ZKIZ Archives


資深武打演員 擅演奸角馮克安食道癌病逝 姊馮素波:好傷心

1 : GS(14)@2016-03-05 01:11:49

■馮克安擅演反派,前年在《惡戰》中飾演上海黑幫大佬仇老四入型入格,可惜他於昨日不敵癌魔逝世,享年68歲。



馮素波胞弟、馮寶寶兄長、資深武打演員馮克安半生奉獻演藝圈,以武打及反派戲路為人認識,去年他被發現接受食道癌治療療程,抗癌一年不敵病魔,昨日早上在伊利沙伯醫院離世,享年68歲。馮素波昨日受訪時,邊哭邊表示馮克安接受化療一年,這些年都爭取相聚時間,而弟弟的一對子女已返港送父親最後一程。


資深武打演員馮克安生於演藝世家,父親馮峰是粵劇小生兼著名電影製作人,十一名兄弟姊妹馮克安排行第七,大姊是馮素波,八弟馮吉隆是無綫前高層,非親妹妹的馮寶寶更是童星便走紅,而馮克安自己是龍虎武師也愛在幕前演出,並擅演反派角色,可惜馮克安近年飽受中風、癌症病魔折磨,去年有指他患上食道癌,更影到他多次進出醫院腫瘤科進行化療,馮寶寶更細心陪伴照顧。抗癌一年多,據知馮克安已因病致失明及不能進食,昨日早上他於伊利沙伯醫院逝世,享年68歲。



■馮克安早年習武,在電影中大都飾演打得之人。《蛇形刁手》劇照

■馮克安大家姐馮素波對胞弟離世,昨日表示早已有心理準備。資料圖片

■馮寶寶雖與馮克安是非血緣兄妹,但二人感情深厚,去年她更陪兄長去醫院化療。《壹週刊》圖片



子女陪伴在側

本報昨日致電向馮素波求證,她說:「係,今朝6點幾喺伊利沙伯醫院走咗,佢患食道癌,做咗一年化療。前晚我去醫院見過佢,佢啲仔女喺外國返晒嚟一直陪住佢。」面對喪弟之痛,波姐難掩哀傷,邊講邊哭:「一個屋企人細佬走咗梗係難過,好傷心,不過樂觀啲睇,應該開心,因為佢又要電,好辛苦,所以呢幾年我哋兄弟姊妹都爭取相聚,我哋都咁大年紀,要令自己無憾。」波姐對於胞弟癌病過世,已有心理準備:「其實我哋都好接受呢樣嘢,每個人都要行呢條路,所以唔係太大傷感,今日佢,聽日我。」問到喪禮日期安排,她說:「等佢哋仔女商量。」馮克安的姐夫余子明,昨日受訪時透露馮克安發現患癌後,即到醫院求醫。問到有指馮克安在本月25日設靈,26日出殯,骨灰將會安放寶福山福位,子明哥說:「我唔參與,加唔到意見,佢啲家姐會飛返來香港傾點做。」



■馮克安生於演藝世界,父親馮峰是資深演藝人,十一個兄弟姊妹中排第七,大姊馮素波與妹妹馮寶寶都活躍幕前,八弟馮吉隆則是無綫前高層。

■2004年馮克安(左)演出周星馳的電影《功夫》,飾演用古箏殺人的「地殘」,令人留下深刻印象。劇照



曾贏千萬橫財

自黑白粵語片時代馮克安已跟同是童星的徐小明合作拍戲,徐小明昨在電話中表示從傳媒得知死訊,感到愕然:「同佢好熟,前年同佢食飯,佢親口同我講佢生癌,仲話係流鼻血去睇醫生至知有呢個病,不過講嗰時好輕描淡寫,睇得開,之後佢飲食清淡做化療,上年再同佢食飯知道佢中風,佢對自己病情都有晒心理準備,唔憂心,佢開朗性格無得頂。」在影圈打滾半世紀,馮克安身兼演員、動作指導及導演,參與過的電影近250部,80年代曾憑《龍少爺》及《新蜀山劍俠》入圍香港電影金像獎角逐最佳動作指導獎,去年上映的《猛龍特囧》是他最後電影作品。馮克安的私生活甚低調,與妻子潘麗心育有一對子女,90年代曾移居美國開餐廳,在拉斯維加斯賭場拉老虎機贏得180萬美元(約1,404萬港元),父親馮峰當時就指他做武師時好賭,希望橫財可以令他重新振作。採訪:魯吉





