ZKIZ Archives


誇口八年成全港一哥中環在線:王維基要揮低小小超 李華華


2008-11-26  AppleDaily


 

城 市電訊(1137)創辦人、曾幾何時有「電訊魔鬼」之稱嘅域奇.王維基,為咗令公司更上一層樓邁向國際化,好早之前已經宣佈退居幕後領軍,務求洗去個人色 彩,但唔知係咪個市場get唔到佢呢個message,搞到仲係公司Chairman嘅佢,要喺自己本年報度,以Q&A形式整番個《主席訪談》, 重申自己唔會賣咗一生心血,仲相信城電會繼續發展落去,最終成為百年老店,認真唔講得笑。

前提係電盈除牌

華華覺得佢直情係想 挑戰老大電訊盈科(008),點解?因為域奇話,集團未來發展方向好清晰,「到2016年成為全港最大的新一代網絡供應商……」明顯係講畀對家八號仔二少 (李澤楷)聽。至於管理層點解有咁大轉變?「我們是一家基建公司,不會接受他人的收購意見,這個集團屹立不倒,比我和另一位創辦人(佢表哥張子建)的生命 時間更長,因此要建立系統確保……」咁又係,唔係個個好似六叔咁百幾歲人,長命之餘仲做緊CEO!域奇又話,要喺2016年做到香港No.1,係一個「宏 大驚險大膽目標」。即係咁,若果對家二少真係用四個二銀錢一股成功私有化電盈,咁城電就有機會取代電盈做「香港百年(上市)老店」,實現域奇嘅願望。

董事個個加人工

至 於話「宏大驚險大膽目標」嘛,講真,呢樣嘢就點都未追到二少嘞,一時賣盤一時賣資產,衰咗之後又話私有化,郁吓都幾百億上落,呢方面域奇仲有排向二少學 習!其實又唔止公司文化成功嘅,睇睇今年年報,喺環球金融海嘯下,佢哋成個董事局個個都有人工加,呢的咪叫成功囉!李華華 LiWaWa@AppleDaily.com
誇口 年成 全港 一哥 中環 在線 維基 要揮 揮低 小小 華華
PermaLink: https://articles.zkiz.com/?id=4143

中環在線:公司管治內企揮低港商


2008-12-04  AppleDaily


 

由小賭王何猷龍做主席嘅香港上市公司商會,今年第二屆搞「香港公司管治卓越獎」。據大會講,今年遇着金融海嘯,參加嘅公司少咗。

攞三分二獎稱霸

咁 都好正常,咁多嘢要應付,仲邊得閒去比賽爭獎吖。照咁講,係咪冇咁受海嘯影響嘅企業,先至有「閒情」參加呢?睇番得獎名單,都可能有啲頭緒,因為9間得獎 嘅公司,6間嚟自內地,佔咗三分之二,包括建行(939)同神華(1088)等(見表)。咁好多人都話,受金融海嘯影響最細嘅國家會係中國,咁呢份名單係 咪已經畀咗答案大家呢?小賭王話,呢啲時勢,正可以睇到間公司嘅公司管治係咪做得好,尤其近排香港以至全球多間金融機構同公司陷入困境,其實呢啲公司只要 建立健全嘅公司管治架構,佢哋嘅問題有部份可以及早解決喎。

08年公司管治卓越獎名單

主板(恒指成份股)建行(939)、神華(1088)、工行(1398)、平保(2318)、中海油(883)*主板(不包括成份股)中鐵(390)*其他主板及創業板葉氏化工(408)、佐丹奴(709)、瑞安建業(983)*評委嘉許
中環 在線 公司 管治 內企 企揮 揮低 港商
PermaLink: https://articles.zkiz.com/?id=4360

