啲點都要落番啩. 東尼倉重新上路, 首剔出中鋁同華能, 華能就無乜異議, 雖則本人持貨槓桿蝕住投機咁話, 但啲唾棄股加番啲耐性, 大都跑贏大市既, 之所以股沽神都沽 bac 都唔會沽住, 起碼而家賣壓小得多.

跌到二萬三樓下, 循例都買吓貨坐吓, 除 820 外, 就係再補番啲 696, 表面睇嚟好似唔係平, 但九成係現金, 呢隻又係以虛嚟揾虛, 真係超安全, 爆上嚟又夠勁, 講講吓好似買藥咁, 好在本人唔識心口碎大石.

港人所謂公平, 就係自己無錢分, 或者共人地既銀而已. 金融風暴后, 個時真係滿目瘡痍, 但派吓派吓, 就好似老馮咁, 係乜要人人都要回水, 不如乜都派哂算, 仲抽稅做乜先. 一個無民意支持既政權, 本身又無政治 (起碼管治) 理念, 對住一班呱呱嘈既壓力團體, 咪得出咁既年複一年既搞局囉. 朱鎔基零四年已提出深層次矛盾, 咁多年又無釐清定義過乜先, 唔好話解題嘞. 以本人見解, 香港有三坐大山要跨, 一係住屋, 二係教育, 三係政改, 其他都係枝節而已. 回歸后董氏都係呢三個問題著力, 房策唔識轉膞同微調, 乜鍋都自己揹哂, 其方向及功效對小市民其實有利, 對大商家就當然不利, 賭得勁既中產咪燒炭囉.  其次教育政策分化標籤咗中英教學, 好事變咗壞事, 最后結果就係變回微調貴族教學咁話, 呢啲就真係唔公平, 就好似愛因斯坦咁勁, 如無阿哥阿爸做校友, 又唔係教徒, 又唔係住豪宅, 又無前局長老竇, 都幾難入到啲直資, 仲話點再上一層樓, 係班入面攞多幾罐罐頭都怕且得既. 反方向逆潮流既政改更不消提囉.  如下任政府特首有清晳理念去搞掂呢三個問題, 話知佢乜背景, 我就無任支持佢嘞.

派糖 百萬 萬倉 Start from One Million
PermaLink: https://articles.zkiz.com/?id=22783

派糖有矛盾 左丁山

2011-2-28  AD





 

曾司長宣讀預算 案,內容不過不失,新意欠奉,《蘋果》頭版標題話「全城喊打曾俊華」,未免誇張一啲,起碼有好多「意外得益」之人,會拍吓手掌。左丁山就係其中之一,受惠 MPF多六千蚊,全年差餉寬減共六千元,再加電費津貼一千八百,加埋共有一萬三千八百,壹生發,幾唔錯吖。信差M住在彩虹邨,亦直情笑到四萬咁口,佢計過 有六千元強積金,兩個月公屋租金,一千八百元電費,等於出雙糧。但係政府派糖,幾難惠及全體市民七百萬人,怨聲連連,在所多有。財爺出席三台聯播,聽市民 電話,罵者佔大多數,可見社會上有不少怨氣;聽真啲,就係人人為自己唔抵。電話之中,聽講最多人要講MPF,預算案第177段講:「強積金和職業退休計劃 一直發揮協助就業人口儲蓄的作用,使他們的退休生活得到更佳保障。為增加有關計劃成員的退休儲蓄,我建議為所有在二○一一年二月二十三日已成為強積金計劃 或職業退休計劃下受香港《僱傭條例》涵蓋的成員的人士,向他們的強積金戶口一次過注入6,000元。這次的注資建議不設收入上限,希望協助更多市民為退休 作好準備。這既不會增加通脹壓力,也是我們現在財政上可負擔的。」原來有好多市民唔知道自己有冇份,對職業退休計劃亦不甚了了,特區政府要認真詳細解釋, 令市民明白多啲。曾司長上面講到:「不會增加通脹壓力」,其實聽眾要求退稅,司長話會增加「通脹壓力」,但一般市民聽極都唔明。其中道理並不複雜,經濟學 理論老早說明退稅、減稅、貨幣寬鬆等措施為「膨脹性」的(expansionary),旨在刺激經濟增長,帶動物價上升在所不惜,呢啲政策通常在不景氣時 候出台。反之,在經濟好好景,GDP增長強勁,通脹率去到4.5%(全年預測)嘅時候,退稅或送現金畀市民就是鼓勵通脹繼續向上,故此曾司長一於唔制。但 矛盾在於,佢同時派糖(差餉、電費、免公屋租等)近二百億元,此外又增加公共開支676億元,呢啲唔係expansionary嘅話,你話係乜?市民即使 明白退稅係通脹性嘅道理,亦覺得政府言行不一,唔順氣啫!


