ZKIZ Archives


月結 - 摩擦 百萬倉 - Start from One Million

http://philipleung168.blogspot.com/2010/09/blog-post.html#comments



今年以嚟內銀股真係跑輸哂大市, 仲未計嗰啲花旗金融毒股定埋格. 好似啲阿伯抄功課咁, 睇吓啲 a h 金融股差價, 由二成至三成不等, 咁就當係貴過廿五巴仙, 都唔好話唔厲害. 查番市面啲 a 股金融 etf, 有 2829, 2844 同 3061, 跟 nav 溢九至十二巴仙左右, 雖則貴啲, 但沽本地買番做套戥番一折, 除笨都有精. 2829 有十個對家做衍生合成, 2844 同 3061 則只有德銀做莊, 投資要計清楚風險, 啲合成都有啲似迷債架, 爆起嚟都一齊爆啩.

網上口水戰又討論價值投資同技術買賣優劣, 都係各說各話而已, 咁討論法都係改唔到對方. 講真, 如果對方死唔改, 以自己為正確為前提, 咁係咪對自己更有利呢. 之所以, 其爭也不以利, 只為口水贏對方而已. 就算明顯如股神或索老, 都有人辯駁, 拎埋張 statement去說人都係唔會入腦架嘞.  每一套路數, 最主要包括主要信念同相關技術. 但講到信念, 即係得個信字, 係咪真真係莫宰羊. 好似技術基本信念就係市場會重複自己, 價值投資就信每一項資產都有內含價值一樣. 由此信念就推導出各相應技術, 咁咪好似封閉自已自說自話一樣. 而一個學說可操作與否, 最后都係睇能否於現實中持續獲得盈利. 本人就無可無不可, 但有點要注意, 操作方法要切合自己性格, 反正條條大路通羅馬, 筆者唔會死板一塊, 但如對自己都唔誠, 欺完人變內化欺己, 咁就危人危己矣.

而呢兩套睇法, 最大分歧應係對風險既睇法同對其保險操作. 睇圖就話價值加死注溝淡長喳, 隨時爆煲, 起碼跑輸.  價值就話睇圖反覆買賣, 似盲頭烏英, 咪益哂啲劵商, 滿手茄薯或對沖合約, 一大升跌咪跑輸大市, 個市點會咁易估先, 睇錯仲即刻爆煲添.  其實每套心法都有其風險管理方法, 一注獨贏, 死咗唔關價值事啩, 似腦殘多啲囉.  同樣嚟講, 如果賭約夠分散同有勝算, 長賭都應有合理盈利既.  所以投資最緊要係風險管理, 一路賺咁又點, ltcm 爆煲一次就夠囉.

市面啲基金佬猛推快閃交易, 要免印花咁話. 記得最近睇既 "隠藏的邏輯" 一書, 其中用電腦模擬戯院眾人走火路線設計, 直覺認為走火門愈暢通愈好, 點知實驗下原來係出口處放番條圓柱啲死傷仲少啲. 類比下, 無咗印花, 睇落好似交易順暢咗, 但風險亦提高咗, 因大家都可以大沽大買嚟保險同食差價, 睇番歷史, 八七同今年閃電暴跌都係癹生係花旗, 所以有啲摩擦反而可減低大波動風險. 交印花稅怕且唔係一件愉快既事情嚟, 但買得股點都有啲閒錢, 唔同佢抽唔通打啲窮鬼主意, 當抽賭佣囉, 係第二度加咪仲大濟. 其實咁快賭法, 對投資者, 有乜益處呢, 啲對手咁强, 咪盞死.

百萬倉咁耐都無計過交易費, 咁都好似唔係咁誠. 假設咁多年收息率同大市一樣, 一年一半轉倉,總交易費為 0.3 巴仙 及 平均資產為二百萬, 咁每年交易費為 200 萬 x 0.3% =  hkd 6000, 中間跨時為 5.25 年, 總費用為 31500 元. 以后交易都會計埋犘擦.

月結 摩擦 百萬 萬倉 Start from One Million
PermaLink: https://articles.zkiz.com/?id=18290

月結.相變 百萬倉 - Start from One Million

http://philipleung168.blogspot.com/2010/10/blog-post.html


呢個月狂升去二萬四邊未到, 嘟一聲又跌番落嚟, 由狂喜聳動, 又去番猶疑, 都幾得意既, 反正啲錢就係咁上上落落架嘞, 穏唔住都係食唔到跟住既大浪. 衝破三千位前已經有博友已話要清以上蟹貸, 一破啲人有鬧强姦金咁多年做咗啲乜. 可見人心已思動, 就好似啲水份子被冰封咁耐, 而家慢慢銷溶緊, 跟住份子既運動已不能用上一套去估算, 唔好話去鬥傻, 但心態要微調, 怕高就唔玩到啲高波波了, 技術上破咗三萬一先算嘞.

xlf 係抵, 咁又成年都係得個桔. 想吓跟住一年係會點, 睇嚟都係國內金融股值博得多, 起碼融資一步就到位, 唔使陰啲陰啲慢慢儲, 拖住點去升. 咁就微調啲注碼, xlf 睇吓仲有冇起色, 唔係就睇其他位再轉. 惠理謝清海加注得咁猛, 下年惠理必有場大龍鳳. 八十后話蓄唔到首期, 咁就買信和當儲蓄, 起碼首期個筆肯定唔會脫脚, 樓價跌番咪係本金賺番囉, 唔好諗住點都兩面賺, 唔好交易得咁幼稚.

月結 相變 百萬 萬倉 Start from One Million
PermaLink: https://articles.zkiz.com/?id=18808

派得好投資組合月結 (Sep 2011) PARTIPRAL - ROAD TO FINANCIAL FREEDOM

http://partipral-hk.blogspot.com/2011/09/sep-2011.html

投放本金: $106,100.00
組合市值: $113,067.99
帳面賺蝕: +6.6% (上月月結: +21.3%)

投資組合單位面值: 67.35
(上月月結: 76.53 / 2010年7月1日起始值: 60.00)

股息總計: $5,520.00
股息率: 5.20%

今個月買賣:
23 SEP 買入大快活1,000股@$9.55

相 對於8月9號既滅絕式下跌, 9月份既恐慌情緒其實比之前漫延得更快, 受影響版塊幅蓋得更廣. 大跌市既初期, 我地會好明顯留意到REITS算係守得幾穩, 始終有高息支撐, 跌幅唔算大之餘反彈力度亦相當強. 但去到今個月, REITS亦終於要倒下. 個人覺得相對上質素較佳既越秀(405)同領匯(823), 已開始慢慢失去避險功能, 究竟現時吹得熱烘烘既內地資金鏈斷裂最終影響會有幾深遠呢?

從來投資路上要進步只有透過不斷反省, 檢討及修正. 堅持每個月做月結, 其實係方便自己更容易了解究竟係做岩定做錯. 仲好記得上個月低位沽出3,000股大快活後先知原來係幾近摸底沽貨, 心入面其實係暗啞底DUM春. 事後回望, "沽貨"既動作應該無做錯, 只係時機可能掌握得唔好. 提升現金比重後, 今個月組合雖然大跌12%, 但相對來講個人已算頗滿意.

唔想做太多不負責任既預測, 只係想講現時股市明顯係相當危險, 熊市已來, 長倉組合唯一可以做既就係先打好防守, 為他日進攻作好準備, 個人覺得三成現金比重係最起碼既水平. 雖然自己上個禮拜最後都抵唔住頸要買回大快活(52), 事後看其實我都承認係心急左, 正路做法係立即沽出認錯, 但顧慮到熊市重來大部份企業盈利皆會倒退, 反而係大快活可能有機會力保不失, 所以暫時仍然決定保留, 等待業績後再決定如何善後.

再談持倉水平, 我自問HOLDING POWER甚強, 現階段就算100%滿倉然後拋低一句 "我就同你鬥長命" 其實我都有本事做得出. 亦能承受高風險, 萬一有日聯亞突告停牌清盤, 自覺仍然有力東山再起. 不過若然明知盈利會倒退, 派息會減少, 股價會下跌都依然盲目買貨, 就可能係近乎不理智既愚蠢行為.

未面對過熊市, 基本上難言識唔識打理一個投資組合. 有幸初涉股場就面對逆境, 其實係一個相當好既考驗. 個人建議現階段既心態應該係勇敢面對自己組合 (縱然蟹貨一大籮), 承認錯失, 然後改正. 我自己都一手蟹貨, 唯一可以做既就係繼續分享自己既處理方法, 唔敢講係皇道, 但或者有機會俾到大家靈感.

最後想講下小小近期觀察. 時間廊近期開舖似乎相當進取, 見最近兩個禮拜開左兩間轉角位舖, 人流肯定唔少, 但相信租金亦會幾拿利. 當然, 相對莎莎(178)來講時間廊呢D只係小巫. 我呢排就親身體驗到咩叫行十步見另一舖, 莎莎究竟搞邊科? 另外, 近月免費報紙混戰亦進入白熱化階段, 記得當日特步(1368), 361度(1361), 匹克(1968)輪流上市, 結果最後齊齊玩完. 餅就得咁大, 7仔4蚊已經買到份東方, 個人比較關心係晴報最後會否火燒經濟日報大本營. 基本上寶光(84)同經濟日報(423)暫時都係掂都唔可以掂. 壞消息充斥下, 見羅開揚淡市拎幾十萬出黎增持大快活, 心入面稍稍泛起一絲暖意.

