ZKIZ Archives


主持ViuTV《歐遊全細界》蔡雪瑩跳脫追夢

1 : GS(14)@2016-05-21 13:13:37

■蔡雪瑩離開主播崗位,化身準媽媽及ViuTV節目《歐遊全細界》主持,在鏡頭前回復活潑個性實現夢想。攝影:陳慧安


【ViuTV專訪】繼《跟住矛盾去旅行》後,ViuTV全新旅遊節目《歐遊全細界》找來前年除下新聞主播光環的蔡雪瑩,與陳子豐到訪7個歐洲小國。蔡雪瑩實現了在鏡頭前跳脫表現的夢想,不過她卻大呻後悔,忍不住說:「點解露出真我!」陳子豐大讚拍檔說:「我哋公司都係實況娛樂,其實除咗去廁所之外,所有嘢都畀你睇晒!」撰文:何慧斯蔡雪瑩現懷有5個半月身孕,她和陳子豐主持的ViuTV節目《歐遊全細界》今晚10時半首播,兩人日前在柴灣接受本報訪問,重提拍攝時的旅遊點滴,仍然密密傾密密笑:「我哋今次係20日去7個國家拍攝,但係其實如果計埋我哋留咗腳毛嘅地方,直頭有十幾個,淨係內陸機都坐咗5次,就算坐車都要喺凌晨出發。」今趟過程趕急,不過提到旅遊模式,蔡雪瑩笑說:「我哋去咗7個地方,我就做咗6次有錢人,試過連啲工作人員未玩都認定子豐係輸家,搞到子豐都忍唔住投訴!」子豐續說:「10蚊歐元(約88港元)真係好難用,只係夠用嚟坐晒車,變咗我食飯嗰陣都會黐住佢哋,食佢哋跟餐啲麵包充飢。」接着蔡雪瑩又說:「佢仲試過喺盧森堡一間中國餐廳幫手洗碗先可以有飯食,搞到啲老闆以為啲亞洲女仔成日都糟質啲男人。」可惜他們很少會去到旅遊區,商舖早早關門,大部份金錢都花在食物上。



■陳子豐跟蔡雪瑩合拍,回憶一年前旅遊趣事相當開心。

今晚10時半首播【盧森堡】■蔡雪瑩與陳子豐暢遊歐洲7小國,體驗當地生活。

■蔡雪瑩展露真我,身旁的陳子豐亦受感染。



同住青年旅社

提到行程難忘經歷,原來三男三女拍攝隊曾入住青年旅社睡上下格床,蔡雪瑩笑說:「有朝早起身化妝見到洗手盆全部都係鬚,跟住咪叫佢哋要檢點啲,點知有個攝影師好快自首,不過佢又話試過喺洗手盆見到一條完整嘅假眼睫毛。子豐知道自己鼻鼾聲好大,佢通常會等我哋瞓晒先再上床,真係好有公德心!」子豐搞笑地說:「其實除咗去廁所之外,所有嘢都畀你睇晒!」曾經是新聞主播的蔡雪瑩,參與過不少主持工作,今次是首次主持旅遊節目,她笑說:「嗰陣做啲節目好資料性,好正經又斯文,但係今次唔係,有好多地方都係未開發,唔單止令我體驗自然環境,仲實現咗我喺鏡頭前好跳脫嘅夢想,但係我而家好後悔,點解露出真我!」子豐亦說:「出發前只係見過一次,點知佢一落機就咁樣,佢仲係一個好捱得嘅女仔,搞到我上咗癮同其他主播做節目。」至於會否希望繼續合作?蔡雪瑩笑說:「本來同監製講咗,下次再做記得預埋我,但係我而家又有個囝囝,未必可以行到咁耐。」服裝: Weekend Max Mara(蔡雪瑩)





來源: http://hk.apple.nextmedia.com/entertainment/art/20160518/19615933
主持 ViuTV 歐遊 遊全 全細 細界 雪瑩 跳脫 追夢
PermaLink: https://articles.zkiz.com/?id=300551