來源: http://hk.apple.nextmedia.com/entertainment/art/20160303/19513451
資深 武打 演員 擅演 演奸 奸角 馮克 食道癌 食道 病逝 姊馮 素波 傷心
PermaLink: https://articles.zkiz.com/?id=296711

擅演奸角 離無綫賺人仔駱達華攜妻女返港祭祖 拒回流

1 : GS(14)@2017-04-08 20:44:26

【買早餐】■駱達華前日現身銅鑼灣,原來是買完早餐返酒店。





【銅鑼灣】現年52歲駱達華,亞視出身,多年後轉投無綫。在電視劇中他以演大奸角及惡人出位。最為人熟悉的電視作品,要數2000年在劇集《陀槍師姐II》中,演患有人格分裂的角色,陰沉背後令人不寒而慄。當中他強姦滕麗名那一集,更成為當年全年收視冠軍。自從駱達華早年離開無綫後,全力在內地拍劇發展,做得有聲有色,他更選擇在上海置業定居。


帶女兒坐電車

前日駱達華回到香港在銅鑼灣現身,上午10時許,他手持一袋早餐步行返回下榻酒店,途中經過報紙檔時,他停步留意數本娛樂雜誌封面。回到酒店逗留到下午12時許,跟太太一齊步出酒店,去到就近一間銀行,相信是搞開戶手續。逗留約半個小時後,他們到藥房及便利店購物。去到便利店門口,他又再看娛樂雜誌,似乎頗關心香港娛樂圈中事。兩公婆恩愛地拖手回酒店,路經一檔報紙檔時,駱達華再與老婆一齊研究娛樂雜誌封面。兩夫婦回房逗留半小時後,駱達華夫婦再度外出,今次同行的還有囡囡,他們選擇坐電車漫遊香港。在等候期間駱達華接受訪問,透露此行是遊玩及拜山:「今次返嚟主要係玩,加上始終係中國人,清明節返嚟拜山,同埋阿女要箍牙,遲啲佢會去美國升讀大學,所以咪帶佢返嚟玩吓,因為個女都鍾意香港。」



【等煲煙】■駱達華在街頭煲煙,太太站在一旁等候。

【住酒店】■駱達華(左)帶妻女返港住酒店,他表示此行是遊玩及拜山。

【睇雜誌】■經過報紙檔時,駱達華停步留意娛樂雜誌。


「睇有冇好劇本」

對於先後三次留意香港娛樂新聞,是否意味有意回流返港發展?駱達華說:「睇吓有冇好劇本,睇吓工作性質係好嘅,都係工作一份都OK嘅!」但他肯定不會返港定居,他說:「唔會喇!上面又有屋又有穩定工作。」採訪、攝影:徐錦池




來源: http://hk.apple.nextmedia.com/entertainment/art/20170408/19983186
擅演 演奸 奸角 離無 賺人 人仔 仔駱 駱達 達華 華攜 妻女 返港 祭祖 回流
PermaLink: https://articles.zkiz.com/?id=329697

EYT擅演祥嫂 情緒病折磨離無綫馬小靈痛憶 子女掃走抑鬱病

1 : GS(14)@2017-05-13 02:04:11

■馬小靈曾兩度患抑鬱症,病情嚴重時更日日想輕生,最後因一對子女拯救她戰勝抑鬱病。攝影:沈健程



【母親節系列之走出困局】馬小靈01年在《歡樂今宵》(EYT)憑扮演祥嫂洪金梅為人認識,但之後星途未有突破,數年前已轉行。原來她兩度患抑鬱症,千禧年因矯齒失敗而鑽牛角尖,自覺毁星途,一年多前又因工作壓力令抑鬱症翻發,暴瘦至80多磅,更日日想各種自殺方法,慶幸其一對子女的一句說話令她驚醒,帶她走出低谷。



