ZKIZ Archives


【一代燈師】我唔係方丈-沈大師「蘋果恩仇錄」

1 : GS(14)@2016-03-06 02:24:33

亞視熄唔熄燈無人知,不過「一代燈師沈大師」,今日就再度燈場蘋果財經。你或者會好奇,「喂!佢同蘋果明明反咗面!」係呀,面係反過,筆戰亦玩過。不過當亞視雖生猶死咁多年,但仍奇蹟地死唔斷氣,點解,蘋果同大師,唔可以重頭再來過?上年8月,大師因為fb專頁「蘋果ATM」,瘋狂煲大佢嘅專欄文章而嬲豬,憤而以一篇交上一篇《物必先腐而後蟲生》後,寫咗15年嘅《實戰理論》專欄,就咁gameover。半年後,舊事重提,大師會話,「方丈會小器,我又唔係方丈,我點會小氣。」回想封筆前幾日,大師同財經版主理人股榮,都曾藉著文字說開戰。當日股榮話「蘋果有俾稿費」,大師重提舊事,仍然會話,「講真有幾多錢大家心照啦」;當日股榮又話「大師走紅因存在感」,大師又覺得「講到好似將我啲成就,吸引讀者嘅其他元素抺哂佢」。不過,大師稱得上大師,當然內功深厚,就算怒火燒得再旺都好,都能夠收放自如,「事情過咗去之後,你睇返轉頭,都係不外如是。」記者:倪敏慧 攝影:陳家文





來源: http://hk.apple.nextmedia.com/financeestate/art/20160305/19517104
一代 燈師 我唔 唔係 方丈 大師 蘋果 恩仇
PermaLink: https://articles.zkiz.com/?id=296876

一路一帶:上司係方丈 你仲唔辭職?

1 : GS(14)@2016-12-08 08:15:28

特首梁振英經常透過「語言藝術」愚弄香港人,最近更透過律政司跣了財爺曾俊華一鑊,「溫馨提示」曾俊華不要回答四位將會被司法覆核議員資格的立法會議員。成功令其特首選舉假想敵中伏,被各黨派口誅筆伐。其實管治政府和管治企業文化相近,真誠對話當然較語言藝術更能提升公司價值。香港打工仔過往都被灌輸「見人講人話」的生存之道,並非叫你刻意奉承上司,老闆並非永遠是對的,敢於講真話、提出挑戰的員工,才有創作力。曾經是香港創業榜樣的王維基,早前說過:「如果你不agree with your boss, you better quit」,他認為別人能成為你老細,就要認定一件事,老細一定勝過你。呢句說話放在現今所有創業者身上,簡直難聽過粗口。真誠對話,遠比默默接受boss意見來得更重要,曾創作出無數票房冠軍動畫的Pixar總裁Edwin Catmull曾經講過,「比起有禮貌及順從,直接講出想法更重要」。他認為員工只能和同輩講出想法,但對上司及老闆要收口,這種文化會視為失敗。假如是一間需要創意及研發的公司,但員工驚咗反駁上司指示及想法,公司往往會陷入巨大危機。上司並非要應聲蟲,而是透過brainstorm去結合及集體創作。在反駁意見上成長,而不是永遠認同你老闆。不過真誠對話,並非要人身攻擊,如果遇到問題需要改進,除了批評之外,應該即時提供有效意見,例如「呢條標題太露骨,應該要斯文啲」,而唔係講「咁垃圾嘅題都起得出?」,同時唔可以追究曾經表達過意見嘅責任,例如民航處強迫員工填寫問卷時,一定要畀高分。員工為咗飯碗,做出違背良心嘅事,根本無意見。但最重要嘅係,如果你嘅老闆係一位小器嘅「方丈」,建議有實力嘅員工,應該辭職,有理想嘅不妨自立門戶;其實曾俊華幾時辭職呢?斯郎
https://www.facebook.com/oneroadonebelt/本欄逢周四刊出




來源: http://hk.apple.nextmedia.com/financeestate/art/20161208/19858246
一路 一帶 上司 方丈 你仲 仲唔 辭職
PermaLink: https://articles.zkiz.com/?id=318718

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019