======================================================
 
上月月結: 派得好投資組合月結 (AUG 2011)


派得 得好 投資 組合 月結 Sep 2011 PARTIPRAL ROAD TO FINANCIAL FREEDOM
PermaLink: https://articles.zkiz.com/?id=28195

派得好投資組合月結 (Oct 2011) PARTIPRAL - ROAD TO FINANCIAL FREEDOM

http://partipral-hk.blogspot.com/2011/10/oct-2011.html

以今日收市價計, 投資組合現時持股狀況:


PARTIPRAL STOCKS PROFOLIO (OCT 2011)

投放本金: $108,600.00
組合市值: $121,882.99
帳面賺蝕: +12.2% (上月月結: +6.6%)

投資組合單位面值: 71.12
(上月月結: 67.35 / 2010年7月1日起始值: 60.00)

股息總計: $7,215.00
股息率: 6.64%

今個月買賣: N/A

經過八九月既震撼式大瀉, 十月份港股竟然可以大拗腰急升近4千點埋單, 相信呢段時間好多人, 包括我自己, 體會得最深既一句說話應該係: "這是一個牛熊共舞既年代". 雖然指數短短一個月內已經重上二萬點, 但中間既過程, 今日再回望已有恍如隔世之感.

市場步速加快, 波動巨大, 固然會令好多人覺得難以適應. 但諗深一層, 若然唔係埋頭炒市, 其實又何必要適應? 急跌急彈, 可以有機會大勝, 但同時亦可以有機會大敗. 事後回望, 錯失絕世低位撈貨既機會固然可惜, 但若然一直都有保持一定持倉水平, 低位守得住無沽, 及後反彈, 組合其實已經不自覺地跟住回升唔少.

為自己組合操作, 其實最重要係打返自己步速同認清目標. 令狐沖一套獨孤九劍連敗江南四友, 關鍵只在於出招隨心所慾, 運轉如意. 自認無能力貼市炒賣, 倒不如平常心面對大起大跌. 相比之下, 最終效果其實亦未必會太差. 沉迷市場, 不能排除左一巴右一巴既情況會發生響自己身上. 奪命金入面凸眼龍呢個角色, 絕對係某部份投機者既最佳寫照. 個人覺得就算無機會好似何韻詩, 劉青雲咁神奇地一朝發達, 可以做得到黃日華日日賣紙皮收CASH, 其實都幾盞鬼.

剛剛轉左新工, 除左以後無花紅無雙糧之外, 其餘條件都算唔錯. 十一月份會陸續有公司公佈業績, 應該可以抽到時間出黎打理下呢個荒廢左一陣既BLOG. 另外個人極度推介奪命金, 有時間既話不妨一睇.

======================================================
 
上月月結: 派得好投資組合月結 (SEP 2011)


派得 得好 投資 組合 月結 Oct 2011 PARTIPRAL ROAD TO FINANCIAL FREEDOM
PermaLink: https://articles.zkiz.com/?id=28954

派得好投資組合月結 (Dec 2011) / 半年結 PARTIPRAL 派得好

http://partipral-hk.blogspot.com/2011/12/dec-2011.html

PARTIPRAL STOCKS PROFOLIO (DEC 2011)

投放本金: $113,600.00
組合市值: $123,828.46
帳面賺蝕: +9.0% (上月月結: +8.2%)

投資組合單位面值: 69.34
(上月月結: 68.72 / 2010年7月1日起始值: 60.00)

股息總計: $8,065.00
股息率: 7.10%

今個月買賣: N/A



其實聽日仲有市, 本來呢篇文應該聽日先寫, 但因為可能無時間, 所以趁今日得閒寫左先, 其他數據後補.

2011年轉眼又就快過, 呢個BLOG亦都已經岩岩好開左一年, 雖然文章產量唔多, 但最起碼係自己個組合依然仲健在, 已經算係一件頗值得安慰既事.

當初有打算建立一個投資組合, 當係儲錢又好, 當係乜都好啦, 開頭其實唔會覺得係一件太難既事. 扮勤力睇下年報, 計下數, 睇下P/E派息, 咁就OK. 但實踐落黎先發現其實要構建一個成功達到正回報既組合並非想像中容易.

每個人都有自己既選股喜好, 無分對錯我亦無能力作出批判, 純講我自己. 單睇表面證供, 新昌管理(2340.HK), 亞倫國際(0684.HK)同龍記(0255.HK)都應該係正當公司, 但偏偏自己今年輸得最甘既就係呢三隻. 有時候回報會說話, 無可能明明蝕到仆直仲大嗌市場唔理性.

嘗試檢討當中失敗既原因, 後兩者會比較明顯, 就係忽略公司周期性而心急入貨. 記得買入龍記既時候係今年2月, 大市正係響高位徘徊, 市場氣氛其實算頗正面, 而撞正龍記就快出全年業績, 有種執輸行頭慘過敗家既心態, 仆都仆到入左貨先講. 工業股10倍P/E可能唔算貴, 但一定唔叫平, 好驚唔買遲D升左無得買既心態, 同時亦忽略左宏觀經濟條件, 變相盲目將缺點美化. 呢個其實係一個好好既經驗, 尤其係對初涉股海既我黎講, 當時未經歷過後來見萬六點果種跳樓式斬倉, 根本唔會明白乜野叫平貨.

亞倫國際既情況亦類同, 唯一有少少分別既係當時亞倫公佈左一份唔太理想既業績後我先仆去入貨, 但講到尾其實都係心急累事. 排除極端情況, 一間公司由高峰滑落, 無乜可能好似跳樓機咁直插地面, 業務走下坡前多數會有轉角位露多少端倪. 而亞倫今年6月尾果份業績正正係業務轉角位, 以呢個位置手持去年業績而做買貨切入點可能會一個比較錯既選擇, 下次應該避免.

最後講新昌, 反而表面最唔知衰乜可能係呢隻. 業務穩定, 派息紀錄良好, 息率高呢D全部都係賣飛佛FACTORS. EVENTUALLY大敗而回, 原來係輸在唔捨得. 我記得我係舊年7月尾買新昌, 但同年8月尾已經公佈左一份頗難睇既業績, 而自己繼續持有既藉口係俾時間公司轉型. 到最後等足一年, 公司結果都係無起色, 一樣係要斬纜離場. 相對前兩者我會覺得投資新昌既失敗日後會比較難避免, 但有一個令損失減輕既做法仍然值得備忘, 就係減注. 見勢色唔對路, 先行縮注, 降低有可能受到既損傷程度, 都好過繼續一廂情願.

以上可能之前都有講過, 但怕自己唔記得, 所以都係寫多次, 希望新一年投資投巧可以再進一步. 2011年對投資者黎講可能係好難捱, 但請放心, 2012年可能會更加難捱.

有關個人對2012年既展望, 其實係傾向較悲觀同保守, 除左因為係世界末日年之外 (笑), 本身大家面對緊既問題亦似乎愈黎愈難解決, 歐債危機講到口臭, 但依舊沒完沒了; 大陸HARD LANDING, 十年一覺A股夢等等都係頗令人沮喪. 壞消息係好多, 所以我認為來年第一季整體股市表現會依舊一池死水, 不過就算下跌, 都好大可能係陰跌INSTEAD OF 8,9月果種不問價拋售. 因此, 就算對股市信心不大, 但唔代表需要完全絕望. 因為只要唔係恐慌式喪插, 好股票仍然有很大機會跑贏大市.

好鍾意 "嚦咕嚦咕新年財" 入面既一句非常有激勵性既對白: "越難打既牌就越要俾心機打". 依家既情況正正係咁. 雖然未知一個又一個既難題最終有咩解決方法, 但世事難料, 往往轉角位就係響最艱難既時候出現, 尤其係當普遍基金持倉水平都偏低既時候, 下望空間其實唔會太多. 故此, 一定要有雨後陽光既信心, 先會睇到機緣無限.


 

 

 

 

 

 

 

 

 

 

回顧2011年投資組合表現, 年頭既單位面值係63.06, 年尾係69.34, 升左差唔多10%, 無論以絕對表現計抑或相對表現其實都應該頗令自己滿意. 最大功臣看似係聯亞帶來既一倍升幅; 但以全個組合睇, 最大功臣其實係唔覺唔覺既股息收入, 佔左總回報超過5成. 邊個話股息無用?

派得 得好 投資 組合 月結 Dec 2011 半年 PARTIPRAL
PermaLink: https://articles.zkiz.com/?id=30312

派得好投資組合月結 (Mar 2012) PARTIPRAL 派得好

http://partipral-hk.blogspot.com/2012/03/mar-2012.html
以今日收市價計, 投資組合現時持股狀況:

PARTIPRAL STOCKS PROFOLIO (MAR 2012)

投放本金: $123,100.00
組合市值: $163,199.05
帳面賺蝕: +32.6% (上月月結: +26.9%)

投資組合單位面值: 85.51
(上月月結: 81.44 / 2010年7月1日起始值: 60.00)


派得好投資組合每日表現

股息總計: $8,135.00
股息率: 6.61%

今個月買賣:
6 MAR 賣出亞倫4,000股@$2.26
14 MAR 買入利亞2,000股@$3.96
26 MAR 賣出龍記2,000股@$3.81
27 MAR 賣出聯亞3,000股@$5.15



今個月組合做左兩個算係比較重要既決定 (雖然以金額計不值一哂), 其一係將亞倫沽出換馬至利亞; 其二係將龍記沽出套現若然不計聯亞, 基本上目前已經再無持有任何工業股. 我必須承認當初買亞倫 (117), 買龍記 (112) 都係買貴左, 最後蝕錢收場, 事後回望實在合理不過. 業績無起色, 來年派息條件可能再降固然係走貨原因之一; 其次係既然股價已由去年低位反彈不少, 起碼唔係沽在最低位, 心理上會比較好過; 其三係兩股比起10年低位 (舊文) 仍然有不少溢價, 但實際上目前公司無論業績, 抑或經營環境均有可能比年更差. 細價股市場反應往往會較慢, 今日好心分手, 等他日重現曙光後再續前緣, 應該比繼續苦苦糾纏為佳.

截至三月, 組合2012年回報23.3%, 回望一月時曾經被大市放甩十幾個馬位 (舊文), 到今個月指數股要回氣, 自己組合穩步向前, 迎頭趕上, 更證明當初堅持專注控制好自己步速, 不為市場所動既心態正確.

