ZKIZ Archives


不懂撒嬌的K場Mall姐

2017-06-01  NM

在電視劇《不懂撒嬌的女人》中的Mall姐十分強悍,經常黑口黑臉鬧下屬,控制慾超強,令人望而生畏。現實中,掌管五間餐廳的博美餐飲管理有限公司執行董事羅雪儀(Cherry)卻剛柔並施︰同事有錯,她會即時直接指出,「唔啱就係唔啱」;把事情交給同事負責時,則放手讓他們發揮。談吐斯文的Cherry直言這都是老闆兼爸爸羅傑承的教導,她六年前加入集團,在餐廳由低做起,侍應、印menu等工作,統統做過。原本是律師的妹妹羅欣儀(Gloria)亦在兩年前加入,性格開朗活潑,目前負責公關及市場推廣,「可能一星期諗一百條橋俾Cherry,佢只OK一條,所以我要不斷俾橋,有時都有挫敗感。」不過見到每次推出的產品大受歡迎,很多人在Facebook、Instagram拍照、打卡,她都有成功感。「快」、「新」二字經常掛在兩姊妹口邊,兩人拍住上,難免有時會擦出「火花」,但「知道大家底線,呢一刻嘈完之後,隔半小時就無事。」姊妹同心,其利斷金,她們更希望明年可將旗下品牌擴展至世界各地。

羅傑承長女Cherry自小愛飲飲食食,畢業於瑞士酒店管理學院,曾在日本、澳門等地的酒店實習,十分清楚自己想走的路。她打骰的博美餐飲旗下有五間餐廳,除了最為年輕人熟悉的K場RedMR外,還有大官廳、The Tonno、上海佬及來佬餐館。愛吃喝,有學歷,並不代表可以即時坐正。初初加入博美時,Cherry隱藏太子女的身份,由侍應開始做起,餐廳每個崗位做幾個月,了解當中運作︰「佢(羅傑承)成日同我講,如果你唔了解一間餐廳或公司運作係點樣,將來行的路會更加辛苦。」近年羅傑承看到Cherry的進步,做事有板有眼,於是放心將餐飲業務交給她打理。Cherry亦不敢怠慢,每天早上未到九時就返到公司,與各部門主管開會,討論日常營運事項,跟進最新情況。到午餐及晚餐時間,通常去巡餐廳,下午茶時間及晚飯後會去RedMR。她笑言︰「唔係『巡』佢哋,係『探』佢哋,有時會買嘢食上去鼓勵吓佢哋。」每個月業績達標的店鋪,該店員工亦會得到額外獎金。

曾日試四十道菜

愛吃的Cherry當然會烹調,但現在「食多過煮」:「坦白講,我性格比較急。試過一日試勻晒成個集團嘅嘢食,試咗三間餐廳、一間RedMR,每一間大約有十道菜,全部有食,有俾意見。」一日試四十道菜,完全看不出眼前瘦削的她如此「大食」!女士總愛美,所以她勤做運動如跑步、行山來keep fit。跟廚師溝通,推出新菜式亦是她的工作之一,旗下餐廳的廚師大多很年輕,而且一開業就合作至今,跟她甚有默契,十分了解她的要求。她不諱言,女性「入熱廚房」亦有優勢,「我始終係女性,行落去同佢哋傾偈,佢哋都會對我溫柔少少,係唔同嘅。」主打中菜的中環大官廳是集團最新的餐廳,開業兩年,Cherry解釋是希望每位顧客都有「大官」的感覺。她喜歡中菜,同時明白飲食業競爭激烈,除了食物質素要高,還須不時加入新元素,才吸引到回頭客。「金龍吐珠」就是大官廳的得意之作,是一個如人頭般大的炸煎堆,靈感來自月亮,「我哋傾,不如加燈泡,令佢發光,好似真月亮咁。上年父親節,我哋都試過喺上面加鬍鬚,效果幾好!」負責度橋的Gloria說得眉飛色舞,提到不少人為此拍照、打卡,她感到十分開心。

棄律師當公關

點子多多的Gloria在英國修讀法律,畢業後曾在律師樓工作。不過她希望趁自己年輕,嘗試不同事物,在家人的鼓勵下,回來打理家族生意,「爸爸當初覺得『行行出狀元』,你放棄咗律師,其實無咩大不了。一個廚師都可以做到米芝蓮,可能公關都有好好發展。」當中跌跌碰碰少不免,「 我可能一星期諗一百條橋俾Cherry,可能佢只OK一條,所以我要不斷俾橋,有時都有挫敗感,但OK。Marketing就係要不停俾人ban,才知道要什麼。」有時靈感女神收工後才到訪,Gloria都會在家中,敲Cherry房門,跟她討論新構思至入睡為止。雖然是兩姊妹,但傾公事難免會有「火花」,幸好大家由細玩到大,知道彼此底線,「這一刻嘈完之後,隔半小時後食lunch就無事。」Cherry亦慨嘆︰「成日都講點樣可以工作(生活)平衡,我覺得係無平衡,尤其是香港,好多時要快。」起初Gloria以為市場推廣很簡單,但發現要做到大家思想一致是需要時間。然而,團隊合作久了,現在由想法到執行,已可以快到僅需一個月時間。就如最近RedMR添置了可流動的DJ booth,讓客人可在房中打碟,由她提出到正式登場,只花兩星期。做事快狠準,皆因以前曾經太慢而被其他競爭對手「搶飲頭啖湯」。

