ZKIZ Archives


【馮仁昭四圍超】拉頭馬買錯場次 李施嬅:好低B

1 : GS(14)@2016-07-09 06:47:32

■李施嬅前晚喺快活谷煞科戰買中頭馬,可惜大頭蝦買錯場次。








前晚係馬季快活谷煞科戰,唔少人會把握機會博一博,李施嬅着到靚一靚咁去捧場,為馬主好友馬浚豪出賽馬「順勢寶」打氣,果然「順勢寶」跑第一,一心諗住落場拉頭馬嘅李施嬅,攞住張買「順勢寶」嘅馬飛影相留念,仲騷俾現場嘅記者睇,點知大家望真啲,佢買嗰張馬飛,係買8號,但係唔係「順勢寶」跑嗰場,佢買咗第8場,係早咗一場,呢啲咪叫空歡喜囉。



買錯場次

■有份落場拉頭馬嘅李施嬅(左二),大讚馬馬好叻仔。



倒輸80蚊

落注買錯馬嘅李施嬅,原本用80蚊買「順勢寶」win,買中第9場,扣埋本淨贏748蚊,但係而家落錯場次,要倒輸80蚊,冇咗828元呀!噚日馮仁昭打電話畀李施嬅,佢以短訊回覆話:「我平時唔賭錢,所以落注嗰陣咪大頭蝦囉!」事後佢亦喺微博話:「第二次入馬場撐好友的馬,順勢寶!買牠獨贏,但好低B,大頭蝦買錯場次!結果攞唔到$800彩金。我真是不懂買馬,不過很開心,馬馬好叻仔。讓我可以第一次拉頭馬。So lucky!」撰文:馮仁昭





來源: http://hk.apple.nextmedia.com/entertainment/art/20160708/19685662
馮仁 仁昭 四圍 頭馬 買錯 場次 李施 施嬅 好低
PermaLink: https://articles.zkiz.com/?id=303014

陳茵媺李施嬅做姊妹戚黛黛嫁副機師 古堡行禮

1 : GS(14)@2016-08-07 02:13:42

■戚黛黛與副機師男友Calvin,已定於下月13日在意大利古堡內結婚。


現年34歲的戚黛黛與比她年輕兩年的副機師男友Calvin拍拖3年多,今年5月男友在峇里沙灘上求婚,黛黛一口答應。黛黛前晚在電話中透露已定於下月13日在意大利一座古堡行禮,並邀請約80名親友出席。除意大利外,亦會在多倫多及香港擺酒,而其妹將擔任伴娘,姊妹團則有陳茵媺、曹敏莉、朱凱婷、張嘉兒、李施嬅及張紫櫻(車車)等。



■好姊妹陳茵媺、朱凱婷、李施嬅、張嘉兒等將做姊妹,陪黛黛出嫁。

■自言最怕熱的黛黛,大部份的結婚相都安排在室內拍攝。

■黛黛與未婚夫Calvin有共識,婚後過半年二人世界,之後便努力造人。



三地擺喜酒

黛黛回應婚禮安排時說:「嘉兒就快(下月)生BB,所以唔會飛去意大利,但我都有邀請佢做姊妹。因為未婚夫父母喺多倫多,遲啲仲會喺香港同多倫多補擺喜酒,同一時間搞三地wedding,行程都幾緊密。」問到心情是否很緊張?她說:「開始有啲,得番個幾月,因為未婚夫比較忙,通常我揀完ABC畀佢決定,冇鬧過交,大家磨合得好好。」



心急想造人

黛黛直言心急造人,問是否奉子成婚?她笑住否認:「有都係肚腩,我同未婚夫商量過,原本都諗住想快啲生,因為我年紀都差唔多嘞,但唔係話有就即刻可以生,所以諗諗吓又想過一陣二人世界先,頭半年至一年盡量過二人世界,之後就順其自然。」一對準新人早前影婚紗相,除有黛黛至愛的cupcake背景外,還有去國泰城影飛機,以配合Calvin副機師的型仔look,但主景仍在影樓內拍韓風婚照,她解釋:「好耐之前已經想影韓國style婚紗相,但我哋又唔想出埠影,咁啱搵到個贊助有韓風studio,我份人最怕熱,如果出街影我諗一定會癲咗同黑面。」結果黛黛合共影了8個不同造型,在攝影師半推半就下,只有一套衫出戶外拍攝。問有否刻意減肥?她笑說:「都唔係只係影婚紗相嘞,結婚都要減肥,呢個行動keep住做緊,都OK弗咗啦!」採訪:嵐山