大勝忌輕浮, 自知做得理想, 但亦無必要自我膨漲, 自吹自擂. 反而仍然記憶猶新既係去年8,9月份股市跌極唔停既一段黑暗日子, 由於當時現金水平極低, 全程只有捱打一份. 成手蟹貨, 連少少走位空間都無果種無助感, 今日重溫舊文, 仍然心有餘悸. 前事不忘, 後事之師, 正因為今個月組合回報再上一層樓, 就更應該有所警惕, 勿被一時勝利沖昏頭腦.

近日大陸民企陸續出事, 加上新地聯席主席郭氏兄弟被廉署拘捕, 兩大事件皆會影響投資者信心. 其實某部份大陸股有內在問題並唔係新鮮事, 普遍投資者應該都早有心理準備. 就算係小型基金, 押重注訓身買中爆煲股既情況應該唔會出現. 可能最終博士蛙, 大慶, 澳優, 寶姿, 歲寶等等真係復牌無望, 但由於市場上仍然有過千間公司, 只要繼續有得炒, 過得一段日子, 停牌股是死是活可能已經無乜人會再關心, 所以個別民企爆煲所對股市造成既打擊應該有限.

郭姓兄弟被拘留一事相對上會係黎得更加震撼, 而且打擊力度亦可能會更持久. 始終新地係大藍籌, 很難想像若然兩人最終罪成(雖然最起碼都要等一年半載後), 香港整體企業形象會出現幾大變化. 加上傳媒落力渲染, 刻意將此事同特首選戰拉上關係, 更令人猜疑類似黑幕日後會否愈掀愈多, 火燒連環船.

壞消息很多, 雖然未去到世界末日既地步, 但仍然值得適度提高警覺. 尤其係今年以來股市反彈甚多, 投資者持盈避險, 人性使然. 以此作為藍本去審視自己倉位, 基本上都應該係以增持現金為主. 遇到有疑點既股份, 就要加倍留神. 例如龍記(255)來年能拗腰翻身既機會應較細, 值得先沽為敬; 聯亞減派末期息, 理論上問題不大, 但既然略有戒心減持部份亦不為過. 反正組合處相對高位, 操作上倒不如退一步先打好防守. 雖然難以準確預測未來股市如何發展, 但起碼要向自己保證萬一稍後巨浪再來, 亦唔會重蹈去年覆轍, 綁住手腳任人魚肉.

派得 得好 投資 組合 月結 Mar 2012 PARTIPRAL
PermaLink: https://articles.zkiz.com/?id=32300

派得好投資組合月結 (Mar 2012) PARTIPRAL 派得好

http://partipral-hk.blogspot.com/2012/03/mar-2012.html
以今日收市價計, 投資組合現時持股狀況:

PARTIPRAL STOCKS PROFOLIO (MAR 2012)

投放本金: $123,100.00
組合市值: $163,199.05
帳面賺蝕: +32.6% (上月月結: +26.9%)

投資組合單位面值: 85.51
(上月月結: 81.44 / 2010年7月1日起始值: 60.00)


派得好投資組合每日表現

股息總計: $8,135.00
股息率: 6.61%

今個月買賣:
6 MAR 賣出亞倫4,000股@$2.26
14 MAR 買入利亞2,000股@$3.96
26 MAR 賣出龍記2,000股@$3.81
27 MAR 賣出聯亞3,000股@$5.15



今個月組合做左兩個算係比較重要既決定 (雖然以金額計不值一哂), 其一係將亞倫沽出換馬至利亞; 其二係將龍記沽出套現若然不計聯亞, 基本上目前已經再無持有任何工業股. 我必須承認當初買亞倫 (117), 買龍記 (112) 都係買貴左, 最後蝕錢收場, 事後回望實在合理不過. 業績無起色, 來年派息條件可能再降固然係走貨原因之一; 其次係既然股價已由去年低位反彈不少, 起碼唔係沽在最低位, 心理上會比較好過; 其三係兩股比起10年低位 (舊文) 仍然有不少溢價, 但實際上目前公司無論業績, 抑或經營環境均有可能比年更差. 細價股市場反應往往會較慢, 今日好心分手, 等他日重現曙光後再續前緣, 應該比繼續苦苦糾纏為佳.

截至三月, 組合2012年回報23.3%, 回望一月時曾經被大市放甩十幾個馬位 (舊文), 到今個月指數股要回氣, 自己組合穩步向前, 迎頭趕上, 更證明當初堅持專注控制好自己步速, 不為市場所動既心態正確.

大勝忌輕浮, 自知做得理想, 但亦無必要自我膨漲, 自吹自擂. 反而仍然記憶猶新既係去年8,9月份股市跌極唔停既一段黑暗日子, 由於當時現金水平極低, 全程只有捱打一份. 成手蟹貨, 連少少走位空間都無果種無助感, 今日重溫舊文, 仍然心有餘悸. 前事不忘, 後事之師, 正因為今個月組合回報再上一層樓, 就更應該有所警惕, 勿被一時勝利沖昏頭腦.

近日大陸民企陸續出事, 加上新地聯席主席郭氏兄弟被廉署拘捕, 兩大事件皆會影響投資者信心. 其實某部份大陸股有內在問題並唔係新鮮事, 普遍投資者應該都早有心理準備. 就算係小型基金, 押重注訓身買中爆煲股既情況應該唔會出現. 可能最終博士蛙, 大慶, 澳優, 寶姿, 歲寶等等真係復牌無望, 但由於市場上仍然有過千間公司, 只要繼續有得炒, 過得一段日子, 停牌股是死是活可能已經無乜人會再關心, 所以個別民企爆煲所對股市造成既打擊應該有限.

郭姓兄弟被拘留一事相對上會係黎得更加震撼, 而且打擊力度亦可能會更持久. 始終新地係大藍籌, 很難想像若然兩人最終罪成(雖然最起碼都要等一年半載後), 香港整體企業形象會出現幾大變化. 加上傳媒落力渲染, 刻意將此事同特首選戰拉上關係, 更令人猜疑類似黑幕日後會否愈掀愈多, 火燒連環船.

壞消息很多, 雖然未去到世界末日既地步, 但仍然值得適度提高警覺. 尤其係今年以來股市反彈甚多, 投資者持盈避險, 人性使然. 以此作為藍本去審視自己倉位, 基本上都應該係以增持現金為主. 遇到有疑點既股份, 就要加倍留神. 例如龍記(255)來年能拗腰翻身既機會應較細, 值得先沽為敬; 聯亞減派末期息, 理論上問題不大, 但既然略有戒心減持部份亦不為過. 反正組合處相對高位, 操作上倒不如退一步先打好防守. 雖然難以準確預測未來股市如何發展, 但起碼要向自己保證萬一稍後巨浪再來, 亦唔會重蹈去年覆轍, 綁住手腳任人魚肉.

派得 得好 投資 組合 月結 Mar 2012 PARTIPRAL
PermaLink: https://articles.zkiz.com/?id=32356

派得好投資組合月結 (May 2012) PARTIPRAL 派得好

http://partipral-hk.blogspot.hk/2012/05/may-2012.html
以今日收市價計, 投資組合現時持股狀況:

PARTIPRAL STOCKS PROFOLIO (MAY 2012)

投放本金: $138,100.00
組合市值: $177,853.92
帳面賺蝕: +28.8% (上月月結: +34.6%)

投資組合單位面值: 85.49
(上月月結: 88.97 / 2010年7月1日起始值: 60.00)


派得好投資組合每日表現

股息總計: $8,325.00
股息率: 6.03%

今個月買賣:
31 MAY 賣出海通證券1,200股@$10.62
31 MAY 賣出聯亞集團2,000股@$5.10


五月份大市以收近全月低位作結, 雖然月尾曾經試圖反彈, 但結果仍然失敗收場. 個人認為目前並非進攻時候, 就算有一定持貨能力, 亦應該保留一定實力以方便將來部署. 一如早前計劃, 今早趁海通逆市做好, 當然借勢沽出結數. 現時沽貨當然肯定不能沽在最高位, 但所謂沽在最高買在最低其實只不過屬美麗妄想, 所以都無謂過份計較. 另外午市亦沽出小部份聯亞, 經過今日, 套現行動基本上已經完成, 先穩住組合回報乃當前首要任務, 下一步就要等6月份業績期後再作打算.

現時仍然持有股票, 因為相信經營生意, 沒可能因為恆指跌數千點而關門大吉. 去年8,9月股市急挫, 好公司壞公司通通跌個不停. 但後來雨過天晴, 證實有大量公司仍然可以繼續生存, 兼且繼續做大做強. 投資公司, 仍然最需要信念, 起碼要確信公司有能力再次向上, 就算股價受壓, 其實亦只屬過渡性質. 公司價值不一定等於股價, 值得永遠記住. 除選股之外, 我認為散戶操作投資組合時, 儘量收窄戰線亦屬相當關鍵. 無疑投資多幾間公司有助分散非系統性風險, 但若然資金並非龐大, 持股過份分散只會令組合舉步為艱, 效果其實遠比持有數間精選而自己又熟悉之公司差. 尤其當絕對金額並非太大, 就算不幸遇上公司爆煲, 組合亦不致會太難復原, 與其如此, 其實倒不如放手一搏.

之前提及過IBOND屬近期必買項目, 由於IBOND基本上沒有蝕錢可能, 作為香港市民當然要全力支持. 今年大部份人都似乎打算用孖展入飛, 最終每人獲分配數量肯定將會進一步被拉低. 只得十五萬人入場, 抽四十四手或以下可獲全數分配之情景今年肯定不再復見. 假設今年入場人數比去年多一倍, 若然每人最終可以獲分配3,4手已算相當不錯. 參考去年經驗, 認購IBOND仍然有地方需要注意. 首先因為今次IBOND會沿用上次一債兩市機制, 若然透過銀行認購, IBOND上市初期只能於債券戶口買賣, 即與銀行進行交易. 但由於銀行報價往往比港交所市場報價低1-3%不等, 投資者打算即抽即沽的話, 回報應會甚差. 雖然投資者可以選擇將IBOND轉至股票倉, 再透過港交所以股票形式進行買賣. 但根據往年經驗, 銀行於過程中收取轉倉費可能高達$500, 結果銀行仍然成為整個交易行動中最大得益者.