派糖 糖有 矛盾 左丁 丁山
PermaLink: https://articles.zkiz.com/?id=22873

派糖

做財經我地經常留意經濟數據,呢個星期本地焦點就放到農曆年零售銷售、又或者是澳門博彩收益,但原來有個數據、好易被人忽視,但其實已經響起警號!

講緊係本地貨櫃碼頭競爭力,去年貨櫃吞吐量由前年排名第四,進一步跌至第五位,如果光陰倒數十年前,香港港口排名是全球第一,曾經是全港最繁忙港口,可惜今時今日已經風光不再。

香港港口吞吐量,已經連續18個月下跌,唔好睇少呢個行業,香港既港口直接聘用近10萬員工,而相當物流及貿易佔本地經濟活動近四分一,由大型國際貨船營運商、到小營進出口代理,維繫著大量相關行業同數十萬員工生計。

由零售、地產、以至投資、港口貿易、甚至領「一時風騷」既金融行業,都因為市場波動、而出現大量倒閉裁員,據聞今年財爺對經濟前景評估,相當唔樂觀。

去年本港GDP,大行預測都唔樂觀,而政府之前預算,全年增長2.4%,消息相信係可以達到,特別提到,當中有1個百分點屬於政府刺激措施,而呢個亦成為新一分預算案主題。

中環消息話,特首同財爺對係咪繼續派糖,有好大分歧,甚至引起激辯。觀乎最新消息連公屋一個月免租都無埋,咁新一分預算案仲有咩可以憧憬?

又唔需要太擔心,基於財爺對今年經濟評估相當審慎,甚至乎估最差可能無增長,因此今年預算案會一改慣例,即使預測下年度未必有大量盈餘,政府仍然會以提振經濟、刺激內需為目的,增加開支。

睇嚟刺激內需,唔單止係內地奉行、連財爺都緊跟中央路線。大摩已經估計,對個別受重創行業、包括零售、旅遊同貿易相關,都有紓緩措施,希望可以推動經濟發展。

只可惜香港既深層次矛盾、唔單止在個別行業、而是廣泛存在於政治經濟社會層面。而且產業結構年年講要改善,但年年都舉棋不定。

面對阿爺叫停人民幣國際化,香港金融最獨特既賣點都逐漸失色,難怪超人一早預警、今年「生意難做」。
派糖
PermaLink: https://articles.zkiz.com/?id=185963