嚴格老闆有趣慈父

在羅氏姊妹的帶領下,擁有四百名員工的博美餐飲每年都保持增長,去年亦增長百分之五。在香港站穩陣腳同時,明年她們計劃將品牌擴展至世界各地如歐洲。訪問期間,她們亦多次感激員工的努力,又形容營運餐廳就如踢足球,需要前鋒、中場、後衞及守門員互相補位和配合,「得一個人係搞唔掂。」得出此比喻,是受熱愛足球的爸爸薰陶,兩姊妹自小都愛睇波。在公司,她們都稱呼爸爸做「老闆」。Cherry說老闆非常嚴厲,開會時,他會直接講出一個人對或不對,「真係一針見血,可能一般人會接受唔到。」但後來Cherry明白到無論對或錯,都要立刻同人講,不要拖泥帶水;但授權同事處理某事項時,就放手不要干涉,「可以有個timeline,guide住佢,中間睇佢做成點。」在Gloria眼中,老闆辦事細心縝密,「我有時都會做好多活動,佢細緻到每一樣嘢,佢都知道幾多錢、喺邊度來。」這亦令她仔細留意每個細節,當被問到活動每個地方,她都可以給予意見或解答同事疑難。提到在家中的爸爸,兩姊妹都笑得合不攏嘴,不約而同讚他十分有趣,並疼愛她們,「成日會講笑,好開心!我哋會一齊玩,佢會同我哋啲朋友一齊玩,一齊唱歌,打成一片!佢會識我哋啲朋友,更有朋友結婚時,邀請佢去。」訪問當日距離父親節仍有數個星期,但她們已為亦父亦友的爸爸安排好慶祝活動,相當孝順。公司有精明能幹的女兒睇住,加上Cherry明年即將出嫁,相信羅傑承肯定喜上眉梢。

撰文:黃嘉慧攝影:葉漢華攝錄:廖健昌ed_bn@nextdigital.com.hk

不懂 撒嬌 Mall
PermaLink: https://articles.zkiz.com/?id=251207

河知雲撒嬌利誘上司

1 : GS(14)@2015-01-11 20:22:29





新綜藝節目《透明人》前日首播,並邀得韓劇《奇皇后》女星河知雲(左)擔任首集嘉賓,節目要嘉賓及主持在一分鐘內成功
河知 知雲 撒嬌 利誘 上司
PermaLink: https://articles.zkiz.com/?id=287126

撒嬌女人升呢犀利人妻隋棠閃婚:蠻感動的

1 : GS(14)@2015-01-18 22:01:33





■隋棠上周五在拉斯維加斯與Tony閃電註冊結婚。台灣《蘋果日報》


現年三十四歲的台灣藝人、在彭浩翔作品《撒嬌女人最好命》中飾演嬌嗲女人的隋棠,上星期五(九日)在美國賭城拉斯維加斯閃電註冊,對象是另一台灣藝人賴佩霞三十七歲繼子Tony,隋棠經理人強調兩人並非奉子成婚。隋棠昨日在台北出席時尚精品活動時透露對閃婚亦有點意外。隋棠昨日的記者會吸引大批記者採訪,她接受訪問說:「遇到對的人,甚麼事情都變得簡單、很自然。」她透露Tony在去年十一月時,用很平凡的方式求婚,沒有甜言蜜語,她補充說:「他很真誠地說,知道我工作很辛苦,很想照顧我,以後不想工作就搬來美國,他會照顧我,如果想工作,他就來台灣陪我。可以遇到那麼尊重你的人,蠻感動的。」所以內心沒有經過掙扎就點頭答應,她表示遇到對的人就要把握。



■隋棠昨日在台北出席活動時,自言對閃婚亦有點意外。台灣《蘋果日報》

■隋棠昨日的記者會吸引大批記者採訪。台灣《蘋果日報》

■隋棠與Tony的家人經常有聚會。台灣《蘋果日報》



搵定奶粉錢才生B

當被問到求婚鑽戒有多大時,隋棠只是甜笑透露「還可以啦」。到去了賭城度假時見天氣很好,就決定跑去註冊,事前亦已告知雙方家長。辦完婚姻登記所手續後,便同步跟家人越洋視訊。隋棠還爆老公Tony當場感動到哭了,她笑說:「他真的很性情中人。」隋棠透露蜜月地點還在考慮中,但會先努力賺奶粉錢為生育作準備。之前跟隋棠鬧三角戀的姚元浩跟王心凌,亦向她送上祝福,前度姚元浩說:「我是真心祝福,至於喜宴,如果有邀我,我再看看。也不用上節目和解甚麼的,若他們要來上節目OK,但也不用刻意上節目和解。」撰文:李森