來源: http://hk.apple.nextmedia.com/entertainment/art/20160806/19724591
陳茵 茵媺 媺李 李施 施嬅 嬅做 姊妹 戚黛 黛黛 黛嫁 嫁副 機師 古堡 行禮
PermaLink: https://articles.zkiz.com/?id=304687

李施嬅自揭收騙徒電話

1 : GS(14)@2016-08-13 14:50:26

李施嬅日前出席「天使長行動委員會委任典禮暨晨通耆兵計劃啟動儀式」,對於被挑選成為「滅罪大使」,李施嬅感到極度榮幸,她笑說:「從冇想過做警察,演戲亦未遇過呢類角色,所以今次可以宣揚滅罪意識,覺得好有意義。」她自爆曾收過詐騙電話,她說:「對方話我有速遞郵包被扣押,叫我交出個人資料同贖金,但我都睇過警方呼籲,冇上當。」戚黛黛下月便結婚,並找來李施嬅、陳茵媺、曹敏莉及朱凱婷等擔任姊妹團,對於被嘲是姊妹團中唯一未嫁得出的一個,她哈哈大笑謂:「佢哋個個幸福,我都戥佢哋開心,但我唔心急,如果我真係咁恨嫁,可能一早就同前男友結婚啦,但而家都係以事業為重。」撰文:嵐山




來源: http://hk.apple.nextmedia.com/entertainment/art/20160812/19732536
李施 施嬅 嬅自 自揭 揭收 收騙 騙徒 電話
PermaLink: https://articles.zkiz.com/?id=305570

港姐殺手Philip多女埋身舊愛李施嬅慷慨做姊妹

1 : GS(14)@2016-08-16 06:28:05

杏兒老公Philip(李乘德)除咗曾做過夜場老闆,仲有間獵頭公司,絕對係公關能手。Philip縱橫唔同社交圈子,人脈肯定廣,當年佢仲有個稱號叫「港姐殺手」,其實唔止港姐o架,佢都仲有同其他界別嘅靚女傳過緋聞。李施嬅:與Philip於10年相戀,低調拍拖一年。李施嬅舊年仲為杏兒婚禮做姊妹,兩人完全冇芥蒂。張曦雯:Philip前年在夜場Play開生日會,張曦雯如女主人企喺Philip影大合照,不過兩人拍拖時非常低調。陶枳樽(CrzTo):上年6月有報道指Philip趁杏兒北上拍劇到酒吧狂歡,期間與翻版「栢芝」CrzTo玩得相當熟絡,風騷熱情嘅Philip仲試過輕撫CrzTo手臂。
Joy:今年Philip去台灣出席朋友婚宴時,被指有富婆Joy做導遊,帶住佢遊山玩水。之後更指朋友婚宴當晚,杏兒神秘現身突擊檢查Philip,杏兒其後表示認識Joy,兼且完成工作有時間趕赴婚宴。




來源: http://hk.apple.nextmedia.com/entertainment/art/20160816/19738237
港姐 殺手 Philip 多女 女埋 埋身 舊愛 李施 施嬅 慷慨 姊妹
PermaLink: https://articles.zkiz.com/?id=306095

李施嬅想考品酒牌

1 : GS(14)@2016-10-22 22:28:58

李施嬅將於下月遠赴法國酒莊拍新節目,最近頻頻飲紅酒鍛煉酒量,問到胡說八道會中是否酒量最好?她笑說:「乜都想學吓包括飲酒,但我估我酒量排尾二,最差應該係智雯,哈哈。」她覺得飲酒應適可而止,只求品嚐,不是求醉,她說:「女仔要好好保護自己,以前試過嘔,但未試過醉,鍾意同朋友把酒談天,亦有興趣考紅酒牌。」




來源: http://hk.apple.nextmedia.com/entertainment/art/20161022/19808323
李施 施嬅 嬅想 想考 品酒
PermaLink: https://articles.zkiz.com/?id=313169

李施嬅籌款助車禍粉絲

1 : GS(14)@2017-02-18 00:51:25

■李施嬅到醫院探望因交通意外受傷的粉絲。互聯網圖片



李施嬅剛於本月12日度過36歲生日,雖然最近忙拍劇,但她仍不時在Instagram貼相,像日前獲好姊妹陪過生日,以及去捐血救人等。前晚她在Ig貼了去醫院探病相,相中有位女子右腳受傷坐在病床。



■李施嬅和影迷會成員合力籌得5萬元。互聯網圖片

原來該女子是李施嬅的fans,李施嬅留言說:「兩個月前,Selena fans group一位跟隨了我好多年的成員不幸地被車撞,腳骨碎裂,做無數次手術,現在還在留院。今年生日,粉絲們好叻豬地籌了21,800元巨款,再加私人補貼,我們總數達到50,000元。我們fans group絕對是一個可以共患難的團體,感恩有你們。願早日康復。」撰文:李察




