18年前打波先嚟落雨四眼仔32歲Eric操爆肌做教練
1 :
GS(14)@2016-11-14 01:13:122016-11-10 NM
「打波先嚟落雨,唔通連個天都唔鍾意我?」這個社會福利署洗腦宣傳片播足十幾年,令人印象深刻!片中個四眼仔Eric(鄭仲軒),原來已經32歲,今年三月做埋人老公,同拍拖四年的女友結婚。當年瘦削四眼仔,如今是個任職健身教練的爆肌男,還會不時參加不同的健美先生選舉,堅大隻佬!播到今時今日
十八年前,Eric為政府拍了首個處男廣告,沒想過這條宣傳片可以播到今時今日。「拍嘅時候我十四歲。都幾尷尬,每年都會播,會考放榜前實播!當時係阿媽同我講,話有個人搵我拍廣告,嗰時僆仔冇錢,想搵零用,咁咪去囉。」三千多元的酬勞,亦是Eric至今唯一的廣告。
好勝心強
不過,當年瘦弱的四眼男,如今已變成令人難以想像的爆肌男。「由細到大都鍾意做運動,乜都玩!我唔係高大型,比較奀瘦,對做運動亦有好大障礙,所以想自己大隻啲。」瘦仔階段的Eric,體重只得百二磅。「我個人好勝心強,習慣咗做gym後,就keep住健身,而家體重都升到一百六十幾磅。(今年係咪結埋婚?)係呀!我同女友拍咗拖四年,今年三月二十四日結婚。」
澳洲學拳
未當健身教練前,Eric做過很多不同類型的工作,但冇一份做得長,三十歲前,他去了澳洲一轉working holiday。「喺嗰邊用咗年半學拳同做運動,返到香港真係想做同運動有關嘅工作,所以就入咗呢行。」據了解,公司VO2對Eric十分器重,還以他作為icon。「公司對我好好,不過屋企人、朋友同公司都認為我而家咁嘅身形啱啱好,唔使再谷大隻啲。九月我參加咗HK WFF PRO搞嘅健美先生選舉,拎咗個獎,下一個目標係十二月嘅Mr. Olympia。」Eric說。
撰文、攝影、攝錄:娛樂組
高氏密語:60歲先嚟轉行
1 :
GS(14)@2018-01-07 16:00:55愛讀專欄,其中一位我最喜愛的專欄作家是Financial Times的Lucy Kellaway,她喜以幽默、硬淨的筆觸,取笑企業高層廢話連篇,以前每個星期一最大的樂趣便是讀她的專欄,當知道她去年夏天離開FT,轉行跑走教數學,偶爾才寫一兩篇專欄,我失落至今。她在FT擔任專欄作家32年,在一般人眼中,頭頂光環熱力四射,何苦58歲才轉行,由trainee做起再當教師?身邊人表面上讚她夠勇敢,實際上笑她nuts。她坦承,自己仔大女大,有樓在手,又去到不介意別人看法的階段,加上她用google計算過,至少活到九十幾歲,即是起碼要繼續工作二、三十年,現在不開展第二個事業尚待何時。而且,她媽媽與女兒都是教書的,當她知道女兒收到一名頑劣學生一張you’re awesome的字條,竟然羨慕起來,於是決心跑去教書。她返學兩個月後,在FT寫過一篇專欄講述返學苦與樂,單是如何跟課室那白板搏鬥已教人笑翻了,再來就是那位較她年輕廿多年又嚴謹的mentor。
Lucy憶述有一堂,mentor坐在課室後面監堂,一邊皺眉一邊做記錄,課後交低18個注意事項;可以想像,一個在FT做了32年的老手,在這種新環境下,每天內心爭鬥多少個回合。但Lucy似乎相當樂在其中,明白接受批評才有進步,字裏行間完全感受不到她想放棄,只有越做越起勁。想起早兩日路過中環PMQ,遇到一位女攝影師做分享,她形容每個人都是一本書。踏入2018年,你我他那本書可能已經去到chapter3X或4X,這個chapter可以承接上一個chapter,又可以是一個全新故事。年近60的Lucy可以跑去教書(當然其中一個原因是她經濟負擔減輕了),你我他這個chapter又是甚麼模樣呢。音樂劇Wicked入面有首歌Defying Gravity,裏面有句歌詞:It’s time to trust my instincts. Close my eyes and leap!高淑嫻
mailto:
[email protected]
來源:
https://hk.finance.appledaily.co ... e/20180102/20262013