今期IBOND預計數手難求, 通漲壓力回落亦影響利息回報. 既然預期獲利有限, 就應更加要小心選擇適當投資途徑. 銀行店大欺客, 投資者其實仍有迴旋餘地. 部份證券行除提供免息孖展外,認購, 買賣手續費相對上亦較銀行便宜. 既然證券行願意放下身段, 散戶亦應該以行動證明銀行並非最佳, 亦非唯一選擇.

派得 得好 投資 組合 月結 May 2012 PARTIPRAL
PermaLink: https://articles.zkiz.com/?id=33984

派得好投資組合月結 (Sep 2012) PARTIPRAL 派得好

http://partipral-hk.blogspot.hk/2012/09/sep-2012.html
回顧九月份, 港股大升超過1千點. QE3出台後, 實物資產類型如地產發展, 收租等公司備受追捧; 而上月底做月結時曾經提及過既黃金單月亦急升近100美元, 準備再度挑戰千八大關.

今次聯儲局推行QE3以每月400億美元之規模購入不動產抵押貸款證劵 (Mortgage Backed Securities, MBS), 而所謂MBS, 其實即是金融機構將大量房產按揭貸款包裝成類似債券產品於金融市場上銷售. 當MBS有聯儲局包底埋單, 可以預期銀行日後對房產按揭審批上理應會比以往寬鬆; 加上本身QE1, QE2, OT等操作早已將利率壓低, 房地產市場交投量可望有所提升. 而更多新盤動工亦有助降低失業率, 刺激消費, 最終令經濟走出谷底.

雖然最終QE3成效是否可以如此理想尚待時間證明, 但以此假設作為投資藍本, 美國相關股票未來好一段時間都會繼續跑贏. 創科(669)備受品題, 價亦已在高位, 但若然美國樓市繼續轉好, 公司則必然會受惠, 加上估值不算貴, 屬中線趁低吸納對象. 更直接方法乃轉戰美股, 美國房屋建築指數基金(ITB.US), 或直接買S&P 500 ETF (IVV.US)皆可以.

目前中國經濟情況仍然令人擔心, 上證指數持續尋底, 就算央行放鬆銀根, 除大型國企之外根本無太多公司可以受惠. 退而其次, 中小企唯有靠發高息企業債借錢. 本身生意已經難做, 人工年年喪升, 原材料價格亦長期處於高位, 利息成本如此沉重, 只會更加打擊利潤. 民間消費亦已經開始轉弱, 中國相關類股份暫時不宜沾手.

個人操作上亦開始放棄中國概念, 曾經研究過利邦(891.HK), 長線而言有機會於內地高檔服裝市場跑出, 但目前形勢明顯不配合, 所以放棄買入. 專注本地公司, 自己今個月開始進駐永安國際(289.HK). 除公司旗下物業頗值錢之外, 股息回報亦算有保證, 配合市場開始對實物資產型公司改觀, 個人對永安中線表現甚具信念. 今個月出席過大快活股東會, 主動發問後管理層回覆雖然簡短但尚算直接; 個人結論係公司十一月份中期業績應該無太大驚喜, 既然股價已經挾升甚多, 會後翌日亦趁高減持.

展望第4季, 坊間普遍傾向相信由於基金經理要努力追數, 港股表現應該差極有限. 個人則認為短期內利好消息已出得八八九九, 指數又已在高位, 目前追買本地藍籌指數股值搏率並不算高. 至於上月曾提及過既黃金, 好倉暫時適宜先行套利, 等確認打爆千八大關後再重新進場, 動力應該會更勁.
派得 得好 投資 組合 月結 Sep 2012 PARTIPRAL
PermaLink: https://articles.zkiz.com/?id=38231

派得好投資組合月結 (Oct 2012) PARTIPRAL 派得好

http://partipral-hk.blogspot.hk/2012/10/oct-2012.html
投資組合現時持股狀況:

24% 大快活集團(0052.HK)
22% 永安國際 (0289.HK)
19% 和電香港 (0215.HK)
6% 惠理集團 (0806.HK)
6% 聯亞集團 (0458.HK)
5% 利亞零售 (0831.HK)
4% 永旺 (0984.HK)

14% 現金


投資組合單位面值: 90.90 (+5.1% / YTD: +31.1%)
(上月月結: 86.45 / 2010年7月1日起始值: 60.00)

派得好投資組合每日表現

今個月買賣:

19 OCT 買入惠理3,000股@$4.10


政府上星期再度出招打壓樓市, 今日林少陽既分析個人相當認同. 基本上首輪SSD推行後之樓價走勢已證明炒家已非推高樓價元兇. 用家主導之下, 首輪SSD只不過將頭一年既購買力壓縮至第二年爆發出來, 現時再將SSD年期加長, 除左確實令二手盤數量再次減少之外, 完全睇唔到此政策有助壓抑樓價; 至於BSD, 當然會直接打擊一手樓樓價以及銷情, 但比較受影響主要都係豪宅. 香港樓市之中, 豪宅同一般用家根本分成兩個市場, 所以對普羅市民而言BSD絕對唔會令你比以前輕鬆上車. 而BSD背後更重要既意義係反映緊政府開始出招出上癮, 過份粗暴干預市場, 香港中共化味道愈來愈濃烈. 當市場欠缺自由度, 又何來再有吸引力?

十月恆指再升近4%, 明顯RISK OFF之下板塊輪流炒作, 期間普遍個股表現皆甚理想. 臨近年尾, 投資者先開始慢慢發現原來今年響股市賺錢係頗為容易. 套用黃子華棟篤笑既一段, 大家去戲院睇鬼片, 散場先知套戲根本無鬼, 入場咁耐原來白驚一場. 仲講緊甚麼危機, 甚麼大選, 甚麼硬著陸, 擔心左成年, 但大家今時今日拉開櫃筒發現原來仲過得好好地, 就會開始明白股市從來不容易預測. 過份投入估計股市走勢, 反而可能得不儐失.

時來風送滕王閣, 牛氣充天之下立心跟炒只需要勇氣, 技術含量反而唔高; 怕死既話立心堅持做好防守, 現時可以做既野實際上唔會有太多, 反而係應該趁機會調節心態, 摒棄眼紅貪念, 胡亂棄關出迎. 就算要搏, 只用現金搏其實已經足夠.

檢視個人組合, 十一月大快活會公佈業績, 近日公司股價明顯借翠華上市又再炒上, 有機會係整個行業估值再度提升, 所以今次無必要太急再沽, 可以等業績出籠後再定去向; 和電近月股價大幅跑輸, 當初買入之時都係當買公用股收息, 暫時未見有特別因素令派息大減, 但單憑估值下調一點都足以拖低股價, 自己持倉水平偏高, 有必要認真考慮如何換馬, 避免因為信心過大而輸入肉; 永安近期升得甚急, 由於個人估計現價$22股息率仍有4.5厘左右, 未算特別偏貴, 所以暫時唔會考慮套利. 呢類老牌公司難得低位買到唔錯比重, 就無謂立亂賣走. 其餘持股方面, 惠理純粹短打, 無太大信念, 仲有空間加多一注, 但上下望10-15%都會打包離場; 聯亞暫無新催化劑, 股價低位橫行; 永旺表現甚弱, 估值其實亦偏高, 幸好8月尾早已高位減持一半, 現時只宜繼續觀望; 相映成趣既反而係利亞, 估值偏貴但股價仍然一再破頂, 自問唔識睇, 都係渣住先就算.

JESSE LIVERMORE名句"BIG MONEY IS MADE BY SITTING.", 要贏錢, 要緊要依然係好股坐定定.

派得 得好 投資 組合 月結 Oct 2012 PARTIPRAL
PermaLink: https://articles.zkiz.com/?id=39310

派得好投資組合月結 (Dec 2012) / 半年結 PARTIPRAL - ROAD TO FINANCIAL FREEDOM

http://partipral-hk.blogspot.hk/2012/12/dec-2012.html
投資組合現時持股狀況:

49% 恆隆集團(0010.HK)
10% 英皇娛樂酒店 (0296.HK)
7% 中國國航 (0753.HK)
6% 京信通信 (2342.HK)
5% 大快活集團 (0052.HK)
5% 稻香控股 (0573.HK)

18% 現金

投資組合單位面值: 90.33 (1.2% / YTD: +30.3%)

(上月月結: 89.26 / 2010年7月1日起始值: 60.00)

派得好投資組合每日表現

今個月買賣:

5 DEC 買入英皇娛樂酒店10,000股@$1.76
6 DEC 買入稻香控股4,000股@$4.45
11 DEC 買入中國國航2,000股@$5.82
11 DEC 賣出永旺500股@$19.90
12 DEC 買入中國國航2,000股@$5.96
13 DEC 買入壹傳媒10,000股@$1.65
14 DEC 賣出永安國際1,000股@$20.95
17 DEC 買入中國國航2,000股@$6.24
20 DEC 賣出稻香控股4,000股@$4.50
20 DEC 買入京信通信7,000股@$2.98
24 DEC 賣出壹傳媒10,000股@$1.39
28 DEC 賣出中國國航2,000股@$6.45

回顧2012年, 開始時以為會好難捱, 點知年尾計數原來齋買盈富都可以輕鬆贏兩成幾, 金融市場永遠出乎意料之外. 個人組合回報3成, 跑贏恆指少少, 全年計屬中規中矩; 但如果以半年計, 其實並無寸進, 由七月至今自己完全白做, 當中一定有問題出現.