現年42歲的馬小靈曾參與無綫綜藝節目《歡樂今宵》,扮演祥嫂洪金梅等發揮搞笑本色,令人留下印象,她於10年約滿轉行,現時身兼地產、保健食品傳銷及體檢中心職員三職,與攝影師老公育有一對子女。日前,馬小靈帶同仔女接受本報的母親節主題專訪,又溫馨整cupcake,幸福媽媽有仔女萬事足,原來近十多年來,她兩度患上抑鬱症,要長期復用抗抑鬱藥,令人生陷於苦戰。



■馬小靈為仔女未雨綢繆,現時打三份工的她不怕辛苦。

■當年馬小靈在《歡樂今宵》扮祥嫂洪金梅而為人認識。資料圖片


矯齒失敗

去年馬小靈抑鬱症復發,她首次發病早於一對子女出世前。當年她在娛樂圈發展,在商台做過DJ,之後加入無綫節目《歡樂今宵》,亦被監製李添勝睇中,參與戲劇組拍劇,算有不少發展機會,但千禧年她為了上鏡更好看,接受齙牙矯形而出事:「有間矯形診所話肯贊助我,畀6千蚊就可以扭番正隻牙,最後唔掂,搞到日日似有人鑽你個頭,痛到崩潰,覺得自己嘅愚昧搞成,加上覺得做藝人呢行,唔會有人等你,黃金20幾歲就白白冇咗,搞到鑽咗牛角尖出唔番嚟!」馬小靈於06年結婚,做高齡產婦生了一對可愛子女,為保障將來生活更身兼三份工,依然咬着牙根面對,估不到去年4月,她兼識做保險公司接待員而令情緒病翻發:「返朝9晚6一腳踢,一種無形壓力令你崩潰,親子活動甩晒,份工又做唔好,做個稱識媽媽做唔到,覺得自己好冇用。同老公講,佢話個個返工都係咁,好似俾人插咗一刀,呢個負面諗法一擴散,就不可收拾。」當時她要長期食藥,生活猶如行屍走肉,黑眼圈、黃夾瘦,體重跌至80多磅,辭工匿在家不敢見人,更想盡各種自殺方法,最終父母由澳洲回來探她,家人帶她見精神科、社工及入急症室。



■入行後的馬小靈因矯齒手術失敗,自覺被愚昧毀星途。資料圖片

■母親節將至,馬小靈獲子女親手做高踭鞋cupcake做禮物。


打三份工

在人生最低潮時,救她走出情緒病低谷的是一對子女,做她的守護小天使:「我最絕望時,連家姐都覺得媽咪好似變咗另一個人,但你只能發呆睇住佢哋,有次家姐同細佬走埋我身邊話『媽咪,我好鍾意你呀,錫錫!』又不停錫我,當時你會覺得好難受,因為唔識開心。不過之後就『叮』咗一聲,個腦好似清醒咗咁。」今年年初,馬小靈不用再服食抗抑鬱藥,身體漸回正軌,積極為子女將來未雨綢繆:「小朋友對自己嚟講係一種動力,喺能力範圍內要搵多啲錢,地產經紀對我嚟講算最快搵到錢嘅行業,就算日曬雨淋企到腳痛都值得!」雖工作忙,但她亦有心願,希望將來可以推出關於情緒病及如何自救與育兒心得的書籍。採訪:王梓嫚




來源: http://hk.apple.nextmedia.com/entertainment/art/20170511/20017266
EYT 擅演 演祥 祥嫂 情緒 折磨 離無 小靈 痛憶 子女 掃走 抑鬱
PermaLink: https://articles.zkiz.com/?id=332722

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019