AIA派糖 搶攻MPF新客 黛安

1 : GS(14)@2012-11-05 23:31:03

http://www.skypost.com.hk/column ... 6%B0%E5%AE%A2/47024
回到辦公室,桌上放着一個色彩繽紛的糖果包,原來是美國友邦(AIA)的強積金宣傳品。
強積金半自由行今個月實施,全港打工仔對自己的退休儲備有更大的「話事權」,可調動僱員部分的強積金供款到自選戶口投資。黛安早前亦收到HR的電郵介紹有關安排。由於目標客戶由26萬僱主,擴展到250萬名打工一族,涉及資產值逾3800億元,多家代理都出招吸引客人「轉會」。
Sticky糖果 印獨特字樣
AIA本身是三大強積金服務供應商之一,今次AIA送來的糖果包,外形醒目,內涵十足,糖果出自澳洲品牌手拉糖果店「Sticky」手筆,不但味道眾多,最特別之處是可以為客人Tailor made字樣或圖案。男友曾經在相識紀念日,訂製了一批印有我倆名字的糖果逗黛安歡喜,回想起來都甜到入心。今次收到這款,每顆中央都清楚印有「AIA MPF」的字樣,信息夠晒突出。
黛安嗒着糖果,致電AIA退休金管理及信託行政總裁謝佩蘭(Bonnie)道謝,順道八卦一下AIA的宣傳策略。Bonnie同黛安分享,色彩斑斕的糖果代表市面上五花八門的選擇,新安排下,市民統統「有得揀」。不過未必人人有意識要「change」,所以公司上星期四(即計劃實施首日)起一連七日,就安排「糖果卡車」在港九新界各處巡遊派糖,宣揚「有得揀」的信息;而早兩日亦於美孚、屯門同金鐘進行路演,解答市民對強積金半自由行的疑難。
享管理費回贈高達0.45%
Bonnie說留意到不少人都只重點集中在基金管理費上,其實亦應考慮基金選擇、表現及服務平台的靈活度等。黛安看過AIA MPF的推廣,新客戶可享永久每年0.2%的管理費回贈,首年回贈最高達0.45%。
問Bonnie是否會忙上好一陣子,她就說公司為了把握機遇,早在年初已「加緊練兵」,為前綫中介人員提供超過550場培訓,向他們介紹新的法規,提供市場最新資訊及加強銷售技巧。目前,AIA已有5300人擁有強積金中介人牌照,佔總註冊人數近兩成。有這麼多同事幫手,難怪Bonnie如此放心。
AIA 派糖 搶攻 MPF 新客 黛安
PermaLink: https://articles.zkiz.com/?id=281849

270億撥房屋儲備 派糖勢減

1 : GS(14)@2014-12-19 17:17:06

http://www.mpfinance.com/htm/finance/20141219/news/ec_gaa1.htm

【明報專訊】為應付未來10年興建29萬個公營房屋單位,政府決定設立「房屋儲備金」,把政府財政儲備今年的投資收益270億元全數撥入房屋儲備金,由金管局投資。據了解,政府未來的財政年度仍會用類似方法撥錢儲備金,最終料涉款逾千億元,待政府與房委會達成財務協議後,向立法會財委會申請一筆過抽走儲備金,以較長遠地解決房委會的財政問題。有專家估計,「分帳」後,政府「派糖」空間不多(見另稿)。

曾俊華:料房委赤字 及早綢繆

財政司長曾俊華昨宣布成立房屋儲備金,並已指示金管局,將今年約270億元原本分帳給政府的投資收益,全部撥入新設立的房屋儲備金,放在金管局投資,本金及滾存的收益都會用來支持興建公營房屋及相關配套基建。

曾俊華說,根據長遠房屋策略,未來10年,本港要興建20萬個公屋及9萬個屋居單位,估算房委會將出現龐大赤字,需要政府大額注資,因此「及早綢繆」、分期撥備,減低政府財政收支波動。政府消息人士說,投資的屬一般基金,不會屬高風險投資;至於會否是恆常安排,即每年都以投資收入撥備,消息指仍在考慮,但不會只撥款一年。

消息人士指出,政府估計未來數年的財政都穩健,故趁機撥備為房屋籌謀,總好過房委會財政狀出現問題時一次過申請注資;政府將與房委會商討財務協議,確定注資金額後,會向立法會財委會申請從房屋儲備金取款注資,屆時可能是下屆立法會的事,因房委會未來數年財政仍穩健。

房委會目前有600多億元儲備,估計至2018/19年才會跌至約280億元,但要在10年內興建29萬個單位,則估計要至少逾千億元。如今年建屋開支127.73億元,亦較2013/14年度的99.01億元增加28.72億元。