姚子羚認歐遊見家長

1 : GS(14)@2016-07-09 06:47:31

■姚子羚早前跟男友一行十四人歐遊。互聯網圖片


姚子羚覓得如意郎君,跟鄭子邦「的士邦」公開戀情之後,近日頻傳出婚訊,姚子羚最近跟男友和其家人一行十四人歐遊,有報道指她成功博取「的士邦」的家人認同,有望逼婚成功。姚子羚接受傳媒訪問,回應逼婚一事時說:「冇逼婚,感情嘅事係冇得逼,就算逼番嚟都唔會幸福,亦都唔會開心,所以而家我哋拍得好順其自然,隨緣亦都好開心,多謝大家關心,成日想了解我哋結婚消息,真係暫時未,總之有好消息會話畀大家知囉!」鄭氏歐遊團姚子羚是得到男友邀請,她說:「呢個trip其實佢同屋企人定咗好耐,之前係我去唔到因為要開工,之後因為套劇個期遲咗,我就有期一齊去,係佢叫埋我一齊去嘅!同埋唔係得佢屋企人,有其他人㗎,今次好開心,佢屋企人好好,都見過。」採訪:非非





來源: http://hk.apple.nextmedia.com/entertainment/art/20160708/19685631
姚子 子羚 羚認 認歐 歐遊 遊見 家長
PermaLink: https://articles.zkiz.com/?id=303012

【馮仁昭四圍超】王菀之孖老公歐遊造人

1 : GS(14)@2016-08-17 08:01:35

王菀之噚日到港台接受雷頌德訪問,她話將到芬蘭同一位玻璃藝術家合作,順道同老公蘇卓航去旅行。咁會順便造人嗎?佢臉紅話:「唔係,日日都順其自然,造人嘅嘢。」講到歐洲治安問題,佢話已改咗一個歐洲之旅,但覺得出外旅遊到任何地方都要小心,亦唔會帶貴重物品。有乜準備應急措施?她笑話:「我嘅應急措施都係望住隔籬嗰個(老公)。」撰文:馮仁昭




來源: http://hk.apple.nextmedia.com/entertainment/art/20160817/19739043
馮仁 仁昭 四圍 王菀 菀之 之孖 老公 歐遊 遊造 造人
PermaLink: https://articles.zkiz.com/?id=306267

陳浩民獎老婆歐遊

1 : GS(14)@2016-12-28 08:12:19

微博圖片



陳浩民太太蔣麗莎(Lisa)最近和朋友去歐洲旅行,展開自駕遊的她,目前在冰島,她前日回覆本報指要去睇北極光,可惜兩晚出動都因太大雪,失望而回。至於留在港的陳浩民,就去捧張學友演唱會場,他自言不介意留港照顧子女:「好彩有外母幫手,老婆平時湊小朋友都好辛苦,假期畀佢出去玩吓,呢份係獎佢嘅聖誕禮物,我畀自己份禮物就係開工同湊仔。」採訪:陳杰




來源: http://hk.apple.nextmedia.com/entertainment/art/20161228/19878612
陳浩 民獎 老婆 歐遊
PermaLink: https://articles.zkiz.com/?id=320345

曉明帶父母來港見Baby姚子羚同「的士邦」家人歐遊

1 : GS(14)@2016-12-30 02:58:06

賭王何鴻燊四房公子何猷啟自從公開認戀,女子少女標本成員之一袁紫僑(CoCo)後,佢哋都愛得好高調吓,不時喺社交網絡晒愛之餘,日前猷啟就帶咗女友CoCo見媽媽梁安琪,相信佢哋感情都幾穩定吓!而過去好多藝人帶同另一半見家長後,都好快有喜事,唔知幾時會到猷啟同CoCo呢。黃曉明 Angelababy去年結婚嘅曉明大哥同Baby,其實早喺13年,佢哋拍咗拖三年嘅時候,曉明大哥就帶住父母嚟香港,同Baby去灣仔嘆日本菜,咁黃爸爸同黃媽媽當然對呢個新抱仔好滿意,而佢哋仲好快會有抱孫添喇!周柏豪柏豪上月被爆同拍拖10年嘅女友Stephanie,秘密喺布吉結婚,13年,《蘋果》都影到佢帶住o依家嘅老婆仔Stephanie同爸爸、媽媽喺冬至嗰日食飯。李彩華轉戰大陸賺到盆滿砵滿,身家八千萬嘅富婆李彩華,去年就帶住過氣「新五虎」男友何遠恒,返佢大坑嘅屋企,同佢家人一齊食團年飯。姚子羚「見家長」除咗食飯,原來去旅行都係一個好好嘅選擇,今年7月,35歲姚子羚就同男友「的士邦」鄭子邦舉家14人組團歐遊,睇嚟子羚已順利過咗的士邦父母嗰關!