細看當中交易紀錄, 最大打擊當然係聯亞(458)7月底發盈警, 翌日大跌兩成. 加上當時重倉持有此股, 突如其來既意外的確令自己束手無策. 此役大敗, 就算事後回望都唔覺得下次有機會完全避過一劫, 唯一要改善既應該係臨場反應. 如此跳崖式急跌既情況並不罕見, 但當中能夠迅速收復失地既例子其實少之又少, 所以若然類似情況再次出現, 斬在第一日會係明智抉擇. 當市場出現恐慌, 真金白銀作出拋售, 過份堅持價值並非理想出路 - 聯亞至今仍未能收復大跌8月1日低位.

下半年另一個重要打擊係和電(215)買在最高位, 大摩9月4號一份報告係股價逆轉催化劑. 當然我至今仍然堅持本地流動電訊商增長空間仍在, 問題在於當市場開始RISK OFF, 4厘股息回報+盈利穩步增長相對而言已經並不吸引. 和電股價自9月開始不振, 市場情緒改變亦係關鍵之一. 回顧此場敗仗, 情況同聯亞類似, 對價值過份執著而漠視市場力量, 令自己錯失最佳逃生時機. 和電9月5號低位$3.51, 而今日收市價亦只係比僅僅當日高少少. 決心止蝕於微比甚麼價值判斷都來得重要, 永遠不能過份偏離市場意見, 係自己學到既教訓.

經歷過如此失望既半年, 2013年自己會改變打法. 不會放棄長線持股, 如大快活(52), 永安(289)呢類股票, 盈利透明度高而穩定性強, 個人認為仍然值得長期持有. 而長線投資既同時, 自己亦會開始學習捕捉短線機會, 把握短期催化劑例如個股新聞, 行業消息, 指數換馬等等, 提高個人觸覺. 長, 短持倉比例則視乎市況而定, 例如12月至今呢段時間, 其實係有必要加強進攻力, 以免不斷被大市放甩.

研讀股票價值其實並非難事, 如何把握股價反映價值既時機, 先係決定回報高低既關鍵. 無線劇集<<楚漢驕雄>>裡面, 於劉邦掙扎是否應該對項羽背信棄義, 擊其暮歸之際, 張良寄語: "公道不在人心, 是非只在時勢", 正正道出時機何等重要. 只懂分辨股票平貴, 並不代表可以發達. 單純呆坐等運到, 希望終有一日股價會反映心中價值, 所耗時間成本實在太高. 投資路上運氣係重要元素, 但並不是全部. 改變等運到手法, 為操作制訂EXIT STRATEGY, 交易成敗得失會變得較容易量化, 從而做到敗中求勝, 勝中求進.

自己開始加碼於個人組合, 規模比當初大, 開始實驗得到投資技巧是否能夠SCALABLE其實相當重要. 簡易D去講, 打理一個廿萬既組合, 一隻流通量相對較低既細價股揸兩成, 講緊都係4萬錢, 壓力不會太大; 但當組合規模去到五十萬, 甚至一百萬, 要走去揸兩成落一隻細價股, 心理壓力會大得多. 唔係話細價股唔買得, 只係想講如果組合規模細既話, 係可以有能力去把握到好多表面低風險而高回報既投資機會, 組合就算因此而有好表現並不算甚麼特別. 當日後組合壯大, 自然就會慢慢開始發覺以往所用果一套其實已經再用不著. 擴大自己能力圈, 係令自己投資技巧SCALABLE既唯一一途.

展望2013年, 坊間睇得相當牛, 但過份偉大既預測準繩度往往極低. 講緊係一年後既事, 估黎其實都係哂氣. 總之股市一日未見明顯轉弱, 當然要繼續跟炒.

最後祝大家2013年健健康康, 投資順利!
派得 得好 投資 組合 月結 Dec 2012 半年 PARTIPRAL ROAD TO FINANCIAL FREEDOM
PermaLink: https://articles.zkiz.com/?id=42293

派得好投資組合月結 (Jan 2013) PARTIPRAL 派得好

http://partipral-hk.blogspot.hk/2013/01/jan-2013.html

39% 恆隆集團(0010.HK)
9% 聯想集團 (0992.HK)
8% 理文化工 (0746.HK)
8% 中信証劵 (6030.HK)
7% 龍源電力 (0916.HK)
6% 京信通信 (2342.HK)
6% 中信電訊國際 (1883.HK)
5% 大快活集團 (0052.HK)
4% 創科實業 (0669.HK)
3% 英皇娛樂酒店 (0296.HK)

5% 現金

投資組合單位面值: 92.67
月回報: +2.59% / YTD: +2.59%)
(上月月結: 90.33 / 2010年7月1日起始值: 60.00)

派得好投資組合每日表現


恆隆地產業績相當出色, 內地租金收入及盈利按年增幅達18%至近31億及24億, 盈利增長主力來自租金調升, 租戶組合持續優化, 濟南恒隆廣場全年度貢獻以及新商場瀋陽的市府恒隆廣場於2012年9月開業等因素. 公司陸續賣出香港物業, 未來內地業務角色將會進一步吃重. 公司財政狀況穩健, 持有淨現金近63億, 加上於本港仍有大量豪宅單位待售, 對未來發展甚有幫助.

恆隆地產業績理想, 如果今年搏中國經濟見底概念, 作為內地收租股既恆隆亦應該受惠. 11月中自己買入恆隆集團(10), 以3個月為限希望可以收窄與恆隆地產(101)之差價. 經過11, 12月MSCI, 富時指數換馬衝擊後, 近半個月恆隆集團股價已經明顯跑贏. 如果持續看好恆隆地產(101), 目前更應該持有恆隆集團(10).

今個月買入聯想集團(992), 業績比預期理想, 內地智能手機首度錄得盈利將成短期股價向上催化劑. A股表現甚強, 買入中信証劵(6030)搏一轉順風車. 深信今年投資主題係搏中國經濟見底, 內地股市交投應該會持續暢旺, 與其重注苦等理文化工(746), 不如拆開兩注買埋証劵股.

今個月搏筆克遠東(752)業績, 最後平手離場. 現價偏貴, 暫時唔駛諗住. 京信(2342)發盈警, 但資料太少, 根本不能單憑此通告估計下半年是否已經扭虧; 有機會係假盈警, 反正股價已經早一步反映, 就無必要跟住追沽. 注碼不大, 可以等埋業績再決定去留. 中信電訊(1883)買入原因早前已經提及過, 向上條件實在太明顯, 有點後悔低位買得太少. 高過$2.8就無謂搏, 睇下有冇低位執多注.

組合表現欠佳, 主因操作上長期戴住放大鏡, 見跌少少就雞咁腳止蝕, 見升少少又忍唔住追買, 變相持續高買低斬. 今個月高追幾注如$5.45買理文(746), $6.48買龍源(916), $3.25買京信(2342), 全軍覆沒; 反而低吸如中信証劵(6030), 中信電訊(1883)起碼叫唔駛點輸. 操作上暫時應該要戒急用忍, 太進取想追貼指數反而得不償失, MARK定止蝕位, 坐定定就算數.

派得 得好 投資 組合 月結 Jan 2013 PARTIPRAL
PermaLink: https://articles.zkiz.com/?id=43688

派得好投資組合月結 (Feb 2013) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/02/feb-2013.html
投資組合現時持股狀況:


10% 聯想集團 (0992.HK)
10% 海通証劵 (6837.HK)
8% 理文化工 (0746.HK)
4% 大快活集團 (0052.HK)
4% 稻香控股 (0573.HK)

64% 現金

投資組合單位面值: 92.81
月回報: +0.15% / YTD: +2.75%)
(上月月結: 92.67 / 2010年7月1日起始值: 60.00)

派得好投資組合每日表現


二月份指數開始走弱, 個人組合表現則持平, 全賴聯想最後兩日反攻. 話就話係2月月結, 但本文係寫於3月1號收市後, 主因係恆指成份股變動會於3月1號收市前完成, 而自己今個月組合表現亦基本上全繫於一隻聯想(992)之上.

打劫恆指新貴概念自己一路都係信心十足, 所以就算聯想二月中後段曾經跟隨指數調整, 自己亦夠膽低位加注. 好難有一隻股票可以買得咁大, 11月份既恆隆(10), 2月份既聯想(992)就係屬於呢一類. 當然以個股升幅計其實唔算特別, 但因為持倉比重甚高 (聯想曾一度接近5成), 所以兩者對組合回報貢獻皆甚大.

除左恆指新貴外, 三隻MSCI新成員新華保險(1336), 綠城中國(3900)及人保集團(1339)股價表現亦算理想. 如果計公佈日(13/2)後追買, 成績兩勝一和. 自己當時只搏前兩者原因係以為市值較細, 基金買盤對股價推動力應會較大. 事後睇情況當然並非如此, 所以下次應該三隻買齊. 指數換馬呢類故事將來一定會繼續出現, 根據今次經驗, 日後要留意既係指數走弱亦會拖累相關股份表現, 所以初期不應買得太大, 寧願等調整或接近換馬日先再落重注, 心理壓力會較細.