天價拍劇顯一姐地位李英愛每集袋220萬揮低金秀賢

1 : GS(14)@2015-05-05 22:56:35

■李英愛被爆收每集近220萬港元接拍新劇《師任堂》,認真和味。


現時韓流正處於高峯期,韓國藝人在韓國本土及海外的身價都因而水漲船高,而近日有韓國節目就踢爆正在拍攝新劇《Producer》的男神金秀賢及其勁敵李敏鎬,兩人單單拍劇就收每集近1億韓圜(約72萬港元)的演出費,非常和味,不過二人卻不及將以新劇《師任堂》回歸公仔箱的經典韓劇女星李英愛,韓媒估計她每集連海外版權費收取220萬港元的酬勞,難怪事隔12年未有拍劇的愛姐都被打動。現年44歲的李英愛,於2003年憑經典神劇《大長今》而被封為韓流的一代始祖,雖然其後愛姐於2009年結婚及於2011年誕下龍鳳胎而以半退休狀態做全職媽媽,遲遲未有接拍新劇,但間中亦會出席公開活動露面,不過愛姐在韓劇界的地位及身價仍然屹立不倒,愛姐每次現身都引來高度關注外,早前她落實演出新劇《師任堂》更於韓國及亞洲掀起熱話。



拍20集淨袋4千萬

對於有近12年未有拍劇的愛姐決定落實接拍《師任堂》,大家都非常好奇箇中原因,而近日韓國早晨節目《姜勝華的演藝手冊》就踢爆原來愛姐以每集近1.5億韓圜(約110萬港元)演出費接拍新劇,再加上海外輸出版權費用,愛姐更被預計可收取每集近3億韓圜(約220萬港元)的演出費,根據韓劇一般會播出20集的推算,愛姐拍畢《師任堂》就可收取逾4,400萬的演出費,受到如此龐大的金錢引誘,難怪愛姐都點頭接拍。至於現時正在拍攝KBS新劇《Producer》的亞洲男神金秀賢亦被爆在韓劇界跟其勁敵李敏鎬及《看見味道的少女》男星朴有天處於相同的高價位,三人都以每集近1億韓圜(約72萬港元)作為演出費,齊齊緊於大前輩愛姐之後。近期先後到內地發展的韓流天王Rain就被公開收總數60億韓圜(約4,300萬港元)的演出費拍攝40集內地劇《克拉戀人》,而其女友金泰希就收每集7,000萬至8,000萬韓圜(約50至57萬港元)的演出費接拍內地劇《書聖王羲之》。而曾跟「國民弟弟」俞承豪演出韓片《伴我走天涯》的狗仔亦收超過5,000萬韓圜(約36萬港元)的演出費,認真好賺。



■正在拍攝新劇《Producer》的金秀賢價位甚高,收每集72萬港元的演出費。

■憑《繼承者們》而成為男神的李敏鎬(圖),演出費與金秀賢睇齊。


■Rain和女友金泰希不時傳出結婚喜訊。

Rain父恨飲新抱茶

另外,Rain跟拍拖兩年多的女友金泰希早前再被傳訊Rain的爸爸昨日就首次開腔回應:「他們現在對結婚還未到要討論的階段,我們至今互相也還沒行過見面禮,雖然想讓兩人快點結婚,但不是我能控制的事情。」暗示想仔仔早點成家立室。撰文:金美兒


■孔孝真前晚在便利店內趕拍《Producer》戲份。

拍檔趕劇:孔孝真便利店吔麵

男神金秀賢拍劇酬勞每集達72萬港元,其主演的新劇《Producer》下周五先有得睇,不過劇迷已經很心急,四出打聽劇組在哪兒開工,希望先睹為快知道劇情。前晚,有劇迷在首爾合井站的便利店偶遇女主角孔孝真和一名男子正在拍攝外景,現場未見金秀賢或IU。當時孔孝真打扮隨意,站在便利店內望街的玻璃窗前吃杯麵,旁邊還放了一支茶類飲品。劇迷大讚孔孝真漂亮,不過就指工作人員為了防止劇情曝光而不准拍照,最後劇迷惟有趁搭車經過時偷影。





來源: http://hk.apple.nextmedia.com/entertainment/art/20150505/19135578
天價 拍劇 劇顯 顯一 一姐 地位 李英愛 每集 集袋 220 萬揮 揮低 金秀
PermaLink: https://articles.zkiz.com/?id=290173