■Tony與隋棠於去年十月公開戀情。台灣《蘋果日報》

【新郎從事財務工作】

能夠贏得「撒嬌女」隋棠的Tony,今年三十七歲,美國加州UCLA畢業,長居美國。父親謝志鴻,於台灣開設創投公司,Tony也從事財務相關工作。他之所以能夠跟隋棠相識,與台灣藝人賴佩霞和謝沛恩兩母女,有莫大關係。賴佩霞是Tony的繼母,隋棠前年與謝沛恩合作偶像劇《愛的生存之道》成好姊妹,之後經常出席兩人的家庭聚會,認識Tony。但Tony與謝沛恩並無血緣關係,謝沛恩乃賴佩霞與前夫呂向榮所生,母親改嫁後,才改姓謝。



【新娘橫掃模特兒界】

撒嬌女人最好命這話沒錯。於美國閃婚的隋棠,在電影裏憑一句嗲聲嗲氣話「免免那麼可愛怎可以吃呢!」已俘虜無數宅男的心。今年三十四歲的她,畢業於加拿大溫尼伯大學心理學系,二零零五年殺入台灣演藝界,憑身高一米七三、33B標準上圍、二十三吋小蠻腰,橫掃模特兒界,與師姐林志玲平分春「色」。二零一一年,她於偶像劇《犀利人妻》中,飾演被棄人妻的謝安真而爆紅,她更憑該劇入圍第四十六屆金鐘獎戲劇節目女主角獎,可惜最後大熱倒灶。她與姚浩元及王心凌糾纏不清的感情關係,最為人津津樂道,隋棠在二零一二年與姚浩元分手。





來源: http://hk.apple.nextmedia.com/entertainment/art/20150117/19005436
撒嬌 女人 升呢 犀利 人妻 妻隋 隋棠 棠閃 閃婚 感動
PermaLink: https://articles.zkiz.com/?id=287264

《撒嬌》力闖千萬票房

1 : GS(14)@2015-01-18 22:03:21





前日共有九部新片在港上映,單日新片總票房約只有一百六十萬元,相信在農曆新年的賀歲片登場之前,票房都未必有任何突破。前日上映的電影中以有梅麗史翠普(Meryl Streep)扮巫婆的《魔法黑森林》(Into The Woods),首日票房為九十萬元,成為單日票房冠軍,而周柏豪、劉心悠主演的《小姐誘心》以四十四萬元成為當日票房第二名。反而彭浩翔導演,由剛為人妻的隋棠、周迅及黃曉明主演的《撒嬌女人最好命》後勁凌厲,第三周上映單日仍有三十一萬元,累計票房約為八百五十萬,有力向千萬票房進發。同樣第三周公映,里安納遜(Liam Neeson)《救參96小時3》(Taken3)前日單日票房亦有二十八萬元,票房累計約為一千六百萬元。撰文:李森





來源: http://hk.apple.nextmedia.com/entertainment/art/20150117/19005443
撒嬌 力闖 闖千 千萬 票房
PermaLink: https://articles.zkiz.com/?id=287266

不離不棄:「愛昆凌像一般女孩撒嬌」

1 : GS(14)@2015-01-18 22:27:26





二十一歲的昆凌(原名:武誼蓁),是澳台韓混血模特兒。二零零八年,昆凌於台灣綜藝節目《我愛黑澀會》中首次亮相,但後因家人反對而中途退出。據知昆凌因在周董投資的潮服店內當兼職而跟對方認識,並在二零一一年初相戀。雖然媒體多次拍到二人約會,但由於照片多是側面照,故周董曾向媒體下戰書指「拍到照片再說」。去年周董於官方微博中,正式承認昆凌女友身份,他上載二人的合照(圖)並說:「也該我跟你們分享我的喜悅了。」周董曾公開表示愛女友「像一般女孩那樣撒嬌」,又指因為自己有次僵直性脊椎炎發作,痛得動彈不得,在自己最脆弱時,昆凌默默陪伴自己,因此他決定要跟這個一直守在背後的女人互訂終身。





來源: http://hk.apple.nextmedia.com/entertainment/art/20150118/19006514
不離 離不 不棄 愛昆 昆淩 淩像 一般 女孩 撒嬌
PermaLink: https://articles.zkiz.com/?id=287277

【撒嬌的女人最危險!】少女丐幫攻佔武漢地鐵

1 : GS(14)@2015-05-26 17:05:32

近日,中國湖北武漢地鐵出現一批以少女組成的行乞集團,專向男士乞討金錢,如果不被理會的話,便會向對方撒嬌,摸胸摟腰甚麼也做得出,令人咋舌。
這群「地鐵丐幫」皆由年輕的少女組成,主要的目標都是男乘客。她們犯案手法相近,首先都會向對方乞求「愛心捐款」,如果失敗的話,便會抱著男乘客,向對方撒嬌,撫摸其臉頰與胸部、摟腰、上下其手等等。如果對方仍然不予理睬的話,便會轉移目標,直至成功為止。
據了解,「地鐵行乞」並不罕見,而且招式五花八門,例如是扮殘障、訛稱家人患病、爬行、賣藝等。其實,中國有法例規定地鐵週遭不可行乞,但中國警方目前都沒有嚴格執法,都是以驅離為主。