展望三月份會有大量公司公佈業績, 所以自己亦會先提升現金比重留以作短線炒作. 中長線持倉方面, 仍然會繼續搏中國復甦概念, 理文(746), 海通(6837)呢類高BETA股會繼續持有, 低吸可以, 高追則免; 另外亦要開始注視防守股表現, 尤其係當政府再次出招打壓樓市, REITS吸引力應該會相應有所提升.
派得 得好 投資 組合 月結 Feb 2013 PARTIPRAL ROAD TO FINANCIAL FREEDOM
PermaLink: https://articles.zkiz.com/?id=53261

派得好投資組合月結 (Mar 2013) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/03/mar-2013.html


16% 港華燃氣 (1083.HK)
15% 置富產業信託 (0778.HK)
11% 大快活集團 (0052.HK)
11% 永安國際 (0289.HK)
9% 永嘉集團 (3322.HK)
8% 時代集團控股 (1023.HK)
8% 敏華控股 (1999.HK)
7% 聯想集團 (0992.HK)
6% 稻香控股 (0573.HK)
6% 中國全通 (0633.HK)

2% 現金

投資組合單位面值: 91.47
月回報: -1.46% / YTD: +1.26%)
(上月月結: 92.81 / 2010年7月1日起始值: 60.00)

派得好投資組合每日表現

三月份組合表現失望, 主因係業績期炒作過多而效率偏低. 自從去年十月開始努力炒賣後, 整體效果強差人意. 趁假期做個簡單總結, 發現期間交易21次, 總回報-$703, 虧損不多尚可接受; 反而交易費用達到$8,681, 則對組合回報影響甚大. 事實證明投資回報並不取決於買賣次數, 太盲目追求短線回報, 拖低命中率, 長遠而言反而會被交易費用反噬. 簡而言之, 效率重於一切. 減少亂石投林, 係2013年第一季最大教訓.

今年第一季看似難炒, 但發現身邊不少人回報甚佳, 足證港股並非如此不濟. 強股愈強, 如創科(669), 合生元(1112), 新濠(200), 理文紙(2314), 葉氏(408), 信利(732), 嘉瑞(822)等等; 只要有心搵, 機會依然甚多. 當中自己敢唔敢買係另一回事, 但此類公司一再獲得市場追捧, 而最後亦的確可以交出亮麗業績, 反映資金並非在盲目炒作.

為何自己組合回報遠遠不及? 反省自己操作手法, 不難發現自己投資股票缺乏前瞻性. 仍然停留於倒後鏡思維, 見平就買, 等市場重新評估. 年輕人同市場鬥耐性, 鬥長命, 用此方法看似大條道理; 但事實上將來無人能夠預測, 答案等一年, 甚至數年後再揭曉, 機會成本太重. 局外人投資股票無非都係想尋找一門有長線優勢既生意, 帶來穩定回報. 業務太具週期性, 甚至太過波動, 若然對相關產品優勢, 成本控制, 客戶需求等一無所知又或一知半解, 投資此類公司其實無異於純粹賭博.

回顧自己投資組合, 稻香(573)已經公佈業績, 內地經營情況比想像中好, 績後加注; 另外努力買進大快活(52), 主因係發現稻香員工成本增幅開始受控, 而公司本地業務下半年環比亦錄得大幅進步; 有機會係公司營運效率有所提升, 但若然僱員開支增長放慢, 則整個本地飲食業皆會受惠. 大快活本地業務佔整體溢利比重甚高, 如果下半年香港部份純利急升, 對整份業績會有明顯影響. 此屬半投機性操作, 答案待三個月後揭盅.

永安(289)業績無甚特別, 純粹係再次確認公司無甚前途. 發達唔駛預佢, 但勝在資產夠優厚, 收租業務亦甚穩, 繼續持有; 中國全通(633)純粹短炒, 業績上週四已出, 比想像中失望, 明日不論勝負亦會沽出; 永嘉(3322)其實亦係短線操作, 起碼比揸現金好, 若然要換馬, 則屬必然開刀對象; 其餘持股無特別報告.
派得 得好 投資 組合 月結 Mar 2013 PARTIPRAL ROAD TO FINANCIAL FREEDOM
PermaLink: https://articles.zkiz.com/?id=54214

派得好投資組合月結 (May 2013) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/05/may-2013.html
投資組合現時持股狀況:


19% 大快活集團 (0052.HK)
17% 港華燃氣 (1083.HK)
12% 路訊通 (0888.HK)
11% 理文造紙 (2314.HK)
10% 稻香控股 (0573.HK)
4% 信星集團 (1170.HK)
4% 時代集團控股 (1023.HK)

23% 現金

投資組合單位面值: 94.31
月回報: +3.72% / YTD: +4.41%)
(上月月結: 90.93 / 2010年7月1日起始值: 60.00)

派得好投資組合每日表現


恆指五月份先衝高後急回, 尤其最後一星期走勢甚差, 以幾乎全月低位作結. 指數轉弱, 但熱炒, 創新高股份仍然不少, 市場氣氛其實比表面好. 展望六月份, 三月份年結公司將會公佈全年業績. 踏入另一個業績高峰期, 應該又會有一堆公司跑出, 被市場重估. 因應指數不穩定而有必要提高警覺, 但相對之下更應該聚焦機會.

REITS, 公用股五月份遭到連環洗倉, 領匯, 電能月內等跌幅竟達一成以上, 以公司業務穩健性而言, 出現如此跌幅實屬罕見. 事後解釋, 美債債息抽升似乎係收息股暴跌元兇; 而現實點去理解, 基本上所有持有電能, REITS, 長建(1038)既投資者於五月中前都係贏大錢, 收息股股價連創新高, 其實已經提供極大誘因予投資者獲利離場. 雖然如今已由高位回落, 但其實目前股價仍然比今年起步位高出超過5%. 若說今轉調整乃出自基本因素扭轉, 我比較傾向認為調整未完.

唔能夠將睇法轉成打法, 不能用作交易既意見, 其實同廢話無分別. 個人認為公用股, REITS等調整未完, 依家唔買得; 但更重要既問題係, 咁幾時可以買?

搏股價低位回升? 我既睇法係, 繼續留意債息走勢. 如果美債債息繼續衝高, 根本無誘因吸引到資金重新流入收息股市場;  純粹為收息? REITS股息率不足5厘, 公用股不足4厘, 若然踏入加息週期, 盈利影響更大. 路訊通(888), 新意網(8008)同樣具備業務穩定, 派息率股息率雙高條件, 加上處零負債狀態, 豈不是更佳收息選擇? 近期兩股股價遭其他收息股拖累而出現回吐, 相對之下, 兩股死守價值更高, 甚至趁低加注亦無不可.

MSCI上週五完成換馬, 一如早前提及, MSCI新貴根本完全無路捉, 無謂枉費精神. 但今次有一樣事件非常值得備忘, 就係香港電訊(6823)於星期五收市前兩分鐘極速抽升超過一成. 今次香港電訊突然急升, 事件背景係該股已經於去年11月納入MSCI香港指數之內; 而今年4月份股東李澤楷配出超過1億股, 導致市場流通量大增, MSCI要重新調整其比重, 令該股上日出現尾市掃貨掃到癲既"異象".

今次事件發生前完全無為意, 如今冒遭咒罵馬後炮風險, 都一定要對此事件備忘, 原因係同樣情況將來很大可能會再次出現. 尤其瑞聲(2018), 太古地產(1972)等, 將來出現配股絕不出奇. 下次搏唔搏係另一件事, 但起碼唔可以再好似今次咁懵盛盛, 收市後半個鐘先如夢初醒.

投資組合今個月錄得理想回報, 除因為捉到置富(778)最後的探戈之外, 餐飲股大快活(52), 稻香(573)連環探頂亦功不可沒. 難得等到突破, 當然繼續牢揸. 當維他奶(345), 翠華(1314)都可以炒至30倍P/E以上, 兩股預期P/E只大約17倍, 相較而言, 是否揸得更安心?

MSCI完成換馬後, 永亨(302)已成為個人頭號買入目標. 買入原因詳見前文, 搏價值修正, 其實三個月已經係極限. 目標明確, 簡易操作; 另外銀娛(27)已經差唔多升抵目標價, 組合提前沽出. 距離恆指換馬尚有兩星期, 有機會或者可以再走一轉.
派得 得好 投資 組合 月結 May 2013 PARTIPRAL ROAD TO FINANCIAL FREEDOM
PermaLink: https://articles.zkiz.com/?id=56602

派得好投資組合月結 (Jul 2013) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/07/jul-2013.html
==================================
30% - 長線倉位:

10% 路訊通 (0888.HK)
8% 稻香控股 (0573.HK)
7% 大快活集團 (0052.HK)
5% 港華燃氣 (1083.HK)

21% - 中線倉位:

12% 信星集團 (1170.HK)
6% 聯泰控股 (0311.HK)
3% 時代集團控股 (1023.HK)

23% - 短線倉位:

9% 華潤燃氣 (1193.HK)
5% 亞太衛星 (1045.HK)
4% 中國燃氣 (0384.HK)
3% 味千中國 (0538.HK)
1% 招金礦業 (1818.HK)

0.7% - 期權倉位:

0.3% 匯豐控股 08/13 85.00P
0.3% 和記黃埔 08/13 82.50P
0.1% 利豐 08/13 12.00C
0.05% 利豐 08/13 12.50C

25% - 現金
===================================

投資組合單位面值: 88.86
月回報: -1.59% / YTD: -1.63%)

(上月月結: 90.30 / 2010年7月1日起始值: 60.00)

派得好投資組合每日表現


吊詭的七月, 月頭起步, 最後恆指升過千點. 雖說指數迫近二萬二, 但主要升勢其實只集中於匯控(5), 騰訊(700), 友邦(1299)及和黃(13)等幾隻藍籌股; 國指突破9,400點後暫算企穩, 但不明白為何平保(2318)如此弱勢? A股不濟, 水泥及商品股近日亦表現一般; 內房股表現則尚算不錯. 七月份二, 三線股表現乏善足陳, 就算六月份跌得多, 今個月反彈力度亦只屬一般; 更大疑問在於整體中小型股交投量甚弱, 升跌走勢已經無特別啟示, 反映市場仍然只在集中追逐大價股.

燃氣, 風電, 環保概念, 出口股仍處相對高位, 但已不算特別可以領導群雄. 網龍(777), 合生元(1112), 瑞聲(2018)相繼倒下之後, 領先股更加買少見少. 選股難度逐漸增加, 但單睇指數仍然貌似可以. 上月尾以為七月會繼續走弱, 結果完全睇錯; 今日要估八月如何發展, 亦甚難.