來源: http://hk.apple.nextmedia.com/entertainment/art/20170217/19930481
李施 施嬅 籌款 車禍 粉絲
PermaLink: https://articles.zkiz.com/?id=326753

李施嬅易追:冇樓整蛋糕

1 : GS(14)@2017-02-19 13:59:55

羅霖、李施嬅、汪詩詩、汪圓圓及葛民輝等昨日在上環出席廚藝學校剪綵活動,李施嬅笑言懂下廚的男士易結識異性:「第一個男朋友當年就係整咗個蛋糕,再喺廁紙上畫咗個公仔,就成功追到我。」有樓會否更受歡迎?她說:「冇樓咪勤力啲整多幾個蛋糕畀我囉!女人應該有自己嘅事業,咁樣會多啲選擇。」同場的汪詩詩透露剛過去的情人節,老公甄子丹負責下廚煮大餐:「佢今年進步咗好多,由第一年拍拖開始煮波士頓龍蝦,一年一次OK嘅。」羅霖則指細仔對下廚有興趣:「佢自己上網學整牛扒,可惜我唔食牛試唔到,不過睇佢嘅手勢係有板有眼。」採訪、攝影:曹家誠


■汪詩詩(左)讚老公甄子丹的廚藝越來越好。

■羅霖戒牛,試不到細仔所整的牛扒。

■葛民輝(左)昨日跟一班靚女出席學校剪綵活動。



來源: http://hk.apple.nextmedia.com/entertainment/art/20170219/19932873
李施 施嬅 嬅易 易追 冇樓 樓整 蛋糕
PermaLink: https://articles.zkiz.com/?id=327030

【馮仁昭四圍超】李施嬅惹四眼男埋身

1 : GS(14)@2017-03-03 00:54:39

李施嬅前晚現身中環海濱長廊嘅Dragonland音樂節,佢最初同一名外籍女性朋友喺vvip區傾偈,未幾即有一名四眼男埋身,主動向李施嬅搭訕。二人似乎幾啱傾,後來可能因附近聲浪太大,佢哋開始咬耳仔,傾咗一陣後,四眼男獨自離開,李施嬅只好專心睇騷影相。當晚睇騷嘅仲有楊洛婷同老公Tim,佢哋入場之後先去醫肚,再去vip區聽歌。撰文:馮仁昭




來源: http://hk.apple.nextmedia.com/entertainment/art/20170301/19943032
馮仁 仁昭 四圍 李施 施嬅 嬅惹 惹四 四眼 眼男 男埋 埋身
PermaLink: https://articles.zkiz.com/?id=327319

袁偉豪生日李施嬅到賀

1 : GS(14)@2017-05-13 05:34:12

互聯網圖片



袁偉豪前日36歲生日,一班Crazy Runner為他慶祝,「胡說八道會」的胡蓓蔚、姚子羚、胡定欣等亦是Crazy Runner成員,加上跟他傳緋聞的李施嬅,都是座上客。陳山聰凌晨在Ig貼出一條片,片中見侍應捧蛋糕,姚子羚和單立文等唱生日歌,袁偉豪好驚喜雙手放在心口,李施嬅事後在Ig貼大合照。




來源: http://hk.apple.nextmedia.com/entertainment/art/20170513/20019461
偉豪 生日 李施 施嬅 嬅到 到賀
PermaLink: https://articles.zkiz.com/?id=332859

李施嬅低V防走光

1 : GS(14)@2017-06-18 21:45:10

「胡說八道會」只有李施嬅和胡定欣未知情歸何處,其他成員一直為兩人物色對象,而李施嬅最近傳出對袁偉豪有好感,又主動出擊,似乎是心急想搵個伴。前日下午5時許,李施嬅現身中上環太平山街,當時打扮亮麗的她,穿上deep V長裙,還以為她準備去赴約,後來見到身邊有攝影師、化妝師和助手,身後又有一架靚車,原來她正在影相。李施嬅在公眾地方影相,加上又穿得性感,化妝師和助手加倍提高警覺,以防拍攝期間出現走光,李施嬅亦好專業,未埋位前會封住心口,提防走光,大約拍攝半小時後,便完成工作離開。採訪、攝影:徐錦池、畢紹基




來源: http://hk.apple.nextmedia.com/entertainment/art/20170616/20057203
李施 施嬅 嬅低 防走 走光
PermaLink: https://articles.zkiz.com/?id=335905

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019