揮低兩大索女 Coffee溝掂半億筍盤

1 : GS(14)@2016-03-16 16:13:18

2016-03-09 EW

現年二十六歲的林芊妤(Coffee)桃花旺盛,不時有狂蜂浪蝶在身邊出現。早前,更被發現跟逾半億身家的筍盤Jeff同行逛街,兩人關係耐人尋味。

本刊發現,近日Coffee和Jeff的感情似邁進一大步,兩人餐廳密會撐枱腳之外,她更帶男方見家長。據悉,Coffee已成功fight低兩大情敵:趙哲妤和鄭伊娜,將金龜釣到手!

投資公司老闆

早前,林芊妤(Coffee)被發現跟半億身家的筍盤Jeff孖咇逛街,當時她聲稱對方是自己的瑜伽學生,兩人只是普通朋友。消息曝光後,年約四十歲的Jeff迅速被大起底,男方被指是出身銀行世家的金融才俊,現職投資公司的老闆,坐擁逾半億身家。

而男方過去的情史,亦艷福不淺,曾與前中國小姐趙哲妤傳緋聞,兩人經常被影到出雙入對斷到正。此外,在兩人交往期間,Jeff又被傳移情別戀,狂追前亞視藝員鄭伊娜,兩人還頭貼頭影合照,關係認真七國咁亂。

不過,筍盤Jeff疑似一腳踏三船,Coffee卻似乎最遲來先上岸。早前,本刊發現,Coffee和Jeff密會開餐,相約於灣仔一間韓國燒肉店撐枱腳,兩人食飯食足兩小時後,才結伴離開,然後一同步往附近的「灣仔188」商場,探望在商場內開鋪賣電玩遊戲的Coffee母親。兩人接Coffee媽收工離開,並送她到附近的港鐵站,Jeff與Coffee兩母女同行時,邊行邊傾表現熟絡,睇得出Coffee帶同Jeff見家長,肯定不是第一次。

送走阿媽後,Coffee和Jeff繼續漫步行往金鐘方向,兩人在港島香格里拉酒店一間室外酒吧坐低,燭光下摸住酒杯底歎紅酒,浪漫談心。記者所見,Coffee不時更將身軀挨近Jeff的肩膀, 耳邊喁喁細語,態度親暱,關係殊不簡單。

跟買股票贏錢

據悉,Coffee身邊雖然不乏有財有勢的裙下之臣,但跟Jeff卻發展神速,原來是因她近月備受家事困擾,男方不時從旁開解,打動芳心。知情者說:「Coffee屋企人唔生性,早排有啲財務問題,搞到佢情緒都幾低落,梗係想有個男人喺身邊挨傍吓,咁就撻着咗。」知情者又透露,Jeff投資股票非常在行,Coffee跟他買「冧把」屢有斬獲,自然十分欣賞對方的本事,「Coffee不嬲話唔會靠男人,Jeff唔係現兜兜畀錢佢使,係畀股票貼士佢贏錢,佢咪更加覺得個男人尊重自己囉!」近月,Coffee更常被發現出入男方位於跑馬地寓所過夜,見面為名,mark住筍盤為實,防再有「閒花」埋Jeff身。

江湖猛人狂追送厚禮

身材惹火的Coffee,一直桃花大旺,前年六月,與利達國際集團接班人林知譽(Will)傳出緋聞。

其後,Coffee和羅天宇多年之前的親嘴密照,突然流出,揭發兩人舊愛關係,她澄清是被朋友出賣。

去年十月,傳出江湖猛人「上海仔」郭永鴻狂追Coffee,開派對為她慶祝生日,更送馬讓她榮登馬主,但她否認跟對方交往,更聲稱大家是「唔熟朋友」。

撰文☆錢慧 攝影☆錢慧、吳子生 設計☆李浩然
揮低 低兩 兩大 大索 索女 Coffee 溝掂 掂半 半億 億筍 筍盤
PermaLink: https://articles.zkiz.com/?id=298202

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019