市況波動不外乎大升大跌, 市況繼續轉好的話應該有資金重投二, 三線股懷抱. 不過目前表面證供實在不足, 手持一堆二, 三線股搏之餘亦要開始留意現金水平不能太低. 八月份乃業績高峰期, 公司業績理想, 甚有機會突然跑出, 短線要搏, 業績股乃不二之選; 其次, 強勢藍籌只集中三, 四隻, 但目前已經明顯跑贏甚多, 不排除有力再上, 但業績公佈後會否成為強弱轉捩點?

回顧自己組合, 七月份平倉交易 (包括中, 短線股票, 期權) 表現欠佳, 整個月主要虧損亦來自此類短線炒賣, 期權反而不算太差. 要檢討的是炒得太濫, 微觀再睇, 掌握內房升跌節奏能力亦明顯欠佳. 參與太多很多表面OK實際PK既交易, 會成為拖累組合回報元兇.

超短線操作, 主要仍然靠特殊催化劑. 本月有大量業績出籠之外, MSCI季檢, 申洲(2313)六月份大手配股逾16億, 今期MSCI中國指數必然會因應流通量增加而調升比重. 詳細如何操作, 等接近換馬再作討論, 但應要暫時記存. 至於如何炒業績, 個人認為最好仍然是等業績公佈後先睇市場如何反應再決定是否追買. 業績好壞根本並非短線炒賣重點, 市場反應正面, 股價才有再上動力. 如果立心要做聰明仔, 打算行快一步, 反而值得多花時間, 心機推敲潛在盈喜股. 自己未做好功課, 暫時只搏一隻聯泰(311); 味千(538)今日剛出盈喜, 但連蘋果上星期日都已經大肆報導, 市場應該早有預期, 明早應該不會太特別.
派得 得好 投資 組合 月結 Jul 2013 PARTIPRAL ROAD TO FINANCIAL FREEDOM
PermaLink: https://articles.zkiz.com/?id=70872

派得好投資組合月結 (Sep 2013) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/09/sep-2013.html
投資組合現時持股狀況:


===================================
23% - 長線倉位:

9% 路訊通 (0888.HK)
9% 稻香控股 (0573.HK)
4% 大快活集團 (0052.HK)
1% 港華燃氣 (1083.HK)

39% - 中線倉位:

17% 信星集團 (1170.HK)
1% 聯泰控股 (0311.HK)
7% 味千中國 (0538.HK)
7% 亞太衛星 (1045.HK)
5% 時代集團控股 (1023.HK)
1% 精電 (0710.HK)

36% - 短線倉位:

12% 香港中華煤氣 (0003.HK)
11% 置富產業信託 (0778.HK)
9% 華潤燃氣 (1193.HK)
4% 維他奶國際 (0345.HK)

0.4% - 期權倉位:

0.4% 騰訊控股 (TCH) 10/13 370.00P

1.5% - 現金
===================================

投資組合單位面值: 93.48
月回報: +1.56% / YTD: +3.49%)

(上月月結: 92.06 / 2010年7月1日起始值: 60.00)

派得好投資組合每日表現


九月份組合表現平穩, 比較失敗的交易, 是在接近頂部追入中國經濟相關股票中海發展(1138)及江西銅(358); 幸好比以往決斷, 察覺股價調頭即剪貨止蝕, 否則虧損幅度不止組合0.5%. 基本上再一次證明追買中國概念完全浪費力氣, 相同情況今年已經不止一次出現; 每次升勢如虹, 最終只是如煙花一閃即逝. 對待中國相關股票, 其實應該立心不買.

信星(1170)連環大成交破頂, 作為自己重倉持股, 目前已經再無加注空間; 雖然早已升穿早前設定的目標價($1.74), 但似乎沒必要過早鎖定利潤; 另一重倉股味千(538)本月走勢欠佳, 自己對公司有一定信念因此沒有止蝕走位; 估計味千會於10月11日公佈第三季營運數據, 目前反而希望在此之前會有低位可以加注; 昆能(135)跌穿橫行區, 止蝕離場; 舜宇(2382)配股, 短線搏反彈失敗, 少量虧損; 減持精電(710), 則純粹出自股價走勢考慮, 尤其當從味千汲取過教訓, 升勢逆轉, 寧願先避其鋒.

港股目前仍在本年高位徘徊, 無能力預測指數走勢, 但上月聯儲局決定維持買債規模, 應該對公用股及高息股如REITS等有一定支持. 展望十月份, 基本上只要美國債息並沒有再次向上抽升, 目前水位轉投防守股有一定可搏之道. 除了因為相關股份投資者情緒有可能改善之外, 萬一股市回落, 亦會吸引額外資金加入避險. 自己選擇煤氣(3), 置富(778)及潤燃(1193)作三大短線操作支柱; 本來有買恆隆(101), 但走勢欠佳, 沒信心坐得穩健, 最後微蝕沽出離場.

挑選一隻藍籌做淡, 自己仍然會選騰訊(700). 阿里因為合夥人制度問題而決定放棄香港上市計劃, 而早前騰訊炒上, 某程度是出自炒影子股概念. 既然目前主角已經離開, 加上公司十一月才會公佈第三季業績, 似乎暫時沒有特別催化劑推動股價向上突破, 價外PUT, 小注操作.

王華新書對沖拆解王有相當閱讀價值. 雖則自己對科技股一竅不通, 但作者提到的投資成功秘訣在於能夠專注自己熟識的範疇, 並不斷加以鍛鍊, 個人則相當同意. 有追開本BLOG都會清楚自己今年有很多交易是亂石投林, 盲炒盲買. 將戰線拉得超闊, 最終對戰績沒有絲毫幫助. 一個人沒有可能十項全能, 精通每個行業. 散戶未必有完全步步跟蹤公司業務的機會, 但若然可以專注某幾間相對上較熟悉的公司, 持續跟進, 效果則肯定比今日炒環保, 明日炒經濟復甦為佳; 而集中火力研究公司最新催化劑, 成功率亦比亂作宏觀預測而作出買賣決定為高.
派得 得好 投資 組合 月結 Sep 2013 PARTIPRAL ROAD TO FINANCIAL FREEDOM
PermaLink: https://articles.zkiz.com/?id=76146

派得好投資組合月結 (Nov 2013) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/11/nov-2013.html
===================================
9% - 長線倉位:

3% 港華燃氣 (1083.HK)
3% 稻香控股 (0573.HK)
2% 路訊通 (0888.HK)
1% 大快活集團 (0052.HK)

51% - 中線倉位:

13% 金山軟件 (3888.HK)
9% 德昌電機控股 (0179.HK)
7% 東方海外國際 (0316.HK)
5% 世茂房地產 (0813.HK)
4% 中芯國際 (0981.HK)
4% 精電 (0710.HK)
3% 信星集團 (1170.HK)
2% 包浩斯國際 (0483.HK)
2% 時代集團控股 (1023.HK)
1% 味千中國 (0538.HK)
1% 聯泰控股 (0311.HK)

23% - 短線倉位:

5% 山水水泥 (0691.HK)
5% 中裕燃氣 (3633.HK)
4% 中國人壽 (2380.HK)
3% 中信證劵 (6030.HK)
3% 中國建材 (3323.HK)
3% 新華保險 (1336.HK)

0% - 期權倉位:

17% - 現金
===================================

投資組合單位面值: 100.84
(月回報: +5.92% / YTD: +11.63%)

(上月月結: 95.20 / 2010年7月1日起始值: 60.00)

派得好投資組合每日表現


===================================

十一月對普遍投資者而言都應該相當值得興奮: 先有月中指數升近年內高位, 及後亦能持續於高位盤整; 而其間亦為數不少股票能夠向上突破, 一時間投資氣氛改善甚多. 正如早前提及, 三中全會後是相當值得衝入場繼續搏上, 起碼止蝕位明確, 就算市況逆轉都不致會進退失據.

業績期已過, 自己早前打賭三隻業績股信星(1170), 包浩斯(483)及維他奶(345), 結果全軍盡墨. 大手減持三股後, 除德昌(179)及金山(3888)自己算是較有信念睇中線外, 已沒有太多個股值得特別大注去搏. 目前組合打得相當散, 主要操作方向是較傾向整個界別去買, 例如看好內險, 便買中人壽(2628)搭新華(1336); 看好水泥, 便買中國建材(3323)搭山水水泥(691); 看好燃氣, 便買港燃(1083)搭中裕(3633). 看到資金愈來愈多追買落後股, 如山水(691)及中裕(3633)上週便分別試過單日大升一成以上. 此類股價持續跑輸同業, 抑壓已久而突然大升兼成交量放量之股票, 個人認為炒一日就玩完既機會頗微, 因此相當值得跟進.

本月組合表現理想, 但值得反省地方仍然甚多. 經常強調瞭解公司基本面相當重要, 但作為散戶, 就算自以為對公司有多熟悉, 要準確預測其財務表現其實相當困難. 投資股票沒可能避免犯錯, 相對於執著將預測準確度提升, 更重要反而是將萬一看錯時所受損的程度減至最低. 要令EQUITY CURVE穩步向上, 關鍵並非於順境時做得多好; 而是萬一遇上逆境時是否仍然可以硬硬淨淨, 堅強過渡. 相較年多前聯亞(458)績後大插15%令組合價值單日大跌近4%; 今次包浩斯(483)同樣單日大跌成半, 最終組合反而沒有受其拖累; 要於投資領域上做得好, 注碼運用及值搏率判斷遠比業績預測來得重要.