資料來源:自由時報
新聞資訊由熱新聞提供

https://hk.news.yahoo.com/-062201642.html
撒嬌 女人 危險 少女 丐幫 攻佔 武漢 地鐵
PermaLink: https://articles.zkiz.com/?id=290591

學友難頂嘉欣撒嬌

1 : GS(14)@2016-03-13 02:40:35

張學友和林嘉欣日前到有線宣傳電影《暗色天堂》,提到嘉欣與老公袁劍偉首度夫妻檔合作,她說:「我有同佢講過唔一定要搵我演,如果有第二個更適合嘅演員做都可以。」學友說:「導演有時讚我做得好,嘉欣就撒嬌問『咁我呢?』好難頂。」但學友大讚嘉欣說:「今次合作我都唔覺得嘉欣冇乜嘢唔同,仲係好似十幾歲時個樣。」一直視學友為哥哥的嘉欣,她感激對方多年前的幫助。





來源: http://hk.apple.nextmedia.com/entertainment/art/20160312/19526195
學友 難頂 頂嘉 嘉欣 撒嬌
PermaLink: https://articles.zkiz.com/?id=297749

不撒嬌,不做作,穿出巴黎女人優雅的美態。

1 : GS(14)@2016-09-30 08:09:04

【特約報道】巴黎女人給人的印象,總是纖細優雅,品味不凡,且充滿女性魅力。她們總是穿着華麗的服飾,婀娜多姿地漫步街頭。巴黎奢華品牌Roger Vivier最近就發佈了最新電影短片《Belle de Nuit》,演繹巴黎女性充沛活力與高雅柔婉的氣質。女主角Louise一如普遍充滿個性的巴黎女人,身穿高跟鞋,邊低吟着歌手La Féline的《Adieu l’enfance》,邊徐徐地走出不同的場景。無論是錄音室、夜店、還是暗夜的巴黎街頭,Louise時時刻刻都是打扮得宜,性感迷情。
Louise在短片中的配飾來自品牌2016秋冬系列,寓大膽於柔美之中,描摹出令人悸動的巴黎女性形象。Louise時而手持Viv’手提包,表達中性硬朗的格調,時而以荷葉邊和60年代復古鞋履視人,完美呈現女性剛柔並重的特質。了解更多: https://goo.gl/4oNWyw



短片靈感源於Roger Vivier2016秋冬系列,Louise腳踏Rose\'n Roll玫瑰高跟鞋,突顯巴黎女性的優雅氣質。

Viv’系列手提包,以硬朗線條配襯玩味顏色,呈現女性自信魅力的形象。



Louise在短片中化身結他手,以Polly Thigh High Boot過膝高筒靴呈現活力一面。

即使是慵懶地徘徊在巴黎晚間的街道上,Louise對打扮同樣是一絲不苟。




來源: http://hk.apple.nextmedia.com/entertainment/art/20160930/19785904
撒嬌 做作 穿出 巴黎 女人 優雅 的美 美態
PermaLink: https://articles.zkiz.com/?id=310731

開製作公司取名「小飛船」貪順口郭藹明撒嬌

1 : GS(14)@2016-10-14 06:52:19

■劉青雲夫婦結婚多年一直保持甜蜜蜜,難怪郭藹明由心笑出來。



劉青雲及郭藹明(Amy)前晚應首飾品牌邀請,以夫妻檔現身中環活動,同場還有鄭欣宜、黃偉文、余安安及利嘉兒夫婦等。Amy更將品牌提供的322萬鑽飾戴上身,單是手上戒指已3.2卡,價值192萬。問青雲一身打扮是否由老婆配襯?他即笑說:「套衫我都有份揀嘅,同老婆兩個一齊揀,我本身都好有眼光㗎。」問到Amy青雲是否常有驚喜冧她?她笑說:「OK啦!」身旁的青雲即刻插嘴說:「家家有本難唸的經。」青雲平時有沒有送小禮物?Amy即刻嬌俏地揈手指嗲青雲:「老公,小禮物呀。」示意叫青雲識做。身邊的青雲即面紅說:「你哋睇吓我幾有生活壓力呢!」



■余安安前晚悉心打扮,單拖到場。

■黃偉文與欣宜前晚手拖手出席活動。

■青雲剛剛開了製作公司「小飛船」,持有人除了他還有太太郭藹明。

「佢冇地方住」

有指青雲去年花3千多萬在西貢購入dream house冧老婆,他繼續笑笑口說:「香港每日都有人買屋㗎啦,好平常嘅事,我自己又要住,咁啱佢又冇地方住。」又表示間屋是兩人一齊揀。去年,青雲憑《竊聽風雲3》奪影帝,領獎時在台上發表「太空船論」,指他每次揸太空船飛到宇宙,Amy總有辦法令他安全返回地球,最近青雲開設製作公司「小飛船」。問青雲是否用來氹老婆?他表示:「其實個名都係順口講㗎啫,大家開心就最好喇!」問Amy會否參與製作公司?Amy則說暫時未有特別工作。


冇計劃執導

問到青雲會否開戲給老婆拍?他即說:「唔會囉,呢個係工作嘅平台。」自己做導演?他亦表示:「暫時未有咁嘅計劃,都係一個平台。」至於今次投資了多少錢?青雲指:「(公司)只係方便自己工作,啱啱開始嘅一個計劃。」採訪:張俊銘攝影:林德雄




來源: http://hk.apple.nextmedia.com/entertainment/art/20161014/19799912
製作 公司 取名 飛船 順口 郭藹 藹明 撒嬌
PermaLink: https://articles.zkiz.com/?id=312011

【起晒雞皮】撒嬌的男人好命啲?港女:乸型!打佢囉!

