ZKIZ Archives


劉小慧同郭晉安拍過拖 黎瑞恩離婚分千萬身家

1 : GS(14)@2017-01-22 02:17:15

《一人有一個夢想》、《相思風雨中》、《初戀情人》呢啲都係90年代嘅熱門情歌,陪伴住唔少人成長嘅集體回憶,主唱呢啲歌嘅就正正是當年嘅「寶麗金三小花」即係黎瑞恩、湯寶如(湯記)同劉小慧。咁點解佢哋會被稱為「寶麗金三小花」呢?其實好簡單,因為佢哋喺90年代,差不多時間加入當時嘅寶麗金唱公司,張學友、黎明、草蜢、陳慧嫻都係佢哋嘅師兄、師姐,你都咪話唔巴閉。三小花雖然同期出道,但係佢哋嘅星途同感情,就有好大嘅分別喇。45歲嘅劉小慧,91年出道以「學生情人」嘅形象大受宅男歡迎,但一講起劉小慧,大家可能只會諗起佢係草蜢成員蘇志威嘅另一半,但原來小慧同郭晉安都有過關係㗎!小慧初出道時,佢身邊嘅男朋友就係郭晉安,後來有報道指安仔事業發展冇咁小慧咁好,形成女尊男卑嘅關係,繼而蘇志威嘅介入,安仔同小慧嘅四年情就咁結束,97年小慧仲同蘇志威喺美國拉斯維加斯秘婚,婚後小慧亦淡出娛樂圈,育有兩名女兒君蕎同靖珺,專心相夫教女。13年曾短暫復出,為亞視主持節目《BB日記》,分享湊BB經驗。(新聞連結:http://bit.ly/2jOGC8s)同為45歲嘅湯記,入行前是一名幼稚園教師,91年加入寶麗金後,就被安排同張學友合唱《相思風兩中》,一曲成名,而湯記亦有很多金曲,包括《絕對是個夢》、《我和秋天有個約會》及《感冒》等等。而湯記嘅戀情,同佢啲歌一樣咁精采。當年佢同梁漢文因為合作無綫嘅節目《Sunday新地帶》而撻着,但礙於唱片公司嘅反對,佢哋只可以將戀情地下化,去到好多年後,佢哋先至承認曾經拍過拖。除咗同梁漢文拍拖,湯記亦曾經同音樂人譚國政拍拖,但戀情最後都唔能夠開花結果,至07年6月湯記被傳媒發現佢秘密懷孕,而BB嘅爸爸就係賽車手男友Sam Chan,同年8月湯記誕下慈姑椗,但佢哋就話冇結婚嘅打算。43歲嘅黎瑞恩,8歲加入屯門兒童合唱團,經常參加歌唱比賽。89年參加歌唱比賽得冠軍後得音樂人安格斯賞識而加入樂壇,第一首歌《問候》已備受關注。其後她加盟寶麗金,一曲《發誓》走紅樂壇。入行以來,小恩子嘅戀事並唔多,佢曾經同阮兆祥拍過拖,97年認識到人大常委曾憲梓嘅三仔曾智明墮愛河,當時有傳曾憲梓不喜歡小恩子做藝人,小恩子便轉行做保險,02年小恩子喺紅館舉行完演唱會後就告別樂壇,並與曾智明結婚,婚後育有一子一女,14年離婚。去年小恩子正式宣佈復出樂壇。




來源: http://hk.apple.nextmedia.com/entertainment/art/20170121/19904433
PermaLink: https://articles.zkiz.com/?id=323563

【馮仁昭四圍超】蘇志威獲小慧批准篤波

1 : GS(14)@2017-05-13 01:56:37

蘇志威(右)噚日到觀塘一間桌球室,為傅家俊(左)嘅Viu TV新節目《約咗傅家俊》進行錄影,兩男即場切磋球技,蘇志威話:「同佢打波有壓力,佢讓我80度開波,結果最後都贏我。」讀書時期,蘇志威已經成日蒲波樓打通宵,而圈中波友就有張智霖同張衞健,有時一打就十幾個鐘。佢笑言以前老婆劉小慧唔准佢打十幾個鐘:「?家大個仔啦,所以就畀囉。」撰文:馮仁昭




來源: http://hk.apple.nextmedia.com/entertainment/art/20170512/20018355
PermaLink: https://articles.zkiz.com/?id=332645

Next Page

ZKIZ Archives @ 2019