房委會資助房屋小組委員主席黃遠輝認為,政府分期注資到房屋儲備金較佳,未來5年房委會開支已有初步估算,估計至少到2018/19年,房委會財政儲備低至300億元才有需要動用注資。

房委會財務小組委員會主席蘇偉文說,270億元只足夠興建2萬多個公營房屋單位,估計未來政府仍會繼續注資。

關焯照:長遠房委應自負盈虧

經濟學者、長策會成員關焯照表示,房委會現時管理70多萬間公屋,長遠會增至90多萬間,年年補貼維修、管理,現時再增建單位,長遠只會不斷補貼,政府或應交由房委會自負盈虧,主動出售公屋,方式可再商議。蘇偉文亦稱不排除任何建議,但要顧及公平。

■明報報料熱線﹕inews@mingpao.com / 9181 4676
2 : GS(14)@2014-12-19 17:18:33

http://www.mpfinance.com/htm/finance/20141219/news/ec_gaa2.htm

【明報專訊】政府去年估計2014/15年度會有91億元財政盈餘,經濟學家關焯照則估計會有200億至300億;但過去兩個年度的預算案紓困「派糖」,都是動用約200億至300億元。長遠財政計劃工作小組委員王銳強稱,原本或「分帳」給政府的200多億,現時撥入基金,確實可解作派糖空間不多,因「個餅不會變大」,但認同有關做法是有財政紀律,未雨綢繆。


政府消息人士稱,今次將270億投資收益直接撥入房屋儲備金,即政府營運收入會減少這筆錢,盈餘會因而減少。他說,設立房屋儲備金不是迴避庫房水浸問題,只是趁財政穩健,未雨綢繆。

梁家傑:應及時用於醫療教育

公民黨郭家麒批評政府巧立名目,轉移視線,試圖令公眾「封嘴」,不再批評政府的房屋政策不足,房委會的儲備其實足夠應付未來5年的建屋計劃。身兼房委會委員的公民黨梁家傑稱,財政司長曾俊華續做「守財奴」,把錢「放埋一邊」,應及時將公帑用在醫療、教育等。

另一房委會委員、工聯會黃國健說,資金並非最大問題,建屋量能否達標,最重要有土地。另一房委會委員、民建聯葉國謙則稱設立儲備金合適。

房委會未來平均每年要建2萬間公屋、9000間居屋,若計算建築成本,每間公屋平均要70萬元,建20萬公屋,即要約1400億元;至於9萬居屋則約要900億。對於現時只有680億元盈餘的房委會,約足夠興建6萬多個單位,估計2018/19年時會只剩200多億元盈餘,不足興建額外單位數量。
270 億撥 房屋 儲備 派糖 糖勢 勢減
PermaLink: https://articles.zkiz.com/?id=286792

預算案退稅上限或增至萬五向中產派糖 子女免稅額加至八萬

1 : GS(14)@2015-02-12 08:37:34





■財政司司長曾俊華。資料圖片


【本報訊】庫房水浸,中產與基層一樣有糖分。據了解,受惠於樓市辣招稅收及其他收入,今年財政盈餘將由原預計的九十一億激增至六百億,財政司司長曾俊華在廿五日發表的財政預算案,除了會繼續提出公屋免租等基層紓困措施,也會向中產派糖,包括退稅百分之七十五、上限為一萬五千元,供養子女免稅額亦由目前七萬增至八萬。記者:許偉賢 陳雪玲消息稱,曾俊華會在農曆新年前「拍板」決定各項紓困措施,並在新年期間閉關撰寫新一份預算案。據了解,受惠於幾大原因,包括樓市辣招雙倍印花稅的稅收、賣地收入較預期好,以及立法會拉布令不少工程未能上馬致支出大減,加上今年仍然收取上一財政年度「和味」的利得稅庫房盈餘由去年預計的九十一億增加約五倍至六百億。由於庫房水浸,據了解,政府認為不應在此時「閂水喉」,擬趁好景向市民派糖。中產階層過去一直不滿被政府忽視,預算案考慮這一點,繼續扶助基層之餘,同時向中產報喜,包括提高退稅上限。據了解,薪俸稅及個人入息課稅方面,納稅人料可獲退稅百分之七十五,上限或增至一萬五千元。政府去年及前年也分別向納稅人退稅,上限分別為一萬元及一萬二千元;若今次退稅達一萬五千元上限,是近年新高。而政府前年退稅一萬二千元,庫房當時少收約八十九億。