1 : GS(14)@2016-10-27 06:02:43

Jota向珍京撒嬌勁可愛!(《我們結婚了》截圖)



【三個粉絲追韓劇】戲都有得做,話《撒嬌的女人最好命》!但係睇《我們結婚了》嘅假想夫妻Jota同珍京,竟然係老公撒嬌氹老婆,連Jota自己都頂唔順連番大叫,不過觀眾就覺得Jota好可愛。如果你身邊嘅男生們撒嬌,會唔會好命啲?會冧死女定係想煎把佢?



Biu(左)話男仔撒嬌好乸型,Alex話自己唔會撒嬌,好核突!

阿愁(左)話唔buy撒嬌,鍾意強勢男,阿仙話只係接受到男朋友對自己撒嬌。

韓國新晉男團APL成員Seoin示範撒嬌...bb聲...高八度...

事實上,港男港女都唔buy男人撒嬌,女話:「明星就得,普通人會好乸型、想打佢囉!」,男話:「好核突囉!男仔應該有返啲性格!」動主播阿仙話只係頂得順男朋友同自己撒嬌,Viu韓劇導賞員阿愁就話鍾意強勢男,撒嬌呢家嘢咪搞!的確同人唔同命,韓星撒嬌先稱得上係可愛,冧到fans暈陀陀!今集就請嚟韓國新晉男團APL四位成員Seoin、Hyuk、Tin同Daniel(同時係Viu韓劇導賞員)示範點樣撒嬌,bb聲、高八度、扭扭擰擰...出埋「飛機餵飯飯」,可愛定起晒雞皮?你睇片咪知囉!



成員Daniel就話如果撒嬌會講嘢慢啲...扭扭擰擰咁...連佢自己都頂唔順呀!

成員Hyuk話會使出「飛機餵飯飯」呢招!

Hyuk話o依家興「傲嬌男」,表面上唔理你,但係喺背後默默付出。(《奶酪陷阱》截圖)

APL成員Hyuk話,因為韓劇嘅關係,出現咗「친대래남자(傲嬌男)」呢個形容詞。傲嬌男即係表面上扮哂cool,唔理自己鍾意嘅女仔,但係喺背後默默為佢付出。簡單啲講,就好似《太陽的後裔》第二男主角徐大英(晉久 飾),成日擺款、扮cool、扮型,其實勁緊張尹明珠(金智媛 飾)!又好似《奶酪陷阱》嘅男主角劉正師兄(朴海鎮 飾),對洪雪(金高恩 飾)愛理不理,其實處處為佢著想。



就好似徐大英對尹明珠咁,愛在心中。(《太陽的後裔》截圖)

不過,近排最興都係「暖男」。

好似朴寶劍對金裕貞愛護有加,冧死女呀!(《雲畫的月光》截圖)

不過,近期最hit嘅一定係「暖男」,因為《雲畫的月光》拍到男主角世子李韺(朴寶劍 飾)係超級暖男,對洪樂瑥(金裕貞 飾)愛護有加,佢嘅關心同痴情迷倒萬千粉絲!有港女都話鍾意「暖男」多過「傲嬌男」,至少唔使估男朋友諗乜,只係接受佢對自己好就得喇!有港男又話自己係「暖男」,話女朋友病咗會照顧佢,知道戲院凍又會帶定外套畀女朋友着咁話喎!



Kimmy話鍾意「暖男」,好似太陽咁溫暖。

有時撒嬌都有潮流跟,好似早幾年興「귀요미(撒嬌頌)」(右),今年就興TWICE首歌《Cheer Up》中嘅「shy shy shy」。

如果Seoin做嘅話......

主持:動主播阿仙、Viu韓劇導賞員阿愁和Daniel記者及繙譯:卓惠媛(Joyce)攝影:陳家文、李錦鏵《我們結婚了》片段由Viu提供:
https://goo.gl/Yx13PE【三個粉絲追韓劇】
http://hk.apple.nextmedia.com/enews/animation/kfans/




來源: http://hk.apple.nextmedia.com/entertainment/art/20161027/19813074
起曬 雞皮 撒嬌 男人 好命 港女 乸型 打佢 佢囉
PermaLink: https://articles.zkiz.com/?id=313696

鄧萃雯撒嬌識男仔

1 : GS(14)@2016-12-27 12:32:10

鄧萃雯早前為內地主持人金星的電視節目《金星秀》進行錄影,透露自己現時仍是單身。對於外界指她「獨立霸氣」,雯女說:「自己本身是那種有主見及願意不斷嘗試、哪怕跌倒再爬起來,也要不斷成長的堅韌個性,但其實自己也努力嘗試着改變。」雯女表示從未做過撒嬌女人的角色,所以即場示範撒嬌,並獲主持做紅娘介紹男導演給她認識,場面搞笑。撰文:魯吉