展望十二月, 相信資金仍舊會繼續輪流炒作. 組合短線除仍然以國指成份股作核心外, 週期股如航運界別亦有必要多加注意. 東方海外(316)早前因為MSCI換馬而受壓; 海豐(1308)Q3業績理想; 兩者皆可納入考慮範圍.
派得 得好 投資 組合 月結 Nov 2013 PARTIPRAL ROAD TO FINANCIAL FREEDOM
PermaLink: https://articles.zkiz.com/?id=83468

派得好投資組合月結 (Dec 2013) / 半年結 PARTIPRAL - ROAD TO FINANCIAL FREEDOM

http://partipral-hk.blogspot.hk/2013/12/dec-2013.html
今年投資股票看似舉步為艱, 恆指2013年全年僅錄得3%升幅, 而國指更要跌超過半成收爐. 不過只要有份參與其中就明白今年本地股票市場是相當容易賺錢. 先不論齋買藍籌股, 騰訊(700), 和記(13)搭金沙(1928), 銀娛(27)基本上已經可以贏到笑; 普遍細價股更是炒到曉飛, 尤其第4季開始已經近乎掟飛標都中, 技術含量甚低, 若然今年回報少過兩成, 其實已經是肥佬.

時來風送藤王閣, 作為投資者要考慮的其實不是市旺時贏得有幾勁, 而是萬一市況逆轉時, 自己是否有足夠實力及心理質素作出相應調整, 對抗難關. 回望過去三年, 雖然未見過大型股災, 2011年8-9月; 2012年5-6月; 2013年6-7月市場皆曾出現過具相當深度的調整, 但其後往往能夠化險為夷, 重新上路. 要在最絕望的時候抱有希望, 正是投資股票最難的地方.

自己近來開始有多少迷失方向, 是因為於投資領域上愈來愈找不到自己具優勢的地方. 沒有能力比市場行先一步, 投資組合只會愈來愈貼近整體市場表現. 一直希望藉選股技巧而跑贏市場, 但今年投資數隻重倉股如信星, 包浩斯等效果皆未如理想, 反映自己選股方面仍然有相當大既改善空間. 唯一值得慶幸的地方是自己注碼控制方面比以前有所進步, 當遇上判斷錯誤時果斷斬倉, 令單一交易佔組合最大虧損控制在0.5%之內, 起碼唔會輸入肉, 對心理及實際操作上負面影響亦可減至最低.

選股上最具信念的仍然是一攻一守的金山軟件(3888)及電能實業(6), 其餘大多是有短期新聞或消息觸發, 買入後是搏一個短至中線的向上趨勢, 多數不設目標價, 但萬一形勢轉差便嚴守紀律止蝕離場. 沒有明顯投資取態, 對強勢, 弱勢板塊皆沒有強烈看法, 基本上再次確認自己是已經迷失方向. 會繼續參與炒賣但較傾向保留一定現金水平, 靜候重拾投資狀態的一日.

==================================

投資組合單位面值: 105.40
2013年YTD: +16.69% (月回報: +4.53%)

(上月月結: 100.73 / 2010年7月1日起始值: 60.00)





股票編號股票名稱組合比重
03888金山軟件10.766%
00006電能實業9.899%
02038富智康集團8.035%
00691山水水泥6.416%
06889DYNAM JAPAN6.103%
00268金蝶國際6.063%
00981中芯國際5.877%
00636嘉裡物流5.308%
00566漢能太陽能5.074%
01083港華燃氣2.887%
00813世茂房地產2.861%
00573稻香控股2.775%
02618TCL通訊2.543%
01170信星集團2.457%
00179德昌電機控股2.408%
00311聯泰控股2.184%
00888路訊通1.670%
00052大快活集團1.275%
 現金比重15.399%

==================================

本月已平倉交易表現:




==================================

上月月結: 派得好投資組合月結 (Nov 2013)

第3年全年結: 派得好投資組合年結 (2012-2013) / 全年結
第3年半年結: 派得好投資組合月結 (Dec 2012) / 半年結
第2年全年結: 派得好投資組合年結 (2011-2012)
第1年全年結: 派得好投資組合年結 (2010-2011)

投資組闔第4年(07/2013-06/2014)回報: +16.73% (最高: +17.14% / 最低: -2.49%)
投資組闔第3年(07/2012-06/2013)回報: -0.83% (最高: +3.78% / 最低: -5.17%)
投資組闔第2年(07/2011-06/2012)回報: +20.7%
投資組闔第1年(07/2010-06/2011)回報: +26.4%
派得 得好 投資 組合 月結 Dec 2013 半年 PARTIPRAL ROAD TO FINANCIAL FREEDOM
PermaLink: https://articles.zkiz.com/?id=86886

派得好投資組合月結 (Jan 2014) PARTIPRAL - ROAD TO FINANCIAL FREEDOM

http://partipral-hk.blogspot.hk/2014/01/jan-2014.html
組合單位值: 112.55
組合週回報: -0.01% (2014年回報: +6.78% / 1月回報: +6.78%)

現金水平: 8% (前週: 28%) 

"巴黎鐵塔反轉再反轉"

上週寫週記時係恐慌到嘔, 若然唔係一早沽左一堆野, 今週開市好大機會係低位剪哂佢. 由星期五(24/1)成手澳門股PUT, 到星期一(27/1)買到滿倉永利(1128), 新濠(200), 講緊都係半個交易日內完成既轉變. 構成轉VIEW關鍵, 很大程度出於星期一開市一刻澳門股明顯跌得過籠, 講緊係銀娛(27)跌8%, MGM(2282)跌近10%, 一張2月10%價外PUT可以升3倍, 當時一刻未肯定見底, 但基本上已經可以肯定唔會追沽; 及後於恆指隊得最勁一段時間, 騰訊(700)迅速回穩, 金山(3888)亦一度有強勁買盤掃上, 就是更大誘因去平掉手頭淡倉. 午市後指數無大起色, 但明顯見澳門股及騰訊已經喘定, 而亦有幾多二, 三線股倒升. 跌近500點但完全感受不到恐慌情緒有蔓延跡象, 星期一應該係另一個關鍵日子.

自己一直無參與澳門股, 主要係因為已經錯過最爆炸性一段, 就不想再追. 其後一升再升, 作為局外人唯有眼光光. 濠賭屬結構性增長行業, 但股價升得勁很大程度是由投資者情緒拉動, 依一刻係好難預測究竟澳門股會點走: 呢世都唔會再見一月份高位? 抑或最近調整隻係為左走更遠既路? 正等如去年11月$17時買金山(3888), 都唔會知究竟有冇機會再上返$24. 講到尾都係值搏率問題, 星期一摸住個底買永利, 新濠, 每股最多都係擺低$1-$2; 若然今次確然見底, 是有機會再挑戰歷史高位. 既然輸極有限, 便可以無懼風雨衝入場搏一鋪. 至於後來將部份正股換成期權, 則是操作上的考慮. 

一月份有做得好, 亦有做得不好既地方, 高位出清DYNAM JAPAN(6889)頗為關鍵. 整體拉勻有得贏, 都應該值得滿意. 組合經過一輪調整後仍以金山軟件(3888)作重倉股; 堅持歐美逐步復甦乃今年其中一個投資亮點, 隊得最狠果時衝入場接左一堆出口股, 目前稍見起色; 雖然德昌(179)仍在捱價, 但見歐洲同業Faurecia(EO:FP)及Valeo SA(FR:FP)股價不算差, 暫時不太擔心. 

組合趁指數大跌時趁機納入中航信(696), 搏內地旅遊增長, 此股攻守兼備是有可搏之道. 純炒短期供求效應, 上市日競價盤追買新股老恆和(2226). 如早前留言所講, 自己跟炒新股, 多數等上市首日才追買, 如636, 586, 1359, 2226等等. 上市後投機新股主要都係炒供求效應, 操作概念係要國際配售分貨小, 公司業務夠獨特, 即市場並無其他選擇及公司集資後發展計劃吸引, 會有基金肯追 - 老恆和是符合以上全部條件. 值搏率比正常情況更高的原因是市況轉差, 多一手黨見上市已經贏咁多便會爭先沽貨, 有利有心人收貨後再炒上. 甚麼MAGNUM, 諾奇, 米格等自己則是不會追, 原因是公司業務並無特別之處, 基金追貨動力便不強. 雖然目前已經累積一定升幅, 但我睇短期應可再抽幾棍.

處於經濟溫和增長期, 資源股唔會太叻但亦唔會太差, 中海油(883)每年都總有段時間跌到要執笠咁款, 但往後又會升到你唔信. 目前跌近波動區間底部, 是值得入場搏反彈. 貪槓桿夠大, 自己買左少少二月價外CALL搏搏. 聯想向Google收購Motorola, 市場昨日(30/1)明顯以行動投不信任票. 感覺上呢單收購係反映聯想仍在打算進攻手機市場, 甚至有多少為國出力的味道; 相反Google早已知道未來科技戰場應不在此. 無論生意目光, 公司質素Google都遠在聯想之上. 今單Deal應該係失敗之作, 加上聯想仍在處理收購IBM伺服器業務, 要同時Handle好兩單交易亦是潛在不明朗因素. 貼近歷史高位, 個人認為是可以用較價外的PUT做淡. 

今日(31/1)開始參與美股買賣, 由於用開的銀行手續費用昂貴, 自己又沒時間兼顧兩個市場即市炒賣, 操作美股個人是傾向較長線持有. Facebook, Google兩大科網巨擎剛公佈強勁業績, 縱然估值甚貴, 但勝在想像空間遼闊, 齊齊破頂後不應就此停步. 

展望二月份馬年開局, 個人操作上仍然傾向審慎一點, 最大問題係好多股都似見明顯頂部, 升上去又會有堆人爭住止賺, 為降低風險, 買貨只集中數個SECTOR去買就算. 另外最重要係睇騰訊及澳門股能否守穩一月份低位, 若然失守, 便應提高現金比重及加強對沖. 多加留意是否有股票於期內向上突破, 強股就在此中尋.
派得 得好 投資 組合 月結 Jan 2014 PARTIPRAL ROAD TO FINANCIAL FREEDOM
PermaLink: https://articles.zkiz.com/?id=90507

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019