庫房或少收逾百億

與此同時,子女免稅額料也由目前七萬增至八萬,即特首梁振英選舉時的承諾水平。當局上次增加子女免稅額是在二○一三年,當時由六萬三千元增至現時七萬元。消息稱,當局亦會一如去年寬免首兩季差餉,每戶每季以一千五百元為上限。多個政黨均對政府向中產派糖表示支持。經民聯林健鋒稱,政府既然擁有多達六百億盈餘,退稅上限調高至一萬五千元是理所當然。自由黨黨魁方剛也稱退稅一萬五千元對中產是好消息,並指今年經濟環境或不穩,「今年唔易過,退稅係好事」。中產聯盟一直力倡今年預算案應向中產退稅二萬元,主席彭長緯指,「如果退稅真係有萬五蚊,都算唔錯,中產唔可以成日都冇糖派」。對於盈餘遠超預期,香港稅務學會理事王銳強指,「淨係額外印花稅嘅收入,加上拉布令基建唔可以上馬嘅支出,呢度都成五百億啦」,他認為政府無法預期辣招及其他工程撥款何時通過,「所以估錯數都唔係佢哋嘅責任」。王銳強預料,退稅一萬五千元或令庫房少收逾百億。另外亦有消息稱,曾俊華有意在財政預算案中再宣佈發行與通脹掛鈎債券(iBond),今次發行額有望達一百億元,雖然今年息口有回升壓力,但港府考慮到市場仍保持低息環境,發行iBond仍可吸引一些希望有保本投資工具,但回報不跑輸通脹的市民,同時也可促進本地零售債券市場發展。





來源: http://hk.apple.nextmedia.com/news/art/20150212/19039241
預算案 預算 退稅 上限 增至 萬五 五向 中產 派糖 子女 免稅額 免稅 加至 至八 八萬
PermaLink: https://articles.zkiz.com/?id=287780

歸隊 寰亞派糖留人 側田嗒完閃投Paco

1 : GS(14)@2015-06-11 12:39:36

2015-06-11 NM


北上搵食無錢途,12年側田死死地氣回歸香港,簽約寰亞娛樂旗下。眨吓眼三年合約屆滿,公司歌手走吓一個又一個,為氹側田續約留低,公司開水喉,幫側田開了兩場《We Touch Live 2015世界巡迴演唱會》;臨尾派糖,但當事人已落實轉會,重投Paco(黃柏高)懷抱,加盟太陽娛樂,同近期大熱人劉浩龍做同事。拖字訣

轉投寰亞三年,只派過兩隻歌上台,連大碟都未出過的側田,上週五(六月五日)在紅館舉行一連兩場《We Touch Live 2015世界巡迴演唱會》。個唱開三面台,主力咬老本唱舊歌,但舞台設計絕不馬虎,樂隊同dancer的陣容更加可以同場數多的巨星有得揮。公司咁落本,全因滿約在即的側田,對續約一直表示有興趣但又未肯作實。「近一兩年公司啲歌手走得七七八八,側田雖然唔算一線,但起碼唱得又可以創作,公司都好想keep住佢。」一名寰亞唱片職員透露。早在今年初,寰亞方面已開始搵側田傾續約,起初雙方都有來有往,但到二月中,側田的態度開始轉淡,多次以忙於應付演唱會做藉口,一味拖!