來源: http://hk.apple.nextmedia.com/entertainment/art/20161227/19877604
鄧萃 萃雯 撒嬌 識男 男仔
PermaLink: https://articles.zkiz.com/?id=320216

黎諾懿超級擦鞋仔《不懂撒嬌》游生Gordon起衝突

1 : GS(14)@2017-05-13 01:56:25

曾效力亞視17年嘅袁文傑,舊年轉投無綫,最近喺劇集《不懂撒嬌的女人》中,做宣萱同林文龍嘅大老闆游生,嗰種霸氣竟然吸引咗一班網民,尤其係佢同高海寧、唐詩詠游水嗰幕,好多人都讚佢keep得好,連9年前拍旅遊特輯嘅宣傳裸照都拎返出嚟,有網民留言:「袁文傑俾亞視浪費了廿年,好希望佢係TVB發熱發光,為阿仙奴爭一口氣」。對於網民嘅留言,袁文傑接受傳媒訪問:「唔會,我從來都冇呢個感覺,雖然亞視個台比較細,但係工作嘅機會都多,我都拍過好多劇集,做過主要嘅角色,而且又做過大騷嘅司儀,其實成績表ok㗎,雖然外間會有呢個感覺,但係唔可以咁講。」袁文傑:「(亞視)對我自己嚟講,吸收咗好多實戰嘅經驗。」今次喺《不懂》飾演游生嘅袁文傑,佢每次出場都震壓林文龍同宣萱,搞到唔少網民都覺得佢好有霸氣,唔知劇情嘅發展又會係點呢?袁文傑:「大家都知喺劇中我好欣賞林文龍,但係跟住同林文龍、宣萱嘅關係會有180度大轉變,大家會有啲路向唔同,去到中後段,我同文龍都會有啲嚴肅嘅衝突戲,會挽救公司嘅危機。」




來源: http://hk.apple.nextmedia.com/entertainment/art/20170512/20019086
黎諾 諾懿 超級 擦鞋 不懂 撒嬌 遊生 Gordon 衝突
PermaLink: https://articles.zkiz.com/?id=332612

《撒嬌》又嚟裸背唐詩詠走光露內褲邊

1 : GS(14)@2017-05-13 05:34:08

究竟全盛時期嘅林文龍,可以吸引幾多女人埋身呢?講緊嘅係前晚嗰集《不懂撒嬌的女人》,林文龍飾演嘅Gordon又冧掂新女喇,仲有一幕全裸身體貼身體嘅演出。而同一集仲講到王浩信為避開同居嘅唐詩詠,自己沖涼,點知唐詩詠返轉頭去緊廁所時,發現王浩信喺度,搞到佢連褲都未着好就衝出去走人,於是就出現唐詩詠露出內褲邊一幕。




來源: http://hk.apple.nextmedia.com/entertainment/art/20170513/20019817
撒嬌 又嚟 嚟裸 裸背 唐詩 詠走 走光 光露 內褲
PermaLink: https://articles.zkiz.com/?id=332853

中女撒嬌唐詩詠譚凱琪過關46歲宣萱反晒白眼

1 : GS(14)@2017-05-21 13:16:15

近排hit爆嘅4k劇《不懂撒嬌的女人》已經進入結局篇,o依家唔少人喺度估緊個結局,究竟Mall姐(宣萱)同Gordon(林文龍),Saving(王浩信)同Cherry(唐詩詠)最後可唔可以happy ending,相信好快就會揭曉,但係成班演員仍然瞓身咁為套劇宣傳,希望將收視再推高。宣萱同林文龍仲有一班演員將會喺22日搞慶功宴,28號又會齊齊喺商場睇大結局,宣萱、唐詩詠同譚凱琪仲喺「See See TVB」嘅FB專頁,分別演繹子華神講過嘅港女三大金句:「真係㗎?」、「點解嘅?」同「好叻呀!」,雖然唔少人都話港女性格好難頂,又唔識撒嬌,不過對分別36歲同35歲嘅唐詩詠、譚凱琪嚟講好似就冇乜難度,表現唔錯,相反年屆46歲、同鬼妹仔性格嘅宣萱嚟講就真係啲唔習慣,見佢喺鏡頭前撒嬌,性格爽朗嘅萱萱,做出嚟嘅效果都幾爆笑,連佢自己都忍唔住反晒白眼。有網民睇完之後都留言讚譚凱琪最正,亦有人為港女平反,覺得佢哋唔係唔識溫柔,只係睇對象,亦有人覺得每個地方嘅女仔都有自己嘅特色,實在唔需要比較。




來源: http://hk.apple.nextmedia.com/entertainment/art/20170521/20028372
中女 撒嬌 唐詩 詠譚 譚凱 凱琪 過關 46 宣萱 反曬 白眼
PermaLink: https://articles.zkiz.com/?id=333885