來源: http://hk.apple.nextmedia.com/entertainment/art/20161229/19880329
曉明 父母 來港 港見 Baby 姚子 子羚 羚同 士邦 家人 歐遊
PermaLink: https://articles.zkiz.com/?id=320510

太陽歐遊遇詐騙

1 : GS(14)@2017-01-17 01:55:30

韓國天團BIGBANG成員太陽近日與友人到歐洲旅遊,卻遇到詐騙。太陽前晚於Instagram自爆,有一名黑人主動上前攀談,謂很喜歡他的髮型,並遞上手環表示做信物,誰知對方反向太陽索取5元歐元(約41港元)。太陽指雖然知道是騙子,但仍然付款,並幽默地表示:「For our friendship(為我們的友誼)」粉絲紛紛留言提醒他要注意安全。




來源: http://hk.apple.nextmedia.com/entertainment/art/20170116/19897987
太陽 歐遊 遊遇 詐騙
PermaLink: https://articles.zkiz.com/?id=322836

【馮仁昭四圍超】伍家謙歐遊遇扒手

1 : GS(14)@2017-03-23 06:27:28

伍家謙同楊偲泳噚日喺銅鑼灣hmv為一個旅遊網宣傳,伍家謙分享自己去歐洲嘅睇波心得,楊偲泳就分享背包遊經驗。伍家謙話以前做採訪經常去歐洲,親眼見到扒手出沒,自己都防不勝防,記得有一次去西班牙旅遊,五個人一齊租車,其中一位係當地人,叮囑大家落車要小心,話口未完伍家謙落車就俾人搶銀包。佢仲話過往去咁多國家,最危險嘅係巴西。撰文:馮仁昭




來源: http://hk.apple.nextmedia.com/entertainment/art/20170322/19965558
馮仁 仁昭 四圍 伍家 謙歐 歐遊 遊遇 扒手
PermaLink: https://articles.zkiz.com/?id=328401

【紆尊降貴】周杰倫帶老婆坐廉航歐遊

1 : GS(14)@2017-04-13 22:40:28

傅嘉莉搭廉航去峴港會純官猛將莊天龍,其實由英國王室到周杰倫都愛坐廉航。


周杰倫

周杰倫於上月與陀住第二胎的老婆昆凌去西班牙度假,乘搭票價大概700元的歐洲廉航Vueling,由巴黎飛到巴塞隆拿。



何猷君

上月中乘坐香港航空由香港去上海,友人在機艙遺留護照,二人被迫瞓機場兼滯留7小時,事後有職員認得「賭王公子」身份而獲特權,他在微博留言嘆坐經濟艙獲不公平對待。


威廉王子

英國威廉王子與太太凱蒂都是廉航用家,15年威廉被拍得坐廉航瑞安航空由倫敦飛蘇格蘭,而夫婦就坐easy Jet到瑞士滑雪度假。


何韻詩

13年11月,搭新加坡酷航到當地工作,之後在facebook大鬧服務不周,投訴座位似80年代機艙、商務位冇枕頭、櫃台態度差,向對方投訴對方懶理。




來源: http://hk.apple.nextmedia.com/entertainment/art/20170413/19988681
紆尊 尊降 降貴 周傑倫 周傑 老婆 坐廉 廉航 航歐 歐遊
PermaLink: https://articles.zkiz.com/?id=330409

張振朗拖女友歐遊認戀情

1 : GS(14)@2017-05-27 08:54:27

■張振朗與女友在荷蘭放下戒備,陳芷尤蹺實男友手行街。讀者提供圖片



【爆相爆片】現年29歲的張振朗,多次被影到跟34D陳芷尤拍拖,死口不認。直至本月22日被《蘋果》讀者梁小姐透過《爆相爆片》,分享在荷蘭阿姆斯特丹見到張振朗及陳芷尤拍拖,梁小姐表示:「當日見到張振朗同陳芷尤喺當地市中心搵嘢食,由於四周都係外國人,二人放下戒備,陳芷尤仲蹺實男友手,喺一間餐廳門口睇menu。」梁小姐續謂:「見到佢哋已經夜晚7點,兩個都係着住情侶牛仔裝。佢哋應該打算搵餐廳食晚飯,見佢兩個買咗好多嘢,男仔就負責拎幾袋戰利品。」對於拍拖歐遊一事,張振朗回覆傳媒時默認:「多謝關心,我哋玩得好開心。」採訪:非非




來源: http://hk.apple.nextmedia.com/entertainment/art/20170527/20035016
張振 振朗 朗拖 女友 歐遊 遊認 戀情
PermaLink: https://articles.zkiz.com/?id=334204

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019