回復狀態

續約拖住先,但為了今次個唱,側田多次向公司爭取製作費加碼,以為側田一心要做好演唱會,加上可以此作為續約籌碼,寰亞配合開水喉,豈料側田已暗中同舊老細黃柏高傾掂數。「阿田呢三年工作唔多,大碟又拖住唔出,佢對寰亞已經再冇信心,咁啱Paco搵到,個offer又唔錯,有機會走梗係搏吓啦!」側田身邊人透露。過去三年,側田人氣同十年前初入行差一大截,新歌又唔hit,但兩場演唱會入座率依然超過九成,一度肥腫難分的側田更積極修身,十足狀態。演唱會後,記者在慶功宴追問側田同寰亞續約一事,他眉頭一皺說:「我唔comment呀,sorry!做完騷我唔講呢啲!」在旁目及實的經理人林珊珊馬上將側田拉走!
歸隊 寰亞 派糖 留人 側田 田嗒 嗒完 完閃 閃投 Paco
PermaLink: https://articles.zkiz.com/?id=290789

Ana R.派糖賀女百日

1 : GS(14)@2016-04-23 18:37:50

Ana R.


混血模媽Ana R.近月專心湊BB,原來她與老公Brad的囡囡Maya已經100日大,Ana好有心思地以Maya的成長相片,造成肖像棉花糖禮盒派給親友,當中包括Maya穿着韓服、腳板仔、兩父女、兩母女及一屋狗狗溫馨合照等。Ana更在禮合中發卡留言:「有了Maya,Brad和我都好感恩,身邊因此充滿了愛,Maya已急不及待想見親友。」





來源: http://hk.apple.nextmedia.com/entertainment/art/20160423/19582471
Ana R. 派糖 糖賀 賀女 百日
PermaLink: https://articles.zkiz.com/?id=299596

李彩華變幻球派糖

1 : GS(14)@2016-08-09 07:33:02

■李彩華昨在微博晒三點式泳照,上圍離奇升cup。


夏日大解放!人妻林夏薇、何嘉莉及最近封盤的李彩華昨日輪流在網上派糖,她們不約而同出海曬身材,在社交網貼三點式泳裝照。論睇頭,身材偏瘦的李彩華心口突然多了幾両肉,認真神奇!採訪:非非





來源: http://hk.apple.nextmedia.com/entertainment/art/20160809/19728234
李彩 彩華 變幻 球派 派糖
PermaLink: https://articles.zkiz.com/?id=305120

港府換屆年 憧憬中央派糖

1 : GS(14)@2017-04-13 22:37:31

【本報訊】A股向來有「炒地圖」傳統,即資金炒起一個地域板塊後,之後會輪流炒其他地域概念。典型例子包括2013年的自貿區炒作,炒完上海股後,之後輪流炒天津、廣東、福建等被傳即將設立自貿區的區域。由於雄安新區概念股已經暴升,粵港澳大灣區成為下一個「炒地圖」目標,被視為集齊天時、人和、地利因素。天時方面,內地及香港今年均為換屆年。內地慣例,換屆前後必然大興土木,振興經濟,以利政權平穩交接。林鄭月娥以低民望當選,總理李克強在前日會見時特別提及「債券通」和粵港澳大灣區規劃,派糖意味甚濃。內地多個投資網站指,新區設立可以為香港底層年輕人提供就業機會,緩解對大陸的偏見和極端情緒。人和方面,即將升任國家領導人的現任特首梁振英,表示將在6月、即卸任前夕,向中央提交粵港澳大灣區規劃意見,除表明與林鄭為一體外,亦顯示該規劃非常迫切。地利方面,內地傳媒近期密集報道港珠澳大橋即將通車,再成為炒作催化劑。




來源: http://hk.apple.nextmedia.com/financeestate/art/20170413/19988906
港府 換屆 憧憬 中央 派糖
PermaLink: https://articles.zkiz.com/?id=330370

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019