《不懂撒嬌》靠亞視人撐起?林文龍林偉大台亞視都做過

1 : GS(14)@2017-05-27 08:54:27

大台劇《不懂撒嬌的女人》就嚟大結局,呢套網仲捧紅咗去年加入大台嘅前亞視小生袁文傑,其實袁文傑參加第4期藝訓班入行,畢業後轉行做模特兒。之後仲加入亞視,一做仲做足17年。除咗佢之外,劇中仲有唔少男演員都同佢一樣去過亞視又轉投大台。當中就包括同佢最多對手戲嘅林文龍同林偉。林文龍喺大台成名就係人都知,其實佢喺1996年短暫離開大台,轉投亞視,仲拍過《殭屍道長II》、《等著你回來》,之後喺99年再回歸大台。直至08年再次約滿離巢,轉戰內地搵人仔,而喺2012年仲加盟香港電視,不過兩年後港視不獲發牌回歸自由身。而今次《不懂撒嬌的女人》喺佢以部頭形式參與拍攝。而林偉方面,同袁文傑一樣當年以模特兒身份入行,87年參演亞洲電視《天橋》開始接觸拍劇,93年仲過檔大台,兩年後約滿,曾到台灣同大陸發展,喺2000年回流香港加盟亞視,至09年離開,2012年重返大台。




來源: http://hk.apple.nextmedia.com/entertainment/art/20170527/20035142
不懂 撒嬌 亞視 人撐 撐起 文龍 偉大 都做 做過
PermaLink: https://articles.zkiz.com/?id=334201

煙韌蜜遊新加坡郭嘉文撒嬌樹熊抱抱李澤楷

1 : GS(14)@2017-06-10 13:09:26

■讀者日前在新加坡Park Royal酒店外,發現李澤楷攬實郭嘉文經過。讀者提供圖片



【爆相爆片】現年50歲的鑽石級富豪王老五李澤楷身邊女伴車輪轉,去年情人節上場的15年度港姐季軍郭嘉文,早前離開無綫後專心做跟得「楷女郎」,日前着牛仔短裙騷長腿陪李澤楷蜜遊新加坡,被當地華僑讀者千小姐透過「爆相爆片」分享,郭嘉文更樹熊上身攬着李澤楷撒嬌,煙韌到暈。



■郭嘉文等過馬路期間,變身樹熊向李澤楷撒嬌。讀者提供圖片

■郭嘉文上月才被拍得陪李澤楷到香港木球會。資料圖片

■郭嘉文(右)日前在Ig上載的晒腿相,打扮跟她在新加坡時一樣。互聯網圖片

沿途有講有笑

日前千小姐接受電話訪問表示,當日傍晚6時許,她經過位於Chinatown的Park Royal酒店,見到李澤楷和郭嘉文攬着行過,千小姐說:「當時佢哋身邊都冇保鑣,初時冇為意佢係李澤楷,因為冇戴帽又冇戴黑超,不過佢哋好似行錯路,當佢哋行返轉頭時,就清楚認到係李澤楷同郭嘉文,佢哋有講有笑好開心,之後郭嘉文見到我影相,佢就刻意扮玩手機,反而李澤楷好似冇留意到。」郭嘉文似乎好鍾意着粉紅色,繼上月中着粉紅衫陪李澤楷到香港木球會,這日再以迷人pink lady襯牛仔裙,而李澤楷就着白色polo恤襯牛仔褲,雖然兩人年紀相差26年,但打扮十分合襯,身為名人的李澤楷毫不避忌,親熱地搭着郭嘉文香肩浪漫街頭,當兩人停下等過馬路時,郭嘉文更變身樹熊撒嬌,雙手箍實李澤楷投懷送抱,表現跟一般情侶無異。


回應只談公事

李澤楷和郭嘉文於兩個月內已三次被捕獲拍拖,記者聯絡李澤楷問到是時候公開戀情嗎?他以英文短訊回覆:「抱歉!只問有關公事問題吧。」轉問今次到新加坡是否公幹?他表示:「對不起,正在食午餐。」完全避答感情問題。採訪:皓騫




來源: http://hk.apple.nextmedia.com/entertainment/art/20170608/20047860
煙韌 韌蜜 蜜遊 新加坡 郭嘉 撒嬌 樹熊 抱抱 李澤楷 李澤
PermaLink: https://articles.zkiz.com/?id=334969

《撒嬌》半裸彈出楊家寶宮女造型學偶像上位

1 : GS(14)@2017-06-10 13:30:42

林文龍喺早前嘅大台劇《不懂撒嬌的女人》入面演型佬,幾乎成日都有女性都對佢心心眼,其中楊家寶半裸從後胸襲林文龍,簡單幾鏡就交代咗佢哋共度一刻春宵。楊家寶12年加入第26期藝訓班,加入咗大台5年,之前喺《愛.回家》同黎諮懿飲醉酒、喺第二輯《愛.回家》就短暫介入黃翠如同張繼聰感情。楊家寶之前接受傳媒訪問講過,偶像係同樣係藝訓班出身、奪得視后嘅楊怡。楊怡喺09年憑《宮心計》金鈴一角,贏咗個「我最喜愛的電視女角色」,咁啱楊家寶都有份演《宮心計2.深宮計》,雖然只係小宮女一名,但都叫做邁向偶像一步。




來源: http://hk.apple.nextmedia.com/entertainment/art/20170609/20049534
撒嬌 半裸 裸彈 彈出 楊家 宮女 造型 偶像 上位
PermaLink: https://articles.zkiz.com/?id=335109

【add時尚:紅人主場】劉心悠 我不懂撒嬌

1 : GS(14)@2017-07-01 09:53:50

Carven上衣Roberto Cavalli西裝褸、長褲Christian Louboutin尖頭鞋



溫婉靚樣,嬌滴滴外形,柔和聲線說着半鹹淡廣東話,36歲劉心悠堪稱擁撒嬌女人的完美package,惟她未有因此覓得另一半照顧。由台灣來港發展十多年,心悠自認或多或少傳承本地女強人的堅毅,不過密密拍電影的她偶爾也有軟弱、需要被關懷,「開工好早,當你搵唔到人同你傾偈、食早餐。覺得如果有人得閒就好喇,但又唔會覺得需要對方係男人。」總之,有人陪伴就好。



相比起「台妹」,劉心悠更適合「港女」稱號,所指的是女強人特質,「我從來都唔係溫柔嬌嗲!欣賞香港女仔獨立,同埋堅強,香港好多女強人,台灣比較少啲,我或多或少傳承到香港女人嘅堅毅。」心悠不覺得台灣女生特別懂得撒嬌,「係語言上嘅barrier,尾音有囉、呀,呢啲重啲,聽起嚟好似好溫柔,easy going啲,傾偈時唔會表達立場,好似順啲、圓滑啲,但香港女仔係,佢唔認同嘅,就會唔驚咁表態。」自己介乎兩者之間,「圓滑得嚟需要表達自己立場,女仔溫柔還溫柔,但唔可以失去自己個character,如果唔係就會矮咗。」



Rosie Assoulin格仔上衣Roberto Cavalli牛仔褲Dior頸飾、戒指Christian Louboutin尖頭鞋

Chloé連身裙


要同男人一樣

做人要有個性,心悠不論對着男或女,說話都堅持用同一聲線,撒嬌、講叠字的對象僅限長輩。她即場舉例,「長輩問呢排攰唔攰,我會話呢排攰攰哋。」我的天!原來她真的不懂撒嬌。不過工作太忙,有時都會變得嬌弱,「開工好早,當你搵唔到人同你傾偈、食早餐,覺得如果有人得閒就好喇,但我又唔會覺得需要對方係男人,其實係accompany去陪住我。」閨蜜們未必能隨傳隨到,「煞科後會call佢哋出嚟,佢哋覺得我消失咗半年,好擔心我得唔得,其實都好開心,只係?家係你available時,佢哋唔available。」在新片《女人永遠是對的》扮演事業成功OL一角,被傳整容而飽受委屈,影響工作機會,直至遇上方力申飾演的踏實型男士,才突破心理關口,自在過活,心悠覺得某程度上演回自己,「我覺得係我囉,如果將我擺喺呢個situation,受到critic時我都未必騷出嚟。」戲名非常女人主義,她亦堅信女權,「要時時相信自己係啱,先至有動力去push自己做到男人一樣。」



■心悠在檳城拍攝《女人永遠是對的》兩個月,與方力申飾演一對。

研究點咀小方

心悠認識方力申多年,合作拍戲卻是首次,喜劇手法自然多笑料,「開工第一場已經係吻戲,仲要係我主動kiss佢,導演唔想我一開場就kiss佢個嘴,就由其他地方kiss,同導演研究kiss呢邊好,定kiss另一邊好,唔當佢係個人。」回想起來才覺得尷尬,「但當時諗住營造好浪漫嘅感覺出嚟。」目前心悠正在橫店拍攝無綫古裝劇《深宮計》,之前已拍了三個月廠景。明知用三機製作,拍攝快、多產,搞到演員冇得瞓,時間調配上比內地劇緊湊,心悠亦敢於挑戰,原來是因為他!「記得以前成日睇到羅仲謙拍緊劇,好眼瞓,嗰時我就同自己講:『冇理由佢做到,我做唔到』,個個都話好辛苦,唔係自己去體驗,你唔會明白,做演員點都要試一次。」並笑說每個人見到她,第一句都問是否很辛苦,「唔係用辛苦嚟形容,係好開心,好多得着,我覺得非常值得,人生中難得可以chur三個幾月,瞓得好少。」



■除了飲蔬果汁,心悠捱更抵夜拍戲時還常吃水果。

【拍戲調理】

每次煞科後,心悠都會放假唞一唞,這次入劇組,日以繼夜拍攝多月,每日只睡幾小時,主要靠中藥調理、飲蔬果汁補充維他命C增強抵抗力,對長假訴求更強烈。心悠說:「想調整自己身體狀況,長期咁chur,內臟失去應有balance,盡快調整正常瞓覺時間、食嘢方法,如果唔係會病。精神好,玩都開心啲。」



更多精采時尚內容,盡在http://add.appledaily.com




來源: http://hk.apple.nextmedia.com/entertainment/art/20170629/20071837
add 時尚 紅人 主場 劉心 心悠 我不 不懂 撒嬌
PermaLink: https://articles.zkiz.com